هل تسمح باءخذ صوره لك

[MAZEN37]

[FONT="Impact"]كثير ما تدري الا واحد قاعد يصوركممكن معاه كاميرا او بالجوال او الخ
هل تتضايق هل بتكون عادي ما تفرق
هل يحق له هالتصرف بغته ام من الادب. انه يطلب او على الاقل يوضح للموجودين عامه انه بيصور
انا عن راءي انه شيء يضايق مادري هل انا حساس لاني زعلت من شخص اتهني باني مكبر الموضوع وحساس زياده[/FONT

[عاهد بن علي]

انا كل يوم يصوروني 50 مره بحكم تواجدي في المحل ، والبعض منهم للاسف ما يستاذن

[ريتويت]

مستحيل لا طبعا

[تاجر كشخة]

اذا كان سائح ليش لاء بكل سرووووور اعطي الغترة كوبره واشق الحلق :tease:

[بصمة قطرية]

لا طبعاً
من الذوق ان الشخص يستأذن قبل لا يصور ،،

[khaldoon]

يفضل انه يستأذن طبعا بعدين حسب الغرض من اخذ الصوره..

[مشاكل]

اكثر من مرّة اطلبوا مني هالطلب ،،، وخصوصا برى البلاد يجوني انجليز يبون يتصورون معاي ،،،
والله تبي الصراحة ماأخليهم ،،،
اخاف يحطون الصورة في موقع ويلعبون عليها ،،،
ومرات اخاف يحطونها دعاية حق عطر او شامبو ،،، وانا الصراحة مافيني شدة ادفع ضريبة الشهرة :shy:

[السكين]

هههههههههه ذكرتوني بشوية صينيات يمكن 20 بنت كانوا بقصر الملك نسيت اسمه وهو متاح زيارته بتايلند ، شافوني وصديقي قعدوا يصرخوا بصوت عالي ويتكلموا ، أحنا علطول طلعنا التذاكر أحسبهم من الجهة المنظمة .
إلا أثاريهم يقولوا انتوا طوال ونبي نتصور معكم المهم قعدونا يمكن 20 دقيقة وهو ملتفين حوالينا هههههه ويصوروا ويقولوا كلمات بالصنية نقولها وقت التصوير والله متنا ضحك عليهم . يمكن خلصوا ميموري كاملة مرة صورة جماعية ومرة بنت بنت :nice:

بالنسبة لي اكره التصوير ، بس ما أقدر أمنع حد يصور بالشارع بحكم انه البلد اليوم تختلف عن قبل وهالأمور صرنا نشوفها عادية .

[نوار قطر]

حق الريال عادي اعتقد سهالات لكن المره صعبه وااايد ياحلوهم وهم رازين الكاميرا ويجكجك فينا

[العريق]

اذا هم يصوروني مباشرة طبعاً ما أرضى ألا لازم يسأذنون
اما هم يصورون أماكن عامة و طلعت فيها مش مشكلة خل يصورون

[بوخالد911]

الاستئذان أولا

ويعتمد ع الشخص نفسه
وحتى يعتمد ع حالته النفسية

عن نفسي بقبل وبقوووله صور ووزززززززززززززززززززع

:)

[الخزرجي قطر]

من الاداب والواجب انه يستاذن ويطلب انه يبي يصوره

[حبر وقرطاس]

ماتفرق معاي

واثق الخطوه

يصورون واذا يبون صور بعد بعطيهم وعلى حسابي

ذهبت انا حبر وقرطاس وعدت وانا حبر وقرطاس مانقص مني شئ

[Lili2005]

قلة ادب،، ومن حقك تشكي عليهم بعد

[penguin]

مره وحده قالت لي عادي اصورك من ورا

مارح اقول لكم شنو قلت لها :telephone:

حسستني تمثال الحرية ع غفله

بس خليتها تصور خخخخ

[Locale]

لما سافرت تايلند وماليزيا كل مارحنا مكان صورونا وكنا نضطر ان ناخذ الصوره
علشان مايعلقونها فالكشك مالهم ،، لكن كنا نعصصصب يصورونا من غير مايستأذنون
ويخلونا غصب نشتري الصوره

[الصغيره]

الرجال لحول ولا قوه بينهم وبين ونقول رجال

لكن الحريم اللي من تجلس لك بمناسبه حتى لو فنجال قهوه الا الاجهزه يو م فتحت وهات يا تصوير ما ندري هي للفناجيل او لنا لكن حسبي الله والنعم الوكيل بدون ما يستاذنن ولا ينبهن

[مبارك سعد]

اشدعوه يصورني شايف تمثال الحريه ولا بلهول

[لاجل QT]

ياكثر مايصورونى الاجانب في سوق واقف فجأتا :shy:

[بو علاوي]

عادي خلهم يصورون
بس مفروض ياخذ اذن على شان الواحد يعدل هندامه اقل شي

[بوحمد111]

بقول تجربتي مع التصوير بدون اذن المصور للتصوير

انا وزوجتي وعيالي كنا في زياره لمول الامارات واحنا ما شاء الله سبعه وشوي والا المح صيني مع ربعه يصورنا واول ما شافني جاي له معصب وبحركة سريعه مسح الصوره ولكن في ذاك اليوم مسكته ورفعته من على الارض وقلت حق ولدي اخذ الكيمره من عنده وبالقوه اخذناها وشيكنا عليها انه ما توجد لنا صوره وقلت له لو حصلت الصوره بخليك تحوس في الارض وتدور فتافيت كيمرتك ولكن الله سلم وربعه اللي معاه ولا واحد منهم تحرك وكانو خايفين لو حد منهم قرب مني بعلقه معاه والحمد لله الامور عدت على خير

اول مره احس اني شرير على اللي يغلط علي

بالمختصر ما احب احد يصورني وخاصة اذا الاهل معاي الله يستر عليهم وعلى جميع المسلمين

تحياتي

[R 7 A L]

عادي
ماتسوى علي احاسب كل من صورني

[الزعفراني]

انا كل يوم يصوروني 50 مره بحكم تواجدي في المحل ، والبعض منهم للاسف ما يستاذن

وين محلك في سوق واقف يا مال العافيه ؟ بصورك من بعيد بدون لا تدري وبحطها في الفيسبوك :shy: