بتشرى وبترس جاري وعليك الدفع

[عيون الدوحة]

نناشد السلطات المختصة مراقب هذي التصرفات الي زادة عن الحد

اليوم جاني اتصال من اختي تطلب فلوس رحت فرع الستي وسحبت لها وتواعدت معاها في التموين العائلي فرع النصر
سلمت اختي الفلوس وانا اتمشى ابي اطلع شفت مشهد وحدة منقبة جالس تكلم واحد لابس ثوب وغترة وعقال بس شكلة مب خليجي
وتقول له تكفى عطني فلوس وتتشكى وصوتها من احل الشام
المهم وقفت وقلت لها الحين تجين معاي صوب الباب في ناس ينطرونكم برع اقصد الشرطة
جان وحدة كانت واقفة قدامة تسرع وتطلع ركيض من المكان
والثانية تقول ان عندي فلوس ححاسب العربية لحالي
وصلت الكاشير دفت الجاري وشررررردة ركيض في شارع النصر

نطالب الجهات المختصة بعمل اللازم مع هذي الفئة الدخيلة على المجتمع

[المرحب]

الله المستعــان


من آمــن العقوبــة

أســـــاء الأدب

ما فيه أحد يردعهــــم

[BoFahed]

هذي معروفة ومشهورة جدا ولاخوان في المنتدا تكلموا عنها وايد

[الأصيلة]

ياكثرهم وبالذات في السوبرماركات الكبيرة
شفناهم في سبنز في المول ..
والأخت كانت ها المرة قطرية تملا العربة بكل مالذ وطاب
وتوقف عند الكاشير وتتصيد الناس
وتطلب منهم يدفعون لها العربه لأنه ماعندها فلوس
وتستلم البضاعة وتكمل التمشي في السوق...

[العقل الحر]

ياجماعه في ناس فعلا محتاجين تموين للبيت ولكنهم لا يملكون واذا كانت مساعده مره في العمر فلن تخسر شي وتكون في ميزان حسناتك

اما اذا الامر تكرر مع شخص بعينه فالامر اكيد عمليه نصب يجب ان توقف عند حدها

[عيون الدوحة]

الله المستعــان


من آمــن العقوبــة

أســـــاء الأدب

ما فيه أحد يردعهــــم

من هذا المنتدى نطالب الجهات المختصة تفعيل دورها بهذا الشأن
واطالب جميع الاعضاء وزوار المنتدى للتكاتف وعدم اعطاء هذي الفئة اي فرصة لاستغلال الناس

[العريق]

بصراحة هذا منظر غير حضاري و المفروض الجهات المختصة تشوف لهم حل
و حدث معاي شخصياً هذا في فيلاجيو عند البوابة رقم واحد و أنا خارج حيث اقتربت مني امرأة متنقبة و بعباية و اسعة و قفازات سوداء تطلب المساعدة. و كان الوقت بعد التاسعة و النصف تقريباً و صديتها ليس لشي فقط لعدم تشجيعها أو تشجيع غيرها و على طول توجهت للقادم و يريد الدخول من البوابة يعني مثل
ما نقول ما ضيعت وقتها و بصراحة ما عرفت بمن اتصل و على علمي هناك جهة تمسك
المتسولين بس ما أعرف رقمهم .

[عيون الدوحة]

هذي معروفة ومشهورة جدا ولاخوان في المنتدا تكلموا عنها وايد

هي مب وحدة بس
هم يعتبرون خلية وموزعين على اكثر من مكان

[راشد محمد]

فعلا انا شفتها في كارفور اللاند..جات تكلمني طنشت ومشيت عنها.لانه الاعضاء اكتبوا عنها من فتره

[(بوطلال)]

ماتدرون يمكن محتاجه , الي يبي يسوي خير يسويه ولي مايبي يقول لها الله كريم. ونتهى الموضوع .ماتدرون بأحوال الناس

[basma222]

انا بعح حصل لي هالموقف في سوبرماكت جراند في الخريطيات

طلبت منى فلوس

قالت لها الحين اخر الشهر و ماعندي فلوس

[مشاكل]

( وأما السائل فلا تنهر )
صدق الله العظيم

[البحار00]

مرتين ونفس الحرمه

صادفتها عند سوبرماركت عالم الاغذيه في محطه بترول اللاندمارك

واقفه عند الباب واول ما شافتني قالت لي ارجوك خذ لي اي شيء ااكل عيالي به

ماعندي شيء لهم يأكلونه قلت لها انتي ايش جنسيتج لان هي منقبه

اقسمت بالله العظيم انها فلسطينيه

كسرت خاطري شفت الدمعه في عينها

قلت لها ايش الي تبينه بالضبط قالت ابي رز وزيت

خذت لها خيشه عيش وكرتون زيت

[فرهود]

عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: ( قَالَ رَجُلٌ لَأَتَصَدَّقَنَّ بِصَدَقَةٍ فَخَرَجَ بِصَدَقَتِهِ فَوَضَعَهَا فِي يَدِ سَارِقٍ, فَأَصْبَحُوا يَتَحَدَّثُونَ تُصُدِّقَ عَلَى سَارِقٍ, فَقَالَ: اللَّهُمَّ لَكَ الْحَمْدُ لَأَتَصَدَّقَنَّ بِصَدَقَةٍ, فَخَرَجَ بِصَدَقَتِهِ فَوَضَعَهَا فِي يَدَيْ زَانِيَةٍ, فَأَصْبَحُوا يَتَحَدَّثُونَ تُصُدِّقَ اللَّيْلَةَ عَلَى زَانِيَةٍ, فَقَالَ: اللَّهُمَّ لَكَ الْحَمْدُ عَلَى زَانِيَةٍ لَأَتَصَدَّقَنَّ بِصَدَقَةٍ, فَخَرَجَ بِصَدَقَتِهِ فَوَضَعَهَا فِي يَدَيْ غَنِيٍّ, فَأَصْبَحُوا يَتَحَدَّثُونَ تُصُدِّقَ عَلَى غَنِيٍّ, فَقَالَ: اللَّهُمَّ لَكَ الْحَمْدُ عَلَى سَارِقٍ وَعَلَى زَانِيَةٍ وَعَلَى غَنِيٍّ, فَأُتِيَ فَقِيلَ لَهُ: أَمَّا صَدَقَتُكَ عَلَى سَارِقٍ فَلَعَلَّهُ أَنْ يَسْتَعِفَّ عَنْ سَرِقَتِهِ, وَأَمَّا الزَّانِيَةُ فَلَعَلَّهَا أَنْ تَسْتَعِفَّ عَنْ زِنَاهَا, وَأَمَّا الْغَنِيُّ فَلَعَلَّهُ يَعْتَبِرُ فَيُنْفِقُ مِمَّا أَعْطَاهُ اللَّهُ ).

[طبيب قطري]

انا لاحظتهم مب بس في الجمعيات ولكن أيضاً في المجمعات الطبيه يقعدون في الانتظار جنب المرضي ويطلبون منهم فلوس لشراء ادويه او للمواصلات وطبعا يدعونلك بالشفاء فما تقدر ترد طلبهم..

[وحيد-الشوق]

ياما ناس تحتاج بس مب جذي ياجماعة

[حنظلة]

والله عيب وماقد سمعنا عن احد مات من الجوع واهل الخير والجمعيات الخيرية ماتقصر مع المحتاج وحنا بديرة الخير بس في ناس نفوسهم ضعيفة ويستغلون طيبة الناس

[elders]

( وأما السائل فلا تنهر )
صدق الله العظيم

صدق الله العظيم

[حفيد الأنصار]

الحمد لله حمدا كثيرا طيبا مبارك

[alsoq]

يا جماعه لا تنسون اللي في نعيجه يمكن منهم وهم يتكلمون قطري وبالذات ها الناس جد محتاجه من يتصدق عليهم