انتبهوا من النصابين شي صار معاي

[مونتانا]

بأختصار السبب في طرحي هذا الموضوع هو لتعم الفايدة للجميع وان ينتبهوا لمثل هؤلاء الاشخاص.
اليوم جاني واحد عربي يطلب عمل عندي في المؤسسة واثناء المقابلة تكلم وايد عن خبرته وانه شاطر وفاهم وسوى وسوى وفعل ، المهم انا ما ارتحت له سبحان الله يعني في اشخاص تشوفهم من اول مرة ماترتاح لهم، المهم انا قلت له اهم شي عندي في الشغل الامانة والامانة والامانة والله كررتها 3 مرات ، وكلمته عن النصب والسرقات وان في اشخاص وايد عليهم قضايا ومهدودين في الشارع وشغالين نصب، المهم انتهت المقابلة ، وقبل لايروح قلت له لوسمحت عطني رقم بطاقتك الشخصية لو ماعندك مانع رد وقال بكل ثقة لا عادي شيك يمكن بعد علي شي وانا مادري مع ابتسامة .
المهم سألت عنه في الجهات الامنية عن طريق صديق ، الحبيب طلع نصاب وعليه قضايا ومنع سفر.

حبيت فقط ان تعم الفائدة الجميع وان ينتبهوا في مثل هذه الحالات.

[مبارك سعد]

بلغ عليه الشرطه لان امثاله واجد

[الاستثمار]

حسبي الله عليه

[عاهد بن علي]

تسلم اخي

[GRNAS2002]

ياخوي علشان اتعم الفايده على الجميع
كيف اقدر أسئل عن أي شخص وين بضبط
علشان اتعم الفايده على الجميع

وجزاك الله خير

[معماري قطري]

بلغ عليه الشرطه لان امثاله واجد

شيسوون الشرطة يا اخوي بلادنا فيها كثير عليهم قضايا وكثير أهل مشاكل والآلية الموجودة هو تركه لين يحكم عليه .. وأوقات يطلع من السجن بكفالة ويصول ويجول ويكمل ما بدأه .. المفروض تفعيل قوانين سريعة لمثل هذي الحالات.

[ريتويت]

لاحول ولاقوه الا بالله

[مبارك سعد]

شيسوون الشرطة يا اخوي بلادنا فيها كثير عليهم قضايا وكثير أهل مشاكل والآلية الموجودة هو تركه لين يحكم عليه .. وأوقات يطلع من السجن بكفالة ويصول ويجول ويكمل ما بدأه .. المفروض تفعيل قوانين سريعة لمثل هذي الحالات.

اذا حال القانون بهذه الطريقه عيل لازم يكون القانون ((الحكم بالابعاد بلا رجعه))

[المقاول]

اللي سويتة عين العقل ... ياليت كل اهل قطر يسوون مثلك
من حقك تسأل عنة وعن سمعتة .. وهذا المفروض بس
تعجبني .

[فراغ]

احب اعرف عدد الهاربين من كفلاهم كم عددهم
لان هذيلآ اذا ما حصلوا شغل اكيد بيسرقون وبينصبون
اشوف وايد افارقه شباب يدورون في الفرجان

[مونتانا]

ياخوي علشان اتعم الفايده على الجميع
كيف اقدر أسئل عن أي شخص وين بضبط
علشان اتعم الفايده على الجميع

وجزاك الله خير

انا عندي طريقتي الخاصة اللي ماقدر اقول عنها، لكن اجتهد في السؤال اذا كان الموضوع هام بالنسبة لك.

[مونتانا]

اللي سويتة عين العقل ... ياليت كل اهل قطر يسوون مثلك
من حقك تسأل عنة وعن سمعتة .. وهذا المفروض بس
تعجبني .

تسلم اخوي.

[عبدالعزيز الهتمي]

من فتره حصلت واحد من جنسيه عربيه وقعدنا نسولف المهم الرجال قالي عندي مشاكل معا كفيلي وأبي أنقل كفالتي وهو متخصص في تصميم الديكورات وقالي طلع لي سجل تجاري وخل الباقي علي ،،
مادري وين أسأل عنه لو اتقولي آخوي اتسوي خير بس للأمانه الرجال من النوع يلحس مخك ويقنعك

[مونتانا]

من فتره حصلت واحد من جنسيه عربيه وقعدنا نسولف المهم الرجال قالي عندي مشاكل معا كفيلي وأبي أنقل كفالتي وهو متخصص في تصميم الديكورات وقالي طلع لي سجل تجاري وخل الباقي علي ،،
مادري وين أسأل عنه لو اتقولي آخوي اتسوي خير بس للأمانه الرجال من النوع يلحس مخك ويقنعك

شكله ناوي عليك ، :nice: لا اذا انت جاد حاول تسأل كفيله واشخاص يعرفونه.

[Riku3]

في 2008 تقريباً كان بيني وبين شخص صفقه تأجير كبيرة .. المهم ان المصري جهز الشيكات والاوراق وما بقى ان توقيع الاوراق وتسليم العقارات .. بس انا كنت شاك فيه لان ما رضى يوصلني للشيخ الي يزعم انه صاحب الصفقه .. بالنهاية وعن طريق معارف قدرت اوصل ان الشيخ الله يرحمه متوفي وهالشخص نصاب واوراقه مزوره ..

رحت يومها اذكر الساعة 11 بالليل من المكتب مباشرة لين مركز العاصمه وشرحت الموضوع للضابط .. بس المفاجأه ان ما اخذني بجديه كللللش وقعد يلف ويدور ويسألني بطريقة يبي يشردني !! .. وهذا الي صار وطلعت من عنده واتصلت صارخت على المصري وقطعت الاوراق ونسيت السالفة .

مب اي شخص يقدر يسأل ويعرف هالتفاصيل بسهولة من الجهات الرسمية .. وللاسف النصابين معروفين ولو تروح المحاكم بتلاقي اسمائهم مكرره والقانون متساهل كثير .

[.. الكاش ..]

حاسبو ياجماعه وخاصتن اصحاب الشركات ترى شغل كبير جاي البلاد يعني الواحد يدير باله قد ما يقدر والله الحافظ ان شاءالله

[بوخالد911]

تسلم للتنبية

[قطر70]

للأسف هالأشكال منتشرين بكثره في البلد

ولا فيه قانون قوي يردعهم عن هالنصب والأحتيال

تسلم اخوي على التنبيه

[الخزرجي قطر]

جزاك الله خير على التنبيه ماقصرت الواحد لازم ياخذ الحيطه والحذر

[دنيا الاسهم]

ما تكلم بهذة الثقة الا يدري ان لو نصب عليك محد بيحاسبة .. شصاير ليش النصابين مهدودين في الشوارع
الله يستر هذة البلاد اللي انترست حرامية

[Kbusiness]

ههههههههههههههههههههه سبحان الله ..

اذا الوظيفة للحين موجوده انا احتاجها لي وجاد في كلامي .. طرشلي رساله خاصه اذا للحين بحاجه الى موظف يشغل الوظيفه وشكرا

[مونتانا]

ههههههههههههههههههههه سبحان الله ..

اذا الوظيفة للحين موجوده انا احتاجها لي وجاد في كلامي .. طرشلي رساله خاصه اذا للحين بحاجه الى موظف يشغل الوظيفه وشكرا

لا الوظيفة راحت والله يرزقك.

[Bo jassim 33]

تصرفك سليم


والله لا يوفقه هالنصاب

[wadha-qa]

للاسف الشرطه مب مفعله دورها بشكل جدي شلون واحد نصاب و حرامي و قاعد يسرح ويمرح في البلاد بدون اي مراقبه ؟ هذي الاشكال مكانها السجن مب يخلونهم ينصبون اكثر واكثر واذا شبعوا طلعوا من قطر وارحوا بلادهم بطرق غير شرعيه احنا رافعين قضيه على سوري الشرطه تقول مب موجود كلش اختفى مب في قطر اخر شي قالوا يمكن ظهر من البلاد مع ان كل منافذ الدوله ما مر عليها اسم هالحرامي

[الكنترول]

لاحولاولاقوة الابالله

[cavok]

مشكور علي المعلومة اللة يبعدنا عن أشكالهم
tanks مونتانا

[رجل مثالي]

لاحول ولاقوه الا بالله

[معماري قطري]

احب اعرف عدد الهاربين من كفلاهم كم عددهم
لان هذيلآ اذا ما حصلوا شغل اكيد بيسرقون وبينصبون
اشوف وايد افارقه شباب يدورون في الفرجان

قول تعرف عدد اللي هادينهم كفلاءهم يدورون رزقهم وآخر الشهر ياخذون منهم مبالغ زهيدة 100 ريال وحولها .. إستوت تجارة تفتح شركة مقاولات وهمية وتجيب 500 عامل وتهدهم وتحط عليهم مدير يدير شؤونهم ويسوي إقامتهم على حسابهم وانت تستلم مبلغ آخر الشهر.

[امـ حمد]

حسبي الله ونعم الوكيل

[بوعبدالله11]

ياخوي علشان اتعم الفايده على الجميع
كيف اقدر أسئل عن أي شخص وين بضبط
علشان اتعم الفايده على الجميع

وجزاك الله خير

نفس السؤال

[جوال 11]

شكرا لطرح هذا الموضوع بصراحة أكثروا أمثال ههؤلاء .
أتفقت مع حداد لعمل مظلات وطلب نصف المبلغ مقدم فطلبت بطاقتة واذا منتهية من ثلات سنوات وأيضا أتفقت مع شخص يعمل بشركة لعمل السراميك لعدد من الفلل وكان عنده عمال أكثر من عشرين وبعد مرور شخص من البلدية واذا بالعدد أصبح خمسة .
سألته قال يشتغلون مكان ثاني .
وأكثر الشركات تستخدم العمالة السائبة لقلة التكلفة وتوفر على الشركة .
يجب تصحيح أوضاع العمالة السائبة حتى لا يقع المستفيد ضحية للنصب .

[مونتانا]

نفس السؤال

ماقدر اقولك الطريقة ، لأنه مافي طريقة رسمية ، ولكن انا قدرت من خلال اشخاص اعرفهم وساعدوني.

[زهرة بنفسجية]

الله يصلح الاحوال