المساعد الشخصي الرقمي

مشاهدة النسخة كاملة : استفسار بخصوص عقد الزواج من الخارج ....



الوحيد 511
12-11-2012, 12:19 PM
السلام عليكم ...


اخواني في عندي استفسار بخصوص اذا في واحد قطري يبي يتزوج من وحده عربيه الجنسيه

ومقيمه فالامارات هل ستتم الموافقه عليه من محاكم الامارت لعقد زواجه هناك ولا لازم موافقه

من وزارة الداخليه القطريه ؟؟؟ واذا وافقت محاكم الامارات بدون موافقه من الداخليه القطريه

هل بيتم تصديق عقد زواجه في محاكم قطر ؟؟؟

وشكرا ....

طبيب قطري
12-11-2012, 12:22 PM
على حسب عمر الشخص اذا فوق الستين يتزوج هناك عادي ويجيب عقد الزواج هنا بعدين حتى يوثق.. بس اذا شاب واقل من ستين ( نصيحه اولا يتزوج قطريه مثله) او لازم يجيب موافقه من لجنة الزواج من أجانب عن طريق السفاره القطريه بالإمارات ، لان حتي لو تم الزواج بالإمارات ماراح يوافقون ويوثقون العقد الا بعد مايوافقون لجنة الزواج

الوحيد 511
12-11-2012, 12:33 PM
مشكور على ردك ...

بس افهم من كلامك انه يقدر يتزوج ويطلع عقد زواج رسمي اماراتي ؟؟؟

تمون
12-11-2012, 12:59 PM
يالغالي الموافقه سهله خاصه اذا كنت متزوج من قبل
يمكن يعقدونك شوي اذا كانت هي الزوجه الاولى ولكن بتحصل الموافقه بعد الشرح للجنه عن الاسباب و طبعا سهله قول ماقدر على تكاليف العرس هنا مهور وغلا و امورك فالسيفتي

على البركه مقدما

الدوسري قطر
12-11-2012, 01:27 PM
الله يوفقك ويقدم لك مافيه الخير

الوحيد 511
12-11-2012, 02:29 PM
اخواني انا كنت اسأل هل اقدر اطلع عقد زواج رسمي اماراتي ردوا على هذا السؤال لاهنتو

بوعمير
12-11-2012, 02:45 PM
الي اعرفه انك تقدر تتزوج بأي جنسية وفي أي بلد طبقاً لقوانينهم المحليه، لكن لايحق لزوجة الحصول على الجنسية القطرية كذلك اذا اللة رزقك منه بعيال لن يحصلوا على الجنسية القطرية لأن الزواج تم بدون موافقة جهه الاختصاص في دوله قطر الي هي وزارة الداخلية القطرية.

الاجراء الصحيح هو تقديم طلب زواج في لجنه الزواج من الاجانب والحصول على الموافق ثم عقد الزواج في أي بلد، ويجب تصديق هذا العقد من سفارة دولة قطر، ثم يتم تقديم عقد الزواج لإدارة الجوازات بغرض الحصول على الجنسية القطرية لزوجه خلال 5 سنوات من تاريخ التقديم.

ومبروك مقدماً، وخلك قريب لاتروح بعيد.

الوحيد 511
12-11-2012, 02:58 PM
الله لايهينك يابو عمير على الجواب واتمنى احد يفيدني اكثر لانهم قالو الامارات ماتوافق تسوي لك عقد زواج

من الاساس الا بالموافقه اول شي لكن هذا الكلام مو اكيد يعني اتمنى احد يأكد لي الموضوع الله يجزاه كل خير

طبيب قطري
12-11-2012, 03:01 PM
مشكور على ردك ...

بس افهم من كلامك انه يقدر يتزوج ويطلع عقد زواج رسمي اماراتي ؟؟؟

ايه تقدر ان شاءالله

الوحيد 511
12-11-2012, 03:04 PM
ايه تقدر ان شاءالله

الله لايهينك ويطول بعمرك ماقصرت على الاجابه .....

بوعمير
12-11-2012, 03:12 PM
ماني متأكد بس أظن يطلبون ورقة عدم ممانعه من سفارة قطر.

ادخل على موقع حكومة الامارات فيها كل التفاصيل وارقام التواصل مع الجهات الرسمية.

موفق خير إن شاءالله.

الوحيد 511
12-11-2012, 03:15 PM
ماني متأكد بس أظن يطلبون ورقة عدم ممانعه من سفارة قطر.

ادخل على موقع حكومة الامارات فيه كل التفاصيل وارقام التواصل مع الجهات الرسمية.

موفق خير إن شاءالله.

طيب والورقه عدم ممانعه من السفاره عادي اطلعها ولا لازم موافقه الداخليه ....

ام عبدالعزيز
12-11-2012, 08:13 PM
شوف اخوي صعبه بس مب مستحيل,,

الصغيره
13-11-2012, 06:24 AM
اذا متزوج من قبل هنا المشكله لازم موافقه الزوجه الاولى

وان كان اول مره طبعا هي اجراءات وشوي عراقيل لكن بالاخير الحال يمشي

صل الاستخاره

شيخ الشباب
13-11-2012, 06:41 AM
اذا متزوج من قبل هنا المشكله لازم موافقه الزوجه الاولى

وان كان اول مره طبعا هي اجراءات وشوي عراقيل لكن بالاخير الحال يمشي

صل الاستخاره

لا ياشيخه ؟ لازم موافقة الزوجة الاولى ؟؟ :taunt: :taunt:

برشلوني قطر
13-11-2012, 06:42 AM
اذا متزوج من قبل هنا المشكله لازم موافقه الزوجه الاولى

وان كان اول مره طبعا هي اجراءات وشوي عراقيل لكن بالاخير الحال يمشي

صل الاستخاره


اول مره اسمع اذا بيتزوج يااااخذ موافقة الزوجه الاولى ؟؟:eek5:

أسد الجزيرة
13-11-2012, 06:51 AM
اذا متزوج من قبل هنا المشكله لازم موافقه الزوجه الاولى

وان كان اول مره طبعا هي اجراءات وشوي عراقيل لكن بالاخير الحال يمشي

صل الاستخاره

ما يحتاج موافقة الزوجة يمكن في بعض البلدان العربية اما في قطر ما يحتاج

نوآف
18-11-2012, 04:42 PM
آللي آعرفه آلي يآخذ آجنبيه يطول حيل ويصعبون آلسآلفه بس مب مستحيل يعني بس يبيلهآ وقت

عاهد بن علي
18-11-2012, 05:06 PM
في الامارات ما يعقدون عليه الا بعد الاطلاع على موافقة قطر

الصغيره
20-11-2012, 07:14 AM
لا ياشيخه ؟ لازم موافقة الزوجة الاولى ؟؟ :taunt: :taunt:



:eek5:

اي وبعدين فيه ناس تزور التوقيع الله يسامحهم

وبعدين ليه هي ترفض الله محلل له 4 مش ثنتين

لحول ولا قوه من النسوان اللي ما يحللن شرع الله :(

الصغيره
20-11-2012, 07:16 AM
ما يحتاج موافقة الزوجة يمكن في بعض البلدان العربية اما في قطر ما يحتاج

والله العظيم اعرف وحده معرقله زواج زوجها بسبب ورقه توقعها بالموافقه ليش مدري ليه وشمعنا هو لازم ورقه يمكن لانه تعدى السن القانوني للزواج :)

شيخ الشباب
20-11-2012, 07:40 AM
:eek5:

اي وبعدين فيه ناس تزور التوقيع الله يسامحهم

وبعدين ليه هي ترفض الله محلل له 4 مش ثنتين

لحول ولا قوه من النسوان اللي ما يحللن شرع الله :(

الحمدلله الزواج بدون اذن منهم ,, وحلاته المقتدر ماديا ومعنويا يكمل 4 خانات :nice:

الوحيد 511
23-11-2012, 11:58 PM
في الامارات ما يعقدون عليه الا بعد الاطلاع على موافقة قطر

مشكور على ردك طيب ايش هي الدول الي ممكن اعقد فيها الزواج بدون موافقه قطر ....فالخليج

او خارج الخليج بعد ؟؟.... واتمنى احد يفيدنا عن هذا الموضوع ...

romoz
25-11-2012, 01:30 PM
مع اني ضد الزواج بغير قطرية

و لكن ليش ممنوع الزواج بغير قطرية بدون قوانين او شرح لاسباب الزواج !!
الانسان حر في اختيار شريكة حياته ، و ليس على الدولة فرض قوانين صعبه ،

صحيح انه القانون قد يكون جدار حماية لنا من الازواج ، ولكن يعتبر تعدي ع الحرية الشخصية في الزواج .



الله يوفقك و يبعد عنا الضرائر