شحنتي من امريكا واقفة في الجمارك - مطلوب موافقة ict ؟؟

[asulaiti]

اخواني ..

طلبت اغراض من امريكا .. اكسسوارات وعتاد كمبيوتر ..
لكن طلبت مع الشحنة عدد 5 كاميرات وايرليس IP .. صغيرة للاستخدام المنزلي ..
بغرض مراقبة المنزل والخدم ..

كلموني اليوم DHL يقولون لي ان الشحنة واقفة في الجمارك طالبين موافقة ICT-Qatar على الشحنة !!

وش المطلوب اسوي ؟
وهل فيها رسوم ؟ وكم ؟

لدي فورمة طلب الموافقة على دخولها ارسلوها لي DHL بالايميل .. والمطلوب تعبئتها ثم الذهاب إلى ICT وتخليص المعاملة هناك ..

هل في حد صادفه هذا الأمر ؟
وايش اللي صار معاه ؟

وشكرا لكم ..

[MAZEN37]

[FONT="Impact"]الي اقدر افيدك فيه تحمل من الارضيه وغرامة التاخير[/

[المبرمج صلاح]

حصل هالموقف معي قبل العيد كنت استورد اجهزة خاصة بالشبكات

واكتشفت انه اي طلبية يزيد عددها عن 3 اجهزة (في الكمبيوتر او الاتصالات ) او جهاز غريب بالنسبة للدولة

يجب تصريح من مجلس الاعلي للاتصالات ( في حالتك انت طالب 5 كاميرات فلازم تصريح)

المطلوب منك ان تعبي الفورم وتذهب بها الدور الارضي في المجلس الاعلي للاتصالات في الكورنبش بجانب برج البنك التجاري مقابل البريد

وتقدم الفورم مع صورة البطاقة الشخصية مع صورة الفاتورة (الفاتورة لو من موقع الامازون بتلاقيها في الموقع جنب الطلب invoice قم بعمل طباعة لها ) وتدفع بالبطاقة 40 ريال وهم بيرسلو التصريح للجمارك وبعد 5 ايام بيتم الافراج عن الشحنة اذا تمت الموافقة واذا لم تتم الموافقة لاي سبب سوف تحجز البضاعة لاجل غير مسمى

الموضوع بسيط ان شاء الله قدم الفورم في ict وخلال ايام بيفرجو عن الشحنة ان شاء الله

انا قدمتها وفي خلال 3 ايام افرجو عن شحنتي مع ارسال تحذير بعدم استيراد كميات باسم شخصي :weeping:

ولكم ممكن تستورد قطعتين قطعتين في كل طلبية للخروج من هذا المأزق :victory: :secret:

[monatee]

مثل ماقالك اخوي المبرمج

هاذي قوانين الجمارك اليديده ... العالم يتطور واحنا نرجع ورى

[asulaiti]

اخوي المبرمج صلاح .. بارك الله فيك على الإفادة ..

الظاهر اني راح اتبع هذه السياسة علشان افك نفسي من عبالة الروحه والجيه ..

اذا تكرمت اخوي العزيز ماهي الاجهزة الاخرى اللي لازم موافقة مجلس الاتصالات ؟
علشان ناخذ احتياطنا في طلبها المرة القادمة ؟

الكاميرات وعرفناها .. الاجهزة الاخرى ؟

[المبرمج صلاح]

اخوي المبرمج صلاح .. بارك الله فيك على الإفادة ..

الظاهر اني راح اتبع هذه السياسة علشان افك نفسي من عبالة الروحه والجيه ..

اذا تكرمت اخوي العزيز ماهي الاجهزة الاخرى اللي لازم موافقة مجلس الاتصالات ؟
علشان ناخذ احتياطنا في طلبها المرة القادمة ؟

الكاميرات وعرفناها .. الاجهزة الاخرى ؟


اي جهاز يبث او يستقبل وايرلس او كمبيوتر مهما كان نوعه او هانف بجميع انواعه هذا كله
من اختصاص مجلس الاعلي للاتصالات

دائما لمن تطلب من النت خلي الطلب ما يزيد عن قطعتين لان ضابط الجمارك عنده قانون قبل فتح الكرتونه اذا عدد ما بداخلها اكثر من 3 لازم تصريح

اقل من 3 يفحصها جهاز معترف به بالدولة اوك غريب او غير معترف به لازم تصريح

عموما نادرا جدا يحجزون الطلبات اللي تكون قطعتين الا اذا كان ما بداخلها غير مصرح به

[(المهندس)]

بما اني مختص بتركيب كاميرات المراقبة اللعي أعرفة ان كاميرات الوايرلس ممنوعة في قطر

بس ممكن تمشي اذا لأستعمال شخصي

[asulaiti]

رحت اليوم لمجلس الاتصالات وطلبوا مني مواصفات الكاميرات مطبوعة من موقع المصنع ..
هذه بسيطة ..

لكن قالوا لي يلزمني موافقة وزارة الداخلية كذلك !!
الآن يجب أن أقدم طلب للداخلية بالسماح للإفراج عنهم .. وحسب ما قالوا لي ..
ان الموضوع يتأخر عندهم شوي ..

المهم .. حبيت اعرف .. اكتب الكتاب بإسم أي إدارة ؟
ووين أودي الطلب ؟
هم قالوا لي أن المكان في مسيمير .. لكن ما يعرفون وين بالضبط ..

هل يقدر يفيدني أحد بالمكان واسم الادارة ؟

وشكرا لكم ..

[بوNasser]

من كم يوم كنت رايح استلم شحناتي من ارامكس، شفت مبنى لوزارة الداخلية وكأن مكتوب عليه نظم المعلومات أو شي من هذا القبيل، يمكن هذا المكان المقصود.

[asulaiti]

اخوي بقراطيسي

وين مكان هذا المبنى ؟
لأني رحت مسيمير ما لقيت الا مبنين اثنين بس
واحد لشرطة العاصمة فرع مسيمير والثاني للجوزات ملاصق مبنى الشرطة ...

[المبرمج صلاح]

اخوي بقراطيسي

وين مكان هذا المبنى ؟
لأني رحت مسيمير ما لقيت الا مبنين اثنين بس
واحد لشرطة العاصمة فرع مسيمير والثاني للجوزات ملاصق مبنى الشرطة ...

المبني اللي يقصده نظم المعلومات لوزارة الداخلية
مقابل هايبر ماركت ريجنسي بجوار شركة ارامكس

[asulaiti]

المبني اللي يقصده نظم المعلومات لوزارة الداخلية
مقابل هايبر ماركت ريجنسي بجوار شركة ارامكس
هل هذا المبنى اللي نأخذ منه موافقة على دخول الكاميرات اخوي صلاح ؟

[asulaiti]

لا إله إلا الله

[المليونير الفقير]

والله مايسوى عليك هالفلم يحي اول جيب الي فخاطرك ومحد يكلمك

[غيمة مطر]

التصريح اول شي تاخذه من الداخليه
ادارة النظم الامنيه في مسيمير جنب ارامكس