ألا تلاحظون ان أغلب الفائزين بسحب اللولو من الهنود

[الحلال فقط]

متابع منذ سنوات طويلة لسحوبات اللولو وألاحظ أن أغلب من يفوز بها في كل مرة من الهنود
لا أعرف بالضبط قوتهم الشرائية لكنني أظن أنها ليست بالقوية مقارنة مع غيرهم
فما السر في ذلك !

وهذه صورة لاخر سحب جرى منذ ايام
http://im20.gulfup.com/xJdU1.jpg (http://www.gulfup.com/?ChFhdX)

[بو علاوي]

هل شفت غير الهنود في اللولو وسفاري وكواليتي هايبر ماركت؟؟
الجماعة دهنهم في مكبتهم ههههههه

[storm..]

اظن راعي الولو هندي

[عيون الدوحة]

شي طبيعي لان نسبة الهنود الي يشترون من اللولو ٩٩ بالمية اذا مب ١٠٠ بالمية

[الحلال فقط]

الكلام ان معظم المشترين من الهنود غير صحيح
ولاحظوا ان اللولو له عدة فروع في المطار وفي الغرافة وغيرها ومن خلال ما رأيت ان غير الهنود اكثر

[نوار قطر]

اذا الهنود مافازو من بيفووز عيل انا صرت لين اخذ الكوبونات اعطي دريولنا واقوله اكتب اسمك واذا فزت بعطيك النص ،،، بس في ذي مالنا حظ الظاهر درو بالخطه :shy:

[ام ناصر1]

فكر انا في خوف ....اكيد الفايز بيكون هندي

[خليفـة]

المسألة فيها مراقبة ومتابعة من قبل وزارة الاقتصاد والتجارة اخوي
التآمر والتلاعب مستبعد جدا في السحوبات

من جهة أخرى نسبة فوز الآسيويين أكبر بكثير من نسبة فوز القطريين نظراً لعدد
الزبائن .. امام كل زبون قطري 100 زبون آسيوي واجنبي
بالتالي نسبة فوز القطري 1%

يعطيك العافية

خليفـــة

[ريتويت]

راعي اللولو هندي معروف

[الحلال فقط]

الامر لا يقاس بعدد المشترين فقط بل بالقوة الشرائية
الهندي يدخل وما يشتري الا شيء بسيط بعكس القطري
قطري واحد بيشتري عن 30 او 40

[طبيب قطري]

استغفر الله انا ما بي اظلمهم بس فعلا لاحظت ان اغلب الي يفوزون من الهنود..
لا تنسون صاحب اللولو هندي ..

[Riku3]

الامر لا يقاس بعدد المشترين فقط بل بالقوة الشرائية
الهندي يدخل وما يشتري الا شيء بسيط بعكس القطري
قطري واحد بيشتري عن 30 او 40

كلنا نروح اللولو ونشوف الاجانب وقوتهم الشرائيه ! .. صحيح ان في نسبه قوتهم الشرائيه بسيطه بس هناك فئة تشتري مثل القطري وعددهم لا بأس به .. والهنود الي في المجمع عددهم كبير جداً لدرجة ان الكثير من الي اعرفهم يتجنبون اللولو في بداية الشهر ونهاية كل اسبوع !! .

وبعد انا عن نفسي نادر ما اكتب الكوبونات او اروح اخذهم من الزحمة !! .. اشتري واطلع .

[الصغيره]

قلته لكل من يسوي سحب حتى دوحه ستي والتموين العايلي كله هنود

[بوخالد911]

وفي غير الهنود يفوززون؟!؟

[مبارك سعد]

وحنا نشتري من الولو عيالي يقولون اكيد اللي بيفوز هندي

[bnb]

الآسيويين كثافة سكانية قوة شرائية من الطبيعي يكون النصيب الاكبر لهم

[ALZUBARAH]

زبائن اللولواكثرهم هنود, و من الطبيعي الفايز يكون هندي.

[بوNasser]

المسألة فيها مراقبة ومتابعة من قبل وزارة الاقتصاد والتجارة اخوي
التآمر والتلاعب مستبعد جدا في السحوبات

من جهة أخرى نسبة فوز الآسيويين أكبر بكثير من نسبة فوز القطريين نظراً لعدد
الزبائن .. امام كل زبون قطري 100 زبون آسيوي واجنبي
بالتالي نسبة فوز القطري 1%

يعطيك العافية

خليفـــة


اذا كانت النسبة عددية فكلامك صح 100٪

لكن نتكلم عن قيمة المشتريات وعدد الكوبونات

اذا الهندي يشترى ب 100 يعني ياخذ كوبونيين

القطري يشتري بألف يعني ياخذ 20 كوبون

المسألة فيها شي!!!

[داااايم السيف]

وانا متعب نفسي واقعد بالساعات اكتّب في هالكوبونات واخرتها مايطلع اسمي:anger1:

[بوخالد911]

اذا كانت النسبة عددية فكلامك صح 100٪

لكن نتكلم عن قيمة المشتريات وعدد الكوبونات

اذا الهندي يشترى ب 100 يعني ياخذ كوبونيين

القطري يشتري بألف يعني ياخذ 20 كوبون

المسألة فيها شي!!!

فرضا

لو القطري عنه 1000كوبون
والهندي كوبون 1

بيفوززززززززززززززززززززززز الهندي

:anger1::anger1::anger1::anger1::anger1:

[khaldoon]

سؤال ابي اطرحه من زمان.... الحين اللي ما يحضر السحب ممكن ينادوا عليه انه فايز و لو ما رد يسحبوا لشخص اخر و تروح عليه الجائزة و الا اشلون

[مشاكل]

هههههه
والله اني اليوم اسأل نفسي هالسؤال !!!
انا شاركت في لولو الغرافة بأكثر من 1000 كوبون لي ولخوي ومافزت حتى بآلة حاسبة
والله حرمت اشارك فيها مره ثانية لاني تيقنت ان النتيجة بتكون معروفة مسبقاً حق الهنود

[لاجل QT]

شريت العام من دوحة ستى مايترس الصندوق بطاقات بملغ وقدرة قلت بس الفوز صوبنا لدرجة اشوف كبوناتنا اطفحت في الصندوق من كثرها

اللى فاز كالعادة هندى جعلنى اشك في مصداقية هالكبونات

ماخذت غير تعب يدنا انا وعيالي واحنا نكتب

[حمد 2002]

شيء طبيعي لان اكثر الزباين من الهنود

[penguin]

شفيهم عايشين هناك

سعات احس بجوف فيل هندي

يمشي فاللولو من كثر الهنود

[مساهم خطير]

الهنود لهم بطاقات خاصه وخصومات قويه مب مثلنا

[الوليد]

ممكن الهندي لو اشترى ب 100 ريال يحصل دفتر كوبونات مثلا؟ واحنا لو اشترينا ب 240 ريال تلاقيه يعطيك 4 كوبونات بحكم انه ناقصك 10 ريال للكوبون الخامس

لاحظت تركيزهم علينا بالكوبونات ويحسبها على الريال بعض الاحيان ...

[نورالهدى]

هذه أرزاق
سبحان الله

الله يرزق الجميع

ومبروك وعليهم بالعافيه

[بوخالد911]

شريت العام من دوحة ستى مايترس الصندوق بطاقات بملغ وقدرة قلت بس الفوز صوبنا لدرجة اشوف كبوناتنا اطفحت في الصندوق من كثرها

اللى فاز كالعادة هندى جعلنى اشك في مصداقية هالكبونات

ماخذت غير تعب يدنا انا وعيالي واحنا نكتب

حاولي مرة اخررررى

:nice::nice::nice:

تحياتي قبل أن تنجح محاولاتي

:victory::victory::victory:

[شمس]

هم اغلبيه فاكيد لهم الحظ الاوفر اول امس دافعين عن هندي مشترياته في كارفور بمناسبة مرور 12 سنه لكارفور

[الخـود]

صحيح ان الجالية الهندية موجودة بكثرة في المهايبر ماركت ، لكن مب كلهم يشترون ،، تلقاهم يتمشون ، او صوب الفواكه ،،
طيب ليش الجالية العربية ما تفوز؟!
أرزاق من الله..

[لاجل QT]

حاولي مرة اخررررى

:nice::nice::nice:

تحياتي قبل أن تنجح محاولاتي

:victory::victory::victory:

ولا باحاول ولا شي:(

باعطي الكبونات حق هندي:nice:

[الحال مايساعد]

أمس عل قطر ليفنج الرجال عارض السيارة للبيع بـ 220 ألف وقال خذيتها من سحب اللولو

[العربية نت]

ههههه حاس بالحره الي فيكم بس يا اخوي الموضوع لايقاس بالقوة الشرائية اغلب العروض الترويجية يقول لك اشتر بقيمة 50 او 100 ريال وا دخل السحب :eek5: فهي شغلات يانصيب فالهندي بيحصل على عدد 2 كوبون وهي كفيله بفوزة ولاتقارنها بعدد ال 500 كوبون الي انت حصلت عليه وبعد كثرة الهنود لها دور وفي النهاية الفائزين معدودين 1 او 5 من آلاف الكوبونات وبعدين فيه لجنة بتكون مشرفه على السحب من قبل وزارة الاقتصاد اتوقع والله اعلم ان اللعب في ذي الامور مستبعد الى حد بعيد :omg:

[QAQA]

من يومين مريت جراند هايبر سألت الموظف شخبار السحب عندكم قالي خلاص اللي ماخذ السيارة نيبالي

[الزعفراني]

الأسباب كثيرة :

1- رزق مكتوب من رب العالمين .. يعني لو تشتري مليون كوبون وغيرك يشتري بس كوبون واحد ممكن يفوز اذا الله كاتبها له .

2- نسبة وأعداد الهنود كبيييييييييييييييييييره جدا .. يعني حتى لو كل واحد منهم خذ له كوبون هالشيء يزيد فرصهم عن البقية حتى لو الشخص العادي الغير هندي يشتري يوميا بـ 20 كوبون مثلا .. ( نسبة الهنود 24 % من السكان في قطر ) يعني تقريبا ربع الكوبونات لهم إذا فرضا انهم ما يشترون الا من اللولو وأظن هذا اللي حاصل بحكم ترددي على اللولو لقربه من بيتي .


3- استراتيجية وضع الكوبونات في الصندوق تلعب دور كبير في الفوز :) .. هم يجمعون الكوبونات لين آخر يوم وعقب يحطونها في الصندوق .. فشيء بديهي ان فرصتهم تكون أقوى بعكس اللي حاط كوبونه من أول بداية الحملة والا اللي كوبونه بعيد عن مركز سحب الكوبون .


4- مش صحيح دايما الهنود يفوزون .. صحيح النسبة لهم بكثره .. لكن اللولو في حملته الترويجية اللي قبل ذي .. فازت بالسيارة الاولى أخت عربية ( إن ماخانتني الذاكرة ) :rolleyes2: والثانية بعد أخ عربي .. والثالث كان الاسم اجنبي .



على الطاري حد فيكم فاز بجوايز سحوبات كوبونات ؟ مب شرط من اللولو ؟؟

عطونا تجاربكم :telephone:

[الامل القديم]

كل الناس تروح وتشتري من اللولو ومن مختلف الجنسيات

بس حظ سبحان الله

[بو علاوي]

انا ما اخذ الكوبونات هذي واعتبرها حرام لانها معتمدة عالحظ

[الفا برافو]

انا اعطي كوبونات المشتروات حق الي يبيعون كوبونات الجمعيات الخيريه
لانه ادري الحظ قاصر.. واللي بيفوزون عادة هنود
:)

[بومحمد المطاوعه]

اخاف احط اسم حد من الادريوليه عندي

واتحسف

يفوز ف الموتر وبيسحب علي

على الاقل نص بالنص انا راضي بس مابتصير نص بالنص

بياخذ سهمه وبيسافر

يعني بخسر الربح وبخسر الادريول

ف الاحسن احط اسمي واسم عيالي

وان شاءالله نفوز

[Riku3]

للتوضيح والاضافة .. 2 اعرفهم الفترة الي فاتت فازوا بسيارات .. واحد منهم لاند كروزر من اللولو والثاني كورولا من مباراة :] .

السالفة ارزاق ووزارة الاعمال والتجارة مب مقصره في الرقابة عليهم .

[باراكودا]

مهب شرط أنا مرة فزت بقلاص ماي مشلوخ

[لمعة الالماس]

مرة دوحة ستي عطونا دفاتر كوبونات كل دفتر فيه 100 كوبون

طاحت يدنا واحنا نعبيهم انا وامي وخواتي

ويوم السحب ولا فزنا باي شي بس تعبنا يدنا على الفاضي

[راشد محمد]

الهنود حظهم يكسر الصخر

[cavok]

يبى لا ذكروني كل ما انحطها عوية لكن
الحمد لله على كل حال

[الخزرجي قطر]

يمكن الفوز بالسحب مهب حلال الله يبعدنا عنه اذا كان هناك ادنى شك فيه

[شموخ]

وأنا أقول دهنهم في مكبتهم دام انه صاحب اللولو هندي وأنا وحدة دائما أشتري الحاجات من اللولو لما أجي عند الكاشير وأدفع لهم المبلغ المطلوب ويعطوني كوبونات للسحب وأخذها سيدا للزبالة لأني عارفة ما راح أفوز وليش أتعب نفسي وأكتب عالفاضي دام ان الجوائز محجوزة حق ربعهم الهنود..

[بوخالد911]

مرة ثانية

بخلي اي هندي يكتب لي بخط يده ويعبي الكوبون باسمي

[fahd]

هل يتم وضع شمع أحمر او اي شي على الصندوق حتى لا يفتح من البداية لين تاريخ السحب من قبل وزارة الأقتصاد

[l0o0rd-qtr]

تدري كم هندي بقطر

فوق المليون هندي

ماتبونهم ياكلون كل شي

[روح qtr]

الموضـــــــــــــــــــــــــــــــوع فيه شي غير طبيعي

ياجماعة الخير بصراحه بدون مبالغه ولا غشمره يمكن اكثر قطــــري يشارك في هالجوائز انا

لان اي شي يحتاجونه الاهل او البيت من مواد غذائيه او اكترونيات اوغيرها .....الخ على طول من اللولو

حتى لدرجه من كثر ماخذ كوبونات الاهل زهقو وهم يعبونهم هههههههههه دون فائده ومن قول الا

لا حول ولا قوة الا بالله والواحد مايقدر في ها الحالات يشك لان يمكن يكون فيه مراقبه

وهذا والله تعالى اعلم وفي ذمتهم ان شــــاء الله ..

يعطيكم العافيه والله يرزقنا ويرزقكم ..

[alhaayaa]

لاحول ولا قوه الا بالله

[بصمة قطرية]

مب بس في اللولو
كل مكان الفائز هندي ...!!!!
ما صرت أعبي أي كوبون
أتعب نفسي على الفاضي ،،

[بصمة قطرية]

هل يتم وضع شمع أحمر او اي شي على الصندوق حتى لا يفتح من البداية لين تاريخ السحب من قبل وزارة الأقتصاد

إستفسار مهم ..!!!!

[باراكودا]

إستفسار مهم ..!!!!

فعلا في صناديق مخفية تظهر أخر يوم وقبل حضور المراقب بساعات وفيها
الاسماء المختارة .

[باراكودا]

إستفسار مهم ..!!!!

فعلا يتم التلاعب عن طريق تبديل الصندوق في اخر يوم والطريقة الاخرى تعتمد
على خفة الحركة حيث يتم تدريب الطفل الذي سوف يلتقط الكوبون على حركة
معينة بحيث يخرج الكوبون المطلوب بيده ..

[حميداني]

ارزاق .. وغير رزقك ما تحوش

[NeverLand]

ذكرتوني لما امي فازت مره بسيارة خخ .. كان ابوي يومها ماخذنا الملعب مادري اي بطولة كانت .. المهم كانوا مسويين سحوبات وجوائز وابوي كتب اسامي كل واحد بالبيت وقال بسم الله وقطعهم بالصندوق .. ولا تفوز البطاقه اللي فيها اسم امي بسياره .. ومن ساعتها وامي انغرت علينا ههه .. كل مايصير سحب ولا شي قالت اكتبوا باسمي عشان تفوزون :s

واذكر يومها من كثر ماكانت مستانسه ومصدقه ان اسمها يجيب الحظ قالت لنا انا واختي دورو على اي اعلان بالجريده لاي محل مسوي سحوبات وانا باخذكم وبشتريلكم لين ماتشبعون من هالمحل .. جان نستغل الفرصه وماخلينا مكان مارحناله .. السلام ومادري وين .. وبعد ماخسرناها مافازت بأي سحب خخ .. كانت مره يتيمه وخلاص :p

[R 7 A L]

اكيد

كل مازاد العدد كل مازادت النسبه

[المستعصم بالله]

الامر لا يقاس بعدد المشترين فقط بل بالقوة الشرائية
الهندي يدخل وما يشتري الا شيء بسيط بعكس القطري
قطري واحد بيشتري عن 30 او 40


هذاك أول الهندي مايشتري شي الحين يعبي جاري واثنين ،وأنا أشوفهم شوف العين في اللولو ، وهم كالجراد المنتشر هناك حتى أنك تكره تروح للولو بسبب الازدحام الشديد الي يتسبب فيه الآسيويين .

[فيروزه]

نصيب وهالهنود محظوظين

انا عن نفسي ماعاد عبيت ولا كوبون تضيع وقت عالفاضي

[Kbusiness]

اذا الهنود مافازو من بيفووز عيل انا صرت لين اخذ الكوبونات اعطي دريولنا واقوله اكتب اسمك واذا فزت بعطيك النص ،،، بس في ذي مالنا حظ الظاهر درو بالخطه :shy:

ما يصير تاخذ النص الا اذا الدريول من نفسه موافق يعطيك النص ومن غير تكلف وإلا بتصير ماخذ شي مش من حقك حتى لو انت الي شاري الأغراض .

[fahd]

هل يتم وضع شمع أحمر او اي شي على الصندوق حتى لا يفتح من البداية لين تاريخ السحب من قبل وزارة الأقتصاد


إستفسار مهم ..!!!!




فعلا في صناديق مخفية تظهر أخر يوم وقبل حضور المراقب بساعات وفيها
الاسماء المختارة .




فعلا يتم التلاعب عن طريق تبديل الصندوق في اخر يوم والطريقة الاخرى تعتمد
على خفة الحركة حيث يتم تدريب الطفل الذي سوف يلتقط الكوبون على حركة
معينة بحيث يخرج الكوبون المطلوب بيده ..

إذا حد عنده علم يا ليت يفيدنا
أو انه يوصل الفكره للجه المسؤوله لتطبيقها

[@Ibrahim@]

دهنهم في مكبتهم

[أم محمد 90]

الحين اشيانا ونجمه الهند والمطاعم الهندية مسوين سحب على جي 55

اخخ بس ياحظ الهندي الي بيفوز لول

[عيون الدوحة]

إذا حد عنده علم يا ليت يفيدنا
أو انه يوصل الفكره للجه المسؤوله لتطبيقها

اخبر مرة صارة حركة تبديل صناديق السححب في الحياة بلازا
وتم ضبطهم من قبل المسوؤلين

[الحلال فقط]

احد التفسيرات لهذا الامر:
يتم الاتفاق من قبل الجهة المنظمة للسحب مع احد الهنود على ان يفوز بالسيارة او الجائزة الكبري مقابل مبلغ مالي معين ويكون هو مجرد ديكور فقط ياخذ السيارة لكن ترجع لهم مرة اخرى مقابل مبلغ مالي يتم الاتفاق عليه

[Abdullah_89]

بوهنود مو هينين

واسطه ياحبيبي واسطه خخخخخخخخخخخ

[عيون الدوحة]

اليوم سحب برغر غنق على سيا رة
بشرونا من بيفوز بها قطري ولا هندي

[nawara2]

اذا الهنود مافازو من بيفووز عيل انا صرت لين اخذ الكوبونات اعطي دريولنا واقوله اكتب اسمك واذا فزت بعطيك النص ،،، بس في ذي مالنا حظ الظاهر درو بالخطه

[العميل 007]

صفوا النيه ياجماعه

[فلتة زمانها]

ما اظن فيه تلاعب في السحب اعتبرها ارزاق
وبعدين صاحب اللولو انسان متدين وحريص
ويكفي انه يوم من الايام تكفل بغسل الكعبة المشرفه ونال شرف دخولها