هل تركيب القرميد يحتاج الى خرسانه

[غلا ابوها]

ممكن تفيدوني بخصوص القرميد اذا كان في تصميم واجهة الفيلا قرميد هرمي هل صحيح انه يحتاج الى خرسانه تعمل قبل وضعه وكم سعر القرميد

[معماري قطري]

عندنا في قطر نعم يحتاج وفي بعض الدول خشب ممكن

سعر القرميد حسب النوع في حدود 100 ريال للمتر المربع وفوق وأكيد بعض الشباب اللي ماخذين من قريب عندهم فكرة أحسن .. القرميد يتركب بخشب مربع يتثبت فوق الخرسانة بعد عمل عزل الرطوبة والعزل الحراري مب شرط في حالة القرميد لأنه فيه فراغ بينه وبين الخرسانة وهو من مادة طينية عازلة.

[غلا ابوها]

يعطيك العافيه ماقصرت

[ابـو مــحــــمـــــد]

السلام عليكم

أنا شفت شغل على ملحق
مركبين بليوت اسود بعدين مسوين تقاطعات بمربعات صغيره
ومدخلين فيها العوازل وبعدين صابين خرسانه خفيفه ومركبين عليها القرميد
لان الملحق سقفه من الحديد
بس مدري شغل صح او غلط

[معماري قطري]

السلام عليكم

أنا شفت شغل على ملحق
مركبين بليوت اسود بعدين مسوين تقاطعات بمربعات صغيره
ومدخلين فيها العوازل وبعدين صابين خرسانه خفيفه ومركبين عليها القرميد
لان الملحق سقفه من الحديد
بس مدري شغل صح او غلط

صح اخوي البليوت الأسود اسمه مارين بلايوود هذا قوي وتقدر تبني به سقف كامل.

عندي تكرم ركبته في الحمامات يغطي خزان ماي الصرف لكرسي الحمام .. وركبت عليه بلاط بلزاق خاص .. والحمد لله للحين على الرطوبة له 7 سنين بدون مشاكل ويبين كنه حائط عادي.. نفس السقف إذا ركبت تحته جبس وفوقه قرميد محد يمكن يعرفه .. وفي دول فيها ثلج ومطر قوي وهواء قوي يستخدمون هذي الأسقف الخشبية وببليوت عادي الأبيض الضعيف لأنه أرخص وتحصله عايش قرون.

[بن غيث]

توجد عدة طرق لتركيب القرميد وتختلف بأختلاف نوعه ونوعيته ..

وافضل انواعه القرميد الايطالي ويمتاز بثبات لونه وعدم قابلية لامتصاص الماء ويحـتوي على

نسبة مـن الحـديد مما يجعله مقـاوم للمــؤثرات الجـويـة وملائم أيـضا لاجــوائنا

وهذه طريقه من طرق تركيبه

http://ysv.me/250669

[معماري قطري]

توجد عدة طرق لتركيب القرميد وتختلف بأختلاف نوعه ونوعيته ..

وافضل انواعه القرميد الايطالي ويمتاز بثبات لونه وعدم قابلية لامتصاص الماء ويحـتوي على

نسبة مـن الحـديد مما يجعله مقـاوم للمــؤثرات الجـويـة وملائم أيـضا لاجــوائنا

وهذه طريقه من طرق تركيبه

http://ysv.me/250669

مقاطع مفيدة وممتعه وألحين هذي المقاطع التثقيفية المفروض يعلمونها المقاولين عمالهم والمشرفين عليهم لأن العملية سهل وفيه حتى مقاطع يوتيوب بالانجليزي توضح كل شيء لكل طريقة بناء ولمختلف المواد.

[بو علاوي]

ممكن تفيدوني بخصوص القرميد اذا كان في تصميم واجهة الفيلا قرميد هرمي هل صحيح انه يحتاج الى خرسانه تعمل قبل وضعه وكم سعر القرميد

بامكانج تسوين الشكل الهرمي بقفص حديد وفوقه بليوت وعزل وفوقها القرميد بدل الخرسانة ويكون خفيف وسريع ورخيص وأنا مجربها ومسويها

[غلا ابوها]

كشكورين ع التوضيح