حذف الصور نهاااائيا من الاجهزة ..... حصريا على شبكة الاسهم

[يراعٌ فراتي]

السلام عليكم

اتمنى من الادارة ابقاء الموضوع في الحوار العام للفائدة والاهمية .

الاغلب يصورون اهلهم وبناتهم
واغلب البنات يصورون انفسهم ورفيجاتهم

ولكن يوم يجون يبيعون الجهاز ينسون انه في ناس تقدر ترجع كل شي وخاصة الصور

المهم عندي طريقتان لحذف الصور الاولى بواسطة تعديلها ببرنامج الرسام او اي برنامج تعديل صور
والثانية تعديلها بواسطة برنامج المفكرة .

نبدا بالطرية الاولى :


طرية الرسام
مشروحة بمشارركتي التالية


عمليا يمكن ارجاع الملفات حتى لو استبدلتها بملفات اخرى

والكلام من واقع تجربة شخصية

عندي ميموري كارد 2 غيغا صورت فيه وبعدها سويت فورمات

ونسخت عليه صور بحجم 2 غيغا مرة ثانية ومسحته وسويت فورمات

ورجعت كل الصور القديمة والجديدة

يعني بالعربي ميموري 2 غيغا استطعت ان استرجع منه ملفات بحجم اكثر من 3 غيغا

=========

فالطريقة غير مجدية


============

افظل طريقة شفتها وجربتها

1- اني افتح الصورة ببرنامج تعديل الصور واحددها كامل وامسح الصورة
2- ارجع اضيف خلفية لون اسود كامل على الصورة
3- احفظها بنفس الاسم
4- امسح الصور
5- اسوي فورمات
6- برنامج ديسك سيكيورتي احدد الميموري و امسح الملفات المتبقية
وبالعافية عليكم

جربوها واذا حد رجع الصور يجي يحاسبني

ودعواتكم

بس الافضل ابعد عن الشر وغني له
هني حتى لو رجعها بترجع له صورة سودا

انا متبع سياسة عدم التصوير

واذا صورت مستحيل ابيع او اكسر الميموري



الطريقة الثانية طريقة المفكرة :


سهلة وبسيطة جدا

نفتح الصور بواسطة برنامج المفكرة " notepad"

راح تطلع لك كتابات بشكل غريب عجيب رموز وطلاسم

http://www.qatarshares.com/vb/attachment.php?attachmentid=81925&stc=1&d=1352545043

ما عليك الا انك تمسحها كلها

وتسوي حفظ

حاول تفتح الصورة

راح تشوف انها ما تفتح

امسح بعدها الصور

وسوي فورمات

ونزل برنامج كلين دسك سيكيورتي عشان يمسح كل الملفات المؤقتة

يمكن الطريقة طويلة ولكن مضمونة ومفيدة لان اذا طاحت الصورة في يد واحد ما يخاف الله يمكن يبتزها او ينزلها مع تفاصيل تضر البنت وتضر سمعتها


والله يحفظنا ويحفظكم

[يراعٌ فراتي]

دعوووووووووووووووواتكم

اخوكم يراع

[بصمة قطرية]

الله يجزاك خير
في ميزان حسناتك ان شاءالله ،،

بالنسبة لي يفضل عدم بيع الجهاز ..
اتلافه و لا بيعه ،،

[بوخالد911]

1 من ربعي ما يبيع جهاززه كللللللللللش

يفضل تكسيره ولا يبيعه

[عاهد بن علي]

جعله في ميزان حسناتك

[puree]

ماقصرت والله ياخووي

الله يجزاك خير


اتمنى نشررره فالبلاك بيري وغيره ...


لاهنت

[ام ناصر1]

شكرا جزيلا ع المعلومات ..القيمة من يراع وباقي الاخوة

[قطررية كشخه]

يعطيك العافيه اخوي

[محب قطر 64]

الكومبيوتر والجوال مالها أمان الأتلاف افضل

[نورهان88]

مستحيل ابيع جهازي اذا مليت منه
احطمه كلش ,,,,

[وليف قطر]

صحيح عزيز ..

هنا انت غيرت الصوره .. ماحذفتها

او بمعنى اصح صارت صوره ثانيه ..


لكن قصة انك تحذف الصوره مثل ماهي بأي طريقه كانت ف إسترجاعها سهل

الا عن طريق عمل Wipe بجهاز مخصص موجود في

الحكومه الالكترونيه < جزاهم الله خير :weeping:


الله يجعله في ميزان حسناتك

[penguin]

شنو اسم البرنامج اللي يرجع الصور

[بواردي]

شباب اللي عنده بلاك بيري ينشر للفائدة

الله يجزاكم خير

[قطري]

والصور القديمة الي مسحتها ونسيتها؟؟؟ :unsure:


الكومبيوتر والجوال مالها أمان الأتلاف افضل
فعلاً كلامك صحيح 100% اخوي

[وليف قطر]

^

اي شي عندك سواء كان في ميموري كارد او فلاش يرد .. دام انه انحذف فقط

افضل طريقه في رايي .. تاخذ الميموري الله لا يهينك .. وتحت التاير

خل اعطبته توصل مسيعيد / هني ارقد وااامن

[خليفـة]

عندي جلاكسي اس 3
كانت فيه مقاطع فيديوا لسفرتي الأخيرة
وانمسحت
من يقدر يرجع لي المقاطع بشيمة ولا بقيمة !
اكون شاكر له

خليفــة

[يراعٌ فراتي]

اخوي قطري
موضوعنا عن اللي تبي تحذفه

يعني خطوات قبل الحذف

اما اذا حذفت فالافضل ما تبيع والافضل هو الحفظ على الميموري

عشان تقدر تكسره او تتلفه اذا ما تبي تبيع

لان للاسف البعض يقول اخشه فالبيت وخلاص

لاتنسى انه يمكن ينسرق يمكن يضيع

يمكن الخدم او حد يطيح عليه

يعني خلك فالسيفتي

[النهار]

الله يجزاك خير

[غزلان]

جزاك الله خير

[ريتويت]

السلام عليكم اخوي.. عندي استفسار انا اليوم رحت لمحل تليفونات وسوالي فورمات .. هو ايفون.. هل ممكن يصير شي!!

[puree]

^^
الأفضل الواحد يتعلم بنفسه شلون يسوي فورمات حق اي جوال

ترى سهل و الشروحات انواع وأشكال فالنت تبي كتابي تبي شرح بالفيديو كل شي موجود



الحمدلله ولا عمري وديت كمبيوتر لي اي محل او حتى الشركه

اي مشكلة راح تحصل حلها في النت ..


حتى الجوال .. كل الجواويل اللي خذتها ولا مره وديتها محل عشان يصلح لي شي :)



الشيخ قوقل مايقصر

[ريتويت]

ممكن اخوي اللنك للافاده؟؟؟ برنامج الفورمات جزاك الله خير

[يراعٌ فراتي]

اجهزة الايباد والايفون والايبود

تعتبر الاصعب في ارجاع المعلومات المحذوفة ولكنها ليست المستحيلة

اما باقي الاجهزة يكفي ان توصلها بالوضع يو اس بي وكانك وصلت فلاش ميموري

وبعدها تسوي اللي تبيه

بالنسبة للاخت اللي تسال عن برنامج حذف الملفات بعد الفورمات

اسمه

Clean Disk Security


اللي يحب يجرب يجيب له ميموري

ويحفظ عليه صورة عادية

ويطبق الطريقة اللي قلت عليها

ويحذفها ويفرمت وينظف بالبرنامج

ونشوف بعدها اذا بترجع ولا لا

[يراعٌ فراتي]

اختي سكر نبات

الفورمات يعتمد على نوع الجهاز

نحن نتكلم عن عدة اجهزة

جالكسي - ايفون - لاب توب - كيمرا .......؟


ممكن نعرف شنو الجهاز اللي تبين تفرمتينه

والاهم هو نسخ البيانات المهمة من ارقام وما شبه

مو تفرمتون عقب تستلموني دعااااااااااوي

[Ahmed25]

الحل الاسهل اخي الكريم انك ما تبيع جهازك ! كم راح يجيبلك ؟ الف ريال ولا الف و خمس ؟

خله عندك و ريح راسك ، و الله انه اجهزتي اللي من 10 سنوات للحين كلها عندي !

[ohlaladesign]

موضوع مميز

يعطيك العافية

[النهار]

يعطيك العافيه اخوي