المساعد الشخصي الرقمي

مشاهدة النسخة كاملة : اراضي المسلم على كم؟


Qatarii
05-07-2006, 01:55 PM
ياجماعة الخير بخاطري اعرف من اهل الخبرة بالعقار كم سعر الفوت في المسلم وخصوصا انني سألة كم شخص عنها وكل واحد كان له راي متفاوت
لكم التحية
Qatarii
08-07-2006, 02:56 PM
اتمنى ممن لدية اية فكرة او العلم يرد على موضوعي
bo-jassim
08-07-2006, 05:21 PM
اخوي في تقديري الخاص اعتقد ان سعر الفوت 60 ريال
وتحياتي لك
Qatarii
11-07-2006, 11:14 PM
تقديرك الخاص على عيني وراسي لكن في هناك اسعار ثانية سمعت عنها
على العموم اذا في حد ذكر لك اسعار الفوت بهالسعر انا بربحك خمس ريال زيادة وانا على كلمتي
مرة ثانية : اذا حد يملك خلفية عن هالمنطقه اتمنى يذكر لي السعر
واعتذر عن الأزعاج لأني طولت في سؤالي
سلام
أحمد اليافعي
12-07-2006, 12:11 AM
أخوي مشكلة اسعار الاراضي هالايام مالها قانون ولا شي يضبطها والسالفة سالفة عرض وطلب يعني ممكن في البداية كان سعر الفوت 60 او 65 ريال لكن فرضا انا عرضت الارض اللي عندي على 70 ريال يييت انت ودفعت هالقيمة يعني ما افرقت وياك بقى سعر الفوت اللي متعارف عليه 70 ريال مب 60 ريال وهلم جرا ..

يعني من احد يشتري الفوت بسعر جديد ، يصير هالسعر اهو السعر الجديد في المنطقة اللي انباعت فيها الارض .. واللي متعارف عليه ...

بالعربي ممكن واحد يصنف ويصمل الا ياخذ الارض الفلانية في المكان الفلاني وماعنده مشكلة يدفع 100 ريال في الفوت وتنباع الارض على هالسعر بقى اللي عنده ارض في المنطقة ذي ماراح يقبل يبيع باقل من 100 ريال وعلى هالاساس يتسجل سعر جديد للفوت في هالمنطقة اللي هو 100 ريال ...


وطبعا فيه ناس وسماسرة الاراضي لهم دور في ارتفاع وتفاوت هالاسعار وشغالين طبعا كله لمصلحتهم ..

كني طولت..

نسلم عليك
Qatarii
12-07-2006, 06:31 PM
الصراحة ردك قمة في الروعه لكن يا اخي الفاضل اكيد هناك تسعيرة لكل مكان وكل منطقة في قطر ....واعتقد وصفك مايعني ان التفاوت بين الأراضي بيكون كبير...اكيد في هناك اولويات مثل ارض على شارعين او بلوك كامل او او قريبة من شارع عام او مرافق عامة مثل حديقة هنا يكون الفرق بسيط يقدر بريال او اثنين او على حسب تقديرات البايع والشاري في نفس المنطقه.
لكن اذا المنطقه مقدره بعشرة ريال وواحد باع الفوت بخمس اكيد مايعكس على المنطقه كلها بخمس


انا سؤالي ومازلت اعيدة اكثر من مرة كم الرينج لمنطقة المسلم
وانطر الرد مرة ثانية
مرحوم قطر
12-07-2006, 11:25 PM
اخوي القطري هو في تسعيره ماقولك لا

وبتلاقيها في موقع شركة عقار ماعرف العنوان ولا كان حطيته لك

لاكن هذا مايمنه ان يكون مثل ماقالك اليافعي

كل واحد و مزاجه

مب متاكد بس على ماخبر قريت ان سعر الفوت من 50 الى 60 بس مب متاكد