متى تتوقف هالمأساة !!!!!

[pink pearl]

السلام عليكم ورحمة الله ،،،

مساكم الله بالخير ورضى الرحمن ،،

من يومين تقريباً وأنا أسمع برنامج وطني الحبيب، البرنامج اللي يحمل هموم المواطنين والمقيمين ويطرحها على طاولة المسؤولين لعل وعسى حد يسمع ويتحرك لخدمتهم وحل قضاياهم، لفت نظري قضية قديمة لكن متجددة، شايكة لكن حلولها بسيطة، مخفية لكنها مخيفة ولها أضرار جسيمة،،،،

http://www.3roos.com/files/ups/2011/292383/11327423338.gif

القضية يا إخوان هي بخصوص الموظفة وساعات العمل الطويلة ((8 ساعات يومياً)) وما يترتب عليه من أمور أخرى من تقصير بأمور البيت والزوج والأطفال، وترك الجمل بما حمل بيد الشغالة !!

الجازي وبوعبدالرحمن وأم محمد مستمعين دقوا ناقوس الخطر في البرنامج وطرحوا الحلول من وجهة نظرهم، بس هل فيه حد بيلتفت لنا احنا الموظفات؟! هل فيه حد بيسمع من المسؤولين ؟! ترى والله القضية مو قضيتنا وبس!! القضية تخصني وتخص بيتي وتخص زوجي وأطفالي وتخصنا احنا كلنا كمجتمع أغلب اللي فيه موظفات !!

شنو يعني دوام 8 ساعات ؟؟ يعني أداوم من الساعة 7 لين الساعة 3 العصر ومع الزحمة يمكن أوصل 4 إلا ربع ؟ يعني على أقل تقدير غايبة عن البيت حول 9 ساعات (تقريباً 60%من اليوم)! نقول مثلاً بعدها قيلولة ساعة، كم تبقى من اليوم 6 ساعات إذا الموظفة بتنام الساعة 11 ؟؟! بذمتكم هال6 ساعات تكفي لشنو ولا شنو!!

السؤال هني شالحل ؟ أشوف البعض يحط العيال في بيت الجدة، بس هالمرة الكبيرة -الله يعطيها طولة العمر- اللي جابلتني وجابلت إخواني وربتنا وكبرتنا، بعد تجي تجابل عيالنا !! حرام هي بعد تبي ترتاح في هالعمر بعد ما شافت أنواع الشقى وقامت بواجبها وزيادة :weeping:

بعضهم يودون الأطفال الحضانات والروض وهم في عمر صغير حتى بعض الحضانات قامت تستقبل المواليد -تخيلوا مولود بو أسابيع أو أشهر في الحضانة- ! وهالحضانات ما نأمنها على عيالنا، الصراحة أنا شخصياً ما أمن على عيالي لا من ناحية التعليم ولا من ناحية النظافة والعناية وفوق هذا أكيد ماراح يلاقي نفس اهتمام الأم !

وفي حل عجبني من اللي طرحوه المستمعين إنهم يحطون حضانات في مكان الشغل مع تخفيف الدوام للموظفة الأم وهو في وجهة نظري أخف الضررين، وهو مثل ما يقولون من الحلول اللي أحلاها مر، ترى الموظفة ما طلعت للميدان العمل إلا وهي محتاجة، هي ما تبي إلا ترفه عن نفسها وعن عيالها وتعاون زوجها بالحلوة والمرة في زمن الغلاء الفاحش وتشوف عايلتها مرفهين وبأحلى عيشة ،،

ترى الموظفة بشر لا هي برجل آلي ولا هي بسوبر مان لها طاقة ، وأنا عارفة إن التقصير وارد وارد، لكن اشلون نقلل من تقصيرها ونخفف من سلبيات خروجها للعمل، و مانبي كلام وبس نبي تطبيق واقعي، والإمارات طبقت مشروع حضانة في مكان العمل في أكثر من إمارة الله يجزاهم خير، فعلاً المسؤولين هامتهم هالقضية اللي سببت شرخ كبير في المجتمع، وللحين حاطين يدنا على قلوبنا من كثر البلاوي اللي نسمعها ،،،

هذي صرخة مني ومن كل الموظفات، ليش نحط الحبل على الغارب بيد الشغالة اللي ما يهمها إلا الراتب اللي تستلمه نهاية الشهر، والله تعبنا من كثر ما نحاتي ونسمع المآسي من حولنا، شننطر أكثر من جيه؟؟! حل فيه مصلحة المجتمع ليش ما يطبقونه؟؟ وين الدور الفعلي لمجلس الشورى والاستشارات وحماية المرأة والطفل؟ ولا كله حبر على ورق ؟؟

[سان سيمون]

الله يعينكم يا الي عندكم عيال صغار وتشتغلون انا مع الوظيفة لانها الأمن والاستقرار لزوجها في تقلبات الزمن وغدر الرجل بس مش على حساب العيال

أغلبيته أهلنا تركوا العمل بسبب اعيالهم وأقاموا نفسهم على مستوى الرجال الاقتصادي يعني بدل 30 الف رضت بالالفين علشان عيالها الله لا يخسر عليهم ويعوضونهم هالعيال

[qatara]

الله يعينكم يا الي عندكم عيال صغار وتشتغلون انا مع الوظيفة لانها الأمن والاستقرار لزوجها في تقلبات الزمن وغدر الرجل بس مش على حساب العيال

أغلبيته أهلنا تركوا العمل بسبب اعيالهم وأقاموا نفسهم على مستوى الرجال الاقتصادي يعني بدل 30 الف رضت بالالفين علشان عيالها الله لا يخسر عليهم ويعوضونهم هالعيال

والله كفو عليها الي من اجل اولادها تركت
الراتب واكتفت بالفين ريال

الله لا يخسر عليها دنيا واخره
وانشاء الله مثلها مهب خسرانات

[فتى الجود]

السلام عليكم

أولاً :

نسأل الله ان يكون في عون اخوتنا الموظفات وان يستر عليهم ويهديهم ويهدينا

ثانياً :

بالنسبة للموضوع المطروح
موضوع مهم وخطير وانا اضم صوتى الى الى صوتك

ويجب على المسؤلين اعادة النظر في عدد ساعات الدوام

[للصبر اخر]

صدقتي بكل كلمة قلتيهاوالله انا مو متزوجه واتعب شلون انتو يالمتزوجات
اعرف وحده تقول والله لولا الحاجه ما اشتغلت عيالي مو قادره عليهم
الله المستعان

[pink pearl]

الله يعينكم يا الي عندكم عيال صغار وتشتغلون انا مع الوظيفة لانها الأمن والاستقرار لزوجها في تقلبات الزمن وغدر الرجل بس مش على حساب العيال

أغلبيته أهلنا تركوا العمل بسبب اعيالهم وأقاموا نفسهم على مستوى الرجال الاقتصادي يعني بدل 30 الف رضت بالالفين علشان عيالها الله لا يخسر عليهم ويعوضونهم هالعيال

هذي مشكلة أو بالأحرى مأساة!! والواحد بظروف النساء الموظفات، مانقدر نحل المشكلة بحل ونفتح الباب لمشاكل أخرى !!
الله يكون في عون الجميع

[pink pearl]

والله كفو عليها الي من اجل اولادها تركت
الراتب واكتفت بالفين ريال

الله لا يخسر عليها دنيا واخره
وانشاء الله مثلها مهب خسرانات

مثل ماقلت الحياة تغيرت وكل موظفة وظروفها ، الله يأجرهم يارب...

[pink pearl]

السلام عليكم

أولاً :

نسأل الله ان يكون في عون اخوتنا الموظفات وان يستر عليهم ويهديهم ويهدينا

ثانياً :

بالنسبة للموضوع المطروح
موضوع مهم وخطير وانا اضم صوتى الى الى صوتك

ويجب على المسؤلين اعادة النظر في عدد ساعات الدوام



اللهم آمين ، الله يجزاك خير على المشاركة ،،،،

[pink pearl]

صدقتي بكل كلمة قلتيهاوالله انا مو متزوجه واتعب شلون انتو يالمتزوجات
اعرف وحده تقول والله لولا الحاجه ما اشتغلت عيالي مو قادره عليهم
الله المستعان

فعلاً والله، واللي يده بالماي مو نفس اللي يده بالنار، خليها على الله معاناة نفسية وجسدية وضغوطات من كل جهة،،، !! الله يكون بالعون بس،،

جزاااج الله خير ، ماقصرتي على المشاركة

[محمد سعيد]

مكان الحرمة في البيت

والي تمشي عكس التيار تتحمل

[bos3eed]

مكان الحرمة في البيت

والي تمشي عكس التيار تتحمل


راحت عليك :tomato:


escape

[Super Cool]

مرة ثانية في موضوع جديد

تبي نفس الراتب و نفس المهام و نفس الترقيات و تبي تداوم أقل

ههههه وين المهنية فالموضوع؟ اللي يبي ساعات أقل يشوفله وظيفه أسهل و "راتبها أقل" وساعات دوامها أقل....السالفة مب لعبة ترى!!! سواء ريال و الا مرة اللي يبي يداوم أول شرط يتحمل تبعات و شروط و مهام و "ساعات" الوظيفة....الجهة اللي توظفك تدفعلك راتب لأن بدون وجودك على رأس عملك المصالح بتتعطل و الشغل بيوقف و الجهة بتخسر و يمكن حتى مواطنين يتضررون....يعني كل هذا بيصير إذل انت طلعت بدري!!! لكن بدرجة أقل فقط

بعض الوظايف تتطلب منك شغل خارج ساعات العمل....و طبعا الراتب أعلى....هل في شخص ما يبي يشتغل خارج الدوام بيقبل باوظيفة حتى لو راتبها أعلى؟؟؟ هل في شخص بيوافق يداوم 20 ساعة فاليوم مقابل ضعف الراتب؟؟؟ حللوا رواتبكم يا جماعة و احفظوا الأمانة الموكلة على عاتقكم و خلوا عنكم الكلام العاطفي و الغير منطقي

[alsoq]

لا ناقوس خطر ولا غيره
اللي مش محتاجة الوظيفه بيتها اولى ولها زوج يكد على البيت
واللي محتاجه الله يكون بعونها لازم تضحي بشي مقابل شي وهو الاولاد
لو فيه اماكن مثل الحضانات متخصصه فقط بوجود اليهال لمده ساعات محدوده باسعار معقوله كان انحلت القضيه بس الحضانات الحاليه ما منها فايده غير استنزاف جيوب الاهالي

[pink pearl]

مكان الحرمة في البيت

والي تمشي عكس التيار تتحمل

سبحان الله ،، فيه ناس ماتهمها إلا نفسها ومصالحها وبس!!!
هذا مشكلة مجتمعك، يعني لما أنا أعاني ورفيجتي تعاني، ترى بعد المعاناة تمتد لأختك وخالتك وعمتك !! ليش ما تنظر لهم بعين الرحمة والعطف ولا بس نفسي نفسي !!
الله يشفي هالفئة من الناس

[pink pearl]

راحت عليك :tomato:


Escape

قل خيراً أو اصمت

[pink pearl]

مرة ثانية في موضوع جديد

تبي نفس الراتب و نفس المهام و نفس الترقيات و تبي تداوم أقل

ههههه وين المهنية فالموضوع؟ اللي يبي ساعات أقل يشوفله وظيفه أسهل و "راتبها أقل" وساعات دوامها أقل....السالفة مب لعبة ترى!!! سواء ريال و الا مرة اللي يبي يداوم أول شرط يتحمل تبعات و شروط و مهام و "ساعات" الوظيفة....الجهة اللي توظفك تدفعلك راتب لأن بدون وجودك على رأس عملك المصالح بتتعطل و الشغل بيوقف و الجهة بتخسر و يمكن حتى مواطنين يتضررون....يعني كل هذا بيصير إذل انت طلعت بدري!!! لكن بدرجة أقل فقط

بعض الوظايف تتطلب منك شغل خارج ساعات العمل....و طبعا الراتب أعلى....هل في شخص ما يبي يشتغل خارج الدوام بيقبل باوظيفة حتى لو راتبها أعلى؟؟؟ هل في شخص بيوافق يداوم 20 ساعة فاليوم مقابل ضعف الراتب؟؟؟ حللوا رواتبكم يا جماعة و احفظوا الأمانة الموكلة على عاتقكم و خلوا عنكم الكلام العاطفي و الغير منطقي




ياريت ترجع للموضوع وتقراه مرة ثانية، لأن شكلك ماقريت إلا أول سطرين،،،
أنا طالبت بتخفيف ساعات العمل للموظفة الأم، ومثل ما قالوا الإخوان ساعات العمل الفعلي بس 4 أو 5 ساعات، وشي طبيعي لو خففوا الدوام للموظفة بيقل راتبها،،،
شالمشكلة خليهم يقللون الراتب بس هذا اللي هامكم الراتب!! ترى الموظفة ماتفكر إلابأطفالها وبعدها تجي أمور الراتب وغيره،،،

ياريت البعض يوسع نظرته للأمور!!

