اهــل الزوج وأنـتــي يالزوجة ... ســــاعــــه حــــــــــوار

[بومحمد المطاوعه]

السلام عليكم ورحمة الله وبركاتة ..

تحيه طيبه

حبيت اطرح موضوع

اهــل الزوج وأنـتــي يالزوجه ....

الفتاه هي مرآة اهلها


قال سبحانه: وَقُولُوا لِلنَّاسِ حُسْناً {البقرة: 83}.

وقال تعالى: وَقُلْ لِعِبَادِي يَقُولُوا الَّتِي هِيَ أَحْسَنُ {الإسراء:53}.


كثير مانسمع عن المشاكل التي تنغص عيش كل بيت دون استثناء للاسف الشديد

في السابق كانت المرأه تتحمل ضنك العيش وتتحمل ضغوط الحياه والكل منشغل باموره المعيشيه
وتندر المشاكل او الالتفات لها

اما الان بينهم المشاكل واكثرها انتشاراً اهل الزوج


فكثيراً مانسمع عن اسائتهم لزوجة الابن لماذا ؟

لا اعلم

لنترك مشاكلهم ونتحدث عن ردة الفعل من اي فتاه تتزوج وتصدم باهل زوجها
وانهم يُسيؤون معاملتها

هل هذا يُعطيها الحق بان ترد الاساءه باساءه ام تترفع عن الرد ؟

ام تقابل اساءتهم باحسان ؟

واحيانا نجد بعض الفتيات
تُسيء معاملة اهل زوجها فقط لتثبت انها الاقوى رغم انهم يعاملونها بِما يرضي الله ورسوله

ويقدمونها على انفسهم احتراماً لولدهم ولاخلاقهم الكريمه


لايوجد لدي اي مبرر للأساءه لاهل الزوج مهما بلغت الحرب بينهم من اجل الشاب المزيون
تتجاهل كل فتاه ان الحياه دائره مغلقه احداثها هي ماتصنع النتائج المستقبليه

فمثل ما تدين تدان

بغض النظر عن اساءتهم لكِ هذا لايعطيك الحق بمعاملتهم بطريقه سيئه ابداً

وان اردتي ان تردي عليهم بِأساءه

فتحملي ماستسمعين من الناس
بنت فلان والله كانت هاديه وبس تزوجت ظهرت حقيقتها ماتحشم احد
امها وابوها اكيد ماربوها واكيد امها كانت تسوي سواتها
ولو احد فكر يتزوج وحده من خواتك اول شي بيقولونه بنات فلان وفلانه لحد ياخذ منهم
لان بنتهم المتزوجه مبهدله اهل زوجها حتى لو كانو مبهدلينك الناس مابيشوفون هالشي

بيشوفون تربيتج انتي

لا تضيعين تربية اهلج فيج عشان تبينين قوتج وسلطتج على احد

حتى لو اساء احد لج
يبقون الكبار وحشمتهم حشمه للي ربوج وتعبو علشانج وسهرو اليالي




قلت اطرح عليكم الموضوع ولكم حرية النقاش فيه

ولنا بإذن الله نقاش ممتع مع بعض نطرح فيه المفيد وقد يهدي الله باقلامنا إحداهن


[ اتمنى ان يكون نقاشاً جاد لانه مهم جداً فاغلب اسباب الطلاق في هالمشكله للاسف ]


اخوكم : بومحمد المطاوعه

[R 7 A L]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!

[حبر وقرطاس]

الاحترام والتنازل والتسامح ونظافه القلب من ظن السوء

ويجب ان تقرر الزوجه من البدايه تسكن معاهم يعني بتواجه اختلافات واطباع غير طبيعتها
ويجب ان تسوي لنفسها جدول يومي في المساعده ف المنزل ان كان ماعندهم خدامه ، وتكون صاحه مبادره وتعين ام الزوج او اخته الكبره او الي شايله تنظف وترتب البيت فوق راسها.
وتكون متسامحه ، وتساعد مب عيب.
وتحاول تسوي حاجز لخصوصياتها مع زوجها ، دائما جز الخصوصيه مفيد.

والا تكون واضحه من البداه وتكون في سكن منفصل تشتري راحه بالها ، لان وبصراحه السكن مع اهل الزوج متاعب ومشاكل

[أسد الجزيرة]

الخلاف بين النساء متشعب و لا يمكن الحكم من طرف واحد
في بداية الزواج يريد كل طرف اثبات قوته و كلمته

ممكن الام و بناتها يريدون يفرضون كلمتهم على الزوجة اما حسداً منهم لانهم عوانس او لانهم يغارون على الزوج من زوجته

او تكون الزوجة تريد ان تثبت قوتها امام حماتها و اخوات زوجها لكي تتحكم فيه و يصبح كالخاتم في اصابعها

فلذلك الافضل للرجل ان يطنش ما دام لا يوجد ظلم

[الدمعه]

الله المستعان

[بومحمد المطاوعه]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!

الله يعافيك ياخوي

والله نتمنى بس وين بتحصل هالبنت في هذا الزمن ...

نادري ماتحصل بنت نفس الي طرحته

الحين بعض الزوجات تنزل من الغرفه وتمر على ام زوجها ولا تسلم

نسأل الله السلامه بس

[بومحمد المطاوعه]

الاحترام والتنازل والتسامح ونظافه القلب من ظن السوء

ويجب ان تقرر الزوجه من البدايه تسكن معاهم يعني بتواجه اختلافات واطباع غير طبيعتها
ويجب ان تسوي لنفسها جدول يومي في المساعده ف المنزل ان كان ماعندهم خدامه ، وتكون صاحه مبادره وتعين ام الزوج او اخته الكبره او الي شايله تنظف وترتب البيت فوق راسها.
وتكون متسامحه ، وتساعد مب عيب.
وتحاول تسوي حاجز لخصوصياتها مع زوجها ، دائما جز الخصوصيه مفيد.

والا تكون واضحه من البداه وتكون في سكن منفصل تشتري راحه بالها ، لان وبصراحه السكن مع اهل الزوج متاعب ومشاكل

صدقت بارك الله فيك يالغالي

جزاك الله خير

[بومحمد المطاوعه]

الخلاف بين النساء متشعب و لا يمكن الحكم من طرف واحد في بداية الزواج يريد كل طرف اثبات قوته و كلمته

ممكن الام و بناتها يريدون يفرضون كلمتهم على الزوجة اما حسداً منهم لانهم عوانس او لانهم يغارون على الزوج من زوجته

او تكون الزوجة تريد ان تثبت قوتها امام حماتها و اخوات زوجها لكي تتحكم فيه و يصبح كالخاتم في اصابعها

فلذلك الافضل للرجل ان يطنش ما دام لا يوجد ظلم

اخوي الافضل ان يصلح بينهم

والاحسن ان يتم التعاون بينهم

نسال الله السلامه والعفو والعافيه

[Lili2005]

استغفر الله العظيم بس

نو كومنت

[بومحمد المطاوعه]

استغفر الله العظيم بس

نو كومنت

والحمدلله على كل حال

[قطريه ماركه]

الواحد يتعامل بأخلاقه سواء كانوا أهل الزوج يعاملونها باحترام أو بغيره

لازم هي تتعامل بأخلاقها الكريمة و تفرض احترامها

[حسن]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!

اذا اردت ان تطاع اطلب بمايستطاع

[R 7 A L]

اذا اردت ان تطاع اطلب بمايستطاع



ليش يابوعلي
تحس الشروط الى قلتها صعبة ؟
:telephone:

[Locale]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!



اذا بتسوي هذا كله متى بيمديها تنظف ملحقها وتجابل عيالها وتدرسهم وتاكلهم
ولا مرت الولد خارقه سبحان الله تقدر تسوي هذي كله فنفس الوقت
متى راح تفضى لنفسها علشان اتعدل لزوجها وتجابله



اخوي ولد المطاوعه
مهما كان اهل الزوج زينين الوحده تحتاج بيت بروحها
انا وحده جايه من تربيه غير واهم من تربيه غير
لاانا عاجبتهم ولا اهم عاجبيني

[حسن]

ليش يابوعلي
تحس الشروط الى قلتها صعبة ؟
:telephone:

والله في زمنا هذا وهني في قطر بالاخص صعبه يارحال
تبي المره تقولك ليش وشحقا وانا مهب الطوفه الهبيطه حق هلك ومن ومن ومن وكفي الله المؤمنين شر القتال وتفتح على نفسك باب مانقدرش نقفلو بعدين

يمكن دفعه 2022 تلقى هل المواصفات الله اعلم

[بومحمد المطاوعه]

ليش يابوعلي
تحس الشروط الى قلتها صعبة ؟
:telephone:

مب صعبه

حلو التعاون

بس بعد يبيلها وقت وتفرغ نفسها صح

اهم شي تقوم في واجبات زوجها وتحترم اهل زوجها

[R 7 A L]

مادري انت من صجك ولاتستعبط

اذا بتسوي هذا كله متى بيمديها تنظف ملحقها وتجابل عيالها وتدرسهم وتاكلهم
ولا مرت الولد خارقه سبحان الله تقدر تسوي هذي كله فنفس الوقت
متى راح تفضى لنفسها علشان اتعدل لزوجها وتجابله



اخوي ولد المطاوعه
مهما كان اهل الزوج زينين الوحده تحتاج بيت بروحها
انا وحده جايه من تربيه غير واهم من تربيه غير
لاانا عاجبتهم ولا اهم عاجبيني

علامة !
توضح وتبين ما أقصد

[حبر وقرطاس]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!

اخوي اكيد تمزح انا متأكد انك تمزح

لانها زوجه ولدهم مب خدامه جاوبوها تشتغل ، ه شريكه حياه الزوج وليست شريكه لهم ولكن ان احبت ان تساعد وتساهم في راحه اهل البيت ليش لا شريطه برضاها وبطيب خاطر، لان حياتها مهم ترتاح فيها واذا تعرضت للضغط والتعب والعمل الشاق وشعرت بأهانه لكرامتها راح تتدمر حياه ولدهم ولن يكون الاستقرار في العلاقه بل وسيكسبون عدوه لهم ، تتطلق وتتكلم في بلاوي الاسره

[بومحمد المطاوعه]

الواحد يتعامل بأخلاقه سواء كانوا أهل الزوج يعاملونها باحترام أو بغيره

لازم هي تتعامل بأخلاقها الكريمة و تفرض احترامها

اكيد لابد الاحترام من الطرفين

والاحسن تكون في حالها

وانتو يالحريم سوالفكم معروفه بين بعض الغيره شغالع 24 ساعه مادري ليش :tease:

[حسن]

مادري انت من صجك ولاتستعبط

اذا بتسوي هذا كله متى بيمديها تنظف ملحقها وتجابل عيالها وتدرسهم وتاكلهم
ولا مرت الولد خارقه سبحان الله تقدر تسوي هذي كله فنفس الوقت
متى راح تفضى لنفسها علشان اتعدل لزوجها وتجابله



اخوي ولد المطاوعه
مهما كان اهل الزوج زينين الوحده تحتاج بيت بروحها
انا وحده جايه من تربيه غير واهم من تربيه غير
لاانا عاجبتهم ولا اهم عاجبيني


يعني انا من كوكب زحل وهل زوجي من كوكب عطارد مثلا

الناس مادري وش صادها ماعاد تستحمل واتستهدي بالله كله العناد والمكابر والشيطان راكب روسهم ويقص عليهم
شوفي بالنسبه لي الحمدلله كانت امي قبل شهور عايشه معاي لكن مشيئه الله واخواتي الاكبار معاي واخوك الكبير معاي سكنت انا في البنت هاوس وخليت البيت لهم كله
والله ياجماعه الخير انا بيتي صار حوشه كبير وتحس انه عود رغم اللي باني بيت صغير وبيته اصغر مني وارضه اكبر مني يحس بضيقه البيت
وسعهوها تتوسع ضيقوها تتضيق عليكم

الله يرحم ايام الزمن الجميل

[بومحمد المطاوعه]

مادري انت من صجك ولاتستعبط


:secret::secret::secret:



اذا بتسوي هذا كله متى بيمديها تنظف ملحقها وتجابل عيالها وتدرسهم وتاكلهم
ولا مرت الولد خارقه سبحان الله تقدر تسوي هذي كله فنفس الوقت
متى راح تفضى لنفسها علشان اتعدل لزوجها وتجابله




ان شاءالله تخلص امورها اول شي

ويمديها تساعد البيت مب عيب ولا غلط




اخوي ولد المطاوعه
مهما كان اهل الزوج زينين الوحده تحتاج بيت بروحها
انا وحده جايه من تربيه غير واهم من تربيه غير
لاانا عاجبتهم ولا اهم عاجبيني

مب شرط الكل اختي

اهل الزوج اذا زينين بيكون في تعاون بين بعض

بعض الاحيان اهل الزوج مب زينين والزوجه مسكينه

او العكس الزوجه مب زينه واهل زوجها زينين

والله المستعان

نسمع وايد قصص خليها ع الله

[بومحمد المطاوعه]

والله في زمنا هذا وهني في قطر بالاخص صعبه يارحال
تبي المره تقولك ليش وشحقا وانا مهب الطوفه الهبيطه حق هلك ومن ومن ومن وكفي الله المؤمنين شر القتال وتفتح على نفسك باب مانقدرش نقفلو بعدين

يمكن دفعه 2022 تلقى هل المواصفات الله اعلم

اي والله ياخوي

صحيح ف قطر مستحيل تحصل

90% ضدك و 10% بتخدم وبتسوي وبتسوي

انا ماقول مافي انا اقول في ونعم فيهم

بس عندي ربع متزوجين من الدول المجاوره الخليجيه

مب قايل بعد عربيه علشان محد تقول والله اهم طبعهم الشغل

لا انا اقول خليجيه

تشتغل فالبييت وتسوي وتساعد حماتها في كل شي

وخواته قاعدين


والله كفووو عليها

[R 7 A L]

والله في زمنا هذا وهني في قطر بالاخص صعبه يارحال
تبي المره تقولك ليش وشحقا وانا مهب الطوفه الهبيطه حق هلك ومن ومن ومن وكفي الله المؤمنين شر القتال وتفتح على نفسك باب مانقدرش نقفلو بعدين

يمكن دفعه 2022 تلقى هل المواصفات الله اعلم



لا وانت الصادق كل ماتقدمت السنين
تنقص هذه الشروط

عموماً اخوي حسن
ردي الأول والشروط الي ذكرتها
كانت مبثابه شرط ساخره تطلبها بعض الأسر
من زوجات أبنائهم
كأنهم مقدمين على خدامة مو زوجة

[الدمعه]

توقيعك يا رحال جواب على الموضوع المطروح.

أحس الموضوع مب للنقاش. لان كل وحده تتصرف بأخلاقها.

وكل العتب على الزوج إذا بيسمح للزوجه بالتطاول على أهله. وهو له أسلوبه انه يقرب زوجته من أهله من البداية. مب يقول توها ومب متعوده أو صغيره. ومن هالاعذار اللي مالها داعي.

وفي نفس الوقت المفروض مثل ما تفكر المره في أهلها وتقرب عيالها وزوجها منهم تفكر في أهل زوجها. وتحاول توزع وقتها ونفسها على الاثنين.

هم صج مب من ارحامها بس من أرحام زوجها وعيالها

والله يهدينا ويهديهم

[الدمعه]

في نقطة بعد حبيت أضيفها

على الزوجه احتساب الأجر في وصلها وخدمتها لزوجها ولأهله

واصلا خدمة ام الزوج ووصلها تعتبر من باب الإحسان. والوحدة في هالزمن تدور الأجر وهو عندها.

[بومحمد المطاوعه]

اخوي اكيد تمزح انا متأكد انك تمزح

لانها زوجه ولدهم مب خدامه جاوبوها تشتغل ، ه شريكه حياه الزوج وليست شريكه لهم ولكن ان احبت ان تساعد وتساهم في راحه اهل البيت ليش لا شريطه برضاها وبطيب خاطر، لان حياتها مهم ترتاح فيها واذا تعرضت للضغط والتعب والعمل الشاق وشعرت بأهانه لكرامتها راح تتدمر حياه ولدهم ولن يكون الاستقرار في العلاقه بل وسيكسبون عدوه لهم ، تتطلق وتتكلم في بلاوي الاسره

صحيح بارك الله فيك

من طيب اصلها تشتغل وليس مجبوره للمساعده

[مبارك سعد]

السلام عليكم ورحمة الله وبركاتة ..

تحيه طيبه

حبيت اطرح موضوع

اهــل الزوج وأنـتــي يالزوجه ....

الفتاه هي مرآة اهلها


قال سبحانه: وَقُولُوا لِلنَّاسِ حُسْناً {البقرة: 83}.

وقال تعالى: وَقُلْ لِعِبَادِي يَقُولُوا الَّتِي هِيَ أَحْسَنُ {الإسراء:53}.


كثير مانسمع عن المشاكل التي تنغص عيش كل بيت دون استثناء للاسف الشديد

في السابق كانت المرأه تتحمل ضنك العيش وتتحمل ضغوط الحياه والكل منشغل باموره المعيشيه
وتندر المشاكل او الالتفات لها

اما الان بينهم المشاكل واكثرها انتشاراً اهل الزوج


فكثيراً مانسمع عن اسائتهم لزوجة الابن لماذا ؟

لا اعلم

لنترك مشاكلهم ونتحدث عن ردة الفعل من اي فتاه تتزوج وتصدم باهل زوجها
وانهم يُسيؤون معاملتها

هل هذا يُعطيها الحق بان ترد الاساءه باساءه ام تترفع عن الرد ؟

ام تقابل اساءتهم باحسان ؟

واحيانا نجد بعض الفتيات
تُسيء معاملة اهل زوجها فقط لتثبت انها الاقوى رغم انهم يعاملونها بِما يرضي الله ورسوله

ويقدمونها على انفسهم احتراماً لولدهم ولاخلاقهم الكريمه


لايوجد لدي اي مبرر للأساءه لاهل الزوج مهما بلغت الحرب بينهم من اجل الشاب المزيون
تتجاهل كل فتاه ان الحياه دائره مغلقه احداثها هي ماتصنع النتائج المستقبليه

فمثل ما تدين تدان

بغض النظر عن اساءتهم لكِ هذا لايعطيك الحق بمعاملتهم بطريقه سيئه ابداً

وان اردتي ان تردي عليهم بِأساءه

فتحملي ماستسمعين من الناس
بنت فلان والله كانت هاديه وبس تزوجت ظهرت حقيقتها ماتحشم احد
امها وابوها اكيد ماربوها واكيد امها كانت تسوي سواتها
ولو احد فكر يتزوج وحده من خواتك اول شي بيقولونه بنات فلان وفلانه لحد ياخذ منهم
لان بنتهم المتزوجه مبهدله اهل زوجها حتى لو كانو مبهدلينك الناس مابيشوفون هالشي

بيشوفون تربيتج انتي

لا تضيعين تربية اهلج فيج عشان تبينين قوتج وسلطتج على احد

حتى لو اساء احد لج
يبقون الكبار وحشمتهم حشمه للي ربوج وتعبو علشانج وسهرو اليالي




قلت اطرح عليكم الموضوع ولكم حرية النقاش فيه

ولنا بإذن الله نقاش ممتع مع بعض نطرح فيه المفيد وقد يهدي الله باقلامنا إحداهن


[ اتمنى ان يكون نقاشاً جاد لانه مهم جداً فاغلب اسباب الطلاق في هالمشكله للاسف ]


اخوكم : بومحمد المطاوعه

اخوي الحين البعض وليس الكل، بيسارع بالاجابه المنطقيه ،ولاكن حقيقته تخفي عكس ذالك كثير منا يكتب بأسلوب ذكي يخفي ا خلاقه الاصليه هنا المصيبه ما في احد يعترف على نفسه ،الكل بيجاوب اجابه سريعه 0

[بومحمد المطاوعه]

اخوي الحين البعض وليس الكل، بيسارع بالاجابه المنطقيه ،ولاكن حقيقته تخفي عكس ذالك كثير منا يكتب بأسلوب ذكي يخفي ا خلاقه الاصليه هنا المصيبه ما في احد يعترف على نفسه ،الكل بيجاوب اجابه سريعه 0

اي والله ياخوي صدقت

الله المستعان

[بومحمد المطاوعه]

توقيعك يا رحال جواب على الموضوع المطروح.

