رايكم حول ...اسباب التنقل الوظيفي بكثرة للبعض ... [الأرشيف]

ام ناصر1

26-11-2012, 02:22 PM

السلام عليكم
الموظفين الي مايخلصون اكثر من سنتين لثلاث بأي مكان عمل ..ما ادري ايش بستيفيدون من هالوضع ...ومن وين ايبون
قدرة على سرعة التأقلم ...وما ادري هل ممكن نعتبر هالشي نقص قدرة أو كفاءة للشخص ..
انزين ولين متى بيتم الواحد يتنقل من وظيفة لوظيفة ...هاي يقترب من
هدر الطاقة ...بس الحجة مش مهم دام المعاش يمشي ...وانا مش عاطل
حتى يتم نقدي ...يمكن بعد ادارة العمل عندها نقص في القدرة
على توعية الشباب والشابات حديثي العمل فضلا عن ضعف قدرتها
بتوظيفهم ......ايش رايكم بهذه النوعيات من الموظفين والموظفات ....
وشنو باعتقدك سبب كثرة تنقلهم بين الاعمال ..وشالحل معاهم

حبر وقرطاس

26-11-2012, 02:25 PM

موضوع ذووو شجوووووون

اتصور شعور الموظف ان جهه عمله متمثله بالاداره والمدير والزملاء غير مريحه ولا تقدر جهوده

ممكن الانزعاج من سلوكيات وشخصيات الموجودين

احتمال مافي مواقف:(

احتمال يبي قطاع حكومي وهو في خاص

العربية نت

26-11-2012, 02:39 PM

الاسباب قد تكون متعدده في هذا الجانب لكن باذكر اهم سببين من معرفتي البسيطة :eek5:

النوع الاول: موظف غير ملتزم بالوظيفة وشروطها فهو دائم البحث عن الادارة التي لاتهتم بالدوام ولا تدقق في التفاصيل فهو مهتم بالراتب ينزل وبس :)

النوع الآخر: ارى ان فيه نوع من الموظفين يبحث عن النقل وذلك بسبب محاربة مديره له او ان الادارة بما فيها محبطه وغير مقدره للموظف ولا يوجد بها امتيازات وغير محفزه ومطورة للموظف فبالتالي الموظف يهمه راحته المادية والمعنوية فهو يبحث عن الافضل قد لايوفق فنلاقيه يبحث مرات ومرات :eek5: لكنه عكس النوع الاول الذي قد ينقل اكثر من مره خلال السنة الواحده :omg:

لمعة الالماس

26-11-2012, 02:54 PM

انا بالنسبة لي التنقل بسبب

موقع جهة العمل والمبنى او البرج

الموظفين اللي معاي بالادارة

المسؤول المباشر

والواحد لين حصل راحته مستحيل يفكر يغير مكان شغله

حسن

26-11-2012, 03:02 PM

المشكله البعض يدور الراحه وزياده الراتب بس ومش مهم هو تخصصه ولا لا هذا اخر مايفكر فيه
ولاكن هذا سبب فوضى اداريه ولا زالت تعاني منها الوزارت الى الان
ماتشوفون المعاملات مهمله في الكثير من الوزارات وضع ماساوي

sweet qatar

26-11-2012, 03:48 PM

والله انك صادق اخوي حسن.. ولازال الوضع مستمر..

قد مروا علي سيفيات على هالشاكلة.. وبصراحة قلت هذا اكيد فيه علة << ما يشجع ان اي حد يوظفه..

ومثل ما توقعت ما استمر في المكان الي انحط فيه وتنقل ولا زال على حاله..

في موقع امريكي كان بروفيسور يتكلم عن آخر النصائح الي يتم تسويقها لسوق العمل ومنها ان الشخص ما يستمر في مكانه اكثر من 5 سنين، وذكر ان هذا خطأ فادح لان الموظف لازم يتطور ويرتقي في سلم الوظيفة..
وما يطلع من شغله الا اذا حس انه مجمد في مكانه..

حبيت المقال وايد وكنت بترجمه وبنزله هني للتوعية.. بس انشغلت وكنسلت السالفة :shy:

وانتي يا ام ناصر، ما قلتي لنا رايج في الموضوع، احس عندج حالة واقعية ومستغربة منها..

حفيد الأنصار

26-11-2012, 04:38 PM

اذا كان نفس الراتب والمميزات اقعد بمكاني احسن
لكن بعض الناس اذا اكتسبو خبرة مثلا اكثر من 15 سنة يقدم على شركات ثانية
وتجيهم عروض والراتب زيادة والشغل نفسه تقريبا
هذا اشوفه شي صحي وعادي جدا وحاصل وخصوصا بالشركات

Bin Hood

26-11-2012, 06:06 PM

بودحيم اوافقك في الراي بس لو تخف من حدة سكينك !

++++++++++++++++++++++++++++

الانتقال من الوظيفة له اسباب عديدة منها

البحث عن راتب اعلى
الابتعاد عن مسؤول او عصابة
انقاذ النفس من الروتين والموت الوظيفي
الرغبة في عمل اقل جهد او اقرب للمنزل
وغيرها من الاسباب المختلفة باختلاف الشخص

شخصيا اشوف التنقل شي طيب
بحثا عن راتب او درجة او للخبرة وربما حتى التغيير
الموظفين في القطاع المالي الاكثر تنقلاً
بحثا عن الفرص السانحة لهم مع الترقيات
ولو ان القطاع المالي مش نظيف عادتاً ! ( اقصد العصابات والمسؤولين )

في امر انا مستغرب منه
في موظفين لديهم فرصة للتنقل وتحسين وضعهم لكن للاسف ما يحاولون
او اذا قلت لهم يقولك باقدم بعدين
وبعدين يعني سنين قدام

حفيد الأنصار

26-11-2012, 06:12 PM

^^ أتفق معكم وقلتها بتعليقي الاول ومثل ماقال بو دحيم
السينيور شي طيب له التنقل وتغيير الروتين
والمسائلة عرض وطلب

احب قطر

26-11-2012, 06:37 PM

أنا ممكن أوجه اللوم نوعا ما لجهة العمل ، يجب علئ المؤسسات بان تبذل جهد أكبر للحفاظ علئ موظفينهم وتوفير بيئة عمل صحية للموظفين ، والمقياس يكون للمؤسسات اللي يتركها الموظفين وليس للموظف ، وللأسف إحنا عندنا مشكلة ثقافة تصفية الحسابات ، يعني متئ مايجي وزير أو مدير من نفس الإدارة يبتدي شغل التطفيش

kal

26-11-2012, 07:15 PM

عاهد بن علي

26-11-2012, 07:15 PM

يمكن الكراسي ما تناسبه

wadha-qa

26-11-2012, 08:37 PM

مدير ادارتي كله يقول انا كنت في كل اداره اداوم سنتين عشان اتعلم و الم بكل جوانب المجال ويشجع على هالتوجه بس روحي قدمي نقل لاداره ثانيه يمطووون لج السالفه وما يلصون امورج بسرعه عشان تملين و تفقدين الامل وتقعدين مكانج

ANONYMOUS

26-11-2012, 11:06 PM

بالعكس اللي يسوونه هو الصح

بس خل نقسمهم ل قسمين

1 - تنقل واكتساب خبرات ودرجات وظيفيه ومميزات افضل ( نفس سالفة بو كل 3-5 سنين ) - هذا صح ويدل على ثقافه عاليه

2 - تنقل هباله وعبط وبحث عن دوام اي كلام وساعات اقل و راتب اكثر وياحبذا مافي توقيع ولا بصمه ولا مسؤوليات ومسؤول مايدري وين الله حاشره - هذا لاتعليق

قطر70

27-11-2012, 12:07 AM

موضوع مهم

انا اعرف شباب يتنقلون من مكان لمكان بسبب الدرجات الوظيفيه

مثلاّ يتوظف في بروه ويحصل درجه وعقب يقدم استقاله ويشوفله واسطه ويتوظف في الديار وعقب بعد يشوفله مكان ثالث ويحصل درجه يعني تلقاه في 4 سنوات ياخذ 3 ترقيات وعقب كم سنه مدير

اللهم لاحسد

Bin Hood

27-11-2012, 12:34 AM

^

اخوي هالشباب غير طبيعين بالمرة

بس السؤال دام من درجة الى درجة

هل هم كفأ ؟ وكيف يصير مدير في النهاية ؟

Abdullah_89

27-11-2012, 01:03 AM

من رأيي الشخصي ..

التنقل من وظيفه لأخرى يعتمد على ( الراتب - الدرجه الوظيفيه - التقييم - مجال العمل )

مجال العمل أقصد فيه : مثلا واحد يشتغل على اساس وظيفته علاقات عامه وتكون واقع الوظيفه مندوب

moonبنتnight

27-11-2012, 07:31 AM

يمكن نظام تطفيش وأحتكار العمل أو تهميش في الوظيفة 00
وأكثر لي يعاني من هل مشكلة حديثي التوظيف 00

R 7 A L

27-11-2012, 07:42 AM

اعرف لي واحد من سنه 2000 لليوم
اشتغل في 5 جهات
لا وبعضها يطلع منها ويرجع لها مره ثانية
أموره طيبه :victory:

بعضهم مثل الحاله الي ذكرت يدري انه مايقدر يواصل في أي جهه واستغل الواسطة لخدمته بالاضافة الى شهادته التي ... :secret:
للتنقل والهروب في حاله اقتراب الخطر او الاختبار الحقيقي لقدراته

قطــ86ــر

27-11-2012, 08:23 AM

الراتب
التقدير
التطوير
مجموعة الموظفين المحيطة
طبيعة العمل

انا عن نفسي افكر في تغيير وظيفتي لان مافيها تقدير
ولاني ادخل على مديري وبصراحة و بكل احترام ما اقدر افرق بينه و بين الكرسي اللي هو جالس عليه...

همر

27-11-2012, 08:36 AM

جمال اليافعي

27-11-2012, 08:55 AM

اعرف لي واحد من سنه 2000 لليوم
اشتغل في 5 جهات
لا وبعضها يطلع منها ويرجع لها مره ثانية
أموره طيبه :victory:

ماشاءالله زميلك نفسي انا من 2001 الى الان انتقلت 6 مرات .. منها جهه طلعت منها ورجعت ..

بكل صراحه بشارك معاكم ، انا حتى الأن ما لقيت مكان يوظف مهاراتي وطموحاتي .. يا أني أشتغل في وظيفة ما يعطونك حقك ورابطينك وما يخلونك تاخذ مسؤوليات يا أني أشتغل بوظيفة للأسف ما تحتاج المهارات الي هم طالبينها ، خريج ثانوية يقدر يشتغلها ..

انا عندي خبرات مكثفه في القطاعات الاتيه : (( العلاقات الحكومية ، العلاقات العامة ، نظم وأمن المعلومات ، المالية ، التمثيل الدولي )) والى ذلك انا الان طالع من وظيفتي الى وظيفه أخرى (( راتبها أقل )) بس تلبي مهاراتي وطموحاتي ..

حبر وقرطاس

27-11-2012, 08:58 AM

ماشاءالله زميلك نفسي انا من 2001 الى الان انتقلت 6 مرات .. منها جهه طلعت منها ورجعت ..

بكل صراحه بشارك معاكم ، انا حتى الأن ما لقيت مكان يوظف مهاراتي وطموحاتي .. يا أني أشتغل في وظيفة ما يعطونك حقك ورابطينك وما يخلونك تاخذ مسؤوليات يا أني أشتغل بوظيفة للأسف ما تحتاج المهارات الي هم طالبينها ، خريج ثانوية يقدر يشتغلها ..

انا عندي خبرات مكثفه في القطاعات الاتيه : (( العلاقات الحكومية ، العلاقات العامة ، نظم وأمن المعلومات ، المالية ، التمثيل الدولي )) والى ذلك انا الان طالع من وظيفتي الى وظيفه أخرى (( راتبها أقل )) بس تلبي مهاراتي وطموحاتي ..

:( مسكين

الصغيره

27-11-2012, 08:58 AM

انا تنقلت مرتين

المره الاولى دخلت دوره تاهيليه من مؤسستين وكان من شرط التسجيل ان اكون موظفه باحد المؤسستين وفعلا سجلت بعد التوظيف وما كنت مقتنعه بالمؤسسه وسنه وطلعت من وظيفتي باستقالتي لانها كلش ما ناسبتني الوظيفه الثانيه حبيتها سبحان الله لكن تعب حتى الاجازات اشتغل ومؤسسه بعد وتعبت منها وطلعت طامعه بالافضل

بالعكس الانسان اللي بمكان ما يحبه ماراح ينتج ابد وبيصيبه ضيق فالاحسن البحث عن الافضل

الاجتماعي

27-11-2012, 09:51 AM

السلام عليكم وصباح الخير
لتغيير اماكن العمل اسباب كثيرة منها :
1/ الظلم الوظيفي وابرز صوره سوء التقييم او توجيه انذارات غير مبررة او عدم اعطاء الموظف حقوقه المستحقة من علاوات وغيرها .
2/ عدم الشعور بالامان الوظيفي وخاصة في بعض شركات القطاع الخاص التي قد تمحى الشركة من الوجود بين عشية وضحاها .
3/ بعد المسافة وطول الطريق وخاصة لموظفي ام سيعيد ولفان ودخان والمنصات البحرية
4/ الحصول على فرص وظيفية لمنصب اعلى كالحصول على مسمى مدير او رئيس قسم او راتب وامتيازات افضل كصرف بونس سنوي او بدل تذاكر او تامين صحي .
5/ الرغبة في تغيير مجال العمل كمن يريد تغيير عمله من عمل فني الى عمل اداري والعكس او من عمل مكتبي الى ميداني او العكس .
6/ فئة ملولة لا تبقى على حال فتحب التغيير من اجل التغيير فهي قد كسرت حاجز التغيير مرة واحدة فتشجعت على التغيير من اجل التغيير .
وهناك اسباب كثيرة وآسف على الاطالة \
اخوكم الاتجتماعي

رجوان

27-11-2012, 11:06 AM

[QUOTE=ام ناصر1;8582473][font="arial"]
السلام عليكم
الموظفين الي مايخلصون اكثر من سنتين لثلاث بأي مكان عمل ..ما ادري ايش بستيفيدون من هالوضع ...ومن وين ايبون
قدرة على سرعة التأقلم ...وما ادري هل ممكن نعتبر هالشي نقص قدرة أو كفاءة للشخص ..
انزين ولين متى بيتم الواحد يتنقل من وظيفة لوظيفة ...هاي يقترب من
هدر الطاقة ...بس الحجة مش مهم دام المعاش يمشي ...وانا مش عاطل
حتى يتم نقدي ...يمكن بعد ادارة العمل عندها نقص في القدرة
على توعية الشباب والشابات حديثي العمل فضلا عن ضعف قدرتها
بتوظيفهم ......ايش رايكم بهذه النوعيات من الموظفين والموظفات ....
وشنو باعتقدك سبب كثرة تنقلهم بين الاعمال ..وشالحل معاهم [/fontك
ل وظيفة لازم فيها مشاكل بالشغل واللي مايتحمل خلاص يجعد بالبيت
اي والله!!!

رهج السنابك

27-11-2012, 11:10 AM

هل من المعيب التنقل؟؟

نبي احد مطلع او خبير في الموارد البشر ية يكون مطلع على دراسات في هذا الخصوص

وهل الافضل التنقل بعد مثلا 5 او 6 سنوات او يتم الواحد على وظيفة وحده لين يتقاعد؟

انا اللي لاحظته لما اقرا سيفيات الاجانب يتنقلون مو بس في بلد وحده الا كل سنتين او ثلاث في بلد ثانيه ووظيفة ثانيه ما اذكر شفت سيفي لمدير قاعد بمكان واحد عشر سنين!!

عكس سيفيات القطريين يكون من التسعينات لين اليوم في مكان واحد !! ياربي مايحسون بالملل والروتين!

والاغرب من ردود بعضكم طلعوا يخافون من اللي يتنقل ويفضلون واحد محنط من سنة جدي بوظيفة وحده طول عمره؟!

انا بالنسبة لي لو انعرض علي سي في لشخص كل خمس سنوات بوظيفة راح افكر فيه اكثر من اللي طول عمره بوظيفة وحده لان هذاك احتك بناس اكثر اشتغل وطور مهاراته عنده خلفيات اوسع ومعرفته طبيعي بتكون اعلى

دااانة قطر

27-11-2012, 11:13 AM

10 سنين في مكااني
وكل ماقدمت على وظيفة جديده في آخر لحظه قبل توقيع العقد أتردد وأقول امسكي مينونج ..........

أحياانا بيئة العمل من موظفين ومسؤؤل يجبرونك على فكرة التخلي عن وظيفتك

الحمدلله الحين حاالي أحسن بوايد والله يديمها من نعمه

رجوان

27-11-2012, 11:15 AM

ريتويت

27-11-2012, 11:21 AM

نقلت مرتين من البترول لشركه خاصه والحمدلله راحه اللهم الدوام شوي طويل وتعب 8 ساعات ونص.. استغفر الله كنت مشتطه اول شي اكملهم ولكن الحين صرت اداوم 5 ساعات واحيانا 4 ...الله يسامحني

بوالبيض

27-11-2012, 11:26 AM

في بعض الاشخاص يحبون التنقل من وظيفه لوظيفه بالفطره للتغير فقط
والبعض لتحسين الوضع والبعض مشاكل معي الاداره .
انا في رائي الواحد يقعد في مكانه افضل ويحاول يجدد ويستفيد ويطور نفسه

مخطط قطري

27-11-2012, 12:44 PM

ارتباط الموظف بوظيفته لاجل مصلحته او مصلحه البلد هذا دايما نسمعه انا عن نفسي اشوف ان الانسان بطبعه يحب يجد نفسه في مكان يرتاحله بغض النظر عن المميزات الوظيفيه وبعدين لاسف اتكلم عن الجهات الحكومية دائما نجد انها تهمش الموظف يا تركنه على صوب او انه يضرب بها المثل في الجد والاجتهاد ولكان مازل يوجد حلقه مفقوده بين الموظف وجهة عمله لذلك لانجد الاستقرار او الرضا الكامل لابد من وجود نقص يجعل الموظف ينتقل من مكان الى مكان بس عشان يدور الراحه النفسيه والمعنويه بمعنى انه خسر الخبرة لي كانت لديه في الجهة لي اشتغل فيها ويعود من جديد يباء من الصفر وان ماحصل لي في راسه دور شي ثاني وهشكل ضيع عمرة في النقل من مكان الى مكان

Bo jassim 33

27-11-2012, 12:51 PM

سبب كثرة التنقلات : الشعور بعدم الامان الوظيفي

او

البحث عن راتب اعلى

جمال اليافعي

27-11-2012, 02:33 PM

:( مسكين

حالك نفس حالي يا حبر .. :tease:

kal

27-11-2012, 08:33 PM

خاطري اجرب التنقل اللي تتكلمون عنه..

بصراحه شغل البترول قاتل للابداع ومشجع للروتين..

خاطري اعرف شلون العالم تناقز من وظيفه لي وظيفه

وكل وظيفه درجه اعلى او راتب اعلى !!!

وانا رئيس قسم كل مادزيت السي في حق شركه

هدوووووووووء خواااااار لطحين مايطير يوم يطبع بن عيدان !!!

مع اني دارس في امريكا وخبره في مجالي 11 سنه وعندي حول

الثلاثين كورس !!!

توقعت الموضوع سهل ووين ماتقدم تلاقي ترحيب اثاري السالفه

واسطه وبس..

الزبده.. رأيي في اللي يتنقل من وظيفه لي وظيفه.. ضبط امورك وياه

واركب الموجه وعلى رأي المثل.. من خاوى السعيد يسعد :nice:

مثل ماقلت اخوي همر غير الواسطة مافي 23 سنه في مجالي ومن القطريين القلة الذين امضوا في هذا المجال لمدة متواصلة ولين نبغي انغير المكان او المجال يقعدون لك في المقابلة يفتون بيعون ويشترون فيك ويناظرون سيرتك الذاتية ويناظرونك خل الواسطة عندك شوف يصير ابواب الذهبية تنفتح لك ولا يبون سيرتك الذاتية ولا يحزنون تجربة عشتها بنفس وشكرا لسعة صدركم :rolleyes2: