نقاش بخصوص دبي __ شفيها غير المولات ؟

[jinfo]

السلام عليكم ورحمة الله وبركاته


على ضوء بعض الردود في موضوع بعنوان : كيف نقتل الملل في قطر ؟ "عرض الموضوع" (http://qatarshares.com/vb/showthread.php?t=529829)

هناك كلام يقول" أشفيها قطر غير المولات ؟ وش نستفيد من الدوارة في المولات ؟ طاحت رجولنا من المشي في المولات ؟" :anger1:

أوكي أنا عن نفسي إذا رحت دبي .. ما أشوف أيضاً إلا المولات بعد ..

والفرق أن مولاتهم أكبر .. يعني بتطيح رجولك أكثر .. يعني تعب أكثر .. مشي أكثر ..

نأتي للمهم ..

أخوانا الي قولون في سياحة في دبي غير المولات والمطاعم وضحوا لنا أكثر .

وين تروح في دبي ؟
وشتسوي ؟


ملاحظة :
أتمنا الي يكتب لنا في الموضوع يكتب عن شي جربة شخصياً ولا ينقل تجارب غيرة


في أنتظار تفاعلكم ليستفيد الجميع .

[Riku3]

اخر مره سكنت في شنغريلا على شارع زايد .. كنت انزل مشي الاقي مطاعم مميزه حولي ( مطعم صدف كان مسويلي شغل هههه ) ووراي جمعيه ومسجد كبير والمجمعات قريبه ..

حتى فنادقهم رخيصه مع ان عليها حركه ! .. تقدر تسكن من 250 لين 1000 وفنادق فخمه ومميزة .. عندنا فنادق فاضيه ماتسوى سعرها فوق الـ 500 باليوم .. والي يكون جيد من 1000 لين 2000 وطالع حق غرف ما تسوى والله !! .. حتى اسلوبهم تحس محترمين لان الكل سائح اما في الدوحة يضحكون للاجانب ويضحكون على القطري ..

في اغراض ما تحصل مثلها بالدوحة لان سوقهم كبير ومتنوع ..

اسعار السلع ارخص بكثير ولو تنتقل للامارات الثانية مثل الشارقه تتشرى بأسعار 50% اقل من الدوحة وهم قاصين عليك وانت تدري بس راضي ههههه ..

ما انسى يوم دخلت مجمع في عجمان حصلت العاب لليهال بدرهمين الى 5 دراهم !! .. والله نفسهم لو في الدوحة ما يقل عن 20 و 40 ريال .. غير ملابس النوم لليهال شريت من 15 الى 30 وبأحلى الاشكال .. لو عندنا بـ 35 وتلاقيه ستاندر بس طابعين رسمه على القميص ..

الدوحة زحمة ما تدري ليش .. دوارات عقيمه وشوارع ضيقه وبين كل شارع وشارع في اشارات والناس ما تمشي ومافي مواقف ومنطقه الخليج الغربي كل شي فوق الثاني ولا تدري شالسالفة ..

عندهم في دبي اماكن سياحيه كثيرة مثل جميرا واطلنطس ودبي مول وواد وادي وغيره وغيره الكثير ما اقدر احدد كل شي اللحين .. شنو عندنا بهالمستويات ؟ .. مافي الا حديقة سباير الي احس انها تتحداهم اما كتارا او اللؤلوة تحس انك غريب لو رحت هناك !! .. وسوق واقف كان بيكون حلو لو خفو المطاعم والتدخين الي فيه .

بس تبي الصج .. بس تقعد كم يوم هناك تشتااااااااااااااااااق للدوحة وشوارعها :] .. قطر فيها روح وللحين ماسكين في عاداتنا وتقاليدنا واي واحد راح دبي يستغرب وين اهلها لان الاجانب غازين المكان .. وامارات مول بس تدخله تحس انك داش مرقص من الملابس الفاضحه ، اكره هالمجمع اما دبي مول حلو .

[الخزرجي قطر]

دبي حدها يومين وتزهق منها مافي غير المولات او التسوق وبس
الدوحه فيها مولات بس مشكلتها ارتفاع الاسعار وكذلك اسعار الفنادق
عندنا مرتفعه يكفي انه عندنا سوق واقف هيئة السياحه يبيلهم تطوير البرامج السياحيه

[باراكودا]

اللى لحق على دبى في نهاية الثمانينيات شاف دبي دار الحي
أما الان فدبي دار الاجانب كل شىء فيها له طابع مادي كل حركة
فيها لابد ان تدفع مبلغ عليها لسالك بل اذا اردت أن تقف لابد ان تدفع مبلغ للبلدية
أما اسعار الفنادق فحدث ولاحرج كلها فوق 800 ريال من اربع نجوم وانت طالع
أما المطاعم والمقاهى اسعارها تضاهي اسعار اوروبا بل اوروبا ارخص
أما اسعار السلع اصبحت تضاهي اسعار الدوحة وتتميز عنها الدوحة بالضمان
يجب علينا وضع علامة أكس على دبي .

[Mohammed2]

غير المولات عندك الجي بي ار ( الممشى )
عندك الوايلد وادي
اكوافنجر ( أتلانتس )
شارع جميره
القرية العالمية
برج خليفة
وعند برج خليفة النافورة الراقصه

وطبعا مولاتهم غير عن المولات في قطر
في دبي المولات كبيره ومتوفر فيها كل شي من وسائل الترفيه
يعني دبي مول بروحه يحتاج يوم كامل او يومين
وماينمل منه الصراحه

والناس يروحون دبي لأنها الصرحه مدينه حلوة شوارعها حلوة
الطلعه فيها وين ماتروح تستانس مع ربعك
غير ان الكثير من القطريين يعرفون ناس من الامارات هناك ويطلعون معاهم

يعني بلد حيه وماينمل منها

انا عن نفسي كل سنه لازم اروح دبي مره او اكثر
ومع ذلك ما أمل

[musel999]

انا دايم اروح دبي
اذا مع عايله
دبي مول ومطاعمه و محلاته والحديقه المائيه اللي فيه وحديقة الحيوانات اللي فيه
هالايام فيه شي اسمه القريه العالميه لا تطوفك عجيييبه وعائليه حاول تروح لها في غير ويك اند لانها فل
السوق الصيني وامارات مول وممكن تروح لفراري ورلد فراري ورلد يبيلها يوم كامل بروحها اطلع من الصبح روح صوب ابوظبي و استانس لين يصكرون واذا زحمه خذ تذاكر في اي بي وفيه ماااكن كثير ماتحضرني اللحين

اذا شباب
الجميره الجي بي ار وبعد المجمعات ورح الشارقه مر علي الصناعيه هناك ضبط موترك واي شي ينقصك جيبه من هناك
مر العين جبل حفيت


فيه جدول دايم اروح دبي والامارات ومازهق غير انه ابوظبي بعد في اماكن

[WhiteBeard]

بكل اختصار... النقاط الي تخلي الناس تروح دبي.

1- دبي تعتبر أفضل وجهة سياحية قريبة من قطر، للي يحب يغير جو بشكل سريع .. يومين إلى أسبوع، منها إن دبي قريبة فتقدر تقبض الخط مع عيالك أو ربعك بالسيارة... سياحة إكسبرس.

2- ودبي نفسها، تتميز عن السعودية والكويت والبحرين من ناحية توفر الفنادق والمجمعات والفعاليات الثانية، فعلى أقل تقدير هي تعتبر أفضل وجهة سياحية قريبة من دون شك.

أذكر مرة قريت تقرير من أحد مراكز أبحاث المعلومات ... إن كلمة (Dubai) ذكرت أكثر من كلمة (China) في عام 2011 على مستوى شبكة الإنترنت... فهذا إن دل على شيء إنما يدل على حجم سمعتها وانتشار ذكرها.

3- ما يضحكوني إلا ربعنا يوم يقارنون لك قطر بدبي، وإنها منافسه لها، شتااااااااااان... قطر يبيلها 30 سنة تشتغل بشكل محترم حتى توصل مواصيل دبي الحين... والحين نسمع عن مدينة دبي المرحلة الثالثة ... (مدينة محمد بن راشد) ... يعني بعد مب ملحقين..

وهذي نبذة إقتبستها عن خبر للمشروع...


