ردة فعل المسؤول !!!!

[Lili2005]

السلام عليكم ورحمة الله وبركاته

بدخل في الموضوع مباشرةً



اليوم فاجأني ردة فعل مسؤولي لما بعثلي هالمسج وكاتب فيه
You have did a excellent job today

انا بصراحه الفرحه مش سايعاني،، ع قولة اخوانا المصريين :)

لاول مره بحياتي العمليه احد يسويلي ريوورد او يقلي شكراً على الشغل اللي اشتغله والكرف اللي اكرفه (وانا فرحانه طبعاً)،،

ثماني سنوات عمل ولا يوم قط سمعت كلمة شكراً او يجزاج الله خير ،، من اي موظف او مسؤول بعملي،، ويا كثر المسؤوليين اللي مرو علينا في مكان عملنا،، بس لا شيء يذكر عنهم،، لكن ع الشكاوي حدث ولا حرج،، كل يوم ساحبينا عند المسؤول!!! بس الحمدلله الحين غير،، المسؤول الجديد طلع غير ولله الحمد،، والله لا يغير علينا :secret:

نعم اسمعها ع طول من الناس الاشخاص العاديين اللي اساعدهم ،، :victory:

وبما اني من عشاق الريوورد سابقاً والى الان،، واعتدت دائماً على شكر غيري من زملاء عمل او مسؤولين واعطيهم انطباع اني مهتمه واقدر اللي يسوونه من اي عمل ولو كان بسيط،، فانا بعد هالتصرف اللي اعطاني امل بالحياه وان الدنيا لسه فيها الخير،، فانا عاهدت نفسي اني اكمل مسيرتي اللي جابت نتيجه بعد سنوات ،، وابقى على نفس النهج بتقدير كل شخص عمل عملاً طيباً،، ان كان واجب عليه يسويه او عمل خير اهو من نفسه سواه،، مدى الحياااه :shy:


وفي الاخير ،، شكراً لذلك المسؤول ( الكبير) ليس بعمره،، بل بعمله الذي جدد به امالي وانّا نحن للان على نهج محمد صلى الله عليه وسلم،، فهناك ثواب،، ثواااب،، ثوااب كما يوجد العقاب،،

الله يحفظه ويطول عمره ويكثر من امثاله ويجعله ذخر للوطن


مساكم سعيد
وتحياتي لكم :shy:
مادري ليش حسيت اني قعدت افضفض لكم،، حشى ما صار موضوع :shy:

تصبحون على خير
*******

ايه قبل لاروح اذا احد تم شكره من قبل مسؤوله ياريت يكتبله كلمه،، لانه لهم حق علينا،، وعشان ننمي روح التنافس بين الجميع

بـــأمان الله

[khaldoon]

الف مبروك و بالتوفيق ان شاء الله و الى الامام

[طبيب قطري]

مبروك ..
مديرك شكله مب اجنبي .. قواعد الجمله مب صحيحه !

[MAZEN37]

الله لا يغير عليك الفرح دووم وتستاهل

[elders]

الله يديم عليكي الفرحة ويجبر بخاطر الجميع


You have done an excellent job today



or

You dide an excellent job today

[روز باريس]

الله يعلم اني فرحت لفرحتك
وتستاهل الشكر

[elders]

الله يديم عليكي الفرحة ويجبر بخاطر الجميع


You have done an excellent job today



or

You dide an excellent job today

did *

[باراكودا]

تستاهلين التقدير وعقبال شهادة التقدير .
بالنسبة لي ماعندي سوى شهادة تقدير واحدة في ملف نلتها في اول سنة من عملي
وبعده تغير مديري والان مع المدير الجديد 25 سنة عمل ولاكلمة شكر ولاشهادة تقدير
وهذا الشىء مايهمنى كثر مايهمني الترقيات في الوقت المستحق دون تاخير والحمدلله .

[البحار00]

هالايام الشكر مايوكل عيش

طلبني الرئيس وشكرني على شي سويته وقالي انت مجتهد وتستاهل

قلت له تستأهل خير

قلت له ابي درجه استثنائيه دام اني استاهل

ههههههه رد علي قالي أسف مقدر اعطيك

[elders]

زكرتيني بيوم اخدت فيه وورنينج لتر وشهادة تقدير من نفس زات الادارة

[sweet qatar]

هههههههه الله يهداكم خليتوا الموضوع.. وركزتوا على الجرامر..
هي يمكن كتبتها مستعجلة.. او ما نقلت لنا الجملة عدل..


تستاهلين اختي.. وان شالله دوم يمطرونج مسؤولينج بالكلمات الطيبة المشجعة..

اجمل شعور يعطي الموظف جرعة رضا.. ويشحنه للعمل بصورة أكبر.. لما يتوجه له التشجيع والثناء..
لو الانذارات تسوي شي.. كان شفنا شباب قطر ملتزمين بالدوام :secret:

[Bo jassim 33]

موضوع جيد

[Lili2005]

الف مبروك و بالتوفيق ان شاء الله و الى الامام

الله يبارك فيك اخوي :shy:
شكراً ع مرورك الراقي

[Lili2005]

مبروك ..
مديرك شكله مب اجنبي .. قواعد الجمله مب صحيحه !

:eek5:
هاي اللي طلعت فيه من كل الموضووع
ع العموم الله يبارك فيك،،و ترى الموضوع كتبته عالسرييع من الفرحه،، وما انتبهت ع الجمله :shy:

[Lili2005]

الله لا يغير عليك الفرح دووم وتستاهل

امين يارب،، وياك ان شاء الله اخوي

شكراً ع المرور الطيب. :)

[Lili2005]

الله يديم عليكي الفرحة ويجبر بخاطر الجميع


You have done an excellent job today



or

You dide an excellent job today

تسلمي وشكراً ع التصحيح يا أبله :)
ترى انا نقلت الجمله غلط :shy:
تحياتي

[Lili2005]

الله يعلم اني فرحت لفرحتك
وتستاهل الشكر

تسلمين فديتك،، والله يسعدك دووم
واسعدني مرورك يالغلا

بس كِنه ما احد فيكم جاوب السؤال اللي باخر الموضوع :) !!!

[Lili2005]

تستاهلين التقدير وعقبال شهادة التقدير .
بالنسبة لي ماعندي سوى شهادة تقدير واحدة في ملف نلتها في اول سنة من عملي
وبعده تغير مديري والان مع المدير الجديد 25 سنة عمل ولاكلمة شكر ولاشهادة تقدير
وهذا الشىء مايهمنى كثر مايهمني الترقيات في الوقت المستحق دون تاخير والحمدلله .

الله يخليك اخوي،، ويسعدك دووم يالطيب،، صرااحه 25 سنه ما شاء الله واااااااااايد،، الله اكبر مادري شصاير فالمسؤولين حتى الكلمه الطيبه حرمونا منها،، بس زين في ترقيات :nice: الله يوفقك :)

[Lili2005]

هالايام الشكر مايوكل عيش

طلبني الرئيس وشكرني على شي سويته وقالي انت مجتهد وتستاهل

قلت له تستأهل خير

قلت له ابي درجه استثنائيه دام اني استاهل

ههههههه رد علي قالي أسف مقدر اعطيك

:eek5:

اخوي الله يهداك خلك ايجابي شوي،، في ناس لو كلمة الشكر تنشرى كان شروها صدقني

بعدين انت خبط لزق من اول كلمة تقدير تبي ترقيه :rolleyes2:
ع العموم شكراً عمرورك ومشاركتك الطيبه :))



ع العموم شكراً عمرورك الطيب

[Lili2005]

زكرتيني بيوم اخدت فيه وورنينج لتر وشهادة تقدير من نفس زات الادارة

:omg::omg:

الله!! شلون هاي بعد!!
مادري شقول،، بس نفسي اعرف ايش كان شعورك فرحانه ولا زعلانه :))
اكيد صابك كونفلكت رهييب:secret:

[طبيب قطري]

:eek5:
هاي اللي طلعت فيه من كل الموضووع
ع العموم الله يبارك فيك،،و ترى الموضوع كتبته عالسرييع من الفرحه،، وما انتبهت ع الجمله :shy:

شدعوه عاد ! باركنالج ونبهتج ان الجمله فيها غلط بدال ماحد ياخذها منج ويتعلم غلط .. حتي تستفيدي انتي وغيرج مب قصدي شي ثاني..

[Lili2005]

هههههههه الله يهداكم خليتوا الموضوع.. وركزتوا على الجرامر..
هي يمكن كتبتها مستعجلة.. او ما نقلت لنا الجملة عدل..

شفتي شلون!
بس وانتي صاجه،، كنت على عجاله من امري :))


تستاهلين اختي.. وان شالله دوم يمطرونج مسؤولينج بالكلمات الطيبة المشجعة..

:shy: امين يااارب،، وياج ان شاء الله

اجمل شعور يعطي الموظف جرعة رضا.. ويشحنه للعمل بصورة أكبر.. لما يتوجه له التشجيع والثناء..

صح السانك،، وبتتقلص بعد الاجازات والسيك لييفاات :nice:

لو الانذارات تسوي شي.. كان شفنا شباب قطر ملتزمين بالدوام :secret:

اووبس :))



تسلمين اختي
شكراً لمرورك الرائع

[Lili2005]

موضوع جيد

ومرورك جيد ايضاً استاذ

[Lili2005]

شدعوه عاد ! باركنالج ونبهتج ان الجمله فيها غلط بدال ماحد ياخذها منج ويتعلم غلط .. حتي تستفيدي انتي وغيرج مب قصدي شي ثاني..

وليش انا شقلت بعد،، ولا ناوي اتهاوش وبس!!! :anger1:

وبعدين انا ما كتبتها غلط انا نقلتها غلط،، وش صار يعني!! تصير باحسن العائلات،، كلكم تركتو الموضوع وركزتو ع الجرامر،، ياخي اوباما يغلط ومحد يقاطعه،، شفيها يعني

وع العمـــوم،، مشكور ع المرور وع التصحيح يالطيب

[Abdullah_89]

بالتوفيق

عقبالنا ان شاء الله

[عاهد بن علي]

عسى دوم

[Lili2005]

بالتوفيق

عقبالنا ان شاء الله

تسلم اخوي

ان شاء الله يارب،، ربي يوفقك

اسعدني مرورك

[Lili2005]

عسى دوم

تسلم اخووي،، وربي يسعدك دوم

[حسن]

تستاهلين التشجيع والشكر ومنها تكونين ثاني وزيره قولي ان شاء الله

اقول حق مديري السابق اسيبك للزمن

اما مديري الحالي اقوله جزاك الله خير باللي سويته لي

[Lili2005]

تستاهلين التشجيع والشكر ومنها تكونين ثاني وزيره قولي ان شاء الله


ويه وزيره الله لا يقول :rolleyes2:
بس ادعيلي بالترقيه بعملي،، انا حلمي بسيط :shy:


اقول حق مديري السابق اسيبك للزمن
:secret:
اما مديري الحالي اقوله جزاك الله خير باللي سويته لي
امين،، وانت تستاهل الخير :nice:


وفعلاً مثل ما قلت سيبهم للزمن،، والله يهديهم ،، بالنسبه لمديرك الله يجزاه الف خير ويكثر من امثاله>>كسب دعوتين له بظهر الغيب :)


تسلم اخوي حسن على مرورك الرائع
تحياتي لك

[كازانوفا]

سبحان الله انا عكسك تماما 8 سنين بشغلي اداوم تقريبا من 6 ونص او 7 الا ربع من حوالي 8 شهور
ولاني بشهر 10 ما ادق الكرت وقت الخروج رغم ان وقد الدوام هو 7ونص وانا ادق الكرت بقبله بكثيررر
الا انه اعطاني انذار نهاااائي واخيرر وقطع عني البونص هذه السنه والزيادة الراتب اللى ما تزيد كل سنه عن 100 ريال
ما اقول غير اللهم ارني فيه عجائب قدرتك يارب العالمين وحسبنا الله ونعم الوكيل فيه وبكل ظالم

[الزعفراني]

الله يديم الفرحة والسعادة عليج دوم ودوم ..

[حميداني]

عساه الفرح دايم والاخبار السنعه اتجيك عالدوام