هذا مخطط بيتي .. افيدوني برايكم بارك الله فيكم [الأرشيف]

مشاهدة النسخة كاملة : هذا مخطط بيتي .. افيدوني برايكم بارك الله فيكم

مواقف النجادة

10-11-2012, 03:31 PM

السلام عليكم..

هذا مخطط منزلي المبدئي .. اذا حد يقدر يفيدني بملاحظة او نصيحة ياريت يقولها .. وبارك الله فيكم..

http://farm9.staticflickr.com/8487/8171827152_05b30a6c34_b.jpg

http://farm9.staticflickr.com/8348/8171795083_30d0dbd4a3_b.jpg

معماري قطري

10-11-2012, 07:31 PM

حلو إن شاء الله ولا بد بيتحسن أكثر

رايي لو تصغر شوي الملحق من ناحية العرض بدال 5.4 متر تخليه 4.4 كفاية وتسحب البيت شوي يمين بيزيد عندك عرض الحوش متر.

لو المدخل تسحب الدرج شوي تحت وتسوي باب قزاز وتخلي باب الصالة خشبي وممكن تفتح باب المجلس في الفراغ مال مدخل البيت بدال ما ينفتح على الخارج، وفي هالحالة ما تحتاج لباب ثاني على الصالة بهالعرض الكبير ممكن تسويه صغير 90 سم.

فكر في مصعد في الفراغ اللي وسط الدرج.

غرفة الطعام العائلية لو تحرك الأبواب المتقابلين شوي فوق تبدأ الباب بعد 70 سم من الحايط وتخلي كاونتر 60 سم على طول الحايط حق تحضير الأكل وتكون فيه مغسلة للصحون ومكان للثلاجة والمساحة بتكون كافية لطاولة حتى لعدد 12 شخص للطعام.

الباب اللي تحت للملحق من الحوش لو يوصل ويغطي على مكان غسيل الملابس بيكون أحسن وهذي المنطقة ممكن تغطيها بسقف شفاف يدخل النور .. قصدي الممر بين الملحق والبيت .. وحلو تسوي دريشه تطل على الممر في غرفة الطعام.

باب المطبخ الخارجي لو سحبته شوي تحت وخليت الكاونتر مال الطبخ من ثلاث أجزاء بس وفتحت باب في الوسط من المطبخ على الستور أحسن بيكون وأرتب وأنظف، وبتكون ميزة إنك نزلت الباب شوي وحركت باب غرفة الطعام فوق يكونون البابين شبه متقابلين لسهولة الحركة.

الباب اللي يدخل من السور على المجلس ما له داعي بيكون.

للسيارات المظلة 3 في 6 تكون مقاس مريح .. يعني لسيارتين تحتاج 6 في 6 وعلى فرض إحنا حركنا البيت متر يسار بيستوي عرض المظلة 6.6 متر وطولها 12 متر وهذي المساحة بتكفي لأربع سيارات ورا بعض .. بس يستحسن تسوي فتحة الباب أكبر شوي 5 متر معقولة بتكون.

فكر في طريقة أحواض الزراعة وتوزيعها في الحوش... وشيء طبيعي المنهولات وحوض الصرف الصحي لو ماكان متوفر رئيسي حكومي.

لو قدرت تصغر الممر بعد بين الملحق والبيت بتستفيد أكثر من نص متر لباقي الحوش يسار لأن مترين عرض ما تستفيد منه وبيقل عندك عرض المظلة إلى 6.1 متر وتقدر تسويها بدون أعمدة معلقة من حايط البيت للسور .. انا 8 في 12 مسويها معلقة وبدون عمود.

الحمامات كلها اللي عرضها مترين توزيعتها خلها أول ما تدخل تحصل المغسلة بعد فتحة الباب خل نقول مقابلة تكرم الكرسي وتقدر لو حبيت تضيف بديه.

باكمل للدور الفوقي بعدين إن شاء الله.

معماري قطري

10-11-2012, 08:38 PM

بالنسبة لفوق .. عندك الصالة مفتوحة وبتسوي لك مشكلة مع الصوت للتلفزيون لو سكرتها من طرف باب الغرفة اللي تحت يسار شكل ما في الرسمة بحاجز قزاز بتكون أحسن، وتخلي لها باب على جنب وتسوي الجلسة شكل حرف اليو والتلفزيون في الوسط على الحايط.

باقي جزء الصالة من الدرج تقدر تسوي لك سكاي لايت فيه وسطي مستطيل وهرمي وممكن تسويه حتى 1.6 في 4 مثلاً تعطيه طول بيعطي الصالة شراحة أكثر ونور.

الدرج أنصحك تكمله للسطح ولو كان في وسطه بيت اللفت بيطلع وايد عملي وحلو.

لو غيرت مكان البانتري وخليت مكانه مخزن وخليته على الحايط مقابل لمكانه الحالي بنظام مفتوح على الصالة بيكون وايد أحلى .. إنت ما تحتاج الا مغسلة بسيطة صغيرة وثلاجة وسخان ماي للشاي ويمكن ميكروويف، وكاونتر بسيط للتحضير ولازم بتحصل مكان لطاولة صغيرة وأربعة كراسي لريوق سريع مثلاً ولا وجبة خفيفة... والبانتري تسويه بخشب بيعطيك شكل حلو وبيكون عملي ويكون لاصق في الحايط .. انا سويت نفس الشيء بس زدت عليه فرن كهربائي وشفاط للدخان يطلع لفوق السطح للخارج وما استعملت الفرن كلش .. بس سويت البانتري في كسرة في الحايط ومفتوح على الصالة بدون باب.

لو تبغي أرتب لك أكثر عطني فايل الاوتوكاد باسوي لك توزيعة الأثاث .. ملاحظ إنه بتواجهك مشكلة مع صغر الكبتات عندك .. في الغرفة الرئيسية غرفة الملابس عرضها حلو 240 سم ولو سويت باب في الوسط 90 سم بتبقى عندك 150 سم تقدر تسوي على الجنبين تفصيلة كبتات مفتوحة بدون أبواب لسهولة الوصول للملابس وأدراج أو رفوف .. حطيت صور لهذي النوعية من الخزاين .. والباب خله عادي ليش سلايدنغ بيكون مزعج شوي .. بس بتواجهك مشكلة باب الحمام وأكيد ما تبيه ينفتح على الغرفة .. وفي هذي الحالة تقدر تسويه وسطي ويندخل له من غرفة الملابس ولازم تسوي غرفة الملابس كبتات بأبواب .. عندك طول الحايط 290 سم بتشيل منها 90 سم للباب + 10 سم من كل صوب لبرواز الباب وتحتاج حول 20 سم إضافية لسويشات الليت والمروحة .. يعني بتصفي على متر وستين سم لكبت + 290 سم وهذي إن شاء الله تكون مساحة تخزين ثياب كافية مع اني أشك في ذلك، وضروري يكون عندك خزانة حائط ثانية في باقي الغرفة.

jassimqtr

10-11-2012, 10:01 PM

jassimqtr

10-11-2012, 10:07 PM

Bozizoo

10-11-2012, 11:12 PM

اخوي في بيت مثل البيت مالك بس على ارض اصغر روح شوفه
في معيذر توني اليوم شايفه وضايف عليه الرجال بيسمنت

مهره

10-11-2012, 11:29 PM

ليش مافي غرفه طعام للمجلس

مواقف النجادة

11-11-2012, 04:22 AM

ماشاء الله يا اخ معماري ردك على موضوعي شامل ووافي ومن واحد خبير الله يجزاك خير .. في كثير من النقاط اللي استفد منها و راح اطبقها ان شاءالله

حلو إن شاء الله ولا بد بيتحسن أكثر

رايي لو تصغر شوي الملحق من ناحية العرض بدال 5.4 متر تخليه 4.4 كفاية وتسحب البيت شوي يمين بيزيد عندك عرض الحوش متر.

عدل كلامك بس ان شاء الله بسوي جزيرة (طاولة) في نص المطبخ وعشان جذيه زدت العرض

لو المدخل تسحب الدرج شوي تحت وتسوي باب قزاز وتخلي باب الصالة خشبي وممكن تفتح باب المجلس في الفراغ مال مدخل البيت بدال ما ينفتح على الخارج، وفي هالحالة ما تحتاج لباب ثاني على الصالة بهالعرض الكبير ممكن تسويه صغير 90 سم.

بخصوص الباب القزاز فكرة ممتازة وانشاء الله بسويها.. بس باب المجلس يهمني انه يكون بعيد عن العايلة والحريم.

فكر في مصعد في الفراغ اللي وسط الدرج.

الفكرة موجودة باذن الله ..على هيكل حديدي و زجاج.. نفس اللي في مطعم وافي اللي في اللاند .. اذا ما سمحت الميزانية!

غرفة الطعام العائلية لو تحرك الأبواب المتقابلين شوي فوق تبدأ الباب بعد 70 سم من الحايط وتخلي كاونتر 60 سم على طول الحايط حق تحضير الأكل وتكون فيه مغسلة للصحون ومكان للثلاجة والمساحة بتكون كافية لطاولة حتى لعدد 12 شخص للطعام.

والله فكرة زينة.. بس دام المطبخ قريب اوفرلي بدون كاونتر

الباب اللي تحت للملحق من الحوش لو يوصل ويغطي على مكان غسيل الملابس بيكون أحسن وهذي المنطقة ممكن تغطيها بسقف شفاف يدخل النور .. قصدي الممر بين الملحق والبيت .. وحلو تسوي دريشه تطل على الممر في غرفة الطعام.

والله ودي.. بس المشكلة دريشة غرفة الخدم .. الاهل مصرين انها تفتح على الخارج وليس على الممر.

باب المطبخ الخارجي لو سحبته شوي تحت وخليت الكاونتر مال الطبخ من ثلاث أجزاء بس وفتحت باب في الوسط من المطبخ على الستور أحسن بيكون وأرتب وأنظف، وبتكون ميزة إنك نزلت الباب شوي وحركت باب غرفة الطعام فوق يكونون البابين شبه متقابلين لسهولة الحركة.

هالحايط مخليه كامل حق الثلاجات ..ماعليك من الكاونتر المهندس راسمه بالغلط.

الباب اللي يدخل من السور على المجلس ما له داعي بيكون.

للسيارات المظلة 3 في 6 تكون مقاس مريح .. يعني لسيارتين تحتاج 6 في 6 وعلى فرض إحنا حركنا البيت متر يسار بيستوي عرض المظلة 6.6 متر وطولها 12 متر وهذي المساحة بتكفي لأربع سيارات ورا بعض .. بس يستحسن تسوي فتحة الباب أكبر شوي 5 متر معقولة بتكون.

بارك الله فيك .. بكلم المهندس يكبر الباب

فكر في طريقة أحواض الزراعة وتوزيعها في الحوش... وشيء طبيعي المنهولات وحوض الصرف الصحي لو ماكان متوفر رئيسي حكومي.

اكيد ان شاء الله بنحطها في الرسمات التفصيلية ومالت الخدمات..

لو قدرت تصغر الممر بعد بين الملحق والبيت بتستفيد أكثر من نص متر لباقي الحوش يسار لأن مترين عرض ما تستفيد منه وبيقل عندك عرض المظلة إلى 6.1 متر وتقدر تسويها بدون أعمدة معلقة من حايط البيت للسور .. انا 8 في 12 مسويها معلقة وبدون عمود.

ياخي اظن ممنوع .. اقل شيء مترين حسب القانون .. على كلام المهندس

الحمامات كلها اللي عرضها مترين توزيعتها خلها أول ما تدخل تحصل المغسلة بعد فتحة الباب خل نقول مقابلة تكرم الكرسي وتقدر لو حبيت تضيف بديه.

ان شاء الله هاللي بسويه

باكمل للدور الفوقي بعدين إن شاء الله.

جزاك الله خير

مواقف النجادة

11-11-2012, 04:50 AM

بالنسبة لفوق .. عندك الصالة مفتوحة وبتسوي لك مشكلة مع الصوت للتلفزيون لو سكرتها من طرف باب الغرفة اللي تحت يسار شكل ما في الرسمة بحاجز قزاز بتكون أحسن، وتخلي لها باب على جنب وتسوي الجلسة شكل حرف اليو والتلفزيون في الوسط على الحايط.

شكله يبيله قزاز ضد الكسر او معالج بالحرارة.. اذا سمحت الميزانية بسويها لانها خوش فكرة .

باقي جزء الصالة من الدرج تقدر تسوي لك سكاي لايت فيه وسطي مستطيل وهرمي وممكن تسويه حتى 1.6 في 4 مثلاً تعطيه طول بيعطي الصالة شراحة أكثر ونور.

كنت بسوي سكاي لايت و كانت موجودة في الرسمة بس كنسلتها لاني قررت ابلط السطح و استفيد منه (اسوي قعدة للعائلة مع زرع في اصص؟ ) .. على اساس اذا انا سويت مجلس خارجي ما راح يتم عندي حوش تحت على الارض. .

الدرج أنصحك تكمله للسطح ولو كان في وسطه بيت اللفت بيطلع وايد عملي وحلو.

ان شاء الله هاللي بيصير

لو غيرت مكان البانتري وخليت مكانه مخزن وخليته على الحايط مقابل لمكانه الحالي بنظام مفتوح على الصالة بيكون وايد أحلى .. إنت ما تحتاج الا مغسلة بسيطة صغيرة وثلاجة وسخان ماي للشاي ويمكن ميكروويف، وكاونتر بسيط للتحضير ولازم بتحصل مكان لطاولة صغيرة وأربعة كراسي لريوق سريع مثلاً ولا وجبة خفيفة... والبانتري تسويه بخشب بيعطيك شكل حلو وبيكون عملي ويكون لاصق في الحايط .. انا سويت نفس الشيء بس زدت عليه فرن كهربائي وشفاط للدخان يطلع لفوق السطح للخارج وما استعملت الفرن كلش .. بس سويت البانتري في كسرة في الحايط ومفتوح على الصالة بدون باب.

بكلم المهندس يرسمه لي .. جزاك الله خير

لو تبغي أرتب لك أكثر عطني فايل الاوتوكاد باسوي لك توزيعة الأثاث .. ملاحظ إنه بتواجهك مشكلة مع صغر الكبتات عندك .. في الغرفة الرئيسية غرفة الملابس عرضها حلو 240 سم ولو سويت باب في الوسط 90 سم بتبقى عندك 150 سم تقدر تسوي على الجنبين تفصيلة كبتات مفتوحة بدون أبواب لسهولة الوصول للملابس وأدراج أو رفوف .. حطيت صور لهذي النوعية من الخزاين .. والباب خله عادي ليش سلايدنغ بيكون مزعج شوي .. بس بتواجهك مشكلة باب الحمام وأكيد ما تبيه ينفتح على الغرفة .. وفي هذي الحالة تقدر تسويه وسطي ويندخل له من غرفة الملابس ولازم تسوي غرفة الملابس كبتات بأبواب .. عندك طول الحايط 290 سم بتشيل منها 90 سم للباب + 10 سم من كل صوب لبرواز الباب وتحتاج حول 20 سم إضافية لسويشات الليت والمروحة .. يعني بتصفي على متر وستين سم لكبت + 290 سم وهذي إن شاء الله تكون مساحة تخزين ثياب كافية مع اني أشك في ذلك، وضروري يكون عندك خزانة حائط ثانية في باقي الغرفة.

عدل كلامك .. الكبتات في الدرسنق ما تكفي .. يبيلي اشتري غرف نوم مع كبت.. بالنسبة لتوزيع الاثاث والله ماتقصر .. مايرد الكريم الا الئيم .. اذا حصلت الاوتوكاد من المهندس راح اطرشه لك .. بارك الله فيك و ما قصرت

.......

مواقف النجادة

11-11-2012, 05:08 AM

انا اشوف ان التصميم عشوائي مادري شلون
مسطح الدور عندك 300 متر لو تعيد تقسيمة ممكن يعطيك عدد اكثر من الغرف عندك مساحات مب مستغله ولا تنسى الدور الاول فيها مطبخ تحضيري ومافيها حمام وانتم بكرامه يعني اللي بيقعد فالصاله اللي فوق اذا يبي يستخدم حمام لازم يدخل احد الغرف او ينزل تحت .
انا اشوف لو تعيد ترتيب تصميم المنزل قبل التنفيذ يكون افضل .
وانشاء الله الاخوان بيعطونك نصائح وماراح يقصرون معاك

اخوي انا اشوف ان استغلال المساحات أو كيه .. يمكن جالك هالشعور لاني مكبر الغرف و الصالات على حساب عدد الغرف و الحمامات ..
بالنسبة للحمام ..(اجلكم الله) اللي في الطابق الثاني.. كان علي اختار: اما بانتري او حمام.. و اخترت البانتري, لان الضيف اللي يوصل الطابق الثاني اكيد يمون و مب غريب.. و عادي اندخله حمام وحده من الغرف.

عندي ملاحظة حين تمديد بايب كهربة الحكومه لداخل المنزل خلهم يمدون لك بايب اخر من منطقة المجمع الداخلي لخارج الحوش بجهة المجلس المساحة الكبيره .
والسبب فالمستقبل اذا نويت تبين المجلس تقدر تمد كيبل كهرباء من مجمع المنزل الرئسي للمجلس بدون ماتكسر فالارض او تعمل تمديدات من الخارج . خل عندك تخطيط مستقبل وقت التصميم والتنفيذ .

ملاحظة ممتازة ..بكلم المهندس يسويها ان شاء الله .. مشكور اخوي على النصيحة

مواقف النجادة

11-11-2012, 05:34 AM

اخوي في بيت مثل البيت مالك بس على ارض اصغر روح شوفه
في معيذر توني اليوم شايفه وضايف عليه الرجال بيسمنت

شرايك فيه دام جفته عالطبيعة ؟ تنصح فيه؟

مواقف النجادة

11-11-2012, 05:43 AM

ليش مافي غرفه طعام للمجلس

الافضل يكون فيه غرفة طعام للمجلس ..

بس علشان ما اكبر البيت اكثر من اللازم او اضطرالى تصغير الصاله او المجلس.. ضحيت بغرفة طعام الضيوف لصالح غرفة الطعام العائلية .. و قلت حق نفسي : اذا كان عدد الضيوف كبير.. جذي جذاك راح نضطر اننا نأكلهم في الصالة.. و اما اذا كان عددهم قليل فنقدر نأكلهم في المجلس نفسه او غرفة الطعام العائلية ..

شكرا اختي على ملاحظتج

معماري قطري

11-11-2012, 09:05 AM

عندي ملاحظة حين تمديد بايب كهربة الحكومه لداخل المنزل خلهم يمدون لك بايب اخر من منطقة المجمع الداخلي لخارج الحوش بجهة المجلس المساحة الكبيره .
والسبب فالمستقبل اذا نويت تبين المجلس تقدر تمد كيبل كهرباء من مجمع المنزل الرئسي للمجلس بدون ماتكسر فالارض او تعمل تمديدات من الخارج . خل عندك تخطيط مستقبل وقت التصميم والتنفيذ .

تصميم المجلس الخارجي أحسن لو يكون من الحين ومعاه غرفة سائق .. وأحسن استغلال المساحة في الحوش على اليسار بترتيب أكثر حق مواقف سيارات تكفي لأربع بسهولة بحركة بسيطة .. هذا غير عن الأربع اللي تكلمنا عنهم صوب الباب الثاني .. والمجلس وغرفة السائق ومساحات بسيطة للزراعة وممكن إذا احتاج الأمر نتخلص من موقف سيارة ونخلي مساحة لخزان صرف صحي ومساحة لتانكي الماي الخارجي.

والمجلس ممكن يبنى مستقبلاً... وتكون الكهربه له محسوبة ومجهزين دكت التمديد.

معماري قطري

11-11-2012, 09:30 AM

شرايك فيه دام جفته عالطبيعة ؟ تنصح فيه؟

يا اخوي مهب معنى إن الأفكار تتشابه والتصاميم تتشابه ان بيتك لازم تغير تصميمه .. شبه مستحيل تسوي تصميم غريب وأوقات الغريب يكون شاذ عن المألوف وغلط.

انا أشوف شغلك وترتيبك ما شاء الله زين الا إذا كان التمويل مفتوح فبيكون الوضع غير .. ممكن تسوي بيسمنت بس يكون مدروس وبعزل جيد وتكون محظوظ ما فيه مياه جوفية ضحلة في أرضك .. وممكن تسوي بنتهاوس أو حتى دور ثالث بالكامل إن وافقوا التخطيط .. خصوصاً بيتك على زاوية ويطل من جهتين على شارعين .. يعني صوب جيرانك بدون درايش ودرايش على الجهتين .. بس متوقع انت عارف احتياجك والبيت بطريقته عاجبك وتوكل على الله في النهاية انت اللي بتسكن والإختيار اختيارك.

PGR

11-11-2012, 10:01 AM

اخوي اعتقد مغاسل المجلس مساحتها صغيره لو تكبر شوي يكون احسن عشان حركة الضيوف والله يوفقك

المقاول

11-11-2012, 10:23 AM

الله يوفقك ان شاء الله في مسعاك .. بالنسبة للمخطط
انت ماجبت شي جديد .. هذا التصميم موجود في
كل المكاتب يعطونة كل الناس .. حاول تجيب شي
جديد لا يضحكون عليك اصحاب المكاتب ويقولون
حنا صممنا لك هذا .. طبعا حط القدرة المالية فوق
كل اعتبار .. واهتم من المعماري .. ونتمنى لك التوفيق

MAZEN37

11-11-2012, 10:27 AM

تصوري هو اولا تصغير الباب الداخلي الي يدخلك المخلس لعرض متر
ثىانيا جعل الحمام مكان غرفة الطهام يعني اعكسهم
ثالثا عكس مكان المطبخ الخارجي مكان غرفة الخدم ايكون اقرب للباب في حال الخطر ولسهولة الوصول له
رابعا ارتداد الفيلا الخلفي 3متر والافضل 4متر للاستفاده منه
صراحه الله يعينك الافكار ما تخلص
بالنسبه للدور الاول لاحظت انك مضيع مساحه 5 غي 7 تقريبا بهو طويل ممكن تسويه غرفه بدون حمام

باتريوتP

17-11-2012, 10:09 AM

معماري قطري

17-11-2012, 12:41 PM

ما شاء البيت حلو وممتاز
لانك اعتمد الدور الاول بالغرف
والدور الارضي للخدمات والضيوف والصالات والمطابخ
واحب اقولك شي اخي الكريم وهو انه انت من يحديد نوع بيتك مب الناس
يعني قبل كل شي انت الي بتعرف من بيسكن وياك على سبيل المثال
اذا انت وزوجتك وخمس عيال هذا يبيله غرف محدوده واذا كانو عيالك بيتزوجون في غضون 5 سنوات مثلا اكيد لازم الغرف تكون اكبر وغير او اذا كنت انت وابوك وامك واعيالك يبيله غرف اكثر
او انت واخوانك وعيالك يبيله غير
يعني انت الي تحدد شنو احتياجاتك من غرف وحجم غرف وغيره
بشكل عام المخطط زين عسى الله يبارك لك فيه

هذا المختصر المفيد من إنسان فاهم

الكثير منا يسوي فوق إحتياجه وايد والمشكله العناية والتنظيف والإهتمام بعدين يكون تحت المفروض .. أشوف والله قصور كبيره ما ادري ليش بانيين فوقها عشش وأسقفها مغطاه من فوق بمظلة كاملة حديد .. واشوف بيوت كانت قمة في النظافة والرقي وعلى شارع إستوت مكسره والشجر مات ... والعكس اشوف مباني صغيرة قمة النظافة والزراعه مرتبة والبيت "حي" بأهله طبعاً.

ولننسى بكره عيالنا يكبرون ويبون يستقلون بروحهم في بيوتهم .. بعد اللي بيبني وبيتعب يتعب مره وحده ويحاول يغطي احتياجه وشوي زيادة .. وفي حالة هالتصميم انا نصحت بعمل مصعد أو أقل شيء التخطيط له وممكن يتركب بعدين بسهولة على دعامات حديد وتتغطى بزجاج ويكون يعطي شكل حلو ويخدم سكان البيت .. وتكون كهربته محسوبه .. وبعد لو كاحتياج إضافي سوى صاحب البيت بنتاهاوس .. غرفة كبيرة مع حمام ويوصلها اللفت ممكن بكره يستخدمها لأحد العيال لو كبر وتزوج.

باتريوتP

17-11-2012, 01:22 PM

هذا المختصر المفيد من إنسان فاهم

الكثير منا يسوي فوق إحتياجه وايد والمشكله العناية والتنظيف والإهتمام بعدين يكون تحت المفروض .. أشوف والله قصور كبيره ما ادري ليش بانيين فوقها عشش وأسقفها مغطاه من فوق بمظلة كاملة حديد .. واشوف بيوت كانت قمة في النظافة والرقي وعلى شارع إستوت مكسره والشجر مات ... والعكس اشوف مباني صغيرة قمة النظافة والزراعه مرتبة والبيت "حي" بأهله طبعاً.

