المرأة وغسل الصحون!

[Dana’1]

‏​كشفت دراسة حديثة أن غسل الأطباق للمرأه وأدوات المطبخ تقضي على القلق ويعمل على تحسين حالتها النفسية
بشكل كبير !!

طبقت الدراسة على 700 امرأة فوجد أن 90% منهن شعرن بمزاج عال وحالة معنوية مرتفعة بعد أداء هذا الواجب المنزلي !

شوفو ردود بنات السعودية

^ وكني ماقريت شي واللي كاتب الموضوع قولوله مع نفسك 💔😑
^ يالتسذوب ماتجيني الحاله النفسيه والغلقه إلا إذا شفت المواعين متراكمه على المغسله 💔😑
^ أقنعتني بجد !
.. مير أقول انقلع أنت ودراستك💔😑
^اجل مزاج عالي !
جرب أغسل صحون بيتنا وتعال شف نفسيتك💔😑
^ أنا أقول الشرهه موب عليك الشرهه على المخفات اللي قاعدين يغسلون مواعين عشان دراستك 💔😑
^ أقول عندي قدر جريش مابعد غسلته .. ودي اهفه بجبهته 💔😑
^ تكفين اصقعيه الله ياخذه هو ودراسته السقيمه 💔😑
^ اقول لاتدري أمي عن آلدارسة هذي 💔😑
^ هالبحث وهالاكتشاف طبقه على حريمهم اللي غداهم صحنين وملعقه مو حنا💔😑
^ماجربت تغسل 22 صحن و26 كوب و6 قدور 24 ملعقه لحالك 💔😑
^ماجربت تغسل ملعقه فيها جبن 💔😑
^ماجربت غسيل قدر محروق فيه رز💔😑
^ما علينا كلام كفاار 💔😑
ههههههههههههههههههههههههههههههههههه

[غايه الطواش]

انصحه يجي يسوي الدراسه برمضان هاي وجهي ان ماغير الدراسه
ويمكن يغير بعد تخصصه البحثي

[ام ناصر1]

الدراسة صحيحة بس هو يمكن قصده للأسر الصغيرة 3-4 افراد بشقه
مب عوايل 6-8 افراد ...
عموما انا ارتاح اذا نظفت الفرن وخليته يلق ...لكن المواعين ماتهمني ولا الجدور

[غايه الطواش]

الدراسة صحيحة بس هو يمكن قصده للأسر الصغيرة 3-4 افراد بشقه
مب عوايل 6-8 افراد ...
عموما انا ارتاح اذا نظفت الفرن وخليته يلق ...لكن المواعين ماتهمني ولا الجدور

تدرين ام ناصر انا احب اغسل الثياب وخاصه الليل مادري ليش ؟؟

[لاجل QT]

دراسة غلط في غلط

لاتلومون الدراسة هم يقصدون صحنين وقفشتين

اكرة منظر بصراحة اشوف اصحون واجدور في انتظاري لبدئ عملية الفرك والدعك..غير القلق من ان تخترب اليد من الغسيل


كان سوة دراسة عن غسيل الحوش والسيارات اموت على غسيلهم

وارش ماي على عيالي ياسلام وهم يصارخون خوش نفسية تصيرهههههه

[غير البشر]

اهااااا اشوف الحريم نفسياتهم تعبانه وعايشين في قلق:secret:

[sara jsm]

انا الصراحة استمتع في غسيل المواعين ,, بس احرموني منه احين ,,
وخاصه غسيل اخر الليل ,, اعيش اجواء محد يحسها ,,
اعتبرهم عيالي وقاعدة انظفهم والمعهم ,, واذا عندنا عزيمة استانس في الغسيل ,,
شعور حلو ماادري ليش البنات متذمرين ,, :o في احلى من النظافه ,,

[بوعلي2]

انا من كثر ماضحكت على الردود شكيت بصحة عقلي هلي ضحكي طبيعي او انا مش مظبوط :secret:


هههههههههههههههههاي الحريم مش ممكن وحاقه ماتتكررشي :tease:



20 ع 10 الموضوع

خصوصا رد الي كاتب جربت تغسل قفشه فيها جبن

بس بس احس بغازات ببطني من الضحك اعتقد انا مش مظبوط مش الردود هههههههه فمان الله

[intesar]

انا الصراحة استمتع في غسيل المواعين ,, بس احرموني منه احين ,,
وخاصه غسيل اخر الليل ,, اعيش اجواء محد يحسها ,,
اعتبرهم عيالي وقاعدة انظفهم والمعهم ,, واذا عندنا عزيمة استانس في الغسيل ,,
شعور حلو ماادري ليش البنات متذمرين ,, :o في احلى من النظافه ,,


:eek5:

[sara jsm]

انتصار يمه ترى مافي اسهل منه واروق منه ,,
انا مرات اعصب لما القى الجدور فوق الصحون والملاعق في القاع .. الخ
بس ابتدي اول شي عمليه الترتيب ,, الجدور على صوب ,, الصحون فوق بعض ,,
الاكواب على جنب ,, وعقب ابتدي عمليه الرغوه وتضبيط الصابون وابتدي ,,
خلال دقايق الا انا مخلصه ,, اهم شي الترتيب ,, :nice:

[khaldoon]

غسيل الصحون يكسر الظهر.... الله يعين الحريم و هم واقفين

[ضوى]

انتصار يمه ترى مافي اسهل منه واروق منه ,,
انا مرات اعصب لما القى الجدور فوق الصحون والملاعق في القاع .. الخ
بس ابتدي اول شي عمليه الترتيب ,, الجدور على صوب ,, الصحون فوق بعض ,,
الاكواب على جنب ,, وعقب ابتدي عمليه الرغوه وتضبيط الصابون وابتدي ,,
خلال دقايق الا انا مخلصه ,, اهم شي الترتيب ,, :nice:

ايييه ايييه انا احب ارتب قبل لا اغسل بس خلاص لا لا لا لا للغسيل

[مهرة]

خلي واحد من الرجال يغسل بس ربع ساعة ايديه الشلحه الملحه بتنشف وبتشقق وبيركض ركيض يدور لزقة يحسب جروح مايدري انه لازمه كريمات ..

الله يعافي امهاتنا ويجزيهن كل خير على صبرهن احنا نغسل حتى مع وجوود الخدامة اذا هي اتخاف على ادينها احنا شنقووول ؟؟؟

[وطن]

أكره مهمتين في حياتي

غسيل المواعين
وغسيل الثياب مع كويهم

لازم حد يسويهم بدالي :shy:


بعد غسيل الثياب يهون

لكن غسيل المواعين
لا لا لا لا

الله يخلي غسالة المواعين
ما تقصر

[وطن]

غسيل الصحون يكسر الظهر.... الله يعين الحريم و هم واقفين

والله انك صادق

:victory:

[بصمة قطرية]

استمتع و انا اغسل المواعين
صج وناسة و متعة
رغوة الصابون في يدي
والماي الدافي
مرات ألعب في الرغوة أنفخ و أطيرها في الهوا :secret:
يا سلاااام
ما أحب أشوف صحن في المغسلة
أو ملعقة
أحب كل شي نظيف و يلمع ،،

[نوار قطر]

‏​كشفت دراسة حديثة أن غسل الأطباق للمرأه وأدوات المطبخ تقضي على القلق ويعمل على تحسين حالتها النفسية
بشكل كبير !!

طبقت الدراسة على 700 امرأة فوجد أن 90% منهن شعرن بمزاج عال وحالة معنوية مرتفعة بعد أداء هذا الواجب المنزلي !

شوفو ردود بنات السعودية

^ وكني ماقريت شي واللي كاتب الموضوع قولوله مع نفسك 💔😑
^ يالتسذوب ماتجيني الحاله النفسيه والغلقه إلا إذا شفت المواعين متراكمه على المغسله 💔😑
^ أقنعتني بجد !
.. مير أقول انقلع أنت ودراستك💔😑
^اجل مزاج عالي !
جرب أغسل صحون بيتنا وتعال شف نفسيتك💔😑
^ أنا أقول الشرهه موب عليك الشرهه على المخفات اللي قاعدين يغسلون مواعين عشان دراستك 💔😑
^ أقول عندي قدر جريش مابعد غسلته .. ودي اهفه بجبهته 💔😑
^ تكفين اصقعيه الله ياخذه هو ودراسته السقيمه 💔😑
^ اقول لاتدري أمي عن آلدارسة هذي 💔😑
^ هالبحث وهالاكتشاف طبقه على حريمهم اللي غداهم صحنين وملعقه مو حنا💔😑
^ماجربت تغسل 22 صحن و26 كوب و6 قدور 24 ملعقه لحالك 💔😑
^ماجربت تغسل ملعقه فيها جبن 💔😑
^ماجربت غسيل قدر محروق فيه رز💔😑
^ما علينا كلام كفاار 💔😑
ههههههههههههههههههههههههههههههههههه


اكرررره شي في الدنيا الغسيل والكواي ذبحوووني بس لاتخلووني اغسل واكوي :weeping:

[khaldoon]

يا جماعة خلوا نظرتكم ابعد من الموضوع و الدراسة الحديثه.....اعتقد انه لا في دراسة و لا شي لانه ما ذكر بالخبر اسم الجهة اللي سوت الدراسة و بيكون الشخص او الصحفي اللي حاطط الخبر عنده مشاكل في جلي و غسيل الصحون مع زوجته مثلا و يبي يقنعها بفوائد غسيل الصحون علشان يفتك هو من هذا الواجب المنزلي المفروض عليه بالقوة

كثير صحفيين يسوون هالحركة و هي قديمة قدم حظك اليوم في الجرايد و المجلات .....يعني مثل واحد صحفي يبي يستلف مبلغ من المال من شخص معين و مب عارف اشلون يفاتحه بالموضوع و هو يعرف برج صاحبه و يعرف انه مهتم بالابراج و يصدقها فيروح كاتب له في برجه في حظك اليوم..... صديق عزيز عليك او قريب سيطلب منك مساعدة مالية عاجلة .... لا تتردد في مساعدته.... وبعدين يروح يطلب منه المبلغ.... فيزيد ايمان هذا الصديق بالابراج و حظك اليوم لانها تنبأ بما سيحدث له بدقة متناهية

[وثائقي]

تتوقعون غسيل الصحون يعصب بشيليز ههههههههههههههه نفسي اعرف تلاقون الصحون تفقع ضحك عليها وهي معصبة ^^

بس مدري وينها لها فترة منقطعة عسى المانع خير يارب ^^

[حفيد الأنصار]

الحريم فيهم دلع زايد :tease:
عن نفسي احيانا اغسل الصحون
وملابسي اكثر شي اوديها المغسلة واحيانا انا اغسلها :nice: واخواتي يقولون لي احنا نغسلها والله ماعطيهم اياها
واللحين اكثر الحريم عندها غسالة ونشافة صحون اوتوماتيك وغسالة ونشافة ملابس اوتوماتيك وفوق هذا تتشكى :rolleyes2:

[محب قطر 64]

غسيل البيت بسيط بالنسبة للبيت
معظم الطهاة رجال و يغسلون اضعاف المرأة في المطاعم 8 ساعات غسيل عمل
تشتكون من نصف ساعة

[ريتويت]

مستحيل اغسل الصحون.. بس احب اطبخ واكل وبسسسس

[sweet qatar]

وين الي سوا دراسة.. يجرب يغسل بنفسه ويعبر لنا عن شعوره عقب ما يخلص.. !!!!


الشي الوحيد الي استانس عليه.. اني انشر الثياب واعلقهم على الحبل.. :shy:
خصوصا اول الصبح..

واعيش الدور مرة شادية ومرة نجلاء فتحي.. احساس رائع..
بس اخر مرة اظن من عشر سنين..



ميرسي ديور على الخبرية.. بس ولاعليج امر مرة ثانية نبي المصدر عشان نشتكي عليه..
مروج الاشاعات.. ومخرب بيوت الآمنات المطمئنات العيارات ..

[بصمة قطرية]

وين الي سوا دراسة.. يجرب يغسل بنفسه ويعبر لنا عن شعوره عقب ما يخلص.. !!!!


الشي الوحيد الي استانس عليه.. اني انشر الثياب واعلقهم على الحبل.. :shy:
خصوصا اول الصبح..

واعيش الدور مرة شادية ومرة نجلاء فتحي.. احساس رائع..
بس اخر مرة اظن من عشر سنين..



ميرسي ديور على الخبرية.. بس ولاعليج امر مرة ثانية نبي المصدر عشان نشتكي عليه..
مروج الاشاعات.. ومخرب بيوت الآمنات المطمئنات العيارات ..

خخخخخخخخ
والله ما عندكم سالفة
صدقوني الغسيل متعه
والله متعه
شوقتوني حق غسيل الحوش :nice:
بوالعيال ما يخليني بيوت الجيران كاشفه :rolleyes2::(

انا مع الدراسة
و أقول إنها صحيحة 100٪ :victory: