سؤال محيرني ومحير الشباب هالأيام؟

[dm styal]

هل عيب في مجتمعنا ان يكون الرجل المتزوج بيتوتي ؟البعض منا يفسر كلمة بيتوتي
بمعنى انه دائماً جالس في البيت (انطوائي+ ماعنده ربع)مثلاً طبعاً من رأيي هذا كلام لا اساس له من الصحه لأن كثير من الربع لايغنون اويسدون الجو العائلي في المنزل واعتقد لو ان الزوج يرغب في الخروج لخرج مع احد اصدقاءة ولكن هل يوجد صديق فعلا يستاهل ان تسهر معاه على حساب زواجك مثلا ملاحظة في بعض الشباب يضغطون (يخربون) على بعض الازواج وقولهم له انت كله جالس في البيت اومع مرتك؟! بضغط هذه النماذج على الزوج ماذا سيحصل في رأيكم للأسرة عامةً ؟ , أنا لا اقصد عدم خروجه مع اصدقاءة اقصد البيتوتي :discuss:

[ريتويت]

بيتوتي مب عاجب.. يطلع مب عاجب.. ماعرفنالكم؟

[بنت امي]

اتذكر وحده كانت تشتكي انه زوجها كله قاعد في البيت واذا تبي تروح بيت اهلها يقول لها لا اقعدي معاي

[النهار]

البيتوتي يكون سكان مرته يمين يمين شمال شمال ماعنده رائي بس خليه يتأخر عن الموعد عشر دقائق الجوال مايسكت جميع البيتوتين ماعندهم ربع ابدا

[الدوحي7]

والله مافيها شي اهم شي مايخلى صلاته،، ويكون عنده الصديق الصدوق،، ويجلس معا زوجته وعياله ،، واهم شي ماتمله الزوجه،، وفي ناس مايدرون عن عيالهم يمكن يشوفونهم بس عند الاكل في البيت وحتى زوجته بس عند النوم بس،، الله يستر على المسلمين،،

[khaldoon]

كل شي باعتدال..... يعني مب منطق انه يخرج كل يوم مع الاصدقاء و لا منطق انه ما يشوفهم نهائيا.... اولا البيت و العائلة و بعدين الاصدقاء

[رآعي موآجيب]

ودك الرجال يكون معتدل في تواجده وخروجه مع ربعه

يعني ما يكون 24 ساعه برا ولا يدري عن بيته إلا وقت رقاده

ولا يكون 24 ساعه مقابل المره

يعطيها فرصه تسنع بيتها أو تختلي بنفسها وبنفس الوقت يغيب عنها شوي وتشتاق له

لكن لو كله مقابلها بتمل منه وفي الأخير مهب محصل إلا القرقره والمشاكل اللي ماتخلص

[المقاول]

حلوه بيتوتي .... بالعكس هذا انا اعتبره اب صالح يراعي بيته وعيالة
بس بالمعقول ... يعني طول ماهو في البيت قاعد مع عيالة يشرف على
تربيتهم .. لانه يعتبر تربية العيال مسؤليتة .. ليس لحالة نفسية يعني
في البيت وماخذ زاوية .. المهم شخصية إجابية..

[نوار قطر]

البيتوتي يكون سكان مرته يمين يمين شمال شمال ماعنده رائي بس خليه يتأخر عن الموعد عشر دقائق الجوال مايسكت جميع البيتوتين ماعندهم ربع ابدا

شــــدخل :omg: شدعوه عاد سويته خيخه مايحترك عند مرته... :rolleyes2: كون الريال مايطلع من البيت مب معناته ان شخصيتع ضعيفه مب معناته ان بيقعد مجابل مرته ... يمكن عنده مكتبه الريال مثقف يحب المطالعه ...
اوكى صج ان مب حلو الريال يقعد على طول في البيت بس مب لي درجة وصفه ان ماعنده ربع وان سكانه مرته:rolleyes2:

والله ماينعرف حق الحريم ان الريال طلع قالت مايقر في بيته مانشوفه مايقعد مع عياله واذا قعد في البيت قالت قاعد على قلبي مايطلع شيسووي وعليه

[dm styal]

اتذكر وحده كانت تشتكي انه زوجها كله قاعد في البيت واذا تبي تروح بيت اهلها يقول لها لا اقعدي معاي

انزين هذا شي حلو حد امحصل زوج يقعد معاه هالايام اللهم لا حسد احمدي ربك غيرج محد امعبرها ولا بنظرة

[dm styal]

حلوه بيتوتي .... بالعكس هذا انا اعتبره اب صالح يراعي بيته وعيالة
بس بالمعقول ... يعني طول ماهو في البيت قاعد مع عيالة يشرف على
تربيتهم .. لانه يعتبر تربية العيال مسؤليتة .. ليس لحالة نفسية يعني
في البيت وماخذ زاوية .. المهم شخصية إجابية..

انا معاك اخوي الاغلبية فسرو ان جالس مايطلع من البيت نهائيا ً انا ماقصدت نهائياً طبعا مافي واحد مايطلع مع ربعه اكيد ولكن مش كل يوم!! الربع عامةً يبون الرجال يطلع معاهم حسب وقت فراغهم اهم ولا بيكون حكم عليه بأنه( سكانه مرته) على قولتهم
وتسلم مره ثانية اخوي على رايك وانا اوافقك.

[ريتويت]

اكره شي عندي المره الي تحكم بالرجال.. ولا الرجال الي يخاف من مرته.. شي محزن

[NINA RICCI]

حلو الرجال يفضي له يوم او يومين فالاسبوع ينسى فيهم ربعه ويخليه فاميلي دي :) :)
كلشي بالاعتدال زين

[dm styal]

حلو الرجال يفضي له يوم او يومين فالاسبوع ينسى فيهم ربعه ويخليه فاميلي دي :) :)
كلشي بالاعتدال زين
حتى يوم اختي ماتلقين الا وقالو انه ورا مرته اعتقد ان بعض الاراء مع احترامي لهم عندهم نقص في اهتمام الزوجه لهم فيلجأ الى تخريب الي يشوفة ملتزم وتحطيمه لانه هو في الاساس محطم أو تربى على ان الريال لازم يهيت في المولات طول اليوم وكل يوم

[dm styal]

حلو الرجال يفضي له يوم او يومين فالاسبوع ينسى فيهم ربعه ويخليه فاميلي دي :) :)
كلشي بالاعتدال زين
حتى يوم اختي ماتلقين الا وقالو انه ورا مرته اعتقد ان بعض الاراء مع احترامي لهم عندهم نقص في اهتمام الزوجه لهم فيلجأ الى تخريب الي يشوفة ملتزم وتحطيمه لانه هو في الاساس محطم أو تربى على ان الريال لازم يهيت في المولات طول اليوم وكل يوم

[عبدالعزيز الهتمي]

انا شخصيا اجتمع معا الربع بشكل شبه يومي تقريبا في المجلس كلن يخلص التزاماته فالبيت او الشغل ونقعد لين 10 او 11 وعقب الكل يتوكل صحيح اعتبرهالشي مرض ولكن شتسوي قعدة الشباب مالنا غنى عنها ,,
وبخصوص البيتوتي بلعكس والله مافي امرح منهم :nice:
ولكن تعود على قعدة البيت وهذا شي راجع له ولكن مش شرط انه ماعنده اصدقاء وفعلا ياحضها الي اتحصل واحد يجابلها كل يوم بس شتسوي في بعض الحريم مايعجبهم شي :secret:

[حسن]

اكره شي عندي المره الي تحكم بالرجال.. ولا الرجال الي يخاف من مرته.. شي محزن

اوبيه شكثرهم في وقتنا الحالي اللي يخاف من ضل مرته

[حفيد الأنصار]

كل شي باعتدال..... يعني مب منطق انه يخرج كل يوم مع الاصدقاء و لا منطق انه ما يشوفهم نهائيا.... اولا البيت و العائلة و بعدين الاصدقاء



هذا الكلام

[حسن]

انا اقول الرجل البيتوتي يرجع الى بعض الاسباب
السبب الاول :

اذا كان توه معرس بقراطيسه هذا يكون بيتوتي 100%

السبب الثانيه :

البعض من يتزوج يتغير حاله كانه من قبل ضايع وبعدين لقى حاله
تلقاه مايفارق البيت والمره لين يعشق القير

السبب الثالث :

في ناس تلقاهم انعزاليين من قبل ماعنده ربع مايروح مجالس يعني بطالي
ماصدق يطيح له على مره تقعد معاه وتبادله المشاعر

السبب الرابع :

يمكن يكون عنده مرض نفسي وهذا بعد منتشر بين المجتمع فا يحب يقعد في البيت
علشان مايحب يخالط الناس ويتصادم معاهم

اما انا بالنسبه لي امارس حياتي الطبيعيه من البيت الى الشغل المجلس يوميا مساء واقصى
حد الساعه 9 مساء ويوم الخميس والجمعه البحر
يعني لاتمل المره من مشاهده وجهي ولا امل من مشاهده وجهها
خير الامور الوسط

[عبدالعزيز الهتمي]

انا اقول الرجل البيتوتي يرجع الى بعض الاسباب
السبب الاول :

اذا كان توه معرس بقراطيسه هذا يكون بيتوتي 100%

السبب الثانيه :

البعض من يتزوج يتغير حاله كانه من قبل ضايع وبعدين لقى حاله
تلقاه مايفارق البيت والمره لين يعشق القير

السبب الثالث :

في ناس تلقاهم انعزاليين من قبل ماعنده ربع مايروح مجالس يعني بطالي
ماصدق يطيح له على مره تقعد معاه وتبادله المشاعر

السبب الرابع :

يمكن يكون عنده مرض نفسي وهذا بعد منتشر بين المجتمع فا يحب يقعد في البيت
علشان مايحب يخالط الناس ويتصادم معاهم

اما انا بالنسبه لي امارس حياتي الطبيعيه من البيت الى الشغل المجلس يوميا مساء واقصى
حد الساعه 9 مساء ويوم الخميس والجمعه البحر
يعني لاتمل المره من مشاهده وجهي ولا امل من مشاهده وجهها
خير الامور الوسط

تعجبني الصراحه :nice:

[ريتويت]

اوبيه شكثرهم في وقتنا الحالي اللي يخاف من ضل مرته

لاحظت ولكن وش السبب؟؟

[7llo]

اوووف هاي النوع المره تلعب فيه لعب مش طبيعي تحطه خاتم بصبعها ههههههه

[حسن]

لاحظت ولكن وش السبب؟؟

ارجع لردي السابق بتلقى الاسباب وبعد في اسباب اخري

والله الكل يبي يصير مثالي ليش هل الازدواجيه في الشخصيه

[حميداني]

كل واحد وميوله ..
ما صار هالشاب بيتوتي لانه تزوج هو بيتوتي لانه من البدايه كان كذلك
في البعض متحفظ وانتقائي ربعه مب كثار لكن اجاود
في من ميوله منتديات انترنت تلفزيون شغلات يحب يتابعها وفيه من يقيم عياله وزوجته اكثر من برى
فيه وفيه اسباب كثيره
وفيه نوعيه تميل للسيارات دواره مع الشباب , قهاوي دواره في مجمعات

يعني الاثنين نفس الحاله الموضوع كله في اللي يستغل فيه وقت

حوسه بالسكيك من غير هدف او تلعب اورقه في المجالس وانت عندك مره وعيال , هذا دليل على تفاهتك
قعده بالبيت كسل وماعندك الا تفرفر في التلفزيون هذي تنبله ورباده منك

المهم كيف تستغل ميولك

ومافي شي يسمونه البيتوتي هذا سكان مرته او اي شي .. اللي هو كذا هو كذلك مب لانه بيتوتي
ومافي شي يسمونه لاني كل برى فانا لوتي ما اقر مهمل بيتي واعيالي ... المهمل مهمل مب لانه اغلب وقته برى

واغلبهم ترى اللي يترك قعدته مع ربعه ويفضل البيت هذا لانه زوجته بالنسبه له صديق افضل من ربعه ويتونس معاها اكثر .. وكل واحد يدور اللي يونسه

الاعتدال في كل شي مطلوب

البيتوتي مب عيب ولا الهايت عيب ... العيب في انت شلون تستغل وقتك هذا في المكان اللي انت فيه

[alkatalony]

أنا بيتوتي وزوجتي بيتوتية ومرتاحين ومبسوطين ولله الحمد وهي تزور ربعها وأنا أطلع مع ربعي وأزور هلي وأهلها بشكل شبه يومي وأروح المجلس وامواصل البعيد قبل القريب ومافيها أي مشكلة الرجل البيتوتي يكون محافظ على بيته والمشاكل تقل والحياه حلوه والله يوفق جميع المسلمين والمسلمات

[بوحمد111]

الاعتدال واجب يمكن يقعد في البيت لمدة اربع او خمس ايام ما يطلع ويلتفت على كل متطلبات الزوجه والعيال وبعدها يمكن يروح زيارات عائليه او يزور احد مجالس الاهل والربع وما فيها شي لو سموه بيتوتي وانا من طبعي ما احب اجلس في البيت اذا ما عندي شغل واقل شي اروح المجلس مع الربع ولكن ما اخلي شي في خاطر الاهل والعيال والاولويه لهم طبعا الا يوم الجمعة بعد الصلاة اذا كان الجو جو بحر الكل يعرفني ما اخلي البحر وتحياتي للكل

[dm styal]

كل واحد وميوله ..
ما صار هالشاب بيتوتي لانه تزوج هو بيتوتي لانه من البدايه كان كذلك
في البعض متحفظ وانتقائي ربعه مب كثار لكن اجاود
في من ميوله منتديات انترنت تلفزيون شغلات يحب يتابعها وفيه من يقيم عياله وزوجته اكثر من برى
فيه وفيه اسباب كثيره
وفيه نوعيه تميل للسيارات دواره مع الشباب , قهاوي دواره في مجمعات

يعني الاثنين نفس الحاله الموضوع كله في اللي يستغل فيه وقت

حوسه بالسكيك من غير هدف او تلعب اورقه في المجالس وانت عندك مره وعيال , هذا دليل على تفاهتك
قعده بالبيت كسل وماعندك الا تفرفر في التلفزيون هذي تنبله ورباده منك

المهم كيف تستغل ميولك

ومافي شي يسمونه البيتوتي هذا سكان مرته او اي شي .. اللي هو كذا هو كذلك مب لانه بيتوتي
ومافي شي يسمونه لاني كل برى فانا لوتي ما اقر مهمل بيتي واعيالي ... المهمل مهمل مب لانه اغلب وقته برى

واغلبهم ترى اللي يترك قعدته مع ربعه ويفضل البيت هذا لانه زوجته بالنسبه له صديق افضل من ربعه ويتونس معاها اكثر .. وكل واحد يدور اللي يونسه

الاعتدال في كل شي مطلوب

البيتوتي مب عيب ولا الهايت عيب ... العيب في انت شلون تستغل وقتك هذا في المكان اللي انت فيه

ردك الصراحة يدل على صراحتك وحسن انتقائك للكلمات والتعبير الصادق للرجل المثالي ...احسنت وكثر الله امثالك

[بصمة قطرية]

أتخيل لو بوالعيال بيتوتي
بنتحر بصراحة ..!!
يعني يومياً في البيت
ما يطلع من البيت ..
صعبة ..
خلونا نتكلم بمنطق
الزوجة تحتاج تقعد بنفسها شوي
عندها أمور تبي تسويها
ضيوف تبي تستقبلهم
تغير شوي في البيت
تسوي أشياء صعبة تسويها في وجود الزوج في البيت ..!!
لا يبه خله يطلع ويروح لربعه
أستانس إذا طلع و خذ العيال معاه
صج أفتقد الهدوء ..
بيتوتي يعني مجابل الزوجة 24 ساعة ..!!!
لا ما يصير ..
صدقوني صعبة ..
لازم تكون قاعده معاه طول الوقت ..
مب حلوة تتركه بروحه ..

[بصمة قطرية]

أنا بيتوتي وزوجتي بيتوتية ومرتاحين ومبسوطين ولله الحمد وهي تزور ربعها وأنا أطلع مع ربعي وأزور هلي وأهلها بشكل شبه يومي وأروح المجلس وامواصل البعيد قبل القريب ومافيها أي مشكلة الرجل البيتوتي يكون محافظ على بيته والمشاكل تقل والحياه حلوه والله يوفق جميع المسلمين والمسلمات

شلون بيتوتي أخوي و تطلع تروح لربعك شبه يومي ..!!
و تروح المجلس ..!!!

[الصغيره]

الا الحريم الحين يفضلن البيتوتي

على الاقل مش يدور بالمجمعات والاسواق

[حميداني]

ردك الصراحة يدل على صراحتك وحسن انتقائك للكلمات والتعبير الصادق للرجل المثالي ...احسنت وكثر الله امثالك

أي مثالي الله يرحم والديج , ما اقول الا الله يستر علينا بس
الله يهدينا ويهديج

[كبير المتداولين]

الاعتدال شي طيب الرجل عليه حقوق تجاه اهل بيته في البقاء في البيت حتى بدون عمل وبنفس الوقت له الحريه في الخروج في كون ان اغلب الرجال لايحبون التقيد وبحكم علاقاتهم مع الناس.

المرأه بحد ذاتها بيتوتيه اكثر من كونها تحب الخروج بعكس الرجل فهي تريد الرجل بيتوتي .

[البحار00]

انا اطلع من البيت مع صلاه المغرب

وارجع 8 ونص بالكثير

يعني شبه بيتوتي صرت اكرة الطلعه

ههههههه اما الخميس العداد مفتووووح

[jassim69]

جدولي شغل بيت المجلس الى بعد صلاة العشاء ثم البيت والحمد لله احس مبسوط من القيل والقال

[حميداني]

أتخيل لو بوالعيال بيتوتي
بنتحر بصراحة ..!!
يعني يومياً في البيت
ما يطلع من البيت ..
صعبة ..
خلونا نتكلم بمنطق
الزوجة تحتاج تقعد بنفسها شوي
عندها أمور تبي تسويها
ضيوف تبي تستقبلهم
تغير شوي في البيت
تسوي أشياء صعبة تسويها في وجود الزوج في البيت ..!!
لا يبه خله يطلع ويروح لربعه
أستانس إذا طلع و خذ العيال معاه
صج أفتقد الهدوء ..
بيتوتي يعني مجابل الزوجة 24 ساعة ..!!!
لا ما يصير ..
صدقوني صعبة ..
لازم تكون قاعده معاه طول الوقت ..
مب حلوة تتركه بروحه ..

يمكن لان فيه تكلف بين هالزوج والزوجه علشان جذي ما ترتاح الزوجه معاه واتحس انها لازم اتكون احذاه 24 ساعه وان هالقعده وياه هي كدوام اكثر من ما تكون مجرد قعده في البيت
البيوت ربنا وسعها الحين ان لها خاطر تقعد لحالها بالصاله او المطبخ او غرفة الضيوف والمجلس تقعد وين ما تبي هي وضيوفها

تخلي عنها التكلف المبالغ فيه هذا فهو خلاص هذا رفيج المستقبل قبل ما يكون الزوج وولي الامر ... فــ يرخون التوتر هذا شوي ويصيرون اقرب للربع كل منهم يتفهم احتياجات الثاني ويحترم خصوصيته وانه يحتاج ينفرد بحاله اوقات عنده اقارب عنده ربع يزورونه .. فعادي

البيت بيتكم والحلال حلالكم ومحد غريب

البيتوتي مو معناه انه ما يطلع
البيتوتي هو اللي يفضل قعدته في البيت لشغله يحبها
وحد طالعاته مناسبات زيارة اهل وفي الاسبوع مره ومرتين ويا ربعه وان ما عنده ربع ويا اهله

مب صعبه وعادي تتركه بروحه ما فيها شي

[مبارك سعد]

بنسبه لي انا رجال احب اقعد مع زوجتي وعيالي طوال اليوم ونادر ما اخرج مع ربعي ....
حتى يوم الخميس والجمعه عادي اقعد مع عيالي، او نطلع مع بعض لدرجه ان ربعي يقولون لي الاهل مسويلك سحر.... ههههههه ليش كله قاعد في البيت ...هذه زوجتي احب اقعد معها اكثر من ربعي، نقعد نسولف ونضحك مع بعض وتاخذنا السوالف ...وتعودت اني ما اقعد الامعها ..
ولا ني من اللي ما يحب السهربرى البيت لاني بكون قدوه لعيالي ....والله انصح كل زوج مايسهر الا مع زوجته سؤاء داخل البيت او برى البيت، والله تأجرعليها حتى ان زوجتك تحبك اكثر وماتستغنى عنك ((على فكره المره ماتحب الرجال اللي دوم يسهر بروحه برى البيت ))

[احمد1]

والله انه اقول عن نفسي
اجلس في البيت مع هلي وعيالي واتابعهم وتلقاني موجود بينهم ولا اقصر معاهم
وفي نفس الوقت اطلع مع الربع ومرات اسهر وابات برع البيت عادي بس كل شيء بالعقل
اقول دايم اذا قعدت في البيت وشاهدت مرتك 24 ساعه بتملك وتزوعك
واذا كنت برع البيت 24 ساعه بتفتقدك وبتكون مقصر مع عيالك

امسك العصا من النص.... وعن نفسي مرات تلقاني في البيت من عقب صلاة العشا ومرات ارد البيت بعد صلاة الفجر ... بس اوزنها صح .. تحياتي

[ام ناصر1]

اشلون تحكمون ع الزوج اذا بيتوتي او لا ...اذا كان مجلسه في بيته ...ومايضطر يروح عند ربعه

[Locale]

حلو الاعتدال لاهو قاعد فالبيت 24 ساعه ولا برع وتارك البيت


انا الاي يعجبني اكثر من ذي وذاك
اللي دايم ويازوجته طالعين
ماشاء الله وحده اعرفها دووم اهي وريلها فالسياره
جنهم ربع مب جنه زوج وزوجته. راح الجمعيه وياه راح الحلاق وياه نزل حلق واهي فالسياره
راح ايقضي اشغاله وياه راح يفصله اثياب وياه
حزات اتصلها اتقول انا فالسياره واهو نزل للمعرس بيبارك وبيطلع ههههههههههه
ماشاء الله تبارك الله

[مبارك سعد]

حلو الاعتدال لاهو قاعد فالبيت 24 ساعه ولا برع وتارك البيت


انا الاي يعجبني اكثر من ذي وذاك
اللي دايم ويازوجته طالعين
ماشاء الله وحده اعرفها دووم اهي وريلها فالسياره
جنهم ربع مب جنه زوج وزوجته. راح الجمعيه وياه راح الحلاق وياه نزل حلق واهي فالسياره
راح ايقضي اشغاله وياه راح يفصله اثياب وياه
حزات اتصلها اتقول انا فالسياره واهو نزل للمعرس بيبارك وبيطلع ههههههههههه
ماشاء الله تبارك الله

ما شاء الله ... الله لا يغير عليهم ،
هذولا الازواج ولا بلاش ، محد يقدر يستغنى عن الثاني ، بكره لو واحد صار في شي الطرف الثاني بيحزن عليه العمر كله 0

[حسن]

شدعوه كلبشه المقنع:rolleyes2:

[بصمة قطرية]

يمكن لان فيه تكلف بين هالزوج والزوجه علشان جذي ما ترتاح الزوجه معاه واتحس انها لازم اتكون احذاه 24 ساعه وان هالقعده وياه هي كدوام اكثر من ما تكون مجرد قعده في البيت
البيوت ربنا وسعها الحين ان لها خاطر تقعد لحالها بالصاله او المطبخ او غرفة الضيوف والمجلس تقعد وين ما تبي هي وضيوفها

تخلي عنها التكلف المبالغ فيه هذا فهو خلاص هذا رفيج المستقبل قبل ما يكون الزوج وولي الامر ... فــ يرخون التوتر هذا شوي ويصيرون اقرب للربع كل منهم يتفهم احتياجات الثاني ويحترم خصوصيته وانه يحتاج ينفرد بحاله اوقات عنده اقارب عنده ربع يزورونه .. فعادي

البيت بيتكم والحلال حلالكم ومحد غريب

البيتوتي مو معناه انه ما يطلع
البيتوتي هو اللي يفضل قعدته في البيت لشغله يحبها
وحد طالعاته مناسبات زيارة اهل وفي الاسبوع مره ومرتين ويا ربعه وان ما عنده ربع ويا اهله

مب صعبه وعادي تتركه بروحه ما فيها شي

نظرتك كرجل تختلف عن نظرتي ك ( إمرأة )
اشدخل التكلف ..!!!!!
البيتوتي طول عمرنا نعرف معناه اللي ما يطلع من البيت إلا نادراً ..!!
إنت قست الموضوع أو ردي تحديداً من منظورك الخاص
و وجهة نظري تختلف عن وجهة نظرك ..
إنت تقول عادي الزوجة تترك زوجها بروحه في البيت و تطلع
مواجيبها و زياراتها
و أنا أقول لك هاذي فيها قلة ذوق من الزوجة
لما تكون هي برع و زوجها في البيت ...!!!!!

[بصمة قطرية]

اشلون تحكمون ع الزوج اذا بيتوتي او لا ...اذا كان مجلسه في بيته ...ومايضطر يروح عند ربعه

أغلب اللي ردوا صنفوا نفسهم إنهم ( بيتوتيين )
و هم يطلعون يومياً و يروحون مجالس ربعهم ..!!!
شلون بيتوتي ..!!
ممكن حد يوضح لي المعنى الدقيق لكلمة ( بيتوتي ) ..!!!

[حميداني]

نظرتك كرجل تختلف عن نظرتي ك ( إمرأة )
اشدخل التكلف ..!!!!!
البيتوتي طول عمرنا نعرف معناه اللي ما يطلع من البيت إلا نادراً ..!!
إنت قست الموضوع أو ردي تحديداً من منظورك الخاص
و وجهة نظري تختلف عن وجهة نظرك ..
إنت تقول عادي الزوجة تترك زوجها بروحه في البيت و تطلع
مواجيبها و زياراتها
و أنا أقول لك هاذي فيها قلة ذوق من الزوجة
لما تكون هي برع و زوجها في البيت ...!!!!!

ممكن تقتبسين لي وين قلت عادي ان الزوجه تترك زوجها في البيت وتطلع ؟

[لاجل QT]

بالعكس هالريال اللى يدير بالة على بيتة ومايطلع الا للواجب

المفروض الزوج يكون كذا دنياه هي اسرتة بيتة وزوجتة وعيالة

اما راعي سهر ومبيت برة البيت هذا انسان مهمل انسان غير طبيعي او يهرب من البيت !!

بس مو بيتوتى يجابل النت ومسكر على عمرة ونقول عنة بيتوتى لا

[حميداني]

أغلب اللي ردوا صنفوا نفسهم إنهم ( بيتوتيين )
و هم يطلعون يومياً و يروحون مجالس ربعهم ..!!!
شلون بيتوتي ..!!
ممكن حد يوضح لي المعنى الدقيق لكلمة ( بيتوتي ) ..!!!

اعتقد والله يعلم انج فاهمه بيتوتي غلط
اظنج تقصدين متوحد او انطوائي وعن حالات خاصه جداً .. حالات مرضيه

[بصمة قطرية]

مب صعبه وعادي تتركه بروحه ما فيها شي

!!!!!!
شالمقصود منها ..؟؟

[حميداني]

!!!!!!
شالمقصود منها ..؟؟

كم غرفه عندكم في البيت ؟

[بصمة قطرية]

اعتقد والله يعلم انج فاهمه بيتوتي غلط
اظنج تقصدين متوحد او انطوائي وعن حالات خاصه جداً .. حالات مرضيه

لا أخوي
فاهمة معنى بيتوتي
لكن الأمثلة اللي ذكرت من قبل الأعضاء
إنسان عادي جداً
و يعيش حياته بشكل طبيعي
و لا يقال عنه ( بيتوتي ) ..!!

[حميداني]

عيل اختلفنا في معنى بيتوتي :)

[بصمة قطرية]

كم غرفه عندكم في البيت ؟

خمس غرف ..

أخوي قلت لك مب حلوة تترك الزوج بروحه
هي في الغرفة و هو في الصالة ..!!
و نفس الشي إذا كانت بتطلع ..!!
في الأخير كلها وجهات نظر
مب شرط وجهة نظري خاطئة أو صحيحة
و نفس الشي مب شرط تكون وجهة نظرك خاطئة أو صحيحة ..!!
تختلف وجهات النظر حسب تفكير الشخص و قناعته ..!!
أنا ما أحب أترك زوجي يجلس لحاله في البيت
و هاي وجهة نظري ..
مش معناه إنها خاطئة ..!!!

[بصمة قطرية]

عيل اختلفنا في معنى بيتوتي :)

بالضبط
إختلفنا ،،

[العقل الحر]

اشلون تحكمون ع الزوج اذا بيتوتي او لا ...اذا كان مجلسه في بيته ...ومايضطر يروح عند ربعه

هذا انا :victory:

[حميداني]

خمس غرف ..

أخوي قلت لك مب حلوة تترك الزوج بروحه
هي في الغرفة و هو في الصالة ..!!
و نفس الشي إذا كانت بتطلع ..!!
في الأخير كلها وجهات نظر
مب شرط وجهة نظري خاطئة أو صحيحة
و نفس الشي مب شرط تكون وجهة نظرك خاطئة أو صحيحة ..!!
تختلف وجهات النظر حسب تفكير الشخص و قناعته ..!!
أنا ما أحب أترك زوجي يجلس لحاله في البيت
و هاي وجهة نظري ..
مش معناه إنها خاطئة ..!!!

يا كثر علاامات التعجب
قلتيها بنفسج هو مجرد راي اختلفنا فيه فما يحتاي كل هالحساسيه
انا ما قاعد افرض رايي , انا قاعد اعرض وجهة نظري

ان الزوجه كان عندها اغراض خاصه على حد قولج ما تستوي بوجود الزوج
تاخذلها غرفه الزوج غير متواجد فيها وتسوي اللي تبيه
مب لازم تكون 24 ساعه لازقه فيه المفروض تكون عاديه جداً ويكون زوجها فالاوامر مثل الابو
وفي الصحبه مثل الصديق وفي الخوف عليه مثل الاخو وحبه مثل العشيق

ان قلنا ودها تطلع مثلاً مع امها او خواتها اليوم والزوج رخصها عادي ... تطلع ما فيها شي
وان عندها شي تبي تطلع بيت امها او مكان وخذت الاذن وهو راضي .. الله معاها

وعن موضوع بيتوتي اختي بصمه

اتهقين وشعكس بيتوتي ؟
هي كلمه عاميه واظن ما نختلف ان اصلها هو واحد كله قاعد في البيت
بخلاف النظر عن معناها اللي نستنبطه

شخصياً عكس بيتوتي ككلمه بالنسبه لي

هايت , واحد كل وقته برى البيت

فعادي ان اختلفنا هذا شي ما يهم لكن واجب على كل واحد فينا بما اننا في حوار
اننا نبادل اراءنا ونحاول نقنع الطرف الثاني فيها
مب نجبره لكن بالمنطق والدليل وان هو شاف شي ثاني فهو عادي ما صار شي ترى

[بصمة قطرية]

يا كثر علاامات التعجب
قلتيها بنفسج هو مجرد راي اختلفنا فيه فما يحتاي كل هالحساسيه
انا ما قاعد افرض رايي , انا قاعد اعرض وجهة نظري

ان الزوجه كان عندها اغراض خاصه على حد قولج ما تستوي بوجود الزوج
تاخذلها غرفه الزوج غير متواجد فيها وتسوي اللي تبيه
مب لازم تكون 24 ساعه لازقه فيه المفروض تكون عاديه جداً ويكون زوجها فالاوامر مثل الابو
وفي الصحبه مثل الصديق وفي الخوف عليه مثل الاخو وحبه مثل العشيق

ان قلنا ودها تطلع مثلاً مع امها او خواتها اليوم والزوج رخصها عادي ... تطلع ما فيها شي
وان عندها شي تبي تطلع بيت امها او مكان وخذت الاذن وهو راضي .. الله معاها

وعن موضوع بيتوتي اختي بصمه

اتهقين وشعكس بيتوتي ؟
هي كلمه عاميه واظن ما نختلف ان اصلها هو واحد كله قاعد في البيت
بخلاف النظر عن معناها اللي نستنبطه

شخصياً عكس بيتوتي ككلمه بالنسبه لي

هايت , واحد كل وقته برى البيت

فعادي ان اختلفنا هذا شي ما يهم لكن واجب على كل واحد فينا بما اننا في حوار
اننا نبادل اراءنا ونحاول نقنع الطرف الثاني فيها
مب نجبره لكن بالمنطق والدليل وان هو شاف شي ثاني فهو عادي ما صار شي ترى

أخوي حميداني ..
بالنسبة لعلامات التعجب هي رفيقتي في أغلب ردودي ..!!!!!!
و مب شرط تعني تعجب من هالكلام
ممكن هالكلام مهم
هالكلام كبير
ووووو إلخ ..
و مثل ما ذكرنا هي وجهات نظر ..
( إختلاف الرأي لا يفسد للود قضية ) ..
ما أقصد إنك تفرض رايك
بينت لك إن آرائنا مختلفه
لأن نظرتنا للأمر مختلفه
كل شخص ينظر من منظور مختلف
إنت ( كرجل ) قلت إن عادي تخرج المرأة في وجود الرجل
و هالشي عادي بالنسبة لك ..
و أنا ( كإمرأة ) أقول إن هالشي ما يصير
و خطأ إني أخرج من البيت و زوجي في البيت ..
هنا إختلفنا ..!!!

مب غلط لما نختلف
ولا عمري راح أفكر في لحظة إني أقنع غيري بوجهة نظري
كل شخص يبدي وجهة نظره بكل حرية ..

أهم شي ما تكون وجهة النظر تعارض الدين والتقاليد
يعني بمنطق ..
و المنطق يقول عيب علي كزوجة أخرج من البيت
و زوجي جالس في البيت ..

تقبل إحترامي أخوي ..

[حميداني]

أخوي حميداني ..
بالنسبة لعلامات التعجب هي رفيقتي في أغلب ردودي ..!!!!!!
و مب شرط تعني تعجب من هالكلام
ممكن هالكلام مهم
هالكلام كبير
ووووو إلخ ..
و مثل ما ذكرنا هي وجهات نظر ..
( إختلاف الرأي لا يفسد للود قضية ) ..
ما أقصد إنك تفرض رايك
بينت لك إن آرائنا مختلفه
لأن نظرتنا للأمر مختلفه
كل شخص ينظر من منظور مختلف
إنت ( كرجل ) قلت إن عادي تخرج المرأة في وجود الرجل
و هالشي عادي بالنسبة لك ..
و أنا ( كإمرأة ) أقول إن هالشي ما يصير
و خطأ إني أخرج من البيت و زوجي في البيت ..
هنا إختلفنا ..!!!

مب غلط لما نختلف
ولا عمري راح أفكر في لحظة إني أقنع غيري بوجهة نظري
كل شخص يبدي وجهة نظره بكل حرية ..

أهم شي ما تكون وجهة النظر تعارض الدين والتقاليد
يعني بمنطق ..
و المنطق يقول عيب علي كزوجة أخرج من البيت
و زوجي جالس في البيت ..

تقبل إحترامي أخوي ..

:) الله يحفظج

[alsoq]

بيني وبينك ما فيه احلى القعده في البيت كل وقتك لولادك واهلك يكفي عمرك اللي راح قبل الزواج معا ربعك واصدقائك وقتنا الحال بعض الاصدقاء قد يكون سؤ عليك

[معماري قطري]

انا مكتبي في البيت وفي مكان وسطي بسهولة الكل يوصلني والباب مفتوح ... مشكلتي تولعت في الكمبيوتر قبل بعد ما رجعت من دراستي وطورت نفسي في أغلب البرامج .. والحين مدمن أشياء كثيرة على الكمبيوتر منها هالمنتدى .. واحب برامج تلفزيونية وأتابعها .. وعندي ربع وعيال عم وإخوان ألتقيهم بصفة اسبوعية .. وأعتبر نفسي بيتوتي مقصر شوي مع عيالي وزوجتي .. وخصوصاً بعد التفرغ من العمل لفترة والحين الحمد لله الصبح عمل ومقيال بسيط وشوية نت ويعدي اليوم على خير والحمد لله.

[لاجل QT]

اوبيه شكثرهم في وقتنا الحالي اللي يخاف من ضل مرته

ليش تسمية خوف ..ليش ماتفسرة ان حب واحترام للعلاقة اللى بينهم طاعتة لزوجتة

يمكن مريحتة:nice:

تستاهل الطاعة ولا لا؟؟;)

بيطيعها بمزاجة مش خوفا :nice:

[fahd]

اتذكر وحده كانت تشتكي انه زوجها كله قاعد في البيت واذا تبي تروح بيت اهلها يقول لها لا اقعدي معاي


بيتوتي مب عاجب.. يطلع مب عاجب.. ماعرفنالكم؟


إذا كله جالس في البيت = بيتوتي
إذا طلع برع مع الاصدقاء= كله صايع برع

وبعد إذا نص نص بعد ما راح يعجبهم
اصلا هم ما يعرفون شنو يبون بالضبط (بعض الحريم للاسف)
لا تعبون نفسكم أهم شي الواحد راحته وما عليه من أحد
وما عاد الوقت يكفي للواحد يخلص التزامات بيته وعياله

[العميل 007]

مش عيب بس أنا ماأيد أنه يكون على طول في البيت

[بـــــدوي]

واللي اكثر الوقت مايطلع من البيت وفي مجلسه وعنده الربع شيسمونه مجلوووسي :tease:

[(بوطلال)]

ملحم بركات اعتبر البيتوتي انسان عاقل في مطلع الابيات التي صدح بها قبل 50سنه:


لا تهزي كبوشي التوتي ,,,,,ما بحبك لو بتموتي,,,,,,انا يا بنت مجوز ,,,,,,زلمة عاقل بيوتي

[ريم 28]

بيتوتي دليل ان زوجته ما تحن ولا تزن ومصدر راحه وسكن

ما يرجع البيت الا علشان ينام دليل ان زوجته امطلعه عيونه او ما يحب ازعاج الجهال فينتظر الكل ينام او يجيهم الوقت الضائع

تحليلي الشخصي خخخخخ

الافضل ان الزوج يكون لديه اصدقاء وصحبه جيده ويترك السهر ويهتم في زوجته وابنائه ويكون وسط

لا يقابلها ٢٤ ساعه
ولا يجلس خارج البيت كثيرا

[بونووف]

في الاجازات وال ويك اند ماطلع من البيت الا متاخر ... زحمة الشوارع تلوع جبد الواحد وكل مكان زحمه خلصت الاماكن ..ماطلع الا فالليل اذا تجمعوا الشباب فالمجلس ولا اذا بروح سيلين... وطبعا زوجتي يا انه تكون قاعده معاي ولا انزلها بيت اهلها الظهر وارجع البيت

[dm styal]

مش عيب بس أنا ماأيد أنه يكون على طول في البيت

اخوي انت ما اتأيد طيب اذا اهو مرتاح ومستانس ليش ربع هذه الايام حسودين عليهم من نفسهم لازم يطلع مع فلان وعلان عشان يكون ريال مثلاً

[بوعبدالله11]

اذا جلس بالبيت قالوا بيتوتي واذا طلع قالوا مايقعد بالبيت، بصراحة !!!!

[dm styal]

بعض الاراء فاهمة الموضوع غلط مافي حد 24 ساعة في البيت طبعا مجابل زوجتة محد قال جذي ولكن ليش اصدقاء الشخص اذا شافوه قاعد مع هله وعيالة ورفض مثلا يطلع معاهم يوم يومين قالوا له انت بيتوتي شكلك ؟؟ لاحد يفرع الموضوع ويفسره غلط

[┋أَجِوَدًيّ┋]

لا تكن ليناً فتعصر و لا تكن قاسياً فتكسر

[العريق]

بعض الاراء فاهمة الموضوع غلط مافي حد 24 ساعة في البيت طبعا مجابل زوجتة محد قال جذي ولكن ليش اصدقاء الشخص اذا شافوه قاعد مع هله وعيالة ورفض مثلا يطلع معاهم يوم يومين قالوا له انت بيتوتي شكلك ؟؟ لاحد يفرع الموضوع ويفسره غلط


و الله هذوله ربع ما عندهم سالفة

[ريم 28]

بعض الاراء فاهمة الموضوع غلط مافي حد 24 ساعة في البيت طبعا مجابل زوجتة محد قال جذي ولكن ليش اصدقاء الشخص اذا شافوه قاعد مع هله وعيالة ورفض مثلا يطلع معاهم يوم يومين قالوا له انت بيتوتي شكلك ؟؟ لاحد يفرع الموضوع ويفسره غلط


لكن لو علئ طول في البيت ينصحونه يرجع لاصدقائه ويغير المكان واكيد يبون رفقته

وانا انصح الرجل ما يكون بيتوتي

وكلمة بيتوتي طبيعيه لانها صحيحه اذا ما طلع اكيد بيتوتي لكن مب علئ يوم ويومين واسبوع

[الشيخة شيوخة]

بالعكس الرجل الصحيح هو الى يكون جالس مع اسرته يكون بيتوتى يعنى من الدوام لين البيت واذا عنده اشغال ياديها لكن مثل بعض الرجال المراه تتمنى تشوف زوجها ترا اللمه العائليه يكون فيها دفئ كم اتمنى زوج مايمل من البيت ادعولى ابي بيتوتى مثلى :)