تزحلقت ومب عارفه اتنفس عدل..

[ريتويت]

بغيت مساعدتكم.. انا تزحلقت وطحت علي السلم .. المشكله احس باني مب قادره اتنفس عدل .وصادتني دوخه . هل هذا له علاقه بالتنفس؟؟؟ شكرا لكم

[غير البشر]

الف سلامه عليج
ماتشوفين شر ان شاء الله اختي

انصحج الافضل تروحين المستشفى والفحص

وان شاء الله بسيطه بس الواحد يتطمن على نفسه احسن

والله يبعد عنج الشر
وعليج بالصدقه

[برشلوني قطر]

اجر وعافيه...مابي افتي فالعلاج بس احسن تروحين المستشفى تفحصين

وعلى حساب مكان الطيحه

وماتشوفين شر

[بصمة قطرية]

إسم الله عليج
روحي المستشفى لا تهملين عمرج ..
ما تشوفين شر ان شاء الله ..
طمنينا عليج ،،

[ريتويت]

جزاكم الله خير جميعا ... وشكرا للافاده

[مهرة]

بلا مستشفى بلا مسخرة .. ايه والله طحت وصادني حول:rolleyes2: اكيد من الرجة الي بمخج .. اقوول تدهني بفكس عدل وتلحفي وتمي بفراشج ومن عندي اجازة يومين ولا تعلمين احد مب حاطتها بالسيستم ..! يلا بعد اشتبين اكثر:nice:

[ريتويت]

بلا مستشفى بلا مسخرة .. ايه والله طحت وصادني حول:rolleyes2: اكيد من الرجة الي بمخج .. اقوول تدهني بفكس عدل وتلحفي وتمي بفراشج ومن عندي اجازة يومين ولا تعلمين احد مب حاطتها بالسيستم ..! يلا بعد اشتبين اكثر:nice:

:( انزين قولي سلامتج ... ماتشوفين شر .. فكس عاد !!!! اقولج ماعرف اتنفس وانتي تقولين اتدهن بفكس!!!! :weeping::weeping::weeping:

[الدوحي7]

خطاك الشر ، اجر وعافيه، واكيد من تاثير الطيحه، يبيلك كم ساعه وبتطيبين بذن الله، اهم شي مافي ترجيع وغثيان،،

[مخطط قطري]

بسمه الله عليك الف سلامه عليك ما تشوفين شر انتي شوفي نفسك الاول تتقدرين تتحركين وتلفين زين انءشالله امورك طيبه حسيتي بالم لاروحي عياده مو مستشفى عشان مايغلطون ويسولك تجارب بانسبة لتنفس طبيعي انه تحسين بضيق التنفس عموما انتي ريحي نفسك وجسمك استلقى على الفراش وعليك تكثرين من شرب الماء سلامتك الف سلامة انءشالله

[R 7 A L]

دام التنفس عندك صعب
أكيد فيه شي
خصوصاً انه ماتبين لك هالشي الا بعد الطيحه

ماتشوفين شر

[بوعلي2]

عين ماصلت على النبي من الاطباق الي تحطينها بتوقيعج

لازم تروحين المستشفى هالامور مش بسيطه

[ضوى]

انا مثلج زلقت بالحمام في البانيو وطحت طيحة جايدة على ظهري وتميت فترة ممدة ماقدر اتنفس احس بضيق النفس والكلام ماقدر اطلعه ، يمكن تميت ربع ساعة ممدة مب قادرة اصرخ ولا اتكلم ولا انادي احد لين خف الضيق شوي وقمت وفتحت الباب وتمددت عالسرير يوم كامل ظهري ماقدر الفه ولا اتحرك ونمت بهالوضعية بعد ماخذت ماسكادول ، وقمت الصبح الحمد لله الم خفيف بس كل شي طبيعي

اتوقع اللي فيج من قوة الطيحة ومافيها شي تروحين المستشفى تتطمنين مع اني ماحب ينومون الواحد وتحاليل وسالفة

[وطن]

سلامااااااااااات
ما عليج شر :(

روحي الطبيب أحسن

[نوار قطر]

ماعليج شر حبيبتي واجر وعافيه على قلبج

[ريتويت]

ربي يسلمكم جميعا .. الشر مايجيكم

[عاهد بن علي]

بسم الله عليج / انا طحت مره ما صار فيني شي ولله الحمد ، بس الدرج انكسر

[آنا غيــر]

اووووووبيه! .. ليكون حد شافج؟ @@

الخوووف ان الرئه عندج افترّت او انشقّت @@ !!

[حسن]

سلامات انشاء الله ضربوك بعين ماصلت على النبي
طحتي شلون من السلم رويسي ولا على جنب ولا على ظهرك ولا افتركت ريولك
ولا طحتي على وجهج ماندري وش صار اذكري التفاصيل

واذا حبيتي تطمنين اكثر روحي المستشفى الكوبي ولا الخور

ولا تدهني بوفاس مكان الطيحه ولا حطيلك تمره حاره
وبتدعين لي

[Red rose]

مانشوفين شر سكر نبات

ان شاء الله خير

[كود نمبر]

ماتشوفين شر اختي

والفحص الطبي مهم لحد يتساهل الطيحه

[حفيد الأنصار]

سلامتك .. وماتشوفين شر ان شاء الله




عين ماصلت على النبي من الاطباق الي تحطينها بتوقيعج

لازم تروحين المستشفى هالامور مش بسيطه



ههههههه وربي نفس الكلام اللي في بالي :rolleyes2:
جوعت العالم :secret:

[عاهد بن علي]

سلامات انشاء الله ضربوك بعين ماصلت على النبي
طحتي شلون من السلم رويسي ولا على جنب ولا على ظهرك ولا افتركت ريولك
ولا طحتي على وجهج ماندري وش صار اذكري التفاصيل

واذا حبيتي تطمنين اكثر روحي المستشفى الكوبي ولا الخور

ولا تدهني بوفاس مكان الطيحه ولا حطيلك تمره حاره
وبتدعين لي

المستشفى ( الكوبي ) تقصد الي في دخان ؟؟؟؟؟؟؟؟؟؟؟؟؟؟؟

[خليفـة]

الحمدلله على السلامة اختي سكر
ماتشوفين شر ان شاء الله

[ريتويت]

ربي يسلمكم جميعا.. تسلمون ماقصرتو

[بوحارب]

طايحة على الدري ومنزلة موضوع في المنتدى !! شكلج متمللة هههههههه

[طبيب قطري]

مافيج الا العافيه اختي ، وطالما قدرتي تقومين خلاص عادي كلها كم يوم وبيروح الألم والنفس يرجع طبيعي...
بس هل رشيتي ماي علي السلم وقلتي بسم الله ؟ يقولون تمنع الجن !

[ام ناصر1]

ما تشوفين شر أختي سكر ..مافيج الا العافية إن شا الله

[ام وليد]

الف سلامةن عليج اختي سكر .. بس اختي لازم اتروحين المستشفى يفحصونج .. عشان مايجيج الوسواس بعدين .. ربي يبعد عنج كل شر يااارب

[Dana’1]

لابأس طهور إن شاءلله
والحمدلله عالسلامة

أفضل حل ..تروحين للطبيب إذا مازال تحسين بضيق في النفس

ممكن من الطيحة...وممكن من التفجأ و وروعة الطيحة ...الله يعينك

[Aaziz]

زحلوقة العافية :nice:

اذا مارجع الشخص يعتبر الامر اقل خطورة .

[مــاي ورد]

الله يهديج

روحي المستشفى

المنتدى هني مش دكاترة يشخصونج ويعطونج الدوا

وكاتبة موضوع انج طحتي الله يهديج

[قلم صادق]

ماعليج شر حبيبتي واجر وعافيه ماتشوفين شر

[مهرة]

طايحة على الدري ومنزلة موضوع في المنتدى !! شكلج متمللة هههههههه




هذاهي تناقز من مكتب لي مكتب ومافيها الا العافية .. سلق ماشاءالله عليها اشويات وبنطرشها بوسمرة بمسابقة القلايل ..:tease:

[ضوى]

الكلمة الطيبة صدقة

[الزعفراني]

هذاهي تناقز من مكتب لي مكتب ومافيها الا العافية .. سلق ماشاءالله عليها اشويات وبنطرشها بوسمرة بمسابقة القلايل ..:tease:

ههههههههههه

[الزعفراني]

ماعليج شر ان شاء الله .. بس الاولى اذا حاسه بألم قوي .. تروحين المركز الصحي ويسوون لج تصوير اشعه للتأكيد بس ..

[ريتويت]

.. لبعض الردود الجارحه ماتوقعت منكم شكرا لكم ..

[دانة الطواش]

ماتشوفين شر يالغالية اجر وعافية ان شالله بشرينا عاج أحسن اليوم

[عاهد بن علي]

بس ايش الي زحلقج ؟؟؟؟؟؟؟؟؟؟؟؟؟

تاكلين موز وتقطين ( لقشور ) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[khaldoon]

الف سلامه عليج..... اجر و عافية ان شاء الله

ماتشوفين شر ان شاء الله اختي

[عاهد بن علي]

هذاهي تناقز من مكتب لي مكتب ومافيها الا العافية .. سلق ماشاءالله عليها اشويات وبنطرشها بوسمرة بمسابقة القلايل ..:tease:

احلفي ؟؟؟؟؟؟؟؟؟؟؟؟؟؟؟؟؟؟؟؟؟؟:omg: