تعالوا نحلل هالمبلغ

[محارب مداري]

السلام عليكم ورحمة الله وبركاته

قال صلى الله عليه وسلم : ( مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى ) رواه البخاري (6011) ومسلم (2586)
عن النعمان بن بشير رضي الله عنهما أنَّ النَّبي صلَّى الله عليه وسلَّم قال: «مَثَلُ المؤمنين في توادّهم وتراحمهم وتعاطفهم مثل الجسد، إذا اشتكى منه عضوٌ تَدَاعى له سائر الجسد بالسَّهر والحُمّى».

الفئه اللي محد يدري عنهم
وما اعرف بصراحه كيف عايشين
المقيمين اللي شغالين في الشرطه
رواتبهم 5000 !!



تعالوا نحلل هالمبلغ ...
5000 ريال شيسوي فيها اذا كان :
متزوج
عنده 7 اعيال
عليه اقساط للبنك
يدفع اجار البيت
يدفع رسوم الكهرب والماي
تموين البيت
ملابس
فاتورة التلفون
بترول السياره الخ...

وان شاء الله المسؤولين ينظرون في وضعهم
ما اقول غير الله يكون في عونهم

[Locale]

الله يغنيهم بفضله ويرزقهم من حيث لايحتسبون

[سان سيمون]

جزاك الله خير على تفكيرج باخوانج في الله لكن ممكن تضيفين لل 5000 ريال
الزوجة تعمل ولها مصدر ممكن محفظة قران ممكن سواقة متعاقدة مع موظفات او طلاب
صندوق الزكاة يدفع رسوم التعليم و كوبونات وكسوة العيد والاضحية
السكن مجاني عن طريق جهة العمل واذا ما حصل عليه صندوق الزكاة يدفع يعني ما شاء الله عليهم رزقهم ما شيء الله يزيدهم من فضلة

[محارب مداري]

جزاك الله خير على تفكيرج باخوانج في الله لكن ممكن تضيفين لل 5000 ريال
الزوجة تعمل ولها مصدر ممكن محفظة قران ممكن سواقة متعاقدة مع موظفات او طلاب
صندوق الزكاة يدفع رسوم التعليم و كوبونات وكسوة العيد والاضحية
السكن مجاني عن طريق جهة العمل واذا ما حصل عليه صندوق الزكاة يدفع يعني ما شاء الله عليهم رزقهم ما شيء الله يزيدهم من فضلة

:nice: معاكم اخوكم بوعبدالله
بس ليش يلجاء لهالمؤسسات عشان يسد حاجته
ليش وزارة الداخليه ماتزيد رواتبهم مع العلم اكثرهم مواليد
وولائهم لقطر اكثر من ولائهم لبلدهم الأم

[جادووور]

كان الله بعونهم وفي منهم ماعندهم اي مصدر رزق آخر غير الراتب

[سان سيمون]

:nice: معاكم اخوكم بوعبدالله
بس ليش يلجاء لهالمؤسسات عشان يسد حاجته
ليش وزارة الداخليه ماتزيد رواتبهم مع العلم اكثرهم مواليد
وولائهم لقطر اكثر من ولائهم لبلدهم الأم

سوري بو عبدالله انا اشتبه علي الاسم كان وحده من الاعضاء نفس الحروف فا ماانتبهت خبرك مشكلة صعوبات التعلم 

[إينشتاين]

كنت اظن ان راتب 5000 انمسح من تاريخ رواتب الحكومة كنت اتوقع اقل راتب للمقيمين بحدود 10,000

[لمت اب]

5000 الى ياخذونها اكثر من رواتب الارامل والمطلقات
اذا بتطالبون بزياده طالبوا للمساكين الارامل والمطلقات والعجزه اللي ماتقدر تروح ولا تجي
ولا تشتغل الصبح في مكان والعصر في مكان مثل معظم الوافدين الي يشتغلون في الحكومه
وبعدين ايش عرف ابو عبدالله ان ولائهم لك اكثر من ولائهم لبلادهم
تأكد يا بو عبدالله ان محد يحبك لسواد عيونك

[alsoq]