ولننسى بكره عيالنا يكبرون ويبون يستقلون بروحهم في بيوتهم .. بعد اللي بيبني وبيتعب يتعب مره وحده ويحاول يغطي احتياجه وشوي زيادة .. وفي حالة هالتصميم انا نصحت بعمل مصعد أو أقل شيء التخطيط له وممكن يتركب بعدين بسهولة على دعامات حديد وتتغطى بزجاج ويكون يعطي شكل حلو ويخدم سكان البيت .. وتكون كهربته محسوبه .. وبعد لو كاحتياج إضافي سوى صاحب البيت بنتاهاوس .. غرفة كبيرة مع حمام ويوصلها اللفت ممكن بكره يستخدمها لأحد العيال لو كبر وتزوج.

كلك ذوق اخوي معماري
وشهادتك على تعليقي فخر لي

مواقف النجادة

18-11-2012, 12:30 AM

جزاكم الله خير .. ما قصرتوا

اشكر الجميع على نصائحهم و ملاحضاتهم.. كل بإسمه ..

كفيتوا ووفيتوا..

و اخص بالذكر الاخ معماري ولا يهونون باقي الاعضاء.

جزاكم الله خير اجمعين.

بو علاوي

18-11-2012, 02:35 AM

الله يبارك لك فيه أن شاء الله لكن هل عندك صور للواجهات نشوفها ونشاركك بآرائنا

Eng/AbdallaH

18-11-2012, 02:46 AM

بسم الله
ماشاء الله الاخوان قدمو نصايح كثيره ووافيه
ودى بعض ملاحظاتى البسيطه
اولا بالنسبه للحوش الخارجى اعتقد على حسب رؤيتك فيه للمستقبل اذا كان استخدامه هيكون عائلى فانصحك باستبدال المجلس على اليمين والليفنج على الشمال بجوار الحوش حتى تستفيد من الفيو الخارجى للحوش وامكانية فتح باب مباشر للحوش فى المستقبل وسهولة الوصول اليه
ثانيا يفضل فتح باب من غرفة الطعام العائليه للمغاسل
ثالثا لو مهتم بشكل الواجهات حاول يكون فيه تماثل فى الواجهه الاماميه وان تكون الخطوط على مستوى واحد
او يكون فيه دوران بسيط او كسرات بسيطه فى الزوايا
رابعا الفراغ المستطيل الطويل اللى فى المنتصف فى الدور الاول ده فيه اهدار للمساحه وهيعطيك احساس بعد كده كانه شارع فى البيت..لكن لو مضطر ليه يمكن حلله بعد كده فى الديكور وعمل ارش فى المنتصف ليقسمه الى فراغين ويمكن وضع طاوله فى القسم ناحية الدرج وخزائن على الجوانب ويمكن ايضا وضع البانترى فى هذا الجزء
واخيرا كل الملاحظات اللى بنحاول نقدمهالك هى وجهات نظر ورؤيه قد تكون مبنية على خبره سابقة او على المنطقيه فى التعايش داخل المنزل ولك ان تاخذ بها او لا على حسب رؤيتك لمنزلك ومتطلباتك الخاصه

العولقي

20-11-2012, 12:23 PM

السلام عليكم ورحمة الله وبركاته
اولا : الله يبارك لك في البيت ويجعله منزل عامر بذكر الايمان والطاعه
ثانيا: جميع الاعضاء مشكورين على المجهود المتبادل فيما بينهم وانا متأكد ان جميع اراءهم ناتجه عن تجارب واقعيه. والدليل على ذلك مدى صحتها في التصحيح والتعديل.
ماطول عليك اخوي هذا الرسم يبين راي لك. قد يعجبك او لا يعجبك فاانت مخير بعدة اراء والقرار الاخير لك. اضافة مظله فوق مدخل المجلس بحيث تكون نفس مستوى واجهه البيت الوسطيه مما يترتب لها تغير في الغرفه الرئيسه (الماستر) وتصبح بالعرض كما في الصوره المرفقه وراح تلاحض اني حافظت على مقاس الغرفه نفسه وحتى مساحة الحمام اعزكم الله وتبديل مكان البانتري الى الغرفه المقابله جهة اليسار بحيث تخدم الصاله الجديده اللي اعتقد من وجهة نظري انها افضل بكثير من السابقه على الاقل تقدر تقعد فيها وبامكانك فتح دريشه خدمه مطله من البانتري الى الصاله وحتى ان امكن رفع الصاله 15 سم عن المستوى وعمل دربزاين ان احببت. الرسم مب كامل التفاصيل ولاكن ممكن اوضحها اكثر ان بغيت .وسلامتك

اخوك: العولقي

82008