أين يمكن التبليغ عن بعض المدراء المخالفين للقوانين؟

[Google]

عندما يكون هناك مدير مخالف لبعض القوانين ويسرح ويمرح في الادارة لا رقيب ولا عتيد وخصوصا لو كان مب كفائه في العمل ولا يدري وين الله حاشره وماشي بالبركة على قولتهم ومحكر للشباب لا تطوير ولا عنده حتى اساسيات الادارة وماعنده ماعند جدته ي ولا يسأل عنهم خير شر وحاط ثقته بالاجانب اللي لاعبين في حسبته ويضحكون عليه والمصيبه اللي فوقه مكبر الراس ولا يحاسبه وين الجهة الرسيمة اللي المفروض تشتكي لها ومره وحده تراقب تصرفات هالشخص وخصوصا لو قاعد يوظف ناس من ربعه او من طائفته ؟وكل يوم يطلعون من عنده القطريين ولا يسأل عنهم ومكبر المخده ومستانس بعد. ويش الحل يا جماعه؟ متى بيتفعل دور هيئة الرقابة والشفافية ؟


:telephone: :telephone: :telephone: :telephone:

[نوار قطر]

اتوقع الشؤون القانونيه :)

بس قبل لاتشتكون كلموه خل حد يكون قريب منه او على الاقل علاقته زينه معاه يكلمه يمكن يكون غافل او مب عارف يتصرف في بعض الامور وبنصيحتكم له توعّونه،،

[ميلاف]

تبي الصراحه

هذا بلا ابوك ياعقاب وخصوصا اذا عمره فوق الخمسين وقاعد يشتغل لحسابه يشوف البورصه ويخلص معاملاته على حساب مواضيع خلق الله


لكن الحل على حسب الوزاره فيه وزارت قويه مايقدر يخربط المدير وفيه وزاره الله بالخير انت اذا فيك خير تكلم او لاتكلم بس نبش الموضوع وشوف يبهدلك ينقلك من مكان لمكان


الله يزينيها

[Bo jassim 33]

في كل وزارة في شؤون قانونيه يمكن اللجوء لها

واذا ما نفع : اعتقد برج برزان

[R 7 A L]

اذا ماعندك دليل ملموس
ماراح أحد ينفعك