ممكن حد يوصل الموضوع لطيران القطرية

[Aaziz]

السلام عليكم

نتعرض لعملية نصب او استغفال او سواء تنسيق (اللهم اعلم)

الموضوع كالتالي:

تبي تسافر من الدوحة الى ساندييغو في امريكا

تحجز عن طريق القطرية و تكون رحلتك كالتالي دوحة - واشنطن - ساندييغو (الطيران الداخلي من واشنطن الى سندييغو يكون عن طريق الطيران الامريكي usairlines) وذلك لان طيران القطرية وقع على اتفاقيه مع الطيران الامريكي بحيث تكون الرحلة الداخلية في امريكا ضمن تذكرتك الي خذتها من القطرية وتسري عليك جميع شروط القطرية (لانك اساسا حاجزها من عندهم كتذكرة واحدة) بدليل ان الشناطك تسلمها مطار ساندييغو و تستلمها في الدوحة.
الحاصل انه في مطار ساندييغو يطلبون منك دفع مبلغ على كل شنطه (يطبقون عليك قانون الطيران الداخلي الامريكي) وهو لك الحق باخذ شنطتين فقط، شنطة اليد مجانية و الشناط في الشحن تدفع على الشنطه الاولى 25$ و الثانية 35$ .

طيب و انا جاي من الدوحة الى امريكا ما ادفع شي الا اذا كان عندي وزن زائد و ادفع في الدوحة قيمة الوزن الزائد للرحلتين ،،، ليش يدفعوني و انا راجع ؟
بعض الموظفين تناقشة و يتفهم و بعضهم يقولك مش شغلي .
وحصل انهم رجعو الفلوس الي خذوها لاحد الاصدقاء .

المسئلة مش مسئلة فلوس (ولو انه من حقوقي) ولكن ان يتم استغفالي هذي ما اقبلها .

كتبت هذا الموضوع و اتمنى يوصل للقطرية و يتواصلون بدورهم مع طيران USairlines و يتم تعميم حقوق المسافرين على الطيران الامريكي لجميع الموظفين في الطيران الامريكي ، في حال كان المسئلة سوء تنسيق او عدم المام موظف الـusairlines بعملة .
و اذا كان نصب يرجى العلم يا قطرية :mad:

[برشلوني قطر]

عبدالعزيز انا حجزت عن طريق القطريه بس اعتقد مع اليونايتد بس ماخذو ولا ريال..

حتى فالطيران الداخلي الاميل الي جاني من شركة الطيران ان الاسعار مثل ماذكرتها

ع الشنطتين ولا كن سألت ف ذي الموضوع واجابني واحد موجود ف امريكا انهم

اوقات ياخذون واوقات ماياخذون شي (بالمزاج ) واستغربت والله..

حتى ف رجعة العيال من سان دييغو ماخذو ولا دولار..

بس ليش واشنطن ساندييغو ؟؟ انا هيوسن ساندييغو

[الزعفراني]

الله يعينك اخوي .. بس سؤال ليش انت ما توصل الموضوع للقطرية بحكم انك صاحب المشكلة ؟ لأن ممكن يحتاجون بعض المعلومات منك كونك صاحب المشكلة .

[راعي الخور]

لو تتواصل انت وياهم يكون احسن

[Aaziz]

هلا اخوي برشلوني ،،، خط الطيران الي ذكرته ،، مثال فقط

انا مرو علي ناس دفعو مبالغ كبيره تتعدى 300 دولار .
و احيانا (نادر) مايدفعونك بحكم ان تذكرتك على القطرية وتسري عليك قوانين القطرية.


اقرا التالي:

تحذير هام للمسافرين الى امريكا:

تكررت في الاونه الاخيره كثره عمليات سرقة محتويات الحقائب بطريقه منظمة .
يعني بالعربي اذا عندك اغراض مهمه لاتحطها في الشناط الي بتدخل الشحن (خلها في شنطة اليد) كثير من الناس وهم رادين من امريكا يشترون اجهزه ابل كهدايه (ايباد و ايفون و لابتوب و غيره من الهدايا) و اذا وصلت الاغراض للدوحه يكتشف المسافر ان الاجهزه مسروقه ، لدرجه انه شخص اكتشف ان شنطته مشقوقه بسكين من الجهه الي فيها جهازين ايباد .
و من احد طرق السرقه الي يسوونها ان موظف الجمارك داخل المطار (شخص ما نشوفة) الي يكون جالس على جهاز الاشعه الي يكشف محتويات الشناط اذا اكتشف ان احد الشناط تحتوي على اشياء ثمينه ،، يقوم يتصل باحد اعوانه يكون واقف عند سير الشناط يقول له خذ الشنطه الي لونها كذا و كذا .
ياخذها و اذا المسافر صاحب الشنطة شافه يقول له بكل بساطة اسف تشبه شنطتي و هو اساسا جاي من الشارع لانه مطارات امريكا مافيها تفتيش و انت طالع من المطار .

