وظيفة للقطرين في مركز السدرة

[Um Yousif]

السلام عليكم ورحمة الله وبركاته

اللي حابين يقدمون على وظيفة منسق ادارة المشاريع يدخل على اللنك ويقدم او تقدم

ورجاءا اقروا المتطلبات الوظيفية

http://careers.sidra.org/sidra/VacancyDetail.aspx?VacancyID=32474

طبعا مثل ما كلكم عارفين مركز السدرة يتبع حاليا قطر فاونديشن

و بالتوفيق للكل:nice:

[ام ناصر1]

اشدعوة مافي بالعربي ....المتطلبات الوظيفية ...
بالتوفيق للجميع ...

[Um Yousif]

اشدعوة مافي بالعربي ....المتطلبات الوظيفية ...
بالتوفيق للجميع ...

اللغة الرسمية في قطر فاونديشن وتوابعاها هي اللغة الانجليزية:secret:

[قــطــريــه]

ألله يعطيج العافيه اختي ام يوسف وجزاج الله كل خير

[Um Yousif]

ألله يعطيج العافيه اختي ام يوسف وجزاج الله كل خير

الله يعافيج عزيزتي وجزاج بمثله

[Q_Invest]

يعطيك العافية ... موعد التقديم ينتهي 31-Jan-2013 وليس 13th May 2011

[ام ناصر1]

سؤال...
مركز سدرة مركز طبي ومركز للابحاث ...ليش يبي منسق ادارة مشاريع ...يعني هم عندهم مشاريع تجارية
إلى جانب العمل الطبي ؟!
ممكن حد عنده خبرة يوضح ؟!

[Q_Invest]

سؤال...
مركز سدرة مركز طبي ومركز للابحاث ...ليش يبي منسق ادارة مشاريع ...يعني هم عندهم مشاريع تجارية
إلى جانب العمل الطبي ؟!
ممكن حد عنده خبرة يوضح ؟!

عندهم مشروع المبنى نفسه للحين ما خلص.. واكيد عندهم اجهزة بحث ومختبرات, اسرة الخ .. بس ليش هم مسؤلين عن هالمشاريع ما دري.

[bnooq]

The closing date for applications is 13th May 2011.
قديم
اخر موعد لتقديم الطلبات شكل ماهو مبين

[أسد الجزيرة]

انتوا فاهمين غلط

الوظيفة هي منسق وثائق و مواعيد مثل سكرتارية

[معماري قطري]

بيحصلون بس أجنبي ولا قطري حديث التخرج مرضي عليه

انا اتصلوا بي وقالوا لي موجود قلت ايه .. قالوا فاضي قلت ايه وكنت فاضي وهذا قبل العيد .. وبس انطلبت في شغلي الأساسي ولا جاني اتصال ولا شيء الظاهر يبون الواحد يركض وراهم.

[معماري قطري]

انتوا فاهمين غلط

الوظيفة هي منسق وثائق و مواعيد مثل سكرتارية

كانوا يبون مدير مشروع بس أكيد عينوا حد ولازم تحته منسقين في كل تخصص .. إذا هشكل ما تسوى العملية الله يوفق المدير ومنسقيه.

[طبيب قطري]

انا سمعت من كذا حد راح وسوى مقابلات معاهم أنهم بعد ماقابلوهم يطرشون ايميل بالرفض.. شكله الموضوع واسطه..

[رهج السنابك]

؛

اتفق مع طبيب قطري

وايد سمعت قطريين بعد المقابلة يرفضونهم والهدف معروف عشان محد يتكلم ويقول ليش السدرة مايعطون فرصه للقطريين فيكون الجواب سوينا مقابلات بس للاسف مايناسبونا

رفيجتي تقول سوت معاهم مقابلة والوظيفة تافهه اي حد بأقل من مؤهلاتها يقدر يشتغل الوظيفة وحاطين فقط للقطريين ( طبعا ديكور بس للفت النظر انهم يخصصون وظايف للقطريين) وبعد المقابلة بيومين بس تخيلوا يومين
طرشوا ايميل انها مب الشخص المناسب للوظيفة ونظراً لان المنافسه كبيرة ( الله من الهياط ) فقد تم اختيار شخص واخذ الوظيفة!
اعنبو متى قابلوه ومتى عطوه العرض ومتى امداه يقبل العرض ويدرسه ومتى اتفقوا على كل شي
والقطريين الموظفين هناك كلش مابيدهم شي والاجانب فوقهم
واحد من مدراء الادارات فلسطيني مدري لبناني ماسك ادارة عادية نقول مثل الشؤون الادارية والمالية اي سي في يوصله لقطريين يرفضه ومايبي يعين اي قطري بإدارته

شنقول شنخلي الاجانب يسرحون ويمرحون في أرقى مكان مهتمه فيه الشخصية موزا بنفسها وهي رئيسه مجلس ادارته لكن للاسف ماتدري ان اهل بلدها مطرودين والاجانب لاعبين لعبتهم من اوربيين واسيوين ( متروسة فلبن وتايلنديات)