للاسف اب مش اب وام مش قد المسؤوليه ( بكل بيت ذئب بشري )

[الصغيره]

صباحم بدون غصه ولا الم ولا تفريط
يوم الخميس المساء
رايت امام احدى الجمعيات التعاونيه بنت بمقتبل العمر بل طفله لابسه عبايه ومسمى شيله يكشف مقدمه الشعر قد اتت للجمعيه وهي خلف السايق طفله ربما 14 سنه والسايق حوالي 23 والله اعلم طفله تكسو وجهها البراءه وسائق نظراته خلفها تقول هنا كلب بشري طفله منظرها يقول اين الام واين الاب؟؟
اقتربت منها خافت مني فكرت انني بطلب مساعده ماليه او شي تراجعت عند باب الجمعيه قلت حبيبتي بيتكم قريب الجمعيه ؟
قالت اي يعني
قلت ابي رقم امك ممكن حبيبتي
ردت ليه ؟
قلت اعرفها
قالت بكل براءه والله
زين بقولها
اتصلت وقالت هاك كلميها
قلت لا ابي رقمها قالت هي تعطيج
اخذت التلفون وحاولت اخفت صوتي وكلمتها لكن بعد السلام قالت من ؟ قلت ما تعرفيني انا ما اعرفك بس حبيت اقول حرام تخلون بنت صغيره مع سايق :(
قلت او ما قلت :(
الام انتي اش دخلج :anger1:
متصله وتعرفيني وجايه بنتي وبنتي وسايق مالك خص عطي بنتي التلفون :anger1:
قلت بخاطري بجي وبشدخ بي لارض :(:(:(:(
حسيت بحلقي شي كبر البرتقاله ما ينبلع والبنت تتكلم مع الام وهي تطالعني كني حراميه او ملقوفه او متبليه عليهم
تبون الصدق طلعت بسرعه قلت الحين بتجي وبتسوي لي سالفه
كتبت القصه لكم انا بالامور ذي ما حب اسكت لكن فيه ام او اب مثل هذه الام ثقه عيماء
لو انتوا بمكاني وش بتتصرفون
هل انا ملقوفه ؟:(
ماعندي سالفه ؟
هل مركم موقف مثلي وكيف تصرفتم :this:
احس اني مريضه ومسخنه
عندي سايق وعندي عيال وبنات لكن مش لدرجه انني اكون بلا قلب وبلا خوف واثق بغريب يودي حد من عيالي حتى لو ولد وعندي زوج الله يحفظه ويجزاه خير قبل ما يجيب السايق حط له شروط صارمه حتى ملابس الخياط ما يرضى نرسلها معه ولا يجيبها الا اكون انا بنفسي معه

الخادمه اللي هي خادمه مستحيل تطلع مع السايق باي ظرف من الظروف وقال هذي امانه برقبتي

لو ما عمله وساعات العمل كان مستحيل يجيب سايق ويحلم بالتقاعد


والله العيال والبنات بالذات امانه كبيره البعض يفرط بها

وجزاه الله خير من ينصح ويرشد

لكن فيه ناس للاسف صاروا اتكاليين على الخدم

السايق وما ادراك ما السايق

هذا الرجل الغريب اللي للاسف كل رجال يغار على بيته واهله ان يدخل بيته غريب هو بنفسه يدخل بيته هذا الغريب يسدح ويردح والزوج بالعمل والزوجه بالعمل ومن بالبيت ؟؟؟

يا خادمه

يا طفل

ياطفله

السايق هو الرجل الثاني بالبيت ان ما كان الاول وايضا الطباخ مثل السايق

له الامر وله لنهي للاسف عند البعض معطينهم الخيط والمخيط

السايق يودي ويجيب العيال والخدامه واحيانا بس العيال على بالهم الولد ابو 6 سنين رجال مع اخته
ينزل الولد احيانا قبل واحيانا ينزل البنت واحيانا الولد مستعجل عليه امتحان او تدريب يروح قبل وعقب يودي البنت وعاااااادي عند الاهل

للاسف الاب مشغول بشغله والام بشغلها او في سبات عميق

والذيب البشري يسيل لعابه

الخادمات ياما سمعنا من القصص اللي يشيب لها الشعر مع هذه الذئاب البشريه

لكن ان يولى تربيه العيال هندي او بنقالي او غريب ويعطى الحريه بالدخول والطلوع حتى ان البعض يمسكه مصروف البيت

للاسف حتى ملابس المدام من الخياط والمغسله يروح يجيبها

ايها الرجل لست برجل الرجل لا يفعل هذا باهله

ياليت نسوي حمله للتنبيه على الامهات والاباء بالاهتمام على عيالهم من الغرباء
ياليت نبدا بانفسنا كل رجل يمسك مرته ويقول لها اسمعي اسمعي اسمعي بناتي اول اهتمامك
ياليت كل ام تمسك بناتها وتقول مافيه خطوه بدوني بعد اليوم

مانبي مجتمع اطفاله يعانون من اهمال الامهات نعم الامهات وكل اب اقول لله لا يسامحك ان فرطت باهتمامك ببناتك ووليت امورهن رجل غريب

[@north_star@]

بارك الله فيج اختي على غيرتج وفعلا مثل هالاباء والامهات يعتبرون مقصرين بحق أطفالهم .... والله يستر على الجميع وللأسف في ناس ما تتقبل النصيحة خير شر

[لاجئ عاطفي]

هذول اللي ينقال عنهم مهب قد المسؤوليه ولاهم قد نعمة الابناء وللاسف كثير من هالنوعيه متواجده في مجتمعنا اهمال مابعده اهمال ومايتحركون الا بعد ان تقع مصيبه لا تحمد عقباها .. بيض الله وجهج ماعليج قصور والله يخلف على هالنوعيه من الاباء والامهات او نقدر انقول عنهم اشباه اباء وامهات

[ام محمد2012]

اختي موقفج مشرف ولو انا بمكانج باسوي نفس الشي وانا معاج في حمله حماية اولادنا وبناتنا من الخدمات والسواقيين وفي ميزان حسناتج الي سويتيه حبيبتي

[حبر وقرطاس]

مأجوره على مبادرتج ولكنها في غير محلها وبذك لطريقه

المشكله انتي صادقه ولمست الصدق في كل ماكتبتي وشعرت بعمق ماتشعرين وانشالله

الله يثيبج على انسانيتج وضميرج الحي اختي الصغيره الكبيره بالعقل والقلب

الا انه ينقصك حسن التدبير ، المفروض كنتي تكلمين البنت عالجنب وتقولين لها مثلا:

حبوبه عندج اخت اسمها فلانه ف مدرسه كذا ( مجرد تمثيل ) بترد البنت لا ( هنا تكوني كسرت حاجز فتح الحوار
عقب تقولين لها تشبهينها وايد زين امج معاج ؟ البنت بتقول لا قولي لها من معاج بتقول السواق ( مثلا )
قولي لها حبيبتي مايصير المره الجايه تعالي مع امج او ابوج احسن تعرفين ليش؟
بتقول ليش ؟ قولي لها : لانه قاموا يمنعون البنات الصغار يدخلون الميره من غير امهم او ابوهم ( عقب عطي رقمج لها وقولي لها عطيه ماما وقولي لها ام فلانه تسلم عليج وتبيج تكلمينه اذا فضيتي)
وسلمي علبنت وروحي
لا رجعت البنت اليت وجاج رقم غريب اكيد الام متصله بحكم ان بنتها قالت لها يمه ام فلانه تسلم عليج وعطتني رقمها لج
فبتتصل لج هنا عاد عطيها المقسوم
قولي لها انا فلانه الفلانيه وساكنه فالفريج هذا والله ماكذب عليج بنتج حسبه بنتي وبنفس عمرها وماحبيت اشوف بنت مثل الورده مع السواق وبغيت انبهج عشان لوجه الله ومبين من مشيته وتصرفاته في الميره انسان لا يؤتمن .
اذا جيتيها بالطيب اقطع يدي اذا قالت كلمه وش دخلج
بالعكس راح تقول مشكوره وماقصرتي
وان قالت وش دخلج قولي لها قلبي نغزني اللهم بلغت اللهم فاشهد والعذر والسموحه ان اخطيت وسكري الخط .

[مرت محمد]

حبيبتي انتي انسانه فاهمه واعيه وناضجه وام حريصه ولا انتى مريضه نفسيه انتي قلبك يعورك على عيال الناس لانك ام والي ماترضينه لعيالك ماترضينه لاحد ثاني

لاكن للاسف مجتمعنا الي مريض اذا جيتي تنصحين سكتوج بكلمه وهي شدخلها لاكن صدقيني الام الي كلمتيها في قراره نفسها تدري انها غلطانه انا نفسج اذا شفت بنت صغيره في سوق ولا جمعيه بروحها اموت اربعين موته

احنا في زمن الله يكفينا شره بارك الله فيك اختي

[نور الحور]

جزاج الله خير على النصيحة .. وبالفعل هناك إهمال مخيف من البعض الله يهديهم ..
من كم يوم كنت في حديقة الوكرة ..وشفت خدامة ماسكة طفل صغير يمكن ماكمل السنة في حضنها ، وطفل ثاني يمكن عمره 5 سنوات .. المهم كانت توكل البيبي ذره .. لقمه تاكلها واللقمة الثانية للبيبي بنفس الملعقة.. وترد تشرب فانتا للطفل الثاني وتعطيه يشرب وراها ..
قلت لو شفت الأم بكلمها .. المهم بعد شوي شفتها مع نفس الأطفال ومع خدامة ثانية جنب لعبة .. تشجعت وكلمتها .. قلت لها إني شفتج تسوين هالحركة وهالشي موزين .. قالت لا أنا كلت وشربت اللي زاد من الأكل .. بعد ما خلصوا يعني .. قلت لها لا أنا شفتج بعيوني توكلينهم وتشربينهم عقبج ..تدخلت الخدامة الثانية وقالت لها (خلي يولي ) قلت لها شهالكلام .. أنا من جهة مسؤولة .. وين أمهم؟ قالوا مو موجودة ..قلت لهم عطوني رقم جوالها ..ما عطتني .. وقالت وليش يعني الخدامة مو إنسان ؟ قلت لها إنسان لكن هالطريقة غلط ..تنقل الأمراض ولو شافتهم أمهم أكيد ما بترضى ..عصبوا وراحوا .. حاولت أفهم الولد الصغير اللي ظل يسأل شالسالفة .. وقلت له عطني رقم جوال الماما .. قال ما أعرفه :(


اما السائقين فحدث ولا حرج .. الله يكفينا الشر يارب ..عدة مرات شفت أطفال صغار جداً مع خدم وسائقين بروحهم وأحياناً على أبواب المدارس تنزل الخدامة وتخلي واحد من الأطفال مع السايق بروحه :(

الله يحفظنا ويحفظ عيالنا يارب

[حبر وقرطاس]

ياجماعه
اتكلم جد والله
خلونا نسوي حمله قويه ضد ترك الاطفال مع الخدم

مانمنع ولكن نسوي توعيه قويه عن اساليب التلاعب الي يسوونها الخدم
من خلف اظهر اولياء الامور
ويترك القرار للام والاب
بس نسوي صحوه وتوعيه
لازم نأتي على ذكر الوقائع المؤلمه ال حصلت في المجتمع وقائع حيه
ماظن فريج ماتعرض فيه بيت من البيت لتحرش السائق بالخادمه
تحرش السائق باحد الاطفال
تحرش الخادمه بالذكور الاطفال في الاسره
يجب ان يعرف الام والاب ان الخادمه والسائق يخفون الكثير في انفسهم ولا ظهرون سوء اخلاقهم بوضوح

[ريتويت]

لاتعليق

[R 7 A L]

قمنا نشوف ونسمع اشياء ماكنا حتى مجرد تفكير نعتقد انها بتصير في مجتمعاتنا

مثل هالأشكال حرام يكون عندها عيال
مايقدرون النعمه الى ربي منعمها عليهم

تدرون ليش ؟
لان الأغلبية من هالأشكال
في جو وعيالهم في جو
وأكثر أجوائهم نتنه وفاسدة


بارك الله فيك اختي
امري بالمعروف وانهي عن المنكر ولاعليك من أحد

[عاهد بن علي]

الله يجزاكم خير

[حسن]

ياجماعه
اتكلم جد والله
خلونا نسوي حمله قويه ضد ترك الاطفال مع الخدم

مانمنع ولكن نسوي توعيه قويه عن اساليب التلاعب الي يسوونها الخدم
من خلف اظهر اولياء الامور
ويترك القرار للام والاب
بس نسوي صحوه وتوعيه
لازم نأتي على ذكر الوقائع المؤلمه ال حصلت في المجتمع وقائع حيه
ماظن فريج ماتعرض فيه بيت من البيت لتحرش السائق بالخادمه
تحرش السائق باحد الاطفال
تحرش الخادمه بالذكور الاطفال في الاسره
يجب ان يعرف الام والاب ان الخادمه والسائق يخفون الكثير في انفسهم ولا ظهرون سوء اخلاقهم بوضوح


اناا تفق معاك وتبدا التوعيه من المدارس طرد الخادمات من المدارس وطرد السواقين ها شرايكم

خلوها

[خفيف الروح]

بارك الله فيش

[طير حوران]

انتي صح وكسبتي اجر النصيحه

جزاك الله خير على غيرتك

[ضوى]

كفو عليج

المفروض اي احد يتصرف مثلج

جزاج الله خير وبارك الله فيج

[ماجد78]

صباحم بدون غصه ولا الم ولا تفريط
يوم الخميس المساء
رايت امام احدى الجمعيات التعاونيه بنت بمقتبل العمر بل طفله لابسه عبايه ومسمى شيله يكشف مقدمه الشعر قد اتت للجمعيه وهي خلف السايق طفله ربما 14 سنه والسايق حوالي 23 والله اعلم طفله تكسو وجهها البراءه وسائق نظراته خلفها تقول هنا كلب بشري طفله منظرها يقول اين الام واين الاب؟؟
اقتربت منها خافت مني فكرت انني بطلب مساعده ماليه او شي تراجعت عند باب الجمعيه قلت حبيبتي بيتكم قريب الجمعيه ؟
قالت اي يعني
قلت ابي رقم امك ممكن حبيبتي
ردت ليه ؟
قلت اعرفها
قالت بكل براءه والله
زين بقولها
اتصلت وقالت هاك كلميها
قلت لا ابي رقمها قالت هي تعطيج
اخذت التلفون وحاولت اخفت صوتي وكلمتها لكن بعد السلام قالت من ؟ قلت ما تعرفيني انا ما اعرفك بس حبيت اقول حرام تخلون بنت صغيره مع سايق :(
قلت او ما قلت :(
الام انتي اش دخلج :anger1:
متصله وتعرفيني وجايه بنتي وبنتي وسايق مالك خص عطي بنتي التلفون :anger1:
قلت بخاطري بجي وبشدخ بي لارض :(:(:(:(
حسيت بحلقي شي كبر البرتقاله ما ينبلع والبنت تتكلم مع الام وهي تطالعني كني حراميه او ملقوفه او متبليه عليهم
تبون الصدق طلعت بسرعه قلت الحين بتجي وبتسوي لي سالفه
كتبت القصه لكم انا بالامور ذي ما حب اسكت لكن فيه ام او اب مثل هذه الام ثقه عيماء
لو انتوا بمكاني وش بتتصرفون
هل انا ملقوفه ؟:(
ماعندي سالفه ؟
هل مركم موقف مثلي وكيف تصرفتم :this:
احس اني مريضه ومسخنه
عندي سايق وعندي عيال وبنات لكن مش لدرجه انني اكون بلا قلب وبلا خوف واثق بغريب يودي حد من عيالي حتى لو ولد وعندي زوج الله يحفظه ويجزاه خير قبل ما يجيب السايق حط له شروط صارمه حتى ملابس الخياط ما يرضى نرسلها معه ولا يجيبها الا اكون انا بنفسي معه

الخادمه اللي هي خادمه مستحيل تطلع مع السايق باي ظرف من الظروف وقال هذي امانه برقبتي

لو ما عمله وساعات العمل كان مستحيل يجيب سايق ويحلم بالتقاعد


والله العيال والبنات بالذات امانه كبيره البعض يفرط بها

وجزاه الله خير من ينصح ويرشد

لكن فيه ناس للاسف صاروا اتكاليين على الخدم

السايق وما ادراك ما السايق

هذا الرجل الغريب اللي للاسف كل رجال يغار على بيته واهله ان يدخل بيته غريب هو بنفسه يدخل بيته هذا الغريب يسدح ويردح والزوج بالعمل والزوجه بالعمل ومن بالبيت ؟؟؟

يا خادمه

يا طفل

ياطفله

السايق هو الرجل الثاني بالبيت ان ما كان الاول وايضا الطباخ مثل السايق

له الامر وله لنهي للاسف عند البعض معطينهم الخيط والمخيط

السايق يودي ويجيب العيال والخدامه واحيانا بس العيال على بالهم الولد ابو 6 سنين رجال مع اخته
ينزل الولد احيانا قبل واحيانا ينزل البنت واحيانا الولد مستعجل عليه امتحان او تدريب يروح قبل وعقب يودي البنت وعاااااادي عند الاهل

للاسف الاب مشغول بشغله والام بشغلها او في سبات عميق

والذيب البشري يسيل لعابه

الخادمات ياما سمعنا من القصص اللي يشيب لها الشعر مع هذه الذئاب البشريه

لكن ان يولى تربيه العيال هندي او بنقالي او غريب ويعطى الحريه بالدخول والطلوع حتى ان البعض يمسكه مصروف البيت

للاسف حتى ملابس المدام من الخياط والمغسله يروح يجيبها

ايها الرجل لست برجل الرجل لا يفعل هذا باهله

ياليت نسوي حمله للتنبيه على الامهات والاباء بالاهتمام على عيالهم من الغرباء
ياليت نبدا بانفسنا كل رجل يمسك مرته ويقول لها اسمعي اسمعي اسمعي بناتي اول اهتمامك
ياليت كل ام تمسك بناتها وتقول مافيه خطوه بدوني بعد اليوم

مانبي مجتمع اطفاله يعانون من اهمال الامهات نعم الامهات وكل اب اقول لله لا يسامحك ان فرطت باهتمامك ببناتك ووليت امورهن رجل غريب


لا ملقوفه ولا شيء
الله يأجرك على غيرتك
الله يستر على المسلمين والمسلمات

[عبدالعزيز الهتمي]

بو 12 سنه و15 طالعين لهم طلعه ويابلفيت شوفوني انا الكبيره والكشخه ويرجع الفضل كله للام الكشيخه المتشببه :)
بخصوص موضوعج اتمنى من كل رب اسره اختيار الدريول المناسب وما يشغل اي واحد الا بعد مايختبره دام انجبر

[BoFahed]

للاسف ازواج وزوجات للفراش فقط لا امانة ولا مسئولية

[حراير قطر]

اناا تفق معاك وتبدا التوعيه من المدارس طرد الخادمات من المدارس وطرد السواقين ها شرايكم

خلوها

لا عقب بتروحون تشتكون على الموظفين

اللي يخلون شغلهم ويروحون يجيبون عيالهم من المدارس

" تـــنـــاقـــض "

الله يجزيج خير على اللي سويته

ويمكن عقب مكالمتج لها اتغير ما تدرين

هاي ردت فعل منها فقط لا غير ،،

حبر وقرطاس

لا اتقول ما يدورون الا يدورون شنو يصير وما يصير

ويكفي الحوادث اللي كل فترة وفترة نسمع عنها

الله يكفينا شرهم ...

[نوار قطر]

حسبي الله ونعم الوكيل فيها من ام حسبي الله ونعم الوكيل

مااقدر اقول اكثر من جذي احس اني بانفجر

[حسن]

[QUOTE=حراير قطر;8573282][center]

[size="6"][font="comic sans ms"]لا عقب بتروحون تشتكون على الموظفين

اللي يخلون شغلهم ويروحون يجيبون عيالهم من المدارس

" [color="red"]تـــنـــاقـــض "
انا موظف واروح اجيب عيالي من المدرسه اطلع الساعه 1 ونصف والمدراس متاخره
وبعدين عني سواقين لكن ولا واحد له خص في عيالي
وزوجتي في البيتورفضت انها تشتغل وتجيب البنت عندي وهي تسوق

كل انسان بالاراده والعزيمه والاهداف يقدر يسوي اللي يببيه
ام المره شغاله والزوج شغال وهدفهم تخطيط حق السفر ومن هل الخرابيط بارزين

اي عمل في اي وزاره عقب الصلاه مافي حد يراجع واعتقد الموظف اللي بيطلع في بديل
هذا احنا انشوف الموظفين والموظفات بطاله مقنعه على الاخر

يقول المثل الضامي يكسر الحوض

[NINA RICCI]

في امهات مهملات الصراحه ..

حتى الام الي ترسل عيالها مع خدامه بعد يبيلها توعيه , لان ممكن يصير شي بين السايق والخدامه وهي بذمتنا .. فالمفروض يخافون بعد على الخدامه

[روز باريس]

اختي اللي صار عين العقل وجزاج الله خير
والله يكثر من امثلج

[حسن]

في امهات مهملات الصراحه ..

حتى الام الي ترسل عيالها مع خدامه بعد يبيلها توعيه , لان ممكن يصير شي بين السايق والخدامه وهي بذمتنا .. فالمفروض يخافون بعد على الخدامه

ماتشوفين القمل منتشر بين البنات
والميكب وغيره وعندي موضوع عن بعد اهمال الامهات بس ماقدر انزله اليوم بكره ترقبوني :victory:

[روز باريس]

في انتظارك

[NINA RICCI]

بس ترا بعد يعتبر اهمال من الاب .. وين دوره !!!

[حسن]

بس ترا بعد يعتبر اهمال من الاب .. وين دوره !!!

الاب هو ساس البلا كله

[خليفـة]

بارك الله فيج على نيتج الطيبة
وحرصج وخوفج على البنت

فيه ناس ان سويتي معاهم خير ردوا عليج بالشر
بالتالي الأفضل ان نتركهم وندعوا لهم بالستر
عشان ما تجينا مشاكل احنا في غنى عنها

خليفــة

[حراير قطر]

اناا تفق معاك وتبدا التوعيه من المدارس طرد الخادمات من المدارس وطرد السواقين ها شرايكم

خلوها


روح للمدير واشتك عليه الصراحه بعض الادارات الوضع فيها مترهل
يبلها نفض

اخ حسن هذا اسمه تناقض

من بدال ما تعذر الموظف اللي طلع وراح يأخذ ولده

اللي خايف على ولده الصغير من الدريول

وقلت لعاهد يروح يشتكي عليه ...

واهنيه جيت وقلت طرد السواقين

لين طردنا سواقين من راح يأخذ عيالهم من المدارس

على هذا انا رديت عليك وقلت تناقض

وانا بعد موظفة واروح اخذ عيالي دوامي ينتهي 1 ونص

ومأخذه اذن من الدوام نص ساعه بحكم مشواري لين المدرسه

وكلنا اخوان واخوات بالمنتدى .. بارك الله فيك ...

[كازانوفا]

يا الله لو اني مكانك غير اسكر الخط بوجهها بعد ما اسمعها كلمتين شي يقهر انا خايفه على بنتها هي اتبهدلني بهالطريقه
لا عاش ولا كااان

[R 7 A L]

ياجماعه
اتكلم جد والله
خلونا نسوي حمله قويه ضد ترك الاطفال مع الخدم

مانمنع ولكن نسوي توعيه قويه عن اساليب التلاعب الي يسوونها الخدم
من خلف اظهر اولياء الامور
ويترك القرار للام والاب
بس نسوي صحوه وتوعيه
لازم نأتي على ذكر الوقائع المؤلمه ال حصلت في المجتمع وقائع حيه
ماظن فريج ماتعرض فيه بيت من البيت لتحرش السائق بالخادمه
تحرش السائق باحد الاطفال
تحرش الخادمه بالذكور الاطفال في الاسره
يجب ان يعرف الام والاب ان الخادمه والسائق يخفون الكثير في انفسهم ولا ظهرون سوء اخلاقهم بوضوح





نبي حمله تتبناها
الجهات الحكومية الرسمية الى الدولة تخسرت فيها ملايين الملايين ولا شفنا منهم شي مجرد أسم ومباني جميلة على الشوارع العامة فقط .

[wadha-qa]

عند المدارس شوفي الدريوليه شلون مطيحين الميانه مع البنات الصغار مادري شلون الام تخلي البنت بهذي الطريقة ؟ المفروض الكلام بينهم يكون محدود مب سوالف و ضحك كانه واحد من اخوانها ؟؟

[عبدالعزيز الهتمي]

الاب هو ساس البلا كله
يمكن الأب مخلوع والعيال عند أمهم

[حبر وقرطاس]

ياجماعه احنا نتكلم ونكتب من خلف الكيبورد

لكن اكاد اجزم ان الحمله لو فعلا فعلناها راح تنقذ مئات الاطفال وتفتح قلوب وعيون امهات غافلين بمشاغل الحياه واباء منشغلين عن ما تقوم به الامهات من تخاذل ..نعم اسمه تخاذل

نحن لا نعلم في هذه اللحظه كم طفل وطفله من مراحل سنيه مختلفه العين عليه من قبل السائق او الخادمه او حتى راع الدكان او المعصره ويتحين الفرص

قد نكون سبب في انقاذه من تحرش يترك بصمه مؤلمه في ذاته البريئه وطفولته التي كالصفحه البيضاء
قضايا التحرشات المتكرره
قضايا الاغتصاب للجنسين من الاطفال
يشيب منها الراس وتخلي الدم يغلي في العروق

فعلوها هالحمله يا شباب
دعونا لا نتبادل الاتهام ونضع اساسات للحمله

[حراير قطر]

يمكن الأب مخلوع والعيال عند أمهم

واذا الاب مخلوع هذول مب عياله ؟؟؟

ما ادري متى الناس تفهم بأن العيال مالهم خص بمشاكلهم

ليش مخلين عيالهم يعيشون بحالة قلق وتوتر في شيء اهم مالهم خص فيه

ما اقول الا الله يكون بعونهم

لين جاء وقابل ربه خل يقول انا مخلوع

كلكم راع وكلكم مسئول عن رعيته ...

حديث مرفوع) وَأَخْبَرَنَا أَبُو عَلِيٍّ ، حَدَّثَنَا أَبُو الْمُثَنَّى ، حَدَّثَنَا الْقَعْنَبِيُّ ، ثنا عَبْدُ الْعَزِيزِ ، وَهُوَ ابْنُ الْقَسْمَلِيِّ ، عَنْ عَبْدِ اللَّهِ بْنِ دِينَارٍ ، عَنِ ابْنِ عُمَرَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ , وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ , أَلا فَكُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ " . فَجَعَلْتُهُ نَظْمًا , وَقُلْتُ : قَوْلُ النَّبِيِّ الْمُصْطَفَى حُجَّةٌ مَقْبُولَةٌ فِيمَا رَوَيْنَاهُ أَمِيرُكُمْ رَاعٍ وَكُلُّ امْرِئٍ يُسْأَلُ عَنْ حَالِ رَعَايَاهُ وَتُسْأَلُ الْمَرْأَةُ عَنْ بَعْلِهَا وَالْبَعْلُ عَنْهَا يَوْمَ يَلْقَاهُ وَالْعَبْدُ مَسْئُولٌ مُثَابٌ عَلَى مِا عِنْدَهُ مِنْ مَالِ مَوْلاهُ .

المصدر

http://www.islamweb.net/hadith/display_hbook.php?hflag=1&bk_no=1248&pid=336710

[عبدالعزيز الهتمي]

واذا الاب مخلوع هذول مب عياله ؟؟؟

ما ادري متى الناس تفهم بأن العيال مالهم خص بمشاكلهم

ليش مخلين عيالهم يعيشون بحالة قلق وتوتر في شيء اهم مالهم خص فيه

ما اقول الا الله يكون بعونهم

لين جاء وقابل ربه خل يقول انا مخلوع

كلكم راع وكلكم مسئول عن رعيته ...

حديث مرفوع) وَأَخْبَرَنَا أَبُو عَلِيٍّ ، حَدَّثَنَا أَبُو الْمُثَنَّى ، حَدَّثَنَا الْقَعْنَبِيُّ ، ثنا عَبْدُ الْعَزِيزِ ، وَهُوَ ابْنُ الْقَسْمَلِيِّ ، عَنْ عَبْدِ اللَّهِ بْنِ دِينَارٍ ، عَنِ ابْنِ عُمَرَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ , وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ , أَلا فَكُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ " . فَجَعَلْتُهُ نَظْمًا , وَقُلْتُ : قَوْلُ النَّبِيِّ الْمُصْطَفَى حُجَّةٌ مَقْبُولَةٌ فِيمَا رَوَيْنَاهُ أَمِيرُكُمْ رَاعٍ وَكُلُّ امْرِئٍ يُسْأَلُ عَنْ حَالِ رَعَايَاهُ وَتُسْأَلُ الْمَرْأَةُ عَنْ بَعْلِهَا وَالْبَعْلُ عَنْهَا يَوْمَ يَلْقَاهُ وَالْعَبْدُ مَسْئُولٌ مُثَابٌ عَلَى مِا عِنْدَهُ مِنْ مَالِ مَوْلاهُ .

المصدر

http://www.islamweb.net/hadith/display_hbook.php?hflag=1&bk_no=1248&pid=336710



بعض الحريم هم الي سعو لخراب بيوتهم واختارو حياة منزل بدون اب وهي تصير الأم والأب في نفس الوقت ونسو أن الأب حتى لو عنده سلبيات غير الشرب والعياذ بالله ممكن الصبر عليه عشان ما يطبع المركب ،،
وبقولج حاجه بعضهم يمنع تدخل الأب في حياة الأبناء والحجه الحضانه ،،
الله يستر على جميع المسلمين ولحد يفهم كلامي على انه كل مطلقه سيئه بالعكس يمكن واجهتها ظروف قاهره وماقدرت تتحمل ولكن الغالبيه العظمى انضحك عليهم من خلال بعض الشعارات والحين متندمين ،،
أذكر لج سالفه سريعه لواحد أعرفه معرفه شخصيه رجال مسكين خلوق تزوج وحده وخسر عليها قريب 600 ألف وغير السفرات ودلعها آخر دلع المهم الرجال وفجاءه بعد 5 سنين اطلبت الطلاق ولا بعد حطت محامي شاطر وآخر شيء طلعو ورقه من الطب النفسي انه الرجال مينون مادري شيء من هذا القبيل لأنه فتره سابقه كان يتعالج هناك وهالورقه ساعدتهم كثير،،
اعتقد الاعضاء يعرفون مئات القصص المشابهه بطلتها حرمه شاده الظهر بالقوانين وبعض المحامين الي لا لهم لا ذمه ولا ضمير حسبي الله عليهم ،،
الله يعين الرجال

[حبر وقرطاس]

خلونا نبدأ من المدارس المستقله والخاصه كخطوه اولى

يجب على كل مدرسه ان تجعل مسؤوله اومسؤول يقوم بتوزيع نموذج اسئله على جميع الطلبه والطالبات الذين يستقلون السيارات الخاصه في الذهاب والاياب للمدرسه وتشمل على اسئله :
هل تعتمد/ تعتمدين اعتماد كلي على الخادمه والسائق لتوصيل الابناء ؟
منذ متى ؟
ما اسباب الاعتماد ؟( ترك عده اسطر للشرح )
هل خاطبت/ خاطبتي اداره المدرسه عن ظروفك الت تستدع ايصال ابنك او ابنتك مع السائق والخادمه؟
هل واجهت/ واجهتي صعوبه في التنسيق مع الاداره المدرسيه؟
هل تقوم / تقومين بتوعيه ابنك او ابنتك عن سلوكيات التحرش وماهو مفهومه؟
متى اخر مره تناقشت مع ابنك او ابنتك عن التوعيه ضد التحرشات الجنسيه ؟
هل علاقه ابنك/ ابنتك تغيرت بالخادمه او السائق؟
هل سألت ابنك / ابنتك عن شعوره اثناء تواجده مع الخادمه والسائق؟
هل لديك مقترحات؟
((( طبعا يعطى الاستبيان للطالب لايصاله لولي الامر او تنظم المدرسه بحضور اخصائيه نفسيه محاضره توعويه بهذا الخصوص وتوزع الاستبيان ويتم تسليمه قبل الخروج من المحاضره ))))
ملاحظه : جميع المعلومات تحفظ بشكل سري ولا يطلع عليها سوى الاداره المعنيه ، تم عمل هذا الاستبيان من اجل السلامه والتوعيه للولياء الامور من الاعتماد الكلي على الخدم والسائقين، نرجو منكم عدم التردد بالاتصال او مراسلتنا على البريد الالكتروني #$@#$
وش رايكم؟؟؟؟؟؟؟

لو تبنت اي مدرسه هذه المبادره ابصم بالعشر سيتم اكتشاف شئ لان نمط الاستبيان سيجعل كل وليه امر وولي امر ان يتقرب من ابنه او ابنته ليعرف انهم بخير

اي حد يعرف مدارء مدارس فالمنتدى ليدعوهم للاطلاع

[فرهود]

السايق وما ادراك مالسايق !

[حلم الطفولة]

كل الشكر لك اختي الصغيرة على هذا الموضوع واشكر لك غيرتك وحرصك واهتمامك..

زاد المال وزاد الاهمال ,, انا في هذا الموضوع اضع اللوم على الام والاب ..ثقة زايدة بالخدم + اهمال
رب الاسرة هومن ترك السائق الأجنبي يمسك زمام أمور الأسرة بدلا منه،السائق الأجنبي هو الذي عوض كسل بعض الازواج عن القيام بواجباتهم المنزلية، بعض العائلات يضعون ثقة عمياء في السائق، يقوم بتوصيل الابناء الى مدارسهم و أصبح يقوم بتخليص المعاملات البنكية ويطلع على الحسابات الشخصية لا ويعطي السائق بطاقته الائتمانية والرقم السري,, يعني سلمه الجمل بما حمل:omg:

سالفة قديمة

ذهبت لزيارة امرأة كبيرة في السن واذا هي تقول تغطو الخادم بيدخل :eek5: قلت لها شلون يدخل عليكم .. قالت هذا الصبي (الخادم) ولدنا :eek5: تقصد انها تعامله مثل ولدها ولا تمنعه من الدخول الى البيت :anger1:

انا هنا استغربت من الثقة العمياء التي بين الناس وبين الخدم ,, ونسوا تعاليم الدين والخلوة .. والله المستعان:(

[الصغيره]

بارك الله فيج اختي على غيرتج وفعلا مثل هالاباء والامهات يعتبرون مقصرين بحق أطفالهم .... والله يستر على الجميع وللأسف في ناس ما تتقبل النصيحة خير شر

جزيت الجنه

الله سبحانه وتعالى العالم انني معروفه باسرتي الكبيره بوعضي وارشادي ونصحي الدائم سواء بحق الاطفال او بحق الخادمات لانهم بالذمه وفيه قصص الصراحه يمكن لو اكتبها بيقولون هذاي ما تقول الصدق

استغل الجلسات النسائيه والبلك بيري وانصح بقدر لمستطاع لكن لنصيحه الحين صارت تزعل للاسف

لكن الانسان يسوي اللي عليه والله بيجزاه خير

سعدت بمرورك وتواجدك

[الصغيره]

هذول اللي ينقال عنهم مهب قد المسؤوليه ولاهم قد نعمة الابناء وللاسف كثير من هالنوعيه متواجده في مجتمعنا اهمال مابعده اهمال ومايتحركون الا بعد ان تقع مصيبه لا تحمد عقباها .. بيض الله وجهج ماعليج قصور والله يخلف على هالنوعيه من الاباء والامهات او نقدر انقول عنهم اشباه اباء وامهات

جزيت لجنه وشكرا لك على التواجد والمرور الطيب

[الصغيره]

اختي موقفج مشرف ولو انا بمكانج باسوي نفس الشي وانا معاج في حمله حماية اولادنا وبناتنا من الخدمات والسواقيين وفي ميزان حسناتج الي سويتيه حبيبتي

هلا وغلاء بالاخت الطيبه وابشري راح انزل موضوع ارشادي ونتشارك فيه بالنصع والافكار اللي ممكن تساعد او تنبه او تدراء من وقوع مصيبه ونطرح افكار للامهات اللي مايلقن وقت للبيت والعيال وراح نجمع روابط او احاجيث تبين للامهات مسؤوليتهن وكل منا ينشره بطريقته عبر وسائل لاتصال او التواصل الاجتماعي

كوني مني قريبه وحياج الله :nice:

[الصغيره]

مأجوره على مبادرتج ولكنها في غير محلها وبذك لطريقه

المشكله انتي صادقه ولمست الصدق في كل ماكتبتي وشعرت بعمق ماتشعرين وانشالله

الله يثيبج على انسانيتج وضميرج الحي اختي الصغيره الكبيره بالعقل والقلب

الا انه ينقصك حسن التدبير ، المفروض كنتي تكلمين البنت عالجنب وتقولين لها مثلا:

حبوبه عندج اخت اسمها فلانه ف مدرسه كذا ( مجرد تمثيل ) بترد البنت لا ( هنا تكوني كسرت حاجز فتح الحوار
عقب تقولين لها تشبهينها وايد زين امج معاج ؟ البنت بتقول لا قولي لها من معاج بتقول السواق ( مثلا )
قولي لها حبيبتي مايصير المره الجايه تعالي مع امج او ابوج احسن تعرفين ليش؟
بتقول ليش ؟ قولي لها : لانه قاموا يمنعون البنات الصغار يدخلون الميره من غير امهم او ابوهم ( عقب عطي رقمج لها وقولي لها عطيه ماما وقولي لها ام فلانه تسلم عليج وتبيج تكلمينه اذا فضيتي)
وسلمي علبنت وروحي
لا رجعت البنت اليت وجاج رقم غريب اكيد الام متصله بحكم ان بنتها قالت لها يمه ام فلانه تسلم عليج وعطتني رقمها لج
فبتتصل لج هنا عاد عطيها المقسوم
قولي لها انا فلانه الفلانيه وساكنه فالفريج هذا والله ماكذب عليج بنتج حسبه بنتي وبنفس عمرها وماحبيت اشوف بنت مثل الورده مع السواق وبغيت انبهج عشان لوجه الله ومبين من مشيته وتصرفاته في الميره انسان لا يؤتمن .
اذا جيتيها بالطيب اقطع يدي اذا قالت كلمه وش دخلج
بالعكس راح تقول مشكوره وماقصرتي
وان قالت وش دخلج قولي لها قلبي نغزني اللهم بلغت اللهم فاشهد والعذر والسموحه ان اخطيت وسكري الخط .

كلام سليم وواقعي يمكن ما جاتني الفكره لجزعي ورهبتي من المنظر فلا يجوز يا اخي ان اشرح شكل البنت ولو شفت معها على الاقل خدامه كان اخف علي من وقع ما انا فيه حتى طريقة مشيي خلفهم كانت بشكل يقول هذي بتركض السايق كان ينظر لها نظره فيها شيء مريب وهي بريئه يعني هالبنت وفلوس وسايق وجمعيه

ااااااه بس ذكرتني بموقف عند مستشفى الولاده طفله في حضن السايق بالسياره يعني طفله سنتين ينتظر المدام تخلص لها شغله داخل بعد ما تصرفت تصرف سليم لاني هاوشت بس السايق وهو قال بمعنى ايش اسوي المدام قالت امسكها كنت مستعجله والطفله واقفه ومتمسكه بالدركسون وهي بحضنه لين الحين نادمه اننني ما كلمت الام والا خذيت رقم الاب :(


والله لا يجعلني اشوف من هالمناظر مالا يعجبني


شكرا لك وسعدت بتواجدك وردك

[الصغيره]

حبيبتي انتي انسانه فاهمه واعيه وناضجه وام حريصه ولا انتى مريضه نفسيه انتي قلبك يعورك على عيال الناس لانك ام والي ماترضينه لعيالك ماترضينه لاحد ثاني

لاكن للاسف مجتمعنا الي مريض اذا جيتي تنصحين سكتوج بكلمه وهي شدخلها لاكن صدقيني الام الي كلمتيها في قراره نفسها تدري انها غلطانه انا نفسج اذا شفت بنت صغيره في سوق ولا جمعيه بروحها اموت اربعين موته

احنا في زمن الله يكفينا شره بارك الله فيك اختي

للهم لك الحمد فيه ناس يختي مثلي ومثلك لكن بعد فيه ناس اما غباء او استغباء او بروووود يعني مافيه حد يلاحظ يشوف يسال مافيه جار جاره اخ اخت عم خال ينصحون على الاقل

مرت محمد سلمتي على تواجدج وردج لطيب

[الصغيره]

جزاج الله خير على النصيحة .. وبالفعل هناك إهمال مخيف من البعض الله يهديهم ..
من كم يوم كنت في حديقة الوكرة ..وشفت خدامة ماسكة طفل صغير يمكن ماكمل السنة في حضنها ، وطفل ثاني يمكن عمره 5 سنوات .. المهم كانت توكل البيبي ذره .. لقمه تاكلها واللقمة الثانية للبيبي بنفس الملعقة.. وترد تشرب فانتا للطفل الثاني وتعطيه يشرب وراها ..
قلت لو شفت الأم بكلمها .. المهم بعد شوي شفتها مع نفس الأطفال ومع خدامة ثانية جنب لعبة .. تشجعت وكلمتها .. قلت لها إني شفتج تسوين هالحركة وهالشي موزين .. قالت لا أنا كلت وشربت اللي زاد من الأكل .. بعد ما خلصوا يعني .. قلت لها لا أنا شفتج بعيوني توكلينهم وتشربينهم عقبج ..تدخلت الخدامة الثانية وقالت لها (خلي يولي ) قلت لها شهالكلام .. أنا من جهة مسؤولة .. وين أمهم؟ قالوا مو موجودة ..قلت لهم عطوني رقم جوالها ..ما عطتني .. وقالت وليش يعني الخدامة مو إنسان ؟ قلت لها إنسان لكن هالطريقة غلط ..تنقل الأمراض ولو شافتهم أمهم أكيد ما بترضى ..عصبوا وراحوا .. حاولت أفهم الولد الصغير اللي ظل يسأل شالسالفة .. وقلت له عطني رقم جوال الماما .. قال ما أعرفه :(


اما السائقين فحدث ولا حرج .. الله يكفينا الشر يارب ..عدة مرات شفت أطفال صغار جداً مع خدم وسائقين بروحهم وأحياناً على أبواب المدارس تنزل الخدامة وتخلي واحد من الأطفال مع السايق بروحه :(

الله يحفظنا ويحفظ عيالنا يارب


ربي يستر والله حرام الاطفال اش ذنبهم زميلاتي لما قلت لهم بالشغل القصه قالوا انتي ماشفتي شي فيه الادهى والامر وكلن صار يسرد قصه وقصه وقصه وياللهول على ما سمعت من اهمال الامهات لدرجه انها تثق بالدريول ثقه عمياء لكن وين الرجاجيل وين راحت الرجوله والغيره والمسؤوليه الاطفال لازم لازم يكون فيه ماده تحذيريه تدرس لهم بالمدارس والله اني اذكر باحد المنتديات الخليجيه اللي اكتب بها جاتني رساله من شابه تقطع القلب واللي هي ضحيه سايق العايله ومش السايق وبس حتى الاصدقاء واصدقاء الاهل


للاسف الام الام الام هي المسول الاول ولاخير والاب يتحمل عقابه من ربه لانه وفر للام كل شي حتى تسهل تربية عيالها لكنها استغلت ثقة الاب واهملت اكثر واكثر


عزيزتي سعدت بمرورك وردك اللي شرح ماساه كبيره يتعرض لها اطفالنا

لك مجمل التقدير

[الصغيره]

ياجماعه
اتكلم جد والله
خلونا نسوي حمله قويه ضد ترك الاطفال مع الخدم

مانمنع ولكن نسوي توعيه قويه عن اساليب التلاعب الي يسوونها الخدم
من خلف اظهر اولياء الامور
ويترك القرار للام والاب
بس نسوي صحوه وتوعيه
لازم نأتي على ذكر الوقائع المؤلمه ال حصلت في المجتمع وقائع حيه
ماظن فريج ماتعرض فيه بيت من البيت لتحرش السائق بالخادمه
تحرش السائق باحد الاطفال
تحرش الخادمه بالذكور الاطفال في الاسره
يجب ان يعرف الام والاب ان الخادمه والسائق يخفون الكثير في انفسهم ولا ظهرون سوء اخلاقهم بوضوح
:nice:
قول وفعل يالله عليك تالف فريق توعون الابوان وتنشرون بينهم وتنبهونهم وعلينا احنا بنات المنتدى نسوي فريق كلن بعمله وكلن بالبلاك بيري ونسوي مواضيع ونحط جهدنا مع بعض

خلونا نتواصل عبر الخاص بافكار نطرحها بموضوع بالمنتدى حمله توعيه عن خطر العماله على الاطفال سواء بالتربيه او بالتحرش او بالاستغلال

هذي رسالتنا جميعا :anger1:

وجزيت الجنه امييييييييييييييين

[الصغيره]

قمنا نشوف ونسمع اشياء ماكنا حتى مجرد تفكير نعتقد انها بتصير في مجتمعاتنا

مثل هالأشكال حرام يكون عندها عيال
مايقدرون النعمه الى ربي منعمها عليهم

تدرون ليش ؟
لان الأغلبية من هالأشكال
في جو وعيالهم في جو
وأكثر أجوائهم نتنه وفاسدة


بارك الله فيك اختي
امري بالمعروف وانهي عن المنكر ولاعليك من أحد

وانت صادق ياخوي صرنا وين مانروح نرد مرضى من ما نشوف

للاسف البعض ان ماكان الاغلبيه مهمل واحمل الام الام الام النصيب الاكبر بهالاهمال مهما كان الرجل وراه العمل والمكده والتعب لكن بعد عليه ان يوري الام اهتمامه وانه وراها ويلاحظ اهمالها

وصدقت بعض الامهات ماتدري وين عيالها والا اصلا ايش كلوا
بعض الامهات بمحلات القاهم عيالهم معها لكن وين عند الباب مع الخدامه والخدامه تجرر وتقرص بهم وهي لاهيه بشم عطر او تجربة حمره شفاه

ربي يرحم امهاتنا ويطول بعمارهن ويشفع لنا صبرنا على تربية عيالنا عند ربنا يوم نقوم يوم الحساب


سعدت بتواجدك وردك الطيب

[الصغيره]

الله يجزاكم خير

ويجزاك مثله كل خير

[الحريّه]

جزاكِ الله خيراً على مبادرتك الرائعة و التي تدل على أن لكِ قلب أمٍ و مواطنةٌ و إنسانة .
يوجد الكثير مثل هؤلاء الأمهات و الآباء , أبتُلي بهم أبناءهم و المجتمع . فكل مواطنٍ مُدَمّر تم تدميره غالباً من قِبَل أسرة مهملة لم تكن في مستوى الأمانة التي أناطها الله في عنقها.
أقترح أن يقوم من يشاهد موقفاً مماثلاً بعمل ما قامت به الأخت الفاضلة . فإن وجد تعاوناً و احتراماً و شكراً للمبادرة و الإعتراف بالغفلة , فقد تكون الرسالة وصلت صاحب الشأن , و إن ووجه بما ووجهت به أختنا الكريمة , يسجّل رقم السيارة و يقدمه لحقوق المرأة و الطفل , ويُبلّغ بما رأى و شاهد . فهذا يشابه ما تقوم به المدارس إزاء أُسرٍ مهملة لأبنائها .
يكفي الأوطان ما يعانيه مواطنوها من هجومٍ خارجي من قبل الثقافات العالمية المريضة . فهي ليست بحاجة لأن يكون التدمير من داخلها!
كنت أنقهر عندما أشاهد الأفلام الأجنبية و حين أرى تدخّل الدول و المؤسسات الإجتماعية في علاقات الأسر و الآباء والأمهات من مبدأ الحفاظ على الطفل , إلا أنني تفهّمت الآن هذا المستوى من التدخل بعد رؤية مستويات الإهمال التي يتعرض لها الأبناء .
تحياتي:discuss:

[الصغيره]

اناا تفق معاك وتبدا التوعيه من المدارس طرد الخادمات من المدارس وطرد السواقين ها شرايكم

خلوها

عز الله ما نجحنا اول من بيقوم علينا المدرسات اللي جايبهم الدريول وبيقولون عيالنا من بيوديهم والغداء من بيطبخه

نوعيهم بان نفتح عيون اولياء الامور على بعض الصور اللي يمكن مش ملاحظينها على شرود الاطفال على نظرات السايقين على ابتسامات الخدامات


ام تقول اكتشفت علاقه السايق بالخادمه من خلال جوال قبل تنزل اتصلت على جوال معها هلا كرت وخلته بالسياره ويوم نزلت بالدوام ظلت على الخط ماسكرت والتلفون اللي خلته بالسياره ينقل لها صوت السايق والخدامه وسمعت العجب ومرضت مرض شديد من فضاعة ما سمعت ولكن بعد ايش حسبي الله والنعم الوكيل


شكرا لتواجدك

[الصغيره]

بارك الله فيش

وجزيت كل الخير

[الصغيره]

انتي صح وكسبتي اجر النصيحه

جزاك الله خير على غيرتك

اتمنى ياخوي ان الام تغير اهمامها وتنتبه وتلاحظه ويصحى ضميرها

وجزاك الله كل خير

[الصغيره]

كفو عليج

المفروض اي احد يتصرف مثلج

جزاج الله خير وبارك الله فيج

وجزاك اختي واملي اننا نبث النصح بين اخواتنا واخوانا واقرب الاقرباء وننبه وننصح

سعدت بمرورك وتواجدك

[الصغيره]

لا ملقوفه ولا شيء
الله يأجرك على غيرتك
الله يستر على المسلمين والمسلمات

امييييين وجزيت الجنه

شكرا على تواجدك

[امـ حمد]

يزاااج الله خير حبيبتي على النصيحه
والله هالأشكال حرام يكون عندها عيال
مايقدرون النعمه الى ربي منعمها عليهم
والعيال أمانه عندهم حبيبتي ماغلطتي انت نصحتي والنصيحه دين ولج الأجر ان شاء الله والساكت عن الحق شيطان أخرص
وانتي ماشاء الله عليج انسانه فاهمه واعيه وناضجه وام حريصه ولا انتى مريضه نفسيه انتي قلبك يعورك على عيال الناس لانك ام والي ماترضينه لعيالك ماترضينه لعيال الناس
الله يهدي أم البنت بدل ماتشكرج تهاوشك الحمد لله حنا في دنيا يضيع حق المظلوم فيها


وأنت حبيبتي ماغلطتي

[حميداني]

قلب حي ونيه طيبه يالصغيره لكن التصرف كان خطأ
البدايه المفروض ما كنتي تكذبين بموضوع صديقتها ومادري ايش لان هذا الشي يكفي
انج تعطين الانطباع الاول

كنتي المفروض تكلمين البنت بصوره عاديه وتقولين لها حبيبتي امج اهني ؟
ان قالت لا اتقولين لها اتصلي لي على امج ابي اكلمها
ان قالت لج ليش قوليلها فيه مشكله حبيبتي ولازم اقولها اياها

بعدها تكونين مباشره مع الام وتقولين والله شفت السايق يطالع بنتكم بنظرات وحبيت انوهج اختي ... وبس تنهين المكالمه وياها
الصوره والرساله بتوصل بشكل واضح

ماتفرضين رايج بالحلال والحرام كأن معلومتج هي الصح ودامها الام مب معاج تعطينها اياها كشيء ملموس واللي هو اللي تشوفينه
وصدقيني بتشكرج على هذا الشي وراح توصلها الفكره

اما ان كانت الام موجوده هم بعد ما يستوي تقولين لها بس جذي , والله هو حرام !
تقولين لها اختي ممكن لحظه من وقتج انا سمعت هذا الشي كذا ودليله كذا والله يعلم ما ادري
وان ما عندج دليل والله اختي سمعت ان هالشي كذا ولا تحطين حالج بصورة ال100%
وعطي اللي قدامج فرصة التساؤل

وان تبين الصراحه كان شكلج ملقوفه بهالموقف وعادي كانت الام تخاف على بنتها منج
الله يوفقج الصغيره

[جادووور]

جزاك الله خير. اللي سويتيه عين العقل وهذا اللي مفروض الله يستر عليج دنيا واخره

[طبيب قطري]

اختي صاحبة الموضوع:بالعكس انتي مب ملفوقه ولاشي وانا لو مكانج وشفت هالمنظر كنت بسوي نفس الشي او كنت بمشي ورآهم بالسياره لين بيتهم وبتكلم مع الأب ..

[توشيبا]

ليه خفتي وشردتي

انا ضربت دريول كان يضرب طفل معه واهو يصب بترول كفخته تكفخ وجاني كفيله يهددني ورافع صوته وكفخت كفيله واخذت سجن بسببهم

بعدها مالي شغل في الناس

ناس احس انهم جايبين عيالهم بالغلط وغلطت عمر

[الحريّه]

ليه خفتي وشردتي

انا ضربت دريول كان يضرب طفل معه واهو يصب بترول كفخته تكفخ وجاني كفيله يهددني ورافع صوته وكفخت كفيله واخذت سجن بسببهم

بعدها مالي شغل في الناس

ناس احس انهم جايبين عيالهم بالغلط وغلطت عمر



ههههههههههههه !! أقسم بالله إنك شهم وكفو ! و مثلك قليل ! و انت ما انسجنت إلا لأنا في زمن أغبر و مقلوبة فيه الحقوق ! لكن هذي يسمونها بلاوي الغافلين يا خوك !
لا عزاء للشهم من الرجال :victory:

[king fish]

تصرف جرئ منك خصوصا انك ام وعندك غيره

[لولو2022]

قلب حي ونيه طيبه يالصغيره لكن التصرف كان خطأ
البدايه المفروض ما كنتي تكذبين بموضوع صديقتها ومادري ايش لان هذا الشي يكفي
انج تعطين الانطباع الاول

كنتي المفروض تكلمين البنت بصوره عاديه وتقولين لها حبيبتي امج اهني ؟
ان قالت لا اتقولين لها اتصلي لي على امج ابي اكلمها
ان قالت لج ليش قوليلها فيه مشكله حبيبتي ولازم اقولها اياها

بعدها تكونين مباشره مع الام وتقولين والله شفت السايق يطالع بنتكم بنظرات وحبيت انوهج اختي ... وبس تنهين المكالمه وياها
الصوره والرساله بتوصل بشكل واضح

ماتفرضين رايج بالحلال والحرام كأن معلومتج هي الصح ودامها الام مب معاج تعطينها اياها كشيء ملموس واللي هو اللي تشوفينه
وصدقيني بتشكرج على هذا الشي وراح توصلها الفكره

اما ان كانت الام موجوده هم بعد ما يستوي تقولين لها بس جذي , والله هو حرام !
تقولين لها اختي ممكن لحظه من وقتج انا سمعت هذا الشي كذا ودليله كذا والله يعلم ما ادري
وان ما عندج دليل والله اختي سمعت ان هالشي كذا ولا تحطين حالج بصورة ال100%
وعطي اللي قدامج فرصة التساؤل

وان تبين الصراحه كان شكلج ملقوفه بهالموقف وعادي كانت الام تخاف على بنتها منج
الله يوفقج الصغيره


جزاك الله خير يا حميداني .. اسلوبك رائع اكيد انت أخصائي
وجزا الله اختنا كل خير ، كانت منفعله من المنظر الي شافته

[كازانوفا]

ههههههههههههه !! أقسم بالله إنك شهم وكفو ! و مثلك قليل ! و انت ما انسجنت إلا لأنا في زمن أغبر و مقلوبة فيه الحقوق ! لكن هذي يسمونها بلاوي الغافلين يا خوك !
لا عزاء للشهم من الرجال :victory:

اعتقد والعلم عند الله ان هذه الكلمه (زمن اغبر ) مكروهه او محرمه لانه الزمن هو الدهر والدهر هو الله

(حديث قدسي) ثنا عُمَرُ بْنُ عَبْدِ الْعَزِيزِ بْنِ مِقْلاصٍ الْمَصْرِيُّ ، ثنا أَبُو صَدَقَةَ مُحَمَّدُ بْنُ عَبْدِ الأَعْلَى الْقَرَاطِيسِيُّ ، ثنا نَافِعُ بْنُ يَزِيدَ ، عَنْ عُمَارَةَ بْنِ غَزِّيَّةَ ، عَنِ الزُّهْرِيِّ ، عَنْ أَبِي سَلَمَةَ ، عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ , قَالَ اللَّهُ عَزَّ وَجَلَّ : " يَسُبُّنِي ابْنُ آدَمَ ؛ يَسُبُّ الدَّهْرَ وَأَنَا الدَّهْرُ أُقَلِّبُ اللَّيْلَ وَالنَّهَارَ "

[الصغيره]

بارك الله فيج على نيتج الطيبة
وحرصج وخوفج على البنت

فيه ناس ان سويتي معاهم خير ردوا عليج بالشر
بالتالي الأفضل ان نتركهم وندعوا لهم بالستر
عشان ما تجينا مشاكل احنا في غنى عنها

خليفــة

جزيت كل خير وفعلا النصيحه والتنبيه صار على قلوتهم تبلي وتدخل بما لا يعنيك لكن لا بد من النصح والا على الدنيا السلام

الله يسعد صباحك وشكرا على التواجد والمشاركه




الاب هو ساس البلا كله

كل اب لاهي عن بيته وراه قصه اما عمل متواصل ما يلقى على قولتهم وقت يحك راسه او خلفه حب لعب زواج سري بيت ثاني او رحلات مع الاصدقاء او تجاره اهمل من اجلها امور ربي راح يحاسبه عليها

شكرا على الاهتمام والردود الطيبه


بس ترا بعد يعتبر اهمال من الاب .. وين دوره !!!

بعض الاباء للاسف مش رجل ولكن صوره تحركها متسلطه ومهمله للاسف

الله يسعد لي هالصباح وحياج الله



ماتشوفين القمل منتشر بين البنات
والميكب وغيره وعندي موضوع عن بعد اهمال الامهات بس ماقدر انزله اليوم بكره ترقبوني :victory:

ياليت على القمل وبس الا بلاوي يشيب منها العقل

وبنتظارك وبنتظار الموضوع اخي حسن

شكرا لك

اختي اللي صار عين العقل وجزاج الله خير
والله يكثر من امثلج
ولك خير الجزاء وهذا اقل ما نسويه للابرياء يعني لطاح الفاس بالراس بتنتبه الام تلك اللحظه
امهات مسميات واباء اهملوا لكن طفال وش ذنبهم


في امهات مهملات الصراحه ..

حتى الام الي ترسل عيالها مع خدامه بعد يبيلها توعيه , لان ممكن يصير شي بين السايق والخدامه وهي بذمتنا .. فالمفروض يخافون بعد على الخدامه

وهو ما صار يا ااختي الا صار وصار للاسف والصور كثيره كم خادمه حملت سفاح وانجبت والام حتى مالاحظت حمل الخادمه كم طفل لقوه بالزباله وكم وكم ام بالبيت ولا تلاحظ تعب خداماتها ولا حملها هذي وين طول اليوم ؟؟؟

استغفر الله


اسعدني تواجدك وردودك الطيبه

[الصغيره]

اعتقد والعلم عند الله ان هذه الكلمه (زمن اغبر ) مكروهه او محرمه لانه الزمن هو الدهر والدهر هو الله

(حديث قدسي) ثنا عُمَرُ بْنُ عَبْدِ الْعَزِيزِ بْنِ مِقْلاصٍ الْمَصْرِيُّ ، ثنا أَبُو صَدَقَةَ مُحَمَّدُ بْنُ عَبْدِ الأَعْلَى الْقَرَاطِيسِيُّ ، ثنا نَافِعُ بْنُ يَزِيدَ ، عَنْ عُمَارَةَ بْنِ غَزِّيَّةَ ، عَنِ الزُّهْرِيِّ ، عَنْ أَبِي سَلَمَةَ ، عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ , قَالَ اللَّهُ عَزَّ وَجَلَّ : " يَسُبُّنِي ابْنُ آدَمَ ؛ يَسُبُّ الدَّهْرَ وَأَنَا الدَّهْرُ أُقَلِّبُ اللَّيْلَ وَالنَّهَارَ "

جزاك الله خير ياخوي وارجو من الاخ الانتباه وكلنا طبعا ننتبه

وكلمة زمن اغبر تعود الناس عليها لكن توضيحك يخلينا مستقبلا ننتبه لهذا

بارك الله فيك

[الصغيره]

جزاك الله خير يا حميداني .. اسلوبك رائع اكيد انت أخصائي
وجزا الله اختنا كل خير ، كانت منفعله من المنظر الي شافته

فعلا اختي كلامه سليم وفعلا كان منظر والبنت الله يحفظها كانت ((((((((( الله يحفظها ومنظر السايق كان مستفزني ونظراته

اسال لها السلامه واسل الله ان يهدي امها وابوها

شكرا لج الطيبه

[الصغيره]

تصرف جرئ منك خصوصا انك ام وعندك غيره

لمفروض كنت طلعت بنتيجه ايجابيه على الاقل لو مسكت اعصابي وقلت للبنت ونصحتها لكن شاء الله ان يكون ردة فعلي مثل ما شفتوا واتمنى من الله ان الام شوي تتحتر وتفكر وتسال نفسها وتهتم وتتاثر

لو انا بعد قلت للبنت ونصحتها اكيد بتقول للسايق والله العالم وش بيقول السايق لها

اسال الله لها السلامه منه ومن غيره فهي لا ذنب لها

اسعدني تواجدك شكرا لك

[الأصيلة]

نفس الشيء لي صديقة ترسل بناتها المراهقات مع السائق
إلى المجمعات وهي بيتها بعيد ...
ويتمشون في الأسواق والسينمات لمدة لاتقل عن 7ساعات أو أكثر ويرجعون متأخرات
شفتهم بعيني وخفت من السائق عليهم
لكن الأم تقول بناتي ثقة وماتبغي تصك عليهم
وبما إنهم في جامعات مختلطة فعادي عندها...
صراحة شيء يعور القلب ...
الله يصلح أحوالهم...

[الصغيره]

يزاااج الله خير حبيبتي على النصيحه
والله هالأشكال حرام يكون عندها عيال
مايقدرون النعمه الى ربي منعمها عليهم
والعيال أمانه عندهم حبيبتي ماغلطتي انت نصحتي والنصيحه دين ولج الأجر ان شاء الله والساكت عن الحق شيطان أخرص
وانتي ماشاء الله عليج انسانه فاهمه واعيه وناضجه وام حريصه ولا انتى مريضه نفسيه انتي قلبك يعورك على عيال الناس لانك ام والي ماترضينه لعيالك ماترضينه لعيال الناس
الله يهدي أم البنت بدل ماتشكرج تهاوشك الحمد لله حنا في دنيا يضيع حق المظلوم فيها


وأنت حبيبتي ماغلطتي

بارك الله فيك اختي ام حمد وكلامك عين العقل والله يعلم بالنيه لكن ردة فعل الام صدمتني
والله يهديها يارب الله يصرف قلبها للانتباه لبنتها

يمكن الله ساقني بتلك اللحظه حتى يكون الموقف يمكن الله حاب البنت حتى على الاقل اكلم الام ربما ولعل وعسى الله يصحي بقلب الام شيء كان منطفي ياو تقول الموقف لحد ويرد عليها برد يصحيها

ام حمد اسعدني تواجدك وردك

جزيتي الجنه

[NeverLand]

صج استهتار .. اشكال تفرع الضغط ومايستاهلون نعمة العيال

فالحين بس اول مايطيح الفاس بالراس يتصلون بوطني الحبيب صباح الخير ويصيحون علينا

اهتموا يعالكم ديرو بالكم عليهم بالاول .. مالت حتى مالت :@

[الصغيره]

نفس الشيء لي صديقة ترسل بناتها المراهقات مع السائق
إلى المجمعات وهي بيتها بعيد ...
ويتمشون في الأسواق والسينمات لمدة لاتقل عن 7ساعات أو أكثر ويرجعون متأخرات
شفتهم بعيني وخفت من السائق عليهم
لكن الأم تقول بناتي ثقة وماتبغي تصك عليهم
وبما إنهم في جامعات مختلطة فعادي عندها...
صراحة شيء يعور القلب ...
الله يصلح أحوالهم...

هي تثق بهن وهي مربيتهم لكن من يثق بالسايق ومن يثق بالشارع فيه ناس تعلموا بجامعات مختلطه ودخلوا اسواق وسينما لكن مع من واهتمام من ومتابعه من اب غيور وام غيوره واهتمام اترك شابات بدون ما كون معهن من يضمن حد يخطي عليهم وكلمه منه وكلمه منها يقوم بتصرف لا يحمد عقباه بعدها

والسايق مجرد بس تواجده كمحرم لهن وهومش محرم هذا يحاسب الله عليه الام

سيده قطريه رات منظر يهتز له البدن بموقف سيارات بين فتاه وسايق فتاه ربما مرحله اعداديه تعلمني بالخبر امس جارتهم تقول شافت مشهد ينفطر القلب منه فقامت المراه وهددت السايق وشرد من المكان وهاوشت الفتاه شوي تقول وتضربها واخذت تلفون الام وكلمتها وش قالت الام قالت كلمه تهتز منها الجبال ومسحت بالمراه الارض وكان هذه المراه تعرفهم وكانها عدوه لهم وكانها متبليه على ما شافت تمنيت ان اللي شايف المنظر رجل رجل بمعنى الكلمه حتى يكون هذا السايق عبره لمن يعتبر وحتى تكون هذه الام عبره لمن يعتبر جارة المراه تخبرني تقول لا الومك على موقفك لان جارتي رات مشهد اشد من اللي رايتي


ياااااااااااااااااااااا الله كم احب عيالي وبناتي ربي لا تجعلني ولا تجعل من احب تنظر له بنظرة غضب او تفجعه بغالي

الانتباه والتحذير واجب علينا لابد ان نقوم بعمل وجهد وحمله للتنبه اصحنا بزمن لله الحمد نخاف فيه على العيال كيف البنات

الاصيله الله يبارك بك ولله يحفظ لصديقتج بناتها لكن 7 ساعات ثلث يوم تقريبا يقضى بلهو

الله يهدي من يشاء

امين

اسعدني تواجدك وردك

[الصغيره]

ليه خفتي وشردتي

انا ضربت دريول كان يضرب طفل معه واهو يصب بترول كفخته تكفخ وجاني كفيله يهددني ورافع صوته وكفخت كفيله واخذت سجن بسببهم

بعدها مالي شغل في الناس

ناس احس انهم جايبين عيالهم بالغلط وغلطت عمر

بعض الموقف يبي لها رجال مثلك اسال الله ان لا يحطك ياخوي بموقف اصعب من هذا انت وانت الغريب عنه تاثرت كيف باللي قريب منه ودمه بارد اي صفه نطلقها عليهم ...... استغفر الله

الله يجعله بميزان اعمالك ويجزيك خير ويبارك لك على موقفك

شكرا لك على التواجد والرد

QUOTE=NeverLand;8574698]صج استهتار .. اشكال تفرع الضغط ومايستاهلون نعمة العيال

فالحين بس اول مايطيح الفاس بالراس يتصلون بوطني الحبيب صباح الخير ويصيحون علينا

اهتموا يعالكم ديرو بالكم عليهم بالاول .. مالت حتى مالت :@[/QUOTE]

الغفله وما ادراك مالغفله متى يصحون بعد المصيبه للاسف اصبحنا نقرا ونسمع قصص ما كانت على البال ولا بالخيال

اسعدني تواجك وردك الطيب

[الصغيره]

اختي صاحبة الموضوع:بالعكس انتي مب ملفوقه ولاشي وانا لو مكانج وشفت هالمنظر كنت بسوي نفس الشي او كنت بمشي ورآهم بالسياره لين بيتهم وبتكلم مع الأب ..

اخوي طبيب قطري

لو مشيت ورحت البيت وطلع الاب وكان العن من الام وتهور وضربني وجاب لي الشرطه :(

لام وقلت بجي وتشدخ بي من ردة فعلها وكيف لو استعانت بالاب

الصراحه لا بد من وقفه للمهملين والمهملات


اسعدني وجودك وردك

شكرا لك

[الصغيره]

جزاكِ الله خيراً على مبادرتك الرائعة و التي تدل على أن لكِ قلب أمٍ و مواطنةٌ و إنسانة .
يوجد الكثير مثل هؤلاء الأمهات و الآباء , أبتُلي بهم أبناءهم و المجتمع . فكل مواطنٍ مُدَمّر تم تدميره غالباً من قِبَل أسرة مهملة لم تكن في مستوى الأمانة التي أناطها الله في عنقها.
أقترح أن يقوم من يشاهد موقفاً مماثلاً بعمل ما قامت به الأخت الفاضلة . فإن وجد تعاوناً و احتراماً و شكراً للمبادرة و الإعتراف بالغفلة , فقد تكون الرسالة وصلت صاحب الشأن , و إن ووجه بما ووجهت به أختنا الكريمة , يسجّل رقم السيارة و يقدمه لحقوق المرأة و الطفل , ويُبلّغ بما رأى و شاهد . فهذا يشابه ما تقوم به المدارس إزاء أُسرٍ مهملة لأبنائها .
يكفي الأوطان ما يعانيه مواطنوها من هجومٍ خارجي من قبل الثقافات العالمية المريضة . فهي ليست بحاجة لأن يكون التدمير من داخلها!
كنت أنقهر عندما أشاهد الأفلام الأجنبية و حين أرى تدخّل الدول و المؤسسات الإجتماعية في علاقات الأسر و الآباء والأمهات من مبدأ الحفاظ على الطفل , إلا أنني تفهّمت الآن هذا المستوى من التدخل بعد رؤية مستويات الإهمال التي يتعرض لها الأبناء .
تحياتي:discuss:


يسعد لي صباحك

كلام قمة الروعه

نبي دور من حماية الاسره والطفل نعم نبي تلفون يحط لتلقي مثل هذه الشكاوي والملاحظات نبي دور قوووي يحمي اطفالنا واسرنا من هذه الذئاب ونبي دور يقول للام انتي مهمله والاب انت مهمل

الخادمه اللي هي خادمه نخاف عليها كيف فلذة اكبادنا

الحريه

ردك يبي له برواز يعلق على كل باب مسؤول عن هذه الفئات وعن هذه المشاكل وعلى المدارس وعلى ال مستشفيات وعلى المحلات ومحطات البترول والمطاعم احس حتى لو نكتب بالجرايد ما راح نلقى من يقرا ويهتم الا من رحم الله



شكرا جزيلا لهذا التواجد والرد الطيب