محتار وأبغي رأيكم .. في ترتيب التشطيب

[Chambray]

جاني وقت الشغل فيه بارد انتظر الكهربجي يخلص الشغل والفيتري وشوي سنداره يمين ويسار

لكن خلال الفترة الماضية ( الشغل ماشاء الله كان سريع ومتلاحق )
تم تبليط البيت كامل من الداخل
تم تركيب الجبس ( لكن من دون صبغ الجبس ولا قص الجبس للإضاءه )
تم تركيب الرخام وباقي اجزاء بسيطة
تم تركيب الخزانات ونظام السخانات المركزي
تم تركيب البايبات للماء ( فوق السطح )
تسويه ليفل ارضيه الحوش
الصبغ الخارجي خلال اسبوعين راح يبلشون ان شاء الله


احين ابغي اعرف .. متى اركب الابواب الداخليه الخشبيه ؟ قبل الصبغ ولا بعد الصبغ ؟؟
متى اصبغ الصبغ الداخلي ؟ بعد الكهرباء وتركيب التكييف ولا قبل ؟

شهادة تمام البناء يطلبون تركيب أبواب خارجية ؟؟؟؟ ولا مايهم ؟؟ ويطلبون تبليط الحوش ولا لا ؟
يهتمون في خزان الماء للمجلس الخارجي والملحق ولا لا ؟؟ لان مب موجود في الخرايط ..
الدرابزين متى يركب ؟ بعد تركيب رخام الدرج على طول ؟ ولا بعد الصبغ ؟

احين انا والله راسي داير شوي . ولا بعارف ابدى في شنو واخلي شنو لاني اشتغل ضمن حدود ميزانية معينه ماقدر اتعداها واسوي كل شئ مع بعض خخخخخخخخخخ

[Fahad Alqahtani]

الله يعينك ، وان شاء الله أهل المنتدى ما يقصرون وياك . أما عني فما عندي أي خبرة

[wadha-qa]

احين ابغي اعرف .. متى اركب الابواب الداخليه الخشبيه ؟ قبل الصبغ ولا بعد الصبغ ؟؟
صراحه الافضل بعد الصبغ عشان ما يلعوزون الابواب بصبغ الطوف

متى اصبغ الصبغ الداخلي ؟ بعد الكهرباء وتركيب التكييف ولا قبل ؟الصبغ الداخلي بعد اعمال الكهرباء وقبل التكييف وتاكد ان الكهرباء كل تمديداتهم صح عشان ما تصبغ وترد تسوي تغيررات او تمدد توصيلات وتكسر الطوفه وترد تصبغ من جديد

شهادة تمام البناء يطلبون تركيب أبواب خارجية ؟؟؟؟ ولا مايهم ؟؟ ويطلبون تبليط الحوش ولا لا ؟
لازم يتبلط الحوش وتركب الابواب

يهتمون في خزان الماء للمجلس الخارجي والملحق ولا لا ؟؟ لان مب موجود في الخرايط ..
دام مب موجوده ماظن يدققون ؟

الدرابزين متى يركب ؟ بعد تركيب رخام الدرج على طول ؟ ولا بعد الصبغ ؟
نصيحه بعد ما تخلص صبغ وكل شي ركبه احنا ركبناه وشوف شصار فيه من العمال حسبي الله عليهم حتى النايلون شققوه وشلخو الدربزين بادواتهم


هذا من خلال خبرتي المتواضعه لان تونا مخلصين تشطيب

[معماري قطري]

الله يعينك ويوفقك وتسكن إن شاء الله بيسر وسهولة

المشاركة اللي قبل حددت كل شيء وبالتوفيق إن شاء الله لك.

[Chambray]

احين ابغي اعرف .. متى اركب الابواب الداخليه الخشبيه ؟ قبل الصبغ ولا بعد الصبغ ؟؟
صراحه الافضل بعد الصبغ عشان ما يلعوزون الابواب بصبغ الطوف

متى اصبغ الصبغ الداخلي ؟ بعد الكهرباء وتركيب التكييف ولا قبل ؟الصبغ الداخلي بعد اعمال الكهرباء وقبل التكييف وتاكد ان الكهرباء كل تمديداتهم صح عشان ما تصبغ وترد تسوي تغيررات او تمدد توصيلات وتكسر الطوفه وترد تصبغ من جديد

شهادة تمام البناء يطلبون تركيب أبواب خارجية ؟؟؟؟ ولا مايهم ؟؟ ويطلبون تبليط الحوش ولا لا ؟
لازم يتبلط الحوش وتركب الابواب

يهتمون في خزان الماء للمجلس الخارجي والملحق ولا لا ؟؟ لان مب موجود في الخرايط ..
دام مب موجوده ماظن يدققون ؟

الدرابزين متى يركب ؟ بعد تركيب رخام الدرج على طول ؟ ولا بعد الصبغ ؟
نصيحه بعد ما تخلص صبغ وكل شي ركبه احنا ركبناه وشوف شصار فيه من العمال حسبي الله عليهم حتى النايلون شققوه وشلخو الدربزين بادواتهم


هذا من خلال خبرتي المتواضعه لان تونا مخلصين تشطيب

ماقصرتي والله

فعلاً كنت محتاج لردود نفس هذا الرد ..

[Chambray]

الله يعينك ويوفقك وتسكن إن شاء الله بيسر وسهولة

المشاركة اللي قبل حددت كل شيء وبالتوفيق إن شاء الله لك.


الله يعينك ، وان شاء الله أهل المنتدى ما يقصرون وياك . أما عني فما عندي أي خبرة

شكراً لكم:nice::nice:

[Bozizoo]

احين ابغي اعرف .. متى اركب الابواب الداخليه الخشبيه ؟ قبل الصبغ ولا بعد الصبغ ؟؟
صراحه الافضل بعد الصبغ عشان ما يلعوزون الابواب بصبغ الطوف

متى اصبغ الصبغ الداخلي ؟ بعد الكهرباء وتركيب التكييف ولا قبل ؟الصبغ الداخلي بعد اعمال الكهرباء وقبل التكييف وتاكد ان الكهرباء كل تمديداتهم صح عشان ما تصبغ وترد تسوي تغيررات او تمدد توصيلات وتكسر الطوفه وترد تصبغ من جديد

شهادة تمام البناء يطلبون تركيب أبواب خارجية ؟؟؟؟ ولا مايهم ؟؟ ويطلبون تبليط الحوش ولا لا ؟
لازم يتبلط الحوش وتركب الابواب

يهتمون في خزان الماء للمجلس الخارجي والملحق ولا لا ؟؟ لان مب موجود في الخرايط ..
دام مب موجوده ماظن يدققون ؟

الدرابزين متى يركب ؟ بعد تركيب رخام الدرج على طول ؟ ولا بعد الصبغ ؟
نصيحه بعد ما تخلص صبغ وكل شي ركبه احنا ركبناه وشوف شصار فيه من العمال حسبي الله عليهم حتى النايلون شققوه وشلخو الدربزين بادواتهم


هذا من خلال خبرتي المتواضعه لان تونا مخلصين تشطيب

ما شاءالله عليك اختي مقاول

[khaldoon]

تم تبليط البيت كامل من الداخل
تم تركيب الجبس ( لكن من دون صبغ الجبس ولا قص الجبس للإضاءه )

كان الافضل انك تخلص الجبس و صبغه تماما قبل التبليط.... الحين راح تضطر تحمي الارضيات بالنايلون و الجبس و الخيش حسب التشطيبات و غلاء سعرها خاصة لو كانت رخام و جرانيت





احين ابغي اعرف .. متى اركب الابواب الداخليه الخشبيه ؟ قبل الصبغ ولا بعد الصبغ ؟؟

الابواب الخشبية لو كانت مدهونه و بس تتركب و ما تحتاج دهن (رش) فممكن تسويها بعد صبغ الحوائط... اما لو تبي ترشها و تصبغها بعد التركيب فأكيد الصبغ بالاخر.... على العموم يفضل انه يكون في وجه نهائي كامل للحوائط مب touch-up بعد اتمام جميع الاعمال يعني مثل ما يسمونه وجه نظافة


متى اصبغ الصبغ الداخلي ؟ بعد الكهرباء وتركيب التكييف ولا قبل ؟
تم الرد بالاعلى ..... خلص كل التركيبات بالحوائط و اصبع نهائي و اي قص بالبلاستر و الدهان راح يظهر و مب بسهولة تلاقي احد يعرف يغطي الرقعة بالبلاستر

شهادة تمام البناء يطلبون تركيب أبواب خارجية ؟؟؟؟ ولا مايهم ؟؟ ويطلبون تبليط الحوش ولا لا ؟
شهادة اتمام البناء لازم يكون كل شيء راكب و البيت نظيف من الداخل و الخارج ...يعني البيت صالح للسكن تمام من كهرباء و ماء...مدهون كامل و راكب ابواب و شبابيك و بلاط

يهتمون في خزان الماء للمجلس الخارجي والملحق ولا لا ؟؟ لان مب موجود في الخرايط ..
ما اعتقد يهتمون
الدرابزين متى يركب ؟ بعد تركيب رخام الدرج على طول ؟ ولا بعد الصبغ ؟
الصبغ النهائي اخر شي... يعني انت تقدر خلال اعمال البناء و التشطيبات الداخلية تدهن اساس و معجون و وجه اول بس خلي الوحه النهائي بالاخر و انا افضل انك تخلي اخر وجهين للاخر و ليس النهائي فقط



بالتوفيق و منزل مبارك ان شاء الله

[معماري قطري]

ما شاءالله عليك اختي مقاول

انا تشككت الكلام كلام مقاول رجال والإسم المستعار يبين لي وضحه بس قلت يمكن فيه شيء غلط .. ما شاء الله وتبارك الرحمن :)

[حسام سلامة]

الله يجعله منزل مبارك.

[مصنع المبارك]

الله يعينك ويتمم لك على خير