تايلند والخليجين ومنهم القطريين

[مضارب دوسري]

السلام عليكم
انا حاليا في تايلند لاجراء الفحوصات على الوالده الله يحفظها
والحمدلله النتايج ايجابيه جميعها ولله الحمد والمنه

تايلند بلد حلو بصراحه وشارع العرب رغم الريحه بعد حلو والمطاعم العربيه بعد حلوه
بصراحه كل شي حلو
ماعدا اللي شفته فالايام الثلاثه اللي فاتت
شفت شي لم اتوقع ان اراه
طبيعي شفت شباب خليجين مع بنات الليل هذا شي متوقع وموجود عندنا في قطر ولكن في تايلند واضح للعيان وفي قطر تشوفه ولكن ليس بكثره

الشي المخزي والمصيبه العظمى لما تشوف شيبان خليجيين وقطريييين مع بنات الليل
شيبه لحيته بيضه من الكبر
تشوفه مع بنات يتبادلون القبل امام الجميع
معقوووله حتى الشيبان صاروا اخس من الشباب

هذا الشي المخزي بصراحه

والشي المخزي والمصيبه لما يكون هناك تمثيل
تخيلوا قاعد اشرب كرك وجنبي شيبه قاعد مع بنت من بنات الليل وجاه اتصال
رد وكان صوته تعباااااان وشوي ويبكي ويقول لمرته او احد من اهله انا للحين مرقديني واحس بشوية الام وصوته يقطع القلب
ولما خلص الاتصال قعد يضحك ويسولف ولا كانه سوى شي غلط
حرق قلوب هله عليه وهو اصلا مافيه شي

بصراحه
لاحول ولا قوة الا بالله

[R 7 A L]

في البداية
الله يشافي الوالدة وترجعون بالسلامة

اما هذا الى يمثل ويقص على أهله انه مريض وهو قاعد يعربد في الفساد
ماراح يخليه ربي بيبلاه في نفسه

[عاهد بن علي]

الله يهدي كل منحرف ان شاء الله
اللهم آمين

[المليونير الفقير]

نسال الله العفو والعافيه

[حميداني]

الله يهديهم ويستر عليهم

[مضارب دوسري]

على فكره في قطر قالوا للوالده انه عندنا دسك في فقرة الرقبه او شي من هالقبيل
وانزلاق في الفقره الثانيه والخامسه
وشلخ فالفقره الاخيره

وهنا طلعت النتايج مافيها اي شي من هالكلام كله
تخيلو طلع كل اللي فيها انشداد في احد العضلات

[MAZEN37]

توك تعرف
هذه الحركات شفتها من 20 سنه
والخافي اعظم

[المليونير الفقير]

على فكره في قطر قالوا للوالده انه عندنا دسك في فقرة الرقبه او شي من هالقبيل
وانزلاق في الفقره الثانيه والخامسه
وشلخ فالفقره الاخيره

وهنا طلعت النتايج مافيها اي شي من هالكلام كله
تخيلو طلع كل اللي فيها انشداد في احد العضلات

الحمدلله على سلامتها الا بغيت اسألك كلمت اسامه؟؟

[cavok]

الآلة المستعان

[المقاول]

خذ عندك هذا الموقف ...
عند وصولى مطار بانكوك ولحظة الاستعداد للخروج من الطيارة صادفت
رجل كبير في السن ..حييت فية وقال من اهل قطر قلت نعم وانت ؟ قال انا قطري
استغربت .. والسبب اللبس حق مراهقين .. المهم صار يمدح في تايلند ويقول
ديرة وناسة .. هه شلون هذا الشايب القاضي قاعد يدور على الوناسة انصدمت
واثنا الخروج من الطيار ماقادر يمشي عدل من كبر السن والرماتزم .. خليتة
وكملت مشواري بعدما حكمت علية انه لا يستحق الاحترام .. والله يهدية .

[وحش قطر]

الحمدلله على سلامتها الا بغيت اسألك كلمت اسامه؟؟

اللي اعرفه اسامه طلع من المستشفى

[alfahad1]

موقف مضحك ومحزن في نفس الوقت

اهم شي صحة الوالده

[بنت مريخ]

ما يخافون من الامراض ؟؟؟

[نوار قطر]

اللي اعرفه اسامه طلع من المستشفى

اذا قصدك اسامه الي في مستشفى بانكوك لا للحين موجود من كم يوم احنا باعثين له تقارير الوالد :)


اجر وعافيه على الوالده اخوي الدوسري

[حميداني]

على فكره في قطر قالوا للوالده انه عندنا دسك في فقرة الرقبه او شي من هالقبيل
وانزلاق في الفقره الثانيه والخامسه
وشلخ فالفقره الاخيره

وهنا طلعت النتايج مافيها اي شي من هالكلام كله
تخيلو طلع كل اللي فيها انشداد في احد العضلات

غاسل ايدي منهم من زمان
خذت درس

[حلم الطفولة]

اسال الله تعالى ان يلبس والدتك لباس الصحة والعافية.. والله يردكم بالسلامه ان شاء الله

نسأل الله العافية..يالله حسن الخاتمة

شايب وعايب ,,شيبة النخرة الفاسق... باع دينه بسبب هؤلاء الساقطات:anger1:

عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( ثَلَاثَةٌ لَا يُكَلِّمُهُمْ اللَّهُ يَوْمَ الْقِيَامَةِ وَلَا يُزَكِّيهِمْ وَلَا يَنْظُرُ إِلَيْهِمْ وَلَهُمْ عَذَابٌ أَلِيمٌ : شَيْخٌ زَانٍ ، وَمَلِكٌ كَذَّابٌ ، وَعَائِلٌ مُسْتَكْبِرٌ ) .


اللهم استرنا فوق الارض وتحت الارض ويوم العرض

[المبرمج صلاح]

ما يخافون من الامراض ؟؟؟

اذا لم يخافو من الله هل تتوقعين بيخافون من الامراض

لا حول ولا قوة الا بالله
الله يهديهم
من كثرة ما بسمع عن الفساد بطلت اصدق
معقولة الفساد منتشر للهدرجة بين المسلمين

[الشـــــــنب]

ربنا يمهل و لا يهمل أخوي ما تخاف

[النهار]

خلها على الله في ناس مخيمين هناك كل 6 شهور يجي يشفط راتب التقاعد وعلى تايلدند وعياله في الديره مايدري عنهم

[نورالهدى]

وشو عنوان المستشفى في بانكوك لو سمحت وفي شنو تخصصاتهم

وشكرا

[حسن]

قل الدين ولايمان بعض الناس فعلا تشوفه اخر عمره يطيح هناك يقولك مستانس
ياخي ماتخاف من الله

الله يهديهم ان شاء الله

[خيالة قطر]

لاحول ولاقوه

فعلا الخليجين هناك البعض مصخينها بزيااده وفرري
وااخس مكان شارع العرب تجوف البلاوووي ..

شنقول بس الله يهدي الجميع

[abu ali1]

لاحول ولا قوة الا بالله

[وحيد-الشوق]

اغلب الشيبان في الخليج يكبرون يخرفون للأسف وينحصر تفكيرهم في الانحطاط والخرابيط

واحد الله يستر عليه كان يقول ابوي يودينا ويعلمنا على هالسوالف ولا يشجعهم بعد !!!!!

اللهم اني اعوذ بك من سوء الكبر :)

[Bin Hood]

الحمدلله على سلامة الوالده

[elders]

الله يهدينا جميعا ويستر علينا

موضوع مزعج جداً .. وعفواً ما حسيت انو من وراه فايده ..

تقبل مروري

[Bin Hood]

وبالنسبة للشيبة الي كان يمك

كان لتيته كف على ويه خلها يدخل المستشفى صج

[حسن]

الله يهدينا جميعا ويستر علينا

موضوع مزعج جداً .. وعفواً ما حسيت انو من وراه فايده ..

تقبل مروري

وانتي مش كل العاده صايره عصبيه في الردود
اذا عاجبك الموضوع ردي واذا مش عاجبك
لاتردين مش ملزومه يالدرز لايكلف الله نفس

بدنا نرد بدنا ناقش بعد بتقلبينها معركه هني
ايه خفي شوي علينا الله يهديك منهو ذي اللي مزعلك
خلينا نروح نتفاهم معاه ونحل الاشكال

[الزعفراني]

هلوو بانكووك

[elders]

وانتي مش كل العاده صايره عصبيه في الردود
اذا عاجبك الموضوع ردي واذا مش عاجبك
لاتردين مش ملزومه يالدرز لايكلف الله نفس

بدنا نرد بدنا ناقش بعد بتقلبينها معركه هني
ايه خفي شوي علينا الله يهديك منهو ذي اللي مزعلك
خلينا نروح نتفاهم معاه ونحل الاشكال

انت لسه ما طلعت ؟؟

:tease:

وين عصبيتي ؟؟ هذا حوار عام والمشاركة كانت رأيي (فيك تناقشني وتحكيلي شو فائدة الموضوع ).. وين المعركة ؟؟ لاتضل تشخصن اخي ولحّق جوجل ..

[بوحارب]

قال صلى الله عليه وسلم : [ لم تظهر الفاحشة في قوم حتى يعلنوا بها إلا فشا فيهم
الطاعون والأوجاع التي لم تكن مضت في أسلافهم الذين مضوا ] ( ابن ماجة )

الله يهديهم

وسلامات الوالدة ربي يشافيها ويخليها لكم يارب والله يجزاك خير على برها :)

[السكين]

للأسف هذا الواقع أنا رحت تايلند والله أرسل معاي شخص نفس طبعي ما يحب شيء اسمه ديسكو ولا حركات الشباب الفاسدة ، وكان ينرفز على كل سواق تاكسي يعرض علينا بنات الليل أو السهرات المشبوهة ، سكننا بمنطقة بعيدة عن العرب وكانت رائعة ، وأغلب قلة الحيا شفتها للأسف بمنطقة نانا ، ولما رحت على بتايا كنت اشوف الفساد العلني للأسف بمناطق العرب وتجمعاتهم أكثر من المناطق الثانية وخاصة في الووكنغ ستريت مع اني ما رحته الا مرة بالليل وكنت اتقضى منه العصاري اغلب شي .

بخصوص الشياب إذا لم تستح فافعل ما شئت ومن زمان بانكوك معروفة بلد الشياب المراهقين .

[الدوحه1]

مره شفت برنامج على قناة ناشيونال جيوغرافيك بخصوص الدعاره في تايلاند..
"مافيا الدعاره" في تايلاند تقوم بوضع مخدر او منوم "للزباين" وتقوم بالاستيلاء على كل اغراضهم من فلوس وتلفونات وساعات!!!!
بالاضافه الى "الدعاره" هناك للاسف ادمان على المخدرات من الخليجين!!!!

[بوخالد911]

خطاكم الشر


والله يحفظنا من الذنوووب

[طبيب قطري]

الله يهدينا جميعا ويستر علينا

موضوع مزعج جداً .. وعفواً ما حسيت انو من وراه فايده ..

تقبل مروري

بالعكس اختي أي موضوع يطرح وتخليه الاداره في الحوار العام ، اكيد من ورآه فايده .. سبحان الله اذا انتي مااستفدتي يمكن غيرج بيستفيد!

[khalid525]

ههههههههه رزيل هالشيبه

[طبيب قطري]

البعد عن الدين هو السبب .. هذيله عبالهم ان ربهم موجود في الدوحه ومب موجود في تايلاند ..
الله يهديهم

[elders]

بالعكس اختي أي موضوع يطرح وتخليه الاداره في الحوار العام ، اكيد من ورآه فايده .. سبحان الله اذا انتي مااستفدتي يمكن غيرج بيستفيد!

طيب احكيلي شو فادك يمكن ما اكون منتبهة ويفيدني لما توجه تفكيري لاستفادتك :victory:

[غايه الطواش]

طبيعي شفت شباب خليجين مع بنات الليل هذا شي متوقع وموجود عندنا في قطر ولكن في تايلند واضح للعيان وفي قطر تشوفه ولكن ليس بكثره
من عرفنا سنع تايلد والكلام موجود يعني مو جديد
يعني قبل كنا لي سمعنا فلان رايح تايلاند علي طول
نقول رايح لسواد الويه والمسخره
يعني اخوي هالشي مهب جديد
حتي في مسرحيه حق عبدالعزيز المسلم عن تايلاند ماعرف اسمها
يعني الموضوع قديم وايد

[بصمة قطرية]

الله يكفينا الشر و لا يبلانا
و يحفظ عيالنا و عيال المسلمين ،،

شارع العرب في تايلند أوصخ مكان
رحته مرة وحدة بس
عقب ما حنيت على بوالعيال و قلت له
خاطري اشوفه و أبي أروح محل فريدة اللي يتكلمون عنه ..
رحنا في النهار لاعت جبدي من قذارة المكان
و محل فريدة ما عجبني كلش ..
يعني كانت أول و آخر مرة الحمدلله ،،

[فراغ]

الرادع هو الدين
لكن نحن الان امام مشكلة اسمها تايلند والكثير من الشباب والشياب يقصدها ويأتي بالامراض
السؤال كيف نحصن مجتمعنا هنا من تايلند
ولماذا هذا الشذوذ لدى بعض الشياب والشباب
انا بالنسبه لي فهو الوعي والثقافه في المقام الاول وثانيآ المجتمع والجهات الرسميه لماذا لانها لا تنبه بالمخاطر والحالات التى حصلت لشباب في تايلند سياسة عدم نشر الغسيل وعدم الفضايح لكن لو اعلنا في الجرائد بالمشاكل التى يواجها المواطن في تايلند كان الكل اعتبر
يوجد الكثير من الخليجيين في سجون تايلند (سجين في الغربه) وحالتهم في السجون مزريه الكثير يحمل الايدز الكثير مدمن الكثير والكثير ماذا اعدد بعضهم انتقل كليآ للعيش هناك باع كل ما يملك واصبح لا يملك منامه الشوارع
حصبي الله ونعم الوكيل

[alsoq]

امحق ابلاد صراحه من ريحة تزوع بلاد كشره اللي يروح لها غير العلاج ما عنده سالفة
ماليزيا واندونسيا افضل منها حتى شعبهم

شعب تايلند يحاول يستغلك وكان اللي جايها يبي بنات لليل يلحقونك لحم لحم



ملاحظه
واعلى نسبه ايدز في اسيا تايلند

[م. عبدالعزيز]

ذكرتوني بشيبه الله يرحمه، كان من البيت للمسجد ومن المسجد للبيت
ويوم تعب وكبر بالسن تم في بيته ماعنده الا القرآن يختمه كل شهر، الله يرحمه برحمته

[qzero555]

المشكلة الي كل مسافر تايلند حق سفرته عنده وحق بيته وعياله ما عنده ولين رد يرد مفلس وحتى هو عند عياله يرسل لهم فلوس ولين ينطلب منه ما عنده حسبي الله ونعم الوكيل

[penguin]

ماينلامون مساكين يبون يغيرون جو من النكد اللي عايشينه :rolleyes2:

بسسسس المصيبه الايدز عقبها لا تايلند ولا غيرها تنفعك

نصيحه يالشياب استانسو صح بارك الله فيكم لا تبلشونا

[qzero555]

الاب دايما يكون قدوة خلة يستانس بس مو على حساب بيته وعياله

[باراكودا]

الله يهديهم بعض الشيبان في بانكوك تناسوا انهم على وشك التوديع وأنهم في ايامهم الاخيرة
لازم يتلاحقون على طلب التوبة والمغفرة .

ما اقول غير يالله حسن الخاتمه .

[دانة الطواش]

ربي يشفي والدتك وتردون بالسلامة لديرتكم والي شفته هناك مثل ماقالوا لك من زمان موجود والله يستر على عيالنا وازواجنا ، ويا بنات قطر اذا قال زوجج باروح تايلند فحوصات وعلاج قولي موافقة بشرط أنا معاك لا تتركينه لحاله .

[بوخالد911]

حتي في مسرحيه حق عبدالعزيز المسلم عن تايلاند ماعرف اسمها
يعني الموضوع قديم وايد

هالو بانكوك

:nice::victory::victory::victory::nice:

[.. الكاش ..]

الله يهديهم ان شاءالله

[الخزرجي قطر]

الله يهدينا ويهديهم ان شاءالله
الحمد لله على سلامة الوالده
الله يحفظها ويطول في عمرها

[الصغيره]

كان حلق اللحيه بالمره مالها لازمه

هذولا ما يخافون من الايدز والا بعد ما يعرفون الايدز

امحق لحيه ماهيب على رجاجيل الموس ارحم لها

[بو علاوي]

رحت العام لتايلند وشفت الشباب مضيعين نفسهم على شئ مايسوى رغم أن تايلند حلوة بطبيعتها لكنها قذرة بطبيعة أهلها

وقررت ما ارجع لتايلند بإذن الله

[بو علاوي]

على طاري الأمراض اللي تسببها السياحة غير الإيدز هناك مرض أخطر ينقله الرجال لزوجاتهم وهو سرطان عنق الرحم ..... الحذر ثم الحذر

[مستجدة]

لحول ولاقوة الا بالله

الله يديهم ويستر على شباب وشياب المسلمين والله شئ محزن
يبعون دينهم ورضى ربهم لشهوات الدنيا وملذاتها

الله لاتبلانا في احد نحبه

[امـ حمد]

قال تعالى (يستخفون من الناس ولا يستخفون من الله وهو معهم إذ يبيتون ما لا يرضى من القول وكان الله بما يعملون محيطا ها أنتم هؤلاء جادلتم عنهم في الحياة الدنيا فمن يجادل الله عنهم يوم القيامة أم من يكون عليهم وكيلا )

[مونتانا]

الله يهدي كل منحرف ان شاء الله
اللهم آمين

اخوي عاهد متى بتغير الصورة؟ الحين داخلين على الشتاء يبيله ثوب صوف مع الطير.

[حسن]

:victory
اخوي عاهد متى بتغير الصورة؟ الحين داخلين على الشتاء يبيله ثوب صوف مع الطير.

ههههههههههههه

الصراحه ردك هذا ضحكني على الصبح خليت الموضوع ونشبت في صوره عاهد
يبيله صوره بثوب شتوي وغتره شال ويصبغ اللحيه

صباح الخير ياعاهد برز القهوه الساعه 9:victory:

[بوحمد111]

ما عندي غير ان اطلب لنا ولهم بالهدايه والصلاح والله يشفي كل مريض ويبعد عنا وعن جميع المسلمين الأذى

[h9466]

هذا العام كنت في تايلند في اجازة عيد الفطر...الحقيقة ماعجبني منها شي الا اسواقها...تفسخ اخلاقي علني...محرمات في الشوارع...بعكس ماليزيا بنظافتها واماكنها الرائعة...

[حبر وقرطاس]

اصبحنا واصبح الملك لله الواحد القهار

تايلند وما ادراك ماتايلند خياسسسس الله يعزكم
ماعاد فيهم اخلاق مستعدين يبيعون اللي وراهم وقداهم بس عشان الفلوس
الدين مافي دين عندهم
شعب مسالم
حريمهم ضياع
الدعاره يمتهنها كل انسان هناك سواء مره و رجل
شريحه كبيره منهم جنس ثالث وفي خدمه الدعاره
كفار يعبدون كل شي قذر ويمجدون الجنس
الشي الوحيد الي فالحين فيه الاعشاب وبعض المستشفيات فيها اطباء متمكنيين

المعلومه الي فعلا رفعت ضغطي عندهم عيب تنظف اسنانك بعود قدام الناس
لازم تغطي بيدك على حلجك

[راعي ال VXR]

اسال الله تعالى ان يلبس والدتك لباس الصحة والعافية.. والله يردكم بالسلامه ان شاء الله

[هارودز]

الله يهديهم ويستر عليهم

[الأصيلة]

الله يكفينا الشر و لا يبلانا
و يحفظ عيالنا و عيال المسلمين ،،

شارع العرب في تايلند أوصخ مكان
رحته مرة وحدة بس
عقب ما حنيت على بوالعيال و قلت له
خاطري اشوفه و أبي أروح محل فريدة اللي يتكلمون عنه ..
رحنا في النهار لاعت جبدي من قذارة المكان
و محل فريدة ما عجبني كلش ..
يعني كانت أول و آخر مرة الحمدلله ،،

وش هذا محل فريدة؟؟

[الأصيلة]

ذكرتوني بشيبه الله يرحمه، كان من البيت للمسجد ومن المسجد للبيت
ويوم تعب وكبر بالسن تم في بيته ماعنده الا القرآن يختمه كل شهر، الله يرحمه برحمته

المفروض هذا اللي يسويه كل شخص بعد مايكبر...
لكن من شب على شيء شاب عليه...
الله يحسن خاتمتنا يارب...

[BoFahed]

من خلا لزيارتي لتايلند اكثر من مرة انا من وجهة نظري بانه تايلند تنفع للعلاج فقط او رحلات السفاري والغوص للشباب اللي تكون خارج بانكوك وبوكيت والمناطق الموبوءة اخلاقيا وصحيا .

الموضوع لا يقتصر علا الشياب فقط الموضوع اخطر وايد لانه بانكوك متنفس و ملتقى للمئات من الشواذ الخليجين واللي بعضهم يسون عمليات قذرة لقلب الجنس المصرحة عندهم والتشبه بالنساء من اللبس الى المشيه والحركات ونشوفهم ياما في المطاعم والقهاوي العربية بمنظرهم المقرف انا شفت اكثر من قطري من هالنوعية الوسخة

تايلند وشعبها تغيرو وايد عن اول صارو ماديين ومستغلين وقذرين خصوصا مع العرب

ماليزيا افضل وانظف منها وايد في البنية التحنية والمرافق السياحية وغالبية شعبها مسلمين متعلمين وطيبين ترتاح في التعامل معاهم

[طير]

الله يصلحهم ويهديهم

[الـخـالـدي]

لا حول ولا قوة الا بالله .. الله يكفينا الشر

الله يتوب علينا وعلى امة المسلمين هذا فساد فالقلب واذا فسد القلب فسدت الاعمال واذا صلح القلب صلح سائر الجسد

[قطرية برستيج]

الله يستر عليهم

[إنجود]

الله يهديهم ويستر عليهم

[حمد بن خالد]

اذا على الشيبان ترى من زمان سوالفهم في بانكوك

وهم اسا السياحه هناك من زمان

وانا اعرف تاجر سعودي مقيم في بانكوك

وقال لي : بوخالد تدري أن أول يوم رمضان ينكتون شياب الخليج كــت على بانكوك

ومن شراب وعربدة وبنات الليل لين ليلة العيد يسافرون ويردون بلادهم

انصعقت يوم سمعت هالشي

في رمضــــــــان تخيل

لكن شتقول غير الله يهديهم ويصلحهم

[السكين]

وش هذا محل فريدة؟؟

محل في الحي العربي نانا ، كله شنط وساعات واكسسوارات وجلديات ماركات تقليد وزباينه خليجيين كأنك داخلة الرونق :nice:

[7llo]

ههههههههههههههههه فقعتني من الضحك لما قريت موضوع الشايب .. ترا هاي شي عادي انا كنت في تايلاند شهر 2 الي طاف انصدمت اول مارحت ماقدرت اقعد في بانكووك اكثر من يوم والله ثاني يوم رحت بوكيت ووسعت الصدر ياخوي اول شي بوكيت كبيرررره واحلى من بانكوك بمليون مره وانظف وطلعتها ورحلاتها توسع الصدر واحلى شي في بوكيت مابها زحمه ومافيها عرب وايد تعدهم على اصابعك
وسلامه الوالده ماتشوف شر

[s4qatar]

بانكوك ليست منطقة نانا ( شارع العرب ) فقط

أنا رحت مناطق في بانكوك كأنك في نيوورك

أهم شي الإختيار

[بصمة قطرية]

وش هذا محل فريدة؟؟

محل فريدة علي
يبيع كل الماركات
كل ما يخطر على بالج
بس طبعاً كوبي مش أصلية
دفعني الفضول إني أحن على بوالعيال يوديني هالمحل
و مكانه في شارع العرب أقذر مكان ..
قال لي بوالعيال ما بيعجبج المحل صدقيني :secret:
عاد لقافة الحريم إلا أشوفه :secret:
رحت و تحسفت :secret:
مادري الناس ميته عليه على شنو ....!!!!؟؟؟

[بصمة قطرية]

محل في الحي العربي نانا ، كله شنط وساعات واكسسوارات وجلديات ماركات تقليد وزباينه خليجيين كأنك داخلة الرونق :nice:

لا تظلم الرونق أخوي السكين :secret:
محل فريدة يخوف كله ممرات ضيقة
تقول داخل محل تهريب :secret:
المكان ضيق و كئيب ،،

[حفيد الأنصار]

تايلاند من الدول الـ 5 الممنوعة على السعوديين

[h9466]

تايلاند من الدول الـ 5 الممنوعة على السعوديين

الحقيقة اول مرة اعرف هاذي المعلومة لان حسب علمي ان الجواز السعودي يدخل اغلب الدول بدون فيزا وان احتاج فيزا يستطيع استخراجها بسهولة, اما يكون ممنوع فأول مرة اعلم بذلك?فما هو السبب وماهي الدول الاخرى الخمس?

[الجسراوي]

واذا بليتم فاستتروا

[حفيد الأنصار]

الحقيقة اول مرة اعرف هاذي المعلومة لان حسب علمي ان الجواز السعودي يدخل اغلب الدول بدون فيزا وان احتاج فيزا يستطيع استخراجها بسهولة, اما يكون ممنوع فأول مرة اعلم بذلك?فما هو السبب وماهي الدول الاخرى الخمس?



انا ماتكلم على الفيزا
هي مشكلة حصلت قبل 20 سنة تقريبا ومن بعدها مافي سفارة هناك
حتى اتذكر لما لعب المنتخب العام بتايلند كانت اقامتهم بماليزيا ومدة اقامتهم بتايلند ساعات محدودة للعب المباراة فقط والخروج من تايلند
طبعا للي يبي يروح يقدر عن طريق قطر او الامارات لكن ممكن يتعرض للمسائلة
والدول الباقية والله ناسيهم لكن اتذكر كانو 4 او 5 ومنهم تايلند واسرائيل طبعا
والمنع طبعا من السعودية نفسها

[ms-qtr]

اخوي من كم سنة رحت بانكوك مع الاهل
وكانوا مادحين لنا شارع الي يسمونه العرب شارع العرب والعرب يكرمون عنه
وبسبب ضيق الوقت اضطرينا نروح شارع العرب في الليل
وبنات الليل منثرين في الشارع
ويحوسون حول اخواني لأن شكلهم متعودين على الخليجيين
وواحد خليجي الله يهديه يمكن خمسيني ماسك وحده بيده اليمين ووحده بيده الشمال
ويلتف بكل وقاحة وقوات عين رايح وجاي
كانت اول واخر مره نروح فيها هالشارع

[نورهان88]

أستغفر الله العظيم ،،،،،،،،،،،،

[بصمة قطرية]

تايلاند من الدول الـ 5 الممنوعة على السعوديين

أولة العام و في الصيف
تحديداً شهر ثمانية
شفت سعوديين عوائل
فجأة شفناهم بأعداد كبيرة ..!!!
قالوا لنا ان اسمحوا لهم يروحون تايلند
بعد ما كان ممنوع ..!!!

[بصمة قطرية]

انا ماتكلم على الفيزا
هي مشكلة حصلت قبل 20 سنة تقريبا ومن بعدها مافي سفارة هناك
حتى اتذكر لما لعب المنتخب العام بتايلند كانت اقامتهم بماليزيا ومدة اقامتهم بتايلند ساعات محدودة للعب المباراة فقط والخروج من تايلند
طبعا للي يبي يروح يقدر عن طريق قطر او الامارات لكن ممكن يتعرض للمسائلة
والدول الباقية والله ناسيهم لكن اتذكر كانو 4 او 5 ومنهم تايلند واسرائيل طبعا
والمنع طبعا من السعودية نفسها

شلون يتعرض للمسائلة اخوي ..!!
يعني معقولة كل العوائل اللي شفناها بتعرض نفسها للمسائلة ..!!
مش الصيف اللي فات اللي قبله
هل السعودية موجودين بكثرة في تايلند
وأنا شفتهم شخصياً ،،

[ضوى]

هالشي من زماااااااااااااااااااان مب شي جديد

اتذكر من عشرين سنة رحتها مع ريلي وخواتي الصغار ، كان معانا واحد بالطيارة يبين عليه ريال كبير وفيه خير ويضحك ويسولف ويا زوجي ، شفناه بعد كم يوم يتمشى بشارع الله العالم شينقال له بذاك الوقت ومعاه واحدة بنت هوى لبسها والعياذ بالله ويترنح بالشارع معاها وشكله مصخرة ، والله ريلي يوم شافه انصدم كان خاطره يروح له ويصكه بذاك الكف اللي يصحيه من غفلته بس تعوذ من ابليس وصد عنه ، بس اللي قهرني انه قايل لزوجي انه متزوج ثنتين وعنده ثمانية من العيال ، الله العالم وش حالهم الحين ( الله يحفظهم )

[حبر وقرطاس]

ههههههههههههههههه فقعتني من الضحك لما قريت موضوع الشايب .. ترا هاي شي عادي انا كنت في تايلاند شهر 2 الي طاف انصدمت اول مارحت ماقدرت اقعد في بانكووك اكثر من يوم والله ثاني يوم رحت بوكيت ووسعت الصدر ياخوي اول شي بوكيت كبيرررره واحلى من بانكوك بمليون مره وانظف وطلعتها ورحلاتها توسع الصدر واحلى شي في بوكيت مابها زحمه ومافيها عرب وايد تعدهم على اصابعك
وسلامه الوالده ماتشوف شر

بوكيت اخر الدنيا في نص البحر جزيره وصخه قلبا وقالبا نص الرجال فيه جنس ثالث والعياذ بالله وكل الحريم فيها بعد الساعه 12 يقلبون بنات هوى مهما كانت اعمارهم
ومحلات المساج بوسترات الصور الاباحيه وبنات المساج جالسين عالارصفه جدام المراكز ذي
ومعابدهم الكشره الله لا يعطيهم عافيه موجوده بكثره هناك والبارات والنايت كلبز منتشره وايد ويعبدون الفيله فيها وامور اخرى مخجله.وشباب الخليج حدث ولا حرج في كل زاويه
حتى في عز النهار على شواطئ بوكيت بنات الهوى جالسين يدورون اي حد
وبوكيت جزيره وجدت لمتعه الرجال بالحرام والله على ما اقول شهيد
بالعربي اي رجل او شباب يمشي لوحده فالشارع وباين عليه مب من اهل البلد يلقى اكثر من عشرين عرض ودعوه للدعاره مب من الحريم بس لالا
الا من الجنس الثالث بعد
هل انت متأكد رحت بوكيت ؟

[برشلوني قطر]

هالشي من زماااااااااااااااااااان مب شي جديد

اتذكر من عشرين سنة رحتها مع ريلي وخواتي الصغار ، كان معانا واحد بالطيارة يبين عليه ريال كبير وفيه خير ويضحك ويسولف ويا زوجي ، شفناه بعد كم يوم يتمشى بشارع الله العالم شينقال له بذاك الوقت ومعاه واحدة بنت هوى لبسها والعياذ بالله ويترنح بالشارع معاها وشكله مصخرة ، والله ريلي يوم شافه انصدم كان خاطره يروح له ويصكه بذاك الكف اللي يصحيه من غفلته بس تعوذ من ابليس وصد عنه ، بس اللي قهرني انه قايل لزوجي انه متزوج ثنتين وعنده ثمانية من العيال ، الله العالم وش حالهم الحين ( الله يحفظهم )


ماااااشاااااءالله من عشريييين سنه :rolleyes2: الله يعلم وين الريال الحين..<<الذااكره جامده

هذا الشي ياخوي موجود من زمااان بس الفرق ان ناادر من كان يروح

بسبة السمعه..فقليل الي يروحون اما الحين الحين الكل يرووح ويشوف البلاوي

الله يكفينا شرها

[ضوى]

ماااااشاااااءالله من عشريييين سنه :rolleyes2: الله يعلم وين الريال الحين..<<الذااكره جامده

هذا الشي ياخوي موجود من زمااان بس الفرق ان ناادر من كان يروح

بسبة السمعه..فقليل الي يروحون اما الحين الحين الكل يرووح ويشوف البلاوي

الله يكفينا شرها

ماشاء الله لا قوة الا بالله ، اذكر الله ياخوي بروحها الذاكرة رايحة بس الحمد لله الذاكرة البعيدة للحين بحالة جيدة لا اله الا الله

والله ياخوك احنا رحناها بذاك الوقت لانه سمعنا عن اسواقهم وبضاعتهم ، وكان المخطط ماليزيا بس سبحان الله ربنا ماكتب فغيرنا ، اول يومين بغينا نموت من التلوث والقذارة والمناظر البشعة ، بس عقبها درنا في الاسواق وتحسنت معنوياتنا بس بعد ماطولنا عشر ايام وردينا مع انه اجازتنا كانت شهر

[برشلوني قطر]

ماشاء الله لا قوة الا بالله ، اذكر الله ياخوي بروحها الذاكرة رايحة بس الحمد لله الذاكرة البعيدة للحين بحالة جيدة لا اله الا الله

والله ياخوك احنا رحناها بذاك الوقت لانه سمعنا عن اسواقهم وبضاعتهم ، وكان المخطط ماليزيا بس سبحان الله ربنا ماكتب فغيرنا ، اول يومين بغينا نموت من التلوث والقذارة والمناظر البشعة ، بس عقبها درنا في الاسواق وتحسنت معنوياتنا بس بعد ماطولنا عشر ايام وردينا مع انه اجازتنا كانت شهر


هههههههههههه قلنا ماشاءالله...لا اله الا الله....تف تف

صحيح فالسابق كانو بعض الي يعرفون البلاد وفي منهم تجار..

بس تدرين حسبت عشرين سنه اطلعت سنة 92 مادري ليش كنت افكر فالثمانين

السنين تمشي والمخ ضرب

[ابن الجزيره]

اتمنى من ادارة الموقع حذف الموضوع
ليس لمثل هذا المقال مكان للحوار
اللهم ارحمنا برحمتك
ربي لك الحمد
هؤلاء شواذ ,,,
وليس غالببية شيبانا
والله من وراء القصد
ودمتم سالمين

[قناص قطر]

لا حول والا قوة الا بالله

في كل ديرة مقبره واللي يبي الشيطان يدله

[عوآآآآشـي]

الله يشفي الوالده ان شاء الله من كل شر

وتعليقي على باقي الموضوع
استغفر الله العظيم

[باراكودا]

السعوديين لهم وضع خاص يدخلون تايلند بدون ختم على الجواز
يختمون لهم على ورقة خارجية وهو نوع من التحايل

[elders]

اتمنى من ادارة الموقع حذف الموضوع
ليس لمثل هذا المقال مكان للحوار
اللهم ارحمنا برحمتك
ربي لك الحمد
هؤلاء شواذ ,,,
وليس غالببية شيبانا
والله من وراء القصد
ودمتم سالمين

الحمدلله حد وصله وجهة نظري

[اللوز]

لماذا اتصير هذه الحركات في تايلند بس ؟

[مهرة]

مساكين بعد وين يروحون..؟؟ الله يبعده عنك وعن المسلمين هذا مرض ينقاله (( مراهقة مابعد الخمسين))

[وحيد-الشوق]

اتمنى من ادارة الموقع حذف الموضوع
ليس لمثل هذا المقال مكان للحوار
اللهم ارحمنا برحمتك
ربي لك الحمد
هؤلاء شواذ ,,,
وليس غالببية شيبانا
والله من وراء القصد
ودمتم سالمين

المنتدى للجميع ولكل المواضيع بعدين انا اشوف نناقش هالموضوع احسن من مواضيع الزواج والتعدد والحريم الي كل يوم الربع منزلين لنا موضوع :telephone:



مساكين بعد وين يروحون..؟؟ الله يبعده عنك وعن المسلمين هذا مرض ينقاله (( مراهقة مابعد الخمسين))

شلون مساكين يعني نتعاطف معاهم شبقى من العمر شيبان في الخمسين وهاي سواتهم

الحمدلله ما ابتليت بأبو مثل هالخمه شيء يفشل ويحز في الخاطر :rolleyes2:

[بصمة قطرية]

لماذا اتصير هذه الحركات في تايلند بس ؟

لأن حكومتهم سمحت لهم بممارسة ( الدعارة )
كمهنة ..!!
الله يكافينا الشر و لا يبلانا ..

