لدي مشروع موقع خدمي

[حبر وقرطاس]

لدي مشروع خدمي لخدمه السائلين عن امور معينه

(( لا اريد الافصاح عن فكره المشروع بشكل مفصل ))

واريد ان يكون الموقع للجادين فقط بمعنى ان يكتب فيه من يضع مبلغ رمزي زهيد جدا

فهل هناك شركات تصمم هذه النوعيه من المواقع؟
وكم الاسعارلانشائها ؟
وهل بالامكان عمله عن طريق مدونه ؟
ارجو الافاده لاتمكن من مساعده الناس من خلاله .

[حبر وقرطاس]

للرفع وانتظار اجابه

[حبر وقرطاس]

صبحكم الله بالخير اداره واعضاء وقراء ومتابعين ومشاهدين

يالربع قسم الكمبيوتر في المنتدى في حاله ركود ولا حد فادني برد يسعفني لاباشر اجراءات الموقع

لدي فكره موقع للرد على استفسارات الاخوه والاخوات في مجال معين( لن اكتبه بالتفصيل عشان ما احرق السالفه) ولكن بمجرد ان يتم راح ناخذ اذن من الاداره الكريمه بعرض اعلان له من اجل المنفعه العامه

من باب الي عنده علم مايكتمه ويفيد فيه اخوانه المسلمين

ولكني مابي افتح فيه الباب لكل من هب ودب هو للجادين فقط برسوم رمزيه زهيده جدااا
حيث مايكتب الاستفسار الا الجاد بعد مايقط كم ريال في حساب الموقع
لان العابثين لن يهدر ريال واحد لرمي كلام والتلاعب والاساءه للموقع

سؤال من عنده خبره ويدلني على الخطوات الاولى لانشاء الموقع وله جزيل الشكر .

اخوكم الفقير لله
حبر وقرطاس

[حبر وقرطاس]

للرفع

اللهم استغفرك واتوب اليك

نبي نسوي خير ونرميه فالبحر

[بوحمد111]

ودي اساعدك ولكن ما عندي خبره وان شاء الله الربع مش مقصرين معاك

الله يوفقك

[jassim_007]

اخوي ارسلت لك رسالة خاصة برقمي اتصل و فالك طيب

[حراير قطر]

عندك شركة قطر اي تي للاخ محمد الجفيري

وعندك بعد الاخ alsouq

وبعد قطر هوست

[حبر وقرطاس]

اخوي ارسلت لك رسالة خاصة برقمي اتصل و فالك طيب

راسلني خاص عندي بعض الاستفسارات

[حبر وقرطاس]

عندك شركة قطر اي تي للاخ محمد الجفيري

وعندك بعد الاخ alsouq

وبعد قطر هوست

ياريت يفيدوني الاخوه المذكوره اسمائهم

وانشالله الاجر للجميع

[jassim_007]

راسلني خاص عندي بعض الاستفسارات

ارسلت لك رساله برقمي ،، حياك في اي وقت و باي طريقه انا جاهز للرد " حبيت تسأل اون لاين بالرسايل الخاصه او تتصل "

اخوك جاسم

[تمون]

يالغالي الخطوات بسيطه ولحد يضحك عليك

١ سجل في موقع اينوم و من خلال هذا الموقع اختر اسم الموقع و اشتريه بالفيزا مابيكلفك ٤٠ ريال و كل سنه تجدده بنفس السعر

٢ الموقع هذا يعطيك لوحة تحكم خاصه باسم الموقع او الدومين لكي تربط الاسم بالسيرفرات

انتهينا من اسم الموقع و نصيحه لا تخلي اي شخص كان يشتري لك اسم الموقع انت اشتره بنفسك وفيه مليون شرح عن طريقة الشراء و التجديد

٣ الان الاسم عندك ماعليك الا البحث عن شركه تستضيف فيها الاسم على سيرفراتهم
وانصحك بموقع ترايدنت افضل موقع عربي للاستضافه و انسى اي نوع من انواع الاختراق او التجسس وفي نفس الشركه تقدر تطلب منهم برمجه خاصه للموقع و تصميم و استضافه و الاسعار موجوده عندهم و مابيكلفك واجد

انا عندي خبره ٨ سنوات في المواقع و اي استفسار انا حاظر لك و فالخدمه

[حبر وقرطاس]

يالغالي الخطوات بسيطه ولحد يضحك عليك

١ سجل في موقع اينوم و من خلال هذا الموقع اختر اسم الموقع و اشتريه بالفيزا مابيكلفك ٤٠ ريال و كل سنه تجدده بنفس السعر

٢ الموقع هذا يعطيك لوحة تحكم خاصه باسم الموقع او الدومين لكي تربط الاسم بالسيرفرات

انتهينا من اسم الموقع و نصيحه لا تخلي اي شخص كان يشتري لك اسم الموقع انت اشتره بنفسك وفيه مليون شرح عن طريقة الشراء و التجديد

٣ الان الاسم عندك ماعليك الا البحث عن شركه تستضيف فيها الاسم على سيرفراتهم
وانصحك بموقع ترايدنت افضل موقع عربي للاستضافه و انسى اي نوع من انواع الاختراق او التجسس وفي نفس الشركه تقدر تطلب منهم برمجه خاصه للموقع و تصميم و استضافه و الاسعار موجوده عندهم و مابيكلفك واجد

انا عندي خبره ٨ سنوات في المواقع و اي استفسار انا حاظر لك و فالخدمه

طويل العمر راجع الخاص

[حبر وقرطاس]

للرفع والتذكير بالمساعده :(

[قطري]

http://www.qatarshares.com/vb/showthread.php?t=520378

[ولد العلي]

http://www.w3schools.com

[ولد العلي]

جزاكم الله خيرا

[Abdulla Al.F]

السلام عليكم،
اذا تبي تفتح موقع ، سهل جدا !
اذا كانت عندك اللغه قويه سجل الدومين (نطاق الموقع) من GoDaddy
و تستضيف الموقع على حسب انت المساحه الي تبيها.
انا مستضيف موقعي على شركه امريكيه اسمها WiredTree و ماعليها كلام كلش!
اذا صارت لك اي مشكله بدون مبالغه الرد يكون في ٣ او ٤ دقايق على مدار اليوم ان شاء الله لو فليل او الصبح واذا كثرو ١٥ دقيقه!

هاذي اول الخطوات عشان تبدآ فيه الموقع.
ثاني شي بخصوص الفكره ممكن توضح الفكره اكثر؟
تبي الموقع يكون برمجه خاصه ولا؟ < على حسب ميزانيتك
لانه تبدآ من ٥٠٠٠ و طالع < اذا كانت البرمجه خاصه

و التصميم في وايد شركات بس انصحك في محجوز! تصاميمهم اسعارهم شوي مرتفعه بس ١٠٠ على ١٠٠

اي استفسار انا حاظر :)

[H H]

,


الاخوان وضحولك الطريقه بشكل ممتاز وبعد كذا باقي شغله اخيره الي هي
السكربت الي هو مثل البرنامج او طريقة عمل الموقع !!

يعني في سكربت منتديات مثل هالموقع وفي سكربت مواقع فيديو يكون مثل اليوتيوب
وفي سكربت نفس الفيسبوك وفي سكربت الشات مثل مواقع الشات العاديه يعني كانه برنامج !

لازم تختار انت اي سكربت تبي؟ كيف تبي طريقته ؟ اذا عندك موقع عجبتك طريقته يكون ممتاز
تقدر تطلب نفس سكربت هالموقع من اي شركة برمجيات او مبرمجين مواقع وتطلب منهم تعديلات
معينه على السكربت عشان يكون مناسب لك وتقدر تطلب منهم تصميمها ايضاً من ناحية الالوان والشكل
وغيرها عشان يكون مناسب على ذوقك

ادري ان الكلام الكثير يخلي الواحد يحس ان الموضوع صعب لكن صدقني الموضوع جداااا سهل ومايبيله شي
وانصحك مثل ماقالولك الاخوان انك ماتكلف شركة معينه تسويلك هالاجرائات انت سوها بنفسك وماراح تاخذ
منك وقت ابدا مجرد ماتسال الفاهمين فالموضوع وتسويها بنفسك بتكون عندك فكره كامله وبتعرف وش تسوي!!

1 - احجز دومين لمدة سنه بتقريبا 12 دولار ( اسم الموقع )
2 - احجز سيرفر بمساحه كافيه في اي موقع استضافه محترم ( مثل الهاردسك لكن على الانترنت )
3 - اربط الدومين بالسيرفر حقك ( يعني الي يكتب اسم الموقع ينتقل علطول للهاردسك )
4 - تختار السكربت وتشتريه وتطلب تعديله بما يناسب ذوقك او تشتري سكربت جاهز
5 - تنصيب السكربت على السيرفر , يعني كانك قاعد تثبت برنامج معين فالجهاز ( الي يكتب اسم الموقع بيلقى موقع كامل متكامل مثل هالموقع بالضبط )

حاولت افسر وابسط المساله على قد مااقدر وان شالله يكون كل شي مفهوم الاخوان ماقصرو معك
يعطيك العافيه ولاتتكاسل ابداً , إبدأ علطول فالي ناوي تسويه وامورك سهالات ويكفي الخبره الي بتاخذها انت!

بالتوفيق


,

[آي تي الدوحة]

يرجى ارسال رقمك على الخاص، انا مستعد لعمل ذلك وبسعر مناسب

[آي تي الدوحة]

كلام بعض الإخوة غير منطقي

[محمد الجفيري]

ان شاء الله نكون عند حسن الظن حاضرين للتصميم

[محمد الجفيري]

انا حاظر وشركتي موجودة ورقمي 55221828

[المطوع1]

الاخوان انا نفس اخونا محتاج مساعدتكم لعمل موقع ممكن ترسلون لي ارقامكم عالخاص

[jassim_007]

بصراحه و مع كامل احترامي للطلبات

"الزباين" في السوق القطري غير جادين ، يطلبون مواقع و بعد ماينتهي ما يدفعون الحق لاصحابه !
يمكن نصف الخطأ مني لاني ماكنت اخذ المبلغ مقدم ، بس مادري الذمة عند البعض !!!



على العموم شغلة ماوراها الا عوار الراس ، خصوصاً عند بدء برمجه الموقع لانه الزبون مايكون عارف اشيبي بالضبط و كل يوم يغير كلامه و يغير فكرته والسستم الي حاب يمشي عليه موقعه و ما يتفق ولا يتم على شي معين

هل الموقف مع اكثر من 4 اشخاص و كلهم نفس الطريقة و نفس الاسلوب علماً بانه اسعاري و خدماتي لا يتقارن مع غيري ،، مستحيل تحصل شركه قطريه تقدم لك اسكربت خاص في حدود ال8000 ،،،


على العموم انا كنت اقدر اصير خبيث مع انه مافيها خباثه بعد و امسح او اشيل الموقع من سيرفر الاشخاص الي مادفعو لي ،، بس دام انه راح من الوقت و الجهد مابي مصيره يكون "سله مهملات كمبيوتري"

الله يهنيهم و حلال عليهم المواقع و الله يبارك لهم فيه ،،،

*للعلم الكلام الي فوق ماقصد فيها لا راعي الموضوع ولا صاحب إي رد من الردود في هل الموضوع ،، اتكلم عن تجارب سابقه فقط


مع تحياتي مبرمج و مصمم مواقع شاري راحته !