إغلاق مطعم شهير في «الفيلاجيو»

[غزلان]

إغلاق مطعم شهير في «الفيلاجيو»




كشرت بلدية الريان عن أنيابها في وجه مطعم شهير وارته عينها الحمراء وقررت إغلاقه.

المطعم الذي تم اغلاقه يقع في مجمع فيلاجيو لمخالفته قوانين البلدية والمتعلقة بالاشتراطات الصحية وقانون الأغذية المنتهية الصلاحية وغير الصالحة للاستهلاك الآدمي.

وتأتي هذه الإغلاقات من باب الحرص والتأكيد على دور البلدية المهم في تكثيف الرقابة على المؤسسات الغذائية في الــــدولة والتي تقـــــع ضمن النطاق الجــــغرافي لحدود بلدية الريان لضمان سلامة المواطن والمقيم.





المصدر (http://www.al-watan.com/viewnews.aspx?n=7EAAB7BB-BB0A-4615-8D25-6FED15DE788E&d=20121129)

[عطر فرنسي]

ياكثر المطاعم الوجبات السريعه فيها بلاوي العالم الله بس

[نوار قطر]

اي مطعم @@ ليكون يم يم ترى لان من يومين خواتي يقولون انه مسكر:rolleyes2:

[basma222]

بعد مطعم قصر البخاري اللى في ازغوة تسكر

[ask_and_get]

انزين اي مطعم خلنا نعرف ! ؟

[الحياة الخالدة]

مب سهلة بلدية الريان بعد .. كشرت عن أنيابهـــــا :)

[intesar]

ياحبكم للتشهير..
خلصت السوالف..

[@north_star@]

إغلاق مطعم شهير في «الفيلاجيو»




كشرت بلدية الريان عن أنيابها في وجه مطعم شهير وارته (أرته ) عينها الحمراء وقررت إغلاقه.

المطعم الذي تم اغلاقه (إغلاقه) يقع في مجمع فيلاجيو لمخالفته قوانين البلدية والمتعلقة بالاشتراطات (بالإشتراطات )الصحية وقانون الأغذية المنتهية الصلاحية وغير الصالحة للاستهلاك (للإستهلاك ) الآدمي.

وتأتي هذه الإغلاقات من باب الحرص والتأكيد على دور البلدية المهم في تكثيف الرقابة على المؤسسات الغذائية في الــــدولة والتي تقـــــع ضمن النطاق الجــــغرافي لحدود بلدية الريان لضمان سلامة المواطن والمقيم.





المصدر (http://www.al-watan.com/viewnews.aspx?n=7EAAB7BB-BB0A-4615-8D25-6FED15DE788E&d=20121129)

:omen2::omen2::omen2:

[نوار قطر]

:omen2::omen2::omen2:

نورث لا للهمزات ولا للتاء المربوطه :tease:

[ريتويت]

اتوقع فرايديز

[غزلان]

:omen2::omen2::omen2:


طرش تعديلاتك لجريدة الوطن انا مالي خص:deal:

[نوار قطر]

ياحبكم للتشهير..
خلصت السوالف..

ليش التشهير؟؟ خل الناس تعرف ويسوون حسابهم من هالمطاعم .. يعني محد بيعرف انه تسكر لمخالفته لشروط الصحه ؟؟ زين اذا رحنا المجمع بنشوف انه مسكر من البلديه مايبي له تشهير حبيبتي انتصار هو شاهر عمره بعمره:shy:

[غزلان]

ياحبكم للتشهير..
خلصت السوالف..


اي خلصت السوالف

اي تشهير الى تتكلمين عنه ؟؟

[تهامي باشا]

:omen2::omen2::omen2:

كلمتي (اشتراطات) و (استهلاك) تكتبان بدون همزه
أفضل طريقة للتعرف على همزة الوصل هي بإضافة حرف الواو قبل الكلمة، فإذا نطقت الهمزة تكون همزة قطع، وإن لم تنطقها فهي همزة وصل ولا تكتب همزتها في هذه الحالة مع وجود بعض الاستثناءات

شرايك فيني :victory:

[غزلان]

ليش التشهير؟؟ خل الناس تعرف ويسوون حسابهم من هالمطاعم .. يعني محد بيعرف انه تسكر لمخالفته لشروط الصحه ؟؟ زين اذا رحنا المجمع بنشوف انه مسكر من البلديه مايبي له تشهير حبيبتي انتصار هو شاهر عمره بعمره:shy:


نوار تيكت ايزي اذا عرفت اسمه بكتبه علشان التشهير يكون بجلاجل .. مطاعم ماتخاف من الله همها فلوس وربح على احساب صحة الناس :(

[Amigo]

بأختصار يم يم تري مادري جي اسمه ولا لا
المهم الي يسوي الباستا

[غزلان]

بأختصار يم يم تري مادري جي اسمه ولا لا
المهم الي يسوي الباستا


مشكور اخوي ماقصرت :nice:

واخيرا عرفنا اسمه يستاهل > :protest:

[نوار قطر]

نوار تيكت ايزي اذا عرفت اسمه بكتبه علشان التشهير يكون بجلاجل .. مطاعم ماتخاف من الله همها فلوس وربح على احساب صحة الناس :(



لا غزلان لا تعبين عمرج المطعم هو يم يم تري عاد هالمطعم اكثر مطعم يتسكر في كل الفروع مافي فرع الا وتسكر ومافي فايده منه والناس ذبحه عنده:secret:

[غزلان]

لا غزلان لا تعبين عمرج المطعم هو يم يم تري عاد هالمطعم اكثر مطعم يتسكر في كل الفروع مافي فرع الا وتسكر ومافي فايده منه والناس ذبحه عنده:secret:

اول مره اسمع عن هالمطعم ..

يستاهل خل يخافون باقي المطاعم

يختي اهم شي ياخذون لحساب مايهمهم نظافة الأكل الى يبيعونه عالم حراميه

[رهج السنابك]

غزلان ياليتها على النظافه بس

يقول لج اغذية منتهيه الصلاحية! يعني تسمم على طول

رغم انه ماشي واشوفه مايتعطل والناس طابور عنده غريبه يكون عنده اغذيه منتهية!

ان كان الدجاج والربيان ياخذون اللي تاريخه منتهي من الجمعيات ويطبخون فيه جايز

[دااانة قطر]

كلمتي (اشتراطات) و (استهلاك) تكتبان بدون همزه
أفضل طريقة للتعرف على همزة الوصل هي بإضافة حرف الواو قبل الكلمة، فإذا نطقت الهمزة تكون همزة قطع، وإن لم تنطقها فهي همزة وصل ولا تكتب همزتها في هذه الحالة مع وجود بعض الاستثناءات

شرايك فيني :victory:



يازين حصة القوااعد في اللغةالعربية

[نوار قطر]

اول مره اسمع عن هالمطعم ..

يستاهل خل يخافون باقي المطاعم

يختي اهم شي ياخذون لحساب مايهمهم نظافة الأكل الى يبيعونه عالم حراميه

لحد يسمج لا تفشلينا :secret: مطعم الباستا الي يسوي لج الباستا وتختارين الي تبينه وانتي واقفه :shy:

[حبر وقرطاس]

يا لبيه المطابخ الشعبيه

جيب الذبيحه فرش تنطبخ بنفس الوقت وطهي جيد جدا

وتصفى وتبهر

اااخ يا بطني ذكرتوني أضخم مشروع وقفي لوجه الله
السقايه والرفاده في مكه للحجاج
اكثر من الف خروف تنطبخ يوميا
لرجل الاعمال السعودي الشيخ عبدالله العمودي
كميات البهار واللحم والثوم والبصل والزعفران رهيبه
والا العيش يا ويل حالي

هههههههه

شوفوه فاليوتيوب
بلا يم يم بلا خرابيط

[حسن]

اي مطعم @@ ليكون يم يم ترى لان من يومين خواتي يقولون انه مسكر:rolleyes2:

بس اكيد هو مافي غيره
والله مافي احلى من مطعم يم يم البيت

:victory:

[مخطط قطري]

ياربه هب شك شاك!!!!!

[حسن]

لحد يسمج لا تفشلينا :secret: مطعم الباستا الي يسوي لج الباستا وتختارين الي تبينه وانتي واقفه :shy:

الله يعز النعمه مع هل الباستا وشو ذي بعد

[khaldoon]

تصدقون انا للحين ما دشيت فيلاجيو من فترة طويلة يعني من قبل انه ينحرق في 28/05/2012

[باراكودا]

بس اكيد هو مافي غيره
والله مافي احلى من مطعم يم يم البيت

:victory:

له فرع في لاندمارك يبيله تكشيرة بعد .

[intesar]

ليش التشهير؟؟ خل الناس تعرف ويسوون حسابهم من هالمطاعم .. يعني محد بيعرف انه تسكر لمخالفته لشروط الصحه ؟؟ زين اذا رحنا المجمع بنشوف انه مسكر من البلديه مايبي له تشهير حبيبتي انتصار هو شاهر عمره بعمره:shy:

مو كل المطاعم سبب التسكير.. يكون أكله مو نظيف.. هناك شروط كثيرة وكثيرة وكثيرة.. ما يعرف إلا اللي يكون بهذا المجال.. وهم الله يوفقهم.. جدا شديدين في أمور الضبط.. وأنا مع هذا.. لكن ما يحتاج تشهير.. وهذي أرزاق ناس.. ومو كل من تسكر محله يعني خالف النظافة العامة..

[intesar]

غزلان ياليتها على النظافه بس

يقول لج اغذية منتهيه الصلاحية! يعني تسمم على طول

رغم انه ماشي واشوفه مايتعطل والناس طابور عنده غريبه يكون عنده اغذيه منتهية!

ان كان الدجاج والربيان ياخذون اللي تاريخه منتهي من الجمعيات ويطبخون فيه جايز


وبدأت الإشاعات..

[(بوطلال)]

ياربه هب شك شاك!!!!!

ياربه هب

[نوار قطر]

الله يعز النعمه مع هل الباستا وشو ذي بعد


مطعم الباستا= مطعم يم يم تري :shy:

[Abdullah_89]

يم يم تري

اهو نفسه مس فنلنز اعتقد اسمه

صح ولا انا غلطان ؟

[نوار قطر]

مو كل المطاعم سبب التسكير.. يكون أكله مو نظيف.. هناك شروط كثيرة وكثيرة وكثيرة.. ما يعرف إلا اللي يكون بهذا المجال.. وهم الله يوفقهم.. جدا شديدين في أمور الضبط.. وأنا مع هذا.. لكن ما يحتاج تشهير.. وهذي أرزاق ناس.. ومو كل من تسكر محله يعني خالف النظافة العامة..


يم يم تري بالذات من اوصخ المطاعم والله العظيم ان فرع اللاند مارك كنت واقفه اطلب الا على الكوسا خنفسانه تدبي اساله شنو ذي قال لي هذي زيتون قلت له والزيتون يتمشى بين الكوسا :omg: قال سوري مدام وشل الكوسا على اساس انه يغيرها القصد ان ماعتقد ان يم يم تسكر لشروط غير النظافه :)

[نوار قطر]

يم يم تري

اهو نفسه مس فنلنز اعتقد اسمه

صح ولا انا غلطان ؟

اي صح هوو

[سعادة الوزير]

استغفر الله العظيم ، يعني وبعدين مع هالمطعم بالذات؟؟؟ لهالدرجة صاحب هالمطعم عرقه في الماي؟ فرعه الي في اللاندمارك متسكر مب اقل من 6 مرات لحد الآن بسبب الاشتراطات الصحية ، وآخر مرة من اقل من 3 شهور ، والحين فرع فيلاجيو الحقه!! ، يعني واحد مستهتر في حياة الناس لهالدرجة ، ليش لين الحين عنده سجل ورخصة ويزاول شغلته؟؟ ، المفروض انه ينسحب منه السجل على طول ، لان من الواضح انه مب راضي يعدل امورة!

[غزلان]

غزلان ياليتها على النظافه بس

يقول لج اغذية منتهيه الصلاحية! يعني تسمم على طول

رغم انه ماشي واشوفه مايتعطل والناس طابور عنده غريبه يكون عنده اغذيه منتهية!

ان كان الدجاج والربيان ياخذون اللي تاريخه منتهي من الجمعيات ويطبخون فيه جايز


معاج حق
اغذيه منتهيه الصلاحيه ومع قلة النظافه تسبب التسمم

حسبي الله عليهم يبون يكونون ثرواتهم على صحة الناس

[غزلان]

استغفر الله العظيم ، يعني وبعدين مع هالمطعم بالذات؟؟؟ لهالدرجة صاحب هالمطعم عرقه في الماي؟ فرعه الي في اللاندمارك متسكر مب اقل من 6 مرات لحد الآن بسبب الاشتراطات الصحية ، وآخر مرة من اقل من 3 شهور ، والحين فرع فيلاجيو الحقه!! ، يعني واحد مستهتر في حياة الناس لهالدرجة ، ليش لين الحين عنده سجل ورخصة ويزاول شغلته؟؟ ، المفروض انه ينسحب منه السجل على طول ، لان من الواضح انه مب راضي يعدل امورة!


ماشاء الله عليك اقتراحك احلى شي

يسحبون منه الترخيص خلهم يخافون شوي

[غزلان]

لحد يسمج لا تفشلينا :secret: مطعم الباستا الي يسوي لج الباستا وتختارين الي تبينه وانتي واقفه :shy:


زين اني ماعرفه دام باستته منتهيه صلاحيتها:(

[غزلان]

يا لبيه المطابخ الشعبيه

جيب الذبيحه فرش تنطبخ بنفس الوقت وطهي جيد جدا

وتصفى وتبهر

اااخ يا بطني ذكرتوني أضخم مشروع وقفي لوجه الله
السقايه والرفاده في مكه للحجاج
اكثر من الف خروف تنطبخ يوميا
لرجل الاعمال السعودي الشيخ عبدالله العمودي
كميات البهار واللحم والثوم والبصل والزعفران رهيبه
والا العيش يا ويل حالي

هههههههه

شوفوه فاليوتيوب
بلا يم يم بلا خرابيط


شفته الله يجزيه خير عمال نظاف ووجبات صحيه مب منتهيه صلاحيتها

[غزلان]

ياربه هب شك شاك!!!!!


قالوا يم يم:rolleyes2:

[غزلان]

بس اكيد هو مافي غيره
والله مافي احلى من مطعم يم يم البيت

:victory:


جبتها من الأخر:nice:

[بوعلي2]

مب سهلة بلدية الريان بعد .. كشرت عن أنيابهـــــا :)

اخ بطني يعورني :weeping: :shy: :tease:

[غزلان]

تصدقون انا للحين ما دشيت فيلاجيو من فترة طويلة يعني من قبل انه ينحرق في 28/05/2012


انا دشيته مره وحده الصبح لفيت على كم محل وطلعت

[غزلان]

له فرع في لاندمارك يبيله تكشيرة بعد .


الله يسمع منك الي مايخاف على صحة الناس الى تدفع حق الوجبه كامل مايلزمنا

[غزلان]

كلمتي (اشتراطات) و (استهلاك) تكتبان بدون همزه
أفضل طريقة للتعرف على همزة الوصل هي بإضافة حرف الواو قبل الكلمة، فإذا نطقت الهمزة تكون همزة قطع، وإن لم تنطقها فهي همزة وصل ولا تكتب همزتها في هذه الحالة مع وجود بعض الاستثناءات

شرايك فيني :victory:


طلعت الأول على الدفعه :omen2:

[غزلان]

يازين حصة القوااعد في اللغةالعربية


عقدتني هالحصه:weeping:

[غزلان]

ياكثر المطاعم الوجبات السريعه فيها بلاوي العالم الله بس


لازم البلديه ماتنسى تمر عليهم:secret:

[غزلان]

بعد مطعم قصر البخاري اللى في ازغوة تسكر


انعم واكرم :rolleyes2:

[غزلان]

مب سهلة بلدية الريان بعد .. كشرت عن أنيابهـــــا :)


تجننت البلديه من وصاخة المطاعم الى ماتخلص:telephone:

[العقل الحر]

ولا مره في حياتي كليت منه

حدي مطاعم الريان :victory:

بس انتصار زعلانه !

بسرعه اعترفي المطعم حق من ؟ :nice:

[غزلان]

ولا مره في حياتي كليت منه

حدي مطاعم الريان :victory:

بس انتصار زعلانه !

بسرعه اعترفي المطعم حق من ؟ :nice:


احسن لك اخوي اغلب مطاعم الدوحه صفر في النظافه والأهتمام بصلاحية الأغذيه

[العريق]

مو كل المطاعم سبب التسكير.. يكون أكله مو نظيف.. هناك شروط كثيرة وكثيرة وكثيرة.. ما يعرف إلا اللي يكون بهذا المجال.. وهم الله يوفقهم.. جدا شديدين في أمور الضبط.. وأنا مع هذا.. لكن ما يحتاج تشهير.. وهذي أرزاق ناس.. ومو كل من تسكر محله يعني خالف النظافة العامة..

هو المهم خالف الشروط سواء نظافة أو غيرها فلازم
يسكرونه و الناس اصحاب المحلات اذا اتهمهم ارزاقهم كان
طبقوا الشروط كلها

[┋أَجِوَدًيّ┋]

لا يكون بلدية الريان يوم كشرت عن انيابها كشرتها على كشك !

[غزلان]

هو المهم خالف الشروط سواء نظافة أو غيرها فلازم
يسكرونه و الناس اصحاب المحلات اذا اتهمهم ارزاقهم كان
طبقوا الشروط كلها



واهم شي صحة الناس امانه عندهم دامهم يدفعون فلوس يكفي ان كل شي غالي

[غزلان]

لا يكون بلدية الريان يوم كشرت عن انيابها كشرتها على كشك !





لا اخوي مطعم اسمه يم يم مب كشك

[الزعفراني]

الاغلاق مش مستغرب لكن المستغرب ان الناس عقب اغلاق المطعم ترد تأكل فيه :)

[khaldoon]

انا دشيته مره وحده الصبح لفيت على كم محل وطلعت

ما عندك دوام؟:secret:

[غزلان]

الاغلاق مش مستغرب لكن المستغرب ان الناس عقب اغلاق المطعم ترد تأكل فيه :)


وانا بعد مستغربه شلون تثقون فيه

في مطعم كنا ناخذ من عنده سندويشات فلافل سكروه مره وحده حرمنا ناخذ منه ولين الحين اذا مرينا صوبه يكون خاطرنا في الفلافل بس مانقدر

[غزلان]

ما عندك دوام؟:secret:


خلدون السبت فيه دوام:rolleyes2:

[ام ناصر1]

الاغلاق مش مستغرب لكن المستغرب ان الناس عقب اغلاق المطعم ترد تأكل فيه :)

ما اشوف فيها شي يمكن يحسن خدماته بعد الغلق ....:secret:

[غير البشر]

اليوم كنت بروح يم يم تري اللاند :eek5:

بس في اخر لحظه غيرت رايي ورحت تعشيت في شرق

شكلي بكنسل يم يم تري

[khaldoon]

خلدون السبت فيه دوام:rolleyes2:

ايه والله نسيت انه السبت مب دوام عند كثير من الناس..... الله يهنيكم يا رب :weeping:

[heart]

الحين اللي في اللاند مارك بيصير نظامي ألف وبيكون نظيف

[باراكودا]

توني جاى من فيلاجيو ومطعم يم يم مفتوح
يرجى تحرى الدقة مرة ثانية .

[intesar]

ولا مره في حياتي كليت منه

حدي مطاعم الريان :victory:

بس انتصار زعلانه !

بسرعه اعترفي المطعم حق من ؟ :nice:

هههههه.. وربي مو عارفه لمين.. بس لي بهذا المجال..
والضرب في الميت حرام..
وهذي أرزاق.. ومو كل من تسكر مطعمه طلعنا عليه كلام واشاعات..
حط نفسك مكان صاحب هذا المطعم.. بترضى اللي ينقال عنك والكل يحط افتراضات..

يمكن قبل كنت مثلكم.. لكن عودت نفسي بعد ما صار لي بهذا المجال نوعاً ما..
ما عندي مطعم ولا لي بشغل المطاعم..
وهذا الأخ يقول لكم المطعم شغال ومية فل.. يعني مطعم ثاني مسكر..

لما أبي أتكلم عن حد أحط نفسي مكانه.. ايش بيكون موقفي..
وأنا مو معصومة من الغلط.. بس ما يبيله راعيته تعصب علي..
أنا قلت رأيي بكل شفافية وصدق.. حتى لو فيها قسوة..

مو أحسن من إني أكون مع الخيل يا شقرا.. وأكذب عليها وأزيد النار حطب.. وكلمة مني وكلمة منك وكلمة من فلان.. ويطلع بالأخير الكلام مثلاً مو صحيح..
أنا ما أعرف أجامل.. قلت رأيي بصراحة..
بس معشر النساء ما يتقبلون نقد.. :rolleyes2::secret:

ودمتم بحفظ الرحمن..

[نوار قطر]

توني جاى من فيلاجيو ومطعم يم يم مفتوح
يرجى تحرى الدقة مرة ثانية .

يوم الاربعاء كان مسكر اخوي :)

[أسد الجزيرة]

هههههه.. وربي مو عارفه لمين.. بس لي بهذا المجال..
والضرب في الميت حرام..
وهذي أرزاق.. ومو كل من تسكر مطعمه طلعنا عليه كلام واشاعات..
حط نفسك مكان صاحب هذا المطعم.. بترضى اللي ينقال عنك والكل يحط افتراضات..

يمكن قبل كنت مثلكم.. لكن عودت نفسي بعد ما صار لي بهذا المجال نوعاً ما..
ما عندي مطعم ولا لي بشغل المطاعم..
وهذا الأخ يقول لكم المطعم شغال ومية فل.. يعني مطعم ثاني مسكر..

لما أبي أتكلم عن حد أحط نفسي مكانه.. ايش بيكون موقفي..
وأنا مو معصومة من الغلط.. بس ما يبيله راعيته تعصب علي..
أنا قلت رأيي بكل شفافية وصدق.. حتى لو فيها قسوة..

مو أحسن من إني أكون مع الخيل يا شقرا.. وأكذب عليها وأزيد النار حطب.. وكلمة مني وكلمة منك وكلمة من فلان.. ويطلع بالأخير الكلام مثلاً مو صحيح..
أنا ما أعرف أجامل.. قلت رأيي بصراحة..
بس معشر النساء ما يتقبلون نقد.. :rolleyes2::secret:

ودمتم بحفظ الرحمن..

المرة الجاية خلك مكان الزبون يوم يعوره بطنه و يروح الطواري بسبة المطاعم الي اكلها فاسد

[العميل 007]

ترى أكثرية المطاعم تم أغلاقها من قبل البلديه وهذا ما يعني أن مانأكل فيها مره ثانيه لانه راح يرجع ويحسن من خدماته وأرجع وأقول عليكم بأكل البيت أحسن لكم

[الجااارح]

يم يم مفتوح ::::: وين الأنياب اللي كشروها

[R 7 A L]

شدعوة لغز ماذكروا أسم المطعم

مع العلم ان البلدية مؤخراً قامت تذكراً اسامي المطاعم المخالفة

[باراكودا]

يوم الاربعاء كان مسكر اخوي :)

يعني تسكر لمدة أقل من شهر وهذا مخالف لقانون العقوبات :

- إغلاق المحل أو المكان الذي وقعت فيه الجريمة مدة لا تقل عن شهر و لا تجاوز ثلاثة أشهر، وتضاعف مدة
الإغلاق بحديها الأدنى والأقصى في حالة العود .
- نشر ملخص الحكم الصادر بالإدانة في جريدة أو جريدتين من الجرائد المحلية اليومية على نفقة المحكوم
بإدانته .
- الإبعاد من البلاد إذا آان المخالف أجنبيا ، ويتم الإبعاد بعد تنفيذ العقوبات الأخرى المحكوم بها .

وين أنياب بلدية الريان .

[سكتون]

الله يستر كلنا منه لي ماشبعنا

[khaldoon]

يا جماعة الخير..... مب معنى انه الواحد راح على مطعم غير مطابق للمواصفات الصحيه انه بيتسمم و بيموت لا قدر الله...... ممكن يحدث اسهال و نزلات معوية فقط نتيجة عدم نظافة او من هالاشياء..... يعني مثلا اللي عنده امساك مزمن و مشاكل بالهضم انصحه و بشدة انه يروح على هالمطاعم غير النظيفه و ان شاء الله اموره (سهالات):rolleyes2:

[intesar]

المرة الجاية خلك مكان الزبون يوم يعوره بطنه و يروح الطواري بسبة المطاعم الي اكلها فاسد

محد قال لكم تاكلون من المطاعم وبعدها تشتكون.. أكل البيت مافي أحلى منه..
حتى لو رحت الطواري.. ما شكيت.. لزني راح أكون إنسانة بقمة التفاهة.. واللا حضارية.. ياما صار سابقا وتسممنا.. يعني ما يبيله ولولة وصراخ..
ما عرف أفكر بمنطقكم.. أشوفه غريب..
صج المواطن عندنا طول الوقت يبي يشتكي.. ويوم ما حصل شيء.. قال المطعم الفلاني سممني.. واشتكى عليه..

[بوخالد911]

الحمدلله

النظافة مطلووووووبة

والجزاء من جنس العمل

[.. الكاش ..]

توالناس يابلديه الريان

[غزلان]

يعطيهم العافيه البلديه وبعد يبيهم جولات اكثر على هالمطاعم الى اسعار غاليه على اكل غير صحي يحروني ياخذون حسابهم ولا يهتمون بجودة الأكل المهم لحساب بس :( ,,من فتره ولد اخوي بغى يروح فيها لولا ربي لطف والسبب متريق مع اصدقاءه ريوق يعني مب غدا ولا عشا بمطعم ماصار له كم شهر فاتح:(

[ريم 28]

ترى أكثرية المطاعم تم أغلاقها من قبل البلديه وهذا ما يعني أن مانأكل فيها مره ثانيه لانه راح يرجع ويحسن من خدماته وأرجع وأقول عليكم بأكل البيت أحسن لكم

مع هذا الراي

ولكن احيانا اذا نتمشئ مع الاهل نضطر ناكل من المطاعم وانكمل التسوق :nice:

[R 7 A L]

قسم ( مراقبة الأغذية ) في بلدية الريان
كان في السابق ميه بالميه ويعملون المفتشين حتى في الليل ( شاف عيني )

اما الحين ماعاد شفناهم

[..الاميرة..]

عسى عسى :omen2:

[AL-MAYSTRO]

عدل شغلهم البلديه كفو عليهم

ولو ذاكرين اسم المطعم يكون احسن هذي مافيها ستر