ايش المقصود بنيان تسليم مفتاح

[أسد الجزيرة]

السلام عليكم

ايش المقصود بتركيب مفتاح يعني كل شئ عليهم او انا اجيب الاغراض وهم يركبونها

[Mo7mmad]

القصد يسلمونك البيت جاهز وهم يجيبون كل شي لك وتتفق معهم في العقد على الاختيار والاسعار في ادوات الحمام والسراميك الخ وهم يركبونه

[ahmed jasim]

فى العقد بتحط قيمة كل قطعة تتركب فى البيت مثل أبواب الخشب وأبواب الحديد والسيراميك والحمام والسخان والمطبخ والألمنيوم والرخام والهندريل وغيره

المقاول بيورد ويركبهم على أساس السعر المتفق عليه
إذا غيرت رأيك وتبي تركب بلاط بو 200 ريال للمتر وعقدك معاه بو 20 ريال للمتر تدفع الفرقية

[jassimqtr]

تسليم مفتاح يعني تستلم المنزل من المقاول جاهز ومشطب بالكامل على حسب الشروط والمبالغ المذكوره في كل بند ...
على سبيل المثال . بند الاعمال الخشبة . على المقاول توريد وتركيب ابواب خشبيه كبس تيك لغرف النوم وابواب الممرات الداخليه مع الاقفال بقيمة 1400 ريال للباب الواحد .
هذا يعني ان المقاول يفصل الابواب ويركبهم على حسابه شامل الاقفال ونوع كبس تيك بقيمة لا تزيد عن 1400 ريال واذا طلبت نوع يكلف 2000 ريال في هذا الحال المقاول يدفع 1400 وانت تكمل المبلغ الباقي 600 ريال , واذا طلبت نوع اقل من المبلغ المتقف يتم استرداد المبلغ المتبقي . ومن هذا النوع يتم حساب كل بند .
ان شاء الله اكون قدرت اوضح المعلومه للجميع .

[قطري قديم]

الاخوان الاعضاء ماقصروا ولكن اخوي شيك الخاص طال عمرك

[أسد الجزيرة]

جزاكم الله يا اخوان و بارك الله فيكم

[رآعي موآجيب]

بعد أذن صاحب الموضوع

قطري قديم ، ماعندك خاصية الرسايل

حاول تتواصل معاي لو سمحت

[باتريوتP]

سلام عليكم ورحمة الله وبركاته

اخوي العزيز
نصيحه اخذها مني وانا اصلا شركه مقاولات وشركه مصنفه واعرف خفايا المقاولات والكلام والمانشيت الي بس مجرد للتسويق
اهم شي اهم شي العقد ومواصفات الاعمال المتفق عليها
يعني يكون التفصيل من 1 الي 100 من الاعمال المتفق عليها من الحفر الي تسليم البيت لك من صبغ وسراميك وجرانيت ودرج ودرابزين وكهرباء وغيره الي الاخير
لان لو في شي ماذكر بالمواصفات بيكون عليك 100 بالمائه
احنا بالشركه نتعمد نذكر كل شي عشان المالك مانختلف وياه طبعا نذكر كل شي بالورق مب بالكلام وابشر وتحت امرك وما نختلف واحنا اخوان واحنا ربع ( الكلام هذا ما يوكل عيش)
اتمنى وصلت لك الفكره اخوي والله يوفقنا ويوفقك