@@ ما مصير القسائم التعليمية ،، لماذا لم تدفع الرسوم ..؟؟ @@

[بنـ الدحيل ـت]

تفاجأ أولياء الأمور ،،
بإرسال خطابات مع الطلاب من المدرسة ،،
تفيدهم بضرورة دفع الرسول الدراسية ،،
للفصل الدراسي الأول ،،
حيث إن لم تدفع من قبل المجلس الأعلى للتعليم ،،
وهذا يعتبر صدمة لأولياء الأمور ،،
حيث أنهم اعتمدوا على القسائم التعليمية ،،
ولا يوجد لديهم مبلغ كافٍ لسداد الرسوم ،،
فينتظرون راتب آخر الشهر ،،

ونحن في حيرة ،،
هل ندفعها للمدرسة ..؟؟

أو

نمول الاحتياجات الأسرية من مأكل ومشرب ،،
وراتب الخادمة ،، والسائق ،،
وإيجار البيت ،، وأقساط السيارة ،،

وبالذات المرأة المطلقة ،،
التي لديها شهادة إعالة ،،
فماذا نفعل ..؟؟

فنحن في حيرة ..

أرجو التعليق على هذا الموضوع
هل سيتم دفع القسائم التعليمية أم لا ؟

[عاهد بن علي]

الله يوفقكم

[عقار]

لو صح ها الكلام ان الرسوم المدرسية ما اندفعت لحد الان فهذه مشكله كبيره
وتقصير من المسؤول في المجلس الاعلى للتعليم
ولو انا مسؤول في المجلس والله احوله تحقيق واقشعه من مكانه
وسلامتكم

[حسن]

في لبس الظاهر اللي اعرفه كتاب من العمل موجهه للمدرسه والمدرسه تقوم بالاجراء
وبعدين هذه تدفع من الدوله مهب من حساب حسن:)

خير انشاء يابنت الدحيل لاتحاتين

[نوار قطر]

فعلا وصلت مسجات للاهالي بضرورة دفع مبلغ الكورس الاول كاش والكورس الثاني شيك مؤجل وكانت حجتهم وعذرهم ان الاجراءات من المجلس الاعلى تطول لين المدرسة يجمعون القسائم من اولياء الامور وتحويلها للمجلس الاعلى ومن عقبها المجلس يدفعون للمدرسه ....والمدرسة عقب ترجع الفلوس حق الاهالي. فالموضوع ياخذ وقت والمدرسة تبي تضمن حقها وتبي تدفع حق المدرسين

هذي الموضوع باختصار وطبعا رحنا ودفعنا عاد متى بيرجعون الفلوس الله اعلم :)

[طموحي عالي]

غريبه احنا في شغلنا دفعنا الرسوم مب بس للكورس الاول الا بعض المدارس طالبت من هالشهر بدفع الرسوم للفصل الثاني

وعذرا فهناك لبس بالموضوع
المجلس الاعلى مالهم دخل بالموضوع

المفروض الشؤون الاداريه بجهتكم يتواصلون مع المجلس الاعلى

وتدفع لهم الرسوم من جهة العمل وليس من المجلس الاعلى
وبعض الناس دفعوا رسوم عيالهم وبعدين جهة العمل تعوضهم بالمبالغ

فيرجى مراجعه جهة العمل لديكم

[dm styal]

وازيدك اخوي لالحين مارجعو المبلغ المدفوع سابقا للعام الدراسي الحالي تروح المدرسة يقولون لا التأخير من الشغل عندكم ,الشغل يقولون للحين الامر مب واضح ! كورة الكل يحذف على الثاني ! لازم اي قرار يكون واضح عند نزوله وأي دائرة تخالف او تتأخر تحساب احنا اشعلينا كل يوم في شنطة ولدي ورقة القسط لم يدفع ! شاسوي يعني سج قمة السخافة والبرود من الجهات المعنية.

[al_maystro]

تخبط في تخبط ما ادري هالمسوؤلين ليش يدامون من الاساس

[NINA RICCI]

الله يعينكم الصراحه ..

[kazoze]

نعم لم تدفع حتى الآن والمشكلة بمجلس الاعلى وانا صارلي شهر اتابع ولاكن دون جدوى !!!

المشكلة اني دافع من جيبي القسط الاول .. !!! وابي حقي الحين كل واحد يقول لي روح يمين وروح يسار بس هاي احنا على هذا الحال والطامه انه لسه ما ادفعوا الافلوس للمدارس !!! ...