الا من يوقف القطرية وادارتها عند حدها..نطالب الامير بالتدخل

[saranay1]

السلام عليكم ورحمة الله وبركاته
الا من يوقف القطرية وادارتها عند حدها
وين المجلس البلدي
وين مجلس الشورى
وين الصحافة اللي اطبطب على كل شي حتى لو مو في صالح المواطن
لاعبه فينا دور القطرية
ما عندها الا
اترخص للتذاكر من خارج قطر ( للأجانب ) وتزود على القطريين.
نطالب الامير بالتدخل
ونطالب الصحافة تكتب شي في حق المواطن .

[سهم الدوحة]

السلام عليكم ورحمة الله وبركاته
الا من يوقف القطرية وادارتها عند حدها
وين المجلس البلدي
وين مجلس الشورى
وين الصحافة اللي اطبطب على كل شي حتى لو مو في صالح المواطن
لاعبه فينا دور القطرية
ما عندها الا
اترخص للتذاكر من خارج قطر ( للأجانب ) وتزود على القطريين.
نطالب الامير بالتدخل
ونطالب الصحافة تكتب شي في حق المواطن .


نرفض الزياده على أسعار التذاكر crazy

ولا حول والا قوه إلا بالله ....

[Chambray]

والله كلامك صحيح 100%

التذاكر في الخارج على الخطوط القطرية أرخص بكثير مما نتصور .. للأجانب

لكن للقطريين أغلى وأغلى !! ولا نعلم ما السبب ؟؟

فلنفترض .. تذكرة دوحة - لندن - دوحة .. من الإمارات ..
أرخص بحوالي 900 ريال تقريباً من التذكرة الي ناخذها من قطر !! فلماذا ؟؟؟

[قطري رافع الراس]

والادهى والامر من ذلك التأخير الدائم في اقلاع الطائرات والتأخر في وصولها وزيادة الطين بله

هو بعض الاوقات وانت في الجو قادم لقطر تقعد تلف الطياره في الجو او تنزل في المدرج

وتجلس فيها نصف ساعه تدرون ليش؟؟؟؟؟؟ ييقولك مافيه موقف للطياره !!!!!!!!!

وعلى سالفة التأخير انا حصلت لي سالفه شخصيا كانو هلي جايين من الرياض على الخطوط

القطريه وكان موعد اقلاع الطائره الساعه الخامسه مساء وكانو هلي في مطار الرياض

من الساعه ثلاث العصر تدرون متى طارت الطياره من مطار الرياض الساعه تسع وربع

واوصلت الدوحه الساعه عشر وربع والمشكله انه في مثل هالضروف المفروض من

الخطوط انهم يوفورون اقل حاجه سكن او اي تعويض آخر بدل الانتظار كل هالساعات

والادهى من ذلك انه اسعارهم كل مالها في العلالي والخدمه كل مالها تتردى وازيدكم بيت

من الشعر اغلب الطيارات القطريه يكون تكييف الهواء فيها ياأنه عطلان او مش بارد ومن

يومها قررت عدم السفر على الخطوط القطريه حتى بطاقة الاميال اللي عندي كسرتها .

انا آسف آسف على الاطاله لكن يعلم الله من حر مافي قلبي.

شاكرلك اخوي على الموضوع

[منصور]

محد بيتدخل

[asalam]

ببساطه شوف شركه غيرها وقتها حيعرفوا قيمتك المسأله عرض وطلب

[بوحمد1]

لا حول ولا قوة إلا بالله

[المخلب]

شخبار (( اكبر الباكر )) ..

[سهم الدوحة]

شخبار (( اكبر الباكر )) ..

الجماعه متعاقدين مع شركه أمريكيه لإقامه مطار بقيمه 5 مليار .

وشكلهم متورطين في السيوله :court:

[قطري صريح]

قطري رافع الراس
كلامك كله صح
انا مثلك تركتهم ولله الحمد
حجزي السنه والعام الماضي كله على الإماراتيه تذاكري تطلع ارخص من القطريه وخدمات افضل
وسيارات مجانيه من المطار الى الفندق والعكس ولا وازيدك من الشعر بيت تطلب عدد السيارات الى تبي اذا عددكم فوق الثلاثه غيرها الكثير

[Northman]

انا ناسيهم من سنه تقريبا

و السبه مشاكلهم

و لا حياه لمن تنادي


و لا في حد بيهتم

[الأختصاصي]

للأسف لحياء لمن تنادي
بتزيد التذاكر غصب عنى

[بـوصـالـح]

يمدحون الاماراتيه يالربع

(( انا واحد كنسلت من قاموسي اي رحله عالقطريه ))

مب علشان الاسعار (( على عدم انضباطهم بالمواعيد ))

واكثرية الرحلات القريبه (( مافيها مكيف )) احنا الواحد يروح المسجد دقيقتين بالسياره
يشغل المكيف

فما بالك بنص ساعه بالجو بدون مكيف والسبب عطل فني
(( ايش هالعطل الفني الي يصادفني 3 مرات متتاليه ))

[حالي الذوق]

عن نفسي ما اسافر بالقطريه الا اذا مظطر

لا احترام للراكب ولا التزام بالمواعيد واسعارهم اغلى من اي خطوط طيران اخرى واستغلاليين

[المخلب]

لا والي يجيب سواد الوجه ! مضيفاتهم ..

اشكال ولله الحمد ..

[حالي الذوق]

صادني موقف معاهم وتكرر لاكثر من 3 مرات

وهو اذا بتروح مطار ابردين في اسكوتلندا لازم تغير الطياره في مطار هيثرو .
عاد انا قلت لهم ابي انزل لندن ما اقدر انتظر في المطار لمدة 7 ساعات تقريبا
قالوا لازم تدفع 600 ريال ظريبة خروج من المطار حاولت معاهم لكن لاحياة لمن تنادي.
فقررت ان اسافر على البريطانيه . فعلا تقدير واحترام للمسافر ونزلت لندن من غير ان ادفع ريال واحد زياده على التذكره المحدده مسبقا.

[غشيم121]

ما عليه بس ينزلواها في سوق الدوحه
ولا واحد يشتري
هههههههههههههههههه

[ملكة البورصة]

انا معاكم يا اخواني من حول سنه 1996 وانا مسويه مقاطعه للقطريه الصراحه الطياره اتفشل الكراسي تقطع الويه تقول ماخذين قماش الكراسي من سوق العسيري ذكروني يجلابيه جدتي..................

لا وكل كرسي لازق بجبد اللي وراه او اللي جدامه لازم تقعد ولا تفكر تحط ريل على ريل تتيبس ارجولك ويتجمع الدم فيها ماتقدر اتدوس............

غير التاخير فاالمواعيد وفعلا بخصوص تاخير الهبوط تلقى الكابتن ياخذ لفه على كبر الدوحه تقول مضيع المطار والا اول مره يشوف قطر من فوق ,,,,,,,,,,,,,,,,,,,,

احنا نحب بلادنا ونتمتى الخير والربح لها بس شي عن شي وخدمه عن خدمه تفرق

وسلامتكم وصح الله لساني

[المخلب]

صادقه ياملكه البورصه ..

اذكر يوم رحت البحرين بالقطريه ..

الطيار الله يحفظه يبي يقول ترى حرام نبي نوريكم قطر (( ولو عليه يودينا الكويت ويرجعنا من كبر اللفه الي لافها ! )) .. ووصلنا راس لفان ومن هناك لف للبحرين ! ..

تخيلي ( ساعه كامله علشان نوصل البحرين ! ) .. والمعروف البحرين توصلها باقل من ربع ساعه ..

حتى بالحدود .. جمرك السعوديه والبحرين ( على الجسر ! ) لما يكون فاضي 20 دقيقه الا انت بالبحرين ..

سبحان الله ..

[jajassim]

صادقه ياملكه البورصه ..

اذكر يوم رحت البحرين بالقطريه ..

الطيار الله يحفظه يبي يقول ترى حرام نبي نوريكم قطر (( ولو عليه يودينا الكويت ويرجعنا من كبر اللفه الي لافها ! )) .. ووصلنا راس لفان ومن هناك لف للبحرين ! ..

تخيلي ( ساعه كامله علشان نوصل البحرين ! ) .. والمعروف البحرين توصلها باقل من ربع ساعه ..

حتى بالحدود .. جمرك السعوديه والبحرين ( على الجسر ! ) لما يكون فاضي 20 دقيقه الا انت بالبحرين ..

سبحان الله ..



رحت البحرين ،،، :con2: :con2:


;)

[roadrunner]

السلام عليكم

القطرية صارت كروة .. متخصصة بنقل العمال

فأسعارها تكون بارخص الاثمان من الخارج .. وبأغلى الاسعار من داخل قطر

والي يذبح قهر لو انك خارج قطر مع دريولكم ولنفرض انك ببانكوك وتبي تشتري تذكره بانكوك - دوحة - بانكوك ... بيكون سعرك انت غير عن سعر دريولكم ... انت بتدفع السعر كامل لأنك قطري .. ودريولكم بيدفع السعر المخفض

بالنسبة عن الحجوزات .. قبل تقدر تغير الحجز مليون مره بدون مشاكل .. بس الحين تغير القانون .. اذا اشتريت التذكرة .. بس صادك اي ظرف وحبيت تغير موعد الرحله .. في مبلغ تدفعه على ما اعتقد 200 ريال.

[qatar_moon]

لاتسافرون عن طريقهم علشان يتعلمون

[Qa6ar]

الله يعطيكم العافيه

[فريق أول]

السلام عليكم

القطرية صارت كروة .. متخصصة بنقل العمال

فأسعارها تكون بارخص الاثمان من الخارج .. وبأغلى الاسعار من داخل قطر

والي يذبح قهر لو انك خارج قطر مع دريولكم ولنفرض انك ببانكوك وتبي تشتري تذكره بانكوك - دوحة - بانكوك ... بيكون سعرك انت غير عن سعر دريولكم ... انت بتدفع السعر كامل لأنك قطري .. ودريولكم بيدفع السعر المخفض

بالنسبة عن الحجوزات .. قبل تقدر تغير الحجز مليون مره بدون مشاكل .. بس الحين تغير القانون .. اذا اشتريت التذكرة .. بس صادك اي ظرف وحبيت تغير موعد الرحله .. في مبلغ تدفعه على ما اعتقد 200 ريال.



كلامك صحيح اخي العزيز ...

اذا ارت السفر الى لندن مثلا ... اشتر التذاكر من مكتب القطرية في الكويت ... بحيث تكون التذاكر كويت-دوحة-لندن-دوحة-كويت ... وسعرها اقل بكثير لكل الدرجات عن سعرها في الدوحة

وعند استخدام التذكرة ... انزع خط الكويت-دوحة-الكويت ... واستخدم دوحة-لندن-دوحة ... وتبقى تذكرة الكويت صالحة لمدة سنة

واذا ارت سعر اقل من ذلك للندن ... اشتر التذاكر من بانكوك ... بنفس الطريقة

[سهم الخيانة]

لا تنسون انها تحمل أسم عزيز علينا (((( أسم بلادنا قطـــــــر ))) وهذا يكفي:anger2:
بلادي وأن جارة عليه عزيزةًَ

[سهم عتيج]

القطرية أكثر تركيزها على الكم وليس الكيف.. يعني سياستها هي نقل أكبر قدر ممكن من الركاب ,, وليس خدمة مواطني دولة قطر,, لذلك نراها كل يوم تفتح خط جديد,, فهي لا تهتم بالمواطن بقدر اهتمامها بحمل أكبر عدد ممكن من الركاب وتكون الدوحة محطة لهم قبل انتقالهم لمحطات أخرى وهكذا,, لذلك فانك عندما تركب القطرية فترى العدد الكبير من المسافرين وخاصة الأجانب..

على فكرة,, الدولة تملك فقط نصف رأسمال القطرية ,, والباقي يعود لمستثمرين أفراد..
يعني كل هذه الأرباح الهائلة للقطرية نصفها فقط يعود للدولة والمواطن,, والآخر يعود لمستثمرين آخرين..

[فرهود]

واذا جيت تبي تحجز يالله يالله تصيد لك حجز
على طول فل

[Alemadi]

آه منك يالقطريه والله اني مقهور منها crazy وياحبهم لأستغلال المواطن القطري وبأسعار عاليه ومعامله غير محترمه للمواطن القطري crazy تخيلواني مسافر بعد سبوع باذن الله وموعد الاقلاع الساعه 12:30 ظهرا ويبغوني اجيهم الساعه 7 الصبح حق Check in وعذرهم ان عندهم ضغط ورحلات اضافيه للصيف crazy .. واسعار النذاكر زادت 40% من تاريخ 15/6 على حسب كلام السفريات والي يغير مواعيد رحلته يدفع مخالفه قدرها 150-200 ريال قطري .. يعني السالفه لعانه ولعانه واستغلال للمواطن القطري .. بس ماقول الا لا حول ولا قوة إلا بالله

[Alemadi]

لا تنسون انها تحمل أسم عزيز علينا (((( أسم بلادنا قطـــــــر ))) وهذا يكفي:anger2:
بلادي وأن جارة عليه عزيزةًَ

هذا الي قاهرني ان اسمها القطريه وتستغل المواطن القطري ومميزات الاجنبي افضل من القطري :anger2:

[LaW]

:shy: (يازين الإجازة في عجائب صيف قطر) !

[movado]

السلام عليكم ،
انتوا ما تعرفون شلون تتصرفون وياهم في مثل هالمواقف ، دشوا عليهم باسلوب اللي مقتنع بحقه ، انا مثلا صادني موقف وياهم من فترة سنة ونص تقريباً ، وصارحت لخبطة في حجزي ، ولما طلبت منهم يعدلون الخطأ ،رفضوا بحجج واهية وانه هالشي صار مني انا ، لكن لما تجادلت مع مسؤل الخدمات الأرضية بالمطار وعرف اني اقدر احجهم لو رفعت عليهم قضية بالمحكمة وان بالي طويل وعندي صبر وبنتظرهم في جلسات المحاكم وشي من هالكلام ، اعترفوا بخطأهم وتأسفوا مني بحيث ان الموضوع ما يوصل عند المسؤلين في القطرية ، لا وحولوا حجزي على البزنس وهو اصلاً سياحي
وسلامتكم

[وطن]

السلام عليكم ،
انتوا ما تعرفون شلون تتصرفون وياهم في مثل هالمواقف ، دشوا عليهم باسلوب اللي مقتنع بحقه ، انا مثلا صادني موقف وياهم من فترة سنة ونص تقريباً ، وصارحت لخبطة في حجزي ، ولما طلبت منهم يعدلون الخطأ ،رفضوا بحجج واهية وانه هالشي صار مني انا ، لكن لما تجادلت مع مسؤل الخدمات الأرضية بالمطار وعرف اني اقدر احجهم لو رفعت عليهم قضية بالمحكمة وان بالي طويل وعندي صبر وبنتظرهم في جلسات المحاكم وشي من هالكلام ، اعترفوا بخطأهم وتأسفوا مني بحيث ان الموضوع ما يوصل عند المسؤلين في القطرية ، لا وحولوا حجزي على البزنس وهو اصلاً سياحي
وسلامتكم


فعلا كلامك صحيح اخوي

مره صار معاي موقف وياهم
كنت مسافرة للبحرين ومتواعده مع البنات من اهلي اللي هناك بنروح عرض مسرحية العصر
ورحلتي المفروض تطير العصر واوصل قبل موعدي معاهم ويوم رحت المطار يقولون لي مافي لج حجز
مع ان حجزي مأكد وعلى الدرجة الاولى
واتصلت في الوالد عشان يتصرف معاهم

طبعا هالحركة ماصارت لي بروحي يومها صارت لعدد كبير من المسافرين لان الطيارة اللي كانت المفروض تنقلنا كبيرة وصار فيها خلل وعطونا طيارة صغيره .. فأكلناها احنا

عصبوني يومها
ويبون يسكتونا عطونا كل واحد تذكره روحة ورجعه بنفس الدرجة اللي هو عليها طبعا

المهم كنت لازم اسافر البحرين يومها
ومايبون يحطوني على رحلة الليل !!! قلت لهم انا عندي شغل وانتو عطلتوني :anger2:
مع كثرة المجادلات قررو يحطوني درجة سياحية على قولتهم مافي كرسي فاضي على الدرجة الاولى
هني صج على صوتي
:anger2:

فأبوي قال لي خلاص انا بتفاهم معاهم انتي روحي قعدي

وطلب مدير الخدمات الارضية في المطار وقعد يتجادل معاه "طبعا انا مابي اقعد ابي اسمع عشان اتعلم من ابوي" :funny:
في النهاية سافرت وعلى الدرجة الاولى
ومعاي تذكرة ثانية بعد درجة اولى ذهاب وعودة :deal:


ناس مايجون الا بالعين الحمرا :nice:

[شبيــ الريح ــه]

شباب مكبرين السالفه انتوا
القطرية مو مثل كيوتل تحتكر الاتصالات في قطر وغصب طيب بتجيها
عندك اكثر من خيار والطيارات وخطوط الطيران على قفى من يشيل
غير طيارتك وعندك اكثر من خيار وبيرجعون لك عقب بعروض مغريه

ملاحظه اخيره اخوي اللي ذكر ان سعر التذاكر للقطرين غير والاجانب غير ؟
كلام غير صحيح وانت فاهم الموضوع مقلوب لا تفرقه بالنسبه للقطري وغيره
السالفه وما فيها انك لو اشتريت التذكره من الدوحه سعرها اغلى قطري او اجنبي
ومن خارج قطر ارخص ليش ما تدري اشلون يحسبونها إدارة القطريه بعد النجاح
اللذي حققته هذه الشركة الحديثه في منشأها الكبيره في انجازاتها من حيث الانتشار
لكن الوصول الى القمة سهل لكن الاصعب هو المحافظه على البقاء في القمة
وهذا التحدي اللذي يواجة السيد اكبر الباكر مدير الخطوط القطريه

وانا صراحه صارت لي سالفه مع واحد من شباب الامارات جاي من ابو ظبي
على العربيه رايح جااي ب 500 درهم وخلص شغله ويبي يرد بسرعه
رحنا المطار وما حصلنا حجز الا على القطريه في الليل سألنا عن تذكره
ابو ظبي رايح فقط 920 ريال (( شووفوا الفرق )) ما في مجال مقارنه
واخر شي رد فندق بــ 200 ريال وراح الصباح على العربيه بنفس التذكره

الله يعين اللجنة المنظمة للأسياد على القطريه اذا هذا شغلهم بيفشلونهم
سلامي للجميع

[qatari1]

كلامكم أخواني الأعزاء للأسف الشديد صحيح، وفي محله.
خدمات القطرية من سيء إلى أسوأ، بل أنا مستغرب من الجوائز العالمية التي يحصلون عليها لا أدري كيف يحصلون عليها؟ وعلى أي أساس؟
إذا كان الأمر استطلاع رأي، فلم أر لهم أي استطلاع رأي أستطيع المشاركة فيه.
ما يميز القطرية كما ذكرتم هو رخص أسعارها بالنسبة للأجانب، ومن خارج قطر..أذكر مرة سافرت الكويت، وتحدثت مع أحد الأخوان الكويتيين، فأخبرني أنه مسافر على القطرية إلى بانكوك، فسألته: هل الكويتية لا تذهب إلى بانكوك؟ فأجابني: نعم تروح، ولكن القطرية أرخص!
وفي أغلب رحلاتي إلى جدة والرياض والكويت بالتحديد كل الركاب من الآسيويين، وهم إما من العمال أو الخدم، فسألت واستفسرت، وعرفت أن القطرية أرخص من سواها من الخطوط الجوية الأخرى.
وبالأمس وفي رحلتي إلى عمّان، تأخرت الطيارة عن موعدها أكثر من نصف ساعة، والمكيف لا يعمل إلا بعد الإقلاع، إضافةً إلى أنهم دفعوني غرامة تغيير حجز 190 ريال للتذكرة رغم أن الطيارة لم تكن ممتلئة، وعلى الرغم من أني عضو في نادي الامتياز، ومكتب السفريات قال لي أنهم لن يفرضوا علي غرامة ، ولكن هذا ما حدث، ودفعت مضطراً!
للأسف رغم كل سلبيات ومثالب خطوطنا الوطنية، إلا أني كنت افضل السفر عليها فقط لأنها على اسم (قطر) الغالية على قلوبنا جميعاً، وعلى أساس(الأقربون أولى بالمعروف) وبلادي أولى بأموالي!
ولكن يبدو لي أني سأغير رأيي، وسأعود إلى الإماراتية التي أثبتت فعلاً أنها الأفضل في الأجواء، والأرخص في الأسعار، والأجود في الخدمات، والأفخم في الإمكانيات.
ولا أنسى رحلتي على الإماراتية إلى سنغافورة على الدرجة السياحية التي ظننت أني في الدرجة الأولى من حيث الخدمات، وكرم الضيافة....

[بـوصـالـح]

لا تنسون انها تحمل أسم عزيز علينا (((( أسم بلادنا قطـــــــر ))) وهذا يكفي:anger2:
بلادي وأن جارة عليه عزيزةًَ


ما هذي هي المصيبه

انها قطريه وتلعب بالقطرين لعب وتخدم غير القطرين

[الدوحة]

كيوتل والقطرية نفس الشي

[saranay1]

المشكله انهم يجبرون باقي خطوط الطيران على اسعار تذاكرهم
علشان ما تكون هناك من ينافسهم في بلادنا
وبالتالي اتشوف اسعار التذاكر تقريبا مشابهة للقطرية
نبي من يتدخل
نبي شي يتغير مو كلام وبس

[المخلب]

رحت البحرين ،،، :con2: :con2:


;)

:looking: :looking: :looking: omen :looking: :looking: :looking:

[ابـو مــحــــمـــــد]

بكل اسف انا جاني تشائم ان القطريه دخلت السوق للاسيويين فقط
شوفو منهم اكثر الناس الي عليها وخاصه الي جايه من شرق ووسط
اسيا ويذهبون الا اوربا وهم اكثر الناس الي حاجزين كراسيها

اخ من ايامك يا طيران الخليج بس

[الرمز]

اكيد فيه مشكله ادارية يعني مافيه احد يمنعهم ( والله انا مادري من المسئول عن الطيران )

لان طيران الخليج كانت تستغل القطريين وهي كانت شركه وطنية

والحين القطرية تستغل القطريين

اذا المشكله ادارية من فوقهم

ومعروفه من امن العقوبه اساء الادب

والحل هو الاماراتية او البريطانية وصدقوني لم اطلع القطرية الا مره وحده وبس للحج وكنت في الطياره من الساعه 10 الصيح ولم تقلع الا الساعه 2.30 ظهرا والسبب كانت تنتظر عمال جايين على خطوط اخرى وبعدها توبه منها ومن المضيفات لي شوي ويضربونا .

بس الصراحه لما اشوف باكر الباكر وهو لابس البشت ينشرح خاطري

[مراقب السوق]

الجماعه متعاقدين مع شركه أمريكيه لإقامه مطار بقيمه 5 مليار .

وشكلهم متورطين في السيوله :court:

لا اخوي .. المبلغ هذا متكفله فيه الدوله .. ؟؟

ليش اتورط الدوله بالعكس .. كل شي تمام والحمدالله

[قـــــــــــ44ــــــطر]

بعد هذه المناقشات والردود المتفاعلة من جميع الاعضاء
الحل النهائي هو البعد عن الخطوط القطرية..
والاتجاه للخطوط الاخري المحترمة مثل الاماراتية البريطانية..الاتحاد
حتي يرجعوا لصوابهم ويعرفون ان مالهم الا اهل قطر هم الأول ولأخر..

[العيبان]

مشكور على الموضوع الذى يهم اكبر شريحه من الشعب القطرى لما له من اثر على مستوى دخل الفرد فى قطر,اخى الكريم اغلب الخطوط تعمل تخفيظات خارج بلدها مثل عروض الخطوط البريطانيه والامارتيه وغيرها من خطوط لكسب قاعدة مسافرين فى بلدان اخرى
اما ارتفاع الاسعار الغير مبرريجب ان نقف وقفت رجل امامها ويجب مقاطعتها لرد الاعتبار
هل الخطوط القطريه غير مهتمه بالقطريين؟؟
هل الخطوط القطريه تطمع بالحصول على نصف ميزانيه السفر؟؟
والاجابه على هذى الاسأله بكلمه نعم ليس بصعب على احد والسبب ان الارفاع الغير مبرر
دليل على الطمع من قبل ادارة القطريه
يجب على مؤسسة الخطوط القطريه مراعات الوقت فى رفع الاسعار لتفادى خسائرها..لان
اغلب القطريين سوف يغيرون خطوط النقل دون تغير الوجهه
فى اغلب الدول المتقدمه قبل رفع سعر التذاكر يجب عليها توضيح الاسباب للمسافرين
والى عامه الشعب لكسبهم
وليس ماقامت به القطريه بظرب المسافرين بعرض الحائط ووضعهم اما الامر الواقع

اخوانى القطريين والمقييم بقطر يجب تغير وسيله النقل وترك القطريه تواجهه الخسائر
وننتظر منها اما مجلس الادارة كيف ستبرر سبب هذى الخسائر

يجب ان نقف وقفت رجل اما حل المشاكل..
هل انتم صاملون بتغيير وسيله النقل من القطريه الى اى خطوط غيرها
يجب على ادارة القطريه احترام المواطن والمقييم قبل كل شى

هذى وقت التغيير..فهل ستغيرون؟؟

[الأختصاصي]

لا حول ولا قوة إلا بالله

[هنداوي]

في يوم من الأيم كان ينظرب الوصف في القطرية واكبر الباكر لاكن للأسف صارت القطرية هالأيام من اسوء الخطوط !!! فالحين يجيبون الأجانب بأرخص الأسعار والقطريين ينطقون .
الحل اننا نحول علي الأماراتية هي الأفضل من كل النواحي .مع انني كنت دائما متعصب للقطرية وما أركب الا هي .

[aljazeera]

في الدول الثانيه غير قطر القطريه تتطر لتنزيل التذاكر من اجل المنافسه مثلا

في الامارات

كيف سيسافر الأمراتي للندن على القطريه و عنده الأمراتيه تاخذه دايركت و القطريه تجبره انه ينزل في الدوحه اولا...؟؟

فلذالك تجد التخفيضات في الدول الثانيه

بالنسبه للخدمه افضل من كثير من الشركات المجاوره بل قد تكون الأفضل
انا مسافر متكررررررر و اعلم الفرق
في الدرجه السياحيه المساحه المتاحه للرجل اكبر من باقي الشركات


المشكله لو طيران اخر تاخر هذا مغفور له (القطريه شديد العقاب)

بالنسبه للمسافر الي يقول البرتش تعاملني افضل في بريطابيا

هذا طبيعي هم في عقر دارهم و هم يتمنون ان تنزل في بريطانيا لتصرف نقودك هناك فلاياخذون منك زياده

العدل في النقاش مطلوب يا اخوان

شكرا

[ابوشوق]

كلامكم كله صحيح يااخوان عندنا فى الكويت نشترى تذاكر الخدم من الخطوط القطريه لانها اسعارها رخيصه جدا جدا بالنسبه لأى خطوط ثانيه

[قطري طموح]

والله ياخوان جيتوا على وتر حساس ، انا شخصيا لي قضية كبيره حصلت مع الخطوط القطريه لن اذكرها الان لانها بين يدي القضاء العادل ، يوم جيت وشرحت للمسؤلين الخطاء الجسيم اللي حصلي بسبب موظفيهم وتضررت بسببه ماديا وادبيا، بعدا وعلى مضض قرروا تعويضي بشي تافه اقسم بالله احسسته اهانه لي ، ومن ثم رفعت الامر للقضاء بواسطة محامي ممتاز وان شاء الله سياتي التعويض اللي يريحني باذن الله وينصفني ، ومن بعدها وانا ماحب اسافر على متن هذي الخطوط اللتي لاتسحتق الاحترام لولا انها تحمل اسم بلادي ويشارك فيها اشخاص اكن لهم كل الاحترام والتقدير ، وقررت بعدها ان يكون سفري الى اسيا بواسطة الكاثي باسفيك والى اوروبا بواسطة الاماراتيه او البريطانيه .

[سهم طايح]

ماراح تنحل المشكلة الا بتغيير الهرم

[عتيج الصوف]

اضف الى ذلك انك ماتحصل واحد يتكلم عربي......................في القطريه الا بطلوع الروح

[لمت داااون]

في رحلتي الاخيره لجده مت من الحر والله ان العرق كان يصب والتكييف كان تعبان بالمره وريحة الهنديه اللي جدامي مع دهنها تهف علي والله أنها خيستني ورشيت عطر على راسها من ورى ولا في فايده ....
وواجهتنا مشاكل كثيره مع كرسي متحرك كان لأحد الأهل و واجهنا للأسف معامله سيئه جدا من قبلهم ... وعدم تعاون من ناحيتهم مما أتعب نفسية الشخص العاجز اللي معانا...

كنا مسافرين العام الماضي لألمانيا وتخيلوا رحلتنا كانت الساعه 12 ونص الظهر وحصل عطل وكل شوي يقولون الحين بتطير عقب شوي بتطير عقب نص ساعه عقب ساعه وماطرنا إلا السااااااااااااااعه تسع فليل... والتعويض كان وجبه في كافتريا المطار .... تخيلوا

[Khalid222]

على فكرة استغلال المواطن الخليجي في كل مكان .. شوفو لو تحجز غرفة في دبي من النت .. سعر الخليجي غير عن سعر الاجنبي.. وحتى اسعار العطلات مثلا من أوربا على الامارتية ارخص للاجانب من الخليجين واسعار الفنادق ال 5 ستار للأجانب تعادل اسعار ال 3 ستارللخليجين.. القطرية من الامارات ارخص من الاماراتية بس من قطر اغلاوالطيران المدني له دور في غلاء الاسعار حتى عمولة ال 8 % اجبرو وكلات السفر بتحصيلها من المسافر وعدم خفضها من اسعارالتذاكر بحجة تطوير المكاتب.. ..

[CNBC]

تدري من متى وأنا أدور على هذا الموضوع

تأخير في الاقلاع الطائرة

تأخير في الوصول الطائرة

مكيف الطيارة حار تقول يالس في العديد هذا الكلام بتاريخ 15/7 قادمة من دبي

ضياع الامتعة

والقادم مذهل اكثر

للاسف فقدت بريقها فعلا

[Khalid222]

يدعوكم الهلال الاحمر القطري للتبرع لاغاثة شعب لبنان الشقيق . للتبرع المباشر اتصل على
9001511
وللاستفسار

5884707 انشرها وجزاك الله الف خير

[ابو تركي]

:shy: (يازين الإجازة في عجائب صيف قطر) !

مافي مهرجان السنة:eek3: :eek3:

[المستثمر22]

فعلا موضوع مميز
شكرا على الطرح

[mubarak2000]

المشكلة فية الطيران المدني بعد , مانعين شركات الطيران الاخرى انها اتقدم اية خصومات او عروض ولازم اسعار التذاكر اتكون نفس القطرية , يعني سوقنا صار سوق احتكاركي للقطرية من دون منافسة , يعني احنا الدولة الوحيدة العالم انطبق هذا النضام

[المرقاب]

بلادي وان جارت علي عزيزةّ && وأهلي وان ظنو علي كرام


سنظل نحبك يا قطر رغم عن انف الباكر

[الحكواتي]

بارك الله فيك

[بدور]

حسبي الله على القطريه وعلى من يتحكم فيها

وربي ماتسوى بيزه معامله زفته ناخذ تذاكرنا بأغلى سعر درجه أولى نبي نرتاح

ولكن للأسف ما هنا راحه جعلهم التسمم

الهنود اركبوا على روسنا من يوقفهم عند حدهم

الله يفكنا من اكبر الباكر هو اللي جايب لنا البلاوي على هالخطوط

لك يوم يا ظالم المفروض خلاص يتنحى هالباكر من هالمكان لأنه فاشل فاشل

ولا أعتقد أنه الرجل المناسب في المكان المناسب
لاتحذفون هالرد بليززززززززز

[ارهابي قطر]

الله المستعان .... نطالب الحكومة بالتدخل الفوري ... لانه المساله ما تحتاج تاخير ...

[سهوم المنايا]

انا كرهت القطرية وللسبب واحد

تسير رحلة الى فينا بطايرة مثل وجويهم

ثلاث كراسي من اليمين ومثلها في اليسار

واللي قاهرني مافيه تلفزيون عشان تضيع الوقت....

حلفت بالله ماعاد ارركب القطرية لو كان ويش كل رحلاتي سوف تكون باذن الله على الاماراتية

جعلهم يتهنون بفلوسي ولاتاخذ القطرية مني شي...

[العديد]

انا كرهت القطرية وللسبب واحد

تسير رحلة الى فينا بطايرة مثل وجويهم

ثلاث كراسي من اليمين ومثلها في اليسار

واللي قاهرني مافيه تلفزيون عشان تضيع الوقت....

حلفت بالله ماعاد ارركب القطرية لو كان ويش كل رحلاتي سوف تكون باذن الله على الاماراتية

جعلهم يتهنون بفلوسي ولاتاخذ القطرية مني شي...
بشر التكيف حار ولا بارد

[بدور]

بشر التكيف حار ولا بارد


المكيف حااااااااااااااار لايفوووووووووتك حمام سونا

واللي قاهرني فيهم ان بطاقة الاميال عائليه عندنا

وسجلو شخص واحد اللي باسمه والباقي لأ ولمارجعنا وسألنا عن السبب

قالوا السيستم يمكن عطلان في المطار يعني شفت عذرهم معقوله في الروحه والرجعه

عطلان في كذا بلد ولما طلبنا الشغالات يجونا عند هبوط الطائره علشان

يطلعون معنا من الفيرست قالوا ممنوع الضابط مايرضى ههههههههه

يعني القطريه ما تطير إلا بضابط وربي قمة المسخره عيوب لاتعد ولاتحصى

على فكره القطريه سمعتها وصلت لكل الخليجيين قبل القطريين الله يخسرهم

والباكر مسكين عايش الدور يقول مابي احد يدخل مكتبي إلا بإذن مسبق

قبل 3أيام من المقابله :D

[العديد]

المكيف حااااااااااااااار لايفوووووووووتك حمام سونا
:D
:funny: :funny: :funny:
مادري ليش مب راضين يعبون غاز في الطيارة لتبريد وللعلم اغلبية الطائرات اللي ركبتها تكيفها حار

[قناص قطر]

السلام عليكم

انا من ركاب القطرية vip

يعني عندي البطاقة الذهبية من فترة طويله 1998

لكن للاسف :

القطرية من دمار الى دمار

للاسف وقولها للاسف القطرية لاتعترف بالمسافرين المميزين على خطوطها

وعندي نفس البطاقة لكن على الاماراتية ولكن هناك فرق كبير

مب في سعر التذكره لكن في المعاملة



اتمنى النظر بالخطوط القطرية وسياستها السيئة مع القطرين

والله اني ماخذ تذكرة( الدوحه بنكوك الدوحه) من قطر بسعر 6400ريال

وخذت تذكرة من بنكوك ( بنكوك الدوحه بنكوك ) بسعر 3000 ريال

شوف الفرق بين السعر يعني تقريبا النصف

الله المستعان يارب

[ابـو مــحــــمـــــد]

القطريه للاسف للأسيويين فقط

[Abu Omar]

لماذا لا يتم فتح السوق القطري لاكثر من شركة طيران وطنية
مثلا شركات اقتصادية مثل العربية
شركة اخرى متوسطة الاسعار والخدمات
وقتها سيكون هناك تنافس واهتمام بالخدمات

[ابو احمد]

واذا جيت تبي تحجز يالله يالله تصيد لك حجز
على طول فل
ولما تركب الطيارة محد فيها ههههههههه:app:

[ABO MUBARAK]

والله مادري شنهو الحل مع هالخطوط التعبانه...........أنا من 3 أسابيع مسافر على القطرية دوحة ماليزيا دوحة ومعي أهلي وأولادي ..........والمغادرة كانت الساعة 2320 ولاكننا غادرنا.....بعد 8 ساعات يعني ثاني يوم الساعة 0720.


وهذا ماهو اول مرة تصير معنى هذة التاخيرات المزرية.................لا وبعدين يقولون نحن ناسف على التأخييييير ........وين المسؤولين؟؟؟؟؟؟؟؟؟؟؟؟الله يرحم الحال.

[الــجــزيــرة]

الله يفشلهم

سياسة أكبر الباكر فاشلة ولكن وين الكبار عشان يتدخلون وعلى قولة احد الاخوات موعد قبل 3 ايام عشان اقابله !!! على شنو ... جان زين يتكلم عربي عشان الواحد يفهمه بعد

الله يخلي موتري بروح فيه كل مكان لو اتشحطط فالمواني والبواخر

وحنا لها

شرايكم نسوي مظاهرة ؟؟؟

أو نرفع كتاب بأسم أعضاء المنتدى لسمو الأمير ؟؟؟

[مبتدئة]

القطرية!

هه

المفروض يسمونها ( الآسيوية )

تهتم بالغير ومطنشة أهل قطر

أنا صار لي مع القطرية 3 مواقف

الأول واحنا راجعين من فرنسا

دفعونا وزن 1500 يورو ،، هذا واحنا عندنا العضوية!

والثاني

في الطيارة من الدوحة إلى ماليزيا

كانت الطيارة كحياااااااااااااااااااااااااانة ،، أظنهم ماخذينها مستعملة

يعني الرحلة طويلة 8 ساعات ،، المفروض تكون الطيارة اوسع شوي

وعالأقل اللي فيهم تلفزيونات لكل كرسي

لا في هالـ8 ساعات يجبروننا نشوف تلفزيون في النص حق كل الطيارة

والموقف الأخير

في الرجعة من ماليزيا

موعد الإقلاع 2300

ونقعونا في الطيارة لين 4 الفجر من غير مكيف

ولما سألنا المضيفة قالت: في خلل في المحرك والطيارة ما ترتفع!!!!!

طبعاً تذابحنا معاهم ونزلنا عنهم

ولا طارت الطيارة الا عقب ما نزلنا بـ3 ساعات

والركاب المساكين كل هالمدة ملطوعين في الحرررررررر

أما احنا حجزنا على طيارة اليوم الثاني

وعلى ذمة اللي قالت لي <<< كانت معانا في نفس الطيارة

ان عقب ما نزلنا عنهم

وقعوهم على اوراق انهم يتحملون مسؤولية اللي يصير

يعني اذا طاحت فيهم الطيارة ،، الآسيوية قصدي القطرية مش مستعدة تدفع تعويض!!

تخيلوا عاد حالتهم وهم معلقين في الجو 8 ساعات واياديهم على قلوبهم . . . .

والمسلسل يتوااااااااااااااااصل . . .

لأن أهل قطر ما يحبون التمرمر ترانزيت ،، وربعنا مستغلين هالشي

حسبنا الله ونعم الوكيل

[Abu Omar]

الله يفشلهم

سياسة أكبر الباكر فاشلة ولكن وين الكبار عشان يتدخلون وعلى قولة احد الاخوات موعد قبل 3 ايام عشان اقابله !!! على شنو ... جان زين يتكلم عربي عشان الواحد يفهمه بعد
الله يخلي موتري بروح فيه كل مكان لو اتشحطط فالمواني والبواخر

وحنا لها

شرايكم نسوي مظاهرة ؟؟؟

أو نرفع كتاب بأسم أعضاء المنتدى لسمو الأمير ؟؟؟

هذه الثلاث ايام حتى يتعلم عربي ويقدر يتكلم

[fandi]

عندي زميل تونسي صارت له سالفة اقوى ودى زوجتة للمطار قبل الرحلة ب3ساعات حسب انظمة القطرية والرحلة الساعة الواحدة صباحا الرحلة تأجلت دون سابق انذار 12ساعة بعد ما نقعوهم في الطيارة اكثر من 2ساعتين.

[الشرقاوى1]

السلام عليكم

أما ماحدث معى فهو غريب

فقد كنت على الطائره فى رحلة ........... وعند توزيع الطعام إعتذر المضيف بإنتهاء الوجبات بأن زميلته سوف تحضرها

مرت ساعه او أكثر ولم يصلنى شئ .......... قبل الهبوط إحتججت وعرضوا على الوجبة فرفضت وأرسلت شكوى مع رئيسة الضيافه وعلى النت

ورغم مرور أكثر من شهرين لم يصلنى أى رد أو حتى إعتذار.

أظن مع هذا المستوى من الإدارة يصعب عليهم حتى محاولة المنافسه مع شركات عربيه عملاقة مثل الإمارات

التقليد وحده لايكفى.

[بدور]

السلام عليكم

أما ماحدث معى فهو غريب

فقد كنت على الطائره فى رحلة ........... وعند توزيع الطعام إعتذر المضيف بإنتهاء الوجبات بأن زميلته سوف تحضرها

مرت ساعه او أكثر ولم يصلنى شئ .......... قبل الهبوط إحتججت وعرضوا على الوجبة فرفضت وأرسلت شكوى مع رئيسة الضيافه وعلى النت

ورغم مرور أكثر من شهرين لم يصلنى أى رد أو حتى إعتذار.

أظن مع هذا المستوى من الإدارة يصعب عليهم حتى محاولة المنافسه مع شركات عربيه عملاقة مثل الإمارات

التقليد وحده لايكفى.


أنت من صجك يهتمون بالشكاوي لو أنت هندي من خوالنا كان الحين علووووووم

القطريه لابسه ثوب الفشل ولا راح تتغير إلا إذا طار اكبر الباكر من كرسيه

عالعموم الباكر يحارب كبار المهندسين القطريين في المشاريع اللي تشرف

عليها القطريه والباكر يعامل المهندسين والاستشاريين القطريين

معاملة زفته وغير محترمه كنهم خدم عنده وهو كفيلهم حتى الخدم لهم حقوق الانسان

ولكن وين حق القطري عند الباكر حسبي الله عليه مدري مايدري عن هالسوالف

وهناك عدد كبيرمنهم قدموا أستقالتهم والسبب هو

وواحد من هلي يقول القطريه فيها مشاكل لاتعد ولاتحصى

وقدم استقالته وهو من كبار المهندسين ومشرف على مشروع كبير

مدري ليش هالباكر مايواطن المواطنين ويحاول يتخلص منهم

عذره ما يقابل أحد إلا بعد 3 أيام بموعد مسبق عاش الباشااااا

وما يعرف يتكلم ولايكتب عربي يعني عذره معاه هالبطل (القطري)

القطريه يقولون منافسة للطيران الخليجي والعالمي

وشلون يجي هالتنافس وكل هالعيوب في القطريه ((طير يا الباكر طير)):anger1: :anger2:

[KHALID _QTR]

والله كلامكم كله صحيح بس الشركه تبي فلووس ؟؟

[الفـــارسه]

كنت اظن بس احنا وربعنا طايحين في القطريه ذم ترى العالم كلهم متاذين

اتصدقون رحلتنا الى لندن قالوا لنا الطايره يديده وطارت وكل ما سالنا حر موت قالوا

الحين بيبرد التكييف وصلنا لندن ماكلينا ولاشربنا من الحر ونتهفف بالمجلات

ونسب ونلعن المسئولين عن الطيران القطري وعلى راسهم اكبر الباكر

عز الله سمعة القطريه طاحت وبعد اسعارهم الخياليه بس الهنود يقولون

لهم سعر خاص مدري ليش :con2:

والمعامله الزفته عند المضيفين كنا نشتغل عندهم حسبي الله عليهم

يارب تخسر القطريه والسبه الباكر وربعه :mad:

[الــجــزيــرة]

تذكرة دوحة مدريد دوحة

11 الف ريال

لكن

تاخذها

دبي دوحة مدريد دوحة دبي

4500

شتسمونه ذي ؟؟؟

ياعله زقوم في جبودهم والله لا يوفقهم

[هاييتي]

(( لاء حرام عليكم القطرية من افضل شركات الطيران على مستوى العالم وهذا ينصب ويتقلقص في التطور اللي نعيشة من فواحش ورذائل وتكنولوجية فاصخة تعز الأجنبي وتدوس المواطن او خلنا نقولها بالعربي الفصيح ( تدوس اللي شعره اسود وتعز اللي شعره اشقر !!!! ) ياجماعة قوموا خلنا نصبغ اشقر يقولون الراتب يزيد 10000 ريال دايركت!! :D )) عشان نعرف نسافر على القطرية بدون شكاوي :eek2:


والله حاله مايدرون ان هاللي شعره اشقر مخة مليان دود مب ملاقي نتفة خبز في بلادة فقير منتف يجي هنيه معتاشة 30000 وفيلا على البحر وسيارة !!!! يامال الظعفة مب كنه Homeless من كم شهر!! لاوشهادتة طووط طووط

المتخرج من جامعة نيوديلهي اذكى منه





قلت لكم اصبغوا اشقر ماطعتوني

[هاييتي]

عليها القطريه والباكر يعامل المهندسين والاستشاريين القطريين

معاملة زفته وغير محترمه كنهم خدم عنده وهو كفيلهم حتى الخدم لهم حقوق الانسان


ياعمي هالباكر افتكر فيهم


الزم ماعليه اللي عنده من طووط طووط و طييط طييط (( من دول شرق أسيا )) :court:


انا من يوم قاموا يبيعون الخمور وانا مقاطعهم الله يقطع رزقهم

الاماراتية تقدم خمور لكنها افضل من القطرية بواجد لأنك مهما جيت تحجز بتلاقي اماكن كل وجهه على الاقل طيارتين في اليوم

شرايكم من دبي لين نيويورك رحلتين في اليوم !

[cavok]

:mad: :mad: :mad: با الفعل هي مشكلة مؤاقف الطيارات في المطار على كثر عدد الطيارات اللي تنزل بالمطار .الخلل هو الطيران المدني

[الغزالة]

يعطيك العافية بس خلهم يتدخلون في اشياء اهم عشن يتدخلون في اسعار التذاكر

[$ الـدولار $]

السلام عليكم ورحمة الله وبركاته
الا من يوقف القطرية وادارتها عند حدها
وين المجلس البلدي
وين مجلس الشورى
وين الصحافة اللي اطبطب على كل شي حتى لو مو في صالح المواطن
لاعبه فينا دور القطرية
ما عندها الا
اترخص للتذاكر من خارج قطر ( للأجانب ) وتزود على القطريين.
نطالب الامير بالتدخل
ونطالب الصحافة تكتب شي في حق المواطن .


كلام صحيح مئة بالمئة ... والمستفيد الاكبر هو الاجنبي الي خارج دولة قطر ... اما الي داخل الدوله يسكر حلجه ويسكت ويدفع وهو معصب :mad:

[$ الـدولار $]

السلام عليكم ورحمة الله وبركاته
الا من يوقف القطرية وادارتها عند حدها
وين المجلس البلدي
وين مجلس الشورى
وين الصحافة اللي اطبطب على كل شي حتى لو مو في صالح المواطن
لاعبه فينا دور القطرية
ما عندها الا
اترخص للتذاكر من خارج قطر ( للأجانب ) وتزود على القطريين.
نطالب الامير بالتدخل
ونطالب الصحافة تكتب شي في حق المواطن .


نطالب لجنة حقوق الانسان بالتدخل العاجل والفوري لوقف هذا الظلم

[Mercedes]

القطرية فقط للدرجة الأولى ..
السياحية ورجال الأعمال .. الله بالخير

[زمان الصمت]

والله العظيم ياجماعة غصب ونصب عينك عينك عاجبك عاجبك مو عاجبك اركب تكرمون حمار والله هالباكر هذا دمار وخيرة على .....
يالباكر ترى الخال خلي والعم ولي عليك بربعك واتلرك منك ... ترى ما وراهم الا الفلس

[الــجــزيــرة]

القطرية فقط للدرجة الأولى ..
السياحية ورجال الأعمال .. الله بالخير
اركب الاولى على الاماراتية او السنغافورية وانت تعرف ان القطرية زبالة ... تكرمون

[Mercedes]

اركب الاولى على الاماراتية او السنغافورية وانت تعرف ان القطرية زبالة ... تكرمون

لا اسمح لي القطريه في الدرجة الأولى الأفضل

سبق لي تجربة الأمراتيه والهولنديه على الدرجة الأولى لكن مستواهم لا يضاهي القطرية


وأخيرا هي وجهات نظر واختلافات في الرأي

[الــجــزيــرة]

لا اسمح لي القطريه في الدرجة الأولى الأفضل

سبق لي تجربة الأمراتيه والهولنديه على الدرجة الأولى لكن مستواهم لا يضاهي القطرية


وأخيرا هي وجهات نظر واختلافات في الرأي
يجوووووووووووووووووز

[boali]

الله يعينا على الغلاء

[سلطان قطر]

تبوون تنقهروووون زيادة

على الغلا الي صاير بالقطرية

والضريبة عند استرجاع الذكرة يعني رجعت تذكرتك وهونت ماتبي تسافر

قبل تدفع (44) ريال

الحين تدفع 120 ريال

وفي رمضان حجزت تذكرة الى السعودية وهون تبي ترجع التذكرة ...

يقولونلك التذكرة ماترجع (بلها واشرب ميتها) على قولتهم .

والقهر زياااااااااااااااادة
((((( إن البترول للقطرية مجاناً على حساب الحكومة )))))

ويزدون علينا بالاسعار

[Aigner]

شخبار (( اكبر الباكر )) ..



خخخ هذا ماهوب صوبك:funny: :funny:


القطري يقولك هو المقوم الاساسي للشركه وعلشان كذا يدفع زياده عن الاسيوي ويخصمون عن الاسيوي هذه القيمه وبكذا تركب الخطوط الجويه ياقريقا وتمتع .على حسابنا

[بوراجي]

لا حول ولا قوة إلا بالله

[ع حمد]

صراحة كلام صحيح10000000%وين المسؤولين التذاكر من الإمارات والكويت والبحرين أرخص ويقولون ناقل رسمي لدولة قطر ، مهما كان الردمن القطرية فهو غير منطقي

[saranay1]

كل هذي المشاكل
ولا من مجيب
خصوصا والايام اسياد شاغله كل من يعيش على هذي الارض الطيبة
الله يحفظها لنا بعيد عن الباكر وامثاله

[قناص قطر]

لا اسمح لي القطريه في الدرجة الأولى الأفضل

سبق لي تجربة الأمراتيه والهولنديه على الدرجة الأولى لكن مستواهم لا يضاهي القطرية


وأخيرا هي وجهات نظر واختلافات في الرأي

السلام عليكم

اضم صوتي لصوتك اخوي

اخوي القطرية الطيارة الجديده 600 340

فعلا ممتازة

والرحلة اللي كنت عليها امس من الدوحه الى دبي رحلة الساعه 1و نص الظهر

الدرجه الاولى فعلا شغل عدل استراحه وكراسي مريحه

لاتقول الاماراتية ولا البريطانية

جرب القطرية وانت الربحان ان شاء الله

[التيما]

فعلا القطريه غاااااااااليه والله نااااااااااااااااااار واخر مره من شهر الوالد سافر وحجز لنا من برا ارخص ب3000 الاف عالبيزنس مو حرااااااااااااام :(

[أبوتركي]

فعلا القطريه غاااااااااليه والله نااااااااااااااااااار واخر مره من شهر الوالد سافر وحجز لنا من برا ارخص ب3000 الاف عالبيزنس مو حرااااااااااااام :(

أرخص بـ 3000 ريال !!!!!!!!!!!!!!!!!! :mad: :mad: :mad: مب معقول ؟؟!! ما أعتقد هاي صح !!! في شي غلط ... متأكدة نفس العملة ؟

[nasserak]

عندي اقتراح للقطرية
انهم يغيرون اسمها من الخطوط القطرية الى الخطوط الهندية
ثلاث ارباع الموظفين فيها هنود
واللي يكربونها هنود وياليت بعد طبقة زينه
بس ما نقول الا الله كريم
زين ما يسون نفس حركة كيوتل ويدخلون شركات منافسة
:)

[أمير الذوق]

املنا كبير فيك يابومشعل


انك تحل لنا هالمشكله

[بوناصر-قطر]

السلام عليكم

يالربع اذكروا الله وصلوا على النبي

اذا قاطعتوا الخطوط القطرية فالشركة بتمشي غصبا" علينا مع احترامي للجميع لأن هم الشركة الآن الوصول بعدد مسافريها الى أرقام تنافس بها الخطوط الاقليمية القريبة منا ( الإماراتية ) والدليل على كلامي هو افتتاح وجهات جديدة للهند (خوال الاستاذ أكبر الباكر ) وزيادة أعداد الركاب للهند بحيث أنه في يوم من الأايام سيصل عدد رحلات القطرية للهند الى 49 رحلة في الاسبوع وبقسمة بسيطة عبارة عن
49 رحلة في الاسبوع / 7 ايام عدد أيام الاسبوع =
سبع رحلات يوميا" للهند
هذا غير الترانزيت وغير وغير.

انا صار لي موقف ايجابي مع القطرية بالعموم ومع أكبر الباكر بالخصوص
من أربع سنوات كنت في دورة في الامارات (أبوظبي) وكنت نازل ويك إند الدوحة
المهم كان حجزي اوكيه والامور كلها 100%
وصلت المطار هذاك اليوم الساعة 7:20 دقيقة والطيارة كانت الساعة 8:15 يعني متأخر 5 دقايق عن وقت الcheck in
يوم جيت للكونتر الا يقولون لي انه مسكر يمين يسار وآنا كنت لازم آروح ومافي فايدة قالوا لي الحق على طيارة دبي اللي بعدهم بشوي وانا مابي دبي وأبي ابوظبي لأن سيارتي كانت في المطار وحاله
المهم يمين يسار وآروح لكونتر العمانية جان يقولون لي ماعندهم رحت الاماراتية جان يقولون لي مافي الا دبي
مت من القهر قلت مافي الا دبي وباروح مع الشباب الى ابوظبي وسيارتي لاحق عليها
رحت كونتر دبي الا مسكر
هنيه عاد يات أم العبيد عندي وماتم حد في المطار الا شرشحت الطيب فيه
فجأة الا جدامي أكبر الباكر جان آحط الحرة فيه هو وقلت له يعني موب حاله هذي انا عندي دوام باجر ومتأخر خمس دقايق عن وقت الcheck in وربعك يسوون فيني هالمناكر
شوي الا يتصل بالجهاز يسأل عن طيارة دبي تسكرت أو لاء جان يجيه الرد انها لحد الآن ( لا والميزة انه كان يزاعق على الهندي اللي في الجهاز ) المهم سووا لي بوردنج مكتوب باليد اني آركب على طيارة دبي
شيكت الجواز واأمور ذي الا واحد يزاعق علي في المكرفون اني اثبت نفسي عند بوابة القطرية اللي رايحة أبوظبي
رحت له جان يقول لي يسلم عليك الاستاذ أكبر البكر ويقول لك هذا بوردنج درجة أولى لرحلة أبوظبي
الصراحة استانست حتى ربعي اللي كنت باروح معاهم يتصلون لي وأنا في البي ام رايح طيارتي يقولون لي وينك؟ قلت لهم الوعد في أبوظبي
فهذا كان موقف تشكر عليه القطرية الصراحة بل ويشكر عليه أكبر الباكر مع ملاحظة انه السالفة من أربع سنوات يعني الحين صارت الأمور وايد غير

اسمحوا لي ثقلت عليكم بسالفتي

[hajooh]

قطري رافع الراس
كلامك كله صح
انا مثلك تركتهم ولله الحمد
حجزي السنه والعام الماضي كله على الإماراتيه تذاكري تطلع ارخص من القطريه وخدمات افضل
وسيارات مجانيه من المطار الى الفندق والعكس ولا وازيدك من الشعر بيت تطلب عدد السيارات الى تبي اذا عددكم فوق الثلاثه غيرها الكثير
مدام في البديل مثل الاماراتية وغيرها اشحادك للقطرية , مصيرهم ايعرفون
ويغيرون الاخطاء الي صايرة ولا بطيح الطيارات والتذاكر في كبدهم ذيك
الحزة بيعرفون قدر القطري

[خالد32]

المسالة تسويق
الي في الخارج يدفع اقل (منافسه)
والي في البلاد يعوض عن الخصم

يا حيهم

[mubarak2000]

صراحة كلام صحيح10000000%وين المسؤولين التذاكر من الإمارات والكويت والبحرين أرخص ويقولون ناقل رسمي لدولة قطر ، مهما كان الردمن القطرية فهو غير منطقي
ترى الاسعار مرتفعه لانة في احتكار في سوق الدوحة وغير مفتوح للمنافسة مثل الكويت او ادبي او بيروت , ايقولك اقتصاد حر بعد اقول وين اتقارن ادبي بلد التطور مع اشوية كلام جرايد في الدوحة عن اقتصاد مزدهر

[أبوتركي]

القطرية أكثر تركيزها على الكم وليس الكيف.. يعني سياستها هي نقل أكبر قدر ممكن من الركاب ,, وليس خدمة مواطني دولة قطر,, لذلك نراها كل يوم تفتح خط جديد,, فهي لا تهتم بالمواطن بقدر اهتمامها بحمل أكبر عدد ممكن من الركاب وتكون الدوحة محطة لهم قبل انتقالهم لمحطات أخرى وهكذا,, لذلك فانك عندما تركب القطرية فترى العدد الكبير من المسافرين وخاصة الأجانب..

على فكرة,, الدولة تملك فقط نصف رأسمال القطرية ,, والباقي يعود لمستثمرين أفراد..
يعني كل هذه الأرباح الهائلة للقطرية نصفها فقط يعود للدولة والمواطن,, والآخر يعود لمستثمرين آخرين..


لا توجـــد أربــــاح في القطرية أخوي سهم عتيــج منذ إنشاءهـــا.

[أبوتركي]

اضف الى ذلك انك ماتحصل واحد يتكلم عربي......................في القطريه الا بطلوع الروح


كلام سليم 100%

[ســـهم]

هناك كلام يقول انه سيتم تنحية أكبر الباكر عن منصبه لكي يتولى مهمه أخرى

وسيتولى أدراة القطريه احد ابنأء الش....؟

خلال هذا العام

اتمنى ان يكون كلامي في محله وأن أنفرد بنشر هذا الخبر :)

[حسين بن عاقول]

بصراحة هالقضية التذاكر وصل لين وطني الحبيب صباح الخير اول شي
ثاني شي خلنا من الاسعار الحين بس خدمات الطيران خلني ساكت
او موعد رحلاتهم يا سلام مضبوطة مثل ساعة بيغ بن( العكس صحيح)
خطوط القطرية حطيت علية بلوك ودليت
حتي والله اسافر البحرين الي مدة الرحلة 15 دقيقة اروح بالخليج وماروح بالقطرية

[جبر]

انا موظف في القطريه

القطريه طائره تجاريه...اي بزنز ..مافيها شي من الوطنيه للقطري وللمقيم في قطر..المهم الفلوس ...الموظف مسكين مخلوب على امره لوعمل شي غلط بسيط يتفنش او يدفع من جيبه الخاص

[falamarzi]

ليش كله الامارات احسن منا في كل شئ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[جبر]

انا موظف في القطريه

لما كانت الصورايخ تنهل على لبنان وحرب كل السياح الي في لبنان راحو سوريا..وكل الدول ارسلت طائرات لنقل رعاياهم تدرون القطريه ايش عملت؟؟؟استغلت الوضع وقامت ببيع كثير من التذاكر وطبعا الطائره فل..90%من الركاب اجانب ..والقطري مسكين مايقدر يحصل حجز او يشتري تذكره؟؟؟حتى انا كثير من القطريين قامو بشراء تذاكر على طيران الامارات وطيران الخليج...بالعربي طيران الامارات فيهم عطف للخليجي الا القطريه مش مهم ايكون قطري والا غيره المهم الفلوس وس..؟
يوجد في القطريه موظفين قطريين على عدد اصابع اليد..الموظف القطري يلاقي حرب نفسيه وحرب اعصاب..يبغون يطفشونه باي طريقه علشان يفنش..هاي اذا مافنشوه من نفسهم باسبااب تافه وطابخينها من قبل..من توصيات من ناس كبار في الشركه

[البندر]

حبايبي اخواني واخواتي

التدخل صعب اولاً مافي شي يصير إلا مدروس وتم الموافقة عليه من قبل سمو الأمير حفظه الله

وبعدين المفروض نتكلم عنه في البداية مب التذكرة لا تكلموا عن الوزن كيف يحلون مشكلته وبعدين تكلموا عن التذاكر

هذا ما لزم توضيحه لكم

للعلم الجرايد لا بتزيد ولا بتقل في قيمة التذكرة
والشورى أكبر من كذا في المواضيع
والأمير حفظه الله يعلم بكل شي في قطر لانه مايصير شي في الديره الا والخبر عنده وله الرضى في كل شي

والسموحه اخواني واخواتي شوفوا الجهه المختصه

[saranay1]

السلام عليكم ورحمة الله وبركاته
رجعنا لارض الوطن من كولولامبور بحمد الله تعالى يوم الثلاثاء تاريخ 6_3_07
رقم الرحلة Qr621
قصتي معاهم ان تتحول الاغطية الى مخدات على درجة رجال الاعمال
حيث انه في بداية الرحلة وبعد الاقلاع بقليل تحضر المظيفة السرير لطفلتي الرضيعة .. ولانهم ما حاسبين حسابها في المخدات اعطيها مخدتي .. وطلبت من المظيفة احضار مخدة لي حيث الساعة تشير الى 4 فجرا
واكيد اكيد الكل راح ينام واكيد اكيد الكل راح يحتاج الى المخدة حتى الرضيع ( 5 اشهر )
بعد طول انتظار تاتي لنا المظيفة بالحافين ( امطبقتهم ) على شكل مستطيل لتعوضنا عن المخدة
تصوروا رحلة الفجر من ماليزيا لا تقل عن 6 ساعات .. وعلى درجة رجال الاعمال .. رغم انا كنا جالسين في كراسي الدرجة الاولى لانه الطيارة مليانه ( الله يزيدهم كله اجانب خل يستانس الباكر )
تخلو الطائرة من مخدة واحدة اضافية رغم انه يجب ان توفر مخدة للرضيع يعني بعبارة ثانية الطائر لا تتوفر فيها مخدات كثر الركاب .. ايجوز ان يكون الراكب ليس من حقة مخدة ( ابسط الحقوق )
زيد على هذا الخدمة اكثر من ان تكون بطيئة رغم وجود مظيفتين على 12 راكب انا واسرتي 5 ركاب يعني مظيفة لنا نحن بس ..اذا قسمنا 12 على 2 مظيفة يكون لنا مضيفة خاصة بينا بس ما ادري ليش هذا البطئ
وعلى فكرة المظيفة تايلندية ( هذا اللي يدور على الرخص ) والله يعين ركاب السياحية دام هذه خدمة الفيرست والبزنس
الشي الثاني تصورو رغم ملء الطائرة ما في غير اسرة قطرية اضافة الى اسرتنا يعني اسرتين والباقي كله اجانب ( الله يفكنا من الباكر .. وابركات اسعارة للاجانب ماتشوف الا هم )
التذكرة الوحدة طلعت علينا 7 الاف وشوي .. شوفوا كم هم ماخذينها ... الله ياخذ حقنا منك .. يالباكر .