أحس الموضوع مب للنقاش. لان كل وحده تتصرف بأخلاقها.

وكل العتب على الزوج إذا بيسمح للزوجه بالتطاول على أهله. وهو له أسلوبه انه يقرب زوجته من أهله من البداية. مب يقول توها ومب متعوده أو صغيره. ومن هالاعذار اللي مالها داعي.

وفي نفس الوقت المفروض مثل ما تفكر المره في أهلها وتقرب عيالها وزوجها منهم تفكر في أهل زوجها. وتحاول توزع وقتها ونفسها على الاثنين.

هم صج مب من ارحامها بس من أرحام زوجها وعيالها

والله يهدينا ويهديهم

اللهم امين الله يهدي الجميع

والله الزوجه اذا بتخدم حماتها هاي الشي اكراميه منها

ومن طيب اصلها انها تشتغل ف البيت

[بومحمد المطاوعه]

في نقطة بعد حبيت أضيفها

على الزوجه احتساب الأجر في وصلها وخدمتها لزوجها ولأهله

واصلا خدمة ام الزوج ووصلها تعتبر من باب الإحسان. والوحدة في هالزمن تدور الأجر وهو عندها.

اكيد من باب الاحسان

بس ماتحط في بالها انا بشل الصح ولي اجر

كل شي بالنيه

قول النبي صلى الله عليه وسلم: إنما الأعمال بالنيات. متفق عليه.

قال تعالى: إِنَّ الَّذِينَ هُمْ مِنْ خَشْيَةِ رَبِّهِمْ مُشْفِقُونَ * وَالَّذِينَ هُمْ بِآَيَاتِ رَبِّهِمْ يُؤْمِنُونَ * وَالَّذِينَ هُمْ بِرَبِّهِمْ لَا يُشْرِكُونَ * وَالَّذِينَ يُؤْتُونَ مَا آَتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ * أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ {المؤمنون: 61،60،59،58،57}

[دااانة قطر]

صحيح بارك الله فيك

من طيب اصلها تشتغل وليس مجبوره للمساعده



من طيب اصلها تسااعد ومب مجبوره تشتغل :)

[نوار قطر]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!


حشى خدامه مب جنّه :rolleyes2:

[NINA RICCI]

حلو التعاون بين الزوجه وبين اهل زوجها .. تدخل المطبخ معاهم وتساعدهم في الاشياء اللي يحتاجون فيها مساعده .. لانها تصير وحده منهم وفيهم .. مب ترد الاساءه بمثلها .. ( منها تحتسب الاجر + ترضي زوجها ) ..

[نوار قطر]

الوحده اذا تبي تكسب اهل الريل كلهم عليها بأمه لازم تكسب امه وتقوم فيها والله ان مهما كانت ام الريل شريّه الجنّه بطيبها بتكسبها وتصير لها بنتها الي ما يابتها ساعتها بتحب مرت ولدها ومثل مايقولون ان حبتك عيني ما ضامك الدهر اما انها تقوم بالكل عشان ترضيهم لا والله مب ملزومه فيهم ولا تطلب رضاهم اهم ماعليها ام ريلها وابوه ولو بتسوي شي من نفسها مب مجبوره تخدمهم خير ان شالله ماخذينها جنه ولا خدامه ...

[رهج السنابك]

؛

والله الدعوة توافيق

احياناً الوحده تكون عسسل واهل الزوج عليهم حركات

واحياناً الوحده تكون شريرة واهل الزوج عسل

؛

بس بصراحة من نظرتي لبنات هالوقت اغلبهم الا المسكينات يكونون عسل ولا الباقي كل وحده تزاعق حقوقي وحقوقي واهلها قبل ماتطلع من بيتهم يدرسونها خلج رسمية افرضي شخصيتج لا تحتكين وتطيحين الميانه مع اهل الزوج فتصير الوحده مثل الصنم وتوزع بسمات كله اعتقاد انها لو طيحت الرسمية بينتفونها

وحزات اهل الزوج يكونون متسلطين ويغارون

لكن اهني الزوجة لازم تصير هي الاذكى وتكسبهم بالمعاملة الطيبة والابتسامة وخفة النفس

لانها هي اللي دخلت بينهم بين عايلة جديدة كأنها فرضت نفسها عليهم يعني العايلة تكون متعودة 25 سنه او 30 سنة محد بينهم دش جديد وفجأة صارت وحده من بيت ثاني بينهم!! ؛ اكيد الوضع بيكون مختلف عليهم فهني لازم تصير الوحده مرنه اكثر وتندمج بينهم وتحاول تكسبهم عشان تعيش براحة هي وزوجها بدون مشاكل

اما اذا تحزبت وصارت تشيش الولد على اهله وتسوي مشاكل على كل صغيره وكبيرة هي الخسرانه في الاخير


لان المرة بدالها ألف مرة بس الاهل ما بدالهم أهل ! <<< هالكلام يستوعبه بس العقلاء

[جينير]

الزوجة الان للاسف ديكور
الا من رحم ربي

[نوار قطر]

نسيت اقول شي الزوجه لازم تعامل ام الزوج مثل ماتعامل امها اتعدها امها مب تفرق في المعامله وعقب تقول ام ريلي ماتحبني وماتطيقني لا .. جربي وعاملي ام ريلج مثل ماتعاملين امج وشوفي شلون معاملتها معاج..

[مبارك سعد]

((المختصر المفيد)) المعامله الحسنه بين ام الزوج وخواته وبين الجّنه تكاد تكون معدومه

ونادر ما نسمع عنها (دامنه في قيل وقال ) انسى الموضوع ،انتو الله يسلمكم

اتكلمون عن ناس قلوبهم تخاف الله وهم (ابره في قش) دورو عليهم عاد، تسمع الاذن ولا ترى العين لا احد يزعل من الصراحه ترى الصراحه مره وعلى فكره مافي انسانه ما تمشكلت مع اهل الريل اللي تقول غير كذا كاذبه (ترى الشيطان ما مات)٠

[بومحمد المطاوعه]

راجع لكم ان شاءالله

[بومحمد المطاوعه]

من طيب اصلها تسااعد ومب مجبوره تشتغل :)

اكييييييييييييييييد

مب مجبوره صحيح

في ناس يجبروون حريمهم

بس مابي اقول من علشان مانطرد ههههههههه

[بومحمد المطاوعه]

حشى خدامه مب جنّه :rolleyes2:

لا محشوميين الصراحه

انقول مربيه افضل :tease:

[بومحمد المطاوعه]

حلو التعاون بين الزوجه وبين اهل زوجها .. تدخل المطبخ معاهم وتساعدهم في الاشياء اللي يحتاجون فيها مساعده .. لانها تصير وحده منهم وفيهم .. مب ترد الاساءه بمثلها .. ( منها تحتسب الاجر + ترضي زوجها ) ..

صحيح بارك الله فيج

ان شاءالله يتعضون البعض

[بومحمد المطاوعه]

الوحده اذا تبي تكسب اهل الريل كلهم عليها بأمه لازم تكسب امه وتقوم فيها والله ان مهما كانت ام الريل شريّه الجنّه بطيبها بتكسبها وتصير لها بنتها الي ما يابتها ساعتها بتحب مرت ولدها ومثل مايقولون ان حبتك عيني ما ضامك الدهر اما انها تقوم بالكل عشان ترضيهم لا والله مب ملزومه فيهم ولا تطلب رضاهم اهم ماعليها ام ريلها وابوه ولو بتسوي شي من نفسها مب مجبوره تخدمهم خير ان شالله ماخذينها جنه ولا خدامه ...

