استفسار عن عملية قلب

[بو علاوي]

السلام عليكم ورحمة الله وبركاته
ابغي اسأل وخصوصا اللي عنده خبرة أو جرب عملية قلب مفتوح
عندي أخوي لازم يغير صمام القلب والعملية جداً خطيرة على كلامه وهو خايف . هل يسويها بمشفى حمد ولا بمشفى الملك فهد بالسعودية ولا بتايلند ولا ........
طبعا المتاح الحين أكثر شئ هو مشفى حمد فحبيت اسأل عن الدكاترة المختصين بمثل هالعمليات . أو هل احد سواها بمشفى حمد . او وين تنصحوني يسويها ضمن الإمكانيات طبعا لان استحالة يسافر لأوربا أو أمريكا
أتمنى تساعدوني بآرائكم وتجاربكم

[بصمة قطرية]

ما عليه شر ان شاء الله
الله يقومه بالسلامة
ان شاء الله يفيدونك الاعضاء ،،

[صــوت قطــر]

السلام عليكم اخ بوعلاوي

الله يشفي اخوك ان شاء الله

اعتقد فيه دكتور زائر اسمه كوك اذا ماخاب ضني بيوصل تاريخ 16/11/2012
هذا من افضل التكاتره على مستوى العالم
اسال عنه وشوف يقولون ممتاز اسمه كوك الماني
وماتشوفون شر ان شاء الله

[غايه الطواش]

والله كان ودي اساعد اخوي بس الوالد سواها في وايل كورنيل بنيويورك والحمدالله خمس ايام وطلع من المستشفي
لايخاف اخوك كثير حاول تطمنه ، الطب تقدم وايد زمان علميات القلب تخوف الحين الحمدالله وان شالله يفيدونك الاعضاء

[ASK2]

الدكاتره في حمد في قسم القلب ممتازين جداً

كان موجود عندهم عبدالعزيز الخليفي ممتاز جداً من فتره انتقل للاهلي

عبدالواحد الملا في حمد بعد زين ,, جاسم السويدي ,, كثار الممتازين في مستشفى حمد ..

والعاده اذا كانت العمليه صعبه جداً راح يطلعون له تقرير ويطرشونه للخارج ...

وان شاء الله مايشوف شر والله يقومه بالسلامه ..

[الارض]

الدكتور عبدالعزيز الخليفي من احسن الدكاتره وموجود في مستشفى القلب مسوي حق وحده من الاهل من مده بسيطه
ومايشوف شر ان شاءالله

[بو علاوي]

ما عليه شر ان شاء الله
الله يقومه بالسلامة
ان شاء الله يفيدونك الاعضاء ،،


الله يسلمك وشكرا عالمرور

[بو علاوي]

السلام عليكم اخ بوعلاوي

الله يشفي اخوك ان شاء الله

اعتقد فيه دكتور زائر اسمه كوك اذا ماخاب ضني بيوصل تاريخ 16/11/2012
هذا من افضل التكاتره على مستوى العالم
اسال عنه وشوف يقولون ممتاز اسمه كوك الماني
وماتشوفون شر ان شاء الله

وعليكم السلام ورحمة الله وبركاته
الله يعطيك العافية وشكرا عالمعلومة والأفضل نروح نشوف الدكتور كوك

[بو علاوي]

الدكتور عبدالعزيز الخليفي من احسن الدكاتره وموجود في مستشفى القلب مسوي حق وحده من الاهل من مده بسيطه
ومايشوف شر ان شاءالله
أشكرك يالغالي

أخوي هل كانت العملية تغيير صمام ولا شنو بالضبط لان واجد عمليات متعلقة بالقلب بس أخطرها تغيير الصمام .

[بو علاوي]

الدكاتره في حمد في قسم القلب ممتازين جداً

كان موجود عندهم عبدالعزيز الخليفي ممتاز جداً من فتره انتقل للاهلي

عبدالواحد الملا في حمد بعد زين ,, جاسم السويدي ,, كثار الممتازين في مستشفى حمد ..

والعاده اذا كانت العمليه صعبه جداً راح يطلعون له تقرير ويطرشونه للخارج ...

وان شاء الله مايشوف شر والله يقومه بالسلامه ..

الله يسلمك وشكرا على دعواتك ومبروك . أخوي راح من يومين قابل الدكتور عبد الواحد وقرر له العملية قريبا جداً . والدكتور جاسم أنا اعرفه شخصيا بس ما قابله أخوي قابل بس الدكتور عبد الواحد

[بو علاوي]

والله كان ودي اساعد اخوي بس الوالد سواها في وايل كورنيل بنيويورك والحمدالله خمس ايام وطلع من المستشفي
لايخاف اخوك كثير حاول تطمنه ، الطب تقدم وايد زمان علميات القلب تخوف الحين الحمدالله وان شالله يفيدونك الاعضاء

الحمد لله على سلامة الوالد والله يطول بعمره ويخليه لكم.
شكرًا لمرورج وطرشتلج أسئلة عالخاص أتمنى الرد

[ضوى]

والله كان ودي اساعد اخوي بس الوالد سواها في وايل كورنيل بنيويورك والحمدالله خمس ايام وطلع من المستشفي
لايخاف اخوك كثير حاول تطمنه ، الطب تقدم وايد زمان علميات القلب تخوف الحين الحمدالله وان شالله يفيدونك الاعضاء

من يجي ذكر هالمستشفى وهالبلد قلبي يعورني واتذكر الغالي الله يرحمه يااااارب

الله يشفي مريضكم يارب

[بو علاوي]

من يجي ذكر هالمستشفى وهالبلد قلبي يعورني واتذكر الغالي الله يرحمه يااااارب

الله يشفي مريضكم يارب

الله يرحمه ويحسن اليه ياااارب

[سارا البدر]

امي سوت عمليه تغيير 4 شرايين في مستشفى حمد السنه اللي طافت
قبل ما تسويها كنا جدا متخوفيين بس لما طرشنا تقاريرها واخوي كان يسافر ويسال
الكل ينصحه بالدكاتره هني والحمدلله سوتها عند دكتور شيخوني جدا ممتاز
والتيم اللي معاه ممتازين دكتور محمد سوداني ودكتور ناصر هندي

وماعلى مريضكم شر

[بو علاوي]

امي سوت عمليه تغيير 4 شرايين في مستشفى حمد السنه اللي طافت
قبل ما تسويها كنا جدا متخوفيين بس لما طرشنا تقاريرها واخوي كان يسافر ويسال
الكل ينصحه بالدكاتره هني والحمدلله سوتها عند دكتور شيخوني جدا ممتاز
والتيم اللي معاه ممتازين دكتور محمد سوداني ودكتور ناصر هندي

وماعلى مريضكم شر

الشر مايجيكم أن شاء الله وشكرا للرد والاهتمام والله يطول بعمر الوالدة ويحفظها لكم

[مشعل العطاوى]

الوالد الله يحفظه سواها في مستشفي الملك فهد بالرياض

وتم تغيير 6 شرايين .. والحمد لله حالته الان من افضل مايكون يسوق سيارته ويروح

ويسافر ولاعنده خلاف ماشاء الله

كان في الغرفه المجاوره له وزير سودانى عمل عملية قلب

طبعاً كنا خايفين قبل لايسويها وكنا نسمع بخطورتها .. لكن فهمونا الدكاتره ان هذا كان

قبل 15 سنه اما الان فتعتبر من العمليات المتوسطه الخطوره بعكس عمليات الراس

طبعاً مستشفى الملك فهد متطور جدا في عمليات القلب ..

لكنى افضل ان يعملها في مستشفى حمد اسهل واقرب وقت المراجعات والاستشارات

ونصيحه يبعد عن تايلاند :)

[كازانوفا]

ربي ييسرله ابن الحلال اللى يسويها له من الدكاتره

[بو علاوي]

أشكركم عالردود والدعوات الطيبة
قابلنا الدكتور عبد الواحد الملا وننتظر موعد العملية
دعواتكم

[بوعلي2]

ربي يشفيه ويبلغه الدرجات العلا بالدنيا والاخره ويطول بعمره بالطاعه وتفرحون وتقر عينكم بشوفته يارب

اللهم امين

[بو علاوي]

ربي يشفيه ويبلغه الدرجات العلا بالدنيا والاخره ويطول بعمره بالطاعه وتفرحون وتقر عينكم بشوفته يارب

اللهم امين



أشكرك أبو علي
والله يخليلك أحبابك