[بصمة قطرية]

بوكيت اخر الدنيا في نص البحر جزيره وصخه قلبا وقالبا نص الرجال فيه جنس ثالث والعياذ بالله وكل الحريم فيها بعد الساعه 12 يقلبون بنات هوى مهما كانت اعمارهم
ومحلات المساج بوسترات الصور الاباحيه وبنات المساج جالسين عالارصفه جدام المراكز ذي
ومعابدهم الكشره الله لا يعطيهم عافيه موجوده بكثره هناك والبارات والنايت كلبز منتشره وايد ويعبدون الفيله فيها وامور اخرى مخجله.وشباب الخليج حدث ولا حرج في كل زاويه
حتى في عز النهار على شواطئ بوكيت بنات الهوى جالسين يدورون اي حد
وبوكيت جزيره وجدت لمتعه الرجال بالحرام والله على ما اقول شهيد
بالعربي اي رجل او شباب يمشي لوحده فالشارع وباين عليه مب من اهل البلد يلقى اكثر من عشرين عرض ودعوه للدعاره مب من الحريم بس لالا
الا من الجنس الثالث بعد
هل انت متأكد رحت بوكيت ؟
فعلاً هاي اللي سمعته عن بوكيت ..!!!!!
و على هالأساس بوالعيال رفض ان نروح الجزر
قال إنها أسوأ من بانكوك ،،

[بوغانم995]

الموضوع لا يرتبط بشعب اي بلد كان .....لأن الطيور على أشكالها تقعوا ...وأسألوا ...عاهد !!
الموضوع تصرفات شخصيه .....بسسسسسس
والحمدلله ..على زين العقل والنعمه .....وبسسسسسس

[حفيد الأنصار]

شلون يتعرض للمسائلة اخوي ..!!
يعني معقولة كل العوائل اللي شفناها بتعرض نفسها للمسائلة ..!!
مش الصيف اللي فات اللي قبله
هل السعودية موجودين بكثرة في تايلند
وأنا شفتهم شخصياً ،،



أختي انا ماقلت مافيه سعوديين يروحون
يروحون لكن بطرق اخرى اما بشكل رسمي مستحيل
الى وقت قريب ممنوع وهذا الشي متاكد منه
واللي يسافر مثلا يكون يعرف احد بالجوازات لما يجدد جوازه مايصيدونه او يكون صاحب مكان مرموق بالدولة وفي ناس ماعندها مشكلة اهم شي يسوي اللي براسه حتى لو فيها غرامة وعقوبة
وممكن اللي شفتيهم من الناس اللي قلتلك عليهم
وحتى لو كانو كثير كم بيكونون الف او الفين عدد قليل يعتبر
لان اخر احصائية بصيف 2012 اللي سافرو مابين 3 الى 4 مليون سعودي
وهاللي شفتيهم يعتبرون عدد بسيط

[Rashid554]

الموضوع تشعب بشكل كبير وصار الكل يغلط بدولة شقيقه مثل تايلاند وعلاقتنا كقطر معاهم علاقه ممتازة ، ونسو او تناسو ان الجزء المشارك في الدعاره هم " بعض السياح " .

يعني هناك بنت / ولد هوا ت/ يـ رغب بالممارسة مع شخص اخر بمقابل مادي ( مافي شي ببلاش ) فمن الطرف الثاني اكيد راح يكون ( سائح ) ؟



من هو السائح ؟
ممكن يكون خليجي / عربي / اوروبي / اسيوي / امريكي / افريقي / استرالي / لاتيني
بكل بساطة العملية مشتركة بين الطرفين
يعني بدل لا نقعد نلوم تايلاند انها وفرت لهم مع ان هذي يعتبر جزء من طقوسهم المفروض "عيالنا وللأسف شيبانا " هم الي يخافون على نفسهم لان هذا شي محرم عندنا عكسهم وهو محلل عندهم
من حقك اذا جا ديرتك تمنعه عن هذي الطقوس ولكن لا يحقلك تمنعه اذا انت في ارضه ولكن انت حصن نفسك واحمي نفسك منهم محد بيقرب لك او يعترض لك ، هم يعرفون الناس من عيونهم الزايغه
..
مثل ما هذا موجود بتايلاند فهو موجود في ماليزيا في اندوينسيا في الفلبين في دول الخليج والدول العربية
الي يبي الزين بيلقاه والي يبي الشين بيلقاه هذي ببساطة تايلاند .

تكلمتو عن الجانب السلبي ( كعادة بعض الاعضاء ) وركزتو عليه ونسيتو الجانب الايجابي في تايلاند
( العلاج ، الرخص ، طيبة اهلها ، الطبيعه ، الامان )


تعليق : بخصوص الاخ الحربي الي يقول عدد السعوديين في تايلاند في 2012 وصل الى 3 الى 4 مليون ( مادري من وين الاحصائية ؟ )

لعلمك اخر احصائية رسمية متوفرة لتايلاند هي من الفترة من يناير الى اكتوبر 2012 ولم تكن السعودية من ضمن اوائل الدول بل العكس هناك دول تفوقت عليها بعدد السياح مثل الكويت الامارات مصر .


الدول من حيث عدد السياح في تايلاند ( احصائية رسمية للفترة من يناير 2012 الى اكتوبر 2012 )


الصينين 2,207,913
الماليزين 1,988,261
اليابانين 1,105,426
الكورين ج 944,974
الروس 906,483
الهنود 837,357
اللاوسيون 787,127
الاستراليين 749,068
البريطانين 695,573
السنغافوريين 627,090
الامريكين 603,493
الفيتناميين 529271
الالمان 525629


وباقي الجنسيات كلها تحت نص مليون سائح ..


نشوف الدول العربية ( والي انت ذكرت منهم 4 الى 5 مليون ) وبالصيف بعد

للعلم فقط مجموع سياح الشرق الاوسط كافة بما فيها ( اسرائيل ) 523,963 الف في عام 2012


اسرائيل 105.149
الامارات 96.666
الكويت 58.357
مصر 15.977
السعودية 15.322
دول شرق اوسطية اخرى 232.492

[الفكر الحر]

انا ماتكلم على الفيزا
هي مشكلة حصلت قبل 20 سنة تقريبا ومن بعدها مافي سفارة هناك
حتى اتذكر لما لعب المنتخب العام بتايلند كانت اقامتهم بماليزيا ومدة اقامتهم بتايلند ساعات محدودة للعب المباراة فقط والخروج من تايلند
طبعا للي يبي يروح يقدر عن طريق قطر او الامارات لكن ممكن يتعرض للمسائلة
والدول الباقية والله ناسيهم لكن اتذكر كانو 4 او 5 ومنهم تايلند واسرائيل طبعا
والمنع طبعا من السعودية نفسها

صحيح .. اسرائيل وروسيا وإيران ( يستثنون الشيعة من إيران لكن سفرهم غير مباشر ) وتايلند هذه الدول اللي أعرف أنه ممنوع السفر لها وأي واحد يظهر في جوازه دخولها يسحب منه الجواز ويمنع من السفر نهائي وما فيه واسطات في هالموضوع لأنه قرار سيادي يمشي عالكل حتى الأمراء



شلون يتعرض للمسائلة اخوي ..!!
يعني معقولة كل العوائل اللي شفناها بتعرض نفسها للمسائلة ..!!
مش الصيف اللي فات اللي قبله
هل السعودية موجودين بكثرة في تايلند
وأنا شفتهم شخصياً ،،

يجوز اللي شفتيهم من مزدوجي الجنسية يعني يحملون الجنسية السعودية وجنسيات أخرى وسفرهم يكون بالجواز الآخر الآن فيه محاولات من تايلند لإعادة العلاقات وإن شاء الله ما تنجح

[بصمة قطرية]

أختي انا ماقلت مافيه سعوديين يروحون
يروحون لكن بطرق اخرى اما بشكل رسمي مستحيل
الى وقت قريب ممنوع وهذا الشي متاكد منه
واللي يسافر مثلا يكون يعرف احد بالجوازات لما يجدد جوازه مايصيدونه او يكون صاحب مكان مرموق بالدولة وفي ناس ماعندها مشكلة اهم شي يسوي اللي براسه حتى لو فيها غرامة وعقوبة
وممكن اللي شفتيهم من الناس اللي قلتلك عليهم
وحتى لو كانو كثير كم بيكونون الف او الفين عدد قليل يعتبر
لان اخر احصائية بصيف 2012 اللي سافرو مابين 3 الى 4 مليون سعودي
وهاللي شفتيهم يعتبرون عدد بسيط

أخوي إحنا قعدنا قرابة الإسبوعين
ما شفناهم الا آخر ثلاث أيام
فتوقعت انهم أزالوا قرار المنع ،،
شكراٌ على التوضيح ،،

[بصمة قطرية]

يجوز اللي شفتيهم من مزدوجي الجنسية يعني يحملون الجنسية السعودية وجنسيات أخرى وسفرهم يكون بالجواز الآخر الآن فيه محاولات من تايلند لإعادة العلاقات وإن شاء الله ما تنجح[/b]

كل شي جايز ،،

[حفيد الأنصار]

صحيح .. اسرائيل وروسيا وإيران ( يستثنون الشيعة من إيران لكن سفرهم غير مباشر ) وتايلند هذه الدول اللي أعرف أنه ممنوع السفر لها وأي واحد يظهر في جوازه دخولها يسحب منه الجواز ويمنع من السفر نهائي وما فيه واسطات في هالموضوع لأنه قرار سيادي يمشي عالكل حتى الأمراء



اسرائيل صح لكن روسيا وايران لا عادي

يجوز اللي شفتيهم من مزدوجي الجنسية يعني يحملون الجنسية السعودية وجنسيات أخرى وسفرهم يكون بالجواز الآخر الآن فيه محاولات من تايلند لإعادة العلاقات وإن شاء الله ما تنجح



لا اخوي السعودية ماتعطي الجواز الا اذا سحب الجنسية القديمة واللي شافتهم ممكن يكونون من رجال الاعمال التجار لان بعضهم مسموح لهم
ومثل ماقلت في محاولات من الحكومة التايلندية لعودة العلاقات

[حفيد الأنصار]

أخوي Rashid554

انا قلت عدد السعوديين اللي سافرو بالصيف لجميع الدول مش تايلند بس
وقارنت بعدد المسافرين لهالدولة وقاعد اقول انه قليل
ان شاء الله وضحت لك الصورة

[الفكر الحر]

لا اخوي السعودية ماتعطي الجواز الا اذا سحب الجنسية القديمة واللي شافتهم ممكن يكونون من رجال الاعمال التجار لان بعضهم مسموح لهم
ومثل ماقلت في محاولات من الحكومة التايلندية لعودة العلاقات

السعودية ما تعطي لكن فيه دول ثانية تعطيك الجنسية وتخليك محتفظ بجنسيتك السعودية هذا اللي أردته من ردي

وروسيا وأيران أخوي عنده تجارة في منتجات تنتجهاهالدول وحاول يسافر لها كسائح يستطلع قبل فرفضوا يسمحوا له إلا بزيارة تجارية..هالكلام 2010 إذا جد جديد فما أعرف وأتوقع لو جد جديد يعلن مثل ما علن عن دول ثانية والأرجح أن المنع مازال ساري

[تركي محمد]

بلاد وصخه و لا فيها شي من الحلاه
رحتها اسبوع للعلاج و حسيت اني امشي وسط امراض

بلد شذوذ و قذاره والله يبعدكم عنها

[قطريه ماركه]

استغفر الله العظيم

الله يهديهم