شباب يشترون ...... براقع

[الصغيره]

محل مشهور بمدينه من مدن بلادي الحبيبه قطر

المحل متخصص ببيع الملافع والبراقع والانقبه للنساء فقط طبعا

عندما اقتربت من المحل وقبل ان يرصف السائق السياره واترجل من السياره لاحظت سياره تسجد الالطريق المؤدي للمحل وعند تجاوزي للسياره مشيا على الاقدام لاحظت شباب بحالة ضحك وهم ينظرون للمحل

لم اهتم لان بعض النساء ياتن مع اولادهن او ازوجاجهن

لكن المفاجاء كانت بداخل المحل

شاب يقيس برقع على وجهه وينظر لاصحابه وهو بالمحل

عندما راني وضع البرقع وخرج مسرعا ركب السياره مع اصحابه واسرعوا مولين

تفاجات بتصرفه

حاولت اجد جواب لاسئله زاحمت راسي

ووضع افتراضيات ربما يشتري لامه لزوجته علما بان سنه صغير ولا يوحي انه متزوج

لكن قلت يمكن يشتري لاهله


وهنا توجهت للبائع وقلت له لماذا هؤلاء رجال بمحل نساء وملابس نسائيه

رد علي البائع بلغته واجد هذا سوي مشكل

اسال الله ان يهديهم وان يكون فقط عبط وليس للبس والتشبه بالنساء ولا يكون المقصد لبسه والدخول على مجتمع نسائي سواء عرس او غيره



مازلت حائره حتى اللحظه والصوره لا تفارقني

هل احد منكم مر بنفس الموقف وكيف تصرف ؟

ولو اشوفهم مره اخرى ما نصيحتكم لي هل اسكت واتجنبهم او اسالهم وش لكم بمحل النساء وملابسهن

وليه الجهات المسؤوله ما تكتب يمنع دخول الرجال بمحلات النساء ؟؟

ربي اهديهم


امين

[غير البشر]

اختي انتي قلتي شباب صغار

اتوقع شغل عبط بينهم وبين بعظهم :victory:

[ضوى]

شغل عبط واضح

كنا نستعبط واحنا صغار نلبس الغترة

لا تركزين وايد وريحي بالج من التفكير

[الزعفراني]

الظاهر متحدي مع ربعه يدخل المحل وفيه حريم ويجرب يلبس البرقع قدامهم

[بوحمد111]

يعطيج العافيه اختي

من موضوعج فهمت انهم صغار في السن وهذه جهاله وعبط على قولتج

الله يهديهم ويصلحهم

[ولد المنصور]

يمكن حق مصخره اليوم الوطني !

[راعي الخور]

خليهم يستانسون السالفة غشمرة شباب دام ماضايقو ولا اذو احد

[وطن]

يمكن استهبال بينهم وبين بعض
والدليل انه استحى وشرد اول ما شافج

لو عنده نيه ياخذه لأغراض اخرى راح يشتري بدون ما يقيس وبيطلع

[حبر وقرطاس]

محل مشهور بمدينه من مدن بلادي الحبيبه قطر

المحل متخصص ببيع الملافع والبراقع والانقبه للنساء فقط طبعا

عندما اقتربت من المحل وقبل ان يرصف السائق السياره واترجل من السياره لاحظت سياره تسجد الالطريق المؤدي للمحل وعند تجاوزي للسياره مشيا على الاقدام لاحظت شباب بحالة ضحك وهم ينظرون للمحل

لم اهتم لان بعض النساء ياتن مع اولادهن او ازوجاجهن

لكن المفاجاء كانت بداخل المحل

شاب يقيس برقع على وجهه وينظر لاصحابه وهو بالمحل

عندما راني وضع البرقع وخرج مسرعا ركب السياره مع اصحابه واسرعوا مولين

تفاجات بتصرفه

حاولت اجد جواب لاسئله زاحمت راسي

ووضع افتراضيات ربما يشتري لامه لزوجته علما بان سنه صغير ولا يوحي انه متزوج

لكن قلت يمكن يشتري لاهله


وهنا توجهت للبائع وقلت له لماذا هؤلاء رجال بمحل نساء وملابس نسائيه

رد علي البائع بلغته واجد هذا سوي مشكل

اسال الله ان يهديهم وان يكون فقط عبط وليس للبس والتشبه بالنساء ولا يكون المقصد لبسه والدخول على مجتمع نسائي سواء عرس او غيره



