حــادث اخـــوي الــغــالـــي وربعه ... المتسبب هندي الجنسيه

[بومحمد المطاوعه]

السلام عليكم ورحمه الله وبركاته

شخباركم شعلومكم يااخواني وخواتي ...

نسأل الله ان يبعد عنكم كل مكرووه

ويبعد عندكم شر الحوادث

ماكان ودي انزل موضوع ولا احط صور

بس لاكن ماحطيتهم الا وانا قاصد لكم الحذر يا اخواااني فالله

قضاء وقدر وامر الله تعالى

﴿مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا﴾،

جفَّ القلمُ ، رُفعتِ الصحفُ ، قضي الأمرُ ، كتبت المقادير ،

﴿ قُل لَّن يُصِيبَنَا إِلاَّ مَا كَتَبَ اللّهُ لَنَا ﴾،

ما أصابك لم يكنْ لِيُخطئِك ، وما أخطأكَ لم يكنْ لِيُصيِبك .

اتركم مع الصور والموضوع بعد الصور

هذي الدراجه نوع هوندا ريبسول

http://2bb.me/n.php?l=upxc9658965/1111/889920615529.jpg

دراجه اخوي واهي في احسن حال :(

http://2bb.me/n.php?l=upxc9658965/1111/787410615335.jpg

http://2bb.me/n.php?l=upxc9658965/1111/277320615416.jpg

هذي الدراجه بعد الحادث ولله الحمد

http://2bb.me/n.php?l=upxc9658965/1111/207330615447.jpg

http://2bb.me/n.php?l=upxc9658965/1111/158210615480.jpg

نسأل الله السلامه

الحمدلله اخوي بخير وعافيه ولاكن رضوض في جسمه وزلوغ

تفاصيل الحادث ... !

كان اخوي مع ربعه الاثنين
يتمشون في الكورنيش الساعه 3 الفجر تقريبآ

كانو في السيد الوسطي كلهم

واهم 3 دراجات واخوي في الوسط من بينهم

يمشون سرعه 60 تقريبا او 50 ويسولفون مع بعض والشارع فاضي

فجأه اندعمو من الخلف اخوي ضن ان واحد من ربعه الي وياه طاح ولا لف بالغلط عليهم

لاكن تفاجأه واهو طايح مع الدراجه والدراجه على قدمه بصدام سياره عند راسه ونصه تحت السياره

واخوي شار تحت السياره مع الدراجه اما ربعه واحد طار مع دراجته يمين والثاني يسار

زلوغ في الكتف ورجلهم

ولاكن اخوي تم مع الدراجه تحت الصدام الامامي

يقول اسمع السياره تزيد ريسها

تخيلو الرجال من الدعمه خاف بدال لايمسك بريك قام يزيد الريس

زحف اخوي تقريبا 300 متر وبعدها وقف :(

الحمدلله ان اخوي لابس جوتي الله يعزكم

سيفتي قيمته بـ 3000 وشوي

لولا الله الحافظ وهذا الجوتي والله لتنتف القدم

طبعا شفتو الصور اشلون الدراجه صارت

واخرتها يقول الهندي الي دعمهم تابع للشركه وعنده سياره التيما

اني ماشفتهم ... !

ماشفت 3 دراجات ...؟

ضنو ان الهندي سكران او شي

سووله فحوصات ولاكن طلع سليم مافيه اي شي لا سكران ولا شي ولاكن عذره اني ماشفتهم

طبعا توقف الشخص لين اخوي تنازل عنه وطلع من التوقيف

اخوي الحمدلله ترقد يوم واحد في الطواري والحين بخير وعافيه

رساله مني لكم ياشباب الدراجات

اتركوها لله تعالى خلو عنكم الدراجه

نعم بتمشي في حالك وبتروح وبترجع ومتمكن منها ولاكن ستتضرر من الاخرين

يا من شخص عليمي في السواقه
او شيبه في حاله وفات عليه الزمن في التعليم والشوارع
تعدلت
او امرأه لانهم اكثر الارتباك في الشارع هم النساء ..

على العموم نسأل الله السلامه

وربي يحفظنا واياكم من كل شر

والحمدلله على كل حال

لا أعتراض على أمر الله :)

[Aaziz]

لا حول ولا قوه الا بالله. تستاهل سلامه اخوك. و يقع بعض اللوم عليك. انك مارديته عن الدراجه وهي معروف خطرها شلون و سمعه اهل الدراجات عليها علامه استفاهم ولا اعمهم ولكن دايما ترتبط الدراجه بامور المغازل و غيرها.
ماعلينا الاهم هو خطر الدراجه و حتى لو كان راكب الدراجه متمكن الخوف الاكثر مش منه هو من الناس الي تسوق في الشارع. والله اني اخبر على خط الشمال اذا شفت دراجه جايتني من ورى تصيبني ربكه و ادق اشاره يا يمين يا يسار حسب اي حاره انا عشان راعي الدراجه يضن اني بلف و يعرف اي حاره ياخذ.

[ابـو مــحــــمـــــد]

الحمد لله على سلامته

[روز باريس]

الله يحفظ الشباب ويهديهم
والحمد لله على سلامة اخوك وخطه الشر

[دانة الطواش]

تستأهل سلامة أخوك وخطاه الشر والله يحفظ الجميع ، أنا اكره أشوف الدراجات وما احب صوتها وخاصة اذا عطاها ريس وطلعت صوت مزعج والله ان ولدي الصغير يصرخ ويلصق في حضنه من الخوف من صوتها.

[بنت امي]

فعلا الدرجات صوتها مزعج فليل

والحمد الله على السلامه

[بومحمد المطاوعه]

لا حول ولا قوه الا بالله. تستاهل سلامه اخوك..

الله يسلمك ياخوي من كل شر


و يقع بعض اللوم عليك. انك مارديته عن الدراجه وهي معروف خطرها شلون.

والله ياخوي تعبنا واحنا ننصح فيه ولاكن مافي فايده

في عمر المراهقه والطيش نفس باقي الشباب

المشكله انا اسكر على دراجته بسيارتي بعض الاحيان اذا مالبس لايف جاكيت

اعاقبه بس هالمره كنت مسافر الامارات ويوم الاربعاء فليل صار الحادث بس الحمدلله على كل حال


و سمعه اهل الدراجات عليها علامه استفاهم ولا اعمهم ولكن دايما ترتبط الدراجه بامور المغازل و غيرها.
.

صحيح بارك الله فيك في منهم الزين ومنهم الشين

السمعه ماتحكم على السياره ولا على دراجه ياخوي ياما ناس عندها سيارات على قد حالهم ولاكن سمعتهم في الارض وياما ناس عندهم سيارات في الملايين ولاكن من احسن حال سمعتهم

بغض النضر عن السمعه وغيرها ولاكن امور الدراجه وتضررها خطره


ماعلينا الاهم هو خطر الدراجه و حتى لو كان راكب الدراجه متمكن الخوف الاكثر مش منه هو من الناس الي تسوق في الشارع. .

صحيح ياخوي الخوف من الناس حتى لو كنت متمكن


والله اني اخبر على خط الشمال اذا شفت دراجه جايتني من ورى تصيبني ربكه و ادق اشاره يا يمين يا يسار حسب اي حاره انا عشان راعي الدراجه يضن اني بلف و يعرف اي حاره ياخذ.

اي والله صادق ياخوي تخاف تلف يمين ويلف معاك

الاحسن انك تستخدم الاشاره

والاحسن اكثر انك تلف يمين

تحياتي لك ياخوي

[بومحمد المطاوعه]

الحمد لله على سلامته

الله يسلمج اختي

[khaldoon]

سلامات ان شاء الله لاخوك و الله يشفيه و يعافيه

صراحة انا ما اتنازل عن حقي ....واحد مب شايف 3 دراجات في نص الشارع بالكورنيش هذه بروحها مخالفة عدم انتباه... ايش كان يطالع؟

[رذاذ]

الله يشفية وشافية من الحادث..

تذكرت حادث دراجة كنت ع خط البريد بتجاه دوار التلفزيون وطالع من الدوام ساعة 1:30 بالليل
والجو بارااااد وفاتح الدريشتين ومع الاذاعة وامش حول الـ 70

الا الزهبة الى ماره على الى خلتي الصق بالسكان وانقز من ع السيت من صوت الدراجة وادوس للموتر
الا اشوف شي برتقالي وااالع ويطير عند الدوار ..

لقيت الدراجة وراعيها ولا لقيته وقفوا العالم ويدورن الا طالع من وسط الشجر ورجله مكسروة ويمشي وعقب بطلنا عليه الخوذة واعوذ بالله من ريحت حلجة .

ع الحادث قلت مات بس ربك لطف به انه دخل بالشجر ..

حوادثها كثيره وغير بسيطه

اخوي الصغير فكـــــــــر يطلع له دراجة وقفنا بوجهه لا انا اخوك ولا اعرفك
وامي نفس الشي تصيح وتقوله انا ولدتك لجل افرح بك مب لجل ابكي عليك ودموعها ما انسها عليه
واخوي العود جهز له شنطه يطلع برع البيت لجل زعل الوالدة لو فكر يجيب دراجته ههههههههههههه .
واقتنع بس لين يومك اخوي الصغير ووووده بدراجة

[بومحمد المطاوعه]

الله يحفظ الشباب ويهديهم
والحمد لله على سلامة اخوك وخطه الشر

اللهم امين

الله يسلمك ياخوي ماتقصر

[بومحمد المطاوعه]

تستأهل سلامة أخوك وخطاه الشر والله يحفظ الجميع ، أنا اكره أشوف الدراجات وما احب صوتها وخاصة اذا عطاها ريس وطلعت صوت مزعج والله ان ولدي الصغير يصرخ ويلصق في حضنه من الخوف من صوتها.

الله يسلمج اختي

وصحيح والله بعض اصحاب الدراجات مايحشمون الناس ولاشي

الله كريم

[شبح الصمت]

خارجين من الشر

وحمد لله على سلامتهم يآخوي

[السهم الشمالي]

الحمد لله على سلامتهم .

[بومحمد المطاوعه]

فعلا الدرجات صوتها مزعج فليل

والحمد الله على السلامه

الله يسلمج اختي

الله يهديهم

[بومحمد المطاوعه]

سلامات ان شاء الله لاخوك و الله يشفيه و يعافيه



الله يسلمك ياخوي ماتقصر




صراحة انا ما اتنازل عن حقي ....واحد مب شايف 3 دراجات في نص الشارع بالكورنيش هذه بروحها مخالفة عدم انتباه... ايش كان يطالع؟

اي والله ياخوي انا قلت له ليش تنازلت بس رد علي برد جميل

قالي حرام عنده عيال وزوجه وكان طالع من الدوام وقال يمكن عياله يحتاجونه والبيت

ماعندهم احد يسندهم

وانا الحمدلله بخير وعافيه ولو في اي شي بياناته عند الشرطه

بتلفون واحد بيكون موجود

اعتقد انه كان يتعبث في التلفون والله اعلم

[نورهان88]

لا حول ولا قوه الا بالله. تستاهل سلامه اخوك وسلامة اصدقاءة

[بومحمد المطاوعه]

الله يشفية وشافية من الحادث..



اللهم امين جزاك الله خير اخوي


تذكرت حادث دراجة كنت ع خط البريد بتجاه دوار التلفزيون وطالع من الدوام ساعة 1:30 بالليل
والجو بارااااد وفاتح الدريشتين ومع الاذاعة وامش حول الـ 70

الا الزهبة الى ماره على الى خلتي الصق بالسكان وانقز من ع السيت من صوت الدراجة وادوس للموتر
الا اشوف شي برتقالي وااالع ويطير عند الدوار ..

لقيت الدراجة وراعيها ولا لقيته وقفوا العالم ويدورن الا طالع من وسط الشجر ورجله مكسروة ويمشي وعقب بطلنا عليه الخوذة واعوذ بالله من ريحت حلجة .

ع الحادث قلت مات بس ربك لطف به انه دخل بالشجر ..

حوادثها كثيره وغير بسيطه



لاحول ولاقوه الا بالله

والله مصيبه ياخوي بعضهم الله يهديهم لا صلاه ولا عباده الله يهديهم


الله يشفية وشافية من الحادث..



[color="red"]اخوي الصغير فكـــــــــر يطلع له دراجة وقفنا بوجهه لا انا اخوك ولا اعرفك
وامي نفس الشي تصيح وتقوله انا ولدتك لجل افرح بك مب لجل ابكي عليك ودموعها ما انسها عليه
واخوي العود جهز له شنطه يطلع برع البيت لجل زعل الوالدة لو فكر يجيب دراجته ههههههههههههه .
واقتنع بس لين يومك اخوي الصغير ووووده بدراجة

والله ياخوي زين سويتو

انا نفس الشي اخوي ابوي الله يرحمه كان واقف ف ويها

بس من توفى الوالد بعدها بسنه خذ دراجه قبل هذي اصغر واستخدمها

اما هذي حجمها 1000 وقويه والله

الوالده انصحته اكثر من مره بس لاحول ولاقوه

مايسمع الكلام ان شاء الله يتعض الحين ويفكنا منها

[بومحمد المطاوعه]

خارجين من الشر

وحمد لله على سلامتهم يآخوي

الله يجزاك خير ياخوي

والله يسلمك ماتقصر بارك الله فيك

[بومحمد المطاوعه]

الحمد لله على سلامتهم .

الله يسلمك ياخوي

[بومحمد المطاوعه]

لا حول ولا قوه الا بالله. تستاهل سلامه اخوك وسلامة اصدقاءة

الله يسلمج اختي والحمدلله على كل حال

[عزووز قطر]

اخوي ولد المطاوعة
اول شي الحمدالله على سلامة اخوك ،،،

وبكل صراحة وبدون زعل ،،، اصحاب الدراجات مزعجين للغاية
وللأسف كأنهم مب تحت مظلة قانون المرور ،،، 99.99٪ اصواتهم مزعجة ،،،

استهتار في الشارع وعند الاشارات ،،، من تصير الاشارة حمرا يجي ويسوي حركة الاستوب ،،، ومن تولع خضرا يمشي وينقز !!!! ؟؟؟؟

واغلبهم بدون ليسن خاص للدراجات

اتمنى اتمنى اتمنى من ادارة المرور التشديد على اصحاب الدراجات ....

تقبل رايي اخوي بومحمد ... والحمدالله على سلامة اخوك

[basma222]

الحمدلله على سلامته

[كازانوفا]

الحمدلله على سلامته

[بومحمد المطاوعه]

اخوي ولد المطاوعة
اول شي الحمدالله على سلامة اخوك ،،،

وبكل صراحة وبدون زعل ،،، اصحاب الدراجات مزعجين للغاية
وللأسف كأنهم مب تحت مظلة قانون المرور ،،، 99.99٪ اصواتهم مزعجة ،،،

استهتار في الشارع وعند الاشارات ،،، من تصير الاشارة حمرا يجي ويسوي حركة الاستوب ،،، ومن تولع خضرا يمشي وينقز !!!! ؟؟؟؟

واغلبهم بدون ليسن خاص للدراجات

اتمنى اتمنى اتمنى من ادارة المرور التشديد على اصحاب الدراجات ....

تقبل رايي اخوي بومحمد ... والحمدالله على سلامة اخوك

الله يسلمك اخوي

لازعل ولا شي طال عمرك

اخوي الحمدلله يتمشى في حاله ومب من النوع الي يسوي حركات الاستوبينق عند الاشاره ولا شي

الحمدلله عنده ليسن وتأمين ويلبس سيفتي

بس المشكله شله تخرب نظره الناس على الكل

اصابع ايدك مب سوى ياخوي وصحيح كلامك اغلبهم بدون ليسن ومزعجين ولهم حركات مالها داعي ف الشارع

بس انا كل قصدي فالموضوع لنقل لكم علشان الحذر من المتسببين في الشارع

واما عن سالفه الازعاج ترى حتى السيارات بعضهم ازعاج وماشين بس مانقول الكل البعض

في كل شي الزين والشين وين مارحت بتحصل هالشي

تحياتي لك

[بومحمد المطاوعه]

الحمدلله على سلامته

الله يسلمج اختي

[تركي الشهراني]

تستأهل سلامة أخوك وخطاه الشر والله يحفظ الجميع

[سهم..]

الحمدلله على سلامتهم
والله يتمم بالشفاء ويهدي الجميع

[l0o0rd-qtr]

اول شي الحمد لله على سلامة اخوك والله يعوضه باحسن من دراجته

ترا هندي في مثل هالوقت اكيد كان نعسان حده ونام وهو يسوق اغلب الحوادث في اوقات الصباح الباكر يكون الهندي طرف فيها ياسكران او نام وهو يسوق

اهم شي اخوك لايتنازل الصراحه هذي نكته ماشفت راعي الدراجه عيل لو ياهل ولا ادمي يمشي بيذبحه وبيقول ماشفته !

[وطن]

لا حول ولا قوة الا بالله

خطاكم الشر

هذا والشارع فاضي طيرهم
لو الشارع زحمه شـ بيسوي !!

يمكن نعس ورقد وهو يسوق !!

الحمدلله على سلامتهم
وفي الحديد ولا فيهم

[الفهد1]

الحمدالله على السلامة

[حميداني]

ان انت فنان بالسواقه فخل بالك ان من حولك مو انت ، سكران ، امتيس ، قاعد يفكر سرحان


الحمدالله على سلامته على كل حال والله يصلحه ويجعله بقوته لكم ذخر
ولد المطاوعه حذر وانتو اسمعو يا شباب

[بومحمد المطاوعه]

الحمدلله على سلامته

الله يسلمج اختي

[بومحمد المطاوعه]

تستأهل سلامة أخوك وخطاه الشر والله يحفظ الجميع

الله يسلمك ياخوي تركي ماتقصر بارك الله فيك

[بومحمد المطاوعه]

اول شي الحمد لله على سلامة اخوك والله يعوضه باحسن من دراجته

ترا هندي في مثل هالوقت اكيد كان نعسان حده ونام وهو يسوق اغلب الحوادث في اوقات الصباح الباكر يكون الهندي طرف فيها ياسكران او نام وهو يسوق

اهم شي اخوك لايتنازل الصراحه هذي نكته ماشفت راعي الدراجه عيل لو ياهل ولا ادمي يمشي بيذبحه وبيقول ماشفته !

الله يسلمك ياخوي

بارك الله فيك

حللو دمه مب سكران ولا فيه اي شي

اعتقد انه رقد او ساهي مع التلفون

بس اخوي تنازل لأن ماقصرو الشباب فيه ضربوه ضرب اليهد

وانا ماكان خاطري يضربونه لان الدوله فيها قانون بس لاكن في ذاك الوقت محد يقدر يفكر والعصبيه تسوي كل شي

بس الحمدلله تنازل علشان عياله ولو يبي شي منه يقدر يسحبه من المركز

اهم شي طلع بخير الحمدلله

[بومحمد المطاوعه]

الحمدلله على سلامتهم
والله يتمم بالشفاء ويهدي الجميع

الله يسسلمك ياخوي ماتقصر بارك الله فيك

[بومحمد المطاوعه]

لا حول ولا قوة الا بالله

خطاكم الشر

هذا والشارع فاضي طيرهم
لو الشارع زحمه شـ بيسوي !!

يمكن نعس ورقد وهو يسوق !!

الحمدلله على سلامتهم
وفي الحديد ولا فيهم

الله يسلمج اختي

والشر ماييج ان شاءالله

والله هذا كلامه والله اعلم اشفيه السائق

بس يالله الحمدلله على كل حال

[بومحمد المطاوعه]

ان انت فنان بالسواقه فخل بالك ان من حولك مو انت ، سكران ، امتيس ، قاعد يفكر سرحان


الحمدالله على سلامته على كل حال والله يصلحه ويجعله بقوته لكم ذخر
ولد المطاوعه حذر وانتو اسمعو يا شباب

الله يسلمك ياخوي

ماتقصر بارك الله فيك

[وجه السعد 2]

انا تفاجأت قبل ايام واحد يسوق الدراجة في الشارع العام و بسرعة كبيرة و مركب وراه طفل عمره ما يزيد عن 6 سنوات !!!!!!
ما ادري هل هذا الشي مسموح و لا لا !!!!!!

[بومحمد المطاوعه]

الحمدالله على السلامة

الله يسلمك ياخوي

[عوآآآآشـي]

الله يحفظ الشباب ويهديهم
والحمد لله على سلامة اخوك وخطاه الشر

[QtrGate]

الحمدلله على سلامت أخوك

من ثلاث سنين
واحد عنده هارلي كان جنبي واقفين عند اشارة المشاه في الكورنيش

خلال ثواني جات سياره مسرعة وطيرت راعي الهارلي

من الحادث المرعب وقفت مكاني وما عرفت أتصرف

راعي الهارلي راسه ينزف دم
وصار تجمع كبير فحركت ولين اليوم ماقدر أنسى الحادث

[بومحمد المطاوعه]

انا تفاجأت قبل ايام واحد يسوق الدراجة في الشارع العام و بسرعة كبيرة و مركب وراه طفل عمره ما يزيد عن 6 سنوات !!!!!!
ما ادري هل هذا الشي مسموح و لا لا !!!!!!

لاحول ولاقوه الا بالله

لا ممنوع ياخوي

ياهل صغير مايصير

الله المستعان

[بومحمد المطاوعه]

الله يحفظ الشباب ويهديهم
والحمد لله على سلامة اخوك وخطاه الشر

الله يسلمج اختي

[بومحمد المطاوعه]

الحمدلله على سلامت أخوك

من ثلاث سنين
واحد عنده هارلي كان جنبي واقفين عند اشارة المشاه في الكورنيش

خلال ثواني جات سياره مسرعة وطيرت راعي الهارلي

من الحادث المرعب وقفت مكاني وما عرفت أتصرف

راعي الهارلي راسه ينزف دم
وصار تجمع كبير فحركت ولين اليوم ماقدر أنسى الحادث

لاحول ولاقوه الابالله

والله الخوف من الناس وسواقتهم

الله كريم

[ANONYMOUS]

وانت بعد الله يستر عليك حاسب ذاك اليوم مار علي تمشي الف ع الجمس ف سيلين

الف لاباس على اخوك وتستاهلون سلامته

[امـ حمد]

قدر الله وما شاء فعل
الله يحفظ شبابنا وشباب المسلمين ويهديهم
والحمد لله على سلامة اخوك وخطاه الشر

[بصمة قطرية]

قدر الله و ما شاء الله
الحمدلله على سلامتهم أخوي ..
لا تنسى طلع دفعة بلا عن أخوك ،،

[راس مشعاب]

اولا سلامات وعساه مايشوف الا الخير وجعلها لاخوك اجر وعافية وكفارة ذنوب
بس سؤالي اللي حبيت اسالك اياه
وش الطلب اللي حاطه بالصورة لاني بصراحة يوووعاااااااااان وابي نفس الطلب ؟!!!!!

[ZURICH]

الحمدلله على سلامة الشباب

ذكرتني في واحد تولع بالدراجة لدرجة انه كان يداوم عليها

وفي يوم دعمته سيارة وضرب راسه بالرصيف واللحين مختلف كلياً ..

قيادة الدراجة خطرة تحتاج الى ممارسة وحرص داااائم






انا تفاجأت قبل ايام واحد يسوق الدراجة في الشارع العام و بسرعة كبيرة و مركب وراه طفل عمره ما يزيد عن 6 سنوات !!!!!!
ما ادري هل هذا الشي مسموح و لا لا !!!!!!


والله ما أظن انه مسموح .. لكن الأكيد انه مجنووون رسمي

[حسن]

الحمدلله على سلامه اخوك

وياريت تنصحه وتحاول انك تضغط عليه ولو تدخل كبارالعيله

بطابط ودواره في انصاف اليل وسوالف في الشارع
هذه نتيجتها ياولد المطاوعه الغلط غلط والصح صح
ياريت اخوك يقرا كلامي

[┋أَجِوَدًيّ┋]

لا حول ولا قوة الا بالله

الحمدلله على سلامة اخوك وربعه


بس المستغرب منه ، انهم يتمشون الساعة 3 الفجر !

ويسولفون مع بعض وهم يسوقون !

واغلب سائقي الدراجات يسوقون بتهور وبسرعة جنونية جدا

هذا غير مضايقات خلق الله وخاصة التحرش بالنساء


رأي شخصي: أنظر بنظرة دونية لمن يقودون الدرجات النارية !

لا أعلم - لربما لما رأيت منهم من سلوكيات سلبية كثيرة !

[حفيد الأنصار]

الحمد لله على سلامتهم ومايشوفون شر انشاء الله
تصدق عاد امووت في شي اسمه دراجة :rolleyes2:

[نتفـه]

الحمدلله على سلامة اخوك ..

[@north_star@]

الحمد لله على سلامة أخوك وربعه وخطاهم الشر .....
والله أخوي ولد المطاوعة انا فقدت أغلى وأعز صديق عندي توفى بحادث دراجة الله يرحمه من فترة وشكثر كنا نقوله خلها عنك ترى ما وراها الا عوار الراس والمخاطرة بس سبحان الله نصيبه وقدره .. ونسأل الله السلامة للجميع .

وللأسف غير أخطاء سائقي الدراجات بعض المرات الا انه بعض سائقي السيارات يلفون على سائقي الدراجات على بالهم لعبة بالفيت يبي يحشره وما يعرف انه لفة الدراجه فجأة مب شي بسيط والله المستعان والسموحة على الاطالة

[hamad almohd]

للأسف شبابنا الله يهديهم ماخذين الدراجات لغرض ازعاج الناس واثارة الفوضى فشوارع وكلن يستعرض قدام الحريم اني انا القوي واسوي حركات بهلوانيه واخر شي يطيح ويتشدخ انا شفت الناس فبلدان الخارجيه استخدامهم هادي وبعقل حق الداراجات لانه في قانون يردعهم بس هني الله يهديهم والله يقوم اخوك بسلامه وحاسب عليه ياخوي ترا بعدين ماينفع الندم بعيد الشر عنه وعن شبابنا

[Dana’1]

حمدلله على سلامة اخوك وربعة ..ما يشوفون شر إن شاءلله

[Bin Hood]

ما عليه الا كل خير ان شاء الله

اخوي بعد الله يهداه عنده دراجه الله يحفظه

عاد ما ادري اذا للحين يستخدمها

[بوخالد911]

خطاكم الشرر

اشفييه الهندي عمي؟!؟

[ms-qtr]

الدراجات خطرة جدا
خصوصا في قطر ما عندنا ثقافة التعامل مع الدراجات في الشارع
وفي اغلب الاحيان يكونون اصحاب الدراجات مسرعين وعند اي خطأ والاخطاء واردة جداً
يختل توازنهم ويتكسرون

[خليفـة]

الحمدلله على سلامة اخوك يا بومحمد
والله يكافينا جميع شر الحوادث

سلم عليه يالغالي .. وقول له الله الله بنفسه
الحذر واجب

سق بحذر .. وتوقع اخطاء الآخرين

ماعليه شر ان شاء الله

خليفـــة

[كان فيه وخلص]

الحمد لله على سلامته ،،

[غزلان]

الحمدلله على سلامة اخوك وربك ستر

[rawda]

مخاطر سواقه هالجاليات فالشوارع عندنا اكبر من مخاطر سواقه الدراجات بدوت لبس السيفتي

ليش الاغلبيه تكلمو عن مخاطر الدراجه ماتكلمو عن مخاطر هالجنقل اللي يسوقون فالشوارع !!

الدراجه قانونيه وتنباع فاكثر من مكان ولها رخصه سواقه بعد !! لكن هل هالجاليات اللي يجيبون الشرات ويعطوونهم سيايير قانونيين ؟؟؟ ماظنتي والله دام هالخبل دعم ٣ والشارع فاضي !!