القيم اسمه مقيم مو بدايم في البلد وله بلد لو ما عجبه الوضع بيروح لها

المشكله اهل الشؤن اهل البلد 2500 ريال نحسبها

1000 لدريول
500 نقول للبترول
1000 ريال ايش بتسوي اللي ما تكفي حتى اغراض دكان

[محارب مداري]

5000 الى ياخذونها اكثر من رواتب الارامل والمطلقات
اذا بتطالبون بزياده طالبوا للمساكين الارامل والمطلقات والعجزه اللي ماتقدر تروح ولا تجي
ولا تشتغل الصبح في مكان والعصر في مكان مثل معظم الوافدين الي يشتغلون في الحكومه
وبعدين ايش عرف ابو عبدالله ان ولائهم لك اكثر من ولائهم لبلادهم
تأكد يا بو عبدالله ان محد يحبك لسواد عيونك

بخصوص الارامل والمطلقات
هذي مشكله ياخوي ومحد ناسي هالشي وهذا موضوع ثاني
ومانبي نطلع من موضوعنا

وبعدين تسألني ايش عرفني بخصوص ولائهم
بقولك لو انك عسكري بتعرف
هذولا اخوان واكثر من اخوان ومجهودهم واضح في الوزاره

[محارب مداري]

القيم اسمه مقيم مو بدايم في البلد وله بلد لو ما عجبه الوضع بيروح لها

المشكله اهل الشؤن اهل البلد 2500 ريال نحسبها

1000 لدريول
500 نقول للبترول
1000 ريال ايش بتسوي اللي ما تكفي حتى اغراض دكان

لاتعليق...

[elders]

جزاك الله خير والله يعطي كل واحد على قد نيتو ...الله يوسع عليهم وعلى اهل الشؤون وكل محتاج ويحشرنا واياك مع الحبيب (صل الله عليه وسلم) اللي قال لنا :( لا يؤمن أحدكم حتى يحب لأخيه ما يحب لنفسه )

[بن مشهور]

خمسه الف او سبعة الف او عشرة الف هي رواتب ماتمشي الحال في ظل الغلاء

[abdo222]

القيم اسمه مقيم مو بدايم في البلد وله بلد لو ما عجبه الوضع بيروح لها

المشكله اهل الشؤن اهل البلد 2500 ريال نحسبها

1000 لدريول
500 نقول للبترول
1000 ريال ايش بتسوي اللي ما تكفي حتى اغراض دكان

شهال الاسلوب !!

[الخزرجي قطر]

الله يكون في عونهم وعون الجميع الله يفرج هم كل مسلم
الحمد لله مازالت الدنيا بخير وناس تفكر عن وضع اخرين

[jeep-srt8]

الفئة المظلومة

عالاقل مالهم علاوة للزواج او سكن او شي

5 الاف على طووووول يارب يكون بعونهم

الكثير اعرفهم ياخذون هالراتب ولا واحد فيهم قدر يتزوج بس واحد وقاعد مع اهله

يعني ماقدر اشوف اي حد فيهم كل واحد يشكي ويبكي شنقول وشنسوي غير الله كريم

احد الردود ...يعني الدولة عاطيته هالراتب لانه بيتزوج و زوجته بتكون مديرة ب احد الشركات وراتبها 20 الف ويغر انهم بيعطوه سكن وغير جوال ب رصيد مفتوح و سيارة بترولها فل و غدا وعشا واصل لبيتهم ف 5 الاف ياخذها منظر !!!!!!!!

هالراتب زمان كان يسوي شوية شغل ولكن كل شي تغير وزاد وارتفع ووووو و الراتب منسي بقي على حاله

وجماعة الثانوية مالهم الا هالطريق يا عسكرية يا شرطة بس العسكرية احسن فيها شوي علاوات سمعت

الله كريم والله يفرجها عليهم

[فراغ]

المفروض يزيدون رواتبهم
ولكن للأمانه في حرب الخليج فيه مجموعه شلت عليه
ياروح ماعقبتش روح
انا مثل الأصفهاني
اقول المحاسن والمساوئ
بس في النهايه انا مع الزياده

[Taiki]

مثــال بسيــط ...
عــسكري خدمة +30 سنة و مواليد الدوحة. عمره + 50 سنه
اللي دشوا معاه الحين معلقين نجمتين و ثلاثة و تاج يمكن.
راتبه أقل من 10000 :)

[مضارب دوسري]

على فكره محد مسموح له يجيب اهله الا اذا كان رابه فوق ال 6000

[الزعفراني]

الله يرزقهم وان شاء الله يزيدونهم لأن ذيلا جزء من حماة الوطن .. وكثير منهم أفنى حياته في هالعمل بجد وإخلاص وتفاني ولا يزال .. والواحد منهم ما يبي شيء ولا يطمح لشيء غير ستر الحال مع هالغلاء اللي صاير ويطحنهم .. الحمدلله على كل حال وكان الله في عونهم .

جزاك الله خير اخوي على هالموضوع

[Mbarkaji]

كلام صحيح وبارك الله بكل واحد يتعاطف مع المقيمين وللعلم مش بس الداخلية ومستشفة حمد العام

[بوحمد111]

الله يكون في عونهم

[bos3eed]

الله يعينهم, في واحد منهم كان شغال في الدفاع المدني على 5000 ريال وعنده عيال وساكن في ايجار 3000 ريال وعلشان يحسن وضعه اشترى طراد صغير و كان يروح يحدق عقب الدوام بس علشان يحصل كم فلس زياده وفي الاخير المسكين غرق في البحر الله يعين مرته وعياله.

واحب اذكر اللي يقول انهم مابيضحون بحياتهم بشهداء الواجب من رجال الدفاع المدني اللي توفوا في حريق فيلاجيو

[محارب مداري]

الله يعينهم, في واحد منهم كان شغال في الدفاع المدني على 5000 ريال وعنده عيال وساكن في ايجار 3000 ريال وعلشان يحسن وضعه اشترى طراد صغير و كان يروح يحدق عقب الدوام بس علشان يحصل كم فلس زياده وفي الاخير المسكين غرق في البحر الله يعين مرته وعياله.

واحب اذكر اللي يقول انهم مابيضحون بحياتهم بشهداء الواجب من رجال الدفاع المدني اللي توفوا في حريق فيلاجيو

لاحول ولاقوة الابالله
الله يكون في عون الجميع

[MAZEN37]

الحمدلله والله يزيد الخير على الجميع

[networker]

ابشركم

بيزدوهم 825

[وحيد-الشوق]

الله يعينهم صراحه 5000 ماتسوي شيء في هالزمن شلون يصرف على عيالة وزوجتة

لكن انا استغرب من بعض الناس سواء مقيم او مواطن نجي مثلا مثل ماذكرت مقيم راتبه 5000 ليش عنده 7 عيال !!!!!!

الواحد لين تزوج المفروض يفكر شلون يصرف ويأمن مستقبل عياله و5000 او 10000 ماتكفي ل7 عيال لكن الي مثل بعض الناس مادري شلون تفكيرهم :)

[محارب مداري]

ابشركم

بيزدوهم 825

825 ايش هذي زياده
ولاصدقه!!

[alsoq]

خلكم من العواطف ولا يجوز مقارنه ابن البلد بالمقيم او مواليد قطر
ولا يجوز المقارنه بمواليد او غير خير البلد اولى بها اهلها بعدين يجي الدور على الموليد

اول شي يعدلون وضع شؤن والمتقاعدين وبعدين يفكرون بالباقي

[محارب مداري]

الله يعينهم صراحه 5000 ماتسوي شيء في هالزمن شلون يصرف على عيالة وزوجتة

لكن انا استغرب من بعض الناس سواء مقيم او مواطن نجي مثلا مثل ماذكرت مقيم راتبه 5000 ليش عنده 7 عيال !!!!!!

الواحد لين تزوج المفروض يفكر شلون يصرف ويأمن مستقبل عياله و5000 او 10000 ماتكفي ل7 عيال لكن الي مثل بعض الناس مادري شلون تفكيرهم :)

قال تعالى ( المال والبنون زينة الحياة الدنيا والباقيات الصالحات خير عند ربك ثوابا وخير أملا)

[محارب مداري]

خلكم من العواطف ولا يجوز مقارنه ابن البلد بالمقيم او مواليد قطر
ولا يجوز المقارنه بمواليد او غير خير البلد اولى بها اهلها بعدين يجي الدور على الموليد

اول شي يعدلون وضع شؤن والمتقاعدين وبعدين يفكرون بالباقي

حب لأخيك ما تحب لنفسك

[مضارب دوسري]

بصراحه لو كان التواجد في قطر خساره عند اي مقيم
او بالاحرى يشوف انه ماخذ اقل من حقه كان لقيناه مسافر من ثاني يوم وراجع لبلاده

[بن مشهور]

الله يعينهم صراحه 5000 ماتسوي شيء في هالزمن شلون يصرف على عيالة وزوجتة

لكن انا استغرب من بعض الناس سواء مقيم او مواطن نجي مثلا مثل ماذكرت مقيم راتبه 5000 ليش عنده 7 عيال !!!!!!

الواحد لين تزوج المفروض يفكر شلون يصرف ويأمن مستقبل عياله و5000 او 10000 ماتكفي ل7 عيال لكن الي مثل بعض الناس مادري شلون تفكيرهم :)

طيب هل تصدقني إذا قلت لك أني أنا لست متزوج واصرف في الشهر الواحد لإيقل عن عشرين ألف ريال. إلي معه خمسه ألف الله يعينه ويرزقه الجنه أن شاءالله.

[المجدم]

نفس الشي ينطبق على الجنود بالجيش ، كان الله في عونهم ووسع الله عليهم

[راعي ارقام]

راعي الموضوع بيض الله وجهك

انا اعرف واحد من الربع مواليد الدوحة وعمره 35 سنة
وراتبه 5000 ريال واجار بيته 2500 وعنده اربع بزران وكلهم يدرسون
ولازم تعرفون انه لازم يدفع حق باصات المدرسة
والعسكري مايقدر يشتغل مكان ثاني للي يقول اكيد عنده دخل ثاني!!؟؟
الله يكون بعونهم والله يفرج عنهم ان شاء الله

[الزعفراني]

الله يعينهم صراحه 5000 ماتسوي شيء في هالزمن شلون يصرف على عيالة وزوجتة

لكن انا استغرب من بعض الناس سواء مقيم او مواطن نجي مثلا مثل ماذكرت مقيم راتبه 5000 ليش عنده 7 عيال !!!!!!

الواحد لين تزوج المفروض يفكر شلون يصرف ويأمن مستقبل عياله و5000 او 10000 ماتكفي ل7 عيال لكن الي مثل بعض الناس مادري شلون تفكيرهم :)

كل مولود ورزقه يجي معه .. واللي يفكر يمنع نفسه من الذريه عشان راتبه ما يكفي هذا عنده نقص ايمان ولازم يراجع نفسه ويراجع عقيدته .. واللي عنده درزن عيال وراتبه 5000 ريال ويصرف عليهم .. هذي الله يسلمك سبة البركة في الفلوس .. ويمكن مب أي واحد يشعر فيها .. وذي فضل من الله يعطيه عباده .. ويكتبه لهم

ناس رواتبهم بالمية ألف وتلقى ماعنده غير ولد واحد ويتشكى من الغلاء وقلة الفلوس ..

الله يطرح البركة في اموال كل مسلم ويطرح البركة في عيال المسلمين أجمعين .. اللهم آمين

[محارب مداري]

بصراحه لو كان التواجد في قطر خساره عند اي مقيم
او بالاحرى يشوف انه ماخذ اقل من حقه كان لقيناه مسافر من ثاني يوم وراجع لبلاده

يعني انت الحين اتشوف انه اخذ حقه
لاتعليق

[نوار قطر]

اغلب هالفئه لهم مصدر رزق ثاني مستحيل انهم يعيشوون على هالمبلغ عيل شستفادو من غربتهم ؟؟؟ يتغربون سنين عشان يميعون لهم ومااعتقد انهم بيصبرون اذا كان دخلهم ضعيف لان ماتغير عليهم شي في حياتهم...

