لاصحاب التجربه / احسن طبيب اسنان + وحساسيه صدر ( كحه)

[حبر وقرطاس]

السلام عليكم ورحمه الله

صبحكم الله بالخير جميع... الجميع يعلم الدوله ماقصرت بفتح المجال للمجمعات الطبيه والعيادات الخاصه ، التي باتت تنافس القطاع الحكومي المجاني ، لسرعه العلاج وتخفيف الم المرضى وطبعا الفلوس اخر شي يفكر فيها الانسان مقابل صحته .

هم كثره وان شاء الله فيهم كلهم خير ولكن احتاج اعرف احسن طبيب او طبيبه اسنان
وافضل طبيب او طبيبه حساسيه صدر .
ولدي خواف من اطبا الاسنان وفي ذات الوقت صايدته كحه حساسيه جافه فالصدر وطولت معاه
وين ترشحون لي اوديه وجزاكم الله خير

[نوار قطر]

ماعليه شر ان شالله بالنسبه للاسنان الصراحه مااعرف بس وااايد يمدحون الي في الصحه المدرسيه انا وديت بنتي لهم مره والغلط مني مااستمريت معاهم ... وبالنسبه للكحه عيادة الدكتور خالد الشيخ ممتاز والمستشفى الامريكي بعد وايد زين ... طمنا عليه :)

[سهم مساهم]

أخوي إذا تبي مافي أحسن من الرميلة للأسنان بس عاد تعرف المواعيد شوية بعيدة بسبب الضغط الكبير عليهم بس إذا تبي عيادة خاصة زينة وإسعارها حلوة واطباًئهم كلهم أخصائيون مالك عيادة الريم للأسنان في العزيزية ترا شغلهم محترم والله يوفقك وتحصل موعد في الرميلة وتوفر فلوسك وبالنسبة لدكتور حساسية عندك الدكتور حسن في الرميلة انا نجربه وزين والله يشفيك ويشفي مرضى المسلمين امين يارب

[نوار قطر]

أخوي إذا تبي مافي أحسن من الرميلة للأسنان بس عاد تعرف المواعيد شوية بعيدة بسبب الضغط الكبير

انا رحت لهم بدون موعد وبدون تحويل دخلت على دكتور الطوارئ وقلت له البنت تعبانه ومن هالكلام وعطاني تحويل من عنده دايركت للعياده الخارجيه ودخلت على الدكتوره في نفس الوقت:)

[العلم]

لطب الأسنان ... الإستشاري وائل في مركز المدينة لطب الأسنان ... وبدون مناااااازع




والله يقوم ولدك بالسلامة ،،،

[حبر وقرطاس]

لطب الأسنان ... الإستشاري وائل في مركز المدينة لطب الأسنان ... وبدون مناااااازع




والله يقوم ولدك بالسلامة ،،،

اي فرع ؟ المرخيه والا سباير

[العلم]

اسباير

[حبر وقرطاس]

اسباير

تسلم يا اخوي ماقصرت

[حراير قطر]

ما عليه شر ان شاء الله

الدكتور / خالد الشيخ لحساسية الصدر

اما دكتورة اسنان للاطفال عندك عيادة الملكة اللي بالستي سنتر

لهم طولت بال على الاطفال وشغلهم ممتاز ...

[مرت محمد]

من خلال تجربتي احسن دكاتره اسنان الملكه الي في فيلاجيوا دكتور هندي اسمه سعيد

[مهرة]

ماقصروو اخواني وخواتي ومايشوف شر الصغيروون ..

اسنان الله مكثر العيادات والله يعين عالدوارة والدكاترة الزينين ينعدون عالاصابع ..

ممكن اتشوف عيادة الدكتور مهند في المعمورة .. للأطفال

[بنت المطر]

دكتور رافت الخراشي

[سان سيمون]

دكتور الصدر خالد الشيخ في شارع النصر قريب من أحلام وذكريات ممتاز من سنوات أتعامل معاه

[بصمة قطرية]

حساسية الصدر الدكتور خالد الشيخ ،،

[طبيب قطري]

دكتور محمد المنصوري في الرميله .. مافي اشطر منه في الدوحه.. قمه في الذوق والأدب والتدين والأخلاق .. فعلا نفخر به كطبيب قطري ، روح الرميله ومعاك تحويله من المركز الصحي وقول حق موظفه الاستقبال بالرميله انك تبي موعد معاه ...
بالنسبه لحساسية الصدر ماعندي فكره ..
ماتشوف شر اخوي

[Dana’1]

السلام عليكم ورحمه الله

صبحكم الله بالخير جميع... الجميع يعلم الدوله ماقصرت بفتح المجال للمجمعات الطبيه والعيادات الخاصه ، التي باتت تنافس القطاع الحكومي المجاني ، لسرعه العلاج وتخفيف الم المرضى وطبعا الفلوس اخر شي يفكر فيها الانسان مقابل صحته .

هم كثره وان شاء الله فيهم كلهم خير ولكن احتاج اعرف احسن طبيب او طبيبه اسنان
وافضل طبيب او طبيبه حساسيه صدر .
ولدي خواف من اطبا الاسنان وفي ذات الوقت صايدته كحه حساسيه جافه فالصدر وطولت معاه
وين ترشحون لي اوديه وجزاكم الله خير
وعليكم السلام

بالنسبة لطبيب الأسنان لطفل خواف وكل الأطفال وحتى الكبار بعد:shy:
ارشح لك وعن تجربة..دكتورة سلوى درويش بعيادتها الخاصة .. خلف الريفيرا

اسعارها عالية بس جدا ممتازة وتخصصها اطفال ...وبإذن الله راح تحبب الولد بشي اسمة طبيب أسنان
وما يشوف شر إن شاءلله

[Locale]

اختي دارت على افضل الدكاتره ماحصلت احسن من الصحه المدرسيه
مو ذم في بعضهم لا
لان عيالها يخافون ويسوون حشره فالعيادات بسبت الخوف
ومحد عرفلهم غير الصحه المدرسيه بحكم تعاملهم مع الاطفال عندهم خبره

[حبر وقرطاس]

اشكركم اخواني واخواتي على المشاركات الصادقه

واتمنى للجميع اسنان قويه وجهاز تنفسي سليم

وعساكم عالقوه ويخلي عيالكم لكم

[خزامئ]

دكتور براهيم الجناحي مستشفي حمد احسن دكتور في الدوحه
تخصص امراض الصدر والرائه