خطه غريبه لمنع البالون

[يوسف الحمادي]

السلام عليكم ورحمة الله وبركاتة

بأختصار امس كنت ابي اركب رنق واحد لسيارتي بدل الحالي بسبب الرقلة

واصدموني البنشرية في طريق سلوى وفي العزيزية بالآتي

ممنوع عليهم مجرد لمس او تغيير اي حاجة لها علاقة بتاير البالون يعني مانقدر ننفخ لك هوى ولا نصلح البنشر ولا حتى نركب لك تاير سبير وإلا محلاتنا بتتسكر وبندفع غرامة 20 الف ريال

من رأيي الخاص هذا قرار غير مسؤول وقد يعرض حياة الآخرين للخطر.

واتمنى اسمع آرائكم في الموضوع

[Dana’1]

ههههه...عذراً بس القرار يضحك ...تخيلت الشباب! صايدين الشباب :fight:

جرب بالمناطق البعيدة بالدولة ...المناطق الي رحتها حيوية والعين عليهم

واذا التركيب سهل ...ركبة بنفسك الشكوى لله
وإذا صعب ولازم معدات خاصة روح لبنشرية سلوى بالسعودية :telephone:

يمكن منع البوالين خير للشباب

بالتوفيق

[يوسف الحمادي]

ههههه...عذراً بس القرار يضحك ...تخيلت الشباب! صايدين الشباب :fight:

جرب بالمناطق البعيدة بالدولة ...المناطق الي رحتها حيوية والعين عليهم

واذا التركيب سهل ...ركبة بنفسك الشكوى لله
وإذا صعب ولازم معدات خاصة روح لبنشرية سلوى بالسعودية :telephone:

يمكن منع البوالين خير للشباب

بالتوفيق

شكرا لردك اختي الكريمة لكن للأسف القرار يخوف لأن فيه ارواح ناس ولايوجد بديل جيد لنفس مهام البالون ومواصفاته

رأيي انه قرار غير مسؤول نهائيا

[تهامي باشا]

ياخوي هذي خطة رائعة وموفقة من الدولة
البالون أحد أسباب الحوادث، ومنعه من الأسواق معناه إغلاق أحد الأبواب المتسببة في الحوادث
البالون تاير غير مصمم للسير في الشوارع، وجوده يهدد حياة صاحبه والآخرين للخطر

[يوسف الحمادي]

ياخوي هذي خطة رائعة وموفقة من الدولة
البالون أحد أسباب الحوادث، ومنعه من الأسواق معناه إغلاق أحد الأبواب المتسببة في الحوادث
البالون تاير غير مصمم للسير في الشوارع، وجوده يهدد حياة صاحبه والآخرين للخطر

اخي الفاضل المثل يقول لك اسأل مجرب ولا تسأل طبيب اذا كنت انا شخصيا أستخدم البوالين من سنة 98 الى اليوم وماسببت لي اي مشاكل مستحيل اصدق كلام الجرايد هذا

وفي الوقت الحالي سيارتي الي عليها البوالين انا مخليها للرحلات يعني اعتقد اني استخدم الشئ في مكانه الصح ليش يمنعوني من الخدمة ؟

[الدوحي7]

قرار غبي،،وذبحوا عيال الناس بانهم يرحون بتواير ناحله (خربانه) لسعوديه علشان يركب تواير جداد،روح شوف العساكر في اشغالهم اغلبيتهم بالون ، حسبي الله ونعم الوكيل،،المستفيد رجال السوق السوداء،يدخل له شاحنتين يصير مليونير،،
،،

[البيرق]

قرار غبي ،،وذبحوا عيال الناس بانهم يرحون بتواير ناحله (خربانه) لسعوديه علشان يركب تواير جداد،روح شوف العساكر في اشغالهم اغلبيتهم بالون ، حسبي الله ونعم الوكيل،،المستفيد رجال السوق السوداء،يدخل له شاحنتين يصير مليونير،،
،،

اخي ليش التهجم الزائد
القرار ما اتخذ الا باحصائيات صادمة عن تسبب اطارات البالون في الحوادث الخطيرة
صحيح انه ريف وفية من طلبة الشباب الكثير لكن مصايبه كبيرة وكثير خسروا حياة ابنائهم بسببه والكثير خسروا صحتهم بسببه هذا غير الاموال التي هدرت بالحوادث
اخي تكلم بانصاف موظفي الدوله ان اتخذوا قرار مثل هذا ما اتخذوه بسبب المنع في دول اخرى لا بل بسبب احصائيات الحوادث
انت شفت اي وكالة تحط بالون في سياراتهم الجديدة بل تلقى التوصية على نوعية تناسب السيارة نفسها
اخي انا حاولت مع عيالي من قبل منهم الي اقتنع ومنهم الي ماقتنع بس في الاخير بيقتنع ان شاف الشباب امتنعوا

[boamir]

اخي ليش التهجم الزائد
القرار ما اتخذ الا باحصائيات صادمة عن تسبب اطارات البالون في الحوادث الخطيرة
صحيح انه ريف وفية من طلبة الشباب الكثير لكن مصايبه كبيرة وكثير خسروا حياة ابنائهم بسببه والكثير خسروا صحتهم بسببه هذا غير الاموال التي هدرت بالحوادث
اخي تكلم بانصاف موظفي الدوله ان اتخذوا قرار مثل هذا ما اتخذوه بسبب المنع في دول اخرى لا بل بسبب احصائيات الحوادث
انت شفت اي وكالة تحط بالون في سياراتهم الجديدة بل تلقى التوصية على نوعية تناسب السيارة نفسها
اخي انا حاولت مع عيالي من قبل منهم الي اقتنع ومنهم الي ماقتنع بس في الاخير بيقتنع ان شاف الشباب امتنعوا

أغلب إلي خسروا حياتهم في هالإحصائيات بسبب السرعه
وثانيا
خلونا نشوف شنو سلبيات وإيجابيات هالقرار

الإيجابيات على كلامهم إنهم قاعدين يقللون من الحوادث إلي تسببها البالون مع إنه كلنا نشوف إنه هالحوادث صارت وسببها الرئيسي السرعه

السلبيات
1 - إرتفعت اسعار بقية الإطارات إلي الضعف تقريبا
2 - الشباب مع ذلك للحين يركبون وبالعكس صاروا يعرضون نفسهم للخطر أكثر بأنهم يسافرون بتواير قديمه عشان يروحون يركبون تواير جديده من بره
3 - الأشخاص إلي كانوا يستخدمونها وايد في الرمله وايد تضرروا والسبب البالون سواقته افضل ويمسك في الرمل احسن من الميجر وريف على عكس الميجر يلخلخ الموتر عدل في الرمله
4 - اسعار البالون طارت للضعف وتنباع في السوق السوداء في قطر وللأسف يحصل فيها احيانا بعض الغش يعني تنباع تواير قديمه على إنها جديده وطبعا المشتري مايقدر يشتكي

ماأقول إلا الله كريم

[يوسف الحمادي]

اخي ليش التهجم الزائد
القرار ما اتخذ الا باحصائيات صادمة عن تسبب اطارات البالون في الحوادث الخطيرة
صحيح انه ريف وفية من طلبة الشباب الكثير لكن مصايبه كبيرة وكثير خسروا حياة ابنائهم بسببه والكثير خسروا صحتهم بسببه هذا غير الاموال التي هدرت بالحوادث
اخي تكلم بانصاف موظفي الدوله ان اتخذوا قرار مثل هذا ما اتخذوه بسبب المنع في دول اخرى لا بل بسبب احصائيات الحوادث
انت شفت اي وكالة تحط بالون في سياراتهم الجديدة بل تلقى التوصية على نوعية تناسب السيارة نفسها
اخي انا حاولت مع عيالي من قبل منهم الي اقتنع ومنهم الي ماقتنع بس في الاخير بيقتنع ان شاف الشباب امتنعوا

الله يعطيك العافية اخوي البيرق

للأسف لاتوجد احصائيات دقيقة في الموضوع لسبب بسيط وهو ان جميعنا او اغلبنا سوى حوادث بسيطه ومتوسطه وفي تقرير الحادث مايسألون عن نوع التواير وا يسجلونها عندهم

بأختصار الشباب الصغار هم الي يخربون هذا الشي بسبب استخداماتهم الخاطئة للبوالين مثل الأستعراض والشيل ,,,,,,,ألخ

واذا كان فعلا كلامهم صحيح ليش ما منعو البرجستون وهو ايضا غير مخصص للسير على الطرق وليش مايمنعون كراجات التزويد وليش وليش وليش.

[رجل الجزيرة]

ياخوي هذي خطة رائعة وموفقة من الدولة
البالون أحد أسباب الحوادث، ومنعه من الأسواق معناه إغلاق أحد الأبواب المتسببة في الحوادث
البالون تاير غير مصمم للسير في الشوارع، وجوده يهدد حياة صاحبه والآخرين للخطر

أنت صادق وياما أكثر الحوادث من البوالين، أعتقد من بعض الشباب ( هداهم الله ) ماخذين موضوع البوالين عناد.

الضباط في إدارة المرور يقولون أكثر الحوادث من البوالين وهم يقولون كلامكم خطأ.

الصراحة هذا والله القهر بعينه.

[بوعلي2]

من الاخيرررررررررررر

السرعه وراء اغلب الحوادث وليس البالون


افضل تواير بالون السيام والهيروا لل ١٦ والماون لاباس فيه

بلا اعذار وبلا احصائيات كل كلام لمصالح ناس معينه

من التسعينات نركب بوالين ولله الحمد ماشفنا هالي تقولون عنه

واكثر العساكر والظباط بوالين *_^

فديتك يالبالون متى ترجع لقطر ههههههه

[المزمجرر]

روح ياخوي ميزانية دبي اللي فالغرافة

قبل جسر الجوازات

الرجال شغال ويسوي ميزانية ويصلح التواير ( بس مايبيع )

[بو الجوري]

دام البالون هو السبب الرئيسي على قولتهـم في الحوادث
لأنه العامل المشترك في أغلب الحوادث

عيّل بعد البلاكبيري والآيفون عامل مشترك خل يمنعون بيع الجواويل !

و الثوب عامل مشترك و المسجل عامل مشترك

والكروزر عامل مشترك ، خل يمنعون الكروزر خخخخخخخ

يعني العيب فالمستخدم مب من السلعه نفسها :..

صح إنها أخطر من المياجر ، لكـن اللي عنده عقل يعرف شلون يحافظ على نفسه

الله يهديهم رفعوا علينا أسعارهم حتى فالحسا :secret:




أخوي راعي الموضوع ، محطات وقود ماتصلح ولا تسوي شي للبالون

لكن المحلات الثانيه أغلبها عادي :..

[همر]

اذا هم يقولون ان البوالين سبب الحوادث..

وبما ان جميع الحوادث اللي يتكلمون عنها فيها كروزرات

لان طبعا مافي سوبربان مركب بوالين

ولا في همر مركب بوالين :shy:

ولا في كامري مركب بوالين


فانا اقول ان "الكروزر" الكرتون معدوم السيفتي هو سبب الحوادث..


وهاتوا لي احصائيه فيها عدد الحوداث اللي تسبب فيها البالون

وشوفوا اذا ماكانت كلها كروزرات !!!


ومن هذا المنطلق انا اطالب بمنع الكروزر من السوق... جان فيكم خير !


قارع اللاحجه باللاحجه دام السالفه فرض وصايه لمصالح شخصيه والسلام...

[7llo]

اول شي قانون منع البالون غلط
المفروض اذا انمنع البالون بيعه يمنعون تركيبه مب بس يمنعون بيعه وخلاص
وينزلون نوع مطابق للمقاييس
اما يمنعون بيعه والعالم تركبه مايصير

[حسن]

اساسا التواير سبب من اسباب الحوادث هذا الكلام لاغبار عليه

سواء دانلوب ولا ميشلين ولا اي نوع من انواع التواير
بس مهب سبب رئيسي الاول

الاول هو السرعه الزائده
والربع عندنا كانهم اكتشفو الذره يعني قالك البالون هوالسبب
ياامه ضحكت من جهلها البوالين

بالنسبه لى ماحب اركبه الحين بسبب التواير الحاليه ممتازه

[احمد بن علي]

اخوي انا من اسبوع مغير الرنقات ومسوي ميزانيه في البنشريه الي في فريج المره متى اصدرو القرار

[يوسف الحمادي]

اعتقد القرار طالع اعتبارا من امس لكن مب متأكد

ومريت على اكثر من بنشري والكل رافض

[يوسف الحمادي]

اساسا التواير سبب من اسباب الحوادث هذا الكلام لاغبار عليه

سواء دانلوب ولا ميشلين ولا اي نوع من انواع التواير
بس مهب سبب رئيسي الاول

الاول هو السرعه الزائده
والربع عندنا كانهم اكتشفو الذره يعني قالك البالون هوالسبب
ياامه ضحكت من جهلها البوالين

بالنسبه لى ماحب اركبه الحين بسبب التواير الحاليه ممتازه

اتمني لو تفيدني اخوي بنوع ممتاز ريف وخفيف مثل البالون وينفع للرملة لأني ماجربت على الفورويل غير البالون

[boamir]

اعتقد القرار طالع اعتبارا من امس لكن مب متأكد

ومريت على اكثر من بنشري والكل رافض

هالقرار اظن من زمان
لأني اخبر قبل سنه تقريبا كان عندي جمس وبنشر علي وتبهدلت لين ماحصلت بنشري في النجمه عدل لي التاير

محطات الوقود كلها ماتسوي شي حق البالون حتى ماتنفخها لك
اما بقية البنشرجيه بعضهم يسوون وبعضهم لا

[الدوحي7]

انا ااسوق اكثر من ربع قرن ،، وجربت اغلبيه التواير من 15 و16 و 17 بالون وميجر،19و 22و من تويو ومن سماتومو ومن ميشلان ، ، وانا راعي فورويل يعني الصالون ماشريته ، ، وبنسبه للميجر حسبي الله عليه من تاير على طول يفصخ،، ولكن البالون مستحيل يفصخ،، ويكفى هذا الشي الى يجهلونه اصحاب القرار الغبى،، والبالون عيبه فقط الارتفاع لاغير وفي المطر تماسكه بسيط مدري من كثر الامطار عندنا ، و،،

[من الواقع]

انا ااسوق اكثر من ربع قرن ،، وجربت اغلبيه التواير من 15 و16 و 17 بالون وميجر،19و 22و من تويو ومن سماتومو ومن ميشلان ، ، وانا راعي فورويل يعني الصالون ماشريته ، ، وبنسبه للميجر حسبي الله عليه من تاير على طول يفصخ،، ولكن البالون مستحيل يفصخ،، ويكفى هذا الشي الى يجهلونه اصحاب القرار الغبى،، والبالون عيبه فقط الارتفاع لاغير وفي المطر تماسكه بسيط مدري من كثر الامطار عندنا ، و،،
انت تجاوب نفسك ( مع المطر تماسكه خفيف ) يعني يسلب المهم ما يقتنع الا من عرف حقيقة الخطر الممكن بسبب استعمال البالون وخاصة اذا كان مسحت يعني طايرة النقشه أو إن الرود يرقل صعب التحكم بالسيارة اذا السواق من الشباب اللي يتفاخرون بالسرعة
ارجوا سؤال العاملين بتحقيق الحوادث ويعلمونك مخاطر البالون والله يبعد الخطر عن الجميع
أنصح وبقوة عدم تركيب البالون حتى لو ببلاش مب لازم تروح الرمله وتطعس التواير العادية على الفورويل تكفي على السيف نرجو نشر التوعيه والمساعدة على الخير ولا نزين للشباب الطائش فعلهم وكم واحد تحسف من تركيب تواير البالون وسلامتكم