[فراغ]

بكره بعد يجي الفلبيني ويطالب بالمساواه مع المواطن
قلوها لولين
القطري مثل العومه ماكوله ومذمومه
انا مع عيال الدوحة (مواليد الدوحة) ألي ابهاتهم صار لهم اكثر من خمسين سنه هذيلآ يستاهلون ويستهلون حتى الجنسيه مش المساواه بالراتب أما من جاء ممن عشر سنين او عشرين سنه ويطالب هذي فوضه حتى بلاده ماتعطيه روحوا شوفوهم في بلدانهم قطر نعيم بالنسبه لهم بعضهم يقعد سنين مساعد سائق

[حميداني]

هذي اتعاب وكل واحد عطاها حقها استحق قيمتها بالكامل .

[وحيد-الشوق]

كل مولود ورزقه يجي معه .. واللي يفكر يمنع نفسه من الذريه عشان راتبه ما يكفي هذا عنده نقص ايمان ولازم يراجع نفسه ويراجع عقيدته .. واللي عنده درزن عيال وراتبه 5000 ريال ويصرف عليهم .. هذي الله يسلمك سبة البركة في الفلوس .. ويمكن مب أي واحد يشعر فيها .. وذي فضل من الله يعطيه عباده .. ويكتبه لهم

ناس رواتبهم بالمية ألف وتلقى ماعنده غير ولد واحد ويتشكى من الغلاء وقلة الفلوس ..

الله يطرح البركة في اموال كل مسلم ويطرح البركة في عيال المسلمين أجمعين .. اللهم آمين

انا اختلف معاك ومب شرط الكلام الي ذكرته يكون قاعده :)

خلاص عيل مايحق له يجي ويتشكى ويقول عندي 7 عيال ومعاشي مايكفيني !!!!!!!

وفي ناس الله يهديهم عندهم 20 ولد ويطر من بيت لين بيت :rolleyes2:

هذا يسمى قله عقل ووعي :anger1:

[المتألم]

بصراحه لو كان التواجد في قطر خساره عند اي مقيم
او بالاحرى يشوف انه ماخذ اقل من حقه كان لقيناه مسافر من ثاني يوم وراجع لبلاده

ليش ما تقول انه صابر لانه يحب لبلاد .

[طير]

الله يعينهم ويصبرهم ... الحياة تغيرت 5000 في هالزمن لازم يحاسب ريال ريال في حياته اليومية والتزاماته
الله يزيدهم والله يبارك لهم في ارزاقهم ..

[المتألم]

برأيي الإشكالية ليست في مقيم أو غير مقيم التي يتحجج بها البعض
الإشكالية تكمن في تقدير الوظيفة
هل ةظيفة شرطي وظيفة مهانة ، وظيفة عادية ،
هل وظيفة مندوب مثلا اكثر رفعة من وظيفة شرطي
هل وظيفة سائق أكثر رفعة من وظيفة شرطي
عندما يستلم المندوب في بعض الشركات الخاصة سبعة وعشره وغيرها وطبعا الله يرزقه ويزيده
وعندما يستلم السائق عشرة وفوق في بعض الشركات والله يزيده
هل تكون هذه الوظائف اكثر قيمة من وظيفة شرطي يدير امن البلد ونظامه ويسيره باحسن ما يكون
الاشكالية في أنهم اهانوا المهنه وجعلوها. لا تساوي شيئا
هناك مهن ووظائف حكومية يجب ان يكون لها قيمتها واحترامها
بصراحه لم تهن وظيفة مثلما اهينت الشرطه رغم انها وظيفة مهمة جدا .
أنا بمقارنتي بالوظيفتين السابقتين لا اقصدد التقليل ولا الانتقاص ولا ان رواتبهم عاليه
بل الله يبارك لهم ويزيدهم ولكن المراد ان يتم رفع مستوى هذه الوظيفة ومن يقومون بها .

