تعليم الاطفال الكلام البذيء من الاباء

[مضارب دوسري]

السلام عليكم

اليوم بتطرق لموضوع تعليم الاطفال الصغار
للكلام البذيء وهو توه صغير ومايعرف معناه
مثال
تلاقي ولد ولا بنت يقولون كلمه بذيئه فالبيت وتلقى الاب ولا الام ميتين ضحك لانه قال هالكلمه
والطفل لما يشوف الكل يضحك لانه قالها تلقاه خلاص يتعود يقولها لاي شخص

وفي المناسبات او العزايم اي احد يكلمه يقول هالكلمه البذيئه ساعتها تلقى الام تحول وجهها احمر ومنحرجه من كلمة الطفل وتطقه وتبرر لنفسها ان الطفل تعلمها من عيال فلان او علان او الجيران المهم تلقى لها صرفه تبعد الشبهه عنها وان مالها دخل فاللي حصل

خلاصة الكلام
ليش تضحكون لما يقولونها فالبيت وتنحرجون لما تنقال برى البيت وينطّق الطفل لانه احرجكم ؟

بصراحه هالشي ممكن كثير منكم ينكره ولكن منتشر بشكل كبير وللاسف معظم الكلمات يكون الاستاذ هو الاب والمنحرج هو الام

شالوناسه اذا قال الطفل مثل هالكلام سواء فالبيت او خارجه؟

[penguin]

مره كنت قاعد مع ياهل قال كلمه غريبه و ربعه يضحكون فاهمينها

بعدين قالوا أن خدمهم الاندونيسيات معلمينهم

فكرت السالفه عبط لين قلتها حق خدامتنا جاااااان كلامهم صح

قلت لها انتوا عادي في بلادكم تقولون جي حق عيالكم جااان تسكت

عاد الكلمه قووووويه قووويه حتى استغربت ان يهال يعرفون معناها

[مشاكل]

المشكلة ياالدوسري انت تعلم فالبيت وتبني
وفالمدرسة والفريج والنادي ينهد كل اللي بنيته
لكن قسم بالله اني لو اسمع كلمة وصخه من عيالي اني لا الشطهم تلشط بالخيزران اخلي الواحد منهم يتحسف ويتوب

[مضارب دوسري]

المشكلة ياالدوسري انت تعلم فالبيت وتبني
وفالمدرسة والفريج والنادي ينهد كل اللي بنيته
لكن قسم بالله اني لو اسمع كلمة وصخه من عيالي اني لا الشطهم تلشط بالخيزران اخلي الواحد منهم يتحسف ويتوب

في مثل هالحالات تصرفك صح الصح
اذا متعلمها برى البيت الخيزران تنسيه اياها

بس اللي انا اقصده فالموضوع الطفل بو ٣ سنين !

اما الكبار ف لازم بالتاديب وانا ضد اللي يقول الضرب ما يربي
الضرب هو اساس التربيه الصحيحه
لان باختصار الولد اذا ماكان يخاف انه عنده واحد سفاح فالبيت على اي شي غلط ماراح يكون للاب هيبه عنده
لاشاف الابو بارد تلقاه يمشي بباكيته وعمره ١٠ سنوات

[مضارب دوسري]

مره كنت قاعد مع ياهل قال كلمه غريبه و ربعه يضحكون فاهمينها

بعدين قالوا أن خدمهم الاندونيسيات معلمينهم

فكرت السالفه عبط لين قلتها حق خدامتنا جاااااان كلامهم صح

قلت لها انتوا عادي في بلادكم تقولون جي حق عيالكم جااان تسكت

عاد الكلمه قووووويه قووويه حتى استغربت ان يهال يعرفون معناها

بعد الخدم صاروا يعلمونهم
هزلت والله

[وطن]

يعني يعلمون اليهال شي و يستانسون عليهم
و بره البيت لو قالوا هالكلام ينضربون
يسببون لليهال عقد نفسية !!

