مساعدة في اختيار .. الاستشاري .. والمقاول

[لمعة الالماس]

السلام عليكم ورحمة الله وبركاته

اخواني وخواتي

بغيت منكم مساعدة في اختيار مقاول للبيت وبغيت اعرف شنو المعاير اللي اختار منها مقاول من عدمه وابي مقاول يشتغل مب يطول في البيت ويعطلنا

وبالنسبة للاستشاري ياليت ترشحون لي استشاري ممتاز ودقيق بالعمل واذا ممكن اعرف تقريبا كم السعر اللي ياخذونه الاستشارين يعني بحدود كم لان ما عندي خلفيه

وبالنسبة للعقود ممكن اعرف صيغ للعقود وتكون بنودها في صالحي؟

واذا عندكم نصايح ياليت والله تساعدوني بخبراتكم

[khaldoon]

بخصوص المكتب الاستشاري شوفي اختي هالموضوع و ان شاء الله تستفيدي من النصايح اللي فيه

http://qatarshares.com/vb/showthread.php?t=506480

[طيف عابر]

السلام عليكم ورحمة الله وبركاته

اخواني وخواتي

بغيت منكم مساعدة في اختيار مقاول للبيت وبغيت اعرف شنو المعاير اللي اختار منها مقاول من عدمه وابي مقاول يشتغل مب يطول في البيت ويعطلنا

وبالنسبة للاستشاري ياليت ترشحون لي استشاري ممتاز ودقيق بالعمل واذا ممكن اعرف تقريبا كم السعر اللي ياخذونه الاستشارين يعني بحدود كم لان ما عندي خلفيه

وبالنسبة للعقود ممكن اعرف صيغ للعقود وتكون بنودها في صالحي؟

واذا عندكم نصايح ياليت والله تساعدوني بخبراتكم

صباح الخير اختي وموضوعك ممتاز للمقبلين على بناء بيت العمر
ترشيح الاستشاري ومعيار الاختيار عن طريق اسم الشركة والمشاريع التي تم تنفيذها مسبقا من طرفهم وسمعتهم بالسوق القطري هذا افضل معيار
صيغة العقد يا ريت طرشيلي ايميلك علشان اطرشلك صيغة تكون مناسبة لك وتكون بمصلحتك ومصلحة المقاول والاستشاري لان كل طرف له حقوقه بالعقد
النصائح الا ممكن اوجها لك او لاي شخص اختيار مناسب للمقاول وخصوصا الاستشاري بعد السؤال عنهم بالسوق

وانا ارشح المهندسة الالمانية ازاديه شغلهم روعه وممتاز بامانه وصدق ومن تجربة معاي ومع غيري
خصوصا بموضوع المواعيد وانهاء الاعمال

وتقبلي مروري

[Bozizoo]

النهضه للاستشارات الهندسيه
صاحبه مهندس قطري ويتابع الشغل بنفسه
مب كفيل ويوقع بس
وعنده زيارتين للموقع من كل اسبوع
وتقارير تجيك لين عندك في مسجات في كل زيارة موقع

[معماري قطري]

إختيار الإستشاري والمقاول يعتمد أولاً على السمعة الزينة والشغل في السوق.

ثانياً التصنيف في الجهات المختصة من الدولة.

ثالثاً مطابقة التصنيف على الواقع .. أوقات بزيارة مقر الشركة نكتشف انها أي كلام ونلاحظ الإدارة كيف وعدد المهندسين واسلوب تعاملهم.

انا اتبعت هذا الأُسلوب ولي أصدقاء عندهم مكاتب استشارية وأصدقاء عندهم شركات مقاولات ومنهم أهل حتى .. وبالنسبة للتصميم واعداد المناقصة وإدارتها والإشراف انا أنصح باستشاري جيد ومختص ويكون عنده كافة التخصصات الهندسية ما يسوي الشغل بالباطن .. وجود رسومات متكاملة مع مقاطع توضيحية ومواصفات متكاملة هي أساس العقد ومهم الواحد يطلب من الإستشاري يسوي له حساب كميات مفصل علشان الدفعات وعلشان تحديد كل شيء بدقة كتوصيف وككمية عمل يعتمدها المقاول.

انا بديت بشركات ربعي اللي تعاونوا معاي بس تسعير حساب الكميات بعضهم ما سعره لأنه يربطه بالمشروع وهو يبي يلف ويدور وهذيلا استبعدتهم .. ورحت للشركات المتوسطة والكبيرة وحصلت اللي فاهم بيسعر كل شيء صح وباقدر اتفاوض معاه على بعض الإلغاءات وبعض التخفيضات لين وصلت من سعر 3 ملايين تقريباً إلى مليون وشوي وعند مقاول درجة ثالثة .. على فكرة درجة 3 يسوي مدارس حكومية وكان هذا يبني قصور كبيرة وقرب منطقة بيتي .. وأوقات الصب أو الشغل المستعجل يجون حول 30 عامل متمكن ويشتغلون ويخلصون شغلهم.

بالنسبة للتأخير لأي حد يبني سواءً مشروع كبير أو حتى حكومي أو بيت عادي لازم نتوقع تأخير والتأخير أوقات يكون من صالحنا للتفكير في تطوير أكثر أو لسهولة توفير المواد اللي نبي نشتريها أو لسهولة وجود السيولة ... انا باحاول احط عقد بناء بيتي وباحاول حتى امر على الإستشاري اخذ خرايط البيت لأن النسخة اللي عندي راحت مع الكمبيوتر القديم.. إن شاء الله باحط العقد متكامل ونسخة من الخرايط للإطلاع وللإستفادة بس الله يعين وأقدر أسوي هالمهمة ذكروني ثراني نساي.

[Bozizoo]

مع كامل احترامي لشخصك و خبرتك يامعماري قطري في هذا المجال
بس انت دايما تعطي نصايح تفوق مستوى الناس العاديين
وغير كذا انت تتكلم عن تجربتك الشخصيه في كيفية اختيارك للمقاول
انت محظوظ في انك في هذا المجال وتعرف شركات و ملاك شركات
اصلا الشركات الكبيرة ماراح تضيع وقتها في مشروع تشتغل فيه سنه
و اخر شي تطلع فايدة المشروع 100 الف او 150 الف
وانت عارف الشي هذا و الافر هيد
على فكره انا دايما حريص كل الحرص على قراءة كتاباتك لاني استفيد منها و اتعلم منك
بس انا ماني بعيد عن هذا المجال انا من اهله
تحياتي لك

[معماري قطري]

مع كامل احترامي لشخصك و خبرتك يامعماري قطري في هذا المجال
بس انت دايما تعطي نصايح تفوق مستوى الناس العاديين
وغير كذا انت تتكلم عن تجربتك الشخصيه في كيفية اختيارك للمقاول
انت محظوظ في انك في هذا المجال وتعرف شركات و ملاك شركات
اصلا الشركات الكبيرة ماراح تضيع وقتها في مشروع تشتغل فيه سنه
و اخر شي تطلع فايدة المشروع 100 الف او 150 الف
وانت عارف الشي هذا و الافر هيد
على فكره انا دايما حريص كل الحرص على قراءة كتاباتك لاني استفيد منها و اتعلم منك
بس انا ماني بعيد عن هذا المجال انا من اهله
تحياتي لك

لا والله يا اخوي انا انصح بالتركد والتأني وبعمل تفاصيل كاملة وعقد متكامل برسومات ومواصفات تربط المقاول بالمشروع صح وما يقدر يلف ويدور .. صدقني يا اخوي خذت يمكن في التصميم حول سنتين وقبلها فترة أطول في تحديد شاللي ابي بالضبط .. والكلام عن بيتي .. يمكن مشاريع ثانية تكون أسهل ويشاركوني فيها مهندسين آخرين .. بعد انتهاء التصميم خذت حول سنه مع المناقصة لين رسيت على شركة صح .

لازم أعطي الكل تجربتي وابين للباقين .. والله همي الإرتقاء بهذي المهنة وأرتاح راحة كبيرة لين أنجزت فيها أقل القليل .. وعلى كثر ما اتكلم واعيد تترسخ المعلومة في راسي ويمكن اكتشف خطأ معين وأصححه.

يسعدني انك تقرا " خرابيطي " وصح كلامك أوقات صعب الواحد يحصل ناس صادقين وشركة زينه .. ليش انا أقول مطابقة الكلام والتصنيف على الواقع؟ لأن أوقات اسم الشركة كبير على الورق وفي الحقيقة فاشلة إدارياً، وهذا شفته في شركات كثيرة .. صدقني دخلت شركات حتى الليتات مبندينها لتوفير الكهربه .. وما فيها الا المدير اللي كان يبيع خضره وفجأة استوى مهندس وعامل الشاي .. وأعرف ناس أشخاص عاديين مكاتبهم هي سياراتهم وعمالهم يتصيدون لهم من السوق.

بعدين بالعقل العميل يبي بنيان زين وبدون مشاكل وبدون غش وبدون حتى تعب وجهد منه وعلشان كذا يسئل ويتثقف ويدور الزين، ومستعد يدفع أكثر بس يحصل حد يستاهل ويضمن استمراره.

وكم مره أنصح بجدول كميات مفصل ومسعر من قبل المقاول ويكون جزء من العقد .. لأن مواد كثيرة بيجيبها المالك وعلى المقاول التركيب وأحياناً النقل والمحافظة على هذي المواد، ومثلاً بلاط لحمام معين مسجله كميته وزايدين عليها 5% أو 10% ولو انسرقت أو نقصت بسبب اتلاف كثير منها المقاول يكون مسؤول يجيب الباقي ... وتنسيق الأعمال والمحافظة على الموقع كل هذا لا بد يذكر في العقد وأشياء كثيرة تحتاج لحديث أكبر وكلام أكثر.

[معماري قطري]

النهضه للاستشارات الهندسيه
صاحبه مهندس قطري ويتابع الشغل بنفسه
مب كفيل ويوقع بس
وعنده زيارتين للموقع من كل اسبوع
وتقارير تجيك لين عندك في مسجات في كل زيارة موقع

هذي مثلاً فكرة حلوه بس لازم تذكر في عقد الإشراف

ولو كان فيه تقرير بالصور وعلى الإيميل بعد أحسن وأحسن.

شفت يا اخوي مكاتب تحصل المشرف بتاع كله إنشائي كهربه إضاءَة تكييف صرف صحي حتى في الديكور فاهم .. وشفت مكاتب يجون أوقات شلة مهندسين وكل واحد يسوي شغله اللي متخصص فيه.

[باتريوتP]

السلام عليكم ورحمة الله وبركاته
اخي العزيزبقولك الاهم من المقاول والاستشاري والي بيضمن حقك ان شاء الله وهو العقد
العقد لابد يكون واضح وملم بكل مراحل البناء ومذكور فيه جميع المواصفات وسعرها
عشان ما تدخل انت والمقاول بأي اشكاليات او مشاكل
مثلا السيراميك لا يتجاوز سعره 50 من اختيار المالك و و و و الخ
كذلك البناء من حديد اسود او ابكسي والطابوق اسود اسمنتي او اسود عازل فوم او احمر
وغيره من مراحل بناء كامله
ولكن انتبه اخي العزيز من المقاول الي يخلي كل البنود لصالحك فقط وما يضمن حقه لان الي يبي يشتغل مستحيل ما يضمن حقه ويقولك عادي ما نختلف واحنا اخوان واحنا ربع ... الكلام هذا مرفوض وغير صحيح انت بتبني بمبلغ من مليون الي مليون وخمسمائه الف مثلا مب باني بالف ريال عشان انقول عادي
بالنسبه عن الاستشاري اغلب الاستشاريين الحين يخافون يقصرون بالشغل لان بنك التنميه يوقف الاستشاري الي يعتمد مرحله دون استحقاق واسعار الاستشارين في 1000 اشراف بس بدون حضور صب خرسانه وفي 1500 اشراف مع حضور صب خرسانه وفي 500 على كل طلعه .بالنسبه عن المقاول / ارشح لك شركتنا وهي باتريوت للتجاره والمقاولات ذ م م , شركة مصنفه وعندنا عدد 3 مهندسين وعماله تفوق 100 عامل وبأمكانك تشوف مواقعنا كلها وبنقدم لك عرضنا وان شاء الله يعجبك
والله يكتب لنا ولك التوفيق سواء بنيت ويانا او ويا غيرنا
ولكن تذكر ان نجاح اي مشروع يشترط فيه تعاون كل من ( المالك والاستشاري والمقاول )
واي استفسار احنا جاهزين
باتريوت للتجاره والمقاولات