فضيحة كنتاكي سوق العلي بالفيديو

[هامور خرطي]

اخواني واخواتي

ارسل لي صديقي هذا الفلم لي وطلب مني رفعه لليوتيوب حتى يطلع عليه جميع الناس من سوء في ادارة كنتاكي وعدم احترامهم للشروط الصحية في نقل المثلجات والله اعلم كم ساعة بقيت هذه المثلجات بالسيارة
نتمنى من الجهات الصحية التدخل لوضع حد في الاستهتار
الواقعة اليوم السبت الساعه الرابعة الا ربع
شكرا اخ جاسم ع الرابط المباشر

http://ysv.me/166464
اكتب بيوتيوب
فضيحة كنتاكي سوق العلي

[خليفـة]

بالفعل هذي مخالفة صريحة لشروط سلامة ونظاقة الاغذية
الأكل المجمد من لحوم ودواجن وهامبورغر مفروض يتم نقله بواسطة سيارة مكيفة
ومخصصة لمثلك تلك الأمور

اتمنى من الأخوة في الجهات المسؤولة
اتخاذ الاجراء اللازم ضد هذا المطعم وهذا الفرع تحديداً

بنشوف اذا بيحاسبونهم .. ولا بيغضون الطرف عنهم لأسباب الكل يعرفها
:)

خليفـــة

[Locale]

مادري يمكن شارين الدياي من الجمعيه وجايبينه دايركت للمطعم
لان بنت حماتي أسألتهم انتوا الدياي من وين تجيبونه (عقب ماشافت المقاطع اللي انتشرت من تعذيب الدجاج وطرق ذبحها في امريكا )
رد عليها احنا نشتريه من هنا فالدوحه
الله يعلم هل هذا مجمد من الجمعيه على طول للمطعم
ولا اهو مثل ماذكرت خاس فالسياره

[ريتويت]

استغفر الله

[غزلان]

كنتاكي ماينشره عليه ويتوقع منه كل شي

[بصمة قطرية]

و يقولون ليش أكل كنتاكي يمرض ..!!!
الله يعز النعمة
إستغفر الله العظيم ،،

[jassim69]

تفضل حولنا لك الرابط مباشر
http://ysv.me/166464

[penguin]

ماودي اعيب النعمه >< بس اكلهم زباله
استغفر الله
بس ترا مااجوفهم مخالفين شي
الدياي المثلج حصاه مايذوب بسرعه و الكوارتين مع بعض يجمدون بعض
يعني انتوا شلون تنقلون الدياي من الجمعيه لين بيتكم عندكم سيارة اسكريم مثلاً

[cavok]

عافت الخاطر يا kfc

[Rashid554]

ماودي اعيب النعمه >< بس اكلهم زباله
استغفر الله
بس ترا مااجوفهم مخالفين شي
الدياي المثلج حصاه مايذوب بسرعه و الكوارتين مع بعض يجمدون بعض
يعني انتوا شلون تنقلون الدياي من الجمعيه لين بيتكم عندكم سيارة اسكريم مثلاً


ههههههههههههههههههههههههه



يعني امانه انا مادري ليش الناس تنتقد كنتاكي ، هذا مطعمي المفضل والله لولا الدايت الي انا فيه غداي وعشاي منه ، يعني كله صحي الحمدالله وريحته تدوخ الراس من حلاتها والله لما امر قدام كنتاكي واكون مبطل الدريشه خاطري اوقف عشان اخذ طلب
كنتاكي من المطاعم المميزه عالمياً و وقت السفر مالك الا هالمطعم خصوصا الدول التي لاتوفر اكلات عربية والسايح من النوع الي مايحب يجرب اكل يديد
يعني من خلال الفيديو كل الي نشوفه نقل دجاج من سيارة الى مطعم
واتوقع والعلم عند الله هو مجرد توقع ان الدجاج في فرع سوق العلي خلص وطلبو من اقرب فرع لهم الي هو فرع محطة المسيله او فرع السد يوفر لهم كميات وارسلو سياره نقل عاديه

للامانه كل الفروع اشوف سيارات نقل خاصه لنقل الدجاج ولكن هذي حاله استثنائيه


إلا كنتاكي :anger1:

[هامور خرطي]

ماودي اعيب النعمه >< بس اكلهم زباله
استغفر الله
بس ترا مااجوفهم مخالفين شي
الدياي المثلج حصاه مايذوب بسرعه و الكوارتين مع بعض يجمدون بعض
يعني انتوا شلون تنقلون الدياي من الجمعيه لين بيتكم عندكم سيارة اسكريم مثلاً

شركة عالمية مثل هذه لها اجراءات وشروط عالمية في النقل وعلى الوكيل اتباعها من توفير سيارات بها برادات وهي متوفره عندهم. لكن يبدو ان العامل العربي قال له (خذ ده على طريقك) ولايمكن مقارنه بين نقلنا للبضايع من الجمعية مع مطعم عالمي يعتبر اشهر من نار على علم وننتظر الجهات الصحية

[penguin]

شركة عالمية مثل هذه لها اجراءات وشروط عالمية في النقل وعلى الوكيل اتباعها من توفير سيارات بها برادات وهي متوفره عندهم. لكن يبدو ان العامل العربي قال له (خذ ده على طريقك) ولايمكن مقارنه بين نقلنا للبضايع من الجمعية مع مطعم عالمي يعتبر اشهر من نار على علم وننتظر الجهات الصحية

ماراح اسب كنتاكي عشان Rashid554 مايزعل :tease:

مطعم عالمي بس عندنا نسى العالميه يعني الحمد الله مانقلوا لكم الدياي بسيكل بو سله احنا في تطور

[الخزرجي قطر]

الواحد عايف اكل المطاعم من زمان مااحلى اكل البيت

[ANONYMOUS]

ماودي اعيب النعمه >< بس اكلهم زباله
استغفر الله
بس ترا مااجوفهم مخالفين شي
الدياي المثلج حصاه مايذوب بسرعه و الكوارتين مع بعض يجمدون بعض
يعني انتوا شلون تنقلون الدياي من الجمعيه لين بيتكم عندكم سيارة اسكريم مثلاً

متفق معاك ههههههههههههههههههههههههههههه

[الصغيره]

الزلمه ما بياكل الا فرش

فما بيهم القطريون ياكلون من هالجنتاجي الموفسد مع سبق الاصرار والترصد

اطالب باغلاق كل افرع كنتاكي ومطالبة كنتاكي بعديل اوضاعه

[حميداني]

صراحه امكبرين الموضوع
صج عادي جداً ان توه جايب كم كرتون من جمعيه قريبه .. وبس عادي

[مبارك سعد]

كم مره نمرض منه الله يكرهنه في والمسلمين امييين

[moonبنتnight]

وين شروط السلامة 00
ليش ما عندهم ثلاجات خاصة 00
أكبر خطر على صحة الناس هذا يسبب تسمم لهم لما يذوب الثلج من الدجاج ويرجعه الثلاجة مرة الثانية 00
وين البلدية عنهم 00
يا ريت صاحب الموضوع يبلغ في موقع البلدية وهم بخالفونه 00

[بنت شرق]

مايصير يشيل الدجاج المجمد بسيارة عادية هاي ضد اجراءات سلامة نقل الاغذية ،
هاي ينقل الجراثيم بسهولة ويخليها تتكاثر ويسبب امراض خطيرة حياة الناس ماهي بلعبه

[كازانوفا]

انا اشوفهم باستمرار ومثل ما قالو الاخوه من الجمعيه للمحل ما راح يذوووووب
نفس الحال معاناااا نشتريه من الجمعيه وعلى البيت على طول

[khaldoon]

والله لو يغيرون الادارة في كنتاكي بيكون افضل ....ما فيها تطوير نهائيا و نشتكي و اذن من طين و الثانية من عجين....ما اعرف ليش مثلا هو المطعم الوحيد اللي مصر يعطيك البيبي بحجم عائلي ساخنة و يعطيك معاها ثلج (هذا لو انتبهت و طلبت ثلج)... دائما يقولون ما في بيبسي بارد....لهدرجة مسألة توفير بيبسي بارد صعبة؟؟!!

[بومحمد المطاوعه]

http://2bb.me/n.php?l=upxc9658965/1125/210160824376.jpg

لاحسيب ولا رقيب

خل الفيديو يشوفونه حمايه المستهلك

ولا بيسووون شي

[PGR]

يا اخي انت حاط الفيديو هني شالفايدة عندك شي ومتاكد منه روح اشتكي في البلدية قسم مراقبة الاغذية وبيتخذون الاجراء الازم لكن بطرح موضوعك هني ماستفدت شي

[وحيد-الشوق]

اشوفه شيء عادي يمكن شارين الدجاج من جمعية قريبة لكن المصيبة اكلهم استغفر الله الله يعز النعمة ويديمها علينا وعلى المسلمين

الحمدلله صارلي سنتين تقريبا ما اكل من كنتاكي ومرتاح اذا تاكل حار من عندهم صعب ثاني يوم تدوام !!!!!

[Abdulla Al.F]

تمت الترجمه للخبر معه الفيديو: http://bit.ly/TdQAv8

[راشد محمد]

وانا اقول ليش اتسمم

[مونتانا]

البلدية التبع لها هذا المطعم يجب ان تتخذ الاجراء الازم.

