نسيت اروح جلستي في المحكمة ، شلون أعرف متى جلستي الجايه ؟

[Galbi]

السلام عليكم

ياريت تفيديوني

عندي محكمة مع المرور
في المحكمة اللي ورا السد بلازا ما اذكر اسمها

فاتتني جلستي في المحكمة مرتين بعد ما حضرتها اول مره

اول مره نسيت بسبب اني رحت في تاريخ بعد التاريخ اللي حدده لي القاضي بكم يوم .... يمكن ما سمعته عدل او نسيت :secret:

فـ رحت طابق (نسيت رقمه كم) الخاص بالقضاه على ما اظن .. وقال لي واحد هناك تاريخ جلستي بتكون متى
وحطيت في وقتها منبه في التلفون قبله بيومين للتاريخ المحدد عشان يذكرني

لكن التلفون العبيط ما عطاني تنبيه :anger1: وما تذكرت المحكمة الا بعد اسبوع

وهذي ثاني جلسة ما احضرها

الحين اللي سمعته لو ما رحت الجلسة الثالثه بيتم أمر القاء القبض علي :swoon2:

فـ بغيت مساعده منكم ، شلون أقدر اعرف تاريخ الجلسة الجاية ؟
يعني لازم اطق مشوار واروح لهم ؟
أو عندهم رقم اقدر اعرف التاريخ عن طريق اعطائهم رقم القضية ؟
لان مثل ما تعرفون ، هناك السيايير فوق بعض ، بالغصب القى موقف .. هذا غير اني لازم اروح الصبح ، والصبح دوام ، بعد طلعه روح يمكن يخلوني استأذن

فإذا فيه طريقه ثانيه غير الروحه لهم ، ياريت تقولون لي


ويعطيكم العافيه

[عتيج الصوف]

محكمة السد 44471777

اتصل لهم صباحا وقل للبدالة يحولونك قسم اعلام الدعاوي ,,وهناك تعطيهم رقم القضية وبيخبرونك ان شاء الله,,,وهم عندهم رقم مباشر بس ماعندي اياه للاسف

[ريتويت]

الله يعينك

[Galbi]

محكمة السد 44471777

اتصل لهم صباحا وقل للبدالة يحولونك قسم اعلام الدعاوي ,,وهناك تعطيهم رقم القضية وبيخبرونك ان شاء الله,,,وهم عندهم رقم مباشر بس ماعندي اياه للاسف

مشكور الشيخ ما قصرت

اتصلت لهم .....

ياخي شنو هاللي قاعد يرد عالبداله !!!!!!!!!

بعد طلعه روح رد علي اقول له ابي قسم اعلام الدعاوي .. يقول لي لحظه شوي ، وتم يسولف مع واحد عنده :eek5:

بعد فتره بسيطه رجع يسألني شنو ابي :rolleyes2:

المهم عطاني رقم التحويله ، ولما اتصلت طلع الرقم اللي عطاني اياه غلط بسبب السوالف :anger1:

رجعت اتصل له ، وطبعاً بعد طلعه روح رد ، تووووني قاعد اقول له ان الرقم غلط

الا يقاطعني ويقولي : لحظة

انا على بالي عنه شغله بسيطه

الا اسمعه يسلم على واحد: شلونك شخبارك ، وينك ما جيتنا العزيمه يوم الفلاني :rolleyes2:

وتم يبربر معاه لين ما انقطع الخط

انا هني تنرفزت حدي :anger1:
اتصلت عقبها اكثر من 5 مرات لين ما رد ، ومسكت نفسي وتكلمت معاه بأدب مع اني مقفل حدي
وعطاني الرقم الصح

قمت واتصلت على الرقم الجديد ، وزين ردوا علي بسرعه ... لكن للاسف طلع القسم الغلط ... طلع لازم اكلم محكمة الجنح

عاد طبعاً لازم ارجع للبداله بو عزايم :telephone:

وكالعاده اتصلت كم مره وما رد لين ما طقت جبدي

شكلي بروح لهم وافك عمري من هالمذله :anger1:


يعطيك العافيه ما قصرت الشيخ :)

[الزعفراني]

اللي أعرفه انهم يطرشون لك مسج بخصوص مواعيد الجلسات اللي لازم تحضرها على رق جوالك اللي مسجل عندهم .

لكن مالك الا تمر عليهم وتعرف الموعد والله يعينك على زحمة المواقف

[Galbi]

هم طرشوا لي بس اول مره

عقب صاروا ما يطرشون لي


الله يعينا بكره عالزحمه :(

[meme-93]

الله يعينك عاد المره الاخيره
وص الوالده ولا حد يقومك