ايش السواة مع الميرررة

[مبتدئه]

اليوم رحت الميره فرع الناصريه خذيت كم غرض منها والح علي ولدي بو ثلاث سنوات اخذ له اي سكريم
خذيت له ولاخوته في البيت اول ماوصلنا البيت خذ ولدي الايسكريم يأكله سبحان الله جا ولدي الاكبر خذه منه وكأن الله سخره يجينا بهذا الوقت اخذ الايسكريم وطالع تاريخ الانتاج والانتهاء والمفاجأه كانت إن الايسكريم منتهي من شهر تقريبآ الحمد لله اللي ولدي ما كل منه لانه مب ناقص امراض فديته نتفه بعد لا سمح الله صار فيه شي ماراح يتحمل

المهم ابغي مشورتكم ويش الحل واشلوون اتصرف عندي الفاتوره والايسكريم للحين بالفريزر الضرر مب علي وعلى عائلتي بروحها لا الضرر ع الجميع اشلون مواد غذائيه موجوده بالميره وتاريخ انتاجها منتهي وهم غافلين مب كل الناس تتاكد من التاريخ قبل الاكل ،طرحي للموضوع للاستشاره وللانتباه

وجزاكم الله خير

[بصمة قطرية]

كلمي حماية المستهلك
يمكن يتحركون ..!!
أعتقد هالشي من اختصاصهم ..

[penguin]

ابغي مشورتكم ويش الحل واشلوون اتصرف عندي الفاتوره والايسكريم للحين بالفريزر


:anger1:

استغفر الله

قطيه بالزباله مع الفاتوره <<<< هذا احنا :rolleyes2:

[أبو بكر سالم]

الحمدلله علي سلامة العيال وشتكي عليهم

[مشاكل]

اليوم رحت الميره فرع الناصريه خذيت كم غرض منها والح علي ولدي بو ثلاث سنوات اخذ له اي سكريم
خذيت له ولاخوته في البيت اول ماوصلنا البيت خذ ولدي الايسكريم يأكله سبحان الله جا ولدي الاكبر خذه منه وكأن الله سخره يجينا بهذا الوقت اخذ الايسكريم وطالع تاريخ الانتاج والانتهاء والمفاجأه كانت إن الايسكريم منتهي من شهر تقريبآ الحمد لله اللي ولدي ما كل منه لانه مب ناقص امراض فديته نتفه بعد لا سمح الله صار فيه شي ماراح يتحمل

المهم ابغي مشورتكم ويش الحل واشلوون اتصرف عندي الفاتوره والايسكريم للحين بالفريزر الضرر مب علي وعلى عائلتي بروحها لا الضرر ع الجميع اشلون مواد غذائيه موجوده بالميره وتاريخ انتاجها منتهي وهم غافلين مب كل الناس تتاكد من التاريخ قبل الاكل ،طرحي للموضوع للاستشاره وللانتباه

وجزاكم الله خير
بكرة الصبح اطرشين حد من اخوانج مكتب الغرافة التابع لبلدية الريان وعلى الفور بيرسلون لهم مفتش اغذية يحرر لهم محضر ضبط قضائي اذا ثبت لهم ذلك

[بوخالد911]

هلا

الاتصال بحماية المستهلك

وتصوير المنتج اللي منتهي الصلاحية

بليييز عن الكسل

نبي همة ونشاط
والجماعة مش مقصرين

http://www.investinqatar.com.qa/Arabic/Pages/ConsumerProtectionComplaints.aspx


ت
8005000
44945500

44945550

http://www.investinqatar.com.qa/Arabic/Consumer/Pages/HowToComplain.aspx

رابط نقاط الاتصال
الخط المجاني : 8005000
الخط الساخن : 44945550/44945500
هاتف الوزارة : 44945555
الرسائل القصيرة : 92665
ارسل نص الشكوى أو الاقتراح + كلمة ( مستهلك )
فاكس : 44932004
البريد الالكتروني : cpd@mbt.gov.qa
الموقع الالكتروني : www.mbt.gov.qa

[الجووري]

الحمدالله على سلامته وماعليه شر إن شاءالله

أنا عندي فوبيا تاريخ الصلاحية حتي في الميك اب احس صارت هوايه من كثر مااحاتي :rolleyes2:

[Qt.1]

ماجات على الميره بس وانا اخوج ذاك اليوم شريت منتج من محل استهلاكي كبير ومعروف يوم رحت البيت وفتحته طلع معفن ومنتهيً.

[مبتدئه]

تسلمووون وماعليكم شر جميعآ. ،ماقصرتوا بالنصيحه يعطيكم العافيه راح اسوي مثل مانصحتوني. مثل ماذكرت من قبل اليوم عندي والحمد لله جت سليمه وبكره بعيد الشر عند حد غيري لازم مانسكت ونبلغ عن المقصر ،وماننسى نشيك على التاريخ
الجووري الظاهر الفوبيا بتنتقل لعندي :)

جزاكم الله خير

[qatarshark]

حسبي الله ونعم الوكيل
المفروض ماتسكتين
بلغي عنهم
مب قاصر بعد الا يسممون عيالنا

[بوخالد911]

ماجات على الميره بس وانا اخوج ذاك اليوم شريت منتج من محل استهلاكي كبير ومعروف يوم رحت البيت وفتحته طلع معفن ومنتهيً.

وليش ما بلللللللللللللللللغت؟!؟!؟

:anger1::anger1::anger1::anger1::anger1:

[مشاكل]

وبعدين اختي لاتخلين عيالج ياكلون اسكريم هالايام بالذات لانها ايام تنتشر فيها الانفلونزا بشدة
الله يحفظهم من كل شر ويخليهم لج

[كود نمبر]

اذا انتي من سكان المنطقه
اتصلي على بلدية الريان
قسم الاغذيه وهم يجون لين البيت وياخذون الايسكريم والفاتوره
لا تتهاونين في الموظوع اختي وكلميهم لازم يتسكر المحل

حماية المستهلك مالها شغل في الاغذيه منتهيه التاريخ

[مبتدئه]

وبعدين اختي لاتخلين عيالج ياكلون اسكريم هالايام بالذات لانها ايام تنتشر فيها الانفلونزا بشدة
الله يحفظهم من كل شر ويخليهم لج

معاك حق لكن ماحبيت اكسر بخاطره ،كلامك على عيني وراسي جزاك الله خير سبقني ملك في السماء يدعو لك يقول ولك بمثل مادعيت
الله يخلي لك كل عزيز وغالي ويبعد عنهم كل شر

[وحيد-الشوق]

ايش بيسوون مع الميرة معرووف من صاحبها قطي الفاتورة ووكلي امرج لرب العالمين

[ام ناصر1]

ايش بيسوون مع الميرة معرووف من صاحبها قطي الفاتورة ووكلي امرج لرب العالمين
قمة التحطيم ....اهيه اتسوي الي عليها والي تقدر عليه ...تنبه المسؤولين
عن الغلط الفادح الي صار ...اذا ما استجابوا لها ...تفوض امرها لله....
هاي حال الدنيا ...

[باراكودا]

:anger1:

استغفر الله

قطيه بالزباله مع الفاتوره <<<< هذا احنا :rolleyes2:

أحسن حل للمحافظة على سمعة الميرة ولتفادي أنهيار
اسهم الميرة في البورصة

[فراغ]

يجب تبليغ حماية المستهلك
انتي بعملك هذا تنقذي اطفال الاخرين
لآنه ما زال هنالك ايسكريمات منتهيه وغيرها من المواد الغير غذائيه على ادراجهم تنتظر من يشتريها وهي غير صالحه للاكل
فنقذي اطفال الاخرين كما انقذت طفلك
واتركك مع ضميرك مع اني لدي احساس بأنك واعيه الضمير والوطنيه

[راشد محمد]

حسبي الله ونعم الوكيل

[كازانوفا]

بالفعل حسبي الله ونعم الوكيل بكل من باع ضميره وما همه من وين يكون مصدر رزقه وعلى حساب مين

[ANONYMOUS]

شصار ع الموضوع

[الخزرجي قطر]

مانبي تحطيم وكسر مجاديف
اقل شي الشكوى الى جهة الاختصاص

[دااانة قطر]

وبعدين اختي لاتخلين عيالج ياكلون اسكريم هالايام بالذات لانها ايام تنتشر فيها الانفلونزا بشدة
الله يحفظهم من كل شر ويخليهم لج



مايحلا العسكريم إلا فـ♡ـي الشتاء


المهم لو مكانج على طول بلغت ورحت الجمعية وشرشحتهم