كلمات سمعتها من والديك ولن تفارق ذاكرتك

[Aaziz]

السلام عليكم


نكبر و نحن نسمع بعض الكلمات من احد والدينا (رحم الله المتوفين و ادام الصحة على الباقين) تتكرر هذا الكلمات التي قد تكون دعاء او كلمات يقولاها مازحين باستمرار و ترسخ في اذهاننا .

عن نفسي:

كان يكرر والدي رحة الله .... يالله على بابك ماخاب طلابك
اما جدي رحة الله علية ... بعد التسليم من الصلاة اللهم اعني على ذكرك و شكرك و حسن عبادتك

اما الوالدة (اسئل الله لها الشفاء :( ) ايــــه جيت و جابك الله بسبب و بدون سبب :rolleyes2:

ماذا تتذكره و يرسخ في ذهنك من كلام والديك ؟

[الحياة الخالدة]

الوالدة اللــــه يرحمها و يغفر لها .. كانت دايماً تقول : اطرد الهـــــم بالفرح ينزاح

الله يشفي والدتـــــك و يخليها لكم

[كازانوفا]

كلمة ابوي رحمة الله عليه عالطالع والنازل بكره كلنا بنروح بو هامور لحد ما راح وبعدين عرفت ايش يعني بوهامورررر

[ضوى]

دفعة بلا

وايد كنت اسمعها من ابوي وامي ويدتي الله يرحمهم

[رذاذ]

كسر العنق ولا قطع الرزق
الله يرحمك يا أبوي قالها لي يوم كان في المستشفى وكنت بقدم شكوى على ممرضة وسكت من بعد ما قالها..

ولين يومك كل ما اروح سوق الخضار الشبـــــرة اتذكرة يوم ياخذني وانا صغير واشل صناديق الطماط والخيار

[رذاذ]

كلمة ابوي رحمة الله عليه عالطالع والنازل بكره كلنا بنروح بو هامور لحد ما راح وبعدين عرفت ايش يعني بوهامورررر

الله يرحمه ويغمد روحة الجنة ..
بالفعل هالكلمة تكرر وما نعرفها الا يوم ندخلها يا في دفن

[عاهد بن علي]

روح جعل الله ونبيه يرضون عليك مثل ما انا راضيه عليك

[ام ناصر1]

الوالده ...دايما تردد سترك يارب

[المبرمج صلاح]

الوالدة الله يخليها لي
انت الكبير وقدوة البيت وغلطتك بالف ولازم ما تستشير الا امك وما تخبي عنها شي :shy:
الوالد الله يحفظه دايما
يقولي نقول ثور يقولون احلبوه ولا تسمع كلامك امك :victory:

فالاخر اكتشف انهم يلعبون علي ومتفقين مع بعض عشان ما اسوي اللي في دماغي :secret:

لاني كنت معانده و مختلف معاه بوجهة النظر وابي انفذ اللي هم معترضين عليه
وفعلا كل شي اسوية وانا مقتنع مليون الميه صح يطلع فالاخير غلط وهم اللي صح ولغاية ما تعلمت الدروس منهم والحين اعمل كل شي بموافقتهم اولا حتى تفكيري صار على هواهم

اللهم احفظهم لي يارب واغفر لهم وارحمهما كما ربياني صغيرا

[برشلوني قطر]

الوالده الله يعطيها طولة العمر.. (( يعل عيني ماتبجيك ))

الله يشفي الوالده بوسعود

[بنت الواصل]

الوالد الغالي- الله يرحمه ويسكنه فسيح جناته - دايما يردد :

" أطلب الخير ولا تكسل فما ابعد الخير عن أهل الكسل"

" إذا كنت في نعمة فداريها فإن المعاصي تزول النعم "

[وثائقي]

اعذروني مسحت مشاركتي مابي اتذكر الموقف :weeping:

[Aaziz]

الوالدة اللــــه يرحمها و يغفر لها .. كانت دايماً تقول : اطرد الهـــــم بالفرح ينزاح

الله يشفي والدتـــــك و يخليها لكم

ماشاءالله حكمة متفائلة جدا.. رحمة الله عليها و اسكنها فسيح جناته
الله يجزاج خير يالحياه الخالده



كلمة ابوي رحمة الله عليه عالطالع والنازل بكره كلنا بنروح بو هامور لحد ما راح وبعدين عرفت ايش يعني بوهامورررر

الله يرحمة ويتجاوز عنة و يجعله في دار خير من داره ... ماشاءالله الي هذي كلمته باذن الله انه من اهل الخير و الصلاح.
فعلا لو الانسان دايما وقت الغضب و وقت المعصيه تذكر الموت و الحساب كان تغيرت كثير من افعالنا .



دفعة بلا

وايد كنت اسمعها من ابوي وامي ويدتي الله يرحمهم

ههههه اضمن انج تستخدمين نفس الكلمه و في نفس المناسبات .
الاولين يستخدمون هذي الكلمه استخدام غير عن استخدامنا .
الاولين اذا انكسر شي ولا خرب شي او اي امر من امور القضاء و القدر الي تحصل لنا بدون قصد ،، يقولون دافعه بلا.
الجيل الحالي اذا انصب عليه او خسر بفعل يمناه ،، يقول دافعه بلا و اعتبر بصراحه انه يعزي نفسه بهذي الكلمه .

الله يغفر لهم و يرحمهم و يجعلكم ابناء صالحين تدعون و تعملون لهم .



كسر العنق ولا قطع الرزق
الله يرحمك يا أبوي قالها لي يوم كان في المستشفى وكنت بقدم شكوى على ممرضة وسكت من بعد ما قالها..

ولين يومك كل ما اروح سوق الخضار الشبـــــرة اتذكرة يوم ياخذني وانا صغير واشل صناديق الطماط والخيار

رحمه الله على والدك ،،،، سلامات سلامات. مايمديك راد ،، اتوقع حصلت لك عمليه اغتيال في المنتدى :secret:

[غايه الطواش]

دوم اسمع من الوالده
دفعه بلا
واسمع منها في ثواب والديني
واذا اخترب، انكسر اوضاع شي قالت يفدا عيالي

[غرِيبهـ]

امي دوم تقول الحي بخير

وفي كلامها تقول بالاوليات يعني اول شي
والثانية تكفاها هههه

الله يخليها يارب ويشفيهاا

ويشفي كل مريض

[وثائقي]

امي دوم تقول الحي بخير

وفي كلامها تقول بالاوليات يعني اول شي
والثانية تكفاها هههه

الله يخليها يارب ويشفيهاا

ويشفي كل مريض

الله يشفيها ويخليها لكم ويحفظكم من كل مكروه يارب ^^

[حمد بن خالد]

ابوي الله يشفيه ويرده لنا بالسلامة قال لي : معرفة الرجال تجارة ومعرفة البنات خسارة .

ومناسبة هالكلام , كان عمري 17 وبسافر بروحي لأمريكا :)


والله يزاه خير ويحفظه ويخلينا له ذخر , هالكلام رسخ في مخي وحفظني من أمور كثيرة

:)

[حسن الاحمد]

اكثر شي يكرر ابوي كلمة رجاي بالله والرسول
باليوم يمكن يكررها اكثر من مرة

[Aaziz]

روح جعل الله ونبيه يرضون عليك مثل ما انا راضيه عليك

اللهم امين و هذي من اكبر النعم ( رضا الوالدين ) خصوصا الام


الوالده ...دايما تردد سترك يارب

اسئل الله لها و لكم الستر و العافية



الوالدة الله يخليها لي
انت الكبير وقدوة البيت وغلطتك بالف ولازم ما تستشير الا امك وما تخبي عنها شي :shy:
الوالد الله يحفظه دايما
يقولي نقول ثور يقولون احلبوه ولا تسمع كلامك امك :victory:

فالاخر اكتشف انهم يلعبون علي ومتفقين مع بعض عشان ما اسوي اللي في دماغي :secret:

لاني كنت معانده و مختلف معاه بوجهة النظر وابي انفذ اللي هم معترضين عليه
وفعلا كل شي اسوية وانا مقتنع مليون الميه صح يطلع فالاخير غلط وهم اللي صح ولغاية ما تعلمت الدروس منهم والحين اعمل كل شي بموافقتهم اولا حتى تفكيري صار على هواهم

اللهم احفظهم لي يارب واغفر لهم وارحمهما كما ربياني صغيرا

اللهم امين ،، الله يخليهم لك ،، مهم جدا رضا الوالدين و اتباع اوامرهم مع مراعات تغير الحياه و التطور الي حصل بين جيلنا و جيلهم في اتخاذ قراراتنا.


الوالده الله يعطيها طولة العمر.. (( يعل عيني ماتبجيك ))

الله يشفي الوالده بوسعود

الله يتم عليها الصحه و يرزقها طولة العمر يابرشلوني ويجعلك ابن بار فيها اللهم امين .



الوالد الغالي- الله يرحمه ويسكنه فسيح جناته - دايما يردد :

" أطلب الخير ولا تكسل فما ابعد الخير عن أهل الكسل"

" إذا كنت في نعمة فداريها فإن المعاصي تزول النعم "

رحمه الله و اسكن الوالد فسيح جناته ،، حكم في غايه الروعه هذا اقل وصف لكلماته ،،، احيانا لصغر سن او لقله خبره منا في الحياه مانقدر قيمه هذي الحكم النابعه من تجاربهم .
الله يرحم امواتنا و اموات المسلمين جميعا



اعذروني مسحت مشاركتي مابي اتذكر الموقف :weeping:

معذور ،،، الله يوفقك في الدنيا و الاخرة

[abdalla]

والدي دايما يقول عز نفسك تجده ولما اشكيله من الظلم في العمل يقولي لا تشكي لغير الله فالشكوى لغير الله مذله.
والوالده دايما دعوتها لي الله يحبب فيك كل من شافك وكل من رااك. الله يعطيهم طولة العمر.

[Aaziz]

والدي دايما يقول عز نفسك تجده ولما اشكيله من الظلم في العمل يقولي لا تشكي لغير الله فالشكوى لغير الله مذله.
والوالده دايما دعوتها لي الله يحبب فيك كل من شافك وكل من رااك. الله يعطيهم طولة العمر.

الله يخليهم لك اثنينهم و يديم عليهم دوام الصحة و العافيه.
دايما دعاءالام دعاء فطري نابع من القلب.
و الاباء غالبا مايرتبط دعائهم بالدين

اللهم لك الحمد