الطفل شنو ممكن يفهم من هالتصرف الغريب؟ امي ولا ابوي فيهم انفصام مثلا؟

هذا طفل ماراح يفهم ليش لين قال الكلمة في البيت عادي ويضحكون الام والاب
ولين قالها بره ينضرب

مخه يتشتت
ما يستوعب ان هني عيب تنقال هالكلمة وهني ممكن تنقال


من الأساس لازم ما يتعلم هالكلمات البذيئة

[ريتويت]

الاهل يعلمون الكلام البذيء اكثر من الخدم.. الخدم يعلمون اليهال لغتهم

[penguin]

في مثل هالحالات تصرفك صح الصح
اذا متعلمها برى البيت الخيزران تنسيه اياها

بس اللي انا اقصده فالموضوع الطفل بو ٣ سنين !

اما الكبار ف لازم بالتاديب وانا ضد اللي يقول الضرب ما يربي
الضرب هو اساس التربيه الصحيحه
لان باختصار الولد اذا ماكان يخاف انه عنده واحد سفاح فالبيت على اي شي غلط ماراح يكون للاب هيبه عنده
لاشاف الابو بارد تلقاه يمشي بباكيته وعمره ١٠ سنوات

التربية الصح انك تتحكم بعيالك بدون ماتخلي الخيزرانه تتحكم فيهم

تبرمجهم بان لك هيبه و ماتخلي الهيبه حق الخيزرانه

[مضارب دوسري]

التربية الصح انك تتحكم بعيالك بدون ماتخلي الخيزرانه تتحكم فيهم

تبرمجهم بان لك هيبه و ماتخلي الهيبه حق الخيزرانه

والله ياخوك الولد اذا ماعرف انه عنده فالبيت رجال يدري انه بيقظع الخيزران على ظهره صدقني ماراح يخاف من ان يسوي اي شي غلط لان عادي عنده

الخيزرانه هي اللي تربي وانا اخوك

ابوي الله يطول في عمره ومعظم الاباء قبل كانوا يحطون الخيزرانه فالصاله بس عشان كل مانشوف التلفزيون نعرف اذا سوينا شي غلط الخيزرانه بتكسر على ظهر واحد فينا

اما لغة التفاهم هي اللي طلعت لنا جنس ثالث ومتتنين

[مضارب دوسري]

يعني يعلمون اليهال شي و يستانسون عليهم
و بره البيت لو قالوا هالكلام ينضربون
يسببون لليهال عقد نفسية !!

الطفل شنو ممكن يفهم من هالتصرف الغريب؟ امي ولا ابوي فيهم انفصام مثلا؟

هذا طفل ماراح يفهم ليش لين قال الكلمة في البيت عادي ويضحكون الام والاب
ولين قالها بره ينضرب

مخه يتشتت
ما يستوعب ان هني عيب تنقال هالكلمة وهني ممكن تنقال


من الأساس لازم ما يتعلم هالكلمات البذيئة
هذا اللي صاير ومنتشر

[مضارب دوسري]

الاهل يعلمون الكلام البذيء اكثر من الخدم.. الخدم يعلمون اليهال لغتهم

اي نعم معظم الاباء هم اللي يعلمون الاطفال هالشي
وانا اقصد هنا الاباء وليس الامهات
الام مشاركه في هالشي في انها اذا قال هالكلمه فالبيت عادي انا برى البيت ينضرب
ف شلون يبون الطفل ينسى هالكلمه

[مبارك سعد]

المشكلة ياالدوسري انت تعلم فالبيت وتبني
وفالمدرسة والفريج والنادي ينهد كل اللي بنيته
لكن قسم بالله اني لو اسمع كلمة وصخه من عيالي اني لا الشطهم تلشط بالخيزران اخلي الواحد منهم يتحسف ويتوب



بضبط انا استخدم نفس الاسلوب بالخيزران
وماعندي احد يتكلم بهذا الكلام ،يخسي اللي يقول كلمه وصخه جدامي ولا من وراي اخليه يحرمها بالعصى ولا عاد يقولها مره ثانيه انا عندي الاخلاق في كل شئ0والحمد لله ماسمعت منهم اي كلمه بذيئه0

[حبر وقرطاس]

والله كلام واقعي


خاصه اذا كان الاهل فالبيت يتطاولون بالفاظ تحتها خط احمر من باب الدعابه وتلقى الابن او الابنه في سن صغير يمسك الكلمه واول ما يطبقها يطبقها في المدرسه مع زملائه وربما امام المسؤولين عنه
فيعطي انطباع سيئ جدا عن اسرته ونشئته
شي يفشل . لذا يجب الحرص على تعليمهم الذرابه والادب