[pink pearl]

لا ناقوس خطر ولا غيره
اللي مش محتاجة الوظيفه بيتها اولى ولها زوج يكد على البيت
واللي محتاجه الله يكون بعونها لازم تضحي بشي مقابل شي وهو الاولاد
لو فيه اماكن مثل الحضانات متخصصه فقط بوجود اليهال لمده ساعات محدوده باسعار معقوله كان انحلت القضيه بس الحضانات الحاليه ما منها فايده غير استنزاف جيوب الاهالي

اللي يده بالماي مو نفس اللي يده بالنار،،
فيه ناس مضطرة وعندها أمور شخصية، ياريت اللي يشارك يشارك بكلمة طيبة ولا لا يشارك ويحتفظ برايه لنفسه

[قلبي الطيب]

٧ ساعات كفاية وزيادة ياما موظفين قعدوا في الدوام بس تمضية وقت بعد ما خلصوا شغلهم اما الشاغلين في خدمة العملاء والمراجعين لازم يكون في شفتات صبح وعصر بعد

[وطن]

ياريت ترجع للموضوع وتقراه مرة ثانية، لأن شكلك ماقريت إلا أول سطرين،،،
أنا طالبت بتخفيف ساعات العمل للموظفة الأم، ومثل ما قالوا الإخوان ساعات العمل الفعلي بس 4 أو 5 ساعات، وشي طبيعي لو خففوا الدوام للموظفة بيقل راتبها،،،
شالمشكلة خليهم يقللون الراتب بس هذا اللي هامكم الراتب!! ترى الموظفة ماتفكر إلابأطفالها وبعدها تجي أمور الراتب وغيره،،،

ياريت البعض يوسع نظرته للأمور!!

ولا يقل راتبج ولا شي
هو اساسا راتب المرأة يختلف عن الرجل في العلاوات الاجتماعية والسكن

معناته هم مراعيين هالشغله

وياريت صج يراعونكم كأمهات مثل ما قلتي

أنا بنت ومن اسبوع أفكر
ليش لازم نداوم مثل الرياييل ؟
هم في الرواتب ما عاملونا مثلهم وفي فرق
ليش في مواعيد الدوام ما نختلف بعد ؟


ولا أحد يقول لي انتو تبون المساواة
أنا ما عمري طالبت أتساوى بالرجل
أعرف قدراته وأعرف قدراتي
:secret:

[pink pearl]

7 ساعات كفاية وزيادة ياما موظفين قعدوا في الدوام بس تمضية وقت بعد ما خلصوا شغلهم اما الشاغلين في خدمة العملاء والمراجعين لازم يكون في شفتات صبح وعصر بعد

أعتقد 6 ساعات كفاية بعد، تخيلي أنا شخصياً اشتغل 3ساعات أو 4 إذا كان فيه ضغط، والباقي فطور وسوالف وإنترنت، وهذا اللي صج صاير في أغلب المؤسسات الحكومية، ترى الإنتاجية في الكيف وليس الكم، وبهذي النقطة تفوق علينا الغرب للأسف،،

اتفق معاج أختي، الله يجزاج خير على المشاركة الطيبة

[pink pearl]

ولا يقل راتبج ولا شي
هو اساسا راتب المرأة يختلف عن الرجل في العلاوات الاجتماعية والسكن

معناته هم مراعيين هالشغله

وياريت صج يراعونكم كأمهات مثل ما قلتي

أنا بنت ومن اسبوع أفكر
ليش لازم نداوم مثل الرياييل ؟
هم في الرواتب ما عاملونا مثلهم وفي فرق
ليش في مواعيد الدوام ما نختلف بعد ؟


ولا أحد يقول لي انتو تبون المساواة
أنا ما عمري طالبت أتساوى بالرجل
أعرف قدراته وأعرف قدراتي
:secret:



فعلاً أغلب العلاوات تكون خاصة بالرجل ويستلم أكثر، بس هم تفكيرهم محصور في الراتب وإنه بنداوم أقل منهم!!
أختي في شركة خاصة دايماً الموظفات يطلعون قبل الموظفين وهذا اللي متعارف عليه، ياريت يقدرون الموظفة الأم،، :weeping:

الله يجزاج خير حبيبتي وطن، نورتي الموضوع

[Super Cool]

ياريت ترجع للموضوع وتقراه مرة ثانية، لأن شكلك ماقريت إلا أول سطرين،،،
أنا طالبت بتخفيف ساعات العمل للموظفة الأم، ومثل ما قالوا الإخوان ساعات العمل الفعلي بس 4 أو 5 ساعات، وشي طبيعي لو خففوا الدوام للموظفة بيقل راتبها،،،
شالمشكلة خليهم يقللون الراتب بس هذا اللي هامكم الراتب!! ترى الموظفة ماتفكر إلابأطفالها وبعدها تجي أمور الراتب وغيره،،،

ياريت البعض يوسع نظرته للأمور!!

والله لو قللوا رواتبكم انتوا اول ناس بتشتكون....حدكم حدكم سنة و بعدين نبدأ نسبع تكفى يا بو مشعل!!!

اللي تبي تشتغل ساعات أقل و موافقة على راتب أقل تروح تدور وظيفة "Part Time" و يا كثرهم هالوظايف والا هذي بعد ما سمعتوا فيها؟؟؟

مثل ما قلت اللي يطلب هالطلب واضح جدا انه ما يعرف عن المهنية شي....محد تكلم عن الكفائة ترى....ما قلنا كم ساعة تنتج فيها من بين ال8 ساعات....في دراسات تقول ان الإنتاجية ترتفع بعد بداية الدوام بفترة و تنخفض قبل نهاية الدوام بفترة و ان طول هالفترة يتغير من شخص لشخص لكن بمعدل ساعة كاملة تزيد أو تنقص بشيء قليل....بمعنى ان اذا الدوام 8 ساعات الشخص ينتج 5-6 ساعات....بالتالي إذا الدوام 5 ساعات الإنتاجية بتكون 2-3 ساعات فقط لاغير!!! و على الوظايف المهمة ما ينفع خير شر!!! و الا الشغل بيتعطل وايد و الخساير بتكون أضعاف

مرات أحمد ربي اني اشتغل في مجال فيه مهنية عالية لأن ما أتخيل موظف معاي يفكر مثل هالتفكير و ما أفنشه!!!

[Al-Kuwari]

اتفق مع اخوي سوبر كول في كلامه

[pink pearl]

والله لو قللوا رواتبكم انتوا اول ناس بتشتكون....حدكم حدكم سنة و بعدين نبدأ نسبع تكفى يا بو مشعل!!!

اللي تبي تشتغل ساعات أقل و موافقة على راتب أقل تروح تدور وظيفة "Part Time" و يا كثرهم هالوظايف والا هذي بعد ما سمعتوا فيها؟؟؟

مثل ما قلت اللي يطلب هالطلب واضح جدا انه ما يعرف عن المهنية شي....محد تكلم عن الكفائة ترى....ما قلنا كم ساعة تنتج فيها من بين ال8 ساعات....في دراسات تقول ان الإنتاجية ترتفع بعد بداية الدوام بفترة و تنخفض قبل نهاية الدوام بفترة و ان طول هالفترة يتغير من شخص لشخص لكن بمعدل ساعة كاملة تزيد أو تنقص بشيء قليل....بمعنى ان اذا الدوام 8 ساعات الشخص ينتج 5-6 ساعات....بالتالي إذا الدوام 5 ساعات الإنتاجية بتكون 2-3 ساعات فقط لاغير!!! و على الوظايف المهمة ما ينفع خير شر!!! و الا الشغل بيتعطل وايد و الخساير بتكون أضعاف

مرات أحمد ربي اني اشتغل في مجال فيه مهنية عالية لأن ما أتخيل موظف معاي يفكر مثل هالتفكير و ما أفنشه!!!


إنت تتكلم من هالمنطق لأنك مب حاس بالمعاناة، وهالشي طبيعي لأنك رجل،،
ومثل ماقلت من قبل ناس مب هامتها إلانفسها، وبخصوص الpart time الأغلب الشغل يكون فيه خاص،، واحنا قاعدين نتكلم عن المؤسسات الحكومية !!

[pink pearl]

اتفق مع اخوي سوبر كول في كلامه

شكراً على المرور

[pink pearl]

أشكر جريدة الوطن اللي نشرت موضوعي أمس الثلاثاء، وأتمنى بس صوتنا يوصل ونبي حل فعلي، ويارب ييسر للي فيه الخير
وللي حاب يتفاعل الحملة ويشاركنا على تويتر على هاشتاق
#حملة_تخفيف_الدوام_للموظفات وجزاكم الله خير ...