رساله الى الخرجي مدير المرور

[حسن]

السلام عليكم ورحمه الله وبركاته

رساله اوجهها الى مدير المرور

كل يوم ووضع دوار التلفزيون مزدحم ومسبب عرقه سير في الصباح بسبب بوابه الدخول لموظفين الاذاعه والتلفزيون والزحمه واصله الى داخل ادور ومسبب عرقه سير وحوادث

هل يامدير المرور ماعندك خبر عن هل الوضع الماسؤى والخطير ؟

هل يامدير المرور الموقع بعيد عن مكتب وادارتك ؟

هل يامدير المرور مافي حل لهذا الموضوع ؟

اتمني ان رسالتي توصلك لعل وعسى نجد لها حل


نسخه عنزي قطر
نسخه جاجاسم

[R 7 A L]

صادق اخوي حسن

توني من ساعتين مار صوب دوار التلفزيون زحمة لين دوار المرخية مع ان فيه اشارات وفيه رجال لخويا واقفين

المفروض بوابة التلفزيون تُنقـــل من مكانهــا

[الزعفراني]

يعطيك العافيه بوعلي على هالطرح .. حد علمي في بوابتين الان جاري التجهيز لهم بوابة من صوب محطة البترول والثانية من صوب إذاعة قطر

[القعقاع]

ياريت يمر الخرجي بسيارته ويشوف الزحمة لين الدوار والمشكلة تسبب خطر حق الحوادث مب لين صار حادث نتدارك الموضوع لازم قبل خاصة الساعة 7ونص الى 8ونص الصبح

[المستريح]

ياريت مدير المرور يحرك الصبح ولحاله بسيارته كل يوم يمر على منظقه ويشوف بنفسه الزحمه الى تصير صار الواحد ياخذ حبه مهدى قبل لايطلع من البيت من الناس الى تدش عليك من اليمين ويزعل اذا ماسمحتله

[حسن]

صادق اخوي حسن

توني من ساعتين مار صوب دوار التلفزيون زحمة لين دوار المرخية مع ان فيه اشارات وفيه رجال لخويا واقفين

المفروض بوابة التلفزيون تُنقـــل من مكانهــا

هلا هلا باخونا رحال الحمدلله انك هونت عن ذاك المشروع كان الحين انا اكرهك:victory:

ياخوك الزحمه كل يوم على هل الوضع مايصير
مايشوفون مافي حل
قلنا نوصل الرساله على وعسى توصل واتوقع بتوصل

[رذاذ]

الحل يتكنسل هالدور واشارات افضل او عمل جسر للمسارات .
دون توقف الا عند دوار البريد وتحويله ايضا الى اشارات

بس حسن انت اناني ما تفكر بحل للناس الى يتذبحون وكل يوم منقلبين بسيلين .. خل موضوعك شامل

والحل ايضا اطلع بدري ما بتصيدك الزحمه ^_^ سو نفسي

[حبر وقرطاس]

السلام عليكم ورحمه الله وبركاته

رساله اوجهها الى مدير المرور

كل يوم ووضع دوار التلفزيون مزدحم ومسبب عرقه سير في الصباح بسبب بوابه الدخول لموظفين الاذاعه والتلفزيون والزحمه واصله الى داخل ادور ومسبب عرقه سير وحوادث

هل يامدير المرور ماعندك خبر عن هل الوضع الماسؤى والخطير ؟

هل يامدير المرور الموقع بعيد عن مكتب وادارتك ؟

هل يامدير المرور مافي حل لهذا الموضوع ؟

اتمني ان رسالتي توصلك لعل وعسى نجد لها حل


نسخه عنزي قطر
نسخه جاجاسم

الشيخ ترى الي يداومون في التلفزيون او الاذاعه ماجون لدوار التلفزيون مباشره
يجون من صوب لاشارات الل قبل التاون سنتر مجرد تكوعه وانت داش من صوب محطه البترول توصل للداور الداخلي الصغير وامورك طيبه
في حل بديل وهو هذا الطريق سوا انت جا من مدينه خليفه او الدفنه او الريان او او او
ماقصروا المرور سووا طريق فرع من صوب المحطه
ومن بوابه التلفزيون وانت طالع بامكانك تاخذ مخرج لدوار التلفزيون مباشر او تطلع من البوابه سيده لدوار البريد
المسأله سهله
شويه وعي وتنظيم من الاخوه الي يجون من دوار التلفزون مباشر ودخلون يمين للبوابه

[R 7 A L]

هلا هلا باخونا رحال الحمدلله انك هونت عن ذاك المشروع كان الحين انا اكرهك:victory:

ياخوك الزحمه كل يوم على هل الوضع مايصير
مايشوفون مافي حل
قلنا نوصل الرساله على وعسى توصل واتوقع بتوصل



أبشرك هونا وتعوذنا من الشيطان

والخرجي لايحتاج الى رساله واحدة فقط
يحتاج الى عدة رسائل بس نتمنى يقرأها

[حسن]

يعطيك العافيه بوعلي على هالطرح .. حد علمي في بوابتين الان جاري التجهيز لهم بوابة من صوب محطة البترول والثانية من صوب إذاعة قطر

هلا هلا بالزعفراني

المشكله ماندري عن البوابات انا اشوف الدوار حزات يقفل مش معقوله طابور من السيارات من البوابه لين الدوار
واذا تقول مسوين بوابات جديده ياجال مايبيلها شي
10 ايام وامورهم طيبه
نشوف

[بوحمد111]

يعطيك العافيه اخوي العزيز

المشكلة عامة على جميع الدواوير في قطر من شمالها الى جنوبها وفي اغلب الاوقات الاختناقات المرورية حتى تخرج عن سيطرة الخرجي وعلى سبيل المثال شارع ٢٢ فبراير ماله حل حتى الآن وشارع الوعب الزحمة توصل من اشارات الوعب الى دوار المناصير وين الحل ووين الخلل الواحد لو يطلع من العزيزية الى السد كله طريق واحد ياخذ من وقتك اقل شي ساعة الا ربع وبدون الزحمة خمس دقايق بالراحه

والقادم اسوأ

والله المستعان

[غير البشر]

بوسعد يدري ويشوف
امس كنت معاه بالبيت نتكلم عن الزحمه

يقول الشوارع زحمه وفي حلول جايه
وفي خطوط سريعه بتصير داخل الدوحه

وراح اوصل له الملاحظه اليوم ان شاء الله :nice:

[عاهد بن علي]

تسلم استاذي

[حسن]

ياريت يمر الخرجي بسيارته ويشوف الزحمة لين الدوار والمشكلة تسبب خطر حق الحوادث مب لين صار حادث نتدارك الموضوع لازم قبل خاصة الساعة 7ونص الى 8ونص الصبح


ياريت مدير المرور يحرك الصبح ولحاله بسيارته كل يوم يمر على منظقه ويشوف بنفسه الزحمه الى تصير صار الواحد ياخذ حبه مهدى قبل لايطلع من البيت من الناس الى تدش عليك من اليمين ويزعل اذا ماسمحتله

القعقاع والمستريح
هلا وغلا

تهقون ان الخرجي مايمر على الدوار ولا هو خط سيره
يمكن والله اعلم بس اشوف دوريات ثابته حمره ماتسوي شي ولا تحرك ساكن ولاهي بقادره تسوي شي

يمكن مافي اي دوريه تمر من هذا الطريق ولا يمكن ممنوع عليهم مادري مادري الله اعلم
في خلل بس مهب عارف من وين ننتظر نشوف حل

[حسن]

الحل يتكنسل هالدور واشارات افضل او عمل جسر للمسارات .
دون توقف الا عند دوار البريد وتحويله ايضا الى اشارات

بس حسن انت اناني ما تفكر بحل للناس الى يتذبحون وكل يوم منقلبين بسيلين .. خل موضوعك شامل

والحل ايضا اطلع بدري ما بتصيدك الزحمه ^_^ سو نفسي

والله ياخوك هو الدوار الحين اشارات والمشكله مهب في الاشارات انت شكلك ماتمر على هل الدوار
وبعدين الزحمه من سيارات الدخول لمبني التلفزيون مسوين عرقله حركه السير


وبعدين انا مهب اناني ياخوك سيلين والعديد انا ماواطن هل القاع خير شرموليه تروح هناك كانك ماسك طريق الهلاك لا من شوارع ولا من قاع
لكن ابشر حاضرين نكتب لنا موضوع علشان خاطرك
ولا تزعل اذا هم بيسمعون كلامي هل الشباب زين تقولهم الهدرز حرق السيارات يقومون عليك ويقولك المكينه مرتاحه كان تقول الربع بساتن في بطن المكينه يسولفون معها ويعرفون هي مرتاحه ولا مضغوطه

الله المستعان اليوم شكله بيجينا المطر قولو امين

[حسن]

يعطيك العافيه اخوي العزيز

المشكلة عامة على جميع الدواوير في قطر من شمالها الى جنوبها وفي اغلب الاوقات الاختناقات المرورية حتى تخرج عن سيطرة الخرجي وعلى سبيل المثال شارع ٢٢ فبراير ماله حل حتى الآن وشارع الوعب الزحمة توصل من اشارات الوعب الى دوار المناصير وين الحل ووين الخلل الواحد لو يطلع من العزيزية الى السد كله طريق واحد ياخذ من وقتك اقل شي ساعة الا ربع وبدون الزحمة خمس دقايق بالراحه

والقادم اسوأ

والله المستعان

الصراحه طلعتي المسائيه لاتذكر كلش فا مادري وش يصير من المغرب في المجلس لو يسير شنهو مافي طلعه

الزحمه مادري عنها واحب اعكس طلعات الناس الاعتياديه علشان مالف عليهم وعلمهم شلون يسوقون ابتلينا بسواقين الشوله

وبعدين الخرجي بحكم تخطيط المرور اللي يراسها العميد محمد معرفيه هذا اللي اخبره متخصص الطرق وهذه مسؤليتهم هي الاولى واعتقد ولا ليش يحطون هل القسم او اداره مادري ماعرف مسماها
وهم لهم الراي ويخاطبون التخطيط فالخرجي هو المسؤل عن الشوارع والفوضي اللي صايره
ولا يعطوني المسؤليه بدون رتبه مابها وبتشوف شلون ان ماخليت الشوارع الناس تمشي على العجين ماتلخبطهوش
قول حسن ماقالي

[حسن]

بوسعد يدري ويشوف
امس كنت معاه بالبيت نتكلم عن الزحمه

يقول الشوارع زحمه وفي حلول جايه
وفي خطوط سريعه بتصير داخل الدوحه

وراح اوصل له الملاحظه اليوم ان شاء الله :nice:

هذه المشكله يدري ويشوف والحلول جايه وفي الطريق والمركب الجاي الله المستعان

قوله يقولك حسن ماعمرك رحت دبي مستحيل المسؤلين ماسافرو دبي مستحيل كل قطر في الخميس والجمعه تسافر لو حتى شيشه القحطاني الللي ورا المركز يقولك غيرت جو

قوله حسن يسلم عليك ويقولك المسؤليه امانه اما تتكلم بكل صراحه ووضوح ويقول احنا ماكنا مخططين صح ولا كنا نعرف ان العدد بيوصل لهذا العدد وماكنا متوقعين الزحمه ولا الكلام بنسوي وبنفعل والله بنسوي دوار ولا اشاره هذا الكلام ماخوذ خيره
وقوله حسن يشور عليكم كل شوارع قطر الريسيه الدخليه خلوها 5حارات رايح 5جاي والخطوط الخارجيه 8 حارات رايح و8 حارات جاي
علشان ان نكون اول دوله في العالم شوارعها كبار مهب احنا كل اول دوله خلونا نتميز بالطرق الحمدلله الفوس لاتتكلم عنها حدث ولا حرج
وقوله حسن يقول العدد بيوصل 4مليون خل بالك ويمكن يوصل 6 مليون ها نبي خطه ل100 سنه جدام وقوله يقولك حسن شوف شوارع حزم المرخيه الان وشوف شوارع بني هاجر وطلع الفروق والخطاء كانك تقول هذه في دوله وهذه في دوله اخري

وبلغ له التحيات

[حسن]

تسلم استاذي

انه وش مصبرني هني غيرك ياعاهد :)
قهوتك خلتني اليوم اطلع الحره لكن لما اشوفك مانسى ابتسامتك

بس لو شوي طيع شوري كان زين

والله انت استاذي الكبير
يقولك خله الشارع لين طوار البريد بيصكرون عليك الدوار وبيونلك زحمه وكل يوم تاخير ياعاهد
لا لا لا كلش ولا دوار البريد علشان عاهد مايتخر

[R 7 A L]

انه وش مصبرني هني غيرك ياعاهد :)
قهوتك خلتني اليوم اطلع الحره لكن لما اشوفك مانسى ابتسامتك

بس لو شوي طيع شوري كان زين

والله انت استاذي الكبير
يقولك خله الشارع لين طوار البريد بيصكرون عليك الدوار وبيونلك زحمه وكل يوم تاخير ياعاهد
لا لا لا كلش ولا دوار البريد علشان عاهد مايتخر

هههههههههه
خليتني اضحك يابوعلي على ردك

بس مايستاهل اخونا عاهد
مانرضى عليه
كل شي ولا البريد :)

[حسن]

هههههههههه
خليتني اضحك يابوعلي على ردك

بس مايستاهل اخونا عاهد
مانرضى عليه
كل شي ولا البريد :)

وش نسوي يارحال لو خليت لخربت يقولون
واحد يهدي واحد يحمس شوي

واخوي عاهد طلع لي عرض وانا معصب لكن ابتسامته خلتني اهدي واليوم انا بعد طحت في بطنه وماقصرت فيه

هو نتفوله الامواس باقي الطوايل خلك ريش ياعاهد
ولا بتسير مثل حمامه البيت وانا اخبرك جرناس هوا
بس اهو قلبه وسيع ومايشيل على حد شي يغطي شي


هلا هلا يارحال وماتوديناش في داهيه

[مونتانا]

الخرجي صارت تصريحانه وايد وشغله قليل انا من رايي انه يركز على الشغل ويخلي عنه التصريحات ، بعض تصريحاته تجيب الضغط الناس متأذيه من الزحمة وتبي حل والاخ يصرح ان هناك دراسة او ان هناك حل جاي او بنشتري كاميرات حديثة تراقب اواواو..... كله كلام في كلام. ياخي اصبح السواقين ما يخافون من احد لان مافي دوريات ، الصبح وقت الذروة تشوف باصات تاتا اللي فيها عمال وسيارات الردي مكس وووو تسأل الشرطي على الدوار يقول لك عندهم استثناء. ........ ياحبيبي
سلم لي على القانون.

[R 7 A L]

وش نسوي يارحال لو خليت لخربت يقولون
واحد يهدي واحد يحمس شوي

واخوي عاهد طلع لي عرض وانا معصب لكن ابتسامته خلتني اهدي واليوم انا بعد طحت في بطنه وماقصرت فيه

هو نتفوله الامواس باقي الطوايل خلك ريش ياعاهد
ولا بتسير مثل حمامه البيت وانا اخبرك جرناس هوا
بس اهو قلبه وسيع ومايشيل على حد شي يغطي شي


هلا هلا يارحال وماتوديناش في داهيه



:secret:

والله مالومك اخوي حسن

الى نشوفه من زحمات يطلعنا من طورنا ويخلينا نكتب ونقترح وننقد هذا طبعاً بدون تجريح
حتى لو كان عند الاخوة في المرور او غيرهم تقصير وانتقادناهم هذا لايعني انا في قلوبنا شي عليهم
يبقون أخوان وأهل


تحياتي

[حسن]

:secret:

والله مالومك اخوي حسن

الى نشوفه من زحمات يطلعنا من طورنا ويخلينا نكتب ونقترح وننقد هذا طبعاً بدون تجريح
حتى لو كان عند الاخوة في المرور او غيرهم تقصير وانتقادناهم هذا لايعني انا في قلوبنا شي عليهم
يبقون أخوان وأهل


تحياتي

والله يارحال الواحد يتكلم من الحره ليش كلشي متوفر الفلوس وموجوده والميزانيات هذا نحن نسمع كل ميزانيه مليارات المليارت فقط بنيه تحتيه وينهي ذي ليكون هم يشاغلون شوارع وانفاق تحت الارض وحنا ماندري ويبون يسون مفاجاءه للشعب كلشي جائز
هذا واناكلش ماطلع من البيت بعد الدوام لكن اللي يطلع المغرب ورايح وش يسير فيه
شوارعنا اجنابها بران ليش مايوسعونها ويكبروها ليش حق الانتر لوك بس شارع من تفق الاند مارك لين دحل الحمام مسارين والجزيره اكبر من الشارعين معقوله
تعرف يارحال مشكلتي ماعرف انزل الصور ولا كان نزلت لك بلاوي
باشوف ولد عمي كان يتكرم علينا ويعلمني الله يهده

كان زين

[عاهد بن علي]

وش نسوي يارحال لو خليت لخربت يقولون
واحد يهدي واحد يحمس شوي

واخوي عاهد طلع لي عرض وانا معصب لكن ابتسامته خلتني اهدي واليوم انا بعد طحت في بطنه وماقصرت فيه

هو نتفوله الامواس باقي الطوايل خلك ريش ياعاهد
ولا بتسير مثل حمامه البيت وانا اخبرك جرناس هوا
بس اهو قلبه وسيع ومايشيل على حد شي يغطي شي


هلا هلا يارحال وماتوديناش في داهيه

انا صبر عليك على شان ( خليفه )هههههههههههههه

[عنزي قطر]

السلام عليكم ورحمه الله وبركاته

رساله اوجهها الى مدير المرور

كل يوم ووضع دوار التلفزيون مزدحم ومسبب عرقه سير في الصباح بسبب بوابه الدخول لموظفين الاذاعه والتلفزيون والزحمه واصله الى داخل ادور ومسبب عرقه سير وحوادث

هل يامدير المرور ماعندك خبر عن هل الوضع الماسؤى والخطير ؟

هل يامدير المرور الموقع بعيد عن مكتب وادارتك ؟

هل يامدير المرور مافي حل لهذا الموضوع ؟

اتمني ان رسالتي توصلك لعل وعسى نجد لها حل


نسخه عنزي قطر
نسخه جاجاسم

حياك الله اخي ومساء الخير بخصوص اخوك عنزي قطر ونسخه لي جزاك الله خير وانا ناشط مروري لنشر الثقافه المرورية وغيرها.والاخ جاجسم جزاه الله خير كذلك ناشط في جميع المجالات .واتمنى نكون جميعاً ناشطين في المجالات التوعية والهدف بالاخيرانساني,
للعلم صوتك وصل وهذا بعد ايميل ادارة المرور traffic@moi.gov.qa
وهذا ايميل وزارة الداخلية للاقتراحات والشكاوي
info@moi.gov.qa
والمجال مفتوح للجميع .

وانا هنا اتكلم بأسم عنزي قطر مواطن قطري وناشط في الثقافه المرورية ,
أتمنى زيارة الرابط والمشاركه دعوه للنقاش من موقع وزارة الداخليه بخصوص نفس موضوعك الزحمه والاختناقات المرورية في أوقات الذروة

http://www.moi.gov.qa/IntServices/Actions?action=viewCurrentDiscussion

سوف اقتبس لك ماذكر من موقع وزارة الداخلية عن هذا الموضوع .

من الجهة الثانية تسعى الدولة جاهدةً في إيجاد الحلول الدائمة التي تجعل من الحركة المرورية حركة انسيابية فالاختناقات المرورية حيثما وجدت تشكل هاجساً وارقأ لرجال المرور لأن همهم الأساسي هو جعل الحركة المرورية انسيابية في كافة الطرقات.

لاحظ اخي مذكور تسعى الدولة بجميع الجهات المختصه مثل هيئةاشغال البلدية والمرور وغيرها من الجهات .وليس ادارة المرور فقط .:victory:

وهنا ايضاً اقتباس من موقع الوزارة
فإدارة المرور والجهات الأمنية الأخرى تسعى جاهدة لتسهيل انسياب الحركة المرورية في الدولة والمناطق الخارجية بما يضمن وصول الجميع إلى مبتغاهم بكل سهولة ويسر ومن تلك الإجراءات على سبيل المثال منع دخول الشاحنات خلال أوقات الذروة , توزيع رجال الشرطة في المناطق التي تشهد اختناقات مرورية شبه يومية.




وهنا الاسئله التي تم طرحها موقع وزارة الداخليه للمواطن والمقيم .
من وجهة نظرك ماهي رؤيتك لموضوع الاختناقات المرورية ؟ وما أسبابه ؟ وما أكثر المواقع التي تعاني من الاختناقات المرورية ؟ وهل لديك من الحلول والاقتراحات ما يمكن أن تساهم به في القضاء على الاختناقات المرورية ؟


تعليق,استاذ حسن الزحمه مشكله عالمية وليست في قطر فقط وانت ذكرت مثال في دبي وغيرها سوف اوضح لك بالصور ان الزحمه مشكله عالميه.ووجهة نظري الشخصية المتواضعه اذا لايوجد زحمه معنى هذا لايوجد ناس على الارض:victory: والحمدالله الزحمه لدينا افضل من بعض الدول الاخرى .لكن مع هذا الجميع يسعى لحل المشكله وان شاءالله يجدون حل .


الصور ان الزحمه عالميه .امثله فقط

الزحمة في دبي

http://cache.daylife.com/imageserve/04ZB05f3e3dR7/610x.jpg


الزحمه في الرياض
http://www.sarkosa.com/vb/imgcache/7980eb1b45535873b2804876ef9335c7.jpg

ولتاكيد ادخل قوقل وابحث عن الزحمه في اي بلد في العالم تلاحظ هذا

وغيرها الكثير بارك الله فيك وشكرا لك رد سريع عن طريق الايفون واذا يوجد اخطاء اعتذر:victory:

[حسن]

اشكرك ياخ عنزي قطر انك وصلت الرساله
انا اتكلم عن زحمه دوار التلفزيون بسب الموظفين مش معقوله طابور السيارات واصل لداخل الدوار والاشاره تفتح والسيد واقف بسبب الموظفين هي مش زحمه الطريق

بعدين دبي شوارعها كبيره وصحيح فيها ازدحام بس معقوله الان مش مثل قبل وعدد سكان دبي عددهم كبير جدا ودام احنا نبي التطوير والزياده في العمران لازم تحسب حساب عدد الوافدين في المستقبل
وهل المباني الضخمه يبيلها عدد سكان كبير وهذا متوقع ويجب حل الوضع او وضع حلول سريعه واهم شي توسعه الشوارع وتقليل من مساحه الجزربين الشارعين

على العموم شاكرلك اخوي عنزي قطر واتمني وضع دوريه في الصباح لمراقبه زحمه دوار التلفزيون

[عنزي قطر]

اشكرك ياخ عنزي قطر انك وصلت الرساله
انا اتكلم عن زحمه دوار التلفزيون بسب الموظفين مش معقوله طابور السيارات واصل لداخل الدوار والاشاره تفتح والسيد واقف بسبب الموظفين هي مش زحمه الطريق

بعدين دبي شوارعها كبيره وصحيح فيها ازدحام بس معقوله الان مش مثل قبل وعدد سكان دبي عددهم كبير جدا ودام احنا نبي التطوير والزياده في العمران لازم تحسب حساب عدد الوافدين في المستقبل
وهل المباني الضخمه يبيلها عدد سكان كبير وهذا متوقع ويجب حل الوضع او وضع حلول سريعه واهم شي توسعه الشوارع وتقليل من مساحه الجزربين الشارعين

على العموم شاكرلك اخوي عنزي قطر واتمني وضع دوريه في الصباح لمراقبه زحمه دوار التلفزيون


ان شاءالله مع تكاتف جميع الجهات يحصلون حل ان شاءالله شكرا لك اخوي

[بوحارب]

صحيح الزحمة عند المدخل مب طبيعية ومالها داعي !! ياريت يشوفون لنا حل !

واشكرك عالتيدر ههههه

[جراسا]

شغلي في قناة الجزيرة الرياضية...و من رايي انه الطريق الجانبي او طريق الخدمات بس يكون لموظفين قنوات الجزيرة و التلفزيون فقط...لأنه نعاني من الناس اللي تبي تختصر على نفسها و تاخذ يمين الدوار من هالطريق...

و بالنسبة للبوابات الجديدة...هذه رح تكون حق الجزيرة الرياضية فقط:nice:

[حسن]

اللي لاحظته في الفتره السابقه وبعد كتابتي للموضوع وهو

اختفاء زحمه الموظفين في الدوار ماعرف تم حل الموضوع ولا لا

اذا تم حل الموضوع فانا اوجهه الشكر للجهه اللي عالجت المشكله
واشكر مندي شبكه الاسهم الى بواسطته قدرنا نوصل الرساله

واشكر الجميع من شارك في الموضوع

تحياتي لكم

[رجل مثالي]

على سالفة المرور عندي ملاحظة حول السرعة والتحفيصات
للشباب في المناطق السكنية وشوارع المناطق العائلية والسرعة
والاستعراضات الخطرة بدون مراقبة ولا دوريات وخصوصا في
منطقة الدحيل لنعيم نرجو وجود دوريات وبعضهم يسوق بدون رخص
عنده تحت التعليم والبعض بدون رخص ممكن يسوق بدون رخصةو يشكل خطورة على الناس
وهات سرعة وتهور على حساب العائلات والناس

[حسن]

اليوم وانا رايح الشغل الساعه 8ونصف والا الزحمه مره ثانيه من دوار المرخيه الى دوار التلفزيون والسبب موظفين التلفزيون الى حد الان مسببين عرقله السير
وانا ضنيت ان الجماعه وصلت لهم الرساله الصراحه ماتوقعت ماعطينا الاذن الصمخه

[معماري قطري]

المسئلة بسيطة تبقى البوابة وتكون للخروج فقط وتنشأ بوابة أُخرى للدخول بعد الدوار في إتجاه دوار البريد.

[معماري قطري]

على سالفة المرور عندي ملاحظة حول السرعة والتحفيصات
للشباب في المناطق السكنية وشوارع المناطق العائلية والسرعة
والاستعراضات الخطرة بدون مراقبة ولا دوريات وخصوصا في
منطقة الدحيل لنعيم نرجو وجود دوريات وبعضهم يسوق بدون رخص
عنده تحت التعليم والبعض بدون رخص ممكن يسوق بدون رخصةو يشكل خطورة على الناس
وهات سرعة وتهور على حساب العائلات والناس

هذي إستوت شيء عادي جاتنا مناعه .. اليهال بدال ما يلعبون في سيارات لعب إستووا يدورون سيارات حقيقية وكثير من الأهالي ما يقصرون.

عندنا في العزيزية خير وفي كل مناطق قطر اتوقع حتى في المناطق البرية سمعت عن ساحة استعراض ورا السيلية .. يا حلو حجز السيارات علشان يتعظون.

[حسن]

المسئلة بسيطة تبقى البوابة وتكون للخروج فقط وتنشأ بوابة أُخرى للدخول بعد الدوار في إتجاه دوار البريد.

بسيطه عندي وعندك بس اما المسؤلين اه لين الحين
ماجات التعليمات ينتظرون الاوامر
لو يشلون التلفزيون بكبره زين يودونه الاوسيل
ولا وادي الغربان جنوب النصرانيه

[Dark_QTR]

لا تلمون الخرجي.. تراه يسوي الي عليه، .. لوموا الخبلان الي صمموا الشوارع

[فتى الدوحة]

حياك الله اخي ومساء الخير بخصوص اخوك عنزي قطر ونسخه لي جزاك الله خير وانا ناشط مروري لنشر الثقافه المرورية وغيرها.والاخ جاجسم جزاه الله خير كذلك ناشط في جميع المجالات .واتمنى نكون جميعاً ناشطين في المجالات التوعية والهدف بالاخيرانساني,
للعلم صوتك وصل وهذا بعد ايميل ادارة المرور traffic@moi.gov.qa
وهذا ايميل وزارة الداخلية للاقتراحات والشكاوي
info@moi.gov.qa
والمجال مفتوح للجميع .

وانا هنا اتكلم بأسم عنزي قطر مواطن قطري وناشط في الثقافه المرورية ,
أتمنى زيارة الرابط والمشاركه دعوه للنقاش من موقع وزارة الداخليه بخصوص نفس موضوعك الزحمه والاختناقات المرورية في أوقات الذروة

http://www.moi.gov.qa/intservices/actions?action=viewcurrentdiscussion

سوف اقتبس لك ماذكر من موقع وزارة الداخلية عن هذا الموضوع .

من الجهة الثانية تسعى الدولة جاهدةً في إيجاد الحلول الدائمة التي تجعل من الحركة المرورية حركة انسيابية فالاختناقات المرورية حيثما وجدت تشكل هاجساً وارقأ لرجال المرور لأن همهم الأساسي هو جعل الحركة المرورية انسيابية في كافة الطرقات.

لاحظ اخي مذكور تسعى الدولة بجميع الجهات المختصه مثل هيئةاشغال البلدية والمرور وغيرها من الجهات .وليس ادارة المرور فقط .:victory:

وهنا ايضاً اقتباس من موقع الوزارة
فإدارة المرور والجهات الأمنية الأخرى تسعى جاهدة لتسهيل انسياب الحركة المرورية في الدولة والمناطق الخارجية بما يضمن وصول الجميع إلى مبتغاهم بكل سهولة ويسر ومن تلك الإجراءات على سبيل المثال منع دخول الشاحنات خلال أوقات الذروة , توزيع رجال الشرطة في المناطق التي تشهد اختناقات مرورية شبه يومية.




وهنا الاسئله التي تم طرحها موقع وزارة الداخليه للمواطن والمقيم .
من وجهة نظرك ماهي رؤيتك لموضوع الاختناقات المرورية ؟ وما أسبابه ؟ وما أكثر المواقع التي تعاني من الاختناقات المرورية ؟ وهل لديك من الحلول والاقتراحات ما يمكن أن تساهم به في القضاء على الاختناقات المرورية ؟


تعليق,استاذ حسن الزحمه مشكله عالمية وليست في قطر فقط وانت ذكرت مثال في دبي وغيرها سوف اوضح لك بالصور ان الزحمه مشكله عالميه.ووجهة نظري الشخصية المتواضعه اذا لايوجد زحمه معنى هذا لايوجد ناس على الارض:victory: والحمدالله الزحمه لدينا افضل من بعض الدول الاخرى .لكن مع هذا الجميع يسعى لحل المشكله وان شاءالله يجدون حل .


الصور ان الزحمه عالميه .امثله فقط

الزحمة في دبي

http://cache.daylife.com/imageserve/04zb05f3e3dr7/610x.jpg


الزحمه في الرياض
http://www.sarkosa.com/vb/imgcache/7980eb1b45535873b2804876ef9335c7.jpg

ولتاكيد ادخل قوقل وابحث عن الزحمه في اي بلد في العالم تلاحظ هذا

وغيرها الكثير بارك الله فيك وشكرا لك رد سريع عن طريق الايفون واذا يوجد اخطاء اعتذر:victory:


مساك الله بالخير أخوي عنزي قطر وأمسي على الجميع بالخير
الحقيقة أخوي عنزي ما فيه مقارنة نهائياً بين الإزدحام المروري بين مدينة الدوحة والمدن اللي ذكرتها ( دبي + الرياض ) فعلى سبيل المثال الرياض وحدها وعلى حد علمي عدد سكانها تعدى الخمسة ملايين نسمة إذا ما كان أكثر ناهيك عن شوارعهم الواسعة والمخارج المدروسة عن تخطيط ونظرة بعيدة ..
أما عندنا في قطر وبالتحديد في مدينة الدوحة كم سيارة يعني ؟؟
المشكلة في قطر هي مشكلة التصاميم السيئة جداً لشبكة الطرق في مدينة الدوحة وليس في الخطوط الخارجية التي أعتبرها نموذجية وفوق الممتازة إلا أني أتحفظ على الموضوع الفني في مكونات الخلطة الإسفلتية ومستويات ومناسيب الشوارع في بعض الأماكن ..
مش من المعقول آجي من مدينة الشمال وأنا على خط مكون من ( 4 مسارات ) وعندي وصولي إلى الدوحة تصبح ( 3 مسارات ) !!!!
المفروض تكون مساوي على أقل تقدير أو أكثر على الأقل بمسار واحد .
المخارج السيئة وعقدة الدوارات التي لازمتنا حتى في إنشاء الجسور والأنفاق حيث المخرج قريب جداً من الطريق الرئيسي ولا يتسع للكم الكبير من السيارات الأمر الذي ينعكس على إنسيابية الطريق الرئيسي أو السريع .

إذاً الخلل ومن وجة نظري هي خلل من هيئة الأشغال العامة والتصاميم الفاشلة لشبكة الأنفاق والجسور ومساحات الشوارع للأسف ..

هذا ما عندي وتحياتي لك مرة ثانية ولأخواني الأعضاء ومتصفحي الموقع ..