الرساله الثالثه يااولياء الامور

[حسن]

صبحكم الله بالخير

جاتني رساله من مدرسه ولدي مضموها :

الساده اولياء الامور :

نظرا لكثره غياب الطلاب يوم الخميس
نفيدكم علما بأن الطالب الذي سيحضر للمدرسه يوم الاحد بدون عذر طبي مقبول لن يسمح له بدخول الفصل الى بحضور ولى الامر


من المسؤل عن هذه الظاهره ؟ وماهو سبب الغياب يوم الخميس بالذات ؟

يسعدني مشاركاتكم

[الدمعه]

الجو جو كشتات :nice:

[khaldoon]

المسؤول هم الاهل اللي بيعطون مجال لاولادهم يغيبون بدون عذر مقبول

[حسن]

الجو جو كشتات :nice:

بس لين الحين الجو عاده حر شوي ورطب
وبعدين الاجازه يومين في وقت

حياك الله اخوي

[R 7 A L]

المسئول
الأب فقط

[الدمعه]

في ناس وبشكل دايم الخميس عندهم غياب. يشدون الرحال. تبي أفهمك أكثر

وفي ناس دلع يعني شوفوني أغيب وهلي ما يقولون شئ.

[حسن]

المسؤول هم الاهل اللي بيعطون مجال لاولادهم يغيبون بدون عذر مقبول


هلا هلا والله بل الباش مهندس خلدون

انا معاك قلبا وقالبا في اللي تقوله الاهل من صوب الاب ومن صوب الام هم اللي يتحملون مسؤليه الغياب

انا اشوف مركزسلوى يوم الخميس فل زحمه اقول هذولا ماعندهم عيال في المدارس
الله يرحم يام الاول ياخلدون مرضانين ويقول ابوي
الله يرحمه قم المدرسه ياولد

[حسن]

المسئول
الأب فقط

والله يارحال هل المره انا باختلف وياك شوي
انا اقول الاثنين لاب والام معا لنه الزوج ماهوعقد رباط وغلظ والكل يتحمل المسؤليه يجيبون عيال وبكره يقطونهم على الدوله يالله ساعدينا

انزين فرضا الاب مهمل مقصر عوي
الام وينها بعد نفس الشي بل هذه والله بلوه

حياك الله يارحال

[روز باريس]

اخوي حسن غياب الطلاب يوم الخميس اللي فات علشان الاربعاء كان اخر يوم من الامتحانات وعطنهم اجازة ابوية

[حسن]

في ناس وبشكل دايم الخميس عندهم غياب. يشدون الرحال. تبي أفهمك أكثر

وفي ناس دلع يعني شوفوني أغيب وهلي ما يقولون شئ.

مافي مشكله يشدون ولا ينزلون عقب الدوام باروح في وقت
اما اذا كان دلع لا هذه مالها الا الخيزرانه من سوق واقف

هلا والله وحياك الله

[حسن]

اخوي حسن غياب الطلاب يوم الخميس اللي فات علشان الاربعاء كان اخر يوم من الامتحانات وعطنهم اجازة ابوية

ياخت روز باريس بس هذا يقولون يايقبلون الغياب بدون عذر ولا يقولك يحذر ولي الامر
وبعدين شكثر اجازاتهم الحين وايد والله اذكر انا الغياب طول السنه مدوامين غير اجازه الربيع مافي كلش ولا يوم ميهود بلاعيمك تعورك اشرب ماي حار على الريج ولا فكس الحار مع الملفع وارفع اللوز ولا نعرف الادويه

وبعدين في مدارس اعداديه تعودت على الغياب انا عيال اخوي وولد عمي يقول الوضع سمردحه
معقوله يصير هذا الوضع المجلس الاعلى مايدري
مايسوي حملات تفتيشيه

الله يصلح الحال

[دااانة قطر]

اخوي حسن غياب الطلاب يوم الخميس اللي فات علشان الاربعاء كان اخر يوم من الامتحانات وعطنهم اجازة ابوية



بنتي يوم الثلااثاء اللي طااف كاان عندها آخر اختبااار قاالت يمه بااجر بغيب قلت تحلمين
المهم رجعت يوم الأربعااء من المدرسه وتقول ماافي غير 13 طاالبه وماخذنا حصص درااسيه
وبلغوا المدرسااات انهم الخميس بيغيبون
قلت يريحون وغيبتهم

بس مااجاان مسج:shy:

[روز باريس]

بعد اخر امتحان او قبل اجازة عيد او اي مناسبة يطرشون رسالة ممنوع الغياب
كانهم يوحون للطلاب غيبوا ههههه

[الزعفراني]

لأن واجد ناس يقضون الويكند في الدول المجاورة .. يشلون عليه عقب دوام الأربعاء ..

[dm styal]

اعرف ناس كلش الدراسة اخر همهم !! لاحقين على الوناسة في ايام عطل مب على حساب المدرسة موسم امتحانات ولا تبون الخميس اجازة هالايام هابين كله اطالبون بإجازة لا يكون تبون اجازة للعنة؟

[عاهد بن علي]

اولياء الامور هم المسؤلون

[لمعة الالماس]

هم غابوا لانه كان اخر يوم امتحانات هو الاربعاء

بصراحة الطلبة ما ينلامون المدارس وايد ضاغطه عليهم كفاية اسبوعين يمتحنون وغير الدروس والواجبات والابحاث

[intesar]

المسؤول والتسيب من أولياء الأمور..
عاد ليجون وقت الإمتحانات ويقولون ويتحلطمون بالمجلس..:secret:

[intesar]

هم غابوا لانه كان اخر يوم امتحانات هو الاربعاء

بصراحة الطلبة ما ينلامون المدارس وايد ضاغطه عليهم كفاية اسبوعين يمتحنون وغير الدروس والواجبات والابحاث


خلهم يتعبون وينضغطون.. بعدها يذوقون حلاوة النجاح..
للأسف حنا شعب ما يعجبه العجب.. يبي الراحة وأعلى التقييمات والدرجات والرفاهية..

[بصمة قطرية]

صبحكم الله بالخير

جاتني رساله من مدرسه ولدي مضموها :

الساده اولياء الامور :

نظرا لكثره غياب الطلاب يوم الخميس
نفيدكم علما بأن الطالب الذي سيحضر للمدرسه يوم الاحد بدون عذر طبي مقبول لن يسمح له بدخول الفصل الى بحضور ولى الامر


من المسؤل عن هذه الظاهره ؟ وماهو سبب الغياب يوم الخميس بالذات ؟

يسعدني مشاركاتكم
الأهل السبب ..!!!
مستحيل أسمح لولدي يغيب بدون عذر طبي ..!!!