مازلت حائره حتى اللحظه والصوره لا تفارقني

هل احد منكم مر بنفس الموقف وكيف تصرف ؟

ولو اشوفهم مره اخرى ما نصيحتكم لي هل اسكت واتجنبهم او اسالهم وش لكم بمحل النساء وملابسهن

وليه الجهات المسؤوله ما تكتب يمنع دخول الرجال بمحلات النساء ؟؟

ربي اهديهم


امين

واضح الشاب يستعبط وقد يشتريه بغرض التسليه وتصوير مقطع لليوتيوب
هههههه

[نوار قطر]

مبين انهم كانو يستعبطون على راعي المحل لان لو كان قصده التشبه بالنساء مب طالع من المحلوبياخذ الي يبيه لان هالاشكال ماتستحي تسوي اي شي قدام الناس بس هذي مبين من طريقة كلامج انه كان يبي يلعوز راعي المحل الله يهديهم

[رهج السنابك]

؛

اكثر من مره اشوف شباب بمحلات نسائية يدورون ويقايسون ولما دققت في كلامهم وضحكهم عرفت شسالفتهم :)


كانوا شباب مسرح وياخذون لبس حق الادوار اللي بيسوونها


احسنوا الظن

؛

[Bo jassim 33]

عجبتني الردود ..

لكن

لو كانوا غير قطريين هم اللي سووا هالموقف :

لكان البعض اقام عليهم الحد

وطالب بتوقيع اقصى العقوبه

كفايه انه خدش الحياء بتصرفه الوقح

[اجرام]

اعتقد انها استعباط وكثير انشوف الشباب بحالات اخرى

[ضوى]

؛

اكثر من مره اشوف شباب بمحلات نسائية يدورون ويقايسون ولما دققت في كلامهم وضحكهم عرفت شسالفتهم :)


كانوا شباب مسرح وياخذون لبس حق الادوار اللي بيسوونها


احسنوا الظن

؛


اختي الغالية

شي مشرف انهم يمثلون ادوار نسائية ؟؟؟؟

اليس هؤلاءمن الملعونين ؟؟؟؟؟؟؟

[captin]

يمكن كانوا يشترون أغراض للإحتفال

بالهالووين

واللي يكون بآخر شهر 10
ويتم في هذا الاحتفال التنكر بالألبسة الغريبة والمضحكة
وأحيانا يلبس الرجال لباس النساء والعكس أيضا .

[Locale]

حق انستغرام صور عبط هههه

[قطريه ماركه]

ههههههههههههااااااااااي يحليلهم

[العلم]

يمكن حق مصخره اليوم الوطني !





أعجبني الرد 

[لمت اب]

الاخت الفاضله

لا تستغربين شيء هذه الايام
فكل ماذكرتيه جائز
جائز انهم يتشبهون بالحريم وجائز انهم يدشون اماكن نساء
او مدارس ثانويه او يتمشون مع نساء ويلبسون نساء حتى محد يشك

انما الأمم الأخلاق مابقيت ,,,,,,فان ذهبت اخلاقهم ذهبوا

رأي اذا شفتي حد كذا أسأليه
لماذا تقيس النقاب وانت رجل


شكرا على انكارك المنكر

[الـخـالـدي]

خليهم يستانسون السالفة غشمرة شباب دام ماضايقو ولا اذو احد

المصخره مب فهالامور

الله يهديهم

[حفيد الأنصار]

اتوقع استهبال بينهم

[المجروح81]

بصراحه وواسمحي لي اختي موضوع مايستاهل تكتبين موضوع عشان شوية مبزره يلعبون في برقع

[jeep-srt8]

انا من اسبوع شفت واحد متنقب ومتاكد واحد كان يهرول وركب موتر رفيجه وحركوا مسرعين

شكلها عادة جديده والله يسترررررررررررررررر

[khaldoon]

والله عيب عليهم هاي الحركات

[سان سيمون]

فنتك هاالولد شكله راعي غشمره وناسه

[خالد32]

شكلهم ياهال
و بخصوص منع الرجال من دخول محل يبيع فيه رجال!!!!

[مشاكل]

عباله فلَه عبط ,,, مالت علية الأهبل الخدية
والله لو ولدي يسويها اني اقيم عليه الحد
جيل بايخ نسأل الله لنا ولهم الهداية

[ضوى]

انا من اسبوع شفت واحد متنقب ومتاكد واحد كان يهرول وركب موتر رفيجه وحركوا مسرعين

شكلها عادة جديده والله يسترررررررررررررررر


ماشاء الله اشلون تعرفون ؟؟؟؟؟

[الصغيره]

اختي انتي قلتي شباب صغار

اتوقع شغل عبط بينهم وبين بعظهم :victory:

يمكن عبط

لكن بسن يسوقون وييستعبطون بهالطريقه وقدام الملا وفي محل نساء يجب ان يكون شويه احترام للنفس وللعامه وللذوق وللبائع ايضا

وان شاء الله يكون عبط

[الصغيره]

شغل عبط واضح

كنا نستعبط واحنا صغار نلبس الغترة

لا تركزين وايد وريحي بالج من التفكير

ان شاء الله

:)

[الصغيره]

الظاهر متحدي مع ربعه يدخل المحل وفيه حريم ويجرب يلبس البرقع قدامهم

يمكن واكيد كسب الرهان

ان شاء الله يكون رهان وتحدي

[الصغيره]

يعطيج العافيه اختي

من موضوعج فهمت انهم صغار في السن وهذه جهاله وعبط على قولتج

الله يهديهم ويصلحهم

امين

بس مش تسع سنين عشر سنين يعني على 19 و18 يسوقون سياره الا الاجدر يكون لعبهم وعبطهم في مجال الرجال وليس النساء

اتمنى ان لا تتكرر الصوره مره ثانيه ولا اكون شاهده عليها لان تشوف رجل ببرقع مراه شي ء تخجل المراه منه قبل الرجل

لكن نقول الله يهديهم امين ويصلحهم

[الصغيره]

يمكن حق مصخره اليوم الوطني !

الله لا يقول استغفر الله ما اتخيل

اليوم الوطني له الخيل والرزيف والسيف والسباقات واللالعاب الرجاليه واتمنى ان شوهدت تلك المسخرات ان يكون بالمقابل لكل من يقوم بها حد يوقفهم عن التمادي بهذا ويجعلون الجميل جميل ويتركون القبح بعيدا عن اليوم الوطني وعن مناسباتنا وعن عاداتنا وتقاليدنا

والله يهديهم امين

[الصغيره]

خليهم يستانسون السالفة غشمرة شباب دام ماضايقو ولا اذو احد

ان تكرر الموقف امامي مره ثانيه لن اتركهم بل سوف انصحهم واقول عيب البرقع للمراه وليس للرجال

صح ما ضايقوني لانه طلع بسرعه والمحل حريمي يعني مافيه اي شي رجالي ابداااا

وليس بسوق بل بمدينه يعني اللي بيعني له جاي لحاجه فيه

لكن بعد بنقول مشهد اتمنى ما اشوفه مستقبلا لانه مشهد قبيح بكل المقاييس

يمكن لانني مراه استنكرته على الشباب


ربي يهدي

[الصغيره]

يمكن استهبال بينهم وبين بعض
والدليل انه استحى وشرد اول ما شافج

لو عنده نيه ياخذه لأغراض اخرى راح يشتري بدون ما يقيس وبيطلع

وجهة نظر وكلام صح لانه فعلا ارتبك وخرج مسرع

تقديري لحضورك وطن

[الصغيره]

واضح الشاب يستعبط وقد يشتريه بغرض التسليه وتصوير مقطع لليوتيوب
هههههه

ان شاء الله يكون
والله يهديهم امين
تقديري لك

[الصغيره]

مبين انهم كانو يستعبطون على راعي المحل لان لو كان قصده التشبه بالنساء مب طالع من المحلوبياخذ الي يبيه لان هالاشكال ماتستحي تسوي اي شي قدام الناس بس هذي مبين من طريقة كلامج انه كان يبي يلعوز راعي المحل الله يهديهم

فعلا صاحب المحل كان متضايق

ربي يهديهم وها نحن دعينا لهم بظهر الغيب

اسال الله لهم ولكل شباب الامه الاسلاميه الهدايه وان يكون اللعب والاستعباط بمجالات تخصهم وان يجدوا ما يملاء الفراغ في حياتهم سواء بالعلم او العمل


ولكم جزيل الشكر والتقدير

[المقاول]

لالا شرائة للبرقع ليس عبط وتسلية .. هناك موقف يريد
ان يستعمل البرقع فية .. يعني يغطي بة وجة شخص ما
واكيد إمرائة وقد تكون اجنبية ... او ينتحل شخصية
إمرائة للوصول لهدف ماء .. المهم سواد وجة من يقبل
على نفسة يدخل محل خاص بالحريم لشراء برقع بقصد
التسلية .. مانقول الا الله يهديهم .

[انتر ميلان]

حالة واحدة وشاذة وفي العنوان مكتوب شباب !!!

من وجهة نظري لايستحق انشاء موضوع ويكون محور للنقاش ،،، لما فيه من تشويه سمعة ( الشباب) وسبب هالموضوع شخص واحد او شخصين ..

تقبلي مروري اختي الصغيرة

[الصغيره]

لالا شرائة للبرقع ليس عبط وتسلية .. هناك موقف يريد
ان يستعمل البرقع فية .. يعني يغطي بة وجة شخص ما
واكيد إمرائة وقد تكون اجنبية ... او ينتحل شخصية
إمرائة للوصول لهدف ماء .. المهم سواد وجة من يقبل
على نفسة يدخل محل خاص بالحريم لشراء برقع بقصد
التسلية .. مانقول الا الله يهديهم .

نقول الله يهديهم وياليت اللي يشوف مثل هالمشهد ينصح ويقدم النصيحه وان شاء الله ان نظن الظن الطيب ونقول مثل ما الاغلبيه ظنت انه استعباط وتحدي ومثل ما علقوا ولا يكون شي ء مخجل لا بالاداب ولا بالحياء

شكرا لك

[الصغيره]

حالة واحدة وشاذة وفي العنوان مكتوب شباب !!!

من وجهة نظري لايستحق انشاء موضوع ويكون محور للنقاش ،،، لما فيه من تشويه سمعة ( الشباب) وسبب هالموضوع شخص واحد او شخصين ..

تقبلي مروري اختي الصغيرة



اخي انتر ميلان

النصح والدعاء ليس تشويه انا رايت شي استنكرته على الشباب القطري والله انك تشوف شاب ماشاء الله طول وعرض ويسوق سياره وداخل محل ويلبس نقاب على راسه بدون غتره وعليه ثوب يعني رجل كامل الرجوله يلبس برقع هنا يجي السؤال والاستغراب والموضوع

والهدف من انشاء موضوع هو التنبيه ان هذا لايليق بالشباب وليس تشويه لهم ابد

وان كنت ضد انشاء الموضوع هنا اداره ارسل لهم بان الموضوع غير مناسب وناقش معهم الموضوع وان حذفوا الموضوع لن اعترض ابد

وسعدت بتواجدك اخي


تقديري لك

[نوار قطر]

فعلا صاحب المحل كان متضايق

ربي يهديهم وها نحن دعينا لهم بظهر الغيب

اسال الله لهم ولكل شباب الامه الاسلاميه الهدايه وان يكون اللعب والاستعباط بمجالات تخصهم وان يجدوا ما يملاء الفراغ في حياتهم سواء بالعلم او العمل


ولكم جزيل الشكر والتقدير

اللهم امين

[ولد البدر]

من كلام البائع انهم يسوون هالشي للضحك والمصخرة فاضيين عمل

[رجوان]

ياهال الحمد لله والشكر ع شنو يضحكون !!!

[رجوان]

لو شافوهم سياح وين انودي وجيهنا منهم بدال مايقضون فراغهم باشيا مفيده يتمصخرون في اغراض الحريم هاذي مب رجولة والياهل مايسوي سواة هالمراهق

[Abdullah_89]

لاتعليق


مالقوا الا محل براقع يسعبطون فيه

يقدرون يضيعون وقتهم بشي مفيد من غير مايحطون نفسهم بمواقف مخزية ومحرجه

الحمد لله والشكر

[الصغيره]

لو شافوهم سياح وين انودي وجيهنا منهم بدال مايقضون فراغهم باشيا مفيده يتمصخرون في اغراض الحريم هاذي مب رجولة والياهل مايسوي سواة هالمراهق

سياح اجانب يهونون بيقولون حفله تنكريه

القاله لو شايفهم زائر عربي او خليجي بالاصح بيقول هذولاء شباب قطر؟؟

الصراحه مازلت استنكر هالصوره

قلنا يطولون شعورهم حريه قلنا يربطون شعورهم بستيك قلنا موضه لكن يستعبطون ويلبسون براقع الله لا يقوله ويشوفهم احد فعلا غريب عن البلد

الفشيله :anger1:

بهذه الساعه الله يهديهم يارب

[الصغيره]

لاتعليق


مالقوا الا محل براقع يسعبطون فيه

يقدرون يضيعون وقتهم بشي مفيد من غير مايحطون نفسهم بمواقف مخزية ومحرجه

الحمد لله والشكر

هالايام فيه رياضات شعبيه جميله المراكب وفيه الصيد وفيه بعد كم يوم مسابقات العيد الوطني وفيه الاستعداد لهذا اليوم الكبير بان يستعدون له بالملابس التراثيه واللي يتحزم الرجال بالمحازم ويدورون لملابس اللي يفتخرون بها المناسبه وترى الشباب رجال لما يجي 18 و19 اشنابهم ولحاهم بوجيهم يعني رجال مش اطفال


لكن بعد نقول الله يهديهم ااااامين

[بـن عدوان]

عشان يسوون جذي:


http://www6.0zz0.com/2012/11/15/23/488936780.jpg


هههههههههههه

[penguin]

عشان يسوون جذي:


http://www6.0zz0.com/2012/11/15/23/488936780.jpg


هههههههههههه


هههههههه

لو بنت اللي مستعبطه الكل بيقول ياحليلها كيووت :weeping:

شكثر جايف بنات يصورون روحهم وحاطين سكسوكه بالكحل هههههه

ذيلن بعد يمكن يشوهون السياحه :tease:

[رمح الضعاين]

الله المستعان. شباب يلبسون براقع و بنات مايعترفون بالنقاب.

دنيا عجيبه

يا الله الستر


أخوكم

[نورهان88]

مره أخوي لصغير مع ولد جيرانا لبسوا برقع ودفة

ودقوا الباب وفتحت أمي الباب لهم وسلموا وطلبوا

مساعدة وعطتهم أمي كل وحدة مائة

وبعدين راحو وفسخوا الدفة ودخلوا على أمي

وهم يضحكون قالوا أنت عطتينا مئة مئة شوفي

قالت لهم صج أنتم للي على الباب

هههههههههههههههههههه

لصبيان مايخلون حركاتم


:tease::tease: