استفسار عن الدرايش والابواب

[Bo M7med]

السلام عليكم ورحمه الله وبركاته

اخواني قريت الكثير من المواضيع لدرجة اني احترت

ابي درايش وابواب

احترت شالفرق بين الالمنيوم والـ upvc واكيد نفسي ناس واجد

كل واحد يمدح شركة معينه ونفسهم في كذا موضوع (حسسوني انهم اصحاب هالشركات)

ما ادري شنو افضل شركة upvc من ناحية الجودة والسعر والوقت ,( وياحبذا مايكون مديرهم عربي), وهل الفرق كبير بينه وبين الالمنيوم

وبخصوص الابواب - ودي بابواب (خشب للغرف) (المنيوم للحمامات اجلكم الله) و (درابزين للابواب الخارجية - مجلس وباب رئيسي)

الاخوان اصحاب الشركات اللي يطرشون على الخاص ترى اذا لكم رزق بتعينونه ما يحتاج اطرشون خاص ترى العام افود لي وللغير واذا انا او غيري حاب يتواصل معاكم بيطرش لكم او بيذكر هالشي فالموضوع

هالاسئلة اللي ذكرتها متأكد انه الكثير من الاخوان ادور في باله

فنصيحتكم جزاكم الله خير

[لمعة الالماس]

انا بعد عندي نفس السؤال

جربت الالمنيوم واشوفه ممتاز بس اليو بي في سي خاطري اعرف شنو الفرق وشنو ميزته

[معماري قطري]

بكل بساطة اليو بي في سي .. هو بلاستك نوع خاص مقوى وسميك .. ويقاوم العوامل الجوية وشبه غير موصل للحرارة بالنسبة للفريم .. تم استخدامه ليكون البديل الناجح للألمنيوم .. ومعروف في تطور الأبواب والنوافذ يمكن بداية من أيام الكهوف يسدون الكهف بحجارة كبيرة.

تطور الوضع واستخدم الإنسان الخشب ولفترة طويلة .. وتطور الوضع أكثر ودخل الخشب والزجاج .. وتطور بعد وجاءت أنواع الحديد والزجاج .. ودخلنا عصر الألمنيوم ويمكن جا النحاس بعد .. بس هذي المواد غالية وانتاجها صعب ومدمر للبيئة .. لاحظوا عندنا ألحين صناعات ألمنيوم ومصانع اوروبا تفكك وتتجه للدول النامية تهمهم بيئتهم بس .

المهم وصلنا آخر المطاف لليو بي في سي .. وقطاعه يختلف من شركة لشركة وتقويته من داخل .. والمفصلات تجي ألمنيوم ولها شركات مختصة وماركات تصنيع تصنعها والمقابض والمفاتيح كذلك، والزجاج يجي طبقتين أو 3 أو 4 أو حتى أكثر وبينهم فراغ وفي نهاياتهم ما يسمي gaskit وهو يسمح بتنفس هذا الفراغ بقليل من الهواء ويمنع دخول الرطوبة .. ويحقن هذا الفراغ بعدة أنواع من الغازات منها أبسطها الآرغون وميزته يعكس الحرارة المباشرة من الشمس ويدخل النور .. وهناك غازات متأينه بالكهرباء تخلي القزاز أسود كامل أو شفاف كامل وبينهم درجات حسب الرغبة.

نجي للعب ألحين ... هذا اختراع اوروبي ومزدهر في ألمانيا وبلجيكا بدايةً وانتشر لباقي أوروبا ولبعض بلدان العالم ومنها الصين وغيرهم .. وطبعاً منتجات صينية أو تركية أو بياع يقول لك ما فيه ألماني لتصدقه .. والغش استشرى في هذي المادة مثلها مثل الألمنيوم اللي يجيك ضعيف ومفصلاته أي كلام.

ولننسى البلاستيك هذا فيه حديد يقويه ولا ينحني .. عندك نظام Veka اللي عند قطر يو بي في سي مجرب وهو تقريباً أفضل شيء ما لم يدخل فيه مواد رخيصة من مفصلات أو ربلات، وشفت اللي عند الاختيار الألماني صراحة شيء مسكت خصوصاً القطاع العريض على ما اعتقد 76مم .. ولتاخذ الا اللون الأبيض لأنه مضمون يقاوم تغير اللون بسبب الشمس مدى الحياة .. ولو حبيت لون خشبي داخل يسون لك يعني خارجي أبيض وخشبي داخل.

ملاحظة أخيرة .. اليوبي في سي في دول اوروبا أرخص من الألمنيوم لأن الألمنيوم ما صاده غش مثل اللي عندنا.

[Bo M7med]

رحم الله والديك يامعماري قطر نصاحيك في هالموضوع وغيره ذهب

و نصيحتك اي شركة تشوفها افضل لليو بي في سي ؟؟

واذا عندك خبر في منجره للابواب الخشب اكون شاكر لك

[شرقاويه]

الناس دائم تتبع الغالي ولا وشفيه الالمنيوم الناس حاطينه من عشرين سنه ولا تغير

[MAZEN37]

الالمنيوم العادي ما يعزل

[دوحة العرب]

شرح الأخ معماري كافي ووافي ....
بس أعتقد انه نسي الشركة القطرية الكويتية من الشركات القوية بالسوق بالاضافة للشركات يلي ذكرهم

[اللوز]

رحم الله والديك يامعماري قطر نصاحيك في هالموضوع وغيره ذهب

و نصيحتك اي شركة تشوفها افضل لليو بي في سي ؟؟

واذا عندك خبر في منجره للابواب الخشب اكون شاكر لك

عن أذن معماري قطر
افضل شركة شركة قطر لليو بي في سي
بخصوص الخشب
منجرة السلام - المفتاح

[اللوز]

كل واحد يمدح شركة معينه ونفسهم في كذا موضوع (حسسوني انهم اصحاب هالشركات)



[/color]

اذا انت كنت تقصدني
الحمد لله ليس بصاحب شركة ولا لي علاقة باي شركة
فحبيت هنا ان اوضح في هذا القسم
بناء على جولتي للسوق
وانت لك القرار الاخير
وبالتوفيق

[معماري قطري]

رحم الله والديك يامعماري قطر نصاحيك في هالموضوع وغيره ذهب

و نصيحتك اي شركة تشوفها افضل لليو بي في سي ؟؟

واذا عندك خبر في منجره للابواب الخشب اكون شاكر لك

الله يسلمك يا بو محمد ويرحم والديك

اللي حسب تجربتي شركة قطر يو بي في سي قديمة في السوق وتسوق ماركة ألمانية .. بس شوف وقارن بين المكونات كلها .. الفريم .. الحديد المدعم داخل الفريم .. وهذا بعضهم يحطون حديد يصدي لو دخلته رطوبه ممكن يصدي ويسيل الصدأ أما داخل أو برا لو صار تسريب .. وبعضهم يحطون ستانلس ستيل .. الربلات المانعة للهواء واللي تخلي الإغلاق محكم .. القزاز ونوعيته ومصنعيته وسمكه وإذا كان طبقتين وشو الغاز اللي بينهم ولا بس هواء عادي ووقت البرد يتحول البخار رطوبة على جدار القزاز اللي داخل الفراغ .. الضمان وطريقة التركيب إذا عندك درايش مرتفعة وايد .. شلون يعزلون الفراغات البسيطة اللي تبقى بين الفريم وفتحة الباب أو الدريشة .. للأبواب إذا تحتاج نظام صعب الكسر والدخول .. أمان يعني .. كل هذي الأشياء تتأكد منها نقطة نقطة وبعدين التسعير لازم يجيك كامل ويسون لك رسوم مفصلة.

والعقد يكون واضح وتذكر فيها المدة وغرامة أي تأخير والتسعير يكون مفصل مع الخيارات الثانية .. يعني لو تبي مثلاً تشكيلات ألمنيوم أو بلاستك داخل الفراغ بين الزجاج أو تبي صبغ الفريم الداخلي خشبي .. هم يركبون مثل اللزاق ويجي خشبي أو ألوان ثانية تناسب ديكور الغرفة الداخلية .. انا ما انصح الا بقطر يو بي في سي والإختيار الألماني .. الباقي حسب خبرتي ورايي المتواضع شركات فاشلات مع ان تربطني بأصحابهم علاقات طيبة لكن كشركة وعن تجربة قمة الفشل .. والله أعلم يمكن حتى قطر يو بي في سي انجرفت مع الباقيين لأن لي فترة ما تعاملت معاهم.

المفروض يا اخوي تكون فيه رقابة قوية على هالشركات ومواصفاتها لأن مجال الغش فيها كبير كبير.

عن المناجر عندك منجرة تبيعك الخشب على انه ذهب مثل السلام .. وغيرها وايد جربت قبل منجرة زينه طلعوا عيوني يمكن سنه لين خلصوا شغلهم وعقب سكروا .. نصيحة شوف المتحدة للتجهيزات عندهم أبواب مصنعة ومصبوغة في ورشة متطورة وأسعارهم كجودة وكتشطيب للأبواب عالي أشوفها معقولة.

[Bo M7med]

اذا انت كنت تقصدني
الحمد لله ليس بصاحب شركة ولا لي علاقة باي شركة
فحبيت هنا ان اوضح في هذا القسم
بناء على جولتي للسوق
وانت لك القرار الاخير
وبالتوفيق

عزيز وغالي يا اخوي اللوز

بالعكس ما قصدتك ولا قصدت شخص معين ولكن قصدت فكرة انه البعض اللي يردون فالموضوع ويرسلون لك عالخاص وينصحونك لا تاخذ الا من هالشركة

والا انت استاذ وجزاك الله خير على نصايحك للكل وانا من متابعينك يالشيخ

[Bo M7med]

الله يسلمك يا بو محمد ويرحم والديك

اللي حسب تجربتي شركة قطر يو بي في سي قديمة في السوق وتسوق ماركة ألمانية .. بس شوف وقارن بين المكونات كلها .. الفريم .. الحديد المدعم داخل الفريم .. وهذا بعضهم يحطون حديد يصدي لو دخلته رطوبه ممكن يصدي ويسيل الصدأ أما داخل أو برا لو صار تسريب .. وبعضهم يحطون ستانلس ستيل .. الربلات المانعة للهواء واللي تخلي الإغلاق محكم .. القزاز ونوعيته ومصنعيته وسمكه وإذا كان طبقتين وشو الغاز اللي بينهم ولا بس هواء عادي ووقت البرد يتحول البخار رطوبة على جدار القزاز اللي داخل الفراغ .. الضمان وطريقة التركيب إذا عندك درايش مرتفعة وايد .. شلون يعزلون الفراغات البسيطة اللي تبقى بين الفريم وفتحة الباب أو الدريشة .. للأبواب إذا تحتاج نظام صعب الكسر والدخول .. أمان يعني .. كل هذي الأشياء تتأكد منها نقطة نقطة وبعدين التسعير لازم يجيك كامل ويسون لك رسوم مفصلة.

والعقد يكون واضح وتذكر فيها المدة وغرامة أي تأخير والتسعير يكون مفصل مع الخيارات الثانية .. يعني لو تبي مثلاً تشكيلات ألمنيوم أو بلاستك داخل الفراغ بين الزجاج أو تبي صبغ الفريم الداخلي خشبي .. هم يركبون مثل اللزاق ويجي خشبي أو ألوان ثانية تناسب ديكور الغرفة الداخلية .. انا ما انصح الا بقطر يو بي في سي والإختيار الألماني .. الباقي حسب خبرتي ورايي المتواضع شركات فاشلات مع ان تربطني بأصحابهم علاقات طيبة لكن كشركة وعن تجربة قمة الفشل .. والله أعلم يمكن حتى قطر يو بي في سي انجرفت مع الباقيين لأن لي فترة ما تعاملت معاهم.

المفروض يا اخوي تكون فيه رقابة قوية على هالشركات ومواصفاتها لأن مجال الغش فيها كبير كبير.

عن المناجر عندك منجرة تبيعك الخشب على انه ذهب مثل السلام .. وغيرها وايد جربت قبل منجرة زينه طلعوا عيوني يمكن سنه لين خلصوا شغلهم وعقب سكروا .. نصيحة شوف المتحدة للتجهيزات عندهم أبواب مصنعة ومصبوغة في ورشة متطورة وأسعارهم كجودة وكتشطيب للأبواب عالي أشوفها معقولة.

جزاك الله خير ورحم الله والديك

واظني هوني من الـ upvc وبركب المنيوم لانه اللي اشتغل لي فالمحلق شغلة ممتاز وماشكيت من الغبار

واذا عندك رقم المتحدة والا تذكر لي مكانهم اكون شاكر لك

قواك الله يالشيخ

[معماري قطري]

المتحدة للتجهيزات .. محل كبير ورا محطة التيسير في طريق سلوى.. والأبواب فوق عندهم في الميزانين.

بالنسبة للألمنيوم فيه المسكت وهذا غالي غالي ويجيبونه للمشاريع الخاصة والكبيرة .. وفيه الوسط وله محلات بعد وقطاعه يكون عريض ومكوناته نفس اللي ينطبق على اليو بي في سي ينطبق عليه .. وفيه العادي ومنه درجات .. والله يوفقك يا اخوي

[Bo M7med]

الله يجزاك خير ياخوي

وسوال اخير , متى ابدء فالابواب ؟

متى اجيبه يقايس ؟ حاليا البيت واصل البنت هاوس

[معماري قطري]

الله يجزاك خير ياخوي

وسوال اخير , متى ابدء فالابواب ؟

متى اجيبه يقايس ؟ حاليا البيت واصل البنت هاوس

هو أحسن قبل ليصف الطابوق ويسوي فتحات الأبواب لأن هم بيعطونك المقاس بالظبط من المصنع .. لكن لو سويت فتحات وشوي كانت أكبر يحطون هم خشب ويضبطون الفتحة حق الفريم ..

[اللوز]

الله يجزاك خير ياخوي

وسوال اخير , متى ابدء فالابواب ؟

متى اجيبه يقايس ؟ حاليا البيت واصل البنت هاوس

تبدي في القياس النهائي
بعد ما تسوي بلاستر للباب مع تركيب الارضية بالبورسلان
ونصيحة
شغل البنغال لا تقبله !!

يعني لا تفتح لك ورشة صبغ في البيت
خل الباب جاهز ومصبوغ ويتركب على طول من المنجرة وهو مصبوغ
مب يقولك انا بصبغ لك في المنزل وبركب الفريم
وتاكد من الابواب اقل شي يكون العرض 90 سم وارتفاع 220 سم


مع ملاحظة للردود محل المتحدة ونابينا يحيبون فريمات جاهزة بقياسات محددة
نوعية الخشب mdf
وهذا لا يصلح عندنا والسبب لو تقشر الصبع تضطر اتغير اللوح ( الشيت ) كاملا

وبالتوفيق

[Bo M7med]

الله لايهينكم يالربع والله يجزاكم خير


حبيت اسأل عن منجرة الطواش اللي في شارع 6 فالصناعية هل حد جرب شغلهم ؟؟

[حسن]

اليوفي بيسي احسن من الالمنيوم بكثير ومافي مقارنه واللي ينافسه الامنيوم التكنال الفرنسي
واحسن شركه هي قطر يوفي بي سي تركيب نضيف وجوده بس على فكره لايقولك الالماني
الحين كله من تركيا

بالنسبه للابواب عندك نابينا ابواب حلوه وشركه محترمه وشغل نظيف ولا صداع راس
ولا نصب