[networker]

^



زادوهم 800

[nor85]

اهم مرتاحين اهني لو مش مرتاحين كان راحوا من زمان عندنا واحد استغال من عندنا ورجع بلاده تم سنتين بدون شغل وحاول يرجع الدوحه بعد معاناته في بلاده بس مافي امكانيه , واحد يشتغل في المجلس الاعلى يقول ادخل 30 الف ريال شهري من التدريس غير الراتب ماينخاف عليهم يعرفون يدبرون نفسهم

[بصمة قطرية]

متأكدين 5000 ريال و جايب هله معاه ..!!!
أعرف وحدة من جنسية عربية
تزوجت واحد من جنسية عربية من مواليد الدوحة
ما سمحوا له يجيب زوجته الدوحة الا بعد ما زاد راتبه
وصل تقريباً 7000 ريال ..!!!
اللي أعرفه 5000 ريال ما يسمحون له يجيب هله ..!!!

[عاهد بن علي]

الله يعينهم

[محارب مداري]

اهم مرتاحين اهني لو مش مرتاحين كان راحوا من زمان عندنا واحد استغال من عندنا ورجع بلاده تم سنتين بدون شغل وحاول يرجع الدوحه بعد معاناته في بلاده بس مافي امكانيه , واحد يشتغل في المجلس الاعلى يقول ادخل 30 الف ريال شهري من التدريس غير الراتب ماينخاف عليهم يعرفون يدبرون نفسهم

موضوعنا عن اللي شغالين في الداخليه (الشرطه)

[معماري قطري]

السلام عليكم ورحمة الله وبركاته

قال صلى الله عليه وسلم : ( مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى ) رواه البخاري (6011) ومسلم (2586)
عن النعمان بن بشير رضي الله عنهما أنَّ النَّبي صلَّى الله عليه وسلَّم قال: «مَثَلُ المؤمنين في توادّهم وتراحمهم وتعاطفهم مثل الجسد، إذا اشتكى منه عضوٌ تَدَاعى له سائر الجسد بالسَّهر والحُمّى».

الفئه اللي محد يدري عنهم
وما اعرف بصراحه كيف عايشين
المقيمين اللي شغالين في الشرطه
رواتبهم 5000 !!





تعالوا نحلل هالمبلغ ...
5000 ريال شيسوي فيها اذا كان :
متزوج
عنده 7 اعيال
عليه اقساط للبنك
يدفع اجار البيت
يدفع رسوم الكهرب والماي
تموين البيت
ملابس
فاتورة التلفون
بترول السياره الخ...

وان شاء الله المسؤولين ينظرون في وضعهم
ما اقول غير الله يكون في عونهم

المقيمين اللي شغالين في الشرطة رواتبهم أكثر على ما أعتقد توصل قريب ال 10 الاف ولهم كثير امتيازات ... ووضعهم وايد أحسن من اللي في شركات واللي يدورون شغل ما يحصلون.

[معماري قطري]

برأيي الإشكالية ليست في مقيم أو غير مقيم التي يتحجج بها البعض
الإشكالية تكمن في تقدير الوظيفة
هل ةظيفة شرطي وظيفة مهانة ، وظيفة عادية ،
هل وظيفة مندوب مثلا اكثر رفعة من وظيفة شرطي
هل وظيفة سائق أكثر رفعة من وظيفة شرطي
عندما يستلم المندوب في بعض الشركات الخاصة سبعة وعشره وغيرها وطبعا الله يرزقه ويزيده
وعندما يستلم السائق عشرة وفوق في بعض الشركات والله يزيده
هل تكون هذه الوظائف اكثر قيمة من وظيفة شرطي يدير امن البلد ونظامه ويسيره باحسن ما يكون
الاشكالية في أنهم اهانوا المهنه وجعلوها. لا تساوي شيئا
هناك مهن ووظائف حكومية يجب ان يكون لها قيمتها واحترامها
بصراحه لم تهن وظيفة مثلما اهينت الشرطه رغم انها وظيفة مهمة جدا .
أنا بمقارنتي بالوظيفتين السابقتين لا اقصدد التقليل ولا الانتقاص ولا ان رواتبهم عاليه
بل الله يبارك لهم ويزيدهم ولكن المراد ان يتم رفع مستوى هذه الوظيفة ومن يقومون بها .

