توم وجيري في كاتارا !!

[بـــــدوي]

فيه ظاهرة منتشرة في هذه الفترة واشاهدها في كل مررره اروح فيها لكتارا وهي المطاردات بواسطةالسيارات من قبل بعض الشباب للبنات وبالذات اللي يسوقون ، بصراحه تضايقت وحز في نفسي ماوصل إليه حال بعض الشباب وماوصلت إليه اخلاقهم، هذا بإستثناء الحوادث وامكانية حدوثها والارتباك و و و . اتمنى تشاركوني باللي شفتوه وماانطباعكم بهذا الشي :playball:

[للصبر اخر]

صدقت اخوي
مره انا كنت بروح اللؤلؤه
وشاب طالع ورا بنت من كثر ماهو مايبي يظيعها بغى يدعمني
ولا همه اللي طالع بالدوار
الله يهديهم

[دفرنت]

الله يهدي الجميع

[حبر وقرطاس]

ياخي فرحتني بالعنوان وكدرني المضمون

[حسن]

والله يالبدوي ماقدر احكم لاني ماشفت ولا رحت الى مره ولا مرتين وماشوف فيه شي

قعده مجلسنا مع الربع ابرك من هل الاماكن

يبيلهم الشرطه المجتمعيه

[(بوطلال)]

مادري ليش تذكرت مثل شامي يقول :هيك مزبطه بدها هيك ختم-

[@الأدعم@]

الخرفان واجد مو بس بكتارا

[همر]

الخرفان واجد مو بس بكتارا


لو مافي نعاج.. مافي خرفان..

[عنيــــد]

العاقله محد يقرب صوبها ،، و اللي ضايقوها المره الجايه تلزم بيتها او لا تطلع لهالاماكن الا مع اهلها و على ضماني محد يفكر يقرب منها ،،

اقول هذا مع انكاري لمثل هالتصرفات و لكن من امن العقوبه اساء الادب

[intesar]

هههههههههه.. على بالي صج توم وجيري موجودين..

[@الأدعم@]

لو مافي نعاج.. مافي خرفان..



ودي يحطونهم في حوطه ونرتاح من هالاشكال

[Abdullah_89]

والله العظيم توني راجع من كتارا رحت اتغدى مع واحد من الربع كان عازمني


شي غريب فالمواقف مطاردات وعدم احترام


والبنات الله خير مكياج والعبايه وين والمشكله ان اهم اللي مطولين على صوت المسجل ويتحرشون

الغريب فالموضوع ماشفت ولا دوريه هناك على هالمصخره اللي كانت صايره

4 بنات في سياره يترقصون ووراهم كم موتر ؟؟ والثانيه ماحلالها تعدل المكياج الا وسط الزحمه يعني شوفوني ؟؟ ووحده كل مامرت على موتر كشخه عطت ريس بموترها ؟؟ ووحده تكع بريكات عشان اللي وراها يرقمها ؟؟



وين وصلنا ؟؟؟؟؟


بصراحه لاتعليق ؟؟؟؟؟

[ام ناصر1]

ع قولة المصريين ابنك ع ماتربيه ...الله يصلحهم وإن ما اصطلحوا الله ياخذهم

[عبدالعزيز الهتمي]

وعقب تأخذ رقمه أو تبلغ عليه الأمن وتعال بعدين أمن العاصمه وهلافيك في النيابه العامه وهي ترجع البيت معززه مكرمه ،،
ولكن قليل من تسوي هالسوالف والغالبيه مأعندهم مشكله

[H H]

على قول المثل , امسكو عنزكم تيسنا مايجيكم

[لاجل QT]

على بالة رجولة..تصرف فية الكثير من اهانة الرجولة

سبال الله يعزكم من مكان لين مكان دوارة ورة خلق الله

مايسوة علية هالتعرف

محد مستانس غير الاجانب مستغربين من طريقة المغازل الجيييب

[القحطاني505]

افضل ان الحريم ما يروحون لمثل هذي الأماكن

[XXX]

والله ان ودي اخذ زوجتي وبنتي ونروح كتارا
لكن من سوالف. االمصخره الي تصير هنناك ما اوديهم
اذا في ناس بايعين بناتهم للشباب وعيالهم صيه ف البيت وخرفان عند البنات
انا عندي هلي اغلئ ماعندي ومب مستعد. اوديهم يشوفون هالخمام

[ALZUBARAH]

صدقت اخوي
مره انا كنت بروح اللؤلؤه
وشاب طالع ورا بنت من كثر ماهو مايبي يظيعها بغى يدعمني
ولا همه اللي طالع بالدوار
الله يهديهم

اكيد حب من اول نظرة

[tawareq]

روحوا شوفوا البنات شمسوين في كتارا هم نفسهم يلحقون الشباب وقدل وفل مكياج ولبس الله يستر عليهم

والبنات اللي في سياراتهم حدث ولا حرج مطولين على الاغاني حده ورايحين وجايين بس علشان الشباب يلحقونهم

هذه الحقيقة

[الدبلوماسي]

والله ان ودي اخذ زوجتي وبنتي ونروح كتارا
لكن من سوالف. االمصخره الي تصير هنناك ما اوديهم
اذا في ناس بايعين بناتهم للشباب وعيالهم صيه ف البيت وخرفان عند البنات
انا عندي هلي اغلئ ماعندي ومب مستعد. اوديهم يشوفون هالخمام

كفووو عليك

[بنت شرق]

خساره والله إنه الشباب والبنات ما عندهم وعي ورقي بطرق التصرف بالمكان العام ...والا كتارا مكان جميل
الظاهر في مشكله بعقلية البعض أو إنه ماتربى على الدين والاخلاق والسنع

[بوخالد911]

الله يهديهم ويهديهن

وووين دور الفزعة ولا الشرطة المدنية؟!؟!؟!

[العميل 007]

إذا لم تستحي فاصنع ماشئت

[نوار قطر]

عمري مارحت كتارا بس واايد اسمع عن البلاوي والمصخره وبعدين ترى الشباب ماالحقو البنات مني والدرب شوفو البنات شمهببين وخلو روحهم مصخره حق اللي يسوى واللي مايسوى :)

[العميل 007]

عمري مارحت كتارا بس واايد اسمع عن البلاوي والمصخره وبعدين ترى الشباب ماالحقو البنات مني والدرب شوفو البنات شمهببين وخلو روحهم مصخره حق اللي يسوى واللي مايسوى :)

وأنا أيد كلامك ياأختي

[ريم 28]

ما لاحظته في كتارا في الآونه الاخيره ان البنات يصلون في المسجد

ولكن الشباب جالسين في السيارات واستعراض

ما الذي يمنعهم من الصلاه

بالفعل استغرب مما اراه هل وصل بهم الحال ان لا يصلوا والكل يراهم

نعم خرجت عن موضوع توم وجيري ولكن اوجه لهم نصيحه ان لا يتركوا الصلاه من اجل اي شي في الدنيا

الشباب والبنات يجب نصحهم

[" فـارس قـطر "]

الشباب يرقمون بنات خلق الله
وخلق الله يرقمون خواتهم او احد من اهاليهم

كما تدين تدان يالخروف

[وحيد-الشوق]

على قول المثل , امسكو عنزكم تيسنا مايجيكم

ههههههههههههههههههه حلو المثل :nice:

بس بعد الخرفان خرفان مادري شصار في العالم ماشافوا خير :rolleyes2: الي تسويه في بنات الناس بيسوونه في بناتك او خواتك او حتى مرتك الدين دين

انا دشيت كتارا مالقيت مكان اصف فيه من الزحمه ولين يومكم هذا مادخلته ولاشفت منه شيء بس دووم اسمع هالسوالف البايخه من فلان وعلان :telephone:

[راشد محمد]

الله يهديهم,,

[اليزوة]

البنات هم متبرجين ويعطون مجال للتحرش فيهم

[بـــــدوي]

ترى ماكتبت الموضوع إلا عن منظر مشين وشي ماتعودنا نشوفه عندنا ويسيئ لنا عند الكل ، اشكركم على تفاعلكم وردودكم ولو ان بعضها مالها داعي:playball:

[.. الكاش ..]

وليش ماتقول البنات هم الي يبون ويسون حركات وبعضهم يطولون على المسجل وغيره وغيره دايمن ضالمين الشباب

[عاهد بن علي]

آآآآآآآآآآآخ بس لو يحطوني مراقب عليهم:anger1:

[العريق]

و انا معاك أخوي بو علي

[حسن]

آآآآآآآآآآآخ بس لو يحطوني مراقب عليهم:anger1:

ابصملك بالعشره:victory:

[kitmat]

في كل مكان بس في كتارا أكثر

[bu_khalaf]

من امن العقوبة ساء الادب
اخي الكريم جبتها على الجرح والصراحة تحز في نفس كل واحد عنده غيره على اولاد وبنات هالوطن
اطالب الجهات الرقابية المسؤولة عن هذه الامور التشديد من فاعليتها وردع هذه السلوكيات السلبية.

واتمنى من كل رب اسرة ان يهتم في بأولاده وبناته ولا يترك لهم الحبل على الغارب، ماقول ان احنا ملائكة والكثير مر بهالتجربة او حاول ان يعيشها ولكن تختلف الجرأة و البيئة والزمن من شخص لآخر والناس تتجرأ لأن تشوف مافي رادع.
الله يرحم زمن جدي وجدك اللي كانت مجالسهم مدارس تعلمك امور الدين والحياة والادب والمرجلة والاخلاق الطيبة.
زمن كانت حزة الظهر بس حق حمارة القايلة ماتشوف آدمي في الشارع زمن الساعة 8 في الليل تشوف هالمسلسل وعقبه الاخبار وانت قاعد تتعشى في بيتكم ولانعرف مطاعم ولا قهاوي.

واذا كانت المدنية والحضارة والتطور تقتصر على مباني ومطاعم ومغازل فلا هلا ولا مرحبا وخلوني مع فكري المتخلف و الرجعي اللي ماراح يعجب لربما الكثيرين.

اعتذر لكل من اخطأت في حقه وعن كل لفظ قبيح بدر مني

فمان الله

[بونووف]

لو البنت ماتطلع متبرجه من بيتها ومتغنجه ولابسه عباية مطوعه ولا تحت تور وحزام اسود والشيله محد والعطر ريحته تحك خشمك كان ماشفت هالشباب وراهم ....وفي بنات يتفاخرون بكم خروف وراها وكم واحد لحقها ...

وعلى قولة اخوي لو مافي نعاج مافي خرفان

الله يهدي الجميع

[بومحمد المطاوعه]

مصخره بعيد الشر

الصراحه العيب مب بس من الشباب

البنت الي تخاف ربها محد كفوو يتحرش فيها

بس للأسف نظره ثم ابتسامه

اهي اشاره للشباب

اما لو في حالها والله محد بيتحرش

الا بعض الشباب الي مايحترمون انفسهم

اي بنت لو ضايقها اي شاب في الشارع

في شي اسمه رقم السياره

تسجله وتسحبه نفس الخاروف في المركز

بس للأسف بعض الحريم يحبون حد يتحرش فيهم ولو تحرشو وتضايقت تتكلم وتقول والله تحرشو فيني

الله المستعان بس

[مهره]

كتارا صارت تلوع الجبد من الاجانب والزحمة الي فيها ولا كانك في الفلبين قاعد استغفر الله وزحمه ولا في مواقف والبنات اللهم يا كافي عرض لكل انواع واشكال العبايات والمكياج الله يستر علي بناتنا ويهدي الجميع

[بـــــدوي]

لكل من تفاعل بالرد واللي يعتبر اضافه للموضوع


اشكركم :victory:

[bo_s3ood]

مره دخلت كتارا تمشايه مع رفيقي في الموتر

والله اني شفت العكس كنت اسولف معه ومندمج الا سمعت موتر جمبي في الزحمه ومشغل اغاني بصوت عالي ويوم التفت عليه الا دريول قلت هذا خبل بوهنود يوم قدم موتره الا بنت قاعده ورى وهي الي توزع ابتسامات حق الكل رفعت القزازه وقلت حق رفيقي هذا الدوار واطلع منه
صدق في شباب هناك ماتسحتي بس بعد في بنات مايستحون مفروض الامن الي متواجد يتحرك مب بس ينظم في الزحمه انتم تشوفون في امن قطريين هناك يسكرون دوار ويفتحون الثاني مفروض هم الي يشوفونه غلط يعطونه تنبيه ولا يقومون بطرده من المكان بكبره

[ريتويت]

فيه ظاهرة منتشرة في هذه الفترة واشاهدها في كل مررره اروح فيها لكتارا وهي المطاردات بواسطةالسيارات من قبل بعض الشباب للبنات وبالذات اللي يسوقون ، بصراحه تضايقت وحز في نفسي ماوصل إليه حال بعض الشباب وماوصلت إليه اخلاقهم، هذا بإستثناء الحوادث وامكانية حدوثها والارتباك و و و . اتمنى تشاركوني باللي شفتوه وماانطباعكم بهذا الشي :playball:

توم اند جيري كرتون محترم مارضى عليهم

[لمعة الالماس]

كل مكان حلو يفتح بالدوحة

هذي الفئة من الشباب والبنات للاسف تخربه وتوصخه

ياليت يكون في رقابة اكثر من الامن والدوريات

وصج نشوف وايد بنات هالايام يطولون على الاغاني ويترقصون وكل شي فيهم طالع وعلى فكرة هم اللي يجيبون الكلام لنفسهم


ياليت الكل يبلغ عن الناس اللي تضايقهم سواء بنت والا شاب ونعطي المرور رقم السيارة ونخلي القانون يجري مجراه

عشان هالفئة تتأدب :)