الله يبعد عنا وعنكم الاذى والمصايب

[خيالة قطر]

الحمدلله على سلامته اهم شي ماصار شي اخطر من هالحادث
فالحديده ولا فيه ،، والله يهديه ويترك الدراجه لان مخااطر بصراحه

تستاهلون سلامته

[الخزرجي قطر]

تستاهل سلامة اخوك مايشوف شر ان شاءالله

[بومحمد المطاوعه]

وانت بعد الله يستر عليك حاسب ذاك اليوم مار علي تمشي الف ع الجمس ف سيلين

الف لاباس على اخوك وتستاهلون سلامته

الله يسلمك ياخوي

اعتقد فليل صح مريت عليك

ياليتك عطيتني ليت ولا شي

ذاك الوقت طالع من العنه وبناتي مصخنات حدهم وديتهم طوارئ الاطفال

الحمدلله على كل حال :)

[بومحمد المطاوعه]

قدر الله وما شاء فعل
الله يحفظ شبابنا وشباب المسلمين ويهديهم
والحمد لله على سلامة اخوك وخطاه الشر

اللهم امين يارب

بارك الله فيج اختي ماقصرتي

[بومحمد المطاوعه]

قدر الله و ما شاء الله
الحمدلله على سلامتهم أخوي ..
لا تنسى طلع دفعة بلا عن أخوك ،،

الله يسلمج اختي

بارك الله فيج

بس حلوه كلمه قدر الله وماشاءالله هههههههه

[بومحمد المطاوعه]

اولا سلامات وعساه مايشوف الا الخير وجعلها لاخوك اجر وعافية وكفارة ذنوب
!!

الله يسلمك ياخوي ماتقصر بارك الله فيك



بس سؤالي اللي حبيت اسالك اياه
وش الطلب اللي حاطه بالصورة لاني بصراحة يوووعاااااااااان وابي نفس الطلب ؟!!!!!


هاي طال عمرك مطعم ساره

الي صوب هوم سنتر فريج الغانم

شكن جلي + لحم ناشف + مخ

واحلى طعم

[بومحمد المطاوعه]

[QUOTE=ZURICH;8559438][center]الحمدلله على سلامة الشباب

ذكرتني في واحد تولع بالدراجة لدرجة انه كان يداوم عليها

وفي يوم دعمته سيارة وضرب راسه بالرصيف واللحين مختلف كلياً ..

قيادة الدراجة خطرة تحتاج الى ممارسة وحرص داااائم

[center]

الله يسلمك ياخوي بارك الله فيك

حتى لو متمكن الناس ماترحم

[بومحمد المطاوعه]

الحمدلله على سلامه اخوك

وياريت تنصحه وتحاول انك تضغط عليه ولو تدخل كبارالعيله

بطابط ودواره في انصاف اليل وسوالف في الشارع
هذه نتيجتها ياولد المطاوعه الغلط غلط والصح صح
ياريت اخوك يقرا كلامي

بارك الله فيك اخوي

وجزاك الله خير

المشكله ياخوي المتسببين عليك في كل وقت مب بس انصاف الليالي

نسأل الله السلامه

[بومحمد المطاوعه]

لا حول ولا قوة الا بالله

الحمدلله على سلامة اخوك وربعه



الله يسلمك ياخوي جزاك الله خير . .





بس المستغرب منه ، انهم يتمشون الساعة 3 الفجر !

ويسولفون مع بعض وهم يسوقون !


لاتستغرب ياخوي ترى نص الدراجات الي تشوفهم

في وظيفتهم

جهاز امن الدوله او البحث الجنائي

يعني مافيها اي شي في الاوقات

الله اعلم الي تشوفهم منهم من المكافحه والتحريات واثناء عملهم في الدراجه




واغلب سائقي الدراجات يسوقون بتهور وبسرعة جنونية جدا

هذا غير مضايقات خلق الله وخاصة التحرش بالنساء



صحيح بارك الله فيك وايد نشوف منهم المضايقات

بس البنت المحترمه والمحتشمه محد يقدر يتحرش فيها صحيح ام لا..؟

وبعدين طال عمرك الدراجه فيها لوحه تقدر تاخذ رقم الدراجه وتسوي له الف قصه وقصه بس للأسف ابتسامه من البنت تعفس راعي الدراجه فوق تحت الله يهديهم





رأي شخصي: أنظر بنظرة دونية لمن يقودون الدرجات النارية !

لا أعلم - لربما لما رأيت منهم من سلوكيات سلبية كثيرة !



من حقك ياخوي لاني انا اشوف اشياء تعور القلب في الشارع

من التحرش في الناس والازعاج وسطهم

بس الحمدلله ما امدح اخوي بس غير عنهم بس المشكله نظره الناس للسلبيات اكثر من الايجابيات

والي يستخدم الدراجه قالو عنه انسان فاشل بس الله اعلم مني ومن الكل في هذا الشخص انا ماقدر اظلم اي شخص راكب دراجه واقول عنه هالكلام وفالأخير يطلع احسن مني سبحان الله

تحياتي لك ياخوي وبارك الله فيك على النقاش الطيب
بس لاتنسى ترى الاكثريه اثناء دواماتهم :)

[بومحمد المطاوعه]

الحمد لله على سلامتهم ومايشوفون شر انشاء الله
تصدق عاد امووت في شي اسمه دراجة :rolleyes2:

الله يسلمك ياخوي

والله نصيحه لاتاخذ صدقني عوار راس

تبي تاخذ اخذ لك سكوتر وحياك البحر وياي ههههههههه

عندي سكوتر مالها حل

[بومحمد المطاوعه]

الحمدلله على سلامة اخوك ..

الله يسلمج اختي

[بومحمد المطاوعه]

الحمد لله على سلامة أخوك وربعه وخطاهم الشر .....


الله يسلمك ياخوي ماتقصر بارك الله فيك


والله أخوي ولد المطاوعة انا فقدت أغلى وأعز صديق عندي توفى بحادث دراجة الله يرحمه من فترة وشكثر كنا نقوله خلها عنك ترى ما وراها الا عوار الراس والمخاطرة بس سبحان الله نصيبه وقدره .. ونسأل الله السلامة للجميع .



الله يرحمه ويغفر له يارب

والله عوار قلب ياخوي




وللأسف غير أخطاء سائقي الدراجات بعض المرات الا انه بعض سائقي السيارات يلفون على سائقي الدراجات على بالهم لعبة بالفيت يبي يحشره وما يعرف انه لفة الدراجه فجأة مب شي بسيط والله المستعان والسموحة على الاطالة

اي والله صدقت ياخوي

ياخي بعضهم مايحس على دمه

يقول بخرعه قسم بالله مايدري ان عادي يوقف قلبه

الله المستعان

[sendarala]

الحمدلله على سلامة اخوك وما يشوف شر

والله يحفظ الشباب والبنات من كل شر وبالاخص شر الطريق

[بومحمد المطاوعه]

للأسف شبابنا الله يهديهم ماخذين الدراجات لغرض ازعاج الناس واثارة الفوضى فشوارع وكلن يستعرض قدام الحريم اني انا القوي واسوي حركات بهلوانيه واخر شي يطيح ويتشدخ انا شفت الناس فبلدان الخارجيه استخدامهم هادي وبعقل حق الداراجات لانه في قانون يردعهم بس هني الله يهديهم والله يقوم اخوك بسلامه وحاسب عليه ياخوي ترا بعدين ماينفع الندم بعيد الشر عنه وعن شبابنا

الله يجزاك خير ياخوي

صحيح والله الاكثريه هذا ميولهم

بس اصابع ايدك مب سوى ترى مب الكل ياخوي

انا عندي سكوتر وانزل البحر بس بعقل اسوق ولا اروح الاماكن الفاحشه في البحر

الصراحه الدراجات في منهم يطلع فيها وغرضه شي واحد التحرش وهالخربطه الوصخه

لو الطرف الثاني مايعطيه ويه مابيسوي شي بس للأسف ابتسامه من البنت الي يتحرش فيها مستعد يطير الدراجه فالسماء

الله المستعان

[بومحمد المطاوعه]

حمدلله على سلامة اخوك وربعة ..ما يشوفون شر إن شاءلله

الله يسلمكم من الشر

بارك الله فيكم

[بومحمد المطاوعه]

ما عليه الا كل خير ان شاء الله

اخوي بعد الله يهداه عنده دراجه الله يحفظه

عاد ما ادري اذا للحين يستخدمها

الله يجزاك خير

والله ياخوي خله يشوف الموضوع ويقرأ

يمكن يتركها لله تعالى

[بومحمد المطاوعه]

خطاكم الشرر

اشفييه الهندي عمي؟!؟

الشر مايجيك ياخوي

يقول ماشفتهم :weeping:

3 دراجات ويقول ماشفتهم

الله كريم

[بومحمد المطاوعه]

الدراجات خطرة جدا
خصوصا في قطر ما عندنا ثقافة التعامل مع الدراجات في الشارع
وفي اغلب الاحيان يكونون اصحاب الدراجات مسرعين وعند اي خطأ والاخطاء واردة جداً
يختل توازنهم ويتكسرون

صحيح الله المستعان بس

[بومحمد المطاوعه]

الحمدلله على سلامة اخوك يا بومحمد
والله يكافينا جميع شر الحوادث

سلم عليه يالغالي .. وقول له الله الله بنفسه
الحذر واجب

سق بحذر .. وتوقع اخطاء الآخرين

ماعليه شر ان شاء الله

خليفـــة

الله يسلمك يالغالي

ماتقصر بارك الله فيك

وسلامك واصل ان شاءالله

وصدقت ياخوي الاخرين يتسببون عليك حتى لو كنت بطل رالي

الله المستعان ياخوي

تحياتي لك

[بومحمد المطاوعه]

الحمد لله على سلامته ،،

الله يسلمك ياخوي ماتقصر

[بومحمد المطاوعه]

الحمدلله على سلامة اخوك وربك ستر

الله يسلمك اخوي بارك الله فيك

[بومحمد المطاوعه]

مخاطر سواقه هالجاليات فالشوارع عندنا اكبر من مخاطر سواقه الدراجات بدوت لبس السيفتي

ليش الاغلبيه تكلمو عن مخاطر الدراجه ماتكلمو عن مخاطر هالجنقل اللي يسوقون فالشوارع !!

الدراجه قانونيه وتنباع فاكثر من مكان ولها رخصه سواقه بعد !! لكن هل هالجاليات اللي يجيبون الشرات ويعطوونهم سيايير قانونيين ؟؟؟ ماظنتي والله دام هالخبل دعم ٣ والشارع فاضي !!

الله يبعد عنا وعنكم الاذى والمصايب

اللهم امين

والله شنقول بس تعبنا منهم

سياره مب مترقعين منهم

الله كريم بس

[بومحمد المطاوعه]

الحمدلله على سلامته اهم شي ماصار شي اخطر من هالحادث
فالحديده ولا فيه ،، والله يهديه ويترك الدراجه لان مخااطر بصراحه

تستاهلون سلامته

الله يسلمج اختي

ماقصرتي

وان شاءالله بيتركها لله تعالى

الحمدلله ماتعور وايد رضوض شموخ مقدور عليها

الحمدلله على كل حال

[بومحمد المطاوعه]

تستاهل سلامة اخوك مايشوف شر ان شاءالله

الله يسلمك ياخوي ماتقصر

والشر مايجيك يارب

[بومحمد المطاوعه]

الحمدلله على سلامة اخوك وما يشوف شر

والله يحفظ الشباب والبنات من كل شر وبالاخص شر الطريق

الله يسلمج اختي

اللهم امين الله يحفظ الجميع

[الفا برافو]

خطااه الشر والحمدلله على سلامته وسلامة ربعه
اخوي كان من اصحاب الدراجات
وصر له حادث وللحين البراغي في رجوله
لكن من عقبها عاف الدراجات....
والصراحه يعجبوني اصحاب الهارلي دايما يسقون بتكانه وتركيز وهدوؤ
لكن اللي عندهم الرسينق هم اللي الله يهداهم يشاخطون بين المواتر ماتدري بيروح يمين ولا يسار
والا ماتوتعي الاوهو شل الدراجه على التاير الوراني قسما بالله قلبك يطيح من الخوف عليهم
الله يهديهم ويحفظهم من كل شر

[بومحمد المطاوعه]

خطااه الشر والحمدلله على سلامته وسلامة ربعه
اخوي كان من اصحاب الدراجات
وصر له حادث وللحين البراغي في رجوله
لكن من عقبها عاف الدراجات....
والصراحه يعجبوني اصحاب الهارلي دايما يسقون بتكانه وتركيز وهدوؤ
لكن اللي عندهم الرسينق هم اللي الله يهداهم يشاخطون بين المواتر ماتدري بيروح يمين ولا يسار
والا ماتوتعي الاوهو شل الدراجه على التاير الوراني قسما بالله قلبك يطيح من الخوف عليهم
الله يهديهم ويحفظهم من كل شر

الله يسلمك ياخوي

والله يشفي اخووك يارب

والله ياخوي الهارليات زينه

بس تخاف من الناس يدعمونك

الله كريم

[ANONYMOUS]

الله يسلمك ياخوي

اعتقد فليل صح مريت عليك

ياليتك عطيتني ليت ولا شي

ذاك الوقت طالع من العنه وبناتي مصخنات حدهم وديتهم طوارئ الاطفال

الحمدلله على كل حال :)

صحيح كانت الساعه 11 و 9 دقايق ليلا

اما اعطيك ليت .. عشان توقف لي وتهاوشني .. ولا تقول وش يبي ذيه يبي يتعرف .. وكل ماتشوفني بمكان تقول حق ربعك اللي ياك هاي اللزقه اللي حصلته ف سيلين و وقفني يبي يتعرف ههههههههههههه

انا توقعتك تتحرش لان موتري جمس

ماحبيت اغسلك ع الخط :p

مايشوفون شر لبنيات

[نوار قطر]

الحمدلله على سلامته وخطاه الشر والحمدلله انها يات في الحديد مب فيه :)

[برشلوني قطر]

تستاهلون سلامته وسلامة ربعه..زين الله حفظهم

[.. الكاش ..]

حمدالله على السلامه

[بومحمد المطاوعه]

صحيح كانت الساعه 11 و 9 دقايق ليلا

اما اعطيك ليت .. عشان توقف لي وتهاوشني .. ولا تقول وش يبي ذيه يبي يتعرف .. وكل ماتشوفني بمكان تقول حق ربعك اللي ياك هاي اللزقه اللي حصلته ف سيلين و وقفني يبي يتعرف ههههههههههههه



ههههههههههههههه اما عاد اقول جي ظلمتني والله

اول شي انا لو اي حد كبس لي اوقف وابتسم ما اهاوش

اشوف الشخص اشلون كلامه وياي

اذا هاوش يمكن اكله هههههههه

اما اذا تكلم بحترام ارحب فيه بسعه صدر

اعتقد شفت جمس اسود وفي تندرا كأنه بدون ليتات ورى وجدام ههههه قلت اشفيه الحبيب




انا توقعتك تتحرش لان موتري جمس

ماحبيت اغسلك ع الخط :p



هههههههههههههههههه

من يغسل من ههههههههههه

لا وين علشان ماتزعل ماحبيت اتحرش

لاتجرب وياي بتنصدم والله :victory:

اللؤلؤي مب شركه يالذيب ههههههههه




مايشوفون شر لبنيات

الشر مايجيك يالغالي


مره ثانيه اذا شفتني احرق الفول ليت علي هههههههههه

تحياتي لك

[بومحمد المطاوعه]

الحمدلله على سلامته وخطاه الشر والحمدلله انها يات في الحديد مب فيه :)

الله يسلمج اختي

بارك الله فيج والحمدلله على كل حال

سواقه الهنود شنسوي

[بومحمد المطاوعه]

تستاهلون سلامته وسلامة ربعه..زين الله حفظهم


الله يسلمك ياخوي

الحمدلله على كل حال

[بومحمد المطاوعه]

حمدالله على السلامه

الله يسلمك ياخوي ماتقصر

[عاهد بن علي]

الحمد لله على السلامه

[دااانة قطر]

الله يشفيه ويعاافيه

[عبدالعزيز الهتمي]

إلحمدالله على سلامته

[حرم النعمه]

تستاهل سلامة اخوك وماتشوفون شر

ياما وياما من هالجنسيات تسببت بالحوادث

بس يتنازل ليش .؟

[بومحمد المطاوعه]

الحمد لله على السلامه

الله يسلمك ياخوي

[بومحمد المطاوعه]

الله يشفيه ويعاافيه

اللهم امين بارك الله فيج اختي

[بومحمد المطاوعه]

إلحمدالله على سلامته

الله يسلمك ياخوي

[بومحمد المطاوعه]

تستاهل سلامة اخوك وماتشوفون شر

ياما وياما من هالجنسيات تسببت بالحوادث

بس يتنازل ليش .؟

الله يسلمكم والشر مايجيكم

والله تنازل علشان اطفاله اما اهو مايستاهل التنازل