أطلق صاحب السمو الشيخ محمد بن راشد آل مكتوم، نائب رئيس الدولة رئيس مجلس الوزراء حاكم دبي، رعاه الله، مشروع إنشاء مدينة جديدة داخل إمارة دبي تحمل اسم “مدينة محمد بن راشد” وتتكون من أربعة قطاعات رئيسة يركز القطاع الأول على السياحة العائلية، ويضم حديقة مجهزة لاستقبال 35 مليون زائر وأكبر مركز ترفيهي عائلي في الشرق الأوسط وإفريقيا وشبه القارة الهندية بالتعاون مع استوديوهات يونيفرسال ومئات المنشآت الفندقية التي تلبي احتياجات الزوار من المنطقة، ويركز القطاع الثاني على التسوق ويضم أكبر مركز تجاري في العالم، أما القطاع الثالث فيشمل تطوير منطقة فريدة من نوعها تركز بشكل أساس على توفير بيئة جديدة ومتكاملة لريادة الأعمال والابتكار في المنطقة، ويشمل القطاع الرابع بناء منطقة متكاملة للمعارض وصالات العرض ستكون الأكبر في منطقة الشرق الأوسط وشمال إفريقيا .


وأكد سموه “أن مرافق دبي الحالية لن تلبي طموحاتنا خلال السنوات المقبلة، ما يحتم علينا البدء في المرحلة الثالثة من بناء إمارة دبي، وتعزيز اقتصاد دولة الإمارات ليدخل مرحلة جديدة نكون فيها عاصمة في ريادة الأعمال والابتكار والسياحة العائلية لمنطقة تحيط بنا على بعد أربع ساعات فقط وتضم أكثر من ملياري نسمة” .


وقال صاحب السمو الشيخ محمد بن راشد آل مكتوم “إن نسب النمو الحالية المتسارعة تحتم علينا الاستعداد مبكراً، فخلال 6 سنوات فقط سيصل عدد المسافرين عبر مطار دبي أكثر من 90 مليون نسمة، وزوارنا حاليا يجدون صعوبة لأن الفنادق بها أعلى نسبة إشغال في العالم، ومبيعات التجزئة تتضاعف كل أربع سنوات تقريباً، وصناعة المعارض تتضاعف كل خمس سنوات، إذا لم نبادر بصنع المستقبل الآن، فستصنعه لنا الظروف المحيطة بنا، ولدينا إصرار على الوصول للمراكز الأولى عالمياً” .


وأكد صاحب السمو الشيخ محمد بن راشد في ختام تصريحه بأن لدينا رؤية، وطموحاتنا كبيرة، والمستقبل لا ينتظر المترددين، نحن لا نتوقع المستقبل نحن نصنعنه”، وتضم المدينة الواقعة بين شارع الإمارات وشارع الخيل مع شارع الشيخ زايد مشروع حدائق محمد بن راشد وتتصل مع دوان تاون دبي والخليج التجاري عبر معبر سيطلق عليه المعبر الثقافي ويضم عشرات المعارض الثقافية وصالات العرض .

http://www.mubasher.info/portal/DFM/getDetailsStory.html?storyId=2200331&goToHomePageParam=true

[لمعة الالماس]

دبي حلوة وتونس والي يرزح لها يستانس

مجمعاتهم عجيبه وبضاعتهم حلوة

الاماكن الترفيهية روعة

المطاعم تجنن ولذيذة

بس يبي لها ميزانية وصرف

[نوار قطر]

دبي صح مافيها غير المولات بس فيها محلات مب موجوده في قطر :nice:

بس لا والله فيها اماكن الواحد يتمشى فيها مع اني مااحب اضيع يومي في التمشي ولبي اتسوق :rolleyes2:

حتى اماكن الالعاب عندهم كيدزانيا بروحه عجبه مدينه متكامله والله ان احنا الكبار يدش في خاطرنا نلعب بدال اليهال


دبي غير جوها غير كلها على بعضها غيررر

[راشد محمد]

اي والله دبي غير ...
دبي مول وامارات مول وكيدزانيا والسوق الصيني والقرية العااليمية والوايلدوادي ووق نايف كفاية

[العريق]

هي المسألة ليست دبي أو قطر من الافضل هو مجرد السفر و تغير الجو يعطيك الأحساس
بأن المكان الذي تذهب إليه رائع فكيف إذا كان المكان هذا دبي الذي فيه كل ما يحتاجه المسافر
من فنادق و مطاعم و مولات و تنزهات و ألعاب أضافه الى قربها سواء طيارة أو سيارة و جو حلو يجعلك أول ما تحس بالملل و ضغط العمل على طول دبي يومين و أنت راجع .
و هذا ليس معنى ان قطر أقل بالعكس قطر فيها كل ما سبق و أهل الأمارات يحبون قطر
و جوها و تسوقها و كل شيء فيها .
( يعني في النهاية هو التغييييييير )

[kka]

الشعب القطري يحب المطعم والتسوق وهذا موجود في دبي

[.. الكاش ..]