صحيح بارك الله فيج

تخدم زوجها وامه وابوه

اما خواته لا :nice:

يقومون بنفسهم

[نوار قطر]

لا محشوميين الصراحه

انقول مربيه افضل :tease:


يعني رقيتها الى درجه اعلى هههههههه:anger1:

[بومحمد المطاوعه]

؛

والله الدعوة توافيق

احياناً الوحده تكون عسسل واهل الزوج عليهم حركات

واحياناً الوحده تكون شريرة واهل الزوج عسل

؛

بس بصراحة من نظرتي لبنات هالوقت اغلبهم الا المسكينات يكونون عسل ولا الباقي كل وحده تزاعق حقوقي وحقوقي واهلها قبل ماتطلع من بيتهم يدرسونها خلج رسمية افرضي شخصيتج لا تحتكين وتطيحين الميانه مع اهل الزوج فتصير الوحده مثل الصنم وتوزع بسمات كله اعتقاد انها لو طيحت الرسمية بينتفونها

وحزات اهل الزوج يكونون متسلطين ويغارون

لكن اهني الزوجة لازم تصير هي الاذكى وتكسبهم بالمعاملة الطيبة والابتسامة وخفة النفس

لانها هي اللي دخلت بينهم بين عايلة جديدة كأنها فرضت نفسها عليهم يعني العايلة تكون متعودة 25 سنه او 30 سنة محد بينهم دش جديد وفجأة صارت وحده من بيت ثاني بينهم!! ؛ اكيد الوضع بيكون مختلف عليهم فهني لازم تصير الوحده مرنه اكثر وتندمج بينهم وتحاول تكسبهم عشان تعيش براحة هي وزوجها بدون مشاكل

اما اذا تحزبت وصارت تشيش الولد على اهله وتسوي مشاكل على كل صغيره وكبيرة هي الخسرانه في الاخير


لان المرة بدالها ألف مرة بس الاهل ما بدالهم أهل ! <<< هالكلام يستوعبه بس العقلاء

الله المستعان

بارك الله فيج

وايد نسمع ان الزوجه تخرب ريلها على امه وابوه

حسبي الله عليهم

[بومحمد المطاوعه]

الزوجة الان للاسف ديكور
الا من رحم ربي

هههههههه البعض ياخوي

[بومحمد المطاوعه]

نسيت اقول شي الزوجه لازم تعامل ام الزوج مثل ماتعامل امها اتعدها امها مب تفرق في المعامله وعقب تقول ام ريلي ماتحبني وماتطيقني لا .. جربي وعاملي ام ريلج مثل ماتعاملين امج وشوفي شلون معاملتها معاج..

صحيح حسن المعامله ينتج عنها الحب

الله يسعد الجميع

[بومحمد المطاوعه]

((المختصر المفيد)) المعامله الحسنه بين ام الزوج وخواته وبين الجّنه تكاد تكون معدومه

ونادر ما نسمع عنها (دامنه في قيل وقال ) انسى الموضوع ،انتو الله يسلمكم

اتكلمون عن ناس قلوبهم تخاف الله وهم (ابره في قش) دورو عليهم عاد، تسمع الاذن ولا ترى العين لا احد يزعل من الصراحه ترى الصراحه مره وعلى فكره مافي انسانه ما تمشكلت مع اهل الريل اللي تقول غير كذا كاذبه (ترى الشيطان ما مات)٠

الله المستعان بس

نتمنى من الجميع حسن المعامله

[نوار قطر]

صحيح بارك الله فيج

تخدم زوجها وامه وابوه

اما خواته لا :nice:

يقومون بنفسهم

اي خل يقومون بنفسهم عيل انا اخدمهم :shy:

[بومحمد المطاوعه]

يعني رقيتها الى درجه اعلى هههههههه:anger1:



اي خل يقومون بنفسهم عيل انا اخدمهم :shy:

هههههههههه

الله يسعدكم يالحريم

الزوجه ستصبح ام للأبناء

والام لها فضل عظيم

ف تأكدو ان وجودكم مهم ف الحياه

[نوار قطر]

هههههههههه

الله يسعدكم يالحريم

الزوجه ستصبح ام للأبناء

والام لها فضل عظيم

ف تأكدو ان وجودكم مهم ف الحياه

من سوى سوي له ياخوي والمره على ماتربي عيالها وتعامل ام ريلها بكره العيال بيكبرون وبيتزوجون وبتذوق الي ذاقته ام ريلها من قبل جان انها ما احسنت معاملتها الدنيا دواره :victory:

[لمعة الالماس]

اذا زوجة الابن حبوبة وفي حالها واهل ريلها يتصيدون لها الزلة والمشاكل وما يعجبهم العجب شنو تسوي الزوجة في هذي الحالة؟

اما ان تشتغل في البيت بصراحة الحين منو يشتغل في بيته !!! البيوت متروسه من الخدم والزوجة عليها خدمة زوجها وعيالها وبس وترتب بيتها او ملحقها اما المجاملات اخدمي ام زوجج عشان تحبج وهالحركات احسها مجاملات ولا تبين في عيونهم بصراحة

الواحد من البداية يدور على راحته ويشوف له سكن مستقل لان بصراحة اذا اهل الزوج تدخلوا في حياة الولد وزوجته تبدا المشاكل اللي ما لها نهاية ولا لها حل

وهالكلام اقوله من واقع وتجارب *

[بصمة قطرية]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!

واضح جداً قصدك من الرد :victory:

[intesar]

بصراحة الزوجة لازم تقابل الإساءة بالحسنة.. لو هي فعلاً تحب زوجها وتحترمه.. بتحترم أهله حتى لو أساؤوا لها.. بتصبر وتتحمل من أجل زوجها.. لكن بناتنا هالأيام ما يتحملون كلمة.. لذا يطلعون بت بروحهم من بداية حياتهم أفضل للطرفين.. حتى لا تقع المشاكل.. من حق الفتاة أن تبني حياتها بعيداً عن المنغصات.. ومن حق أم الزوج أن تأمر وتنهي في بيتها.. واللي ما تتحمل تعيش في بيت مستقل..

ودمتم بحفظ الرحمن..

[بصمة قطرية]

لجل عين تكرم ألف عين ،،
إيش ما كانوا أهل الزوج الوحدة تحاول كثر ما تقدر
تجنب المشاكل و القيل والقال ..
إذا فتحوا باب للمشاكل تغلق هالباب
ما تعطيهم مجال ..
تكون هي العاقلة والفاهمة
واللي تبي تحافظ على بيتها بأي طريقة ..
مجرد حصول مشكلة بين الزوجة و آهل زوجها
الزوج راح يكون في حيرة و صراع
ينصف من على حساب ( الآخر ) ..!!؟
مشاكل حساسية و غيرة ووووو إلخ ..
هالأشياء تصير في أغلب البيوت ..
أذكر وحدة من صديقاتي أنا وهي تزوجنا في نفس الشهر
سنين و هي تعاني من أهل زوجها
الأم بالذات طبعاً بتدخل من خوات الزوج ..!!
كانت دايماً تقول لي ما تصير لج مشاكل مع أهل زوجج
أقول لها تصير صدقيني مافي بيت يخلا من المشاكل
بس إنتي إحتوي المشكلة
لا تخلينها تكبر
إتبعي إسلوب التطنيش
و إكسبي أم زوجج
هي راح تكون سلاحج ضد بناتها
و فعلاً سوت المستحيل لين ما صارت أم زوجها في صفها
و تنصفها دايماً الحمدلله ،،
لما تكون الوحدة طيبة و تبتعد عن المشاكل
مع الوقت أهل الزوج راح يتغيرون
لأنهم بيعرفون إنها ما تبي المشاكل ،،
لكن اللي بتقعد تتصيد لهم مثل ما يتصيدون لها
هاذي ما راح تخلص ..!!!

[لاجل QT]

الزوجة اللى دور رضى زوجها بتتحمل على شانة كل شي لاجل رضاة:shy:

بس بعد ماتوصل لااهانة الكرامة ..لكل شي حدود طبعا:)

بالذات ام الزوج لها الحشيمة والكرمة والعذر على خطأها انها مرة كبيرة في مقام ام الزوجة

ماتحل هالنوع من الخلافات وتحولها الى حب والفة الا الزوجة الذكية الصبورة:shy:

[penguin]

يعطيك العافيه يابومحمد


انصح كل فتاة متزوجة
ان تخدم أهل زوجها من كبيرهم لين صغيرهم !
انصحها تنظف البيت كله كل يوم حتى غرف خوات زوجها تنظفها !
انصحها هي الى تباشر المطبخ وتسوي الوجبات الثلاث !
و
و
و
و
و
!!!

باب الحاره خخخ

هالنوع من البنات انقرض

[بومحمد المطاوعه]

من سوى سوي له ياخوي والمره على ماتربي عيالها وتعامل ام ريلها بكره العيال بيكبرون وبيتزوجون وبتذوق الي ذاقته ام ريلها من قبل جان انها ما احسنت معاملتها الدنيا دواره :victory:

اي والله اختي

كما تدين تدان

الله يهدي هالبنات الي مايحسنون تعاملهم

[بومحمد المطاوعه]

باب الحاره خخخ

هالنوع من البنات انقرض

لا موجودين ياخوي مانقرضووو

[بومحمد المطاوعه]

اذا زوجة الابن حبوبة وفي حالها واهل ريلها يتصيدون لها الزلة والمشاكل وما يعجبهم العجب شنو تسوي الزوجة في هذي الحالة؟

اما ان تشتغل في البيت بصراحة الحين منو يشتغل في بيته !!! البيوت متروسه من الخدم والزوجة عليها خدمة زوجها وعيالها وبس وترتب بيتها او ملحقها اما المجاملات اخدمي ام زوجج عشان تحبج وهالحركات احسها مجاملات ولا تبين في عيونهم بصراحة

الواحد من البداية يدور على راحته ويشوف له سكن مستقل لان بصراحة اذا اهل الزوج تدخلوا في حياة الولد وزوجته تبدا المشاكل اللي ما لها نهاية ولا لها حل

وهالكلام اقوله من واقع وتجارب *

بارك الله فيج اختي

صحييح التدخل مشكله

بس اختي مافيها شي اذا تساعد ام زوجها وبالعكس مب مجامله ولا شي

على حسب نيتها

اما اذا مايعجبهم شغل الزوجه

هاي شي ثاني

الاحسن انها تنسحب بس بكل احترام

مب بعصبيه وبمشاكل

[بومحمد المطاوعه]

بصراحة الزوجة لازم تقابل الإساءة بالحسنة.. لو هي فعلاً تحب زوجها وتحترمه.. بتحترم أهله حتى لو أساؤوا لها.. بتصبر وتتحمل من أجل زوجها.. لكن بناتنا هالأيام ما يتحملون كلمة.. لذا يطلعون بت بروحهم من بداية حياتهم أفضل للطرفين.. حتى لا تقع المشاكل.. من حق الفتاة أن تبني حياتها بعيداً عن المنغصات.. ومن حق أم الزوج أن تأمر وتنهي في بيتها.. واللي ما تتحمل تعيش في بيت مستقل..

ودمتم بحفظ الرحمن..

اختي الواحد توه متزوج صعب يطلع بيت بروحه

يعني بيت شكبره 2 فيه بس

او شقه

مالها معنى والله

انا بنظري ان البنت تتحمل علشان زوجها

والله المستعان

[بومحمد المطاوعه]

لجل عين تكرم ألف عين ،،
إيش ما كانوا أهل الزوج الوحدة تحاول كثر ما تقدر
تجنب المشاكل و القيل والقال ..
إذا فتحوا باب للمشاكل تغلق هالباب
ما تعطيهم مجال ..
تكون هي العاقلة والفاهمة
واللي تبي تحافظ على بيتها بأي طريقة ..
مجرد حصول مشكلة بين الزوجة و آهل زوجها
الزوج راح يكون في حيرة و صراع
ينصف من على حساب ( الآخر ) ..!!؟
مشاكل حساسية و غيرة ووووو إلخ ..
هالأشياء تصير في أغلب البيوت ..
أذكر وحدة من صديقاتي أنا وهي تزوجنا في نفس الشهر
سنين و هي تعاني من أهل زوجها
الأم بالذات طبعاً بتدخل من خوات الزوج ..!!
كانت دايماً تقول لي ما تصير لج مشاكل مع أهل زوجج
أقول لها تصير صدقيني مافي بيت يخلا من المشاكل
بس إنتي إحتوي المشكلة
لا تخلينها تكبر
إتبعي إسلوب التطنيش
و إكسبي أم زوجج
هي راح تكون سلاحج ضد بناتها
و فعلاً سوت المستحيل لين ما صارت أم زوجها في صفها
و تنصفها دايماً الحمدلله ،،
لما تكون الوحدة طيبة و تبتعد عن المشاكل
مع الوقت أهل الزوج راح يتغيرون
لأنهم بيعرفون إنها ما تبي المشاكل ،،
لكن اللي بتقعد تتصيد لهم مثل ما يتصيدون لها
هاذي ما راح تخلص ..!!!

بارك الله فيج اختي

الصراحه كلامج عين العقل

وان شاءالله بعض الاخوات يتعضون

الله يوفقكم

[بومحمد المطاوعه]

الزوجة اللى دور رضى زوجها بتتحمل على شانة كل شي لاجل رضاة:shy:

بس بعد ماتوصل لااهانة الكرامة ..لكل شي حدود طبعا:)

بالذات ام الزوج لها الحشيمة والكرمة والعذر على خطأها انها مرة كبيرة في مقام ام الزوجة

ماتحل هالنوع من الخلافات وتحولها الى حب والفة الا الزوجة الذكية الصبورة:shy:

صحيح بارك الله فيج

بس ماعتقد ام الزوج تتبلى على الزوجه

[دااانة قطر]

صحيح بارك الله فيج

بس ماعتقد ام الزوج تتبلى على الزوجه


في ذمتك؟؟!!

[بومحمد المطاوعه]

في ذمتك؟؟!!

لا ما احطها في ذمتي اذا ام الولد مينونه ولا فيها تخلف عقلي بعد نسأل الله السلامه

بس مني والدرب تتبلى ليش..؟

هل غيره ولا شنو

والله مانفهم لكم يالحريم

انتو بين بعض فيكم غيره مادري :anger1:

[مهرة]

النسرة نسرة عمرها ماتغير وخاصة اذا طافت الخمسين سنه .. ترجع كنها ضرتج مو عمتج ام زوجج ..!!

انا اقووول حق خواتي المتزوجات خاصة حديثات العهد بطي عيوونج الثنتين وحدة لأم ريلج والثانية لبووه .. وشوفي بيرضووون ولا ؟؟ لااا وعقبها خدمي على خواته ورجاجيلهم وعيالهم بعد وانتي عمياء وشوفي بعد بيرضون عليج ولا ؟؟ لاااا

[بومحمد المطاوعه]

النسرة نسرة عمرها ماتغير وخاصة اذا طافت الخمسين سنه .. ترجع كنها ضرتج مو عمتج ام زوجج ..!!

انا اقووول حق خواتي المتزوجات خاصة حديثات العهد بطي عيوونج الثنتين وحدة لأم ريلج والثانية لبووه .. وشوفي بيرضووون ولا ؟؟ لااا وعقبها خدمي على خواته ورجاجيلهم وعيالهم بعد وانتي عمياء وشوفي بعد بيرضون عليج ولا ؟؟ لاااا

بل بل بل ليش هالكلام

عاد مب الكل

احسنو الضن

[لمعة الالماس]

بارك الله فيج اختي

صحييح التدخل مشكله

بس اختي مافيها شي اذا تساعد ام زوجها وبالعكس مب مجامله ولا شي

على حسب نيتها

اما اذا مايعجبهم شغل الزوجه

هاي شي ثاني

الاحسن انها تنسحب بس بكل احترام

مب بعصبيه وبمشاكل

نساعد ام الزوج في شنو مثلا؟


ياليت تتطرق لغيرة اهل الزوج خاصة امه خواته شنو الحل مع الغيرررره

[Locale]

نساعد ام الزوج في شنو مثلا؟


ياليت تتطرق لغيرة اهل الزوج خاصة امه خواته شنو الحل مع الغيرررره
مافي حل الا الله يفرجها وتطلع بيت بروحها

[بصمة قطرية]

نساعد ام الزوج في شنو مثلا؟


ياليت تتطرق لغيرة اهل الزوج خاصة امه خواته شنو الحل مع الغيرررره

التطنيش ..
التطنيش فن :victory:

[لاجل QT]

صحيح بارك الله فيج

بس ماعتقد ام الزوج تتبلى على الزوجه

هههههههه

فية بارك الله فيك..ونسال الله ان يمن عليهم بالهداية

والله الدنيا ماتسوى نسوى عليها مشاكل

حريم :) تذبحهم الغيرة يحبون المشاكل :)

[wadha-qa]

لو اهل الزوج يعاملون بنت الناس مثل ما يعاملون بناتهم بتنتهي كل هالمشاكل

اعرف وحده تسوي مشاكل مع مرت الولد ليش ترقد الصبح وما تقوم الصبح تسوي ريوق وتقعد معاي و بناتها 3 فالبيت مكبرين المخده ولا يدرون عن امهم

يعني اطلب المستطاع لكي تطاع مب تستقوي على الغريبه و تخلي بناتها يسرحون ويمرحون على كيفهم بنت الناس مب خدامه عندهم !!!!

[مرتبش]

السلام عليكم ورحمة الله وبركاتة ..




[ اتمنى ان يكون نقاشاً جاد لانه مهم جداً فاغلب اسباب [color="darkgreen"]الطلاق في هالمشكله للاسف ]


اخوكم : بومحمد المطاوعه


اسمح لي اخوي كيف حددت ان هالمشكلة هي سبب اغلب حالات الطلاق.. اظن استنتاجك مايختلف عن المسلسلات الخليجية اللي تغذي افكار البنات والشباب ايضا.. ماقدر استوعب كيف ام تسعى لتزويج ابنها وتختار البنت وبعدين تسوي عليها مسلسل خليجي رمضاني لين مايتطلقون.. معقول هذا سنع العالم. معقول بنسبة الطلاق المرتفعة انها مشاكل مع امه وأهله؟

[بومحمد المطاوعه]

اسمح لي اخوي كيف حددت ان هالمشكلة هي سبب اغلب حالات الطلاق.. اظن استنتاجك مايختلف عن المسلسلات الخليجية اللي تغذي افكار البنات والشباب ايضا.. ماقدر استوعب كيف ام تسعى لتزويج ابنها وتختار البنت وبعدين تسوي عليها مسلسل خليجي رمضاني لين مايتطلقون.. معقول هذا سنع العالم. معقول بنسبة الطلاق المرتفعة انها مشاكل مع امه وأهله؟

شكرا ع الرد اخوي

اول شي بارك الله فيك انا ماشوف مسلسلات
ثاني شي اخوي مب انا الاحكم

هالشي واقع ولو تسأل وتشوف

بتعرف ليش يطلبون الطلاق

يا الزوجه تبي بيت بروحها والسبه المشاكل

او تبي حل ينقذها من ام الزوج

ترى في وايد وبكثره الله يهديهم بس

[حفيد الأنصار]

والله أخوي مهم يكون تعامل الزوجه مع الاهل خاصة الام تعامل جميل
لكن بعض الحريم الله يهديهم مادري ايش يصيبهم تسوي شي من لا شي وهذا حاصل من الطرفين الزوجة واهل الزوج
ومن قرائتي لبعض الردود اتوقع اكثر المشاكل لما تكون الزوجة ساكنه ببيت زوجها مع اهله
وبالمناسبة بسألك أخوي الواحد اذا تزوج يسكن ببيت اهله ولا يستقل ببيت لحاله عندكم (( طبعا ان اتكلم عن الاكثرية )) ؟؟

[intesar]

لجل عين تكرم ألف عين ،،
إيش ما كانوا أهل الزوج الوحدة تحاول كثر ما تقدر
تجنب المشاكل و القيل والقال ..
إذا فتحوا باب للمشاكل تغلق هالباب
ما تعطيهم مجال ..
تكون هي العاقلة والفاهمة
واللي تبي تحافظ على بيتها بأي طريقة ..
مجرد حصول مشكلة بين الزوجة و آهل زوجها
الزوج راح يكون في حيرة و صراع
ينصف من على حساب ( الآخر ) ..!!؟
مشاكل حساسية و غيرة ووووو إلخ ..
هالأشياء تصير في أغلب البيوت ..
أذكر وحدة من صديقاتي أنا وهي تزوجنا في نفس الشهر
سنين و هي تعاني من أهل زوجها
الأم بالذات طبعاً بتدخل من خوات الزوج ..!!
كانت دايماً تقول لي ما تصير لج مشاكل مع أهل زوجج
أقول لها تصير صدقيني مافي بيت يخلا من المشاكل
بس إنتي إحتوي المشكلة
لا تخلينها تكبر
إتبعي إسلوب التطنيش
و إكسبي أم زوجج
هي راح تكون سلاحج ضد بناتها
و فعلاً سوت المستحيل لين ما صارت أم زوجها في صفها
و تنصفها دايماً الحمدلله ،،
لما تكون الوحدة طيبة و تبتعد عن المشاكل
مع الوقت أهل الزوج راح يتغيرون
لأنهم بيعرفون إنها ما تبي المشاكل ،،
لكن اللي بتقعد تتصيد لهم مثل ما يتصيدون لها
هاذي ما راح تخلص ..!!!


الرجل العاقل يوقف مع والدينه حتى لو كانوا غلط.. يوقف ضد زوجته معاهم.. ينصحها بالصبر مهما يكونون هم والدينه.. وبعدها يقدر وبهدوء بينه وبينهم يتفاهم معاهم.. واللي مافيه خير بوالدينه مافيه خير لزوجته وعياله..

[بصمة قطرية]

الرجل العاقل يوقف مع والدينه حتى لو كانوا غلط.. يوقف ضد زوجته معاهم.. ينصحها بالصبر مهما يكونون هم والدينه.. وبعدها يقدر وبهدوء بينه وبينهم يتفاهم معاهم.. واللي مافيه خير بوالدينه مافيه خير لزوجته وعياله..

كلامج صحيح انتصار
بس أحياناً المشكلة تكون كبيرة
ولازم يكون لها حل
ما يصير بعد يظلم بنت الناس .!!

[بيتي بوب 23]

شوف الوحده اذا بتسكن مع اهل الزوج عليها واجبات ولها حقوق
ولازم اهل الزوج والزوجه والزوج يعرفون هالشي قبل العرس

حقوق الزوجه
محد يتدخل فيها ويسالها وين رايحه ومع مين غير زوجها
تنام ولا تقعد بملحقها بكيفها مب يحطون لها جدول اتقوم الصبح وتقعد معاهم ولا العصر
تتغدا ولا تتعشي بملحقها ولا عندهم بكيفها حسب مزاجها مب غصب يوميا اتغدا معهم
اعزم ربعي او اطلب من المطعم او اغير ديكوراتي كيفي محد له شغل فيني غير زوجي
من حق الزوجه ان اهل زوجها ما يطلعون اخبارها للناس هي متهاوشه مع زوجها ولا فيها امراض ولا اهلها عندهم مشاكل احفظو خصوصيه مرت ولدكم عشان هي بعد تحافظ ع خصوصيتكم


اما واجبات الزوجه الساكنه مع اهل زوجها
اولا تحفظ اسرار البيت نهاايئا ما تطلع اخبارهم للناس ولا تحط صور في البلاك بيري واخبار البيت ويا كثرهم هالايام
ثانيا اتساعد اهل البيت مب في الشغل والتنظيف لانه الخدم موجودين حتى لو كانت ام الزوج وخواته ينظفون كيفهم بس اهي ترا مب ملزومه اتنظف الا ملحقها بس واجب زوجه الولد اتساعدهم مثلا اذا عندهم عزيمه ولا مناسبه اتقوم بواجب الضيافه مب لازم تطبخ بس ع الاقل اتقوم اتضيف الناس وتستقبلهم مع اهل زوجها واتكون بالواجهه مع التلطف بالكلام والوجه البشوش يعني سنعه وما يمنع مثلا انها اتسوي كيك وحلا واتحطه مع القهوه واذا ماتبي تطبخ تشتري جاهز

اتحاول انها تكسب قلوبهم اتعزمهم مره وحده او مرتين بالسنه ع مطعم ولا كوفي ولا شاليه

لازم يالبنت تمدحين ام زوجج وخواته كثر ماتقدرين واتجيبين طاريهم قدام الناس بالخير لان الكلمه لها دور

بالعيد ورمضان اشتري هدايا لام زوجج سواء مواعين جلابيات بخور ولا عبايات تقربي منها

اعيالج يازوجه الولد امسكيهم عندج مب اتقطينهم ع ام زوجج ويا الخدامه ولاتخلينهم يكسرون ولا يخربون بيت اهل زوجج وقومي بواجبات زوجج كلها مب اتقطينها ع خدامه اهله

اعتقد لو كل طرفين التزم وعرف حدوده بيعيششون بسعاده

[بومحمد المطاوعه]

نساعد ام الزوج في شنو مثلا؟


ياليت تتطرق لغيرة اهل الزوج خاصة امه خواته شنو الحل مع الغيرررره

تساعدين ام الزوج ف كل شي

مثل المطبخ

تنزلين وياها للضيوف

والغيره مادري عنكم اشلون الصراحه

[بومحمد المطاوعه]

مافي حل الا الله يفرجها وتطلع بيت بروحها

والله مب سالفه بيت بروحها

هاي الشي مب حل الصراحه

[بومحمد المطاوعه]

التطنيش ..
التطنيش فن :victory:

التطنيش بس بأحترام

بعض الحريم تطنش حتى لو سلمت ماترد السلام

[بومحمد المطاوعه]

هههههههه

فية بارك الله فيك..ونسال الله ان يمن عليهم بالهداية

والله الدنيا ماتسوى نسوى عليها مشاكل

حريم :) تذبحهم الغيرة يحبون المشاكل :)

اللهم امين

اي والله الحريم مادري شفيكم على بعض

الغيره حتى لو وحده صلعه بعد تغارون منها مادري ليش

[بومحمد المطاوعه]

لو اهل الزوج يعاملون بنت الناس مثل ما يعاملون بناتهم بتنتهي كل هالمشاكل

اعرف وحده تسوي مشاكل مع مرت الولد ليش ترقد الصبح وما تقوم الصبح تسوي ريوق وتقعد معاي و بناتها 3 فالبيت مكبرين المخده ولا يدرون عن امهم

يعني اطلب المستطاع لكي تطاع مب تستقوي على الغريبه و تخلي بناتها يسرحون ويمرحون على كيفهم بنت الناس مب خدامه عندهم !!!!

صحيح بارك الله فيج مب خدامه

وهالشي غلط

ان تقوم الزوجه وتخلي بناتها

عاد هاي حماتها الله يهديها

[قطرية فله]

الوحده اذا تبي تكسب اهل الريل كلهم عليها بأمه لازم تكسب امه وتقوم فيها والله ان مهما كانت ام الريل شريّه الجنّه بطيبها بتكسبها وتصير لها بنتها الي ما يابتها ساعتها بتحب مرت ولدها ومثل مايقولون ان حبتك عيني ما ضامك الدهر اما انها تقوم بالكل عشان ترضيهم لا والله مب ملزومه فيهم ولا تطلب رضاهم اهم ماعليها ام ريلها وابوه ولو بتسوي شي من نفسها مب مجبوره تخدمهم خير ان شالله ماخذينها جنه ولا خدامه ...



كفيتي و وفيتي:victory:

الزم ما عليها امه و أبوه :shy:

الباقين من هله ان اعتدلو لنفسهم و إن اسائو عليهاا


و قبل كل شي اللي بتسويه في هله باجر عيالها بيسوونه فيهاا

هي بتعاملهم بالطيب لكن بعض خوات الريل وما نقدر ننكر يحبون يسوون سوالف :secret:

و الذكيه هي اللي بتطنش و بتحقر ... و بعضهم ينحطووون على الجرح يبرى :shy:


صحيح فيه جنات او حريم ما وراهم غير المصايب حق اهل الريل ..

و لكن للأسف بعد فيه اهل ريل (أهل زوج ) يغثون اللي ما ينغث

لدرجة ان يتطاولون على مرت الولد و على كرامتها وحتى اهلها يتطاولون عليهم

و أنا اعرف هالبنت معرفه شخصيه لكن المسكينه ساكته عنهم و هشي غلط :victory:



و الملام عليه الزووووج بالمقام الأول لأنه ما خذا بنت الناس عشان يذلها
و هــــي غلطانه
لأنها رضيت بالغلط من البدايه




سوري ع الإطاله
و شكرآآآآ :shy:

[بومحمد المطاوعه]

والله أخوي مهم يكون تعامل الزوجه مع الاهل خاصة الام تعامل جميل
لكن بعض الحريم الله يهديهم مادري ايش يصيبهم تسوي شي من لا شي وهذا حاصل من الطرفين الزوجة واهل الزوج
ومن قرائتي لبعض الردود اتوقع اكثر المشاكل لما تكون الزوجة ساكنه ببيت زوجها مع اهله
وبالمناسبة بسألك أخوي الواحد اذا تزوج يسكن ببيت اهله ولا يستقل ببيت لحاله عندكم (( طبعا ان اتكلم عن الاكثرية )) ؟؟

بارك الله فيك اخوي

والله ياخوي الاحسن يسكن مع اهله لان توه معرس يديد

وين يطلع بيت بروحه او شقه

يعني لو راح الدوام يخلي زوجه بروحها

هالشي مب حل

الاكثريه يسكن مع اهله في ملحق

وعقب يطلع بيت بروحه

والله كريم ياخوي

[بومحمد المطاوعه]

الرجل العاقل يوقف مع والدينه حتى لو كانوا غلط.. يوقف ضد زوجته معاهم.. ينصحها بالصبر مهما يكونون هم والدينه.. وبعدها يقدر وبهدوء بينه وبينهم يتفاهم معاهم.. واللي مافيه خير بوالدينه مافيه خير لزوجته وعياله..

