مســاعده .. صبــغ اللـؤلــؤي

[أم خـالد]

السلام عليكم ورحمة الله وبركاته

شخباركم ؟

عندنا gxr 2011 لؤلؤي فيه شموخ مب كبيره بسيطه في الباب الثاني ورا السايق

بس المشكله الصبغ بكبره طاير يعني الشموخ صايره سوده .. وقالولنا لازم تصبغون الباب كله

اللون اللؤلؤي صعب ينصبغ .. مع ان الشموخ مب كبيره ماتستاهل ان نصبغه كله بس مبينه..


من له خبره او يعرف مكان شغله نظيف ويصبغ هالشموخ بشرط مايبين في الفحص ان نوينا نبيعه ومايهم السعر

للعلم وديناه كريستال قال الباب كله .. المسيله قال لنا بوليش شي جي

و يعطيكم العافيه

[العربية نت]

وليش ما تجربون الوكالة علشان الموتر جديد ولا تودونه للكراجات يلعبون فيه

بالتوفيق

[QTR-1978]

اخوي مستحيل تحصل وكاله والا كراج يعطيك نفس صبغ الشركه مافي الا حل واحد انك تدور باب في السكراب نفس اللون

[أم خـالد]

وليش ما تجربون الوكالة علشان الموتر جديد ولا تودونه للكراجات يلعبون فيه

بالتوفيق

مانصحونا بالوكاله مادري ليش

[أم خـالد]

اخوي مستحيل تحصل وكاله والا كراج يعطيك نفس صبغ الشركه مافي الا حل واحد انك تدور باب في السكراب نفس اللون

ادور باب عشان شموخ صغيره !!

[عزووز قطر]

واحد من الربع عنده جي اكس ار لؤلؤي وصار له حادث من سنة ونص تقريبا
وقالوا له التأمين الموتر يتصلح في وكالة المناعي ( gmc)

والحين صار له سنة ونص وماتغير اللون ،، واشوف شغلهم مرتب ونظيف ..

[برويقن]

دعمني واحد وشرد عند مواقف البنووك :( شمخ الباب والصدام

خذت ورقة من المرور ورحت للمسيلة وقال لازم صبغ الباب والصدام بس مكان الشمخ

ورحت لمحل غلاس في محطة التيسير وقال بسوي بولش للباب وصبغ للصدام مكان الشمخ

وشغله عدل محل غلاس ضبط اللون الؤلؤي للصدام والبولش ماعليه كلام ولاكنه كان فيه شمخ والحمدلله على كل حال

شوف جرب مر على المحل خل يعاين الباب يمكن مايحتاج صبغ

الله يوفقك

[Qatar-supra]

دام شموخ صغيره خلها

[اللوز]

من له خبره او يعرف مكان شغله نظيف ويصبغ هالشموخ بشرط مايبين في الفحص ان نوينا نبيعه ومايهم السعر



بخصوص البيع : خلي الموتر على حالته
والسبب اذا صبغتو بيقولون ان الباب مصبوغ حتى لو كان الصبغ تجميلي

بشرط ما يبيبن في الفحص : بيبيين لان هناك اجهزة تظهر أمتكن صبغ السيارة

وبالتوفيق

[أم خـالد]

واحد من الربع عنده جي اكس ار لؤلؤي وصار له حادث من سنة ونص تقريبا
وقالوا له التأمين الموتر يتصلح في وكالة المناعي ( gmc)

والحين صار له سنة ونص وماتغير اللون ،، واشوف شغلهم مرتب ونظيف ..

مرحبا اخوي :

وين مكانه ولا عليك امر ؟

[الواصـل]

اذا بتصبغين الباب انصح ب كراج كريستال صبغت عنده كم مره ولا يختلف نفس اللون بالضبط لكن سالفة مايبين فالفحص فأنسي الموضوع مافيه شي مايبين فالفحص

وشكراً*

[أم خـالد]

دعمني واحد وشرد عند مواقف البنووك :( شمخ الباب والصدام

خذت ورقة من المرور ورحت للمسيلة وقال لازم صبغ الباب والصدام بس مكان الشمخ

ورحت لمحل غلاس في محطة التيسير وقال بسوي بولش للباب وصبغ للصدام مكان الشمخ

وشغله عدل محل غلاس ضبط اللون الؤلؤي للصدام والبولش ماعليه كلام ولاكنه كان فيه شمخ والحمدلله على كل حال

شوف جرب مر على المحل خل يعاين الباب يمكن مايحتاج صبغ

الله يوفقك

مرحبا اخوي :

الصبغ كان باين بسيارتك والا لا ؟

ولا تهون وين ومكان محل غلاس ؟

[أم خـالد]

اذا بتصبغين الباب انصح ب كراج كريستال صبغت عنده كم مره ولا يختلف نفس اللون بالضبط لكن سالفة مايبين فالفحص فأنسي الموضوع مافيه شي مايبين فالفحص

وشكراً*

وديناه للمحل قال باب كامل !! والشموخ طول الاصبع خطين والا 3 بس

[أم خـالد]

بخصوص البيع : خلي الموتر على حالته
والسبب اذا صبغتو بيقولون ان الباب مصبوغ حتى لو كان الصبغ تجميلي

بشرط ما يبيبن في الفحص : بيبيين لان هناك اجهزة تظهر أمتكن صبغ السيارة

وبالتوفيق

مب مشكله مافي نية للبيع بس مانبي اللون يختلف ويبين وينصبغ الباب كله عشان هالشموخ النتفه

[الماضــــي]

لاتصبغ دام مشخين اوثلاثة وطول الاصبع نصيحة

[برويقن]

مرحبا اخوي :

الصبغ كان باين بسيارتك والا لا ؟

ولا تهون وين ومكان محل غلاس ؟

مرحبا

مكان المحل داخل محطة التسير في شارع سلوى عند دوار قطر للديكور

الصبغ كان بس على الصدام وبولش على الباب خط طووويل ومايبين .. بس مادري اذا يبين على اجهزة محلات فحص السيارات