[عاهد بن علي]

طيب يمكن مهب اكل مجمد بالكراتين !!!!! يمكن داخل الكراتين دجاج ( حي ) !!!!!!!! صح ؟؟؟؟؟؟؟؟

[بومحمد911]

كنتاكي اسم يجيب لي اللوعة

الله يعز النعمة بس

[بوخالد911]

هلا

لو يردوون الموظفين الفليبينيين افضل

[هامور خرطي]

يا اخي انت حاط الفيديو هني شالفايدة عندك شي ومتاكد منه روح اشتكي في البلدية قسم مراقبة الاغذية وبيتخذون الاجراء الازم لكن بطرح موضوعك هني ماستفدت شي

الرجال اللي صور سافر عقب ما اصور بيوم
ويحلف لو انه بالدوحة اشتكي عليهم وبيرجع عقب اسبوع

[هامور خرطي]

هلا

لو يردوون الموظفين الفليبينيين افضل

العمالة العربية من يوم مسكت مطاعم الفاستفود وهي بتدهور الله على ايام كنتاكي راس ابوعبود

[النهار]

ول ول سويتوها ذيج الحكايه كلنا نشتري كراتين الدجاج ونحملها بالمواتر انا ياما اشوف بياكم تحط الكراتين في البدي من وراء حلال عليكم وحرام على الغير والله ياراعي الفيديو ماعندك سالفه
روح يوم من الايام ووقف جدام اي مطعم من مطاعم المشويات تشوف هالمنظر

[فروخ]

الله المستعان

[السحابة]

صراحة كنت اشتري الربيان اما الدياي استحاله اخواتي طلبو حجم عائلي والله الدياي محمر بالريش استغفرالله حتي لون الافخاد ازرق شكلها يقرف كانها من المزارع اللي الدياي يموت مريض ويعطوه حج كنتاكي وهذا راي وتجربتي

[عذب الكلام 1]

انا اقول ليش الشباب لما ياكلون كنتاكي يصيبهم تسمم

[سارا البدر]

من اللي بيسمع وبياخذ اجراء لهالاستهتار الواضح

الله يكون بالعون

[خــالــد]

اوف فضيحة لازم يتسكر بصراحة شي خطر

[همر]

صراحه ماعندكم سالفه .. الراجل جايب لكم عربيه ملاكي سكستين ڤالڤ وبتكييف كمان لا ومش اي عربيه.. عربيه كورولا بالشيء الفولاني.. وينقل فيها دجاج .. وانتوا تطالبونه بشاحنه؟!! هذي تشيل وزراء في المناك وانتوا مركبين لكم فيها دجاج في المنيه !!! شنيبون انتوا؟!!

[الكنترول]

اللحوم كلها دهون

[فارس قطر]

هاؤلاء العمال وخاصة العرب الي يعملون في مطاعم كنتاكي نظافة عندهم معدومة

[بوحارب]

حسبي الله عليكم

[السهم الملتهب]

أشوفه شيء عااااادي جدا

عشان يذوب الدجاج يبي له اقل شيء 4 ساعات على الاقل خصوصا ونحن في فصل الشتاء

والموضوع ما يستحق هالضجة بالصراحة .

[dream~qa]

كنتاكي من زمان مقاطعينه .... اليهال من ياكلونه يصيدهم مغص واسهال أعوذ بالله .

[daekan]

صلن من قالكم ان الدجاج هذا راح يحط في الفريزر ليش ما يكون راح يستخدم على طول وماشوف فيها اي مشكلة
على فكره شهيتوني اكل منه اليوم بامر علية وباطلب 2 توستر ساندوش

[شامخ قطر]

مادري يمكن شارين الدياي من الجمعيه وجايبينه دايركت للمطعم
لان بنت حماتي أسألتهم انتوا الدياي من وين تجيبونه (عقب ماشافت المقاطع اللي انتشرت من تعذيب الدجاج وطرق ذبحها في امريكا )
رد عليها احنا نشتريه من هنا فالدوحه
الله يعلم هل هذا مجمد من الجمعيه على طول للمطعم
ولا اهو مثل ماذكرت خاس فالسياره

من شروط الشركة الام لدجاج كنتاكي

استخدام الدجاج الامريكي وهي الي توزعه على جميع مطاعم كنتاكي في العالم هذا من واقع سؤوالي للادارة
ولا يقدرون يشترون اي شي من برى لازم يستوردونه من الشركة بامريكا

[امـ حمد]

لاحول ولا قوة الا بالله
استغفر الله العظيم

[سبحاان الله]

كل المطاعم فيها عيوب وعليها مخالفات بس محد ينتبه عليهم

[خــالــد]

كنتاكي ولا افكر اكل منة الله يعز النعمة اصيد لي ضب في البر واكلة ولا اكل عند كنتاكي

[aljooker]

اعوذ بكلمات الله التامه من كل شيطان وهامه ومن كل عين لامه

اللهم اكفني بحلالك عن حرامك واغننى بفضلك عمن سواك

[نو لمت]

شكرا عالموضوع ...

[ALHAJAJI]

من ناحية ما اشوف فيها شئ , يمكن شارين الدجاج من محل قريب على اساس يغطي النقص اللي معاهم.


من ناحية ثانية اجراءات السلامة للاغذية مطلوبة ومهمة جدا وخاصة لما تكون من جهات عالمية تحرص على تقديم افضل الخدمات للمستهلكين فيجب ان يكون لديها وسائل النقل المخصصة لمثل هذه الامور حتى تتفادى اي انتقاد من الجمهور .

اعتقد يجب محاسبة المسؤول في الشركة من قبلهم هم , لانه اساء لجمهور الشركة وعرضهم للانتقاد ولخسائر مجموعة من المستهلكين .

تحياتي

[صوت مواطن]

:nice::nice::nice::nice::nice::nice:
ههههههههههههههههههههههههه



يعني امانه انا مادري ليش الناس تنتقد كنتاكي ، هذا مطعمي المفضل والله لولا الدايت الي انا فيه غداي وعشاي منه ، يعني كله صحي الحمدالله وريحته تدوخ الراس من حلاتها والله لما امر قدام كنتاكي واكون مبطل الدريشه خاطري اوقف عشان اخذ طلب
كنتاكي من المطاعم المميزه عالمياً و وقت السفر مالك الا هالمطعم خصوصا الدول التي لاتوفر اكلات عربية والسايح من النوع الي مايحب يجرب اكل يديد
يعني من خلال الفيديو كل الي نشوفه نقل دجاج من سيارة الى مطعم
واتوقع والعلم عند الله هو مجرد توقع ان الدجاج في فرع سوق العلي خلص وطلبو من اقرب فرع لهم الي هو فرع محطة المسيله او فرع السد يوفر لهم كميات وارسلو سياره نقل عاديه

للامانه كل الفروع اشوف سيارات نقل خاصه لنقل الدجاج ولكن هذي حاله استثنائيه


إلا كنتاكي :anger1:

[يوسف0]

افا كنتاكي

خل ايوفرون مطعم للطبخات الخليجيه(عيش ولحم وهريس ووو) والحلو وقهوه عربيه وشاي وفيه توصيل و نافذه حق الطلبات السريعه من السياره (: والله يبيله

[بنت النور1]

استغفر الله

[Sociable]

استغفر الله

[Sociable]

استغفر الله استغفر الله

[qatar_86]

انا ضربت اكس على كنتاكي من عشر سنين وريحت نفسي

[boahmed]

ما احب كنتاكي

[بوجاسم 60]

استغفر الله

[لبيبة]

عادي، كنتاكي أكلهم من زمان طعمه كراتين مقلية، اتوقع انه يمر بجميع مراحل الاضطهاد.

[نسناس]

السوال هل دجاج الكنتاكي اللي يذبج في امريكا هل يذبح بالطريقه الاسلاميه على يدي مسلمين ام يذبح بالكهرب والغاز مثل ما نشوف في اليوتيوب ؟؟؟؟؟

[لبيبة]

السوال هل دجاج الكنتاكي اللي يذبج في امريكا هل يذبح بالطريقه الاسلاميه على يدي مسلمين ام يذبح بالكهرب والغاز مثل ما نشوف في اليوتيوب ؟؟؟؟؟
بكل طرق التعذيب يذبحونه، ما عندهم إسلامي ولا رحمة بالحيوان.

[كربيتر]

كنتاكي مقاطعه من سنتين ولله الحمد

[قطري123]

دجاج كنتاكي معروف بقذارته

[Mercedece]

ماودي اعيب النعمه >< بس اكلهم زباله
استغفر الله
بس ترا مااجوفهم مخالفين شي
الدياي المثلج حصاه مايذوب بسرعه و الكوارتين مع بعض يجمدون بعض
يعني انتوا شلون تنقلون الدياي من الجمعيه لين بيتكم عندكم سيارة اسكريم مثلاً

ماادافع عن المطعم ولا انتقد بس ايش دراك بالمسافه من المكان للمطعم ؟
على اي اساس بنيت "الفضيحه"؟

[دلال قطر]

يعني انتوا شلون تنقلون الدياي من الجمعيه لين بيتكم عندكم سيارة اسكريم مثلاً


ههههههههههههههه اتخيل بيت عنده سيارة اسكريم
فعلا كلامج صحيح

سواء كان نقلهم للاكل صحي او لا
ف الحالتين مطعمهم زباله وريحته تسد النفس وشكرا :nice:

[سلطان قطرر]

ياربي لك الحمد والشكر
وشتبون بالوجبات السريعه