كيوتل و المواعيد الزائفة لخدمة الألياف الضوئية -فايبر

[القناص]

قدمت على نقل خط هاتف ارضي و الإنترنت من تاريخ 26/8/2012

موعد وثاني وثالث و لا أحد يجي من كيوتل فايبر و لا احد يتصل و لا اعتذار و لا اي شيء

و رفعت شكوى مرتين ولا حياة لمن تنادي

ويش الحل مع كيوتل في رايكم .

[حميداني]

كيوتل معروفه بعدم احترامها للمواعيد

[Ahmed25]

الحل يدخل منافس لها فالسوق

[alsoq]

طال عمرك اليوم قاعد نص ساعه على الخط علشان الانتر نت وما بقو يردون قلت يا انا يهم:)
وامس 20 دقيقه انتظار والقهر يتصلون فيك يقلون قيم خدمتنا:)
الالياف جاو ركبوها من شهر اتصلت فيهم ثاني يوم ابيهم يفعلون الخدمه قالوا بكره بيجيك فني ولا شفت حد للحين

[بوعلي2]

كيوووووتل

ضغط+ سكر= كيوتل

[رجل الجزيرة]

في وين منطقنك بالضبط؟

http://www.qtel.qa/ar/DP_FTTX_GETTING_CONNECTED_2?CSRT=84464108201453977 98#

[puree]

بس اخوي وين اشتكيت ؟

اشتك عند ict

[airbus]

اربع شهور هواش معاهم حتى تم تركيب الفايبر و طبعا ict حتى حفظوا صوتي من كتر ماشتكيت

[نوار قطر]

خدمة الالياف الضوئيه مركبينها من شهر ١٢وقالو لنا شهرين وبتفعل الخدمه ولي يومكم محد مر ولا تفعلت ،،،،، على قولة القايل مالك الا خشمك ولو كان عوي ،،، لو فودا فون يكسرونهم مثل ماسووو حق الجواويل جان اعتدلو ،،،،

[بوخالد911]

احشررررررررررررررررررررهم في تويتر



وقبل العيد اتصلوا فيني

وقالوا موعدي بعد العيد باسبوع

وللحين ولا حد عبرررني

[حياة]

انا من شهر 7 نازله بيت جديد وابي انقل التلفونات
ولين الحين ماحد جاء ابد ... مطنشين ع الاخر
اتصل وخبر خير.. المشكله البيت اللي جنبنا
اتصل لهم وجاوا نفس اليوم وركبوا الالياف
لانه vip ... الله المستعان

[CH Engineer]

اذكر قبل سنه اذا مب اكثر دخل مهندس كيوتل بيتنا وقال بركب لكم الالياف الضوئيه وبعدها قال برجع لكم الاسبوع الجاي لان موضوعكم مختلف وليومك هذا ماشفت حد

[باراكودا]

كيوتل لازم تقر وتعترف بانها فشلت فشل دريع في تركيب وتشغيل خدمة الفايبر
في الموعد المحدد ولابد لها تعويض المشتركين ووتعاقد مع مقاول شركة
زين التي نجحت نجاح باهر في خدمة الفايبر لتكمل المشوار المتعثر
ملاحظة تم تركيب الجهاز في منزلي منذ أكثر من سنة ولم يفعل لغاية الان
علما بان اخر زيارة لكيوتل لمعاينة الخدمة لمنزلي كانت قبل ثلاثة شهور
عندما تفاجئت بشخص هندي ظنيته للوهلة الاولى انه بابو راعي البقالة
قلت له ايش تبي اناماطلبت شىء من البقالة قال انا المهندس مال الفايبر صدقته لاني ماشفت السيكل
دخل وغير لي الجهاز المعطوب والغير مستخدم اصلا (بضاعة مضروبة) ولافي فايدة الخدمة لم تشتغل.

[أبو~يوسف]

من ثمانية أشهر ركبوا الجهاز ، وقالوا بعد شهر نفعله ، وإلى الآن ما تم شي .

[airbus]

الجهاز الي يركبونه ترا هداك متل ماتقول كانهم ماسوا شي ابدا لانه اهم شي الواير الفايبر الي يجي من برا البيت الى داخل البيت

للعلم في خمس شركات تركب الفايبر من كيوتل ولكن ولا شركة عندها خبرة يعني كالعادة ارخص شركة تركيب ومشي حالك

اهم شي توصيل الواير الفايبر والعملية سهلة جدا لكن هم مسوينها شي صعب او مستحيل


اما تفعيل ضغطت زر من كيبورد في كيوتل يشتغل عندك النت


الحل طبعا ادا كل واحد اشتكى وياخد رقم الشكوة ويتصل بي حماية المستهلك وهدا رقمهم 103 وان شاء الله تجيب نتيجة في اربعة شهور !!!!!!