الصحه المدرسية

[سهوم المنايا]

السلام عليكم
ولدي عمره اربع سنوات اسنانه كلها متسوسه وقالوا العياده الخاصه لازم بنج كامل
مادري الصحه المدرسيه يسون هالعمليه والا الرميله
هل مواعديهم قريبه والا بعيده الطفل كل يوم يبكي منها
شكرا لكم

[رجل الجزيرة]

جيب لك تحويل من المركز الصحي وعيادة الأسنان في الرميلة عندهم قسم طوارئ الأسنان.

[أسد الجزيرة]

اذا الولد يشتكي من اسنانه خذ ورق جوافة و اطحنها و حطها على الاسنان تراها تذبح السوس

[حسن]

اذا الولد يشتكي من اسنانه خذ ورق جوافة و اطحنها و حطها على الاسنان تراها تذبح السوس

والله ياسد الجزيره المشكله ماعندنا ورق جوافه من وين نحصله
ماينفع ورق كنار ولا لوز هذا المتوفر عندنا

اما بخصوص الاسنان عندك عياده الاسنان التابعه لحمد خذ تحويل من الصحه المدرسيه وهم بيحولونك
وعندهم دكاتره زينين

وبعدين حرام اهمال الاطفال وخصوصا بالنسبه للاسنان واكل الحلويات

الصراحه المتابعه الدوريه مهمه ياخوان هاذولا اطفال
مايعرفون
وذا تبي تريح راسك وعندك فلوس الدكتوره سلوي درويش عياده خاصه للاطفال
بس اتوقع فوق العشره فوق واذا محتاج تخدير كامل
تحجز غرفه يوم في مستسفي الدوحه
مايشوفون شر عيالك وهل هلا بالاسنان اذا لبنيه اشوه اما اذا الداءمه الله يعين

[شمس المغيب]

سلامة الولد ومايشوف شر

بالنسبة للعملية يسوونها في رميلة
وبنج كامل بنتي كان عمرها خمس سنوات
عطوها تحويل من الصحة المدرسية
وسواها لها د جمال العبد الله
الدكتور ممتاز وتخصصه اطفال
وهو في الصحة المدرسية

الله يشفي ولدكم وما عليه شر

[سهوم المنايا]

يعطيكم العافيه وماقصرتوااااا

[بصمة قطرية]

تحويل من قسم الاسنان في المركز الصحي
للصحة المدرسية
و الصحة المدرسية يحولونك على رميلة للعملية ..
ما عليه شر ان شاء الله ،،

[نوار قطر]

اخوي وده الصحه المدرسيه دخله على دكتور وبيعطيك تحويلددايركت للعياده في نفس اليوم للامانه الصحه المدرسيه عندهم فريق طبي ممتاز يغنيك عن روحاتك العيادات الخاصه واحسن منهم وعلى حسب حالة الولد بيعطونه مواعيد

ومافيه الا العافيه ان شالله

[.. الكاش ..]

الله يشفيه ويعافيه ان شاءالله

[برشلوني قطر]

اخبر اخوي عطوه بنج كامل ف رميله..

لكن المواعيد الله يعينج