المساعد الشخصي الرقمي

مشاهدة النسخة كاملة : 1500 ريال .. راتب الخادمة الفلبينية اعتبارا من ديسمبر 2012



وليف قطر
18-11-2012, 01:11 PM
-


اتفقت مكاتب استقدام الخادمات واتحاد مكاتب الاستقدام الفلبينية أمس على رفع رواتب الخادمات الفلبينيات من 250 دولارا إلى 400 دولار أي من حوالي 950 ريالا قطريا إلى 1500 ريال شهريا، على أن يتم تنفيذ الاتفاق اعتبارا من أول ديسمبر المقبل.

وقال السيد علي عفيفة رئيس مكاتب الاستقدام بغرفة تجارة وصناعة قطر ومدير مكتب التوقيت للتجارة والخدمات لـالراية : انه تم الاتفاق على أن يكون الراتب الرسمي لأي خادمة فلبينية 400 دولار بموجب عقد رسمي، لافتا الى أن راتب الخادمات لم يتغير منذ 20 عاما وأن الحكومة الفلبينية أصرت على أن تتقاضى الخادمات الراتب المتعاقد عليه 400 دولار كاملا مع اتخاذ كافة التدابير التي تضمن حصولهن على الراتب دون خصومات مشيرة الى أنها أبرمت نفس الاتفاق مع السعودية والكويت والامارات.

وأكد أن المكاتب القطرية ليس لها أي دخل في رواتب الخادمات الفلبينيات حيث تقوم بتحديدها المكاتب الفلبينية .. مشددا على أن الحكومة الفلبينية هي التي من صلاحيتها أن تفرض على المكاتب القائمة على أراضيها عدم ارسال أي خادمة براتب أدنى من 400 دولار .. مشيرا إلى أن هذا الراتب لن يتعرض للزيادة أو النقصان.

وعن ضمان تنفيذ القرار وآليات التأكد من تطبيقه، قال انه فى حالة حدوث أي اخلال بالتعاقد المتفق عليه بالخصم من راتب الخادمة يتم التوجه الى السفارة الفلبينية والابلاغ عن مكتب الاستقدام المخالف وسيتم سحب ترخيصه وعدم التعامل معه مستقبلا.

شهد الاجتماع الذي عقد بين فريق عمل مكاتب الاستقدام بغرفة تجارة وصناعة قطر واتحاد مكاتب الاستقدام الفلبينية برئاسة ميريام موندراجون وحضور السفير الفلبيني الاتفاق على تفعيل القرار من شهر ديسمبر المقبل بالنسبة للخادمات الجدد اللائي سيتم استقدامهن من الشهر المقبل، في حين تبقى الخادمات اللائي استقدمن قبل ذلك على نفس الراتب السابق المتفق عليه حتى انتهاء مدة العقد أو بحسب الاتفاق ما بين الخادمة والكفيل بعد أن خير اتحاد مكاتب الاستقدام الفلبينية المكاتب القطرية ما بين الموافقة أو إيقاف التعامل.

وخلال الاجتماع اعترض عدد كبير من أصحاب مكاتب الاستقدام على رفع الرواتب مبررين ذلك بأن القرار سيحدث أثرا سلبيا في الشارع لأن نسبة الزيادة في الرواتب عالية، وأنه إذا كانت الحكومة الفلبينية تبحث عن حقوق مواطنيها فعلينا كمكاتب وطنية أن نسعى للحفاظ على حقوق المواطنين والمقيمين ونطالب وزارة العمل بالتدخل.

وقال عفيفة ان بعض دول الخليج الأخرى كالكويت والسعودية والإمارات وافقت على زيادة رواتب الخادمات الفلبينيات إلى 400 دولار شهريا، حيث قام اتحاد مكاتب الاستقدام في الفلبين بطرح مسألة راتب 400 دولار شهريا قائلين أنه ليس أمامنا حل آخر فإما الموافقة وإما أن يتوقف العمل معنا بشكل تام. وأشار الى وجود ممثل لوزارة العمل حضر الاجتماع.

وبالنسبة لمعارضة عدد كبير من المكاتب للقرار، قال ان السوق مفتوح ويستطيع المكتب الذي يرفض أن يستقدم خادمات من دول أخرى، لأننا ليس لنا دور في تحديد الراتب. وأكد أن أي مواطن أو مقيم لديه خادمة وراتبها مثلا 900 ريال أو 950 ريالا فإن الأفضل له أن يعطيها راتب 400 دولار حتى لا يخسر، لأن الخادمة قد تتحجج من أجل أن تعود لبلادها ومن ثم تذهب إلى مكتب آخر وتذهب إلى دولة خليجية أخرى من أجل الراتب 400 دولار، لافتا إلى أنه قام بالاتصال برئيس اتحاد المكاتب السعودية وسأله عن زيادة الرواتب، فأبلغه بأن مكاتب الاستقدام السعودية وافقت على رفع راتب الخادمة الفلبينية إلى 400 دولار.


المصدر
http://www.raya.com/news/pages/5f5068d6-89d7-4fe8-85f3-062dcea912aa



هههههههه حشا مندوب مب خدامه :rolleyes2:

وليف قطر
18-11-2012, 01:16 PM
http://www.qatarshares.com/vb/showthread.php?t=531667

عاهد بن علي
18-11-2012, 01:25 PM
الافضل ان الواحد يتزوجها ويجيبها قطر ويفتك من الراتب

اللوز
18-11-2012, 01:31 PM
انا قررت اعطي اي خادمة جديدة
راتب 2000 ريال
اذا تمت سنتين !!
:anger1::anger1::anger1::anger1:

Abdulraman
18-11-2012, 01:33 PM
الافضل ان الواحد يتزوجها ويجيبها قطر ويفتك من الراتب

فكره حلوه هههههه
لكن الخوف عقب الزواج تقولك تبي خدامه من الفلبين:nice:

MAZEN37
18-11-2012, 01:34 PM
صراحه انا اشوف انهم ناس تفهم ومن حقهم

عاهد بن علي
18-11-2012, 01:39 PM
فكره حلوه هههههه
لكن الخوف عقب الزواج تقولك تبي خدامه من الفلبين:nice:

عادي باتزوج عليها من الهند المره الثانيه :tease:

روز باريس
18-11-2012, 01:42 PM
ماوراهم الا المشاكل خلوهم عنكم وردوا على الهنود احسن وارحم منهم لايعرفون الفيس بوك ولاالنت

قطري !
18-11-2012, 01:45 PM
الافضل ان الواحد يتزوجها ويجيبها قطر ويفتك من الراتب


واذا طالبت ب سايق من الفلبين ... :weeping::weeping:

غزلان
18-11-2012, 01:53 PM
وايد مبالغين بالراتب من 250 لين 400 ليكون شافوا قطر تتبرع للدول طمعوا

عاهد بن علي
18-11-2012, 01:54 PM
واذا طالبت ب سايق من الفلبين ... :weeping::weeping:

باطلقها :anger1:

Abdulraman
18-11-2012, 02:01 PM
باطلقها :anger1:

عندي ثنتين فالبيت مادري اتزوجهم :secret:

بوحمد111
18-11-2012, 02:02 PM
بحاول ان ما اقول لهم القانون الجديد وبشوف يمكن ما عندهم خبر به مع العلم انا عندي خادمتين من الفلبين يعني ٣٠٠٠ ريال لهم و ٣٠٠٠ للدريوليه كل واحد ١٥٠٠ وراحت فلوسك يا صابر

تحياتي

عاهد بن علي
18-11-2012, 02:03 PM
عندي ثنتين فالبيت مادري اتزوجهم :secret:

افضل حل :nice:

PGR
18-11-2012, 02:42 PM
-


اتفقت مكاتب استقدام الخادمات واتحاد مكاتب الاستقدام الفلبينية أمس على رفع رواتب الخادمات الفلبينيات من 250 دولارا إلى 400 دولار أي من حوالي 950 ريالا قطريا إلى 1500 ريال شهريا، على أن يتم تنفيذ الاتفاق اعتبارا من أول ديسمبر المقبل.

وقال السيد علي عفيفة رئيس مكاتب الاستقدام بغرفة تجارة وصناعة قطر ومدير مكتب التوقيت للتجارة والخدمات لـالراية : انه تم الاتفاق على أن يكون الراتب الرسمي لأي خادمة فلبينية 400 دولار بموجب عقد رسمي، لافتا الى أن راتب الخادمات لم يتغير منذ 20 عاما وأن الحكومة الفلبينية أصرت على أن تتقاضى الخادمات الراتب المتعاقد عليه 400 دولار كاملا مع اتخاذ كافة التدابير التي تضمن حصولهن على الراتب دون خصومات مشيرة الى أنها أبرمت نفس الاتفاق مع السعودية والكويت والامارات.

وأكد أن المكاتب القطرية ليس لها أي دخل في رواتب الخادمات الفلبينيات حيث تقوم بتحديدها المكاتب الفلبينية .. مشددا على أن الحكومة الفلبينية هي التي من صلاحيتها أن تفرض على المكاتب القائمة على أراضيها عدم ارسال أي خادمة براتب أدنى من 400 دولار .. مشيرا إلى أن هذا الراتب لن يتعرض للزيادة أو النقصان.

وعن ضمان تنفيذ القرار وآليات التأكد من تطبيقه، قال انه فى حالة حدوث أي اخلال بالتعاقد المتفق عليه بالخصم من راتب الخادمة يتم التوجه الى السفارة الفلبينية والابلاغ عن مكتب الاستقدام المخالف وسيتم سحب ترخيصه وعدم التعامل معه مستقبلا.

شهد الاجتماع الذي عقد بين فريق عمل مكاتب الاستقدام بغرفة تجارة وصناعة قطر واتحاد مكاتب الاستقدام الفلبينية برئاسة ميريام موندراجون وحضور السفير الفلبيني الاتفاق على تفعيل القرار من شهر ديسمبر المقبل بالنسبة للخادمات الجدد اللائي سيتم استقدامهن من الشهر المقبل، في حين تبقى الخادمات اللائي استقدمن قبل ذلك على نفس الراتب السابق المتفق عليه حتى انتهاء مدة العقد أو بحسب الاتفاق ما بين الخادمة والكفيل بعد أن خير اتحاد مكاتب الاستقدام الفلبينية المكاتب القطرية ما بين الموافقة أو إيقاف التعامل.

وخلال الاجتماع اعترض عدد كبير من أصحاب مكاتب الاستقدام على رفع الرواتب مبررين ذلك بأن القرار سيحدث أثرا سلبيا في الشارع لأن نسبة الزيادة في الرواتب عالية، وأنه إذا كانت الحكومة الفلبينية تبحث عن حقوق مواطنيها فعلينا كمكاتب وطنية أن نسعى للحفاظ على حقوق المواطنين والمقيمين ونطالب وزارة العمل بالتدخل.

وقال عفيفة ان بعض دول الخليج الأخرى كالكويت والسعودية والإمارات وافقت على زيادة رواتب الخادمات الفلبينيات إلى 400 دولار شهريا، حيث قام اتحاد مكاتب الاستقدام في الفلبين بطرح مسألة راتب 400 دولار شهريا قائلين أنه ليس أمامنا حل آخر فإما الموافقة وإما أن يتوقف العمل معنا بشكل تام. وأشار الى وجود ممثل لوزارة العمل حضر الاجتماع.

وبالنسبة لمعارضة عدد كبير من المكاتب للقرار، قال ان السوق مفتوح ويستطيع المكتب الذي يرفض أن يستقدم خادمات من دول أخرى، لأننا ليس لنا دور في تحديد الراتب. وأكد أن أي مواطن أو مقيم لديه خادمة وراتبها مثلا 900 ريال أو 950 ريالا فإن الأفضل له أن يعطيها راتب 400 دولار حتى لا يخسر، لأن الخادمة قد تتحجج من أجل أن تعود لبلادها ومن ثم تذهب إلى مكتب آخر وتذهب إلى دولة خليجية أخرى من أجل الراتب 400 دولار، لافتا إلى أنه قام بالاتصال برئيس اتحاد المكاتب السعودية وسأله عن زيادة الرواتب، فأبلغه بأن مكاتب الاستقدام السعودية وافقت على رفع راتب الخادمة الفلبينية إلى 400 دولار.


المصدر
http://www.raya.com/news/pages/5f5068d6-89d7-4fe8-85f3-062dcea912aa



هههههههه حشا مندوب مب خدامه :rolleyes2:

يعني تبون ولا بنوقف خدمنا عنكم ,, وقفوهم بشوف من اللي بيخسر في النهاية في مليون بلد وبلد يتمنون انييب من عندهم الخدم ويدورون الوظيفه ,, ربعنا هني على طوول وافقوا جنه ماي ما يقدرون يعيشون بدونه ,,, بتشوفون الاندونيسيات بيعترضون بعد وبيقولون تبون ولا بنوقف عنكم والباقي يتبع

qrt_trading
18-11-2012, 03:25 PM
ماوراهم الا المشاكل خلوهم عنكم وردوا على الهنود احسن وارحم منهم لايعرفون الفيس بوك ولاالنت


أي هنود أي بطيخ اللي يبي هندي لازم يدفع للسفارة الهندية مبلغ 15.000 ريال غير اللي تدفعه للمكتب يعني الفلبينية أرخص على الأقل الفلبينيات يفهمون وانظاف أما الهنديات اغلبهم يجونك من قرى لا يفهمون لا عربي ولا انجليزي ووصخين.

بصمة قطرية
18-11-2012, 03:35 PM
أي هنود أي بطيخ اللي يبي هندي لازم يدفع للسفارة الهندية مبلغ 15.000 ريال غير اللي تدفعه للمكتب يعني الفلبينية أرخص على الأقل الفلبينيات يفهمون وانظاف أما الهنديات اغلبهم يجونك من قرى لا يفهمون لا عربي ولا انجليزي ووصخين.

صادقة ،،
قبل بسهولة الهنديات والفلبينيات
بالرغم اني افضل الفلبينيات بس مصخوها
شدعوة 1500 راتب ..!!!
واللي عنده ثنتين و موزع الشغل عليهم
يعني حرام تستلم الوحدة هالراتب
ثنتين 3000 ريال ...!!!!
يا ليت يشوفون لنا جنسية غير الفلبينية
خلهم يولون و يطيحون في جبودهم عشان يتأدبون ..

فرهود
18-11-2012, 03:40 PM
يستاهلون كرف طول الشهر وفي الاخير 1500ريال مبلغ مايكفي عشوه في مطعم فاخر .

روز باريس
18-11-2012, 03:46 PM
الهندية حسب نظافة راعية البيت يبغون مراقبة والله حتى الفلبنية يبي لة مراقبة
الهندية دفعنا حق السفارة ٢٠٠٠ ريال اذا سافرت الخدامة يرجعونها جابتها زيارة وبعدين حوالنهااقامة

khaldoon
18-11-2012, 04:04 PM
الحين لما يجتمعوا الخادمات مع بعض و تعرف القديمة انها تاخذ 800 -900 ريال و الجديدة اللي معاها تاخذ 1500 ريال بتكون فرصة مثالية و مقنعة فعلا للخادمة القديمة انها تشرد و ترجع البلد او اي بلد بالخليج بالراتب الجديد.... هل فكروا الناس اللي وافقوا على القرار بهذا الشي؟

طبيب قطري
18-11-2012, 04:12 PM
لحظه انا عندي استفسار الله يخليكم جاوبوني ضروري :
الحين انا عندي ٢ من الفلبين .. هل الشهر الجاي ازود رواتبهم إلى ١٥٠٠ كل واحده ؟
ولا هذا القانون يسري علي الفلبينيات الجدد؟

بصمة قطرية
18-11-2012, 04:15 PM
لحظه انا عندي استفسار الله يخليكم جاوبوني ضروري :
الحين انا عندي 2 من الفلبين .. هل الشهر الجاي ازود رواتبهم إلى 1500 كل واحده ؟
ولا هذا القانون يسري علي الفلبينيات الجدد؟

لا أخوي يسري على الجداد بس ..

طبيب قطري
18-11-2012, 04:16 PM
الحمد الله
شكرًا علي التوضيح

alsoq
18-11-2012, 04:18 PM
لحد يجيبهم الهنود للبيت افضل من اي جنسيه اخرى ويطولون ولا يتذمرون اهل شغل الصراحه
الفلبينيه تبي تطلع تبي يوم اوف تبي تروح الكنيسه وكلها جايه في الطريق غصب

باب يجيك منه الريح سده وستريح ولو شافوا الناس ما تجيب من الفلبين راح يرجع سعرهم العادي

Ahmed25
18-11-2012, 04:24 PM
الله يستر من اللي عندنا ! المشكله يوم يتجمعون سوا و يتكلمون ! بكره تحصل كل اللي موجودين يقولونلك سفرنا ولا ارفع رواتبنا ! حسبي الله و نعم الوكيل

blackjacket
18-11-2012, 04:27 PM
صراحة يشتاهلون مساكين
كرف من الصبح من بين مطبخ وًغسيل وكوي وتنظيف ووووووووو
والي يقول وايد عليهم يسفر الخدامة و يخلي المرة تقوم بشغل البيت

هايمة قطرية
18-11-2012, 07:07 PM
حشا مب خدامة 1500!!!!!!
عاد من زينهم مشاكلهم شكثرها !

هارون الرشيد
18-11-2012, 08:59 PM
وأهل الشؤن الاجتماعية مساكين الى رواتبهم على 2250 !
يعني حالهم حال الخدامة الفلبينيه .

بصمة قطرية
19-11-2012, 01:25 AM
وأهل الشؤن الاجتماعية مساكين الى رواتبهم على 2250 !
يعني حالهم حال الخدامة الفلبينيه .

لهم الله ،،

آنــه
19-11-2012, 02:24 AM
أوكي نجيب هم ب 10000 عشان يجون وندفع 1500 ويشرد ون زين واحنا من يرد لنا فلوسنا ؟

التايه
19-11-2012, 03:24 AM
أوكي نجيب هم ب 10000 عشان يجون وندفع 1500 ويشرد ون زين واحنا من يرد لنا فلوسنا ؟

اي والله

صح لسانك

Bo jassim 33
19-11-2012, 07:12 AM
كل شئ غلا ..



حتى الخدم ؟؟؟

قطــ86ــر
19-11-2012, 08:16 AM
الزيادة راحت عليكم يا أهل قطر
هاردلك ,,, وشكرا يا من رضخت لهم !!

فلوس قطر تزحف للخارج بمختلف الاشكال



لاحول ولا قوة الا بالله

رجوان
19-11-2012, 10:01 AM
يستاهلون كرف طول الشهر وفي الاخير 1500ريال مبلغ مايكفي عشوه في مطعم فاخر .

والله والشغل من زود الشغل عاد:anger1::anger1:

doha1
19-11-2012, 10:57 AM
توني ماخذ تاشيره فلبينيه

لكن هالقرار بيخليني اكنسل معقوله هالراتب عاد

بوغانم995
19-11-2012, 03:09 PM
في الدول الخليجه ....تم تخفيظ ....الأسعار من أستقدام ورواتب ......وعندنا ...الله يستر .....اكيد كل خادمه يوفرلها ...الطعام والملبس والمنام ...وحنا منصرعين ...اول ماتوصل توها في البيضه ....شانبوا للراس عمرها ماشافته ....صابون بوريحه ..تفكر حلاوه ....فوطه تلحف أثنين ...فرشاه ومعجون ..اسنان ...تغير غطاء السرير ويمكن تغير السرير ...بالكامل ...بس لوتصبقون الغرفه بعد احسن ....وفي الأخير برطامه مافهم شىْ سوا جيب فلوس ..وأخر الليل ....تشرد ...وتذهب الى سفارتها ...وتشتكي ..وحنا مصدومين ..يارفيق ماقصرنا معاها ...أنته مافي كلام ...روح حقوق مال الخدمات ...,وحقوق المواطن ..تذهب مع الشمال الجاي ...وو من اليله سينقلب الجو عليكم بارك الله لكم شتائكم الجميل...اللهم اغثنا يأرحم الراحمين وبسسسسسسسسسسسسسسسس

دنيا الاسهم
19-11-2012, 08:35 PM
يا جماعة الخير انتوا مش مجبورين تجيبون خدامة فلبينية خلوها تنجلع لابارك الله فيهم ...وصاخة وحقد واي كلمة تزعلهم اختاروا البديل ..
واذا رفعوا اسعار البقية المفروض (حقوق المستهلك )اللي نايمين في العسل يوقفون مع المواطن ويلزم وزارة العمل بتقنين رواتب الخدم وعدم زيادتها لان كل شي غالي وطاح في راس المواطن المسكين
اللهم اسقنا الغيث يارب ولا تجعلنا من القانطين

ANONYMOUS
19-11-2012, 09:26 PM
توني ماخذ تاشيره فلبينيه

لكن هالقرار بيخليني اكنسل معقوله هالراتب عاد

same here

ابدل الفيزه ولا اطلب من اي مكتب شغاله بالراتب القديم قبل لا يدش ديسمبر ؟

انصحونا يالمطلعين على خفايا القرار

شهد محمد
19-11-2012, 09:34 PM
الخدم اللي بالعقود القديمة بتكون نفس الرواتب ما راح تتغير هالكلام للعقود الجديدة
كلام اااااكيد. :nice:

فلتة زمانها
19-11-2012, 10:08 PM
يستاهلون الخدم لو فكرنا فيها من ناحية انسانية يادوب يكفيهم هالراتب
الواحد يصرف فلوسه على شغلات تافه اكل مطاعم وطلعات جات على هالفقيره المسكينه

بطل الفريج
19-11-2012, 10:43 PM
هذاالعقد الرسمي 400 بس الواقع يقول غير . من قبل 8 سنوات العقود نفس الشئ .

رجوان
20-11-2012, 09:25 AM
افكر اجيب سرلانكيه والا ايش رايكم؟؟؟!!!

kal
20-11-2012, 11:45 AM
400 دولار = 16000 بيسو شهريا يعني مدير مركز شرطة في الفلبيين ما يوصل هذا الراتب واحين يبون
للخادمة هذا الراتب من غير الملبس و المأكل شئ غريب هنالك في الفلبيين موظفين كبار مايوصلون هالراتب
وسلامتكم

wadha-qa
20-11-2012, 12:47 PM
خيره انهم ارفعوا راتب الفلبن مستلعنات اصلا مب مثل قبل
احسن شي سووه انهم بيفتحون للبنقلاديشيات صراحه في الامارات شفت ناس من اهلنا جايبينهم اشطر من الهنديه و كلامها قليل ناويه اجيب وحده بس تخلص مدتها هالفلبينيه العله اللي عندي قسم بالله صاروا يتشرطون وحده بس عليها تنظيف مالها خص في الطباخ ولا العيال و طلباتها مجابه اول باول و بعد ماده البوز 24 ساعه

sweet qatar
20-11-2012, 03:55 PM
يستاهلون الخدم لو فكرنا فيها من ناحية انسانية يادوب يكفيهم هالراتب
الواحد يصرف فلوسه على شغلات تافه اكل مطاعم وطلعات جات على هالفقيره المسكينه

تنقصنا الثقافة المالية هني..

المفروض وزارات الدولة تحمي مصالح المواطنين وتكون درع لهم من اطماع الغير..
لكن الشكوى لله..


اختي فلتة والي يشاركونج الراي.. في فرق كبير بين انج تبين تعطين العامل الي عندج راتب معين لانه يستاهل..
وبين ان بلد العامل تشترط عليج مبلغ معين..

الله يسلمج من متى خدمنا يعيشون على الرواتب بس..؟؟

نأكلهم من أكلنا ونلبسهم أحسن لبس.. ونكت عليهم الفلوس في كل مناسبة واحيانا بدون مناسبة..

واذا عيالهم نجحوا عطيناهم.. تزوجوا عطيناهم.. نهاديهم حتى بالذهب.. نفرحهم ومانقصر عليهم..


الراتب المفروض ينحط على معدل الرواتب الي عندهم في ديرتهم.. مب على رواتبنا..

qatara
20-11-2012, 05:07 PM
تنقصنا الثقافة المالية هني..

المفروض وزارات الدولة تحمي مصالح المواطنين وتكون درع لهم من اطماع الغير..
لكن الشكوى لله..


اختي فلتة والي يشاركونج الراي.. في فرق كبير بين انج تبين تعطين العامل الي عندج راتب معين لانه يستاهل..
وبين ان بلد العامل تشترط عليج مبلغ معين..

الله يسلمج من متى خدمنا يعيشون على الرواتب بس..؟؟

نأكلهم من أكلنا ونلبسهم أحسن لبس.. ونكت عليهم الفلوس في كل مناسبة واحيانا بدون مناسبة..

واذا عيالهم نجحوا عطيناهم.. تزوجوا عطيناهم.. نهاديهم حتى بالذهب.. نفرحهم ومانقصر عليهم..


الراتب المفروض ينحط على معدل الرواتب الي عندهم في ديرتهم.. مب على رواتبنا..


الراتب المفروض ينحط على معدل الرواتب الي عندهم في ديرتهم.. مب على رواتبنا..

^

اذا كان نفس رواتبهم ببلدهم اذا ليش ياتون ويغتربون

لاكن خلي الراتب هنا ضعف رواتبهم ببلدهم . حافزاكثر من كافي لهم
وذالك غير التذكار والعطايا
بعد احنا قابلين

وبنفس الوقت الوقت مايكون فيه
ضرر لنا وضغط على رواتبنا

فراغ
20-11-2012, 06:17 PM
التجارة بالبشر
على سبيل المثال الحكومة الفلبينيه
الحكومه الفلبينيه تتاجر بالبشر كيف يكون ذلك؟
هي الحكومه الفلبينيه لما تبعث عمالتها للخارج تستفيد التالي؟
تتخلص من الاستهلاك الكهربائي والاستهلاك للماء والغذاء والعلاج واستعمال الشارع اي تخفف من الزحمه
الاستفادة الثانيه ان اموال من الخارج تدخل عليها
المهم
مالنا غير بو جسوم مثل ما خترع الجدر الي يسوي المتشبوس
يحل لنا موضوع الخدم يخترع لنا خدامه

sweet qatar
20-11-2012, 06:56 PM
الراتب المفروض ينحط على معدل الرواتب الي عندهم في ديرتهم.. مب على رواتبنا..

^

اذا كان نفس رواتبهم ببلدهم اذا ليش ياتون ويغتربون



ماقصدت نفس الراتب اخوي..
معنى كلامي يدخلون معدل الرواتب عندهم لنفس الفئة في معادلة احتساب الراتب الأدنى..

مثل ما تفضلت في باقي ردك.. يكون الراتب مغري بالنسبة لهم.. ومقبول بالنسبة لنا..



ههههههههههه فراغ عجبني اقتراحك..

ANONYMOUS
20-11-2012, 07:29 PM
اتوقع هال 400 على اعتبار ان هي مدبره حالها ب السكن ومصارف الاكل والشرب والملابس و و الخ


بس طالما ساكنه ماكله شاربه طالعه داخله متفسحه "مجانا" مع اهل البيت اذا 250 دولار مناسب





ولو ان 1500 بالنسبه للي راتبه 30 الف مثلا يعتبر معقول مقابل الجهد المبذول

عيسى الكعبي
20-11-2012, 07:50 PM
مشكور يالغالي وصح كلامك

برشلوني قطر
20-11-2012, 09:12 PM
التجارة بالبشر
على سبيل المثال الحكومة الفلبينيه
الحكومه الفلبينيه تتاجر بالبشر كيف يكون ذلك؟
هي الحكومه الفلبينيه لما تبعث عمالتها للخارج تستفيد التالي؟
تتخلص من الاستهلاك الكهربائي والاستهلاك للماء والغذاء والعلاج واستعمال الشارع اي تخفف من الزحمه
الاستفادة الثانيه ان اموال من الخارج تدخل عليها
المهم
مالنا غير بو جسوم مثل ما خترع الجدر الي يسوي المتشبوس
يحل لنا موضوع الخدم يخترع لنا خدامه



ههههههههههههههههههههههههههه ههههههههههههههههههههه:victory:

الله يقطع ابليسك<< سدحتني


بس سؤال..هل صحيح الي وصل ع البلاك بيري ان فالسعوديه كانو بييكنسلون

300 الف فلبنيه..وبعدها اقبلو ع الراتب القديم ؟؟

مــاي ورد
20-11-2012, 09:57 PM
شدعوووه اعطيها راتبي كامل بعد عشان تستانس واقعد عالحديده


حشا شنو هاي

طالع واكل نازل واكل ذبحتووونا

بوخالد911
20-11-2012, 10:16 PM
علينا فتح اسواق لدول جديدة لاستقدام خادمات

البحار00
20-11-2012, 10:23 PM
كلن مستفيد في قطر من جوازات ومكاتب ووزارة عمل

كلن يسحب الضو صوب قرصه

حتى الفلبين مستفيده مفكرة في مصلحتها صح ولا هم من متى همهم مصلحه مواطنيهم

لان كل مازادت الرواتب زادت القوة الشرائيه في الفلبين والمبالغ المحوله للفلبين اكثر واكثر

والضايع في هالسالفه ياعوينه المواطن القطري

aboumajd
21-11-2012, 07:46 AM
استر يارب

اللوز
21-11-2012, 08:57 AM
http://im29.gulfup.com/Qq3I1.jpg (http://www.gulfup.com/?yrlRs1)

قطريه ماركه
21-11-2012, 09:03 AM
^
^

أحلى تعليق .....

بوغانم995
21-11-2012, 09:16 AM
الله يرحم أيام الزمن الجميل يوم كانت الخادمه من الفلبين حدها 600 ريال ......وتشتغل سنتين وبعدها تقول ...بابا ...خلص انا يوفر فلوس زين ...أنا مسافر .....يفتح بزنيس في فيلبين .!!!

الموضوع سوف يؤثر سلباً على الجنسيات الأخرا هنود سرلنكين ...الخ من حيث معادلة الراتب .....والله يعين المتقاعدين والعجائز الركع ...واهل الشئون الأجتماعيه ....خلاص جيبوا من الروهنجا .....450, ريال تساوي4500 او اكثر عندهم طبعاً فرق العمله لا يحسب له حساب أذا ماقسنا ان العمله الفلبينيه والأسيويه ...1500 مستعد يجي طيران من ينمار ....وبسسسسسسس

1500 ريال ضرب 11 بيسوس = 16,500 الراتب بعد التحويله الى العمله الفليبينيه .
...معدل الرواتب عندهم خريج جامعي : يعمل مستشار عمل يحصل على 12,500 بيزوز في الشهر ...= 1,136 ريال كراتب شهري ....
خادمه من الفلبين يقدم لها السكن والأكل والملبس.وتذاكر السفر .و راتبها 1500ريال يعني بعد التحويل يصل راتبها الى 16,500 بيزوز يعني اضعاف راتب الجامعي عندهم ..
وفرق العيش بين الفلبين وقطر ...ماكله لابسه ومعاش أضعاف موظف جامعي ...وزاد الله من زاد ...بس لوضع النقط على الحروف ...بسسسسسسسسسسسس

فراغ
21-11-2012, 02:17 PM
ههههههههههههههههههههههههههه ههههههههههههههههههههه:victory:

الله يقطع ابليسك<< سدحتني


بس سؤال..هل صحيح الي وصل ع البلاك بيري ان فالسعوديه كانو بييكنسلون

300 الف فلبنيه..وبعدها اقبلو ع الراتب القديم ؟؟
والله يالطيب ماعرف شقاعدين اخوانا السعوديين يسوون وهببون
المهم احنا يالقطريين مثل العومه ماكوله ومذمومه
لازم نسوي جمعيه الخدم ونطلع مظاهره على الكورنيش ونرفع لافتات لا للفلبينيات ونعم لشقر البوس ؟ نيات
اسف خطى مطبعي البوسسسسسسسنيات