بتخرب سواقينا يا اخوي .. أي شركة تشغل سائق مقيم ب 10 الآف؟ دلني وينها يمكن يعطون المواطن 20 الف أعرف وايد محتاجين شغل لو هذي الرواتب.

[معماري قطري]

5000 الى ياخذونها اكثر من رواتب الارامل والمطلقات
اذا بتطالبون بزياده طالبوا للمساكين الارامل والمطلقات والعجزه اللي ماتقدر تروح ولا تجي
ولا تشتغل الصبح في مكان والعصر في مكان مثل معظم الوافدين الي يشتغلون في الحكومه
وبعدين ايش عرف ابو عبدالله ان ولائهم لك اكثر من ولائهم لبلادهم
تأكد يا بو عبدالله ان محد يحبك لسواد عيونك

:nice:

[سجيت!]

كل صاحب مجهود المفروض يجزاء على جهده

والله الموفق

[المتألم]

المقيمين اللي شغالين في الشرطة رواتبهم أكثر على ما أعتقد توصل قريب ال 10 الاف ولهم كثير امتيازات ... ووضعهم وايد أحسن من اللي في شركات واللي يدورون شغل ما يحصلون.

رواتبهم 5175 ريال
وزادوهم 825 بتزل هالشهر

هذا راتب المتزوج . ولا توجد اي امتيازات ولا سكن ولا شيء
هذا راتب مقطوع وثابت .
اول مره اسمع مقيم شرطي راتبه عشره الف .


بالنسبه للسواقين في بشركات البترول مثل وقود مثلا .

ضرب المثال اناقش فيه مستوى الوظيفه وكيف ان الشرطه وضعت ضمت
الوظائف العماليه وهذه برأيي غلطة كبيرة .

[ANONYMOUS]

المقيمين اللي شغالين في الشرطة رواتبهم أكثر على ما أعتقد توصل قريب ال 10 الاف ولهم كثير امتيازات ... ووضعهم وايد أحسن من اللي في شركات واللي يدورون شغل ما يحصلون.



من وين جبت هالكلام

المشكله ان في ناس تمشي وتفتي وتطلع كلام


انا اتوقع ان المسؤول عن رواتب الشرطه ( نفسك ) يفكر ان رواتبهم 10 عشان كذا ماحد درى عنهم ومتوقعين انهم غرقانين فلوس


من رأيي ان الشرطه يكون لهم حد أدنى من الرواتب بحيث يكون مرتاح نفسيا واسريا لان مهمتهم حفظ البلد حتى لايدخل الشيطان من باب الحاجه*

وياريت تقول لنا وش هالامتيازات الكثيره

[حمد 2002]

اخوانا الباكستانين والجنسيات الاخرى يمسكون بالحرس الاميري وبلخويا 12 الف ريال وبالداخليه ايوصل بالبدايه 8000 الى 10 الاف

[حمد 2002]

اخوي اذا بنتكلم عن ضروره الزياده لهم أنا اجووووووووووووووف اهل الشؤؤؤؤون اولى منهم

[حمد 2002]

وللمعلوميه القطري الي عنده ثانويه عامه كان ياخذ قبل الزياده وقانون الموارد البشريه 5 الاف ريال اذا كان شغال بوزاره من هالوزارات تخيل !!! يعني هم مب احسن منه بشي

[المتألم]

اخوانا الباكستانين والجنسيات الاخرى يمسكون بالحرس الاميري وبلخويا 12 الف ريال وبالداخليه ايوصل بالبدايه 8000 الى 10 الاف

أخوي محد ذكر الجيش

[فراغ]

رواتبهم 5175 ريال
وزادوهم 825 بتزل هالشهر

هذا راتب المتزوج . ولا توجد اي امتيازات ولا سكن ولا شيء
هذا راتب مقطوع وثابت .
اول مره اسمع مقيم شرطي راتبه عشره الف .


بالنسبه للسواقين في بشركات البترول مثل وقود مثلا .

ضرب المثال اناقش فيه مستوى الوظيفه وكيف ان الشرطه وضعت ضمت
الوظائف العماليه وهذه برأيي غلطة كبيرة .
السؤال هل يجد هذا الراتب في بلاده الام