صح بارك الله فيج اختي

الزوجه بدالها زوجه بس الام مافي بدالها حد

[بومحمد المطاوعه]

كلامج صحيح انتصار
بس أحياناً المشكلة تكون كبيرة
ولازم يكون لها حل
ما يصير بعد يظلم بنت الناس .!!

ان شاءالله مايظلم بنت الناس

بالعكس كل شي بالتفاههم ينحل

[بومحمد المطاوعه]

شوف الوحده اذا بتسكن مع اهل الزوج عليها واجبات ولها حقوق
ولازم اهل الزوج والزوجه والزوج يعرفون هالشي قبل العرس

حقوق الزوجه
محد يتدخل فيها ويسالها وين رايحه ومع مين غير زوجها
تنام ولا تقعد بملحقها بكيفها مب يحطون لها جدول اتقوم الصبح وتقعد معاهم ولا العصر
تتغدا ولا تتعشي بملحقها ولا عندهم بكيفها حسب مزاجها مب غصب يوميا اتغدا معهم
اعزم ربعي او اطلب من المطعم او اغير ديكوراتي كيفي محد له شغل فيني غير زوجي
من حق الزوجه ان اهل زوجها ما يطلعون اخبارها للناس هي متهاوشه مع زوجها ولا فيها امراض ولا اهلها عندهم مشاكل احفظو خصوصيه مرت ولدكم عشان هي بعد تحافظ ع خصوصيتكم


اما واجبات الزوجه الساكنه مع اهل زوجها
اولا تحفظ اسرار البيت نهاايئا ما تطلع اخبارهم للناس ولا تحط صور في البلاك بيري واخبار البيت ويا كثرهم هالايام
ثانيا اتساعد اهل البيت مب في الشغل والتنظيف لانه الخدم موجودين حتى لو كانت ام الزوج وخواته ينظفون كيفهم بس اهي ترا مب ملزومه اتنظف الا ملحقها بس واجب زوجه الولد اتساعدهم مثلا اذا عندهم عزيمه ولا مناسبه اتقوم بواجب الضيافه مب لازم تطبخ بس ع الاقل اتقوم اتضيف الناس وتستقبلهم مع اهل زوجها واتكون بالواجهه مع التلطف بالكلام والوجه البشوش يعني سنعه وما يمنع مثلا انها اتسوي كيك وحلا واتحطه مع القهوه واذا ماتبي تطبخ تشتري جاهز

اتحاول انها تكسب قلوبهم اتعزمهم مره وحده او مرتين بالسنه ع مطعم ولا كوفي ولا شاليه

لازم يالبنت تمدحين ام زوجج وخواته كثر ماتقدرين واتجيبين طاريهم قدام الناس بالخير لان الكلمه لها دور

بالعيد ورمضان اشتري هدايا لام زوجج سواء مواعين جلابيات بخور ولا عبايات تقربي منها

اعيالج يازوجه الولد امسكيهم عندج مب اتقطينهم ع ام زوجج ويا الخدامه ولاتخلينهم يكسرون ولا يخربون بيت اهل زوجج وقومي بواجبات زوجج كلها مب اتقطينها ع خدامه اهله

اعتقد لو كل طرفين التزم وعرف حدوده بيعيششون بسعاده

بارك الله فيكم على الطرح

جزاكم الله خير

[بومحمد المطاوعه]

كفيتي و وفيتي:victory:

الزم ما عليها امه و أبوه :shy:

الباقين من هله ان اعتدلو لنفسهم و إن اسائو عليهاا


و قبل كل شي اللي بتسويه في هله باجر عيالها بيسوونه فيهاا

هي بتعاملهم بالطيب لكن بعض خوات الريل وما نقدر ننكر يحبون يسوون سوالف :secret:

و الذكيه هي اللي بتطنش و بتحقر ... و بعضهم ينحطووون على الجرح يبرى :shy:


صحيح فيه جنات او حريم ما وراهم غير المصايب حق اهل الريل ..

و لكن للأسف بعد فيه اهل ريل (أهل زوج ) يغثون اللي ما ينغث

لدرجة ان يتطاولون على مرت الولد و على كرامتها وحتى اهلها يتطاولون عليهم

و أنا اعرف هالبنت معرفه شخصيه لكن المسكينه ساكته عنهم و هشي غلط :victory:



و الملام عليه الزووووج بالمقام الأول لأنه ما خذا بنت الناس عشان يذلها
و هــــي غلطانه
لأنها رضيت بالغلط من البدايه




سوري ع الإطاله
و شكرآآآآ :shy:

بارك الله فيج

الحقران يقطع المصران

المشكله الحين نادري تحصلين بنت تتصبر وتستحمل الكلام

لازم ترد واذا ردت كبرت السالفه

[دااانة قطر]

شوف الوحده اذا بتسكن مع اهل الزوج عليها واجبات ولها حقوق
ولازم اهل الزوج والزوجه والزوج يعرفون هالشي قبل العرس

حقوق الزوجه
محد يتدخل فيها ويسالها وين رايحه ومع مين غير زوجها
تنام ولا تقعد بملحقها بكيفها مب يحطون لها جدول اتقوم الصبح وتقعد معاهم ولا العصر
تتغدا ولا تتعشي بملحقها ولا عندهم بكيفها حسب مزاجها مب غصب يوميا اتغدا معهم
اعزم ربعي او اطلب من المطعم او اغير ديكوراتي كيفي محد له شغل فيني غير زوجي
من حق الزوجه ان اهل زوجها ما يطلعون اخبارها للناس هي متهاوشه مع زوجها ولا فيها امراض ولا اهلها عندهم مشاكل احفظو خصوصيه مرت ولدكم عشان هي بعد تحافظ ع خصوصيتكم


اما واجبات الزوجه الساكنه مع اهل زوجها
اولا تحفظ اسرار البيت نهاايئا ما تطلع اخبارهم للناس ولا تحط صور في البلاك بيري واخبار البيت ويا كثرهم هالايام
ثانيا اتساعد اهل البيت مب في الشغل والتنظيف لانه الخدم موجودين حتى لو كانت ام الزوج وخواته ينظفون كيفهم بس اهي ترا مب ملزومه اتنظف الا ملحقها بس واجب زوجه الولد اتساعدهم مثلا اذا عندهم عزيمه ولا مناسبه اتقوم بواجب الضيافه مب لازم تطبخ بس ع الاقل اتقوم اتضيف الناس وتستقبلهم مع اهل زوجها واتكون بالواجهه مع التلطف بالكلام والوجه البشوش يعني سنعه وما يمنع مثلا انها اتسوي كيك وحلا واتحطه مع القهوه واذا ماتبي تطبخ تشتري جاهز

اتحاول انها تكسب قلوبهم اتعزمهم مره وحده او مرتين بالسنه ع مطعم ولا كوفي ولا شاليه

لازم يالبنت تمدحين ام زوجج وخواته كثر ماتقدرين واتجيبين طاريهم قدام الناس بالخير لان الكلمه لها دور

بالعيد ورمضان اشتري هدايا لام زوجج سواء مواعين جلابيات بخور ولا عبايات تقربي منها

اعيالج يازوجه الولد امسكيهم عندج مب اتقطينهم ع ام زوجج ويا الخدامه ولاتخلينهم يكسرون ولا يخربون بيت اهل زوجج وقومي بواجبات زوجج كلها مب اتقطينها ع خدامه اهله

اعتقد لو كل طرفين التزم وعرف حدوده بيعيششون بسعاده



ماشااء الله كلااامك:nice:

[بومحمد المطاوعه]

بارك الله فيكم

[لاجل QT]

اللهم امين

اي والله الحريم مادري شفيكم على بعض

الغيره حتى لو وحده صلعه بعد تغارون منها مادري ليش

ههههههههه

انا مالى شغل فيهم انا مكبرة عقلي :shy:

احب اكون متفرجة حق سوالف الحريم اضحك عليهم داخل نفسي:nice:

..دوم يقولون لي تفكيري تفكير رجال:shy:

كانة عيب الوحدة تكون عاقلة وطنش الامور السطحية والسخيفة:shy:


حريم تذبحهم الغيرة :nice:

[بومحمد المطاوعه]

ههههههههه

انا مالى شغل فيهم انا مكبرة عقلي :shy:

احب اكون متفرجة حق سوالف الحريم اضحك عليهم داخل نفسي:nice:

..دوم يقولون لي تفكيري تفكير رجال:shy:

كانة عيب الوحدة تكون عاقلة وطنش الامور السطحية والسخيفة:shy:


حريم تذبحهم الغيرة :nice:

هههههههههه حلوه هاي تفكير رجال

واحسن لج مكبره عقلج

الحمدلله

بارك الله فيج

[ريم 28]

موضوع مهم

تشكر عليه اخي الكريم ولد المطاوعه

برايي ان الزوجه الذكيه تعرف جيدا كيف تكسب ام زوجها وتجعلها بمثابة ام لها تبرها وتكرمها وتعزها حتئ تتاكد الام من محبتها لها

ومهما حصل من ام الزوج ما يضيق خاطر الزوجه فعليها ان تتحمل وتقلب الموقف لصالحها بطيبتها وبتجاهلها للموضوع وبذلك تتاكد الام انك بالفعل تحبينها ولست بحاجه لان تجعلي ابنها يتدخل ويحكم بينكم

وعلئ الزوجه ان تكون دائما حريصه ان توجه الزوج لان يبر امه وتسمع الام ذلك وبشكل مستمر حتئ يتطمن قلبها

ونفس ما سبق بالنسبه للاخوات مهما حصل بينكم اعتبريهم اخواتك وليس هناك داعي لان يتدخل اخوهم او يعلم بشئ في هذه الحاله تكبرين بعينهم وتتجنبين المشاكل التي تضر ولا تنفع وتفرق الشمل وقد تظلمين اويظلمونك ولما كل ذلك


في النهايه الدور الاهم يكون للزوج لتجنب كل ذلك


ان يقول للزوجته من البدايه اهلي هم اهلك وما يحدث بينكم لن اتدخل فيه ابدا ابدا ابدا لان التدخل يزيد الطين بله

وعليكم ان تحلوا مشاكلكم بانفسكم الا اذا الزوجه تطاولت علئ الام هنا بالطبع يتدخل ويعالج المشكله وعليه من البدايه ان يبين مكانة امه وانها الكل في الكل

الزوج الذكي لا تحدث له هذه التفاهات والزوج الذي يتفرغ ويتدخل بين النساء ويهتم سيعاني كثيرا

والله يصلح الحال

[وثائقي]

موضوع قيم أخي الفاضل ولي عودة لاحقاً إن شاء الله ..

وفق الله الجميع لما يحبه ويرضاه ..

[intesar]

ان شاءالله مايظلم بنت الناس

بالعكس كل شي بالتفاههم ينحل

إذا كانت بنت ناس وتربية.. بتقصر الشر وبتعيش تحت ظل زوجها وتحكم عقلها وتصبر..

[بومحمد المطاوعه]

موضوع مهم

تشكر عليه اخي الكريم ولد المطاوعه

برايي ان الزوجه الذكيه تعرف جيدا كيف تكسب ام زوجها وتجعلها بمثابة ام لها تبرها وتكرمها وتعزها حتئ تتاكد الام من محبتها لها

ومهما حصل من ام الزوج ما يضيق خاطر الزوجه فعليها ان تتحمل وتقلب الموقف لصالحها بطيبتها وبتجاهلها للموضوع وبذلك تتاكد الام انك بالفعل تحبينها ولست بحاجه لان تجعلي ابنها يتدخل ويحكم بينكم

وعلئ الزوجه ان تكون دائما حريصه ان توجه الزوج لان يبر امه وتسمع الام ذلك وبشكل مستمر حتئ يتطمن قلبها

ونفس ما سبق بالنسبه للاخوات مهما حصل بينكم اعتبريهم اخواتك وليس هناك داعي لان يتدخل اخوهم او يعلم بشئ في هذه الحاله تكبرين بعينهم وتتجنبين المشاكل التي تضر ولا تنفع وتفرق الشمل وقد تظلمين اويظلمونك ولما كل ذلك


في النهايه الدور الاهم يكون للزوج لتجنب كل ذلك


ان يقول للزوجته من البدايه اهلي هم اهلك وما يحدث بينكم لن اتدخل فيه ابدا ابدا ابدا لان التدخل يزيد الطين بله

وعليكم ان تحلوا مشاكلكم بانفسكم الا اذا الزوجه تطاولت علئ الام هنا بالطبع يتدخل ويعالج المشكله وعليه من البدايه ان يبين مكانة امه وانها الكل في الكل

الزوج الذكي لا تحدث له هذه التفاهات والزوج الذي يتفرغ ويتدخل بين النساء ويهتم سيعاني كثيرا

والله يصلح الحال

الشكر لله اختي

بارك الله فيج على هالكلام

جزاكي الله خير

[بومحمد المطاوعه]

موضوع قيم أخي الفاضل ولي عودة لاحقاً إن شاء الله ..

وفق الله الجميع لما يحبه ويرضاه ..

بارك الله فيك وحياك الله اي وقت

تحياتي لك ياخوي

[بومحمد المطاوعه]

إذا كانت بنت ناس وتربية.. بتقصر الشر وبتعيش تحت ظل زوجها وتحكم عقلها وتصبر..

صحيح

الله يعطيج العافيه

[حقيقه]

عسى ماشر يغلطون علي ومايحترموني وتبون احترمهم واخدمهم

الحمدلله متربين عند اهلنا عدل لكن اللي بيغلط علينا بنعفس وجهه

فيه ناس ماتخاف ربها وتعامل زوجة الابن زي الخدامه واخس وهي محترمه

لكن في هالزمن الساكت والمحترم اسمحولي هذا اسميه غبي

[نوار قطر]

كفيتي و وفيتي:victory:

الزم ما عليها امه و أبوه :shy:

الباقين من هله ان اعتدلو لنفسهم و إن اسائو عليهاا


و قبل كل شي اللي بتسويه في هله باجر عيالها بيسوونه فيهاا

هي بتعاملهم بالطيب لكن بعض خوات الريل وما نقدر ننكر يحبون يسوون سوالف :secret:

و الذكيه هي اللي بتطنش و بتحقر ... و بعضهم ينحطووون على الجرح يبرى :shy:


صحيح فيه جنات او حريم ما وراهم غير المصايب حق اهل الريل ..

و لكن للأسف بعد فيه اهل ريل (أهل زوج ) يغثون اللي ما ينغث

لدرجة ان يتطاولون على مرت الولد و على كرامتها وحتى اهلها يتطاولون عليهم

و أنا اعرف هالبنت معرفه شخصيه لكن المسكينه ساكته عنهم و هشي غلط :victory:



و الملام عليه الزووووج بالمقام الأول لأنه ما خذا بنت الناس عشان يذلها
و هــــي غلطانه
لأنها رضيت بالغلط من البدايه




سوري ع الإطاله
و شكرآآآآ :shy:

تسلمين حبيبتي وفي مثل يقول من بغى وليده يرأف بجنته :victory: يعني الام الي تبي ولدها وتداري خاطره تداري مرت الولد وتعاملها مثل ماتعامل بناتها لان بعض الامهات يحنون على مرت الولد وتروح المره تحن على الريل امك قالت وامك فعلت ويتكوك الريل ويرووح يهد على هله وتبتدي المشاكل الي ماله اول ولا اخر :secret:

الله يهدي الجميع

[بومحمد المطاوعه]

عسى ماشر يغلطون علي ومايحترموني وتبون احترمهم واخدمهم

الحمدلله متربين عند اهلنا عدل لكن اللي بيغلط علينا بنعفس وجهه

فيه ناس ماتخاف ربها وتعامل زوجة الابن زي الخدامه واخس وهي محترمه

لكن في هالزمن الساكت والمحترم اسمحولي هذا اسميه غبي

لا اختي مب سالفه غبي

سالفه الاحترام

تفرض احترامها على الي مب محترمين

ع العموم وجهه نظرج ولج الاختيار في التعامل

[بومحمد المطاوعه]

تسلمين حبيبتي وفي مثل يقول من بغى وليده يرأف بجنته :victory: يعني الام الي تبي ولدها وتداري خاطره تداري مرت الولد وتعاملها مثل ماتعامل بناتها لان بعض الامهات يحنون على مرت الولد وتروح المره تحن على الريل امك قالت وامك فعلت ويتكوك الريل ويرووح يهد على هله وتبتدي المشاكل الي ماله اول ولا اخر :secret:

الله يهدي الجميع

اي والله صدقتي اختي

التكوووك اكبر غلط

[ضوى]

اهم شي انه الزوج يشيل نفسه من خلافات الحريم وهو يحلون امورهم بينهم ، يعني الزوجة تشتكي يراضيها ان شاء الله وخير امه تشتكي ان شاء الله وخير اخته تشتكي ان شاء الله وخير ، يعني مايحاول يتدخل بين الحريم مشاكلهم مابتخلص ، هي فترة وتهدا الامور والكل بيتعود على طبيعة الثاني

[مساهمة]

لا وانت الصادق كل ماتقدمت السنين
تنقص هذه الشروط

عموماً اخوي حسن
ردي الأول والشروط الي ذكرتها
كانت مبثابه شرط ساخره تطلبها بعض الأسر
من زوجات أبنائهم
كأنهم مقدمين على خدامة مو زوجة

اخوي رحال زين اني قريت ردك هذا .. ولا كنت بتروح فيهاا هههههههه

بخصوص الموضوع ..

المشكله ان في بنات للاسف من بداية خطبتهم يكون عندها احساس ان (ام زوجج وخواته عدواتج ومايحبونج ومايبوونج وو وو و ))

هل هي قناعة البنت نفسها ؟ ولا الام زارعه فيها هالشغله .. الله العالم!

بس عموما البنت السنعه (الذكيه) تكسب زوجها بكسبها لمحبة امه .. ولازم تعدها مثل امها

وتحاول اتقرب منها ..

واكيد مافي بيت مافيه مشاكل .. بس لازم الوحده تمشي الامور وماتقعد حق اهل ريلها على الوحده!

والله يصلح الكل

[بومحمد المطاوعه]

اهم شي انه الزوج يشيل نفسه من خلافات الحريم وهو يحلون امورهم بينهم ، يعني الزوجة تشتكي يراضيها ان شاء الله وخير امه تشتكي ان شاء الله وخير اخته تشتكي ان شاء الله وخير ، يعني مايحاول يتدخل بين الحريم مشاكلهم مابتخلص ، هي فترة وتهدا الامور والكل بيتعود على طبيعة الثاني

بارك الله فيج اختي

اي والله المفروض الزوج يشرد من الدريشه اذا قامت بين الحريم ههههه

الله يهديهم