[Aaziz]

الله يعينك اخوي .. بس سؤال ليش انت ما توصل الموضوع للقطرية بحكم انك صاحب المشكلة ؟ لأن ممكن يحتاجون بعض المعلومات منك كونك صاحب المشكلة .



لو تتواصل انت وياهم يكون احسن

انا حاليا في امريكا و ايضا حاب اني اطرح الموضوع هنا عشان اكبر عدد من الناس ينتبه له

[برشلوني قطر]

:eek5::eek5: اول مره ادري تصير سرقات لمحتويات الشنطه..

زين نبهتتي

[Aaziz]

:eek5::eek5: اول مره ادري تصير سرقات لمحتويات الشنطه..

زين نبهتتي

الموضوع منتشر في امريكا ،،، و حسب ماذكر في بعض المواقع الامريكية وصل عدد المتورطين الى 180 شخص في مختلف الولايات

[كازانوفا]

حسبي الله عليهم
ربي يكون بعونك شي يقهر والله

[CH Engineer]

السلام عليكم

نتعرض لعملية نصب او استغفال او سواء تنسيق (اللهم اعلم)

الموضوع كالتالي:

تبي تسافر من الدوحة الى ساندييغو في امريكا

تحجز عن طريق القطرية و تكون رحلتك كالتالي دوحة - واشنطن - ساندييغو (الطيران الداخلي من واشنطن الى سندييغو يكون عن طريق الطيران الامريكي usairlines) وذلك لان طيران القطرية وقع على اتفاقيه مع الطيران الامريكي بحيث تكون الرحلة الداخلية في امريكا ضمن تذكرتك الي خذتها من القطرية وتسري عليك جميع شروط القطرية (لانك اساسا حاجزها من عندهم كتذكرة واحدة) بدليل ان الشناطك تسلمها مطار ساندييغو و تستلمها في الدوحة.
الحاصل انه في مطار ساندييغو يطلبون منك دفع مبلغ على كل شنطه (يطبقون عليك قانون الطيران الداخلي الامريكي) وهو لك الحق باخذ شنطتين فقط، شنطة اليد مجانية و الشناط في الشحن تدفع على الشنطه الاولى 25$ و الثانية 35$ .

طيب و انا جاي من الدوحة الى امريكا ما ادفع شي الا اذا كان عندي وزن زائد و ادفع في الدوحة قيمة الوزن الزائد للرحلتين ،،، ليش يدفعوني و انا راجع ؟
بعض الموظفين تناقشة و يتفهم و بعضهم يقولك مش شغلي .
وحصل انهم رجعو الفلوس الي خذوها لاحد الاصدقاء .

المسئلة مش مسئلة فلوس (ولو انه من حقوقي) ولكن ان يتم استغفالي هذي ما اقبلها .

كتبت هذا الموضوع و اتمنى يوصل للقطرية و يتواصلون بدورهم مع طيران usairlines و يتم تعميم حقوق المسافرين على الطيران الامريكي لجميع الموظفين في الطيران الامريكي ، في حال كان المسئلة سوء تنسيق او عدم المام موظف الـusairlines بعملة .
و اذا كان نصب يرجى العلم يا قطرية :mad:

اذا توقف القطري عن قول المسئلة مش مسئلة فلوس
راح يتوقف الاجنبي عن سرقته

[بصمة قطرية]

الله يكون في عونك ،،
لازم يوصلهم الموضوع ،،

[Aaziz]

اذا توقف القطري عن قول المسئلة مش مسئلة فلوس
راح يتوقف الاجنبي عن سرقته

:rolleyes2:

خلاص مسئلة فلوس ولا تزعل :nice:

[برشلوني قطر]

:rolleyes2:

خلاص مسئلة فلوس ولا تزعل :nice:


هههههههههههههههه

الا بوسعود اخبار الانجليزي معاك ..؟؟ هل يمديك تكلم الدكتور بالانجليزي

واتقوله اني اعاني وابي موعد مستعجل .؟ عشر ايام ولحين ماحددو لي الموعد:(

[alnoida]

انا حاليا في امريكا و ايضا حاب اني اطرح الموضوع هنا عشان اكبر عدد من الناس ينتبه له


شكراً على التنبيه

لكن في النهاية لا يوجد لا نصب او استغفال

في موقع القطرية هناك ملاحظة على العفش المسموح به على القطرية وشركات الطيران المتعاونة

وبما أنك في امريكا هاك عنوان القطرية هناك وكذلك الملاحظه بخصوص العفش المسموح به على الشركات المتعاونة

http://www11.0zz0.com/2012/11/13/18/275030502.png (http://www.0zz0.com)