تدرون كم راتب الشغالة الاندونيسية في اندونيسيا

[أسد الجزيرة]

السلام عليكم

تدرون كم راتب الشغالة الاندونيسية في بلادها

30 دولار في الشهر

هذا الكلام قالي اياه اندونيسي في الشغل ساكن بروحه و عياله في بلاده و زوجته موظفة
عنده 3 شغالات وحدة لكل واحد من عياله

[حفيد الأنصار]

اذا كنت سائح
تجيك البيت واليوم كامل بـ 40 ريال

[فلتة زمانها]

مساكين على قد رواتبهم

[بوخالد911]

في بلادهم كل شي رخيييييييييييييييييييييييييييييييييييييييييص

[MAZEN37]

الحين انت تقارن هنا بهناك
طبعا اقل هناك وصراحه الله يعينهم على غربتهم

[معماري قطري]

اذا كنت سائح
تجيك البيت واليوم كامل بـ 40 ريال

40 في 30 = 1200 بعد وايد

[بوحارب]

يكفي انها هادة عيالها واهلها وجاية تشتغل عند ناس ماتعرفهم!!

الله يعينهم

[حسن]

يكفي انها هادة عيالها واهلها وجاية تشتغل عند ناس ماتعرفهم!!

الله يعينهم



صدقت يابوحارب

[معماري قطري]

مساكين على قد رواتبهم

والله احنا اللي مساكين لا حقوق لنا ولا شيء

هم يطلعون من عالم فقر إلى عالم يفرق كثير

يركبون سيارات .. وياكلون زين .. ويسكنون غرف وينامون على أسرة والغرف مكيفة.

في بلادهم مساكنهم بسيطة وأغلبهم صفيح .. ما نعيبهم بس هذا الواقع .. ورواتبهم كثير متدنية، وأغلب عائلاتنا يعاملونهم معاملة طيبة للغاية.

كانت عندنا اندونيسية تمت 8 سنين وتعلمت كل شيء من طبخ وغيره وحبتنا وحبيناها لكن لكبر سنها راحت وعيالها ما رضوا ترجع .. وكانت متواصلة معانا لوقت قريب الله يذكرها بالخير.

هم عيبهم مكاتب توظيفهم هناك .. عصابات وابتزاز منهم على طول .. وتجارة رقيق تقدرين تسمينها وحكومتهم تساهم في هالشيء ... ولا راتب 600 ريال وتزيد كل سنة مع الخدمة الجيدة راتب يكفيهم .. لكن المكتب يستقطع منهم عمولة شهرية كبيرة والمكتب في قطر يدفع المواطن أو المقيم مبلغ خيالي بعد فترة بيستوي كنه يشتري سيارة .. ولا حسيب ولا رقيب ولا حقوق لهم من مكاتبهم ولنا من مكاتبنا ومن السكوت على اللي صاير ... هم تتدخل حكوماتهم لتحمي مكاتبهم وتحميهم وتزيد " مصدر دخل قومي " واحنا متروكين للقصابين من مكاتبنا يقصبونا بأسعار كبيرة وخدمات وحقوق غير مضمونه.

[وحيد-الشوق]

يكفي انها هادة عيالها واهلها وجاية تشتغل عند ناس ماتعرفهم!!

الله يعينهم

الله يكون بعونهم بس والله الخدم شايفين روحهم ووايد يتشرطون ومايعجبهم شيء :rolleyes2:

[جفى الجوارح]

تقارن راتب عملها في وطنها وسط اهلها بعملها في الخارج مع احساس الغربه وفراق الاهل؟

شيء طبيعي محد يقبل يترك وطنه للعمل في الخارج الا لكون الراتب اعلى بكثير

[Bin Hood]

يعني ناوي تعطيهم 30 دولار !!

[فرهود]

لاحول ولاقوة الا بالله حتى على ال700 لاتخلو الخادمه الاندنوسيه من الحسد !

ياخي هناك في بلادها وبين اهلها وتشتغل دوام عادي وتقدر تشوف اهلها كل يوم يكفي غربتها وابتعادها عن عيالها واهلها وامها وابوها كم تسوى هالغربه.

[السكين]

نسبة وتناسب لا أكثر

الـ 30 دولار على قولتك فيها بركة 3000 عندنا !

[جفى الجوارح]

لا تجيبون هنود ولا سريلنكيات
بعد شهر بتقولك بابا مريض وإذا رفضت تسفرها تجيك بعد 3 ايام بجا مال انا موت واذا رفضت تسفرها ماما مال انا موت واذا رفضت تسفرها بابا مال انا موت بعد واذا رفضت تسفرها انا مريض خوف موت

سبحان الله هالجنسيتين اهلهم مايموتون الا اذا جو عندنا

[النهار]

ماعرفت المقصد من الموضوع ؟؟؟؟؟؟
ياخي مقارنتك عجيبه

[أسد الجزيرة]

القصد من المقارنة يا اخوان و اخوات انه راتب الشغالة الفلبينية ياخذه مهندس في بلاده مب شغالة لانه 1500 الي وافقت عليه وزارة العمل الموقرة راتب خرافي بالنسبة لهم و حتى مكن تحصل خريجين جامعيين بيشتغلون شغالات او صبيان بعد الزيادة

[BoFahed]

القصد من المقارنة يا اخوان و اخوات انه راتب الشغالة الفلبينية ياخذه مهندس في بلاده مب شغالة لانه 1500 الي وافقت عليه وزارة العمل الموقرة راتب خرافي بالنسبة لهم و حتى مكن تحصل خريجين جامعيين بيشتغلون شغالات او صبيان بعد الزيادة

[size="5"]اخوي الغلط علينا احنا اللي غالبيتنا اتكاليين البيت فيه 2 ولا ثلاث خدامات الزوجة تشتغل والاخت والبنت يدرسون و لاهين ورا البلاك بيري ولا بعمرهم يدشون المطبخ او يمدون ايدهم في البيت يمكن في رمضان علشان يسوون كوب كيك ولا بسبوسه :) روح شوف الامراض اللي في بنات هاليومين من التخمة والكسل

انا ابي الراتب يسوونه 3000 مب 1500 علشان يرجعون الحريم مثل اول وهذا رزق الله مسببه لهم الواحد فينا يسافر كم يوم ويذبحه الشوق لعياله ومرته وبيته وهذيلا حريم يتركون عيالهم وبيوتهم

اللي يلعن الراحة والرفاهية اللي وراها خراب ديار وتطلع جيل عيال الخدامة

[أسد الجزيرة]

[size="5"]اخوي الغلط علينا احنا اللي غالبيتنا اتكاليين البيت فيه 2 ولا ثلاث خدامات الزوجة تشتغل والاخت والبنت يدرسون و لاهين ورا البلاك بيري ولا بعمرهم يدشون المطبخ او يمدون ايدهم في البيت يمكن في رمضان علشان يسوون كوب كيك ولا بسبوسه :) روح شوف الامراض اللي في بنات هاليومين من التخمة والكسل

انا ابي الراتب يسوونه 3000 مب 1500 علشان يرجعون الحريم مثل اول وهذا رزق الله مسببه لهم الواحد فينا يسافر كم يوم ويذبحه الشوق لعياله ومرته وبيته وهذيلا حريم يتركون عيالهم وبيوتهم

اللي يلعن الراحة والرفاهية اللي وراها خراب ديار وتطلع جيل عيال الخدامة

حياك الله اخوي بو فهد

ما عندي شغالة في البيت و الحمد لله زوجتي عسى الله يطول في عمرها قايمة في البيت من طباخ و تنظيف و اوقات انا اساعدها في البيت اطبخ و لا اغسل الصحون و لا اغسل الحوش مع اني رئيس قسم في البترول و الشغل مب عيب بس يمكن لانه عايلتي صغيرة ما في شغل وايد

[بوغانم995]

لا تأخذكم العاطفه ......هم في بلادهم يكدحون ليلاً ونهاراً من تطلع الشمس الى المغيب ......والراتب ..اقل مماتحصل عليه في الخليج ..وبجهد أقل ...ومتوفرلها المسكن والملبس والمطعم ....في بلادهم ...من سيق لبق ...وبسسسسسسسس

[Al-Kuwari]

موضوعك ماله داعي مع احترامي لشخصك الكريم

[رجوان]

الله يكون بعونهم بس والله الخدم شايفين روحهم ووايد يتشرطون ومايعجبهم شيء :rolleyes2:

اي والله

[بوالبيض]

بلادهم رخيصه واذ جات لك تخدمك في بلادك ومتغربه عن زوجها وعيالها
لزم تعطيها راتب افضل واحسن بعدين ما تدري شنو ظروفها يمكن تعيل
اسره كبيره ويمكن تعيل او تساعد ناس غير عائلتها 1000 ريال ما بتضرك
بالعكس تربي عيالك ونخدم البيت تنظف وتغسل وكل شي مب خساره مبلغ
بسيط ما راح يضرك

[لمعة الالماس]

ليش تشوفون رواتبهم وايد !!!

الراتب اللي ندفعه لهم وهم يكرفون طول الشهر وهادين اهلهم وعيالهم

نفس راتبهم احنا نشتري فيه عطر او ساعة او ملابس او شنطة ..

انا اشوفهم يستاهلون هالراتب والله

واللي يشوف انه وايد خلاص لا تجيبون خدم ووفروا هالالف ريال

[الكولونيل]

اقتباس
المشاركة الأصلية كتبت بواسطة فلتة زمانها**

مساكين على قد رواتبهم


والله احنا اللي مساكين لا حقوق لنا ولا شيء

هم يطلعون من عالم فقر إلى عالم يفرق كثير

يركبون سيارات .. وياكلون زين .. ويسكنون غرف وينامون على أسرة والغرف مكيفة.

في بلادهم مساكنهم بسيطة وأغلبهم صفيح .. ما نعيبهم بس هذا الواقع .. ورواتبهم كثير متدنية، وأغلب عائلاتنا يعاملونهم معاملة طيبة للغاية.

كانت عندنا اندونيسية تمت 8 سنين وتعلمت كل شيء من طبخ وغيره وحبتنا وحبيناها لكن لكبر سنها راحت وعيالها ما رضوا ترجع .. وكانت متواصلة معانا لوقت قريب الله يذكرها بالخير.

هم عيبهم مكاتب توظيفهم هناك .. عصابات وابتزاز منهم على طول .. وتجارة رقيق تقدرين تسمينها وحكومتهم تساهم في هالشيء ... ولا راتب 600 ريال وتزيد كل سنة مع الخدمة الجيدة راتب يكفيهم .. لكن المكتب يستقطع منهم عمولة شهرية كبيرة والمكتب في قطر يدفع المواطن أو المقيم مبلغ خيالي بعد فترة بيستوي كنه يشتري سيارة .. ولا حسيب ولا رقيب ولا حقوق لهم من مكاتبهم ولنا من مكاتبنا ومن السكوت على اللي صاير ... هم تتدخل حكوماتهم لتحمي مكاتبهم وتحميهم وتزيد " مصدر دخل قومي " واحنا متروكين للقصابين من مكاتبنا يقصبونا بأسعار كبيرة وخدمات وحقوق غير مضمونه.
*
*
كلامك ميه ميه

[الـجـنـاحـي]

السلام عليكم


عنده 3 شغالات وحدة لكل واحد من عياله

ماشاء الله

[أسد الجزيرة]

ماشاء الله

ابوهم مهندس و امهم مديرة تنفيذية في بنك

[النهار]

لا تأخذكم العاطفه ......هم في بلادهم يكدحون ليلاً ونهاراً من تطلع الشمس الى المغيب ......والراتب ..اقل مماتحصل عليه في الخليج ..وبجهد أقل ...ومتوفرلها المسكن والملبس والمطعم ....في بلادهم ...من سيق لبق ...وبسسسسسسسس


اليوم استمع الي الخبير الاسري الاجتماعي في اذعة قطر السيد الحرمي
كلامه افزعني ان الخادمات هم سبب 80% من الايحاءات الجنسيه للمرهقين في المنازل والبدايه تكون من المنزل وبعدها للعلن ومما قاله ايظا ان اللص عندما يحاول الدخول للمنزل يخطط لشهور ولاكن صاحب العاطفه الجنسيه عندما يحاول للدخول الي اي منزل عندما يجد الطرف الاخر مستعد لايفكر بعقله وكانه مسلوب الاداره غير مكثرث لما يحدث له اذا البدايه الخادمه وبعدها وسائل الاتصال الحديثه بجميع انواعها وفي الاخير الانفتاح

[غزلان]

اسال خدامه فلبينيه عندنا وين كنتي تشتغلين؟ قالت عند عائله في الفلبين ,,قلت لها كم الراتب قالت 300 ريال قطري في الشهر:omg:
بيتنا يعطونها راتب 1000ريال

[ww1000000]

سبحان الله

سامحونا

اللقمة في فم الفقير يستكثرونها عليك تدرون ليش

في نظرهم المفروض ما تعيش يستكثرون عليك العيشة الشبه كريمة



لمن يريدون خطف لقمة العيش من الفقير...اليس فى قلوبكم رحمة

الرازق في السماء

خافوا ربكم

عطوهم إلي يبونه ما دام الله معطيك

وسلامتكم

[LiL iNVe$ToR]

ليش تشوفون رواتبهم وايد !!!

الراتب اللي ندفعه لهم وهم يكرفون طول الشهر وهادين اهلهم وعيالهم

نفس راتبهم احنا نشتري فيه عطر او ساعة او ملابس او شنطة ..

انا اشوفهم يستاهلون هالراتب والله

واللي يشوف انه وايد خلاص لا تجيبون خدم ووفروا هالالف ريال


سبحان الله

سامحونا

اللقمة في فم الفقير يستكثرونها عليك تدرون ليش

في نظرهم المفروض ما تعيش يستكثرون عليك العيشة الشبه كريمة



لمن يريدون خطف لقمة العيش من الفقير...اليس فى قلوبكم رحمة

الرازق في السماء

خافوا ربكم

عطوهم إلي يبونه ما دام الله معطيك

وسلامتكم

هذا هو الكلام.

[حفيد الأنصار]

40 في 30 = 1200 بعد وايد




اي هذا اذا كنت سائح والتسعيره باليوم واكيد السعر يفرق معك انت ي السائح
لكن شغاله على طول معاك اعتقد اقل

[اللوز]

يعطيك العافية على المعلومات


http://im29.gulfup.com/Qq3I1.jpg (http://www.gulfup.com/?yrlRs1)

[عليه العوض]

الراتب 900 ريال اكله شاربه لابسه هدايا مع تذكرة سفر شي جميل توفر المعاش كامل في موظقين
مقيمين ما يقدر يوفر 500 ريال في الشهر من راتبه