دبي دار الحي تروح شايب وترجع صبي والله بصراحه لو بتكلم عن دبي وله منشئاته وله السياحه وله البنيه التحتيه بيعجز الساني والكتاب باين من عنوانه واخواني الاعضاء ماقصرو في الكتابه وشرح الاماكن واضيف عليكم مشروع مدينه ترفيهيه وبناء 100 فندق واكبر موووووووووووووووول في العالم واذا قلت مول نعم مول مجهز من جميع انواع الترفيه وتشطيب راااااااااااقي حتى الارضيه جرانيت مب سراميك وغير شارع ذى ووك ستريت وغير مجموعه مطاعم وترفيه ميناء السلام

[الكنترول]

صج دبي غير // كل سنة اروح دبي مع العائلة
واتنقل من مدينة إلى مدينة ،،،،

ولا أمل ولما أرجع إلى أرض الوطن أحن للعودة لدبي

بلاد الحي

[مهره]

والله لو قلتو ما قلتو تروحون وتلفون العالم ومردكم لدبي واهلها اقرب اجازة دبي علي طول بس هالنتقادات لازم منها بلد اجانب وبلد ماعرف شو واحنا ماشا الله بلد شو خلوني ساكته اخاف تتحول عاصمتنا الي مانيلا رقم 2

[بونووف]

على حسب الي مسافر اذا كان يحب يتمشى ولا يحب يروح حق الاشياء الترفيهيه


عن نفسي الاشياء الترفيهيه اكثر في دبي او بالاحرى الامارات بكبرها:
1-المدن المائيه:وايلد وادي و اتلانتس
2- المدينه الثلجيه: ايس لاند في راس الخيمه و اللي في مول الامارات
3- اوتو دروم في حلبة مواتر تقدر تدفع فلوس وتسوق المواتر اللي عندهم وعندهم حلبة كارت وحده برع وحده في صاله وفيها ليزر تاق
4-مدينة فراري
5- بينتبول في الشارقه
6- الرمايه داخليه وخارجيه في الشارقه
7- سكاي دايفينق من جي بي ار

غير الترفيه عندكم اماكن للتمشي:
1- الجي بي ار (الممشى)
2- مارينا بعد ممشى
3- البحيره اللي عند برج خليفه
4-جبل حفيد فالعين

شاليهات
1- فيها كذا شاليه بس ماعرف اساميهم
2- جبل حفيد تحت في شاليه

وطبعا المجمعات اللي على أفا من يشيل

[sweet qatar]

دبي اول ماطلع مهرجان التسوق مافيها الا كم مجمع.. لكنها سنة ورا سنة تتطور وتبهرنا..

فبليز لحد يبالغ ويقارنها بقطر..
اولا مافي ديرة بالدنيا تسوى شبر من أرضي الغالية..
ثانيا.. قطر بدت بخطوات سياحية بسيطة لكن للاسف كل خطوة لقدام نخسر معاها الكثير والكثير من تقاليدنا واعرافنا..



عن نفسي احب دبي للشوبنج والتمشي.. ولليهال اتلانتيس وكيدزانيا ..
لكن افضل عليها ابوظبي.. عالم فيراري وحلبة مرسى ياس..هنا الابداااااااااع صح .. :victory:

[مشاكل]

نص السيّاح في دبي من اوروبا وتشوف الانبهار بعيونهم

[باراكودا]

ول عليها دبى حتى المشاهدة ياخذون عليها فلوس جرب أقعد في مطعم
يطل على برج خليفة ماباقي غير الهواء ياخذون عليه فلوس حطوا على دبى xx

[نوار قطر]

ول عليها دبى حتى المشاهدة ياخذون عليها فلوس جرب أقعد في مطعم
يطل على برج خليفة ماباقي غير الهواء ياخذون عليه فلوس حطوا على دبى xx

اي فعلا مطاعم دبي مول دخلت كذا مطعم يطل على النافوره الراقصه مطعم قالو لنا تقعدون الشخص مايطلب اقل من 70 ريال قلنا لهم اوكى المطاعم الثانيه ومنها برج الحمام قالو بعد لازم تطلبون ،، زين احنا داخلين مطعم اكيد بنطلب مب قاعدين انتطمش :rolleyes2:

[الزلزال]

دبي سوق تجاري افضل و ارخص معا نفس الجوده لجميع السلع تقريبا حتا قطع الغيار السيارات

تحياتي

[دااانة قطر]

ناويه اشبك أجازة اليوم الوطني مع الأربعاء والخميس والجمعة وأعود السبت

بصراحة مجرد السفر ترويح للنفس والإمارات اقرب ديرة وكلها امان

[Kbusiness]

من اشتاق لمملكة علاء الدين .. الصراحه احنا ينقصنا مدينة ترفيهية للكبار مثل ممكلة علاء الدين اول واكبر شوي تكون شاملة كافة الالعاب نفس ديزني لاند في فرنسا

[بونووف]

من اشتاق لمملكة علاء الدين .. الصراحه احنا ينقصنا مدينة ترفيهية للكبار مثل ممكلة علاء الدين اول واكبر شوي تكون شاملة كافة الالعاب نفس ديزني لاند في فرنسا

والله انا اشتقت للمدن الترفيهيه قطار الموت :eek5:


ديزني لاند باريس
hollywood tower hotel :secret:

اتمنى يسوون لنه مدينه ترفيهيه للكبار نفس six flags


كانت في اخبار انه بيسون ديزني لاند في قطر ولا قمت اتخيل :telephone:..؟

[رمان]

القرية العــــــــــــــــــــــــــــــــــــــــالمية
https://www.facebook.com/GlobalVillageAE?ref=ts&fref=ts

[عاهد بن علي]

انه الي يعجبني في دبي انها ( دبي )

[التأمل]

بصراحه انا من كثر ما قالوا دبي دبي
قلت خليني اروح واشوف دبي
ما فيها حاجه تفرق عن الدوحه بالعكس الدوحه بنظري احسن
الواحد يروح البلدان عشان يشوف اهلها والعادات والتقاليد والطبيعه والاشجار
يعني اي بلد حلوه باهلها وطبيعتها
اما دبي في عندهم خلل في التركيبه السكانيه معظم البلد هنود والباقي من الصين
والعرب معدودين علي الاصابع اما اماراتي ما شفت ولا احد
في الدوحه تطلع اي مجمع او مول تلاقي القطري والعربي والهندي يعني في توازن
وبعدين الاسعار في المجمعات والمولات نفس الاسعار ما في فرق يذكر بين الدوحه ودبي

[sweet qatar]

وبعدين الاسعار في المجمعات والمولات نفس الاسعار ما في فرق يذكر بين الدوحه ودبي


اسمح لي اخوي اخالفك الرأي وبقووووة..
سوق دبي سوق مفتوح.. رينج واسع للأسعار..

يكفي ان كل الماركات المعروفة والي محد يعرفها موجودة،
والبضاعة تنزل في نفس الوقت الي تنزل فيه في اوروبا..

مب سوقنا الي ما فيه شي عدل.. حتى شانيل ما عندنا.. :anger1:

[التأمل]

اسمح لي اخوي اخالفك الرأي وبقووووة..
سوق دبي سوق مفتوح.. رينج واسع للأسعار..

يكفي ان كل الماركات المعروفة والي محد يعرفها موجودة،
والبضاعة تنزل في نفس الوقت الي تنزل فيه في اوروبا..

مب سوقنا الي ما فيه شي عدل.. حتى شانيل ما عندنا.. :anger1:

هلا وغلا
اخوي انا قلت في المجمعات والمولات يعني للتسوق والاستخدام الشخصي
الاسعار في المحلات نفس السعر واذا في فرق بيكون بسيط جدا
لاني كنت شاري اغراض من الدوحه قبل السفر بيوم
ولما رحت دبي حصلت نفس البضاعه ونفس السعر ونفس المحلات
اما تشتري بضاعه للتجارة ممكن يكون سوق دبي اكبر واشمل من سوق الدوحه
وشكرا لك

[fhd123]

المطاعم في دبي أقل مستوى من حيث الطعم

لم أجد فيها مايشفي غليلي

[fhd123]

كذلك ذهبت للقرية العالمية

اعتقدت أنني سأجد مدينة ألعاب متكاملة وحديثة ، وفي الواقع لم أجد سوى ألعاب متهالكة وقديمة

وسعر اللعبة الواحدة يعادل اللعب في مجموعة ألعاب حديثة في دول أخرى

[رداد]

لمحبي التنقل لا تطول في دبي أطلع طريق منطقة اسمها ( حتا ) فيها منتجع اجلس يوم واطلع مع نفق طوله كيلو ونص تقريباً فتحوه من قريب يوديك منطقة اسمها ( كلباء ) بجنب (الفجيرة) منطقة استرخاء لا زحمه لا ازعاج تطل على خليج عمان تشتهر بصيد الاسماك شواطىء رملية نظيفة وتبعد عن الفجيرة كيلوين ( والفجيرة ) فتحو فيها الستي سنتر ومول ثاني ما أذكر اسمه، واطلع على خور فكان واذا تبي منتجعات اطلع من خور فكان الى (خليج العقة) اربعين كيلو من الفجيرة تحصل فيها منتجعات استرخاء بعيداً عن الازعاج والصخب .

[UAE-SOUL]

لمحبي التنقل لا تطول في دبي أطلع طريق منطقة اسمها ( حتا ) فيها منتجع اجلس يوم واطلع مع نفق طوله كيلو ونص تقريباً فتحوه من قريب يوديك منطقة اسمها ( كلباء ) بجنب (الفجيرة) منطقة استرخاء لا زحمه لا ازعاج تطل على خليج عمان تشتهر بصيد الاسماك شواطىء رملية نظيفة وتبعد عن الفجيرة كيلوين ( والفجيرة ) فتحو فيها الستي سنتر ومول ثاني ما أذكر اسمه، واطلع على خور فكان واذا تبي منتجعات اطلع من خور فكان الى (خليج العقة) اربعين كيلو من الفجيرة تحصل فيها منتجعات استرخاء بعيداً عن الازعاج والصخب .

ومسافي بعد

[UAE-SOUL]

صج دبي غير // كل سنة اروح دبي مع العائلة
واتنقل من مدينة إلى مدينة ،،،،

ولا أمل ولما أرجع إلى أرض الوطن أحن للعودة لدبي

بلاد الحي

+1 نفس الشعور

[Q6000]

دبي غير مشكله الأجانب اللي فيها..فيها أشياء زينه وايد.

جوده الخدمات و تنوع البضائع و كل للي تبي تشتري من ملابس و غيره موجووووووووووووووود

عكس قطر...عندك فلوس بس ماتقدر تشتري و أذا تبي شيء تروح المحل يقولك مافي خلص. و الا يقولك ان القطعه المعروضه (غالبا تبين شوي مستهلكه من كثر مايمسكونها الناس) هي أخر حبه و مايقدر يجيب لك واحده جديدة بغلافها. و اذا في بضاعه الناس أنصبوا من كل حدب ينسلون و بعدين يضطر - و لغفله الناس و اصرارهم على البضاعه الفلانيه و كأن مالها بديل - التاجر و خاصه اللي مايتقي ربه يرفعلك السعر أضعاف. و الى أخره من المشاكل.

أعطيك مثال صار من أسبوع معاي...مستحيل يصير في دبي:

رحت السينما ال.vip التذكرة 100 ريال و الموظفه تقولي أن ظهر الكرسي في مايتحرك خربانين كلهم (طبعا هذا زين ان قالت لي قبل يعني في تطور شوي)

أنا اخر سياره جديده و بفضل من الله شاريها من دبي...ليش؟!! لأن هني مافي منها..الوكاله ماتجيب!!! و قس على ذلك.
زائد عندهم أنشطه كثير لكل الهوايات.

[$ طلال $]

http://www.safrah.com/showthread.